Category: شوبز

معروف اور نامور بھارتی فلم ساز کبیر خان نے بھارت کی معروف یونیورسٹی جامعہ ملیہ اسلامیہ کے طلباء پر دہلی پولیس اہلکاروں کے تشدد پر سخت تنقید کرتے ہوئے کہا ہے کہ اگر حکومت کو لگتا ہے طلباء غلط ہیں تو ان سے مذاکرات کئے جائیں لیکن یہ بالکل غلط ہے کہ پولیس ان پر یونیورسٹی کے اندر تشدد کرے

کبیر خان کا کہنا ہے کہ انہوں نے ٹی وی پر پولیس تشدد کی وڈیو دیکھی جو کہ ان کے لئے بہت پریشان کن تھی انہوں نے مزید کہا کہ طلباء کو احتجاج کا حق حاصل ہے آپ ان کا یہ حق چھین کر ان کو اختلاف کرنے سے کیسے روک سکتے ہیں اس طرح طلباء پر تشدد جمہوریت کی موت ہے

واضح رہے متنازع شہریت قانون کیخلاف بھارت میں یونیورسٹی کے طلباء نے احتجاج کیا تھا جس پر گزشتہ ماہ پولیس کی جانب سے تشدد کیا گیا تھا واقعے کا مقدمہ تاحال درج نہیں ہوسکا ہے جس کے بعد اب یونیورسٹی انتظامیہ نے مجبوراً عدالت کا دروازہ کھٹکھٹانے کا اعلان کیا ہے

پاکستان فلم انڈسٹری کی نامور ستارہ امتیاز اور خوبرو اداکارہ مہوش حیات نے ہالی ووڈ کے سب سے بڑے ایوارڈ ’آسکر‘ میں نامزدگیوں پر ناراضگی کا اظہار کردیا

آسکر کی بہترین فلموں کے لیے فورڈ ورسز فیراری، دی آئرش مین، جوجو ریبٹ، جوکر، لٹل ویمن، میریج اسٹوری، 1917، ونس اپن اے ٹائم نے ہولی ووڈ اور پیراسائیٹ شامل ہیں اس کے علاوہ بہترین اداکار، اداکارہ، معاون اداکار، میوزک، ڈائریکٹر، سنیماٹوگرافی اور کاسٹیوم ڈیزائن وغیرہ کے لیے بھی تقریباً ان ہی فلموں سے تعلق رکھنے والوں کو نامزد کیا گیا ہے

ان نامزدگیوں کے بارے میں ادکارہ نے اپنے خیالات کا اظہار سماجی رابطے کی ویب سائٹ ٹوئٹر پر کرتے ہوئے کہا کہ آسکرمیں ہونے والی نامزدگیوں سے واضح ہے کہ جُدا گانہ حیثیت اب بھی ایک بڑا مسئلہ ہےمغرب میں موجود فلم انڈسٹری کو اس اختلاف کو ختم کرنے کے لیے بہت لمبا سفر طے کرنا ہے

مہوش حیات کا کہنا تھا کہ اگر کوئی یہ کام نہیں کرتا تو شاید وقت آگیا ہے کہ ہم خود آگے بڑھیں اور اپنی کہانیاں دنیا کو بتائیں

میرے پاس تم ہو اس وقت پاکستان کا سب سے معروف اور مقبول ڈارمہ ہے اس ڈرامے کو شائقین کی طرف سے بھر پور پذیرائی ملی

اس ڈرامے کی اب تک 22 اقساط سامنے آچکی ہیں جبکہ آخری قسط 22 جنوری کو سامنے آئے گی اور ‘میرے پاس تم ہو’ کی آخری ڈبل قسط پروڈیوسرز نے صرف اے آر وائے ڈیجیٹل پر ہی نہیں بلکہ سینما گھروں میں دکھانے کا بھی اعلان کردیا

اس خبر کا اعلان اے آر وائے ڈیجیٹل کے فیس بک پیچ کے ذریعےکیا گیا پوسٹ میں بتایا گیا کہ پاکستان کی تاریخ کے سب سے بڑے ڈرامے کا اختتام ہونے جارہا ہے اور اس کی آخری قسط اے آر وائے ڈیجیٹل کے ساتھ ساتھ سینما گھروں میں بھی نمائش کے لیے پیش کی جائے گی

یہ خلیل الرحمٰن قمر اور ندیم بیگ کا دوسرا ڈراما ہے جسے سینما گھروں میں بھی دکھایا جائے گااس سے قبل 2013 میں سامنے آیا ڈراما ‘پیارے افضل’ کی آخری قسط بھی سینما گھروں میں نمائش کے لیے پیش کی گئی تھی

‘میرے پاس تم ہو’ کی کہانی خلیل الرحمٰن قمر نے تحریر کی جبکہ اس کی ہدایات ندیم بیگ نے دی ہے ڈرامے میں ہمایوں سعید، عائزہ خان اور عدنان صدیقی نے مرکزی کردار نبھائے جبکہ شیث گل، حرا مانی، انوشے عباسی، سویرا ندیم، مہر بانو اور سید محمد احمد نے اہم کردار نبھائے

اس ڈرامے کی کہانی ہمایوں سعید کے کردار ‘دانش’ سے شروع ہوتی ہے جو اپنی بیوی مہوش سے بےحد محبت کرتا ہے، ان دونوں کا ایک بیٹا رومی بھی ہے دانش اپنی فیملی سے بےحد محبت کرتا ہے اور ہر حال میں خوش رہنے کی کوشش کے ساتھ ایک عام زندگی گزارنے کا خواہشمند ہے وہیں مہوش امیر ہونے کی خواہشمند ہے اور اپنی دوست مہر بانو سے پیسے ادھار لیتی رہتی ہے

عروہ حسین نے ڈرامہ ادھورا چھوڑنے پر ہدایتکار سے معافی مانگ لی

ایک روز مہوش کی ملاقات مہر بانو کے بھائی کے باس شہوار سے ہوتی شہوار کو مہوش کی خوبصورتی اٹریکٹ کرتی ہے جس کے بعد ان کی ملاقاتوں کا سلسلہ بڑھتا اور وقت گزرنے کے بعد شہوار مہوش کو اپنے دفتر میں کام کرنے کی آفر دیتا جسے مہوش قبول کرلیتی

اس ہی دوران شہوار اور اس کی دولت سے متاثر ہونے والی مہوش اپنے شوہر دانش کو دھوکا دیتی اور اس سے طلاق لےکر بغیر شادی شہوار کے ساتھ زندگی گزارنا شروع کردیتی بعدازاں ایک روز جب یہ دونوں شادی کرنے ہی جارہے تھے تب شہوار کی پہلی اہلیہ ماہم امریکا سے پاکستان واپس آجاتی اور شہوار کو گرفتار کروا کر مہوش کو بے عزت کر کے گھر سے نکال دیتی ہیں جس کے بعد مہوش کو اپنی غلطی کا احساس ہوتا اور وہ ہمایوں سعید سے معافی مانگ کر اس کے پاس واپس جانے کی کوشش کرنے لگتی ہیں

َََِڈرامہ سیریل میرے پاس تم ہو پر ایک نظر

دوسری جانب ہمایوں سعید اپنے بیٹے کو اس دوران بورڈنگ اسکول بھیج دیتا ہے جہاں اس کی ملاقات اس کی ٹیچر ہانیہ سے ہوتی ہے جو بعد میں دانش کو پسند کرنے لگتی ہیں

دانش اپنی سرکاری نوکری چھوڑ دیتا ہے اور اپنا گھر فروخت کر کے کر پیسہ اسٹاک ایکسچینج میں لگا کر شہوار انڈسٹری کے شیئرز خرید لیتا ہے جس سے اسے کامیابی ملتی ہے اور اس کے دن بدل جاتے ہیں جس کے بعد وہ اپنے دوست کے ساتھ مل کر باقاعدہ کاروبار شروع کردیتا ہے

اب مداحوں کو اس ڈرامے کی آخری قسط کا بےصبری سے انتظار ہے اور تجسس بھی کہ کونسے کرداروں کا قتل ہوگا

عائزہ خان نے سوشل میڈیا ویب سائٹ ٹویٹر پر کہا کہ پیارے افضال کے بعد میرے پاس تم ہو کی آخری قسط سب سینما گھر وں بمیں دیکھیں گے

واضح رہے 2013 میں پیارے افضل کینبھی آخری قسط سینما گھروں میں نمائش کے لئے پیش کی گئی تھی

موسمی کو سویٹ لائم بھی کہا جاتاہے کیونکہ یہ ترش پھلوں میں سب سے میٹھا پھل ہوتاہے لیموں، موسمی، کینو، چکوترہ اور اس قبیلے کے نہ جانے کتنے ہی رس دار پھل ہیں جو ’’وٹامن سی‘‘ کی وافر مقدار اور بیماریوں کے خلاف لڑنے کی جسمانی صلاحیت کو بہتر بنانے کے حوالے سے دنیا بھر میں شہرت رکھتے ہیں لیکن ان رس دار پھلوں میں اور بھی بہت کچھ ہے جو ہماری صحت کے لیے انتہائی مفید ہے

موسمی جیسے رس دار پھلوں میں صحت بخش فائبر کی اچھی خاصی مقدار ہوتی ہے یہ فائبر ایک طرف ہاضمہ درست رکھتا ہے تو دوسری جانب خون میں مضر کولیسٹرول اور گلوکوز کی مقدار کو بھی کنٹرول کرتا ہے رس دار پھل کھانے کی صورت میں اس کا وہ فائبر بھی آپ کے معدے میں پہنچتا ہے جو ہضم نہیں ہوتا اور دیر تک پیٹ میں موجود رہتا ہے اس کی وجہ سے دیر تک شکم سیری کا احساس رہتا ہے اس طرح وزن قابو میں رکھنے میں مدد ملتی ہے موسمی زود ہضم اور طاقت بخش پھل ہے یہ خون پیدا کرتا ہے ملیریا، بخار، سل اور تپ دق میں بے حد مفید ہے
موسمی میں 80فیصد پانی ہوتا ہے اس میں معقول مقدار میں گوشت بنانے والے روغنی اور نشاستہ دار اجزا کے ساتھ ساتھ سوڈیم، فاسفورس اور پوٹاشیم کی آمیزش ہوتی ہے

چکوترے یعنی گریپ فروٹ کے حیران کن فائدے

موسمی میں پائے جانے والے اہم اجزا جِلد کی بہت سے خرابیاں دور کرنے میں مدد کرتے ہیں موسمی میں کافی مقدار میں وٹامن سی موجود ہوتاہے اور اس میں موجود سِٹرک ایسڈ ایک زبردست کلینزنگ ایجنٹ کے طورپر کام کرتاہے آپ موسمی کے دو ٹکڑے کریں اور ایک حصے کو آرام سے اپنے گال پر گول گول گھما کر رگڑیں یہ عمل سات سے آٹھ منٹ تک دہرائیں اور پھر پانی سے منہ دھولیں چہرے کو تولیے کی مدد سے خشک کرلیں آپ اپنے چہرے پر تازگی محسو س کریں گی

اگر گرمی کی وجہ سے آپ کے چہرے کا رنگ و رُوپ متاثر ہو رہاہے اور آپ اس سے چھٹکارا پانے کی کوششوں میں مصروف ہیں تو موسمی کا فیس پیک آپ کے اس مسئلے کو زبردست طریقے سے حل کرسکتاہے آپ موسمی کے چھلکوں کو پیس لیں پھر اس میں ایک چٹکی ہلدی اور ایک چمچ شہد ملالیں تینوں اجزاکو اس قدر ملائیں کہ ایک عمدہ پیسٹ بن جائے اور پورا آمیزہ ہموار ہو جائے اس پیسٹ کو چہرے پر لگا کر پانچ منٹ تک انتظار کریں پھر پانی کے چھینٹے مار کر اسے صاف کرلیں اس عمل کو ہفتے میں دو بار دہرائیں سن برن اور اس سے پیدا ہونے والے مسائل سے آپ چھٹکارا پالیں گی

وٹامن سی کی کمی کی چند اہم نشانیاں

آنکھوں کے گرد حلقوں یا ان کے گرد سرخ نشانات سے نجات حاصل کرنے کے لیے بھی موسمی بہت آزمودہ ہے آپ موسمی سے تیار کردہ پیسٹ آنکھوں کے گرد لگائیں پھر نتیجہ دیکھیں اس کے لیے آپ کومندرجہ ذیل اجزا ءدرکار ہوں گے:

موسمی کا جوس آدھا کھانے کا چمچ
کیلے کا پیسٹ ایک کھانے کا چمچ
کھیرے کا جوس ایک کھانے کا چمچ
وٹامن ای جیل ایک کھانے کا چمچ
ترکیب:
ان چاروں اجزا ءکو ایک پیالے میں ایسے مکس کریں کہ ایک ہموار آمیزہ بن جائے اس پیسٹ کو تین سے چار منٹ کے لیے فریج میں رکھ دیں پھر اس کو روئی یا کاٹن پیڈ کی مدد سے اپنے آنکھوں کے نیچے لگائیں اوردس سے بارہ منٹ کے لیے چھوڑدیں کچھ سیکنڈز مساج کرنے کے بعد اسے پانی سے دھولیں آپ خود ہی محسوس کریں گی کہ گھر میں بنایا گیا یہ پیسٹ کس طرح بآسانی آپ کی آنکھوں کے حلقوں کو ٹھیک کرکے آپ کی جِلد کو نئی چمک دیتاہے

گزشتہ دنوں اداکارہ و پروڈیوسر انجلین ملک کی جانب سے ایک تقریب منعقد کی گئی جس کا مقصد معاشرے میں بچوں کے ساتھ ہونے والی زیادتی کے خلاف بیداری مہم کا آغاز کرنا تھا

اس موقع پر انجلین ملک کی زیر ہدایت اسی موضوع پر اردو اور انگریزی میں بنائی گئی ایک مختصر فلم بھی نشر کی گئی تقریب میں موجود مشہور شخصیات کے ویڈیو شاٹ آوٹس بھی نشر کیے گئے جنہوں نے اس مقصد کے خلاف بات کرتے ہوئے اس مسئلے سے نمٹنے کے لیے حل بھی تجویز کیے

ان لوگوں نے اپنے پیغامات ریکارڈ کرائے ان میں اداکارہ اُشنا شاہ، حنا بیات، بشری انصاری، احمد علی بٹ، علی خان، ثروت گیلانی، سمعیہ ممتاز ، راسق اسماعیل ، سلمیٰ حسن،ثمن انصاری، ثمینہ احمد، سوزین فاطمہ اور ندا یاسر شامل تھے

اس موقع پر اداکارہ ثمینہ احمد، بشریٰ انصاری، زیبا بختیار، علی خان، فراز خان اور مہناز رحمٰن شامل تھیں جنہوں نے اس بات کی بھرپور حمایت کی کہ بچوں کے ساتھ ہونے والی زیادتیوں کو روکنا سب کی ذمے داری ہے بچوں کے ساتھ ہونے والی زیادتی کے بڑھتے ہوئے واقعات کے باوجود آج بھی پاکستان میں بچوں کے ساتھ بدسلوکی سب سے زیادہ نظرانداز کیا جانے والا مسئلہ ہے

احد رضا میر کا شمار پاکستان کے بہترین اداکاروں میں کیا جاتا ہے جو اس وقت ‘عہد وفا’ نامی ڈرامے میں کام سے کافی شہرت حاصل کر رہے ہیں اور شائقین کی طرف سے ان کی اداکاری کو کافی سراہا جا رہا ہے

رواں ماہ 12 جنوری کو ‘عہد وفا’ کی سامنے آئی 17ویں قسط مین احد رضا میر ایک سین میں چائے بناتے نظر آئے اور اسے ’ہائی اوکٹین ٹی‘ کا نام دیتے ہیں جس کے ذائقے کی تعریف ان کی دوست نے بھی کی

جبکہ اس کی ترکیب جاننے کے لیے سوشل میڈیا صارفین بے چین تھے تاہم احد رضا کی والدہ ثمرہ رضا میر نے چائے کی ترکیب شیئر کر کے مداحوں کی الجھن سلجھا دی

احد کی تصویر شیئر کرتے ہوئے احد کی والدہ نے کیپشن میں لکھا کہ 2 افراد کے لیے احد کی ہائی اوکٹین چائے بنانے کی ترکیب کچھ یوں ہے

اجزاء:
ایک چائے کا چمچہ کھلی چائے یا 2 ٹی بیگز
2 سے 3 الائچی کے دانے
1 دارچینی کا ٹکڑا
میٹھا حسب ذائقہ
ایک کپ پانی
آدھا کپ دودھ
ایک چٹکی کافی

ترکیب:گرم پانی میں چائے کی پتی، الائچی، دارچینی، کافی، چینی اور دودھ ڈالیں، اچھی طرح پکائیں اور گرما گرم چائے کا لطف اٹھائیں
احد کے مطابق یہ چائے نوش کرنے والا ’ہائی الرٹ‘ ہوجاتا ہے

بھارت کے مشہور یوگا گرو رام دیو نے بالی ووڈ کی معروف سپر سٹا ر اور اداکارہ دپیکا پڈوکون کو جواہر لعل نہرو یونیورسٹی کے احتجاج میں شرکت کرنے پر کڑی تنقید کا نشانہ بنایا ہے

دپیکا پڈوکون نے رواں ماہ 5 جنوری کو نئی دہلی کی جواہر لال نہرو یونیورسٹی میں ہونے والے بھارتی انتہا پسندوں کے خلاف مظاہروں میں شرکت کی تھی

دپیکا نے حملے کا شکار طُلبہ کے ساتھ یکجہتی کا اظہار کیا تھا جبکہ بالی ووڈ اداکارہ سوناکشی سنہا نے بھی سپر اسٹار دپیکا پڈوکون کی بھارتی انتہا پسندوں کے خلاف ہونے والے مظاہروں میں شرکت کی بھرپور حمایت کی تھی

ویب سائٹ ہندوستان ٹائمز کے مطابق گرو رام دیو نے دپیکا کو کڑی تنقید کا نشانہ بناتے ہوئے مشورہ دیا ہے کہ دپیکا کو کوئی بھی بڑا فیصلہ کرنے سے پہلے بھارتی سیاسی اور سماجی مسئلوں کوجاننا چاہیے انہیں چاہیے کہ وہ میرے جیسے کسی انسان کو اپنا مشیر رکھ لیں تا کہ انہیں بھارتی مسئلوں سے متعلق اصل حقیقت اور اندرونی کہانی معلوم ہو سکے

رام دیو کا کہنا تھا کہ بھارتی وزیرِ اعظم اور وزیرِ داخلہ نے کہہ دیا ہے کہ اس نئے بل کا یہ ہر گز مطلب نہیں ہے کہ کسی سے شہری حقوق چھین لیے جائیں گے اس بل کا مقصد شہریت دینا ہےمگر پھر بھی ابھی تک بہت سے لوگ اس کی مخالفت کر رہے ہیں

اس نے بھارتی متنازع سٹیزن شپ بل کی حمایت کرتے ہوئے مزید کہا کہ جو لوگ نئے بل کی صحیح سے سمجھ بوجھ نہیں رکھتے وہ بھی بھارتی وزیرِ اعظم نریندرا مودی کے خلاف نا مناسب زبان استعمال کر رہے ہیں

رام دیو نے کہا کہ کچھ لوگ اس بل کی مخالفت میں اتنے پاگل ہو گئے ہیں کہ وہ ’جناح والی آزادی‘ کے نعرے لگا رہے ہیں یہ نعرہ کہاں سے آیا ہے ؟ اس قسم کے احتجاج قومی سلامتی اور بھارت کی اصل شکل کو ختم کر رہے ہیں

رام دیو کے مطابق بھارت میں 2 کروڑ لوگ غیر قانونی طور پر رہ رہے ہیں

ننھی ایتھلیٹ مَلاک فیصل نے گلوکار علی ظفر سے ملاقات کی خواہش کا اظہار کردیا

سماجی رابطے کی ویب سائٹ ٹوئٹر پر علی ظفر نے بہترین سیاحتی مقام میں سرفہرست پاکستان کی ٹوئٹ کو ری ٹوئٹ کرتے ہوئے لکھا کہ ’ کبھی آؤ ناں پاکستان

علی ظفر کے ٹوئٹ کا جواب دیتے ہوئے پاکستان کی 5 سالہ ننھی ایتھلیٹ مَلاک فیصل ظفر نے اُن سے ملاقات کرنے کی خواہش کا اظہار کرتے ہوئے کہا کہ وہ پاکستان آکر اُن سے ملنے کا ارادہ رکھتی ہیں

ملاک نے لکھا کہ وہ علی ظفر کے گانوں کو بہت پسند کرتی ہیں اور ذاتی طور پر علی ظفر سے مل کر اپنے آئندہ کے پروجیکٹس پر تفصیلی بات کرنا چاہتی ہیں بعد ازاں ملاک نے علی ظفر سے ڈی ایم میں ملاقات کی تفصیل شیئر کرنے کا بھی کہا
اس سے پہلے بھی علی ظفر پاکستان کا نام روشن کرنے والے نو عمر بچوں سے ملاقات کرتے رہے ہیں اور انہیں سراہتے بھی رہے ہیں

علی ظفر نے یونیسیف کی جانب سے بھی پاکستان بھر سے ہر شعبے کے نوعمر چیمپیئن مقرر کیے جانے والوں سے بھی ملاقات کی تھی

بالی ووڈ کے سینئر اداکار امیتابھ بچن کو آنکھ کی شکایت کے سلسلے میں ڈاکٹر کے پاس گئے

اس سلسلے سے متعلق ڈاکٹر کی جانب سے بتائے گئے علاج پر اپنی والدہ کی یاد ستانے لگی

میتابھ بچن نے اپنی ماں کو یاد کرتے ہوئے سماجی رابطے کی ویب سائٹ ٹوئٹر پر ایک جذباتی ٹوئٹ کر دیا

انہوں نے ٹوئٹ میں کہا کہ وہ آنکھ میں تکلیف کے باعث ڈاکٹر کے پاس پہنچے تو ڈاکٹر نے کہا کہ یہ عمر کا تقاضا ہے جس پر انہیں اپنا بچپن اور ماں کا پیار یا د آ گیا

اپنی بیماری سے متعلق تفصیلات بتاتے ہوئے لکھا کہ ’بئی آنکھ پھڑکنے لگی بچپن میں سنا تھا کہ آنکھ کا پھڑکنا اَشُبھ ہوتا ہے گئے دکھانے ڈاکٹر کو تو نکلا یہ ایک کالا دھبہ آنکھ کے اندر ڈاکٹر بولا کچھ نہیں عمر کی وجہ سے جو سفید حصہ آنکھ کا ہوتا ہے وہ گھس گیا ہے ویسے بچپن میں ماں اپنے پلّو کو گول بنا کر پھونک مار کر گرم کر کے آنکھ میں لگا دیتی تھی ویسے کرو سب ٹھیک ہو جائے گا

77 سالہ امیتابھ کا مزید کہنا تھا کہ ماں تو نہیں رہی اب بجلی سے رومال گرم کر کے لگا لیا ہے پر بات کچھ بنی نہیں ماں کا پَلّو ماں کا پَلّو ہوتا ہے

امیتابھ بچن کی والدہ تیجی بچن کا 2007ء میں انتقال ہوا تھا جبکہ ان کے والد اور معروف شاعر ہری ونش رائے بچن 2003ء میں فورت ہوئے تھے

معروف گلوکار عاصم اظہر نے اپنے ایک خاص مداح کے ساتھ گانے ویڈیو سوشل میڈیا پر شیئر کردی

گزشتہ روز معروف گلوکار عاصم اظہر نے سماجی رابطے کی ویب سائٹ انسٹاگرام پر ایک ویڈیو شیئر کی جس میں وہ اپنے ایک عُذیر نامی خاص مداح کے ساتھ گلوکاری کر رہے ہیں عاصم اظہر نے ویڈیو شیئر کر کے کیپشن میں لکھا کہ کل رات اسلام آباد میں شو بہت حیرت انگیز اور اچھا رہا اس کو اور زیادہ حیرت انگیز بنانے کے لیے شکریہ

عاصم اظہر نے لکھا کہ ’اِس شو کی ایک خاص بات یہ تھی کہ اِس میں عُذیر نامی میرا ایک نیا دوست بنا جو بھیڑ میں مجھے گلوکاری کرتے ہوئے دیکھ کر خود بھی گا رہا تھا اور ہر ایک لمحے سے لطف اندوز ہو رہا تھا اور اسے دیکھ کر میرا دِل بھی مُسکرایا گلو کار اپنے مداح سے متاثر ہوئے اُنہوں نے عُزیر کا شکریہ ادا کیا اور کبھی ہار نہ ماننے کی ترغیب دی

عاصم اظہر نے لکھا کہ شو ختم ہونے کے بعد میں نے اورعُذیر نے بیک اسٹیج گلوکاری کی اور وعدہ کیا کہ میں یہ ویڈیو ضرور سوشل میڈیا پر اپ لوڈ کروں گا

عاصم کی اس پوسٹ پر ان کے مداحوں نے بھی عُذیر کی تعریف کی جبکہ ایک صارف نے تواپنے کمنٹ میں عُذیر کو مخاطب کرتے ہوئے لکھا کہ پہلے تو ہم ہی آپ کے مداح تھے اب تو عاصم اظہر بھی آپ کے مداح ہوگئے ہیں