Category: شوبز

پاکستان شوبز انڈسٹری کی معروف اداکارہ عائزہ خان نے انسٹاگرام پر 6 ملین فالوورز کے ساتھ انسٹاگرام پر ایمن خان اور ماہرہ خان کے بعد تیسری مقبول اداکارہ بن گئیں۔

باغی ٹی وی : جیو انٹر ٹینمنٹ کے مقبول ترین ڈرامہ سیریل ’مہر پوش‘ میں ’مہرو‘ کا کردار ادا کرنے والی اداکارہ عائزہ خان کے سوشل میڈیا ویب سائٹ انسٹاگرام پر 6 ملین یعنی 60 لاکھ فالوورز ہوگئے ہیں۔اس حوالے سے عائزہ خان نے حال ہی میں انسٹاگرام پر ایک پوسٹ شیئر کی جس میں اُنہوں نے اپنی انسٹاگرام پروفائل کا اسکرین شاٹ شیئر کیا۔
https://www.instagram.com/p/CBOESNzh-ME/?igshid=4x5250lfaxky
عائزہ خان نے اپنی پوسٹ شیئر کرتے ہوئے لکھا کہ انسٹاگرام پر 6 ملین فالوورز ہونا میرے لیے ایک خواب تھا۔

اداکارہ نے اپنے مداحوں کا شکریہ ادا کرتے ہوئے لکھا کہ میں آج جس مقام پر ہوں صرف آپ سب کی محبت اور پیار کی وجہ سے ہوں۔

یاد رہے کہ انسٹاگرام پر سب سے زیادہ فالو کی جانے والی پاکستانی اداکاراؤں میں ایمن خان پہلے نمبرپر ہیں، ماہرہ خان دوسرے نمبر پر جبکہ سجل علی چوتھے نمبر پر موجود ہیں۔

پاکستان شوبز انڈسٹری کی معروف اداکارہ اور ماڈل ایمن خان انسٹاگرام پر 6 اعشاریہ 3 ملین یعنی 63 لاکھ فالوورز کے ساتھ پاکستان کی سب سے زیادہ فالو کی جانے والی اداکارہ ہیں-

انسٹاگرام پر سب سے زیادہ فالو کی جانے والے اداکاراؤں میں اداکارہ ماہرہ خان کا دوسرا نمبر ہے جنہیں اس وقت انسٹاگرام پر 6 اعشاریہ 1ملین یعنی 61 لاکھ پرستار فالو کررہے ہیں۔

جبکہ انسٹاگرام پر سب سے زیادہ فالو کی جانے والے اداکاراؤں میں اداکارہسجل علی کا تیسرا نمبر ہے جن کے انسٹاگرام پر 5 اعشاریہ 8 ملین یعنی 58 لاکھ فالوورز ہیں۔

پاکستان کے معروف اداکار علی انصاری اور حال ہی میں لاک ڈاؤن کے دوران اداکار و گلوکار آغا علی کے ساتھ شادی کے بندھن میں بنگھنے والی نامور اداکارہ حنا الطاف جلد ہی جیو کے ڈرامے کاسۂ دل میں ایک ساتھ دکھائی دیں گے-

باغی ٹی وی :اداکار علی انصاری اداکارہ حنا الطاف جلد ہی جیو کے ڈرامے کاسۂ دل میں ایک ساتھ سیونتھ اسکائی اور جیو کے ڈرامے کاسۂ دل میں جلوہ گر ہوں گے-

نئی نسل کے پسندیدہ دونوں اسٹارز ان دنوں شہرت کی بلندیوں کو چھو رہے ہیں اداکار علی انصاری نے پانچ برس کے مختصرعرصے میں ٹیلی ویژن اسکرین پر جو کردار کیا اسے یادگار بنادیا۔ ان کے کامیاب ڈراموں میں خانی، ڈر خدا سے، محبت نہ کریو ، کم ظرف، بابا جانی، سیرت اور دیگر ڈرامے شامل ہیں۔

علی انصاری نے شوبز کی چمکیلی دنیا کی تمام باصلاحیت اداکاراؤں کے ساتھ کا کیا ہے انہیں مدیحہ امام، کنزہ ہاشمی، ثنا جاوید، صبور علی، نمرا خان، حرا مانی، نیلم منیر، سارہ خان، مریم نفیس اور نور خان کے ساتھ بہت پسند کیا گیا اور اب وہ حنا الطاف کے ساتھ نظر آئیں گےاب دیکھنا یہ ہے کہ حنا الطاف کے ساتھ ان کی جوڑی کو مداحوں کی طرف سے کیسا رد عمل ملتا ہے-

ڈرامے کے حوالے سے اداکار علی انصاری نے بتایا کہ میرا نیا ڈرامہ رومانس اور روٹھنے منانے کے ساتھ مزاح سے بھرپور ہوگا۔

اداکار نے کہا کہ اُمید ہے جس طرح مداحوں نے آج تک مجھے اور میرے کام کو سراہا ہے اس ڈرامے کو بھی پسند کریں گے اور لطف اندوز ہوں گے-

مذکورہ ڈرامے کو عبداللہ کادوانی اور اسد قریشی تیار کر رہے ہیں ، جہانزیب قمر نے تحریر کیا ہے اور ذیشان احمد نے ہدایات دی ہیں۔

لاک ڈاؤن کے دوران رشتہ ازدواج میں منسلک ہونے والے فنکار

پاکستان شوبز انڈسٹری کی سینئیر اداکارہ و ہدایتکارہ سکینہ سمو نے سوشل میڈیا ویب سائٹ ٹویٹر سے اپنا اکاؤنٹ ڈیلیٹ کردیا ہے۔

باغی ٹی وی : پاکستان شوبز انڈسٹری کی سینئیر اداکارہ و ہدایتکارہ سکینہ سمو نے سوشل میڈیا ویب سائٹ ٹویٹر سے اپنا اکاؤنٹ ڈیلیٹ کردیا ہے گزشتہ دنوں سے سوشل میڈیا پر سکینہ سمو کے کورونا میں مبتلا ہونے کی خبریں زیر گردش ہیں جن کی سوشل میڈیا پر اداکارہ نے تدرید بھی کی تھی اب اُنہوں نے اپنا ٹویٹر اکاؤنٹ ڈیلیٹ کردیا ہےجس کی وجہ ابھی واضح نہیں ہے کہ اُنہوں نے جھوٹی خبروں سے تنگ آکر اپنا اکاؤنٹ ڈیلیٹ کیا ہے یا پھر اس کی وجہ کچھ اور ہے۔

سکینہ سمو نے اکاؤنٹ ڈیلیٹ کرنے سے قبل اپنے ایک ٹویٹ میں صارفین سے درخواست کی تھی کہ سوشل میڈیا پر کورونا کے حوالے سے کوئی بھی خبر انہیں ٹیگ نہ کریں۔انہوں نے برہمی کا اظہار کرتے ہوئے کہا تھا کہ کیا آپ لوگ مجھ سے متعلق کورونا وائرس کی جھوٹی خبریں مجھے ٹیگ کرنے سے تھکے نہیں ہیں؟

سکینہ سمو کا کہنا تھا کہ وہ ان خبروں سے تھک چکی ہیں۔

اس کے قبل انہوں نے ٹویٹر پر جاری کردہ اپنے پیغام میں سکینہ سمو نے صحافی کا نام لیے بغیر کہا تھا کہ کل سے ایک نام نہاد صحافی مجھے سارا دن فون کالز کرتا رہا کیونکہ وہ مجھ سے میری صحت کے متعلق جاننا چاہتا تھا۔

انہوں نے کہا تھا کہ میں نے اس صحافی کی کال لینے اور اس کو جواب دینے سے انکار کردیا کیونکہ میں اپنی صحت کے حوالے سے کسی سے بھی کوئی بات نہیں کرنا چاہتی ہوں۔

اداکارہ نے بتایا تھا کہ بار بار فون کالز کرنے پر میں نے اُس صحافی کا فون نمبر واٹس ایپ پر بلاک کردیا اور یہ ہوا یعنی جب میں نے اُس صحافی کو جواب دینے سے انکار کردیا تو اُس نے میرے بارے میں یہ جھوٹی خبر سوشل میڈیا پر پھیلا دی کہ انہیں کورونا ہے اور وہ کورونا کے باعث انتقال کرگئیں ہیں-

کورونا وائرس : سکینہ سمو کی اپنی صحت کے حوالے سے خبروں کی تردید

پاکستان کی دو سینئیر اداکارائیں کورونا وائرس کا شکار

پاکستان شوبز انڈسٹری کی معروف اداکارہ وینا ملک کا کہنا ہے کہ زوالفقار علی بھٹو کی اقتدار کی ہوس نے ملک تقسیم کر دیا-

باغی ٹی وی : سماجی رابطے کی ویب سائٹ ٹویٹر پر اداکارہ وینا ملک نے پاکستان پیپلز پارٹی کے لیڈر ذوالفقار علی بھٹو اور بنگلہ دیشی عوامی لیگ کے رہنما شیخ مجیب الرحمن اورر ان کے اقتدار میں ان کو حاصل ہونے والی نشستوں اور عوامی ووٹس کی تعداد کی تصویر شئیر کی جس میں وینا ملک نے پی پی پی کے چئیرمین ذوالفقار علی بھٹو کو کو تنقید کا نشانہ بنایا-وینا کے مطابق ذوالفقار علی بھٹو کی سیاسی محرکات مشرقی پاکستان کی علیحدگی کی وجہ تھیں-

اقتدار کی حوس نے ملک تقسیم کر دیا😡 pic.twitter.com/5DCeGrrdBD

— VEENA MALIK (@iVeenaKhan) June 9, 2020

وینا ملک کی طرف سے شئیر کی گئی تصویر میں ان کے کہنے کا مطلب ہے کہ ماضی میں لیڈرز کی اقتدار حاصل کرنے کی ہوس کی وجہ سے کی گئی سیاستوں کی بدولت مشرقی پاکستان یعنی بنگلہ دیش پاکستان سے الگ ہو گیا تھا-

وینا ملک نے تصویر شئیر کرنے کے ساتھ غصے والا ایموجی شئیر کر کے غصے کا اظہار کرتے ہوئے لکھا کہ اقتدار کی حوس نے ملک تقسیم کر دیا-

واضح رہے کہ وینا ملک نے امریکی خاتون سنتھیا کا پی پی پی کے رہنماؤں کے خلاف لڑائی میں سنتھیا کا ساتھ دینے کا اعلان کیا تھا وینا نے کہا تھا کہ وہ ان کے خلاف ڈٹی رہیں میں آپ کا ساتھ دوں گی-

وینا ملک کی سنتھیا کو تھپکی، "کم چک کے رکھو ہم تمہارے ساتھ ہیں” کی یقین دہانی

بغیر نکاح کے چار ماہ میں بچہ پیدا کرنے والی عورت بڑی ڈرامے باز ہے یا جس کو ریپ کیا گیا؟ وینا ملک کا سوال

پاکستان شوبز انڈسٹری کی معروف اور تمغہ امتیاز اداکارہ مہوش حیات کا کہنا ہے کہ با لی وڈ فلم انڈسٹری اپنے کام سے پاک بھارت تعلقات کو بہتر کر سکتی ہے۔

باغی ٹی وی : پاکستان کی معروف اداکارہ مہوش حیات نے حال ہی میں دئے گئے ایک انٹرویو میں اپنی آنے والی نے نظیر بھٹو کی سونح حیات پر بننے والی فلم اور مختلف موضوعات پر بات چیت کی۔

بےنظیر بھٹو کی سوانح حیات پر بننے والی فلم میں مرکزی کردار ادا کرنے کے حوالے سے مہوش حیات نے کہا کہ میں ابھی اس فلم کے بارے میں زیادہ تفصیل سے بات نہیں کرنا چاہتی کیونکہ یہ فلم ابھی ابتدائی مراحل میں ہے

مہوش حیات کا کہنا تھا کہ مجھے عوامی سطح پر اس فلم کے بارے میں زیادہ کچھ بتانے کی اجازت نہیں ہے لیکن اتنا کہنا چاہوں گی کہ محترمہ بے نظیر بھٹو میرے لیے ایک شیکسپیرین ہیروئن ہیں اور یہی وجہ ہے کہ میں نے اُن کا کردار نبھانے کا انتخاب کیا۔

تمغہ امتیاز اداکارہ نے کہا کہ فلم میں محترمہ بے نظیر کے آکسفورڈ کے دنوں سے لکر اُنہیں شہید کرنے تک اُن کی تمام تر خدمات کو بطور کردار فلم میں ادا کرنا میرے لیے ایک بہت بڑے اعزاز کی بات ہے۔

مہوش حیات نے کہا کہ میں کسی بھی کردار کے انتخاب کرنے سے پہلے اُس کے بارے میں جانتی ہوں کہ اس کردار کی خاصیت کیا ہے اور اس کردار میں عورت کو مضبوط دکھایا گیا ہے یا نہیں، یہ سب جاننے کے بعد ہی میں وہ کردار نبھاتی ہوں ۔

مہوش حیات نے انٹر ویو میں بھارتی فلم انڈسٹری کے حوالے سے بھی بات کی کہا کہ بالی وڈ ایک بہت بڑی اور کامیاب فلم انڈسٹری ہے وہ اپنے کام سے پاک بھارت تعلقات کو بہتر کرسکتی ہے-

پاکستان کی نامور اداکارہ صباقمر نے اپنے یوٹیوب چینل پر ’چسکا نیوز ود صبا قمر اینڈ شاہ ویر جعفری‘ کے عنوان سے تیسری قسط نشر کردی۔

باغی ٹی وی : پاکستان کی نامور اداکارہ صباقمر نے اپنے یوٹیوب چینل پر ’چسکا نیوز ود صبا قمر اینڈ شاہ ویر جعفری‘ کے عنوان سے تیسری قسط نشر کردی اس قسط میں صبا قمر نے جہاں دیگر موضوعات پر بات کی وہاں سب سے پہلے پاکستان میں آج کل مقبول ترین ڈرامے ارطغرل پر ترک ڈرامہ سیریل ارطغرل غازی سے متعلق دلچسپ اور مذاحیہ انداز میں تبادلہ خیال کیا ۔ صبا قمر نےکہاجن لوگوں کے ذہنوں کو زنگ لگ چکا ہے وہ یا تو تیل لگائیں یا پھر ان کا چینل سبسکرائب کریں ۔ انہوں نےکہا کہ ان کا چینل ا ن کے مداحوں کے لیے ہے سستی ریٹنگ کے شوقین چھتیس ہزار چینل ہیں وہاں جائیں میرے چینل پر محلے کی پھپی کا کردار اداکرنے سے گریز کریں۔
https://www.youtube.com/watch?v=vnAsNtV7E4s&feature=youtu.be
مزاحیہ انداز اپناتے ہوئے صبا قمر نے بتایا کہ وزیراعظم نے یہ ڈرامہ پاکستان میں نشر کیا تاکہ سوئی ہوئی قوم جاگ جائے اور کچھ سیکھ سکے لیکن وزیراعظم صاحب بھول گئے تھے کہ یہ قوم پیدا ہی سمجھدار ہوئی ہے دراصل پاکستانیوں نے ارطغرل سے کیا سیکھا؟ صبا قمر نے کہا کہ ہماری قوم نے اس سیریز سے محض ’ارطغرل پاپڑ‘ ارطغرل نسوار‘ ارطغرل سروس اسٹیشن‘ ارطغرل نہر و نہر جیسے دیگر نام رکھنا ہی سیکھے ہیں۔

انہوں نے مزید کہا کہ پاکستانی اس سیریز سے اور کچھ سیکھیں نہ سیکھیں 2020میں پاکستان کے ہر گھر میں ایک ارطغرل خان، ارطغرل بھٹی، ارطغرل شیخ، ارطغرل وڑائچ م ارطغرل گجراور اسی قسم کے دوسرے نام کثرت سے ملنے کے امکانات ہیں۔

اس قسط میں صبا نے کورونا وائرس کے دنوں میں شوبز شخصیات کی شادی ، خواتین کے مارکیٹ جانے اور پھر چھتوں سے چھلانگیں لگانے عمر اکمل کے ڈانس اور میرا کی امریکا سے واپسی کے لیے وزیراعظم سے کی گئی گزشتہ دنوں کی اپیل کو بھی مزاح سے بھرپور انداز میں پیش کیا-

ادکارہ نے کہا کہ خبروں کی دنیا میں پانچ ڈرامے اس ہفتے ٹاپ ہر رہے نمبر پانچ پر آنے والا ڈرامہ عمر اکمل کا ڈرامہ ہے جس کا نام ہے مدت فروم این ادر برادر، یہ سوشل میڈیا پر ٹرینڈ پر رہا ہے-نمبر 4 پر رہا میرا کا ڈرامہ میں اپنے وطن آ کر مرنا چاہتی ہوں نمبر تین پر کورونا میں احد سجل ، فیروز صدف،دانیال فریال کی شادی،حنا اور آغا کی شادی خالہ کے ماموں کے پھپھی کے بیٹے کی شادی اور امی ابو کی دوسری شادی،نمبر 2 میں ارطغرل ڈرامہ جس کے چلنے سے پرائیویٹ چینلز کو منی ہارٹ اٹیک آئے ہیں ذرائع کا کہنا ہے کہ اب وہ خطرے سے باہر ہیں اور ان کی سانسیں چل رہی ہیں-اور نمبر ون پر کرنل کی بیوی کا ڈرامہ رہا جس نے ارطغرل کی ریٹنگ کو بھی مات دے دی-

اداکارہ کا کہنا تھا عوام کہتی ہے کہ ہمارے ہر مسئلے کو عمران خان حل کریں تو میں ان کو بتانا چاہتی ہوں کہ وہ وزیراعظم ہیں کو سامری جادوگر نہیں جو ہوہو ہا ہا کر کے مسائل حل کر دے-ان کے حوصلے کو سلام ہے جو پھر بھی کہتے ہیں گھبرانا نہیں-

اداکارہ کی اس قسط کو لوگوں کی بڑی تعداد پسند کررہی ہے۔

صبا قمر کی دلکش تصاویر سوشل میڈیا پر وائرل

پیار غیر مشروط ہونا چاہیے، اس میں لین دین کے معاملات نہیں ہونے چاہیئں صبا قمر

پاکستان کی معروف اداکارہ سجل اور اداکار فیروز خان کی ایک پرانی ویڈیو سوشل میڈیا پر وائرل ہو رہی ہے جس میں دونوں ایک ساتھ ڈانس کرتے دکھائی دے رہے ہیں-

باغی ٹی وی : پاکستانی فلم ’زندگی کتنی حسین ہے‘ میں ایک ساتھ کام کرنے والی جوڑی سجل علی اور فیروز خان کی سوشل میڈیا پر ایک ڈانس ویڈیو وائر ل ہو رہی ہے جس میں دونوں ایک ساؤنڈ اسٹوڈیو میں موجود گانا گا رہے ہیں اور گانے پر ڈانس کرتے ہوئے خوش نظر آرہے ہیں اور خوب محظوظ ہو رہے ہیں
https://www.instagram.com/p/CA64P7Rn-7y/?igshid=1i61ua5lzyydz
مذکورہ ویڈیو سجل علی اور فیروز خان کی 2016 ء میں ریلیز ہونے فلم کی پروموشن کے دنوں کی ہے-

یاد رہے کہ سجل علی اور فیروز خان ماضی میں ایک دوسرے کے قریبی دوست رہ چکے ہیں

واضح رہے کہ فیروز خان شوبز انڈسٹری سے کنارہ کشی اختیار کر کے دینی معاملات پر توجہ مرکوز کرنے کے خواہاں ہیں، انہوں نے 2018ء میں علیزے نامی لڑکی سے شادی کی تھی جبکہ اداکارہ سجل علی نے رواں سال لاک ڈاؤن کے دوران پاکستانی اداکار احد رضا میر کے ساتھ رشتہ ازدواج میں منسلک ہوئی ہیں۔