Category: شوبز

بالی ووڈ کی سینئر اور نامور اداکارہ شبانہ اعظمی ریاست مہاراشٹرا ٹریفک حادثے میں شدید زخمی ہوگئیں

این ڈی ٹی وی کی رپورٹ کے مطابق شبانہ اعظمی کی گاڑی کو مہاراشٹرا کے ضلع ریگاد میں ممبئی پونے ایکسپرس وے پر حادثہ پیش آیا

حادثہ ہفتے کی سہ پہر تقریباً ساڑھے تین بجے ممبئی سے تقریباً 60 کلومیٹر دور کھالاپور کے قریب پونے ایکسپریس وے پراُس وقت پیش آیا جب وہ اپنے شوہر جاوید اختر کے ساتھ سفر کررہی تھیں کہ اُن کی کار ایک ٹرک سے ٹکراگئی

حادثے میں گاڑی کو شدید نقصان پہنچا اور اس کا اگلا حصہ مکمل تباہ ہوگیا بھارتی خبر رساں ادارے کے مطابق جاوید اختر خیریت سے ہیں تاہم شبانہ اعظمی شدید زخمی ہیں حادثے میں ایک نامعلوم خاتون بھی زخمی ہوئی ہے

ریگاد کے سپرنٹنڈنٹ پولیس انیل پرسکار نے کہا کہ شبانہ اعظمی کو فوری طور پر ممبئی کے ایم جی ایم ہسپتال منتقل کیا گیا جہاں ان کا علاج جاری ہے ہائی وے پولیس پٹرولنگ ٹیم نے موقع پر پہنچ کر تحقیقات شروع کردی ہیں

شبانہ اعظمی نے گذشتہ روز اپنے شوہر اور معروف نغمہ نگار جاوید اختر کی 75 ویں سالگرہ منائی تھی اس موقع پر جاوید اختر کے اعزاز میں مختلف تقریبات کا اہتمام کیا گیا تھا، جس کی تصاویر سوشل میڈیا کی زینت بھی بنی تھیں

واضح رہے کہ شبانہ اعظمی کو 1998 میں پدما شِری ایوارڈ سے نوازا گیا تھا جبکہ وہ 5 بار نیشنل فلم ایوارڈ بھی حاصل کر چکی ہیں

آرٹسٹ سپورٹ فنڈ کے تحت وزیراعلیٰ پنجاب سردار عثمان بزدار نے مستحق فنکاروں میں مالی امداد کے چیک تقسیم کیے

وزیراعلیٰ پنجاب سردار عثمان بزدار نے اداکارہ ہمار ڈار، گلوکار ظہور احمد الیاس عرف سائیں ظہور، اداکار محمد جاویدکوڈو اور اداکار ناصر شیرازی کو مالی امداد کے چیک دیئے

تقریب میں ارکان صوبائی اسمبلی سعدیہ سہیل رانا، سیکرٹری اطلاعات، ایگزیکٹو ڈائریکٹر لاہور آرٹس کونسل ،ڈی جی پلاک، ایگزیکٹو ڈائریکٹر پنجاب کونسل آف آرٹس، ، ڈی جی پی آر ، مسرت جمشید چیمہ اور متعلقہ افسران بھی موجود تھے جبکہ تقریب میں وزیر اعلی پنجاب مہمان خصوصی تھے

اس موقع پر وزیر اعلیٰ پنجاب کا کہنا تھا کہ پنجاب حکومت نے آرٹسٹ سپورٹ فنڈ کے تحت کروڑ وں روپے جاری کر دیئے ہیں اور آئندہ مالی سال میں اس میں اضافہ کیا جائے گا سردار عثمان بزدار نے کہا کہ مستحق فنکاروں کی مدد کرنا ہماری ذمہ داری بھی ہے اور فرض بھی ہم مستحق فنکاروں کا ہر سطح پر خیال رکھیں گے حکومت فن و ثقافت کے فروغ کیلئے آپ کی خدمات کو قدر کی نگاہ سے دیکھتی ہے

حکومت کی جانب سے مستحق فنکاروں کو ماہانہ مالی امداد بھی دی جائے گی اس ضمن میں محکمہ اطلاعات و ثقافت نے مستحق فنکاروں کی فہرست تیارکر لی ہے ہم مالی مشکلات کا شکار فنکاروں کو تنہا نہیں چھوڑیں گے ہم فنکاروں کے ساتھ ہیں

فنکاروں کی جانب سے مالی معاونت پر وزیراعلیٰ پنجاب سردار عثمان بزدار کا شکریہ بھی ادا کیا گیا فنکاروں کا کہنا تھا کہ مشکل وقت میں مدد پر آپ کے شکر گزار ہیں

پاکستان ٹی وی و فلم انڈسٹری کی معروف اداکارہ سجل علی نے گذ شتہ روز اپنی 26 ویں سالگرہ منائی

اداکارہ نے اپنی یہ سالگرہ اپنے ہونے والے سسرال کے ساتھ منائی

احد رضا میر کی والدہ ثمرہ رضا میر نے اپنی ہونے والی بہو سجل علی کے لیے انسٹاگرام پر پیار کا اظہار کرتے ہوئے سالگرہ کی مبارکباد دی

انہوں نے انسٹا گرام پر سجل کے ساتھ ایک تصویر شیئر کرتے ہوئے لکھا کہ دنیا تمھاری وجہ سے ایک بہتر جگہ بن گئی ہے

سجل علی نے بھی ان کے جواب میں محبت کا اظہار کرتے ہوئے کہا کہ وہ ان کی اپنی زندگی میں موجودگی باعث رحمت سمجھتی ہیں

احد رضا میر نے بھی منگیتر سجل کے لیے مختصر سا پیار بھرا ایک پیغام لکھتے ہوئے کہا سالگرہ مبارک ہو سجل، تم آج، کل اور ہمیشہ سے میری پسند ہو

احد کی جانب سے شیئر کئے گئے اس پیغام سے مداح خوب محظوظ ہورہے ہیں اور اپنی پسندیدہ جوڑی کے لیے پسندیدگی اور ان کے مستقبل کے لیے نیک خواہشات کا اظہار کر رہے ہیں احد رضا میر کی والدہ کی انسٹاگرام اسٹوریز سے اندازہ لگایا جاسکتا ہے کہ انہوں نے گھر پر ہی سالگرہ منائی تھی کوئی گرینڈ پارٹی کا اہتمام نہیں کیا گیا تھا

بھارت میں جاری متنازع شہریت بِل کے خلاف ہندو انتہا پسندوں کی انتہا پسندی اپنے عروج پر ہے انتہا پسندوں کی جانب سے معروف کتھک ڈانسر منجری چترویدی کوصوفی رقص کے دوران ہی پرفارم کرنے سے روک دیا گیا

بھارتی میڈیا کے مطابق لکھنئو کے مقامی ہوٹل میں منعقدہ ثقافتی پروگرام کے دوران بی جے پی کے انتہا پسندوں نے اس وقت میوزک بند کر دیا جب منجری پرفارم کر رہیں تھیں انتہا پسندوں نے دوران پرفارمنس یہاں قوالی نہیں چلے گی کہہ کر ان کی پرفارمنس رکوادی

منجری کا اس واقعے سے متعلق کہنا ہے کہ اتر پردیش حکومت نے ہی انہیں پروگرام میں شرکت کرنے کی دعوت دی تھی۔

انہوں نے بتایا کہ جب وہ کتھک ڈانس پیش کر رہی تھیں تو اچانک سے میوزک رُک گیا تو مجھے لگا کوئی تکنیکی خرابی کی وجہ سے ایسا ہوا ہے لیکن جلد ہی انتظامیہ کی جانب سے دوسرے پروگرام کا اعلان کیا جانے لگا

پروگرام کے بعد جب منجری نے اپنی پرفارمنس کو بیچ میں ہی ختم کر دیئے جانے کی وجہ دریافت کی تو بتایا گیا کہ ان کا رقص قوالی پر تھا جس کی یہاں اجازت نہیں ہے اس طرح جبری طور پر ان کی پرفارمنس کو روک دیا گیا

انہوں نے اپنی سوشل میڈیا پوسٹ پر کہا کہ اس پرفارمنس کے دوران ہونے والا واقعہ انہیں ہمیشہ یاد رہے گا فنکارہ نے کہا کہ میں دنیا کے کئی حصوں میں اپنی پرفارمنس پیش کر چکی ہوں جو کچھ میرے ساتھ میرے اپنے شہر میں ہوا میں اس کو لے کر بہت حیران ہوں

جبکہ دوسری جانب ریاست نے منجری کی جانب سے عائد کئے گئے الزامات کو رد کرتے ہوئے کہا کہ یہ معاملہ منتظمین اور فنکار کا ہے

واضح رہے لکھنئو میں پیدا ہونے والی منجری بھارت کی ایک معروف فنکارہ ہیں جنہوں نے 22 سے زیادہ ممالک میں 300 سے زیادہ پرفارمنس دیں

پاکستان شوبز انڈسٹری کی اداکارہ مشال خان نے دوران فوٹو شوٹ شیر کا بچہ استعمال کرنے پر شدید برہمی کا اظہار کیا ہے

سماجی رابطے کی ویب سائٹ انسٹاگرام پر مشال خان نے شیئر کی گئی اپنی اسٹوری میں بتایا کہ جوڑے اور فوٹوگرافر کی جانب سے کی گئی یہ حرکت انہیں شدید ناگوار گزری ہے انکا یہ عمل قابلِ نفرت ہے

انہوں نے لکھا کہ ان جانوروں کا وجود ذہنی بیماروں کو تفریح فراہم کرنے کے لیے نہیں ہے جس طرح اس تصویر میں کس طرح سے اپنی تفریح کے لئے ایک بچے کو اس کی ماں اور اس کے قدرتی مسکن سے دور کیا گیا ہے

دوسری پوسٹ میں انہوں نے مشتعل نظر آتے شیر کی نشاندہی کرتے ہوئے اور تصویر میں موجود دولہے کو طنز مارتے ہوئے لکھا کہ وہ جانور بیزار نظر آرہا ہے لیکن پھر بھی دولہا مسکرا رہا ہے انہوں نے لکھا کہ وہ سوچ بھی نہیں سکتیں کہ کوئی کس طرح ایک جانور کو صرف ایک فوٹو شوت کے لئے اس طرح ہراساں کر سکتا ہے

اداکارہ یہ بھی لکھا کہ انسانیت ختم ہوتی جارہی ہے جو بلکل بھی درست نہیں

مشال خان نے اپنے مداحوں سے اپیل بھی کی کہ وہ شیر کو پالتو جانور بنا کر قید نہ کریں۔ انہوں نے یہ بھی بتایا کہ ایک جنگلی جانور سے پالتو جانوروں جیسا برتاؤ ان کی ذہنی صحت کو متاثر کرتا ہے انہوں نے کہا یہ نہ ہی شیر کی صحت کے لئے ٹھیک ہے اور نہ ہی انسانوں کے لئے کہ شیر کبھی بھی ان پر حملہ کر سکتا ہے اوراسی طرح شیر کے بچے کو بھی اس کی ماں سے ہمیشہ کے لئے چھین کر پالتو رکھ لینا بھی انسانیت نہیں ہے یہ بالکل بھی ٹھجیک نہیں شیر جیسے جانور کو پالتو رکھنے سے پہلے یہ ضرور سمجھ لینا چاہئے کہ شیر کتوں اور بلیوں کی طرح پالتو جانور نہیں اور نہ ہی انسانوں کے درمیان گھل مل کر رہنے والا جانور ہے یہ ایک جنگلی جانور ہے

مشال خان جانوروں کے حوالے سے کافی حساس ہیں اور اکثر اپنے خیالات کا اظہار کرتی رہتی ہیں وہ کراچی میں جانوروں کے حوالے سے جانے والی مہم کا بھی حصہ رہی ہیں

پاکستان کے نامور اداکار فردوس جمال نے پاکستان کی معروف اور نامور اداکارہ ماہرہ خان کے بارے میں کہا کہ ان کا بیک گراؤنڈ ماڈلنگ کا ہے اس اداکارہ میں وہ طریقہ کار نظر آتا جو ماڈلز کا ہوتا ہے

واضح رہے فردوس جمال نے گذ شتہ برس ایک انٹرویو کے دوران ماہرہ خان کو تنقید کا نشانہ بناتے ہوئے کہا تھا کہ وہ ان کی عمر زیادہ ہے شاید اسی لئے فلم میں ان کا کام شاندار نہیں ہوتا وہ اس عمر میں ماؤں کا کردار نبھاسکتی ہیں ہیروئن کا نہیں

جس کے بعد اداکار کو مداحوں کی جانب سے شدید تنقید کا نشانہ بنایا گیا جبکہ ہم ٹی وی نے فردوس جمال کے ساتھ کسی بھی قسم کا پروفیشنل تعلق نہ رکھنے کا اعلان کیا تھا

اور اب فردوس جمال نے ایک انٹرویو کے ذریعے خود پر ہوئی تنقید اور ماہرہ خان اور عمران اشرف پر دیے بیانات کی وضاحت کرتے ہوئے کہا کہ ماہرہ کے حوالے سے دیا گیا میرا کمنٹ تکنیکی تھا جس پر لوگوں نے کافی تنقید کی میں کبھی ماہرہ خان سے ملا تک نہیں نہ میں اسے جانتا ہوں مجھے صرف یہ معلوم ہے کہ وہ کراچی میں رہتی ہے باقی ہم نے کبھی ساتھ کام تک نہیں کیا کسی نے مجھ سے سوال کیا تو میں نے کہہ دیا کہ ہاں وہ ایک اسٹار ہیں لیکن وہ اداکارہ نہیں ہیں

اداکارہ انسٹا گرام پر5.3 ملین فالوورز کے ساتھ پہلے نمبر پر آ گئیں

اداکار نے انٹر ویومیں مزید کہا کہ ماہرہ خان کا بیک گراؤنڈ ماڈلنگ کا ہے جب ماڈلز ماڈلنگ کرتے ہیں تو آپ کو خود کو ہر طرح سے خوبصورت دکھانا ہوتا ہے کیوں کہ آپ ایک سیلز مین ہی ہوتے جو چیز کو فروخت کرنے کی کوشش کررہے ہوتے اور آپ ایک پروڈکٹ کی نمائندگی کرتے ہیں کوئی کردار نہیں نبھاتے اس لیے ہی میں نے کہا تھا کہ اس اداکارہ میں وہ طریقہ کار نظر آتا جو ماڈلز کا ہوتا ہے

ماہرہ خان کا ڈرامہ ہمسفر دہائی کا سب سے ٹاپ ڈرامہ

فردوس جمال نے کہا میرا ماننا ہے کہ ماڈلز اپنے لیے کچھ زیادہ ہی فکر مند رہتے ہیں اس لیے میں نے نوٹ کیا ہے کہ بہت کم ماڈلز اچھے اداکار ہوتے ہیں

فردوس جمال نے ایک انٹرویو میں عمران اشرف کے ڈرامے رانجھا رانجھا کردی میں ان کی اداکاری کو بھی تنقید کا نشانہ بنایا تھا تاہم اب اداکار نے اپنا بیان تبدیل کرتے ہوئے انٹر ویو میں کہا کہ عمران اشرف نے بھولا کے کردار کو نبھانے کی اچھی کوشش کی تھی

فردوس جمال کے ان بیانات کے بعد ان کے بیٹے حمزہ فردوس نے ناراظگی کا اظہار کیا اور پاکستان چھوڑنے کا اعلان کرتے ہوئے کہا تھا کہ وہ پاکستانی میڈیا انڈسٹری میں مزید کام نہیں کریں گے

اپنے بیٹے کے پاکستانی شوبز چھوڑ کر آئرلینڈ جانے کے فیصلے کے حوالے سے انہوں نے بتایا کہ میں بس یہ جانتا ہوں کہ میرے بیٹے نے اداکاری سیکھی تھی لیکن ہماری انڈسٹری میں آج کل اچھے اداکاروں کی ضرورت نہیں لوگوں کو صرف ماڈلز کی ضرورت ہے کیوں کہ آج کل یہاں ماڈلنگ ہی ہورہی ہے

اداکار نے کہا کہ ہماری انڈسٹری میں کچھ لوگ احساس کمتری کا شکار ہیں کام آ جانے کے باوجود اپنے سینیئرز یا خود سے بہتر لوگوں سے احساس کمتری کا شکار ہوجاتے ہیں اور پھر ان کے بچوں سے بدلہ لیتے ہیں، شاید یہی وجہ ہے کہ جن کو مجھ سے بدلہ لینا تھا وہ لے نہیں سکے تو انہوں نے میرے بچوں سے بدلہ لیا

ہم ٹی وی کی جانب سے لگائی پابندی کے سوال پر اداکار کا کہنا تھا کہ میں سب سے سوال پوچھنا چاہتا ہوں کہ آخر میں نے ہم ٹی وی پر کام کیا ہی کتنا ہے؟ اور ہم ٹی وی کیا خدا ہے؟ ہم ٹی وی اداکار نہیں بناسکتا وہ صرف اسٹار بناتا ہے انہوں نے مزید کہا کہ فردوس جمال کو کسی ٹی وی نے نہیں اللہ نے بنایا ہے ہم ٹی وی بننے سے قبل مجھے بہت بڑے اعزازات مل چکے ہیں

فردوس جمال اپنے کیریئر میں پیارے افضل، خدا اور محبت، رومیو ویڈز ہیر’اور گل و گلزار جیسے ڈراموں میں کام کرچکے ہیں

تمغۂ امتیاز حاصل کرنے والی پاکستانی شوبز انڈسٹعی کی نامور اور خوبرو اداکارہ مہوش حیات کے نامور صحافی طارق فتح کی جانب سے غلط ویڈیو شیئر کرنے پر اظہار برہمی پر طارق فتح نے جوابی رد عمل دیتے ہوئےاداکارہ کو ایک امریکی رپورٹ ٹیگ کردی

گذشتہ روز طارق فتح نے مہوش حیات کی فلم’ لوڈ ویڈنگ‘ کا ایک ویڈیو کلپ سوشل میڈیا ویب سائٹ ٹویٹر پر شئیر کیا تھا جس میں ایک پاکستانی خاتون پولیو ورکرز سے بدتمیزی کررہی ہیں یہ ویڈیو کلپ شیئر کرتے ہوئے صحافی نے لکھا تھا کہ پاکستان میں پولیو ورکرز کے منہ پر دروازہ بند کردیا جاتا ہے

غلط ویڈیو شیئر کرنے پر سوشل میڈیا صارفین نے طارق فتح کو تنقید کا نشانہ بنایا اور ان کا مذاق بھی اڑایا جس کے بعد انہوں نے اپنا ٹوئٹ ڈیلیٹ کردیا جبکہ فلم میں پولیو ورکر کا کردار نبھانے والی اداکارہ مہوش حیات نے بھی برہمی کا اظہار کرتے ہوئے ان کوبتایا کہ یہ اُن کی فلم کا سین ہے جس میں معاشرے کے اسی مسئلے پر شعور اجاگر کرنے کی کوشش کی گئی ہے

معروف اداکارہ کا صحافی طارق فتح پر برہمی کا اظہار

اس پر اب طارق فتح نے معروف امریکی اخبار کی ایک رپورٹ شیئرکرتے ہوئے مہوش حیات کو مخاطب کرکے کہاکہ وہ سوچ رہے ہیں کہ کیا یہ رپورٹ بھی جھوٹی ہے کیونکہ یہ بھی اس فلم پر مبنی ہے جس میں آپ کو نمایاں کیا گیا ہے

مہوش حیات نے طارق فتح کواس ٹویٹ کا جواب دیتے ہوئے کہا کہ پولیو ہمارے ملک کا ایک مسئلہ ہے اس بات سے کبھی انکار نہیں کیا بطور اداکارہ میرا کام لوگوں کو شعور اور آگاہی دینا ہے جو ہماری فلم میں بھی دِکھ رہا ہے اور لکھا کہ انہیں اس چیز کی خوشی ہے کہ 37 ملین کے ہدف میں 35 ملین لوگوں کو پولیو کی ویکسین لگا چکے ہیں باقی کام بھی انشاءاللہ جلد ہی مکمل کرلیں گے انہوں نے لکھا کہ اس معاملے پرآپ کا فکر کرنے کا شکریہ

دنیا کی کم عمر ترین نوبل انعام یافتہ پاکستانی سماجی کارکن ملالہ یوسف زئی کی زندگی پر فلم بنانے والے بھارتی ہدایت کار امجد خان نے انکشاف کیا ہے کہ انہیں پاکستانی طالبہ پر فلم بنائے جانے پر دھمکیاں دی جا رہی ہیں

امجد خان کی ملالہ یوسف زئی کی زندگی پر بنائی گئی فلم ’گل مکئی‘ کا ٹریلر رواں ماہ 10 جنوری کو ریلیز کیا گیا تھا اور ساتھ ہی فلم کو رواں ماہ کے آخر میں ریلیز کرنے کا اعلان بھی کیا گیا تھا

’گل مکئی‘ امجد خان کی بطور ہدایت کار پہلی فلم ہے اور انہوں نے مذکورہ فلم پر 2017 سے کام شروع کیا تھا اور گزشتہ برس اس کا مختصر ٹیزر ’ملالہ ڈے‘ کے موقع پر ریلیز کیا گیا تھا

ملالہ کی زندگی پر مبنی فلم گل مکئی کا پہلا ٹریلر جاری

فلم کے ٹریلر جاری کرنے کے بعد اب ہدایت کار امجد خان نے انکشاف کیا ہے کہ انہیں دھمکیاں دینے کا سلسلہ تاحال جاری ہے اور انہیں کافی وقت سے دھمکیاں دی جا رہی ہیں

غیر ملکی خبر رساں ادارے سے بات کرتے ہوئے ہدایتکار کا کہنا تھا کہ انہیں حیرت اس بات کی ہے کہ ان کی فلم ’گل مکئی‘ پر تنگ نظر لوگوں کو پریشانی ہے

انہوں نے کہا کہ ان کی فلم کو گزشتہ برس اقوام متحدہ کے تحت لندن میں پیش کیا گیا تھا اور ان کی فلم کو ملالہ یوسف زئی اور ان کے والد نے بھی دیکھا تھا

انہوں نےکہا کہ فلم دیکھنے کے دوران ملالہ اور ان کے والد پورا وقت اپنی سیٹ پر بیٹھے رہے اور فلم دیکھنے کے بعد ملالہ کے والد ضیاء الدین یوسف زئی نے انہیں کہا کہ انہوں نے ان کے خوابوں کی تعبیر کو پیش کیا ہے جبکہ ملالہ یوسف زئی نے بھی اپنی زندگی پر بنائی گئی فلم کو بہت سراہا اور فلم دیکھنے کے دوران وہ پرجوش دکھائی دیں جب کہ کئی مناظر کے دوران وہ جآباتی بھی ہوگئیں اورانہوں نے جذباتی ہوکر مٹھی بھی بند کی

جبکہ دایت کار نے اس بات کا بھی دعوی کیا کہ اقوام متحدہ کے ہیڈ کوارٹر میں فلم اسکریننگ کے دوران کوئی بھی اپنی نشست سے نہیں اٹھا اور فلم دیکھنے کے دوران فلم دیکھنے والی خواتین بھی جذباتی ہو گئیں اور ان کی آنکھیں اشکبار ہو گئیں

فلم کے حوالے سے بات کرتے ہوئے بتایا کہ گل مکئی ملالہ یوسف زئی کی ابتدائی زندگی پر مبنی ہے فلم میں ملالہ پر حملے سے قبل کا وقت دکھایا گیا ہے تاہم فلم میں ان پر حملے کو بھی دکھایا گیا ہے انہوں نے کہا ’گل مکئی‘ فلم صرف ملالہ یوسف زئی کی ہی کہانی نہیں ہے بلکہ یہ ہر ایک خاتون کی ایک سپاہی اور ایک عوام کی کہانی ہے اور اسے ہر کسی کو دیکھنا چاہیے

امجد خان نے فلم کی کاسٹ کے حوالے سے بات کرتے ہوئے کہا کہ انہوں نے ملالہ یوسف زئی کے کردار کے لیے ابتدائی طور پر بنگلادیش کی ایک لڑکی کو منتخب کیا تھا تاہم بعد ازاں انہوں نے بھارتی مسلمان اداکارہ ریم شیخ کو کاسٹ کیا انہوں نے اتل کلکرنی اور دیویا دتا جیسی اداکاروں کے ساتھ کام کرنے پر فخر کا اظہار کیا اور کہا کہ انہوں نے فلم میں اچھے اداکاروں کو کاسٹ کیا ہے جبکہ اوم پوری بھی گل مکئی میں دکھائی دیں گے اور ان کی یہ آخری فلم ہوگی اور ساتھ ہی ایسی فلم بھی ہوگی جو ان کی موت کے بعد ریلیز ہو رہی ہے

سرمد کھوسٹ نے وزیر اعظم عمران خان سے مدد مانگ لی

’گل مکئی‘ کی کاسٹ اور مکمل ٹیم بھارتی ہے جب کہ اس کی پروڈکشن بھی بھارت میں ہی ہوئی ہے اس پر بات کرتے ہوئے امجد خان نے بتایا کہ جس وقت انہوں نے فلم پر کام شروع کیا اس وقت پاکستان اور بھارت کے درمیان کشیدگی تھی اور بھارت میں پاکستانی اداکاروں کے کام کرنے پر پابندی عائد تھی جس وجہ سے انہوں نے پاکستانی اداکاروں کو کاسٹ نہیں کیا

فلم ’گل مکئی‘ رواں ماہ کے اختتام پر بھارت سمیت دنیا بھر میں ریلیز کی جائے گی

پاکستان شوبز اندسٹری کے نامور اداکار و ہدایت کار سرمد سلطان کھوسٹ نے فلم ’زندگی تماشہ ‘ کی ریلیز میں درپیش مسائل پر وزیر اعظم عمران خان سے مدد مانگ لی

نامور پاکستانی فلم ساز سرمد کھوسٹ نے ٹوئٹر پر انکشاف کیا کہ ان کی فلم ‘زندگی تماشا’ کی ریلیز میں رکاوٹیں پیدا کی جارہی ہیں جس کے لیے انہوں نے وزیر اعظم عمران خان سے مدد بھی مانگ لی

سماجی رابطے کی ویب سائٹ ٹوئٹر پر سرمد کھوسٹ نے ایک کھلا خط جاری کیا جس کے ذریعے انہوں نے وزیر اعظم عمران خان، صدر عارف علوی کوانہوں نے اپنے اس مسئلے کے حوالے سے بتایا ہے

خط میں لکھا کہ 24 جنوری کو میری فلم ریلیز ہونے والی تھی لیکن پھر ڈھائی منٹ کے ٹریلر سے اخذ کیے گئے مفروضوں کی بنیاد پر فلم کے لکھاری، پروڈیوسر اور میرے خلاف ایک شکایت درج کرادی گئیانہوں نے اپنے خط میں لکھا کہ 24 جنوری کو میری فلم ریلیز ہونے والی تھی لیکن پھر ڈھائی منٹ کے ٹریلر سے اخذ کیے گئے مفروضوں کی بنیاد پر فلم کے لکھاری، پروڈیوسر اور میرے خلاف ایک شکایت درج کرادی گئی

انہوں نے اپنے خط میں اس بات کا انکشاف کیا کہ چند لوگ اپنے سیاسی مقاصد کے لیے ’زندگی تماشہ‘ کی ریلیز میں رکاوٹیں پیدا کر رہے ہیں

فلم زندگی تماشا کی تشہیر کے لئے میوزک کنسرٹ

انہوں نے اپنے خط میں لکھا کہ بطور ایک قانون کی پاسداری کرنے والے شہری کے میں اس بات پر مکمل یقین رکھتا ہوں کہ فلم میں کوئی بھی نامناسب یا نازیبا سین عکسبند نہیں کروایا گیا، شکایت کنندگان کی شکایت دور کرنے کے لیے فلم ایک بار پھر سینسر بورڈ کو چیک کرنے کے لیے دی جسے کچھ سین کو ہٹانے کے بعد ریلیز کرنے کی اجازت دے دی گئی ہے

جہاں کچھ مناظر ہٹا کر فلم کو ریلیز کی اجازت مل گئی، جس کے بعد میں نے اپنی فلم کی تشہیر کا آغاز کردیا، لیکن ریلیز سے صرف ایک ہفتہ قبل ہی کسی گروپ کی جانب سے اس فلم کی ریلیز کو روکنے کی کوشش کی جارہی ہے اور اس بار وہ دباؤ ڈالنے والے حربے استعمال کرنے پر تلے ہوئے ہیں

خط میں ان کا مزید کہنا تھا کہ میں یہ آپ کے علم میں اس لیے لا رہا ہوں کہ نہ صرف میری ٹیم اور مجھ پر دباؤ ڈالا جارہا ہے بلکہ تواتر سے ہونے والے واقعات کی وجہ سے سسنر بورڈ کی ساخت کو بھی نقصان پہنچ رہا ہے
ان کا مزید کہنا تھا کہ ‘فنکارانہ سوچ اور اظہار رائے کچھ لوگوں کے سیاسی مقاصد کی وجہ سے متاثر نہیں ہونی چاہیے لیکن مجھے ڈر ہے کہ اگر ہم ابھی مقابلہ نہیں کریں گے تو شاید ایسا ہی ہوتا رہے گا

فلم "زندگی تماشا” کا ٹریلر ریلیز سے قبل۔یو ٹیوب سے ہٹا دیا گیا

خیال رہے کہ ‘زندگی تماشا’ کی ہدایات سرمد کھوسٹ نے دی ہیں جبکہ انہوں نے اپنی بہن کنول کھوسٹ کے ساتھ مل کر اس فلم کو پروڈیوس بھی کیا ہے یہ فلم اردو اور پنجابی زبان میں بنائی گئی ہے

فلم ’زندگی تماشہ‘ کو بوسان عالمی فلم فیسٹیول کے معتبر ترین ’کم جسوئک‘ ایوارڈ سے بھی نوازا جا چکا ہے

فلم کی کہانی نرمل بانو نے تحریر کی ہے جبکہ کاسٹ میں عارف حسین، سمیعہ ممتاز، علی قریشی اور ایمان سلیمان سمیت دیگر اداکار شامل ہیں

جبکہ ٹریلر کی ریلیز کے چند روز بعد ہی اسے یوٹیوب سے ہٹادیا گیا تھا جس پر سرمد کھوسٹ نے وضاحت کی کہ اگرچہ ٹریلر میں فلم کی کہانی کو مکمل طور پر نہیں دکھایا گیا تھا اور نہ ہی فلم کی کہانی ٹریلر میں دکھائی گئی جھلک جیسی ہے تاہم کچھ لوگ فلم کی کہانی کو غلط انداز میں پیش کرکے پروپیگنڈا کر رہے ہیں اس لیے ٹریلر کو ہٹایا گیا تھا