Category: شوبز

فلم اور سٹیج کی اداکارہ مدیحہ شاہ نے حالیہ انٹرویو میں ایک سوال اٹھایا ہے انہوں نے پوچھا ہے کہ لوگ ایک چہرے پر کیسے اتنے نقاب اوڑھ لیتے ہیں ؟ انہوں نے کہا کہ کیسا ضمیر رکھتے ہیں لوگ کہ ان کا اصل چہرہ سامنے آنے پر بھی ان کو کوئی شرمندگی نہیں ہوتی. مدیحہ شاہ نے کہا کہ انسان اپنے کردار اپنے مزاج اور رویے کی وجہ سے پہچانا جاتا ہے اگر اسکا کردار اچھا ہے مزاج اچھا ہے تو اسکی یقینا شہرت بھی اچھی ہی ہو گی لیکن اگر ایسا نہیں ہے تو یقینا اس کی شہرت بھی اچھی نہیں ہو گی. مدیحہ شاہ نے تشویش کا اظہا رکرتے ہوئے کہا کہ موجودہ دور میں سچے اور کھرے لوگوں کی کمی ہوتی جا رہی ہے. ایک سوال کے جواب میں مدیحہ شاہ نے کہا کہ کسی کا اعتماد نہیں توڑنا چاہیے جو کسی کا

اعتماد توڑتے ہیں ان کو کیسے نیند آجاتی ہے وہ کیسے دوسروں کا سامنا کرلیتے ہیں؟‌مدیحہ شاہ نے کہا کہ نام انہی کے زندہ رہتے ہیں جو دنیا میں اچھے کام کرتے ہیں اور اصولوں کے مطابق زندگی گزارتے ہیں . مدیحہ شاہ نے کہا کہ ہمیشہ کوشش کرنی چاہیے کہ آپ کی وجہ سے کسی نہ دل دکھے، اور کسی کا دل دکھا کر اسکی بدعا نہ لیں ڈریں اس چیز سے. مدیحہ شاہ نے آج کل جو فلمیں بن رہی ہیں اس پر بات کرتے ہوئے کہا کہ اچھی کوشش ہے جاری رہنی چاہیے.

معروف ماڈل و اداکارہ صدف بھٹی جو کافی عرصے منظر سے غائب ہیں انہوں نے حال ہی میں دئیے گئے ایک انٹرویو میں کہا ہے کہ انہوں نے شوبز انڈسٹری میں کئی سال گزارے ہیں ماڈلنگ کی ہے اور اداکاری بھی کی ہے. اور اس دوران انہیں بہت سارے حوالوں سے تجربے ہوئے. انہوں نے کہا کہ جیسے جیسے وقت گزرتا ہے انسان کی طبیعت میں تبدیلی آنے لگتی ہے اس کی سوچ کا زاویہ تبدیل ہونے لگتا ہے اسکے مزاج میں ٹھہرائو بھی آجاتا ہے. انہوں نے کہا کہ میں نے کام کے دوران مختلف قسم کے لوگوں کے مختلف قسم کے رویے دیکھے جن سے مجھے بہت کچھ سیکھے کا موقع

ملا. میں اب جس سٹیج پر ہوں اس میں ایک منٹ سے پہلے پتا لگ جاتا ہے کہ کون کہاں اور کس زاویے سے بول رہا ہے اور اسکا مقصد کیا ہے اور یہ چیز وقت سے پہلے سمجھ میں نہیں آتی اس کےلئے کئی رویوں کی خاک چھاننی پڑتی ہے. دوست دشمن کا پتا بھی وقت کے ساتھ ساتھ ہی چلتا ہے . صدف بھٹی نے یہ بھی کہا کہ طرح طرح کی دنیا ہے ہر کوئی آپ سے مختلف ہے اور مختلف سوچ رکھتا ہے لہذا ہر کسی کو اپنے مطابق نہیں کیا جا سکتا ہاں لیکن اس کا ایک حل ہے اور وہ یہ ہے کہ برداشت کریں اور بعض اوقات اگر کسی کو نظر انداز کرنا پڑے تو نظر انداز بھی کر جائیں .

باصلاحیت اداکارہ صبا‌حمید نے اپنے ایک حالیہ انٹرویو میں کہا ہے کہ ہمارے ملک میں چاہے صحت کا شعبہ ہو یا تعلیم دونوں کی ہی عجیب صورتحال ہے ایسا لگتا ہےکہ جیسے ان دونوں کو شعبوں کو کاروبار بنا لیا گیا ہے. غریب آدمی نہ اپنا علاج کروا سکتا ہے اور نہ ہی اپنے بچوں کو اچھے تعلیمی اداروں میں تعلیم دلوا سکتا ہے. غریب کے لئے تو علاج کروانا اور تعلیم حاصل کرنا جوئے شیر لانے کے مترادف ہو چکا ہے. ایلیٹ کلاس اور سرکاری سکولوں میں تعلیم حاصل کرنے والے بچوں کے درمیان کوئی مقابلہ نہیں ہے ان کے پڑھائی کے طریقہ کار اور ان کے نصاب میں زمین آسمان کا فرق ہے. غریب کا بچہ نہ فیسیں افورڈ کر سکتا ہے اس لئے وہ عملی زندگی میں‌مقابلے کی دوڑ سے ہی باہر ہوجاتا ہے جو کہ کافی تکلیف دہ

بات ہے. صبا پرویز نے زور دیکر کہا کہ حکومت کو چاہیے کہ وہ اس قسم کی تفریق کا خاتمہ کرے اور یکساں نصاب لاگو کرے تاکہ جو احساس محرومی غریب کے بچے میں جنم لیتی ہے وہ جنم نہ لے اور جب وہ پڑھائی مکمل کرے تو اس کے لئے بھی جاب کرنے کے اتنے ہی مواقع ہوں جتنے دوسروں کو میسر ہیں. انہوں نے مزید یہ بھی کہا حکومت کو چاہیے کہ وہ سرکاری ہسپتالوں کی بھی صورتحال کو بہتر کرے تاکہ غریب کا علاج ممکن ہو سکے.

بالی وڈ‌ اداکارہ ہرتیک روشن اپنے دونوں بیٹوں کے ساتھ فلم براہمسٹرا کی سکریننگ کے لئے سینما پہنچے واپسی پر ان کے مداحوں نے دیوانہ وار اپنے پسندیدہ اداکار کے ساتھ تصویریں کھچوانا چاہیں. رپورٹس کے مطابق اداکار ہرتیک روشن اور ان کے بیٹے گاڑی میں بیٹھ رہے تھے کہ ایک پرستار آیا اور اس نے سیلفی لینے کےلئے اداکار اور ان کے بیٹے کو ہی پُش کر دیا اور کوشش کی کہ بس اس کی سیلفی بن جائے. اس پر اداکار ہرتیک روشن خفا اور ہوگئے اور انہوں نے کہا کہ ” کیا کررہا ہے تو دھکا تو مت دو ” .اس واقعہ کی وڈیو سوشل میڈیا پر وائرل ہو رہی ہے جس میں دیکھا جا سکتا ہے کہ ہرتیک کے مداح کو کتنی جلدی تھی کہ اسکی سیلفی نہ مس ہوجائے. ہرتیک روشن کے پرسنل گارڈز نے اس بچے کو پیچھے ہٹانا

چاہاتو وہ واپس ہرتیک کی طرف بڑھنا چاہتا تھا جس پر اداکار نے گاڑی کے دروازے کے پاس کھڑے ہو کر کہا کہ ” کیا کررہا ہے تُو؟. یاد رہے کہ آج کل ہرتیک روشن سیف علی خان کے ساتھ اپنی فلم کرم ویدھا کی شوٹنگ میں‌ مصروف ہیں ہرتیک روشن کو اس فلم سے کافی امیدیں وابستہ ہیں سیف علی خان اور ہرتیک روشن پہلی بار بڑی سکرین ایک ساتھ شئیر کررہے ہیں.دونوں کے مداح ان کو ایکساتھ دیکھنےکےلئے کافی پرجوش ہیں.

اداکار فواد خان اور سجل علی کو نہ صرف پاکستان بلکہ بھارت میں بھی بہت زیادہ پسند کیا جاتا ہے دونوں فنکاروں نے بھارت میں بھی اپنی صلاحیتوں کا لوہا منوایا .تازہ اطالاعات کے مطابق فواد خان اور سجل علی کی ٹیلی فلم بے حد کا 11 ستمبر کو بھارتی چینل زندگی پر پریمئیر کیا جا رہا ہے.عاصم رضا کی ہدایت کاری میں بننے والی ایوارڈ یافتہ اس ٹیلی فلم کی کہانی ماں اور بیٹی کے تعلق کے مختلف پہلوئوں کو اجاگر کرتی ہے.
اس میں فواد خان اور سجل علی کے علاوہ نادیہ جمیل نے بھی اہم کردار ادا کیا ہے. ٹیلی فلم کو عمیرہ احمد نے لکھا ہے کہانی ماں اور بیٹی کے مضبوط اور حساس رشتے کی عکاسی کرتی ہے اور یہ کہ کس طرح جذبات میں خود غرضی کا معمولی سا اشارہ بھی درد اور دل کی تکلیف کا باعث بن

سکتا ہے۔اس میں نادیہ جمیل نے سجل علی کی ماں کا کردار ادا کیا ہے وہ اپنے شوہر کی موت کے بعد اپنی بیٹی کی تمام ذمہ داریاں اٹھا لیتی ہیں. یاد رہے کہ سجل علی اور فواد خان نے ابھی تک کسی فلم میں ایک ساتھ کام نہیں کیا ان کے مداح ان دونوں کو یقینا ایک ساتھ دیکھنا چاہتے ہیں. بھارتی چینل زندگی پر پاکستان کے مختلف ڈرامے مختلف اوقات میں لگتے رہے ہیں بھارت میں آج بھی ہمارے ڈرامے کافی مقبول ہیں ہمارے ٹی وی کے سٹارز بھی کافی مقبول ہیں.فواد خان کا ڈرامہ ہمسفر اور زندگی گلزار ہے بھی زندگی چینل پر آن ائیر جا چکا ہے.

فلم ساز کرن جوہر گزشتہ دنوں بھارتی کامیڈی شو ‘کیس تو بنتا ہے’ میں شریک ہوئے جس میں ان سے دلچسپ سوالات پوچھے گئے، شو کے میزبان رتیش دیش مکھ نے کرن جوہر سے پوچھا کہ ”جب آپ کسی اداکار کو آپ کاسٹ کرتے ہیں، کیا آپ صرف ان کی اچھی شکل، اچھی شکل اور اچھی شکل کو ہی دیکھتے ہیں ” ؟ تو کرن جوہر نے حیران کر دینے والا جواب دیا اور کہا کہ جب میں کسی کو کاسٹ کرتا ہوں تو صرف ”تفریح، تفریح ​​اور تفریح ​​ کو مد نظر رکھتا ہوں ہاں کبھی کبھار ٹیلنٹ، ٹیلنٹ، ٹیلنٹ، کو بھی دیکھتا ہوں لیکن وہ کبھی ملتا نہیں ہے”۔ کرن جوہر کے اس جواب کو بہت پسند کیا جا رہا ہے. رتیش دیش مکھ نے اپنے اس شو میں کرن جوہر کو بہت تنگ کیا اور ان سے جان بوجھ کر ایسے سوال کرتے رہے کہ جن کا وہ ٹیڑھا جواب دیں.

یاد رہے کہ ”کیس تو بنتا ہے” ایک قسم کا ہفتہ وار کامیڈی شو ہے جس میں رتیش دیش مکھ بطور دفاعی وکیل اور ورون شرما بطور سرکاری وکیل نظر آتے ہیں۔ سوشل میڈیا کی مشہور شخصیت کشا کپیلا بالی ووڈ کی کچھ بڑی شخصیات کی قسمت کا فیصلہ کرنے کے لیے جج کا لباس پہنے ہوئے نظر آتی ہیں جبکہ پریتوش ترپاٹھی، گوپال دت، سنکیت بھوسلے، اور سوگندھا مشرا کامیڈی کرتے ہوئے نظر آتے ہیں یہ شو اپنی انفرادیت کی وجہ سے عوام میں کافی مقبول ہے.

بگ باس سیزن 13 سے شہرت کی بلندیوں کو چھونے والی شہناز گل نے اپنے حالیہ انٹرویو میں انکشاف کیا ہے کہ بالی وڈ کے دبنگ سلمان خان نے انہیں زندگی میں آگے بڑھتے رہنے کا درس دیا ہے انہوں نے سکھایا ہے کہ کس طرح سے زندگی میں آگے بڑھتے رہنا ہے. شہناز گل سے انٹرویو میں جب پوچھا گیا کہ وہ نسبتاً جوان ہونے کے باوجود اپنی شخصیت میں پختگی کیسے لائیں؟ تو انہوں نے بہت ہی سوچ سمجھ کر جواب دیتے ہوئے کہا کہ جب آپ اکیلے رہتے ہیں اور ایک چھوٹے سے شہر سے آتے ہیں، تو آپ کو پتا ہوتا ہے کہ آپکا ٹارگٹ کیا ہے اور کیسے آگے بڑھنا ہے اور اس کے لئے کیا کرنا ہے ، میں‌نے اپنے آس پاس کے لوگوں سے بہت کچھ سیکھا. ان سے جب سوال ہوا کہ آپ کو سلمان خان نے کیا سکھایا ہے تو انہوں نے

کہا کہ انہوں نے مجھے آگے بڑھنا سکھایا ہے انہوں نے مجھے بتایا ہے کہ اگر میں محنت کروں تو میں زندگی میں بہت آگے جا سکتی ہوں۔ وہ مجھے بہت حوصلہ دیتے ہیں. یاد رہے کہ شہناز گل کی دوستی بگ باس 13 میں اداکار سدھارتھ شکلہ سے ہوئی تھی اس کے بعد ان کی دوستی محبت میں بدل گئی لیکن سدھارھ کی زندگی نے ان کے ساتھ وفا نہ کی. شہناز گل ان کی موت کے بعد کافی اکیلی پڑ گئیں تھیں لیکن انہوں نے جلد ہی حقیقت قبول کرتے ہوئے اپنے کیرئیر پر توجہ دی. شہناز بالی وڈ میں سلمان خان کی فلم کسی کا بھائی کسی کی جان سے قدم رکھ رہی ہیں.

بالی وڈ کے کھلاڑی کہلائے جانے والے اداکار اکشے کمار نے گزشتہ روز اپنی 55 ویں سالگرہ منائی اس موقع پر ان کے مداحوں اور ساتھیوں نے انہیں سالگرہ کی ڈھیروں ڈھیر مبارکباد دیں. جن مشہور شخصیات نے اکشے کمار کو سوشل میڈیا پر سالگرہ کی مبارکباد دی ان میں سارہ علی خان، اجے دیوگن، راکل پریت سنگھ، وانی کپور، کترینہ کیف، سنیل شیٹی اور کرینہ کپور و دیگر کے نام قابل زکر ہیں. اکشے کمار نے سوشل میڈیا پر ایک پوسٹ لگائی جس میں انہوں نے اپنے تمام مداحوں سے ان کی سالگرہ پر دی جانے والی مبارکبادوں کا شکریہ ادا کیا۔ اکشے نے پوسٹ کے کیپشن میں لکھا، وقت تو گزرتا ہی رہتا ہے لیکن جو چیز مستقل رہتی ہے وہ شکر گزاری ہے، میری ہر سالگرہ پر جس طرح سے میرے مداح مجھے سالگرہ کی مبارکباد دینا

نہیں بھولتے میں ان کا بے حد شکر گزار ہوں. اکشے کمار کی اس پوسٹ کے کمنٹس سیکشن میں ان کے مداحوں نے اداکار کی اس پوسٹ کو سراہا . یاد رہے کہ اکشے کمار کی بہت بڑی فین فالونگ ہے ان کو نہ صرف ہندوستان بلکہ پاکستان میں بھی بہت پسند کیا جاتا ہے.انہوں نے اپنے کیرئیر کا آغاز 1991 میں کیا تب سے لیکر اب تک وہ مسلسل کامیابیاں سمیٹ رہے ہیں. جہاں دیگر بالی وڈ سٹارز بائیکاٹ مہم کا شکار ہو رہے ہیں وہیں اکشے کمار بھی اس مہم کا شکار ہوئے ہیں اور ان کی حال ہی میں ریلیز ہونے والی فلم رکشا بندھن بائیکاٹ مہم کی نذر ہو گئی ہے.

رنویر سنگھ اور دیپیکا پڈوکون بالی ووڈ کی سب سے زیادہ پسند کی جانے والی جوڑیوں میں سے ایک ہیں۔ یہ دونوں اپنی کیمسٹری، فیشن اور اداکاری کی وجہ سے مداحوں کے دل کے قریب ہیں. یہ دونوں ایک دوسرے کے لیے اپنی محبت کا اظہار کرنے میں کبھی بھی ہچکچاہٹ محسوس نہیں کرتے۔ دیپیکا پاڈوکون نے اپنے ایک حالیہ انٹرویو میں بتایا ہے کہ انہوں نے کیوں رنویر سنگھ کوشادی کے معاملے میں ہاں کرنے میں دیر لگائی؟‌.انہوں نے کہا ہے کہ جیسا کہ وہ ماضی میں کئی رشتوں میں رہیں ان کا اعتماد کئی بار ٹوٹا ، جب وہ رنویر سے ملی تھیں تو ان کا اعتبار ٹوٹ چکا تھا وہ

تھک چکی تھیں وہ کچھ عرصہ کے لئے اکیلی رہنا چاہتی تھیں کسی سے ملنا یا بات کرنا نہیں چاہتی تھیں.دیپکا نے مزید کہا کہ میرا جس سے بھی تعلق رہا میں نے اس میں سو فیصد دوستی نبھائی لیکن وہ تعلق چل نہ سکے. لیکن جب میں 2012 میں رنویر سنگھ سے ملی تو ان سے میری دوستی ہوئی اور میں نے خود کے اور رنویر کے درمیان ایک کنکشن محسوس کیا اس کے باوجود میں رنویر سنگھ سے کسی قسم کی کمٹمنٹ نہیں کرنا چاہتی تھی لیکن وقت گزرنے کے ساتھ محسوس کیا کہ ان کے ساتھ زندگی گزاری جا سکتی ہے سو ہاں کر دی. یاد رہے کہ دیپیکا پہلے بھی اپنے ایک انٹرویو میں کہہ چکی ہیں کہ ان پر ایک ایسا وقت آیا کہ جس میں ان کو جینے کی تمنا ختم ہو چکی تھی وہ ہر وقت روتی رہتی تھی پھر ایک نفسیاتی ماہر کے پاس گئیں جنہوں نے ان کی زندگی کی طرف واپسی کی اور ان کو دماغی طور پر ٹھیک کیا.

مشہور گلوکار اور ریپر یو یو ہنی سنگھ کی انکی اہلیہ شالنی تلوار میں باضابطہ طلاق ہو گئی ہے گلوکار نے اہلیہ کو ایک کروڑ روپے بھی ادا کر دیا ہے.گزشتہ سال شالنی نے ہردیش سنگھ پر جو پیشہ ورانہ طور پر یو یو ہنی سنگھ کے نام سے مشہور ہیں، پر جنسی و گھریلو تشدد سمیت متعدد الزامات عائد کرتے ہوئے مقدمہ کیا اور 20 کروڑ بھارتی روپے کے ہرجانے کا بھی دعویٰ کیا.شالنی نے یہ تک کہہ دیا تھا کہ ہنی سنگھ اور ان کی فیملی نے مجھے ذہنی اور جذباتی طور پر اس قدر توڑ دیا تھا کہ میں خود کو باڑے کا جانور سمجھنے لگی تھی۔دوسری طرف ہنی سنگھ یہی کہتے آئے ہیں کہ ان کی اہلیہ کے اس قسم کے الزامات جھوٹے اور بدنیتی پر مبنی ہیں لیکن انہوں نے عدالتی حکم پر شالنی کو ایک کروڑ روپے ادا کر دئیے ہیں.

ہنی سنگھ نے شالنی کے بیانات کے بعد سوشل میڈیا پر ایک بیان جاری کیا تھا جس مں انہوں نے کہا کہ میں نے کبھی بھی کسی قسم کا بیان جاری نہیں کیا حالانکہ مجھے سخت تنقید کا نشانہ بنایا گیا لیکن میری فیملی پر جب سنگین قسم کے الزامات لگائے گئے ہیں تو مجھے چپ رہنے میں بہتری نظر نہیں آرہی. اس بار الزامات مجھ پہ نہیں بلکہ میرے خاندان، میرے بوڑھے والدین اور چھوٹی بہن پر لگائے گئے ہیں جنہوں نے مشکل وقت میں میرا ساتھ دیا.تاہم ہنی سنگھ اور شالنی کے درمیان اب الزامات کے سلسلہ رک گیا ہے کیونکہ ان دونوں‌کے درمیان باضابطہ طور پر طلاق ہوچکی ہے.