Category: شوبز

ہولی وڈ اداکارہ ایمبر ہرڈ نے ایک آڈیو پیغام میں اپنے سابق شوہر اداکارہ جوہنی ڈیپ پر تشدد کرنے کا اعتراف

باغی ٹی وی کی رپورٹ کے مطابق ہولی وڈ اداکارہ ایمبر ہرڈ نے ایک آڈیو پیغام میں اپنے سابق شوہر اداکارہ جوہنی ڈیپ پر تشدد کرنے کا اعتراف کرلیا غیر ملکی خبر رساں ادارے ڈیلی میل ویب سائٹ کو اداکارہ کا ایک آڈیو پیغام موصول ہوا جس میں اداکارہ ایمبر ہرڈ جوہنی ڈیپ پر تشدد کے اعتراف کے ساتھ ساتھ انہیں دھمکی بھی دیتی ہوئی سنائی دے رہی ہیں

33 سالہ ایمبر ہرڈ نے اس آڈیو پیغام میں بتایا کہ انہوں نے سابق شوہر پر متعدد بار برتنوں اور گلدانوں سے حملہ کیا تاہم ایک موقع پر اداکارہ نے اعتراف کرتے ہوئے 56 سالہ جوہنی ڈیپ سے معافی بھی مانگی

ہالی وڈ اداکارہ پامیلا ایڈرسن کی پانچویں شادی بھی ناکام

آڈیو پیغام میں اداکارہ سابق شوہر پر تشدد کرنے کا اعتراف کرتے ہوئے کہتی سنائی دیں کہ میں نے تمہارے منہ پر تھپڑ نہیں مارا میں تمہیں مکا بھی نہیں مار رہی تھی میں تو بس تمہیں دھکا دے رہی تھی

علاوہ ازیں اس آڈیو پیغام میں ایمبر ہرڈ نےجوہنی ڈیپ کو دھمکی بھی دی اور کہا کہ تم نے ایک جانور کو چھیڑا ہے اور یہ ٹھیک نہیں

یاد رہے کہ ایمبر ہرڈ نے جونی ڈیپ پر گھریلو تشدد کا الزام لگایا تھا جس کے بعد ان دونوں کی 2016 میں طلاق ہوگئی تھی اس وقت ایمبر ہرڈ نے طلاق کا مطالبہ کرتے ہوئے جونی ڈیپ پر الزام لگایا تھا کہ وہ شادی کے بعد سے ان پر تشدد کررہے ہیں جس کے بعد جوہنی ڈیپ نے ان الزامات کو مسترد کرتے ہوئے ایمبر ہرڈ کے خلاف مقدمہ دائر کردیا تھا

اس مقدمے میں جونی ڈیپ نے ایمبر ہرڈ پر الزام لگایا کہ ایمبر نے انہیں منہ پر مُکا مارا تھا جبکہ ان کی انگلی بھی کاٹ دی تھی جونی ڈیپ نے اپنی تصاویر بھی شیئر کی تھی جس میں ان کا منہ سوجا ہوا تھا جبکہ انگلی بھی زخمی تھی

جس کے بعد گذشتہ سال سوشل میڈیا پر وائرل نئی تصاوہر اور شواہد میں سامنے آیا تھا کہ ایمبر ہرڈ نے جونی ڈیپ پر جھوٹا الزام لگایا تھا علاوہ ازیں انہوں نے جونی ڈیپ پر تشدد بھی کیا تھا تاہم ایمبر ہرڈ نے عدالت میں گواہی دیتے ہوئے قبول کیا کہ انہوں نے جونی ڈیپ پر تشدد کیا تھا جبکہ ان پر جھوٹا الزام بھی لگایا

پاکستان کی اسی اور نوے کی دہائی کی معروف اور نامور اداکارہ انجمن نے گذشتہ سال وسیم علی عرف لکی علی سے شادی کی تھی لہذا اب ان کی طلاق کی خبر سامنے آئی ہے تاہم اداکارہ نے انجمن نے اس خبر کی تردید کر دی ہے

و سیم علی عرف لکی علی نے اداکارہ انجمن شاہین سے گزشتہ سال جولائی میں پسند کی شادی کی تھی لیکن باغی ٹی وی کی رپورٹ کے مطابق وسیم علی نے انجمن کو ایک طلاق دے دی ہے جس کی تصدیق لکی علی اور انجمن کے مشترکہ فلمی دوست نے بھی کی ہے

لکی علی نے خود بھی تصدیق کرتے ہوئے کہا کہ انہوں نے انجمن کو پہلی طلاق دے دی ہے تاہم انہوں نے طلاق کی وجوہات بتانے سے انکار کیا

جبکہ دوسری جانب اداکارہ انجمن نے طلاق کی تردید کرتے ہوئے کہا کہ اپنے شوہر وسیم کے ہمراہ رواں ہفتے عمرے کی ادائیگی کے لیے جارہی ہوں انہوں نے یہ بھی کہا کہ اللہ پاک جھوٹی خبریں پھیلانے والوں کو ہدایت دے

یاد رہے انہوں نے 17 جون 2019 کو خفیہ طور پرشادی کی تھیجس میں فیملی ممبران اور قریبی دوستوں نے ہی شرکت کی تھی انجمن کے شوہروسیم لکی نے حق مہرکے طور پر دو کروڑ روپے، ہنڈا کار، دو کنال کا گھر، اسلام آباد کی ہاؤسنگ سوسائٹی میں متعدد پلاٹس دیئے ہیں

انجمن ياد رہے کہ انجمن انیس سو اسی اور نوے کی دہائی کی معروف اور منجھی ہوئی اداکارہ ہیں جنہوں نے فلم شیر خان ، چن وریام، وعدے کی زنجیر اور جی دار سمیت کئی سپر ہٹ فلموں میں اپنی جاندار اداکاری کے جوہر دکھا کر مداحوں سے داد و تحسین حاصل کی

یہ اداکارہ انجمن کی دوسری شادی تھی جبکہ ان کے پہلے خاوند مبین ملک سے ان کے تین بچے ہیں

پاکستان کی معروف اداکارہ کبری خان نے سوشل میڈیا پر پوسٹ کے ذریعے بتایا کہ کیسے حسن جہاں کا کردار ان کی حقیقی زندگی پر اثر انداز ہوا

باغی ٹی وی کی رپورٹ کے مطابق جیو ٹی وی کے حالیہ ڈرامے الف میں حسن جہاں کا کردار کرنے والی اداکارہ کبری خان نے بتایا کہ کیسے مذکورہ کردار ان کی حقیقی زندگی پر اثر انداز ہوا

کبری خان نے سوشل میڈیا ویب سائٹ انسٹا گرام پر اپنی تصویر شئیر کرنے کے ساتھ ایک طویل کیپشن لکھا جس میں اداکارہ نے اپنے کردار کے حوالے سے بتاتے ہوئے کہا کہ میں نے حسن جہاں کے کردار میں اداکاری نہیں کی بلکہ میں اس کردار میں رہتی تھی


اداکارہ نے لکھا ہر اداکار کی زندگی میں کم از کم ایک وقت ایسا ضرور آتا ہے اور وہ وقت ایک کردار یا سکرپٹ ہوتا ہے جو اس کی زندگی کو بدل دیتا ہے اور حسن جہاں کا کردار میرے لئے یہی لمحہ تھا جس نے مجھ پر گہرا اثر کیا مذکورہ کردار کے حوالے سے اداکارہ نے مزید بتاتے ہوئے لکھا کہ اس کردار نے مجھے ہمت کا سبق دیا کہ کیسے ایمان صبر لچکداری اور بے لوثی کی طرف گامزن ہوتے ہیں

اداکارہ نے مزید لکھا کہ یہ کردار ہمیشہ میرا ایک بڑا حصہ ہو گا اور اپنی پوسٹ کے اختتام میں اس سفر کے لئے اللہ تعلای کا بے حد شکر ادا کیا

واضح رہے کبری خان اس وقت جیو ٹی وی کے حالیہ ڈرامے الف میں حسن جہاں کا مرکزی ادا کررہی ہیں جبکہ ان کے ہمراہ دیگر مرکزی کرداروں میں سجل علی (مومنہ سلطان) اور حمزہ علی عباسی (قلب مومن )،منظر سہبائی (عبدالعلی)، احسن خان( طہ) اور سلیم معراج (سلطان صاحب )شامل ہیں

پاکستان کی نامور اور کوک اسٹوڈیو سے شہرت حاصل کرنے والی گلوکارہ ریچل وکاجی نے بھی شادی کرکے اپنی ازدواجی زندگی کے نئے سفر کا آغاز کردیا

باغی ٹی وی کی رپورٹ کے مطابق نامور گلوکارہ زوئی وکاجی کی بہن ریچل وکاجی نے اپنے موسیقار دوست اشعر قاضی کے ساتھ شادی کی یہ دونوں کوک اسٹوڈیو میں بھی ساتھ کام کرچکے ہیں گلوکارہ نے اپنی شادی کے موقع پر سفید رنگ کا مغربی طرز کا عروسی لباس زیب تن کیا

کراچی میں منعقد ان کی شادی کی تقریب میں انتہائی قریبی دوستوں نے شرکت کی اداکارہ صنم سعید، شہریار منور اور عاصم رضا سمیت دیگرشخصیات شادی کی تقریب کا حصہ بنیں

ریچل وکاجی نے شادی کے موقع پر اپنے شوہر کے لیے گانا بھی گایا جبکہ ان کے ساتھ رقص بھی کیا گلوکارہ نے 2 منفرد روایات کے تحت شادی کی

ریچل وکاجی نے اپنے کیریئر میں گلوکاری کے ساتھ ساتھ اداکاری بھی کی وہ گذشتہ سال ریلیز ہونے والی فلم ‘پرے ہٹ لو’ میں بھی کام کرچکی ہیں

اس فلم میں شہریار منور نے ان کے ہمراہ مرکزی کردار نبھایا تھا اور انہوں نے سوشل میڈیا ویب سائٹ انسٹا گرام پرریچل وکاجی کو شادی کی مبارکباد بھی دی

باغی ٹی وی کی رپورٹ کے مطابق اداکار ہمایوں سعید نے اعلان کیا کہ ان کے ڈرامے ‘میرے پاس تم ہو’ کی کامیابی کے بعد وہ چائلڈ اسٹار شیث گل کے ساتھ ایک اور ڈرامے میں کام کرتے نظر آئیں گے

خبریں گردش کررہی تھیں کہ ہمایوں سعید اور شیث اپنے ڈرامے کی کامیابی کے بعد جلد ایک ساتھ کام کرتے نظر آئیں گے اور اب ہمایوں سعید نے خود بھی ان خبروں کی تصدیق کردی ہے

سوشل میڈیا ویپب سائٹ انسٹاگرام پر ایک انٹرٹینمنٹ اکاؤنٹ نے ہمایوں سعید اور شیث گل کی تصویر شئیر کرتے ہوئے پوسٹ کے ذریعے مداحوں سے سوال کیا کہ کیا وہ ہمایوں سعید اور شیث کی جوڑی کو دوبارہ اسکرین پر دیکھنا چاہیں گے؟

اس پر ہمایوں سعید نے خود کمنٹ کے ذریعے اعلان کیا کہ ہم دوبارہ ساتھ کام کرتے جلد نظر آئیں گے

البتہ اداکار نے اپنے کمنٹ میں یہ نہیں بتایا کہ وہ شیث گل کے ساتھ کسی ڈرامے میں کام کرتے نظر آئیں گے یا اس بار یہ دونوں ساتھ میں ایک فلم کررہے ہیں

خیال رہے کہ میرے پاس تم ہو میں ہمایوں سعید نے ‘دانش’ جبکہ شیث گل نے ان کے بیٹے ‘رومی’ کا کردار نبھایا تھا اس ڈرامے میں شیث گل کی اداکاری کو اتنا ہی سراہا گیا جتنا ڈرامے میں موجود باقی مرکزی کرداروں کے کام کو پسند کیا گیا

اس ڈرامے کے مرکزی کرداروں میں شیث گل اور ہمایوں سعید کے ساتھ حرا مانی عائزہ خان اور عدنان صدیقی بھی شامل تھے جبکہ مذکوراہ ڈرامے کی کہانی خلیل الرحمٰن قمر نے تحریر کی جبکہ ہدایات ندیم بیگ نے دی تھیں

داکارہ و سماجی کارکن حنا خواجہ بیات نے دنیا بھر میں پھیلنے والی بیماریوں اور حفظان صحت کے اصولوں کے حوالے سے ایک خوبصورت پیغام سوشل میڈیا پر شیئر کیا ہے
https://www.instagram.com/p/B8B0idfBtKS/?igshid=1vooifcxerame
باغی ٹی وی رپورٹ کے مطابق حنا خواجہ بیات نے سوشل میڈیا ویب سائٹ انسٹا گرام پر ویڈیو شیئر کی جس میں انہوں نے ہاتھوں کے ذریعے پھیلنے والے جراثیم کے حوالے سے کہا آج دنیا بھر میں ڈاکٹرز کہہ رہے ہیں کہ ہاتھ نہ ملائیں کیونکہ یہ جراثیم پھیلنے کا ذریعہ ہیں اس کے علاوہ وہ ہی چیزیں کھائیں جو حلال ہیں تاکہ خطرناک بیماریوں سے محفوظ رہیں

حنا خواجہ بیات نے وضو کی اہمیت پر زور دیتے ہوئے کہا کہ آج ڈاکٹرز بار بار ہاتھ دھونے اورمنہ دھونے کا مشورہ دیتے ہیں اور یہ بھی کہ ہاتھ اور منہ تولیے وغیرہ سے نہ خشک کریں یہ وہ چھوٹی چھوٹی چیزیں ہیں جو ہمارے معاشرے میں ہمارے بڑوں نے ہمیں سکھائیں اور ہمارا دین ہمیں سکھاتاہے انہوں نے سوال اٹھاتے ہوئے کہا کہ کیا ہم اپنے دین، معاشرے اور اپنی معاشرت سے دور ہوتے جارہے ہیں ?کیا ہم اپنی جانوں پر خود ظلم نہیں کررہے ?
اس ویڈیو کے ساتھ حنا خواجہ بیات نے کیپشن لکھا کہ جو چیزیں ہمیں ہمارے بڑوں نے سکھائیں، ہم روایات پر عمل کرکے خود کو خطرناک بیماریوں سے محفوظ رکھ سکتے ہیں

ہالی وڈ اداکارہ و ماضی کی بولڈ ماڈل 52 سالہ پامیلا ایڈرسن کی پانچویں شادی کا اختتام بھی طلاق پر ہوگیا

باغی ٹی وی کی رپورٹ کے مطابق اداکارہ پامیلا ایڈرسن نے گزشتہ ماہ 20 جنوری کو اپنے دیرینہ چاہنے والے فلم پروڈیوسر 74 سالہ جان پیٹرس سے اچانک پانچویں شادی کرکے سب کو حیران کردیا تھا لیکن ان کی یہ شادی بھی مھض 12 روز ہی چلی اور طلاق پر ختم ہو گئی

پامیلا اینڈرسن نے اگرچہ فلمی کیریئر کا آغاز 1991 کی فلم ’دی ٹیکنگ آف بیورلی ہلز‘ سے کیا تھا لیکن انہوں نے ماڈلنگ کا آغاز 1980 سے قبل ہی شروع کردیا تھا

کولمبین گلوکارہ شکیرا ازابیل 43 برس کی ہو گئیں

کیریئر کے آغاز میں ہی پامیلا اینڈرسن کو بولڈ انداز اور خوبصورتی کی وجہ سے کافی شہرت ملی تھی اور دیکھتے ہی دیکھتے وہ اس وقت کے معروف فیشن اور فحش میگزین کے سرورق کی زینت بننے لگی تھیں

فلمی کیریئر کے آغاز سے قبل ہی پامیلا اینڈرسن نے بولڈ اور خوبصورت انداز کی وجہ سے کئی فلم سازوں کی توجہ حاصل کی تھی اور انہوں نے جن افراد سے آغاز میں ہی تعلقات استوار کیے تھے ان میں جان پیٹرس بھی شامل تھے

جان پیٹرس اس وقت بھی فلموں کو پروڈیوس کرتے تھے اور انڈسٹری میں ان کا اچھا نام تھا اس کے باوجود پامیلا اینڈرسن کے تعلقات ان کے ساتھ رشتے میں تبدیل نہیں ہوسکے اگرچہ جان پیٹرس اور پامیلا اینڈرسن 35 سال سے ایک، دوسرے کو جانتے ہیں اور اس دوران ایک دوسرے سے ملتے بھی رہے تاہم ان کی شادی نہ ہوپائی تھی

دلچسپ بات یہ ہے کہ گزشتہ 35 سال میں دونوں نے چار چار شادیاں کیں مگر دونوں کی تمام شادیاں طلاق پر ہی ختم ہوئیں پامیلا اینڈرسن نے پہلی شادی فلمی کیریئر کے آغاز کے بعد 1996 میں کی اور پہلے شوہر سے 2 بچے بھی ہیں جن کی عمریں 24 سے 23 سال ہیں

ان کی پہلی شادی محض ڈھائی سال ہی چل سکی اور بعد ازاں انہوں نے 2001 میں دوسری شادی کی جو 2003 میں طلاق پر ختم ہوئی

دوسری طلاق کے بعد پامیلا اینڈرسن نے پہلے شوہر سے تعلقات استوار کرنے کی کوشش بھی کی اور ان کے ساتھ کچھ وقت تک تعلقات میں رہیں مگر بات نہ بن پانے پر انہوں نے تیسری شادی 2007 میں کی

پامیلا اینڈرسن نے تیسری بار 2006 میں شادی کرنے کی کوشش کی مگر وہ ایک سال تک منگیتر کے طور پر ساتھ رہنے کے بعد ان سے الگ ہوگئیں

پامیلا اینڈرسن کی تیسری شادی بھی 2008 میں طلاق پر ختم ہوئی جس کے بعد انہوں نے کچھ وقت تنہائی میں گزارنے کے بعد 2013 میں اپنے تیسرے شوہر سے دوبارہ شادی کی جو 2015 تک چلی

چار شادیوں کی ناکامی کے بعد پامیلا اینڈرسن نے کچھ وقت تنہا گزارنے کے بعد اپنے 35 سالہ پرانے دوست فلم ساز جان پیٹرس سے تعلقات استوار کیے دونوں نے نیا سال شروع ہوتے ہی 20 جنوری 2020 کو اچانک شادی کرکے سب کو حیران کردیا تھا

دلچسپ بات یہ ہے کہ پامیلا اینڈرسن کی طرح جان پیٹرس کی بھی یہ پانچویں شادی تھی ان کی بھی پہلی چاروں شادیاں طلاق پر ختم ہوئیں تاہم دونوں کی پانچویں شادی بھی ناکام ہوگئی اور وہ محض 12 دن بعد طلاق پر ختم ہوئی

معروف بالی وڈ فلم ساز جاوید اختر کی اہلیہ اداکارہ و لکھاری شبانہ اعظمی گزشتہ ماہ 18 جنوری کو بھارتی ریاست مہاراشٹر میں ایک روڈ حادثے میں زخمی ہوگئی تھیں

فلم ساز جاوید اختر کی اہلیہ اپنے شوہر کے ساتھ سفر کر رہی تھیں کہ ان کی گاڑی کو پونے اور ممبئی کے درمیان حادثہ پیش آیا اور حادثہ اس قدر شدید تھا کہ شبانہ اعظمی کی کار کا اگلا حصہ مکمل طور پر تباہ ہوگیا

حادثے کے دوران شبانہ اعظمی سخت زخمی ہوگئیں تاہم خوش قسمتی سے جاوید اختر اور ان کے ڈرائیور محفوظ رہے اور بعد ازاں اداکارہ کو ممبئی کے نجی ہسپتال منتقل کیا گیا تھا

چہرے اور سر سمیت جسم کے دیگر حصوں پر سخت چوٹیں لگنے کے بعد اداکارہ کو ابتدائی 24 گھنٹوں تک آئی سی یو کے وارڈ میں رکھا گیا تھا جہاں ان کی طبیعت مسلسل بہتر ہو رہی تھی بعد ازاں ان کے ٹیسٹ بھی کلیئر آئے تھے اور انہیں آئی سی یو سے عام وارڈ میں منتقل کردیا گیا تھا تاہم اب ہسپتال میں 13 دن رہنے کے بعد انہیں ڈسچارج کردیا گیا

شبانہ اعظمی نے اپنی ٹوئٹ میں مداحوں کو اپنی صحت یابی سے متعلق آگاہ کیا اور انی کی سحتیابی کے لئے کی گئی دعاؤں اور بیسٹ وشز پر ان کا شکریہ ادا کیا اور بتایا کہ اب وہ ہسپتال سے گھر آ چکی ہیں اداکارہ نے ہسپتال سے ڈسچارج کیے جانے پر ہسپتال انتظامیہ کا بہتر علاج کرنے اور بہتر خیال رکھنے پر شکریہ بھی ادا کیا اور ساتھ ہی انہوں نے مداحوں کا بھی شکریہ ادا کیا

اداکارہ نے اپنی تصویر بھی شیئر کی جس میں انہیں کمزوری کی حالت میں دیکھا جا سکتا ہے

پاکستان شوبز انڈسٹری کی معروف اداکارہ ماہرہ خان نے کہا گھریلو ٹوٹکوں مشوروں اور خلوص پر مداحوں کا شکریہ ادا کیا

باغی ٹی وی کی رپورت کے مطابق اداکارہ ماہرہ خان نے سوشل میڈیا پر گھریلو ٹوٹکوں مشوروں اور خلوص پر مداحوں کا شکریہ ادا کیا

اداکارہ نے سماجی رابطے کی ویب سائٹ ٹویٹر پر مداحوں کا شکریہ ادا کرتے ہوئے لکھا کہ مجھے بہت اچھا لگا جو آپ نے مجھے اتنے زیادہ گھریلو ٹوٹکے خلوص اور محبت سے شئیر کئے اتنے زیادہ مشورے دئے گئے تھے میں نے ان تجویز کردہ نسخوں میں سے بے شمار نسخے آزمائے لیکن میں یقینی طور پر نہیں بتا سکتی کونسا نسخہ کام آیا انہوں نے کہا اماں نے میرے سر پر دم کیا میں نے بادام کھائے بلیک کافی پی اورکیلے کھائے ساتھ ہی تھوڑی سی بھاپ بھی لی انہون نے سمائل بناتے ہوئے کہا کہ اب میں بہتر محسوس کر رہی ہوں اور سب کی شکر گزار ہوں

یاد رہے گذشتہ روز سر درد کی وجہ سے اداکارہ نے اپنے مسلسل سر درد کا بتاتے ہوئے مداحوں سے اس کے خاتمے کے لیے کوئی مشورہ مانگا تھا اداکارہ کے اس ٹوئٹ کے سامنے آتے ہی مداحوں نے ان کے لیے دیسی ٹوٹکوں کی بھرمار کرنے کے ساتھ ساتھ چند قراںی آیات اور وظائف بھی سینڈ کئے جنہیں پڑھ کر سر درد ختم کیا جا سکتا ہے اور ان کی صحتیابی کے لئے دعا بھی کی تھی