Category: شوبز

پاکستانی فلمی صنعت کی رواں سال میں پہلی فلم ’زندگی تماشا‘ کی تشہیری مہم کے سلسلے میں لاہور کے معروف شاپنگ مال میں خصوصی پروگرام کا انعقاد کیا گیا

اس کنسرٹ میں فلم کے ڈائریکٹر سرمد کھوسٹ، لیڈ فنکار عارف حسن، علی قریشی، رائٹر نرمل بانو، آئی ایم جی سی سے شیخ عابد رشید سمیت سنی پیکس کی ٹیم نے بھی شرکت کی

جبکہ یہ فلم فلم ڈسٹری بیوشن کلب کے پلیٹ فارم سے 24 جنوری کو ملک بھر کے سینماؤں میں ریلیز ہوگی

پروگرام کی میزبان کنول کھوسٹ نے ’زندگی تماشا‘ کے موضوع اور پروڈکشن کے حوالے سے فنکاروں اور ڈائریکٹر سے گفتگو کی

سرمد کھوسٹ نے شائقین سے گفتگو کرتے ہوئے بتایا کہ ’زندگی تماشا‘ ایک فکر انگیز موضوع پر مبنی ہے جس میں رائٹر اور ڈائریکٹر سمیت تمام فنکاروں نے خلوص نیت انتہائی محنت اور دل سے کام کیا ہے

انہوں بے بتایا کہ فلم اندرون لاہور کی کہانی کے ذریعے پاکستانی معاشرے کے مجموعی حالات اور تضادات کی عکاسی کرتی ہے جس میں شائقین کی تفریح کے لیے دلچسپ کہانی کے ساتھ سنجیدہ پیغام بھی موجود ہے

اس موقع پر میوزک بینڈ ساکن نے فلم میں موجود اپنا مشہور زمانہ عارفانہ کلام پیش کرکے حاضرین کی داد سمیٹی۔

پروگرام میں شہریوں کی بڑی تعداد بھی موجود تھی جنہوں نے فلم کے ٹریلرز گیتوں سمیت دیگر ویڈیوز کو بھرپور انجوائے کرتے ہوئے پذیرائی بخشی اور کنسرٹ کی رونق کو دوبالا کر دیا

2001 میں بننے والی ہالی وڈ فلم سیریز ‘ہیری پوٹر’ نے اداکار ڈینیئل ریڈ کلف کو فلم انڈسٹری میں وہ مقام اور شہرت دی جو ہر کسی کے نصیب میں نہیں بچوں سے لے کر بڑوں تک تقریباً ہر کوئی ڈینیئل ریڈ کلف کا مداح ہے

ہیری پوٹر سے شہرت حاصل کرنے والے ڈینیئل ریڈ کلف کو ایک راہگیر نے بےگھر سمجھ کر بھیک دے دی تھی اس کا انکشاف اداکار نے خود ایک انٹر ویو کے ذریعے کیا

برطانوی نشریاتی ادارے بی بی سی کو دیے گئے ایک انٹرویو میں اداکار نے انکشاف کیا کہ امریکی شہر نیویارک میں ان کے دورے کے دوران ایک شخص نے انہیں بےگھر سمجھ کر بھیک دے دی تھی جبکہ ان کی گرل فرینڈ بھی ان کے ہمراہ موجود تھی

30 سالہ ڈینیئل ریڈ کلف کا مذکورہ واقعے کی تفصیل بتاتے ہوئےکہنا تھا کہ میں نیویارک کی ایک سڑک پر کھڑا تھا اور میرے ساتھ میرا پالتو کتا بھی تھا میری گرل فرینڈ ایرن ڈارک اس وقت ایک دکان میں موجود تھی سردی بہت زیادہ ہورہی تھی تو میں نے ہوڈی سے خود کو ڈھک لیا میرے کتے کو بےحد سردی لگ رہی تھی تو میں نیچے جھک کر اسے گرماہٹ دینے کی کوشش کررہا تھا کہ تھوڑی دیر بعد دور کھڑا ایک شخص میرے قریب آیا اور اس نے مجھے پانچ ڈالر دیتے ہوئے کہا کہ میں اس کی کافی پی لوں

اداکارنے کہا اس وقت میں حیران رہ گیا البتہ اس وقت ہی مجھے یہ بات سمجھ آئی کہ میں زیادہ سے زیادہ شیو کیا کروں

اتنی کم عمر سے شہرت اور مقبولیت ملنے کے باوجود گھمنڈ نہ آنے کے حوالے سے اداکار کا کہنا تھا کہ جب آپ بہت چھوٹی عمر سے اداکاری شروع کردیں تو لوگ سمجھنے لگتے ہیں کہ شاید ہم فالتو ہیں یہی ایک خیال ہے جسے میں نے ہمیشہ غلط ثابت کرنے کی کوشش کی اور بس کام پر فوکس کیا

ہالی وڈ فلم برڈز آف پرے کا نیا ٹریلر جاری

ادکار نے مزید کہا کہ میں نے اپنی پوری زندگی بہت محنت کی تاکہ خود میں کبھی گھمنڈ نہ آنے دوں اگر لوگ مجھ سے برا رویہ بھی اختیار کرتے ہیں تو میں برا نہیں مانتا اور اس بات کو نوٹس ہی نہیں کرتا

کام کے حوالے سے بات کرتے ہوئےکہا کہ میری فلم ‘ایسکیپ فرام پریٹوریا’ رواں سال 6 مارچ کو سینما گھروں میں نمائش کے لئے پیش کی جائے گی

فلسطینی نژاد امریکی سپر ماڈل 24 سالہ جی جی حدید اور پاکستانی نژاد 27 سالہ زین ملک کی جوڑی کو شوبز دنیا کی معروف اور رومانوی جوڑیوں میں شمار کیا جاتا رہا ہے

اور مداحوں کی طرف سے اس جوڑی کو بے حد پسند کیا جاتا تھا تاہم مارچ 2018 میں دونوں کی علیحدگی نے دنیا بھر میں موجود دونوں کے مداحوں کو مایوس کردیا تھا

دو سال تک ایک ساتھ رہنے کے بعد مارچ 2018 میں جی جی حدید اور زین ملک نے ایک دوسرے سے علیحدگی اختیار کرلی تھی اور دونوں نے سوشل میڈیا پر پوسٹس کے ذریعے علیحدگی کی تصدیق بھی کی تھی

علیحدگی کے باوجود دونوں کی خفیہ ملاقاتوں کی خبریں گردش میں رہتی تھیں تاہم ساتھ ہی یہ خبریں بھی آتی رہیں کہ زین ملک نے کسی اور خاتون جب کہ جی جی حدید نے کسی اور مرد سے تعلقات استوار کرلیے ہیں

لیکن دسمبر 2019 سے یہ خبریں آنا شروع ہوئیں کہ تقریبا ڈیڑھ سال تک الگ رہنے کے بعد اب ایک بار پھر جی جی حدید اور زین ملک ایک ہونے جا رہے ہیں اور جلد ہی دونوں پہلی بار ملاقات کرکے ایک دوسرے کی ناراضگیاں ختم کریں گے

اور اب خبر سامنے آئی ہے کہ دونوں نے دوبارہ تعلقات استوار کرتے ہوئے ایک دوسرے سے اہل خانہ کے ہمراہ ملاقات کرکے نئی زندگی کا آغاز کردیا ہے اور دونوں نیویارک میں ملے جہاں انہوں نے سالگرہ پارٹی بھی منعقد کی اس پر جی جی حدید کے اہل خانہ بھی خوش ہیں کیوں کہ انہوں نے ہمیشہ سے ہی زین ملک کو اپنے خاندان کا حصہ سمجھا ہے

دونوں کی ملاقات جی جی حدید کی والدہ یالندا حدید کی 56 ویں سالگرہ کے موقع پر ہوئی اور ان کی سالگرہ ایک پرائیویٹ جگہ پر منائی گئی

اگرچہ دونوں کے درمیان تعلقات بحال ہونے اور دونوں کی ملاقات کی خبریں اور تصاویر سامنے آ چکی ہیں تاحال دونوں نے ایک دوسرے سے تعلقات بحال کرنے کی خبروں کی تردید یا تصدیق نہیں کی

پاکستان کے نامور گلوکار علی سیٹھی کا نیا گانا خبر تحیر عشق ریلیز ہوتے ہی مداحوں میں مقبول ہو گیا غزل کے انداز میں تیار کیے گئے اس گانے کو انٹرنیٹ پر بےحد پسند کیا جارہا ہے

علی سیٹھی نے اپنے نئے گانے ‘خبر تحیر عشق’ کے ذریعے اردو کے معروف شاعر سراج اورنگ آبادی کو خراج عقیدت پیش کیا

گلوکار کا یہ نیا گانا سراج اورنگ آبادی کی غزل ‘خبر تحیر عشق’ پر ہی مبنی ہے جس میں علی سیٹھی کا ساتھ گریمی ایوارڈ جیتنے والے موسیقار نوح جارجسن نے دیا

4 منٹ 29 سیکند دورانیے کے اس گانے کی ویڈیو میں علی سیٹھی اور نوح جارجسن اکٹھے جلوہ گر ہوئے انٹرنیٹ پر علی سیٹھی کے اس گانے کو کافی مثبت ردعمل موصول ہورہا یوٹیوب پر اب تک اس ویڈیو کو 11 لاکھ سے زائد بار دیکھا جاچکا ہے

سماجی رابطے کی ویب سائٹ ٹویٹر پر بھی مداحوں نے نے گانے کی خوب تعریف کی

برطانوی اداکار، موسیقار، سائنسدان اور سائنسی پروگراموں کے میزبان 51 سالہ برین ایڈورڈ کاکس نے انکشاف کیا ہے کہ سابق برطانوی شہزادی مارگریٹ نے انہیں ان کی 23 ویں سالگرہ پر رومانوی انداز میں چھوا تھا

برین کاکس کو ان کی فزکس کے شعبے میں تحقیقی خدمات اور سائنسی پروگراموں کی میزبانی کی وجہ سے کافی شہرت حاصل ہے جبکہ انہیں ایک اداکار اور موسیقار کے طور پر بھی پہنچانا جاتا ہے اور انہیں نہ صرف سائنس کی دنیا بلکہ شوبز کی دنیا کی اہم شخصیت تسلیم کیا جاتا ہے

برین کاکس نے ایک درجن سے زائد فلموں اور دستاویزی فلموں میں کام کیا ہےعلاوہ ازیں انہوں نے موسیقی کی دنیا میں بھی نام پیدا کیا اور وہ برطانوی نشریاتی ادارے ’بی بی سی‘ کے سائنسی پروگرام سمیت دیگر اداروں کے سائنسی پروگرامات کی میزبانی بھی کرتے رہے ہیں

انہوں نے حال ہی میں برطانوی اخبار ’دی گارجین‘ کو دیے گئے ایک انٹرویو میں ماضی کا ذکر کرتے ہوئے انکشاف کیا کہ جب وہ ابھرتے ہوئے اداکار تھے تو سابق برطانوی شہزادی اور ملکہ برطانیہ کی بہن شہزادی مارگریٹ ان کی 23 ویں برتھ ڈے پارٹی میں آئیں اور ان سے رومانوی انداز میں ملیں اس وقت شہزادی کی عمر 43 سال تھی

برین کاکس بتایا کہ انہوں نے سالگرہ پر سرخ رنگ کی شرٹ پہنی ہوئی تھی جو شہزادی مارگریٹ کو بہت اچھی لگی اور انہوں نے اپنی انگلی ان کے سینے پر رکھتے ہوئے ان کی شرٹ کے اندر کرکے اسے نیچے کی طرف لی گئی اور وہ شہزادی کی اس ادا پر فریفتہ ہوگئے

انہوں نے کہا کہ یہ کوئی معمولی بات نہیں کہ کسی شاہی خاندان کی اہم اور خوبرو ترین خاتون کسی نوجوان مرد کے جسم میں پر ہاتھ پھیرے

شہزادی مارگریٹ ملکہ برطانیہ کی چھوٹی اور واحد بہن تھیں جو 2002 میں علالت باعث 70 سال کی عمر میں چل بسیں

وزیر اعظم عمران خان سمیت پی ٹی آئی کے دیگر رہنماؤں اور مشہور یو ٹیوبر پاکستانی نژاد کینیڈین شاہ ویر جعفری سمیت دیگر افراد کے بعد ٹک ٹاک ستار حریم شاہ کی ایک تصویر مفتی عبدالقوی کے ساتھ سوشل میڈیا پر وائرل ہو گئی

تصویر میں حریم شاہ کالے رنگ کا لباس پہنی ہوئی ہے جبکہ مفتی عبد القوی بادامی رنگ کا لباس زیب تن کئے ہوئے ہیں

سوشل میڈیا پر اس تصویر کے وائرل ہوتے ہی قیاس آرائیاں کی جا رہی ہیں کہ حریم شاہ اور مفتی عبدالقوی کے درمیان ملاقات اسلام آباد میں ہوئی تھی حریم شاہ نے مفتی عبدالقوی کے ساتھ سیلفی لینے کی درخواست کی جسے انہوں نے قبول کر لیا اور تصویر کو صارفین کی جانب شدید تنقید کا نشانہ بنایا جا رہا ہے

سوشل میڈیا صارف افتخار علی نے قندیل بلوچ کے ساتھ مفتی قوی کی تصویر لگا کر کہا کہ مفتی صاحب کافی نیک دل ہیں خواتین کو سیلفی لینے کی فوراً اجازت دے دیتے ہیں

جبکہ فرح راجہ نے حریم شاہ کو مشورہ دیتے ہوئے لکھا کہ خود کو ایک بریک دیں اور اپنا خیال رکھیں سیاست سے دور ہو جائیں اعر درامہ یا فلم انڈسٹری میں کام کرنے کی کوشش کریں

پاکستان کی نامور اداکارہ زارا نور عباس اس وقت مقبول ہونے والے ڈرامے ‘عہد وفا’ میں اپنے کردار کے لئے مداحوں میں خوب مقبول ہو رہی ہیں

29 سالہ زارا نور عباس ہم ٹی وی کے اس ڈرامے میں نوری نامی گاؤں کی لڑکی کا کردار نبھارہی ہیں جبکہ عثمان خالد بٹ نے ان کے شوہر کا کردار نبھایا ہے

اس ڈرامے کی کہانی چار دوستوں کے گرد گھومتی ہے جو اسکول میں ہوئے ایک جھگڑے کے بعد ایک دوسرے سے دور تو ہوجاتے ہیں لیکن ہمشیہ ساتھ گزارے لمحات کو یاد کرتے ہیں عثمان خالد بٹ کے علاوہ اس ڈرامے میں احد رضا میر احمد علی اکبر اور وہاج علی اہم کردار نبھارہے ہیں جبکہ علیزے شاہ بھی اہم کردار ادا کررہی ہیں

گلزار حسین اور زارا نور عباس کا کردار ‘رانی’ ہے اس وقت بے حد مقبول ہو رہے ہیں

حال ہی میں دیئے گئے ڈرامے میں کاسٹ کے حوالے سے ایک انٹرویو میں زارا نور عباس نےعہد وفا کے ساتھ ساتھ اپنی فلمز ‘چھلاوا’ اور ‘پرے ہٹ لو’ کے حوالے سے بھی بات کی

اقرا عزیز کے نئے ڈرامہ سیریل ’جھوٹی‘ کا ٹیزر جاری

زارا نور عباس عہد وفا کا حصہ کیسے بنی یہ بتاتے ہوئے ان کا کہنا تھا کہ میں پرے ہٹ لو کی تشہیر کررہی تھی جب میرے دوست نے مجھے عہد وفا کا بتایا سیفی حسن اس کی ہدایت کررہے تھے میں ذاتی طور پر سیفی حسن کے ساتھ کام کرنے کی خواہشمند تھی تو میں نے پھر شہریار منور سے اجازت لی جو پرے ہٹ لو کے پروڈیوسر بھی تھے تاکہ میں فلم کی تشہیر کو چار روز کے لیے چھوڑ کر اس ڈرامے پر کام کرسکوں

زارا نور عباس کے مطابق جب میں ڈراما شوٹ کرکے واپس آگئی تو اس وقت میں نے سوچا کہ چار لڑکوں کے اس ڈرامے میں کام کرنے کی حامی دے کر میں نے اپنے پاؤں پر کیوں کلہاڑی مار لی لیکن اس بات کے بر عکس جب ڈراما سامنے آیا تو اسے بہت اچھا ردعمل ملا جس کے لیے میں سب کا شکریہ ادا کرتی ہوں

زارا نور عباس اپنے کیریئر میں دو فلموں میں بھی معاون کردار نبھاچکی ہیں جن میں ‘چھلاوا’ اور ‘پرے ہٹ لو’ شامل ہیں دونوں ہی فلموں میں زارا نور کی اداکاری کو بےحد پسند کیا گیا جبکہ زارا نے یہ بھی کہا کہ ان کے دونوں کردار ان کے دل سے بےحد قریب ہیں

فلم ‘پرے ہٹ لو’ کی ہدایات عاصم رضا نے دی تھی جبکہ ‘چھلاوا’ کی ہدایات وجاہت رؤف نے دی

عاصم رضا کے بارے میں بات کرے ہوئے کہا کہ انڈسٹری میں وہ ان کے گاڈ فادر ہیں

فلم پرے ہٹ لو میں مایا علی نے مرکزی کردار نبھایا تھا جبکہ چھلاوا میں مہوش حیات فلم کی مرکزی ہیروئن بنی
زارا نور نے دونوں ہی اداکاراؤںکی تعریف کہ جبکہ انہوں نے مہوش حیات کے ساتھ کام کرنے کو اپنے لئے بڑا اعزاز کہا

زارا نور عباس نے 2016 میں ‘دھڑکن’ نامی ڈرامے کے ساتھ اپنے کیریئر کا آغاز کیا اس کے بعد وہ ‘خاموشی’، ‘لمحے’، ‘قید’ اور ‘دیوار شب’ جیسے ڈراموں میں بھی سامنے آئیں

اداکرہ نے بتایا کہ ان کی بڑی خواہش ہے کہ وہ ہمایوں سعید کے ساتھ کام کریں اور فواد خان اور علی ظفر کے ساتھ کام کرنے کی خوہش کا بھی اظہار کیا

صوفیانہ کلام جس نے بھی گایا وہ ناکام نہیں ہوا گلوکارہ

صوفیانہ کالم گانے والے گلوکار کبھی ناکام نہیں ہوتے : صنم ماروی

معیاری شاعری کے بغیر کوئی بھی گیت سننے والے کے دل کو۔نہیں چھو سکتا: گلوکارہ

لاہور: گلوکارہ صنم ماروی نے کہا کہ صوفیانہ کالم۔گانے والے گلوکاروں نے ہمیشہ بے پناہ محبت کمائی ہے اور وہ کبھی ناکام نہیں ہوتے

گلوکارہ نے ایک۔انٹرویو میں کہا کہ معیاری شاعری کے بغیر کوئی بھی گیت سننے والے کے دل کو نہیں چھو سکتا اور صوفیانہ کلام پڑھتے ہوئے جو حالت ہوتی ہے اسےالفاظ میں بیان نہیں کیا جا سکتا

ان کا کہنا تھا کہ میرا مشاہدہ ہے کہ جس بھی گلوکارہ نے صوفیانہ کلام گایا وہ ناکام نہیں ہوئی بلکہ اسے بے پناہ عزت ملی ہے اور وہ سننے والے کے دل میں ہمیشہ کے لیے امر ہو گئی

گلوکارہ نے کہا کہ صوفیانہ کلام۔پاکستان کے علاوہ دنیا کے دل۔ممالک میں بھی مقبول ہے اور صوفیانہ کلام پیش کرنے والوں کو کہیں زیادہ عزت و احترام۔دیا جاتا ہے

صنم ماروی نےکہا کہ میں نے جتنابھی گایا دل سے گایا ہے اور میری یہ کوشش اثر رکھتی ہے جس کے بدلے میں پرستار حوصلہ افزائی کرتے ہیں اور بے حد عزت و احترام دیتے ہیں

انہوں نے نئے گلوکاروں کو مشورہ دیتے ہوئے کہا کہ وہ اپنے سینئرز کے تجربے سے فائدہ اٹھائیں اور اپنی گائیکی کو نکھارنے کے لیے ان سے باقاعدہ تربیت لیں

فلم دل کہے جدھر کا پہلا ٹیزر جاری کردیا گیا جسے دیکھ کر فلم کی کہانی کو سمجھنا مشکل ہے

تاہم مختصر دورانیے ٹیزر سے اندازہ لگایا جا سکتا ہے کہ منشا پاشا اور جنید خان اگرچہ پہلے سے ہی دوست ہوتے ہیں تاہم اپنے اپنے پروفیشن میں جانے کے بعد وہ دوستی بھلا کر اپنے پروفیشن کو اہمیت دینے لگتے ہیں

ٹیزر میں جنید خان اور منشا پاشا سمیت فلم کی دیگر مرکزی کاسٹ کے مختصر کرداروں کو بھی دکھایا گیا ہے ٹیزر میں منشا پاشا کو ایک صحافی جب کہ جنید خان کو ایک پولیس افسر کے طور پر دکھایا گیا ہے

ٹیزر میں صحافیوں کو پیش آنے والی مشکلات دکھائے جانے کے ساتھ ساتھ پولیس افسران کو میڈیا کی وجہ سے ہونے والے مسائل کو بھی دکھایا گیا ہے

کہے دل جدھر‘ کی خاص بات یہ ہوگی کہ اس میں سینیئر اداکارہ عتیقہ اوڈھو بھی ایکشن میں دکھائی دیں گی اور وہ فلم میں اینٹی نارکوٹکس فورس کی افسر کا کردار ادا کرتی دکھائی دیں گی جس کا عتیقہ اوڈھو نے بھی اپنے انسٹاگرام اکاؤنٹ پر اے این ایف کے یونیفارم میں تصویر شیئر کرتے ہوئے ’کہے دل جدھر‘ کا حصہ بننے پر خوشی کا اظہار کیا

فلم کہے دل جدھر‘ کی ہدایات جلال رومی نے دی ہیں جب کہ اس کی کہانی کامران باری نے لکھی ہے فلم میں منشا پاشا اور جنید خان سمیت ساجد حسن بھی ایکشن میں دکھائی دیں گے

فلم کو ریلیز کرنے کی حتمی تاریخ کا اعلان نہیں کیا گیا تاہم خیال کیا جا رہا ہے کہ فلم کو رواں برس 20 مارچ کو ریلیز کیا جائے گافلم –

فحش گفگتو کرنے والے کو میرا کا خصوصی پیغام

اداکارہ میرا نے فحش گفتگو کرنے والے شخص کو کھری کھری سنا دیں

فنکار معاشرے کے قیمتی لوگ ہیں لالی وڈ میں عیاشی بالکل ممکن نہیں: اداکارہ

لاہور:اداکارہ میرا نے فحش گفتگو کرنےوالے شخص کو کھری کھری سنا دیں اور اپنی گفتگو کو خصوصی پیغام کا نام دے دیا میرا نے سوشل۔میڈیا پر اپنا پیغام لکھتے ہوئے کہا کہ ہیروئین کا مطلب حقیقی زندگی میں بھی ہیروئین ہی ہوتا ہے وہ نہ تو کوئی جسم فروش ہوتی ہے اور نہ ہی کسی کلب میں کام کرتی ہے

جبکہ پاکستانی فلم انڈسٹری کا مطلب فلم انڈسٹری ہی ہے یہ کوئہ سیکس کلب انڈسٹری نہیں اداکارہ نے کہا اگر کوئی شخص ہمارے فلمسٹارز کے ساتھ کام کرنا چاہتا ہے تو اسے اس بات کا علم ہونا چاہیے کہ یہ فنکار ہمارے معاشرے کے بہت قیمتی لوگ ہیں ہمیں ان کی مدد اور عزت کرنی چاہیے کیونکہ یہ فحش نہیں ہیں

میرا نے مزید کہا کہ اداکاراؤں کو وزیراعظم سے بھی اگلے درجے کا پروٹوکول ملنا چاہیے تاکہ وہ اپنے کام میں فخر کر سکیں اگر کسی کو لگتا ہے کہ لالی وڈ میں کسی کو۔عیاشی ملے گی تویہ بالکل غلط سوچ ہے ایسا بالکل ممکن نہیں

اداکارہ کی بات اور میسجز سے لگتا ہے کہ دوسری طرف شخص نے کچھ نازیبا فرمائش کی ہوگی جس کی وجہ سے اداکارہ کو یہ کہنے کی نوبت آئی اس پر سوشل میڈیا صارفین نے بھی اداکارہ کی حمایت کرتے ہوئے ان کے پیغام کی تائید کی اور دوسرے شخص کو نازیبا فرمائش پر شدید تنقید کا نشانہ بنایا