معروف بھارتی اداکارہ اور ماضی کے لیجنڈری اداکار شطرو گھن سنہا کی بیٹی سوناکشی سنہا نے ذہنی سکون اور خود کو فالتو تنقید سے محفوظ رکھنے کی خاطر ٹوئٹر سےدوری اختیار کرلی ہے۔
باغی ٹی وی : گزشتہ روز ٹوئٹر سے دوری اختیار کرنے والی بالی وڈ اداکارہ سوناکشی سنہا نے ٹوئٹر سے اپنی علیحدگی کا اعلان کرتے ہوئے انسٹاگرام پر اپنے آخری ٹویٹ کا سکرین شاٹ شئیر کیا-
https://www.instagram.com/p/CBp5HA5AcpP/
سوناکشی سنہا نے اپنے آخری ٹویٹ میں لکھا کہ ذہنی سکون اور خود کو فالتو کی تنقید سے محفوظ رکھنے کے لیے سب سے پہلا قدم منفی سوچ اور منفی چیزوں سے دور رہنا ہے اور آج کل ٹوئٹر پر کچھ زیادہ ہی منفی چیزیں ہو رہی ہیں۔
اداکارہ نے لکھا کہ چلو ! اب میں امن اور سکون کے لیے ٹویٹر سے دوری اختیار کر رہی ہوں۔
سوناکشی سنہا نے اپنی انسٹا گرام پوسٹ کے کیپشن میں ٹویٹر کو الوداع کہتے ہوئے لکھا کہ آگ لگے بستی میں، میں اپنی مستی میں۔
https://www.instagram.com/p/CBr9BqxA5Wm/
اداکارہ نے اپنی ایک دوسری انسٹا گرام میں فادر ڈے کے موقع کی مناسبت سے اپنے والد شطرو گھن سنہا کے ساتھ لی گئیں تصاویر کا کولاج شئیر کرتے ہوئے اپنے والد کو خراج تحسین پیش کیا-
واضح رہے کہ سوناکشی سنہا اکثر و بیشتر اپنے متنازع بیانات کی وجہ سے اکثر سوشل میڈیا پر تنقید کا نشانہ بنتی ہیں اور یہی وجہ ہے کہ اداکارہ نے ٹوئٹر سے دوری اختیار کرلی ہے۔
اداکارہ نے اپنے فلمی کیرئیر کا آغاز 2010 میں سلمان کی فلم دبنگ 1 سے کیا تھا اُن کی مشہور فلموں میں دبنگ، جوکر، لُٹیرا، باس، ونس اپون آ ٹائم ان ممبئی، راؤڈی راتھوڑ و دیگر فلمیں شامل ہیں۔
بھارتی اداکار سوشانت سنگھ راجپوت کی خودکشی سے بالی وڈ میں اقربا پروری کی نئی بحث کا آغاز کر دیا ہے-
باغی ٹی وی : بھارتی اداکار سوشانت سنگھ راجپوت کی خودکشی سے بالی وڈ میں اقربا پروری کی نئی بحث کا آغاز کر دیا ہے- ہر کوئی بالی وڈ میں خود کے ساتھ کی گئی زیادتیوں کو سامنے لا رہا ہے حال ہی میں بالی وڈ اداکار 44 سالہ ابھے دیول نے اپنے ایک سوشل میڈیا پیغام میں انکشاف کیا کہ وہ بھی بالی ووڈ میں اقرباپروری کا شکار ہوچکے ہیں۔
https://www.instagram.com/p/CBnOqrHJzZk/
انہوں نے انسٹا گرام پرزندگی نہ ملے گی دوبارہ‘ کی تصویرشئیر کی اورپوسٹ میں لکھا کہ 2011 میں ریلیز ہونے والی بالی وڈ کی مقبول ترین فلم ’زندگی نہ ملے گی دوبارہ‘ پر ایوارڈ کیٹیگری درست نامزد نہ کرنے کا الزام عائد کیا ہے۔
انہوں نے ایوارڈ کے دہرے معیار پر تنقید کرتے ہوئے کہا کہ فلم کی کہانی دوستوں کے اسپین ٹوور پر مبنی تھی جبکہ اسے ایک رومانوی کہانی بنا کر ہریتھیک روشن اور ان کے ساتھ معاون کا کردار ادا کرنے والی کترینہ کیف کو بہترین اداکار اور اداکارہ کےلئے نامزد کیا گیا۔
انہوں نے لکھا کہ ہریتھیک روشن کے ہمراہ لیڈنگ رول ادا کرنے والے مجھے اور فرحان اختر کو فلم فیئر ایوارڈز کی جانب سے ہمیں "معاون اداکار” کے طور پر نامزد کیا۔
اداکار نے لکھا کہ انہوں نے اُس وقت بھی ایوارڈ کی نامزدگیوں کے خلاف بائیکاٹ کیا لیکن فرحان اختر خاموش رہے ۔
ابھے نے لکھا کہ بالی ووڈ میں بہت سے ڈھکے چھپے اور واضح راستے ہیں جن کے تحت انڈسٹری کے لوگ آپ کے خلاف لابی بنا لیتے ہیں اور آپ کی صلاحیتوں کو پس پشت ڈال کر دوسرے سفارشی لوگوں کو سامنے لے آتے ہیں۔
واضح رہے کہ بالی ووڈ اداکار سوشانت سنگھ راجپوت کی خودکشی کے بعد سے سوشل میڈیا میں بھارتی شوبز انڈسٹری میں اقربا پروری کے حوالے سے ایک نئی بحث چھڑ گئی ہے-
یاد رہے کہ اس سے قبل اداکار ویویک ابرائے اور اداکارہ کنگنا رناوت نے بھی سوشنات سنگھ کی موت کی ذمہ دار بالی وڈ انڈسٹری کو قرار دیتے ہوئے بالی وڈ میں اقربا پروری کی حقیقت کو بے نقاب کیا تھا-
پاکستان شوبز انڈسٹری کے معروف اداکار حمزہ علی عباسی نے اپنے مداحوں سے معافی مانگتے ہوئے سوشل میڈیا پر اپنا پیغام جاری کیا ہے۔
باغی ٹی وی : پاکستان شوبز انڈسٹری کے معروف اداکار حمزہ علی عباسی نے اپنے مداحوں سے معافی مانگتے ہوئے سوشل میڈیا پر اپنا پیغام جاری کیا ہے۔ سوشل میڈیا ویب سائٹ ٹوئٹراپنے ٹویٹ میں حمزہ علی عباسی نے لکھا کہ میں اپنے پیغام کے لیے اس پلیٹ فارم کا استعمال اس لیے کر رہا ہوں تاکہ میرے آواز ہر ایک تک پہنچے۔
Been wanting to do this for a while so here goes: I want to use this platform whr my voice reaches many to apologise to anyone & everyone who i have ever hurt by my words or actions in my past. Please i beg u to forgive me…. I AM SORRY….Please… FORGIVE ME❤️
حمزہ علی عباسی نے لکھا کہ میں سوشل میڈیا پلیٹ فارم کو استعمال کرنا چاہتا ہوں جہاں میری آواز بہت سے لوگوں تک پہنچ جاتی ہے
اداکار نے کہا کہ میں ہر اُس شخص سے معافی مانگنا چاہتا ہوں جس کو میں نے ماضی میں اپنے فعال یا الفاظ سے تکلیف دی ہوں۔
اداکار نے لکھا کہ میں آپ سے درخواست کرتا ہوں کہ مجھے معاف کردیں مجھے بہت افسوس ہے کہ میری وجہ سے کسی کی دل آزاری ہوئی۔
واضح رہے کہ اس سے قبل حمزہ علی عباسی نے اپنے ایک ٹویٹ میں پیغام جاری کرتے ہوئے لکھا تھا کہ دوسروں کے ساتھ، اپنے خاندان والوں کے ساتھ، کمزور اور غریبوں کے ساتھ نرمی کا برتاؤ کریں۔
کورونا وائرس کو شکست دینے والے پاکستان شوبز انڈسٹری کے معروف اداکار و پروڈیوسر یاسر نواز نے اپنا پلازمہ عطیہ کردیا ہے۔
باغی ٹی وی : سوشل میڈیا وب سائٹ انسٹاگرام پر یاسر نے ایک ویڈیو شئیر کی جس میں یاسر نواز اسپتال میں موجود اپنا پلازمہ عطیہ کر تے نظر آرہے ہیں۔
ویڈیو میں یاسر نواز نے کہا کہ ’سب کو ہی معلوم ہے کہ میرا کورونا ٹیسٹ مثبت آیا تھا جس کے بعد میں نے خود قرنطینہ کردیا تھا اور احتیاطی تدابیر کی تھیں اور اب جب میں نے کورونا وائرس کو شکست دے دی ہے تو میں اپنا پلازمہ عطیہ کررہا ہوں۔‘
https://www.instagram.com/p/CBp5pFwg6dk/
یاسر نواز نے کہا کہ اس مشکل گھڑی میں پلازمہ عطیہ کرنا ثواب کا کام ہے لہذا کورونا سے صحتیاب ہونے والے جو بھی لوگ مجھے اس وقت دیکھ رہے ہیں میں اُن سے بھی درخواست کرتا ہوں کہ اپنا پلازمہ عطیہ کریں۔‘
اداکار نے کہا کہ پلازمہ عطیہ کرتے وقت معمولی سی تکلیف برداشت کرنی ہوتی ہے اس کے بعد سب ٹھیک ہوجاتا ہے۔
اُنہوں نے اہم معلومات سے آگاہ کرتے ہوئے کہا کہ کورونا سے صحتیاب ہونے والا شخص صرف 45 دن کے اندر اندر ہی اپنا پلازمہ عطیہ کر سکتا ہے کیونکہ اس کے بعد وہ پلازمہ نہ تو اس کے کام آئے گا اور نہ ہی کسی دوسرے مریض کے کام آئے گا۔
ویڈیو شئیر کرتے ہوئے کیپشن میں یاسر نے لکھا کہ پلازمہ عطیہ کریں اور زندگیاں بچائیں۔
ماہرہ خان کا شمارپاکستان انڈسٹری کی صف اول کی اداکاراؤں میں ہوتا ہے انہیں پاکستان کی سپر اسٹار سمجھا جاتا ہے انہوں نے متعدد فلموں اور ڈرامہ سیریلز میں کام کیا جس کے لئے انہیں متعدد ایوارڈز بھی مل چکے ہیں۔
باغی ٹی وی : شوبز انڈسٹری میں حسد بہت عام ہے اور اکثر یہ سنا جاتا ہے کہ بہت سی اداکارائیں ماہرہ سے حسد کرتی ہیں اور وہ ان کے ساتھ کام کرنے سے انکار کردیتی ہیں۔ نیز ، ماہرہ دوسری عورتوں کو بغیر کسی ارادے کے انتہائی غیر محفوظ کرتی ہیں۔ اداکاراؤں کو ان کے بارے میں شکایت ہے اور یہاں تک کہ نامزدگیوں کے دوران بھی ، انہوں نے یہ کہا ہے کہ اگر ماہرہ کو نامزد کیا گیا ہے توان کے آنے کا کیا فائدہ ہے کیونکہ وہ جیت جائیں گی۔
ایک حالیہ انٹرویو میں ، ماہرہ خان سے پوچھا گیا کہ وہ یہ سب کیسے سنبھالتی ہیں؟
ماہرہ خان نے کہا کہ “مجھے اس پر یقین نہیں ہے۔ میرے خیال میں ہر ایک کے پاس میرے بارے میں یہ احساس ہوتا ہے کہ ہم ماہرہ کے بارے میں کچھ بھی کہتے ہیں اور وہ جواب نہیں دیں گی۔ کبھی کبھی مجھے لگتا ہے کہ یہ اچھی بات ہے لیکن کبھی کبھی میں واقعتا ًجواب دینا چاہتی ہوں اور اس کی وجہ سے ہر شخص یہ مانتا ہے کہ میرے بارے میں باتیں کرنا ٹھیک ہے چاہے وہ مجھے ایوارڈ ملنے کے بارے میں ہو ،یا میری اداکاری وغیرہ کے بارے میں ۔
انہوں نے مزید کہا کہ "میں نے کسی کے لئے بھی ایسا ایکشن نہیں لیا کسی کی ذاتی صلاحیت میں بھی میں یہ نہیں کرتی ہوں ، میں نجی معاملوں میں بھی ایسا نہیں کرتی ، کبھی کبھی میں سوچتی ہوں کہ اگر میں ایک دن ، کسی کے بھی بارے میں ہر سچ بولوں تو سب کچھ اچھا نہیں ہوگا ، ”
ماہرہ خان نے ان ساری چیزوں کو مسترد کرتے ہوئے کہا ، “یہ سب کچھ بنی بنائی چیزیں ہیں۔ آپ مجھے اداکاری کے لئے ایوارڈ ملنا پسند نہیں کرتے جو ووٹنگ کا ایوارڈ ہے جہاں لوگ ووٹ دیتے ہیں۔ میں بہت خوش رہتی ہوں اور میں ہمیشہ خود کو سب کے سامنے خوش ہی محسوس کرواتی ہوں لیکن اس کا اثر مجھ پر پڑتا ہے۔
ماہرہ خان نے مزید کہا کہ میری کامیابیوں کے پیچھے میرے مداحوں کا بہت بڑا ہاتھ ہے میرے مداح میرے لئے ریڑھ کی ہڈی کی طرح ہیں “لیکن اس کے باوجود میں نے اپنے مداحوں کا شکریہ ادا کرنے کے لئے اپنا ایوارڈ کسی تصویر میں شائع نہیں کیا۔ میں نے اپنے مداحوں کا کبھی شکریہ ادا نہیں کیا جو میں نے ابھی چھپا رکھا تھا ، میں پیچھے ہٹ گئی۔ مجھے پاکستان سے باہر کچھ ایوارڈز کے لئے جانا پڑا اور میں نے کہا کہ معذرت کے ساتھ میں نہیں آسکتی ۔ کچھ مہینوں کے بعد مجھے احساس ہوا کہ میں کیا کر رہی ہوں؟ یہ مضحکہ خیز بات ہے-
آخر میں ماہرہ خان نے کہا کہ یہ ساری تنقید میرے پس منظرکا شور ہے مجھے یقین ہے کہ مجھے ایک بڑا شخص بننا ہے۔ میں ماضی چند غلطیاں کر چُکی ہوں اور آگے بھی کر سکتی ہوں یہ زندگی کا حصہ ہے-
پاکستان شوبز انڈسٹری کی معروف اداکارہ منشا پاشا کا کہنا ہے کہ وہ نامور سماجی کارکن جبران ناصر کو اُن کی زندگی میں شامل کرنے پر اللہ تعالیٰ کی شُکر گُزار ہیں-
باغی ٹی وی : انسٹاگرام پر معروف اداکارہ منشا پاشا نے اپنی اور سماجی کارکن جبران ناصر کی منگنی کی ایک یادگار تصویر پوسٹ کی اور اُس کے ساتھ ہی اداکارہ نے اپنے منگیتر کے لیے ایک محبت بھرا پیغام بھی لکھا۔
https://www.instagram.com/p/CBpeAull9L-/
انسٹا گرام پر تصویر شئیر کرتے ہوئے منشا پاشا نے لکھا کہ یہ سچ ہے کہ میرا کوئی دن ایسا نہیں گزرتا ہے کہ جب میں جبران کا ساتھ پانے پر اللہ تعالیٰ کا شکر ادا نہ کروں۔
اداکارہ نے لکھا کہ میں اللہ تعالیٰ کی شُکر گُزار ہوں کہ انہوں نے مجھے جبران کا ساتھ دیا-
منشا پاشا نے لکھا کہ میں اللہ کا شکر ادا کرتی ہوں کہ اس نے مجھے میرے سب سے بہترین دوست، ڈانس پارٹنر ،میرے کانفیڈنٹ اور میرے راز دار،میرے ہمزاد کے ساتھ ملایا۔
اداکارہ کی اس پوسٹ پر صارفین نے جوڑی کے لئے نیک خواہشات کا اظہار کیا-
واضح رہے کہ منشا پاشا نے گزشتہ سال 22 دسمبر کو پاکستان کے مشہور سماجی کارکن جبران ناصر سے منگنی کی تھی منگنی کی تقریب کراچی کے ایک مقامی ہوٹل میں منعقد کی گئی تھی جس میں شوبز فنکاروں سمیت دونوں کے قریبی رشتہ داروں نے شرکت کی تھی۔
خود کشی کر کے موت کو گلے لگانے والے 34 سالہ بالی وڈ اداکار سوشانت سنگھ کی زندگی پر بھارتی فلمساز فلم بنائیں گے-
باغی ٹی وی : 34 سالہ بالی وڈ اداکار سوشانت سنگھ راجپوت نے 14 جون کی دوپہر 12 بجے کے قریب بھارتی شہر ممبئی کے علاقہ باندرا میں اپنی رہائش گاہ پر خودکشی کرلی تھی۔
سوشانت سنگھ راجپوت کی اچانک خودکشی کے بعد جہاں بھارت کی سیاسی، سماجی اور شخصیات صدمے میں ہیں، وہیں عوام میں بھی ان کی خودکشی کے حوالے سے غم و غصہ ہے اور کئی لوگ دعوی کر رہے ہیں کہ انہیں خودکشی کرنے پر مجبور کیا گیا-جبکہ اداکار کے دو مداحوں نے صدمے میں خود کشی کر کے موت کو گلے لگا لیا-
اگرچہ اب تک رپورٹس کے مطابق سوشانت سنگھ راجپوت نے خودکشی کی، تاہم پولیس نے ان کے ممکنہ قتل کی تفتیش بھی شروع کر رکھی ہے اور ابتدائی طور پر ممبئی پولیس یہ جاننے کی کوشش کر رہی ہے کہ ایسی کیا وجوہات تھیں جن کی وجہ سے اداکار نے خودکشی کی۔
پولیس نے 19 جون تک کم از کم ایک درجن افراد کے بیانات بھی ریکارڈ کرلئے تھے اور بیانات ریکارڈ کروانے والے افراد میں اداکار کے اہل خانہ بھی شامل ہیں جبکہ کچھ اداکاروں اور فلمسازوں کے بیانات بھی ریکارڈ کئے جائیں گے-18 جون کو سوشانت سنگھ کی گرل فرینڈ اداکار ریا چکربورتی نے بھی اپنا بیان ریکارڈ کروایا تھا۔
پولیس کو بیان ریکارڈ کروانے کے دوران اداکار کے حالیہ منیجر نے بتایا تھا کہ اداکار مالی مشکلات کا بھی شکار تھے اور انہوں نے اپنے باورچیوں اور دھوبی کو خودکشی سے تین دن قبل ہی تنخواہیں ادا کی تھیں جبکہ اس بارے میں سوشانت اہل خانہ کا کہنا تھا کہ انہیں ایسی کوئی اطلاع نہیں تھی۔
سوشانت سنگھ راجپوت کی اچانک خودکشی پر ایڈووکیٹ سدھیر کمار اوجھا نامی شخص نے ریاست بہار کے شہر مظفر پور کی عدالت میں سوشانت سنگھ کی خودکشی کو قتل قرار دیکر سلمان خان اور کرن جوہر سمیت 8 بالی وڈ شخصیات کے خلاف مقدمہ دائر کیا تھا۔
سدھیر کمار کا دعوی کیا تھا کہ معروف بالی وڈ شخصیات نے ایسے حالات پیدا کیے کہ سوشانت سنگھ راجپوت خودکشی جیسا قدم اٹھانے پر مجبور ہوئے۔
اور ایسی ہی بہت ساری افواہیں پھیلنے کے بعد اب بھارتی فلم سازوں نے اس واقعے پر” خودکشی یا قتل؟ ایک ستارہ کھو گیا” کے عنوان سے فلم بھی بنانے کا اعلان کردیا ہے اور فلم کی شوٹنگ کا جلد ہی آغآز کیا جائے گا فلم وجے شیکھر گپتا کے ذریعہ بینکرول ہوگی اور اسے شامک ملک کی مدد سے بنائیں گے۔
https://www.instagram.com/p/CBky6hTBjHB/
مووی کے بارے میں بات کرتے ہوئے ، گپتا نے indianexpress.com کو بتایا کہ ، "سوشانت سنگھ راجپوت کی خودکشی سے موت ہم سب کے لئے صدمے کا باعث بنی ، لیکن یہ کوئی نئی بات نہیں ہے۔ بہت سارے اداکار جو یہاں انڈسٹری میں اپنے خوابوں کی تعبیر کے لئے آتے ہیں انہیں کام نہیں ملتا ہے۔ بہت سے لوگ یہ راستہ اختیار کرتے ہیں ، اور کچھ ساری زندگی جدوجہد کرتے رہتے ہیں۔ لہذا ، ہم ایک قصہ سنانا چاہتے تھے کہ چھوٹے شہروں کے اداکار جن کے پاس با لی وڈ جدوجہد میں گاڈفادر نہیں ہیں۔ ”
انہوں نے کہا کہ ہم اسکرپٹ لکھ رہے ہیں فلم سوشانت سنگھ راجپوت کی سوانح عمری نہیں ہوگی بلکہ ا یہ اسٹار کی زندگی کی مکمل تحقیق ، جدوجہد اور ان کی جانب سے خودکشی کرنے کے معاملے پر بنائی جائے گی۔
انہوں نے کہا کہ نوجوان اداکار کی خودکشی نے پوری قوم کو جنجھوڑ دیا ہے اور قوم حقائق جاننا چاہتی ہے اور ساتھ ہی فلم انڈسٹری میں آنے کے خواہاں نوجوان اور نئے چہرے شوبز انڈسٹری کا مکروہ چہر بھی دیکھنا چاہتے ہیں۔
https://www.instagram.com/p/CBlXEcKFRw-/
وجے شیکھر گپتا نے کہا کہ اس فلم کی تمام کاسٹ نئی ہوگی کوئی فلم اسٹار اس فلم کا حصہ نہیں ہوگا تمام چہرے نئے ہوں گے تاہم سوشانت سنگھ کا کردار کون کرے گا یہ بات فی الوقت سامنے نہیں آئی-
https://www.instagram.com/p/CBpgrzYhXpp/
وجے شیکھر گپتا نے یہ بھی اعلان کیا کہ وہ آج شام چھ بجے انسٹا گرام پر لائیو چیٹ کریں گےجس میں وہ سوشانت پر بنائی جانے والی فلم کے حوالے سے سوشانت کے مداحوں کے سوالوں کے جواب دیں گے-
واضح رہے کہ سوشانت سنگھ نے 34 سال کی عمر میں 14 جون اتوار کو دوپہر 12 بجے کے قریب ممبئی کے علاقہ باندرا میں اپنی رہائش گاہ پر خود کُشی کر کے موت کو گلے لگا لیا تھا-
خیال رہے کہ سوشانت سنگھ راجپوت نے کیریئر کا آغاز 2008 میں ٹی وی سے کیا تھا جبکہ انہوں نے فلمی کیریئر کا آغاز 2013 میں کیا تھا، انہوں نے اب تک محض ایک درجن فلموں میں ہی کام کیا تھا۔
سوشانت سنگھ راجپوت کی فلموں میں کائی پو چے، شدھ دیسی رومانس، پی کے، ڈیٹیکٹو بایو مکیش بخشی، ایم ایس دھونی: دی یونائیٹڈ اسٹوری، رابطہ، ویلکم ٹو نیویارک، کیدرناتھ، سون چڑیا، چھچھورے اور ڈرائیو شامل ہیں۔
سوشانت سنگھ راجپوت کو ان کے 12 سالہ کیریئر کے دوران 20 کے قریب ایوارڈز کے لیے نامزد کیا گیا اور انہوں نے 9 ایوارڈز جیتے، انہوں نے بہترین ڈیبیو اداکار، بہترین پاپولر اداکار اور بہترین اداکار کے فلم فیئر، اسکرین ایوارڈ اور زی سائن ایوارڈز اہنے نام کئے-
پاکستانے فنکاروں سمیت بالی وڈ اداکارہ پریانکا چوپڑا اور وزیراعظم عمران خان کی پہلی اہلیہ جمائمہ نے پاکستانی نوبل انعام یافتہ ملالہ یوسف زئی کو آکسفورڈ یونیورسٹی میں ڈگری کی تکمیل پر مبارکباد دی ہے۔
باغی ٹی وی : بالی وڈ اداکارہ پریانکا چوپڑا نے پاکستانی نوبل انعام یافتہ ملالہ یوسف زئی کو آکسفورڈ یونیورسٹی میں ڈگری کی تکمیل پر مبارکباد دی ہے ملالہ یوسف زئی نے فوٹو اینڈ ویڈیو شئیرنگ ایپ انسٹاگرام اور مائیکرو بلاگنگ ویب سائٹ ٹویٹر پر اپنی تصاویر شیئر کیں جن میں وہ اپنے خاندان کے ساتھ اس کامیابی کو سیلیبریٹ کر رہیں ہیں-
https://www.instagram.com/p/CBmIrUCj9do/?igshid=1qp427m93nv67
تصاویر شئیر کرتے ہوئے ملالہ نے لکھا کہ اپنی خوشی اور تشکر کا اظہار کرنا میرے لیے بہت مشکل ہورہا ہے کیونکہ میں نے فلسفہ، سیاسیات اور معاشیات میں آکسفورڈ یونیورسٹی میں اپنا ڈگری پروگرام مکمل کرلیا ہے۔
ملالہ نے کہا کہ مجھےمعلوم نہیں کہ آئندہ کیا ہوگا، اب تو بس نیٹ فلیکس ہوگا اور پھر خوب سوؤں گی۔
اس پوسٹ پر جہاں پاکستانی فنکاروں و دیگر معروف شخصیات نے ملالہ کو اس کامیابی پر مبارکیں دیں وہیں بالی وڈ سپراسٹار اور امریکی گلوکار نک جوناس کی اہلیہ پریانکا چوپڑا اور جمائمہ نے بھی ملالہ کو مبارکبادی
پریانکا چوپڑا نے مبارکباد دیتے ہوئے لکھا کہ’مبارک ہو ملالہ یہ بہت حیرت انگیز ہے۔
دوسری جانب ملالہ نے ٹویٹر پر بھی تصاویر شئیر کیں –
Hard to express my joy and gratitude right now as I completed my Philosophy, Politics and Economics degree at Oxford. I don’t know what’s ahead. For now, it will be Netflix, reading and sleep. 😴 pic.twitter.com/AUxN55cUAf
پاکستانی نژاد لندن کے مئیر صادق خان نے بھی ملالہ کو مبارکباد پیش کی-
Congratulations Malala. You continue to inspire and empower the next generation of young women and girls to know that there is no limits to their aspirations.
معروف ٹی وی میزبان و اداکارہ ندا یاسر، ان کے شوہر اداکار یاسر نواز اور ان کی بیٹی صلہ میں گزشتہ ماہ 25 مئی کو کورونا کی تشخیص ہوئی تھی، جس کے بعد انہوں نے خود کو گھر میں قرنطینہ کرلیا تھا۔
باغی ٹی وی :میزبان و اداکارہ ندا یاسر، ان کے شوہر اداکار یاسر نواز اور ان کی بیٹی صلہ میں گزشتہ ماہ 25 مئی کو کورونا کی تشخیص ہوئی تھی، جس کے بعد انہوں نے خود کو گھر میں قرنطینہ کرلیا تھا۔ قرنطینہ کے دوران خبریں وائرل ہوئیں کہ ندا یاسر کی طبیعت انتہائی خراب ہوگئی ہے اور انہیں انتہائی آئی سی یو میں داخل کرایا گیا ہے۔
تاہم ایسی خبریں وائرل ہونے کے بعد اداکارہ نے اپنی انسٹاگرام پوسٹ میں ان خبروں کی تردید کرتے ہوئے وضاحت کی تھی کہ ان کی طبیعت خراب نہیں ہوئی اور نہ ہی وہ ہسپتال منتقل ہوئی ہیں۔
ندا یاسر کے دوسرے ٹیسٹ میں 15 جون کو ان کا ٹیسٹ منفی آیا اور انہوں نے اسی دن ہی ٹی وی پر اپنا مارننگ شو شروع کردیا اور اپنے مارننگ شو میں تفصیلی طور پر بتایا کہ انہیں کس طرح کورونا لگا اور اس وقت ان کی حالت کیا تھی۔
اداکارہ نے پروگرام کے آغاز میں ہی بتایا کہ سب سے پہلے ان کے شوہر یاسر نواز بیمار پڑے اور انہیں شدید بخار ہوا تو انہوں نے ڈاکٹر سے رجوع کیا مگر ڈاکٹر نے بھی ابتدائی طور پر بتایا کہ یاسر نواز کو سخت گرمی کی وجہ سے بخار ہوا ہوگا-
ندا یاسر نے بتایا کہ جس دن ان کے شوہر کو بخار ہوا تھا، اس دن وہ اداکار نوید رضا اور علیزے شاہ سمیت دیگر اداکاروں کے ساتھ شوٹنگ کے لیے کوئی سائٹ دیکھنے گئے تھے۔
ندا نے بتایا کہ سائٹ دیکھ کر آنے کے بعد یاسر نواز کو شدید بخار ہوا اور وہ ڈاکٹر کے پاس گئے مگر انہوں نے کہا کہ انہیں گرمی کی وجہ سے بخار ہوا ہوگا۔انہوں نے بتایا کہ اُن کی بیٹی صلہ کو بھی بخار ہونا شروع ہو گیا تھا-
میزبان نے بتایا کہ سائٹ دیکھ کر آنے کے تین دن بعد نوید رضا نے فون کرکے بتایا کہ انہیں بھی بخار ہوا تھا اور انہوں نے ٹیسٹ کروایا تو ان میں کورونا کی تشخیص ہوئی ہے۔
ندا نے بتایا کہ کورونا کا سن کر یاسر نواز بہت پریشان ہوگئے اور پھر وہ تمام اہل خانہ سمیت ٹیسٹ کروانے چلے گئے اور بعد ازاں ٹیسٹ میں صرف میاں بیوی اور ایک بیٹی میں کورونا کی تشخیص ہوئی۔
انہوں نے بتایا کہ جس دن ان کا ٹیسٹ کا نتیجہ آیا، اس دن بھی انہوں نے اپنا مارننگ شو کیا اور جب انہیں یاسر نے بتایا کہ ان میں بھی کورونا کی تشخیص ہوئی ہے تو انہیں یقین ہی نہیں آیا، کیوں کہ ان میں ایسی کوئی علامات نہیں تھیں جبکہ ان کے شوہر میں کافی شدید علامات تھیں بیٹی میں معمولی علامات تھیں
اداکارہ کے مطابق کورونا کی تشخیص کے بعد یاسر نواز پریشان ہوگئے اور کہتے رہے کہ اگر ہمیں کچھ ہوگیا تو ہمارے بچوں کا کیا ہوگا اور ان کی ایسی باتوں سے مجھے بھی ذہنی پریشانی ہونے لگی-
ندا یاسر قرنطینہ کے دنوں کا احوال بتاتے ہوئے جذباتی ہوگئیں اور وہ اپنے 5 سالہ بیٹے سے دور رہنے کا ذکر کرتے ہوئے آبدیدہ ہوگئیں۔انہوں نے کہا کہ ان پریشانیوں سے بچنے کے لئے ہی کہتے ہیں کہ غیر ضروری باہر نہ جائیں گھر میں رہیں-
اداکارہ و میزبا نے بتایا کہ انہوں نے خود کو 14 دن تک گھر کے اوپر والے حصے میں قرنطینہ کردیا تھا جب کہ کورونا نیگیٹیو والوں کو گھر کے نچلے حصے مین رکھا گیا ان کا چھوٹا 5 سالہ بیٹا جو ان کے ساتھ سوتا تھا اور جب وہ کسی وجہ سے روتا تھا تو وہ چاہتے ہوئے بھی اپنے بچے کو گلے نہیں لگا سکتی تھیں اور ان سے ملنے کے لیے روتی تھیں-
ندا نے کہا کہ آپ پوری دنیا سے دور رہ سکتے ہیں لیکن پنی اولاد سے جن کو آپ کی ضرورت ہوتی ہے جن کو ماں کا لمس چاہیئے ہوتا ہے ان سے دور رہنا دنیا کا سب سے مشکل کام ہوتا ہے جیسے کہ میرے ساتھ ہوا میں اپنے بچے کو کسی بھی صورت میں ہاتھ نہیں لگا سکتی تھی-
ندا نے کہا یہ بہت مشکل وقت تھا لیکن اللہ کا شکر ہے گزر گیا- انہوں نے کہا کہ لوگوں نے دعائیں دیں لیکن کچھ نے بددعائیں بھی دیں کسی نے کہا کہ یہ ڈرامہ ہے پیسے لے کر یہ کہہ رہے ہیں ہاں شو میں آتے تھے کام کرنے آتے تھے اچھا ہوا تو کسی نے کچھ کہا یہ کہتے ہوئے ندا یاسر آبدیدہ ہو گئیں کہا کہ ان باتوں نے میرا بہت دل دکھایا- ساتھ ہی انہوں نے بتایا کہ بہت کوگوں نے دعائیں دیں اور ہمارا ساتھ دیا جس پر ہمیں لگا کہ ہم دنیا میں اکیلے نہیں ہیں ہمیں ڈھارس بندھی-اور شاید ان کی دعاؤں کی وجہ سے یہاں کھڑی ہوں-
https://www.instagram.com/p/CBfyLenln1h/
دوسری جانب ندا یاسر نے صحت یابی کے بعد مارننگ شو شروع کرنے کے بعد انسٹاگرام پر اپنے سیٹ کی ایک ویڈیو بھی شیئر کی اور لوگوں کو دکھایا کہ کس طرح شوٹنگ کے دوران سب لوگ ایک دوسرے سے دوری پر ہیں اور کس طرح ان کی ٹیم نے تمام حفاظتی انتظامات کر رکھے ہیں
ویڈیو میں دیکھا جاسکتا ہے کہ ان کے کیمرا مین نہ صرف ایک دوسرے سے دور کھڑے ہیں بلکہ انہوں نے حفاظتی لباس بھی پہن رکھا ہے جب کہ اسٹوڈیو میں ایک شخص کو اینٹی انفیکشن اسپرے بھی کرتے ہوئے دیکھا جا سکتا ہےایک طرف جہاں ندا یاسر نے اپنے اسٹوڈیو میں حفاظتی انتظامات کی ویڈیو شیئر کی اور ان کے کیمرامین نے حفاظتی لباس سمیت ماسک بھی پہن رکھا ہے، وہیں دوسری جانب وہ خود پروگرام میں ماسک کے بغیر دکھائی دیں-
پاکستان میں پاپ گلوکاری کے بانی اور عالمی شہرت یافتہ گلوکارعالمگیر نے موت کی افواہوں کی تردید کرتے ہوئے کہا کہ وہ خیریت سے ہیں-
باغی ٹی وی : گلوکار عالمگیر کے انتقال کر جانے کی افواہیں سوشل میڈیا پر زیر گردش تھیں، گردش کرنے والی افواہوں میں دعوی کیا جا رہا تھا کہ امریکا میں مقیم گلوکار عالمگیر انتقال کرگئے ہیں۔
عالمگیر کی موت کی افواہ کی خبر دیکھتے ہی وائرل ہو گئی اور ان کے مداحوں کو غمزدہ کر دیا تاہم اب گلوکار نے سوشل میڈیا پر ایک پیغام جاری کرتے ہوئے ان تمام افواہوں کی تردید کردی ہے۔
سماجی رابطے کی ویب سائٹ فیس بُک پر عالمگیر نے اپنے پیغام میں لکھا کہ سوشل میڈیا پر میرے بارے میں غلط خبریں پھیلنے کی وجہ سے دنیا بھر سے انہیں فون کالز موصول ہورہی ہیں۔
انہوں نے لکھا ان خبروں پر یقین نہ کریں میں خیریت سے ہوں اور کراچی میں ہوں-
دوسری جانب اداکارہ بشری انصاری کی عالمگیر سے ویڈیو کال پر گفتگو کا کلپ اداکارہ نے اپنے انسٹا گرام اکاؤنٹ پر شئیر کیا جس کے وائرل ہونے کے بعد گلوکار کی موت کی خبریں دم توڑ گئیں-
https://www.instagram.com/p/CBn6XKup26F/
ویڈیو میں دیکھا جاسکتا ہے کہ دونوں فنکار خوش گوار موڈ میں گفتگو کرہے ہیں۔ بشری انصاری کا کہنا تھا کہ عالمگیر تو ہم سب کی جان ہے 100 سال اور زندہ رہے گا۔ بشری انصاری نے ایک سچے فنکار کی محبت کا حق ادا کردیا۔
اداکارہ کا کہنا تھا کہ ہم عالمگیر سے محبت کرتے ہیں اور شکر ہے کہ وہ ٹھیک ہے
واضح رہے کہ عالمگیر نے پاکستان کی سب سے زیادہ سنیما گھروں میں نمائش ہونے والی ندیم اور شبنم کی سپر ہٹ فلم ’آئینہ‘ کے لیے گیت گائے تھے اور پاکستان میں پاپ گلوکاری کے بانی ہیں-
