Category: کھیل

پاکستان کے اولمپک گولڈ میڈلسٹ جیولن تھرو ایتھلیٹ ارشد ندیم کو ورلڈ ایتھلیٹکس چیمپئن شپ کے لیے مکمل طور پر فٹ قرار دے دیا گیا۔

کوچ سلمان بٹ اور فزیو ڈاکٹر اسد عباس شاہ نے ارشد ندیم کی صحت اور کارکردگی پر اطمینان کا اظہار کرتے ہوئے کہا کہ وہ نہ صرف فٹ ہیں بلکہ گولڈ میڈل کے مضبوط امیدوار بھی ہیں۔ارشد ندیم ان دنوں پنجاب اسٹیڈیم لاہور میں صبح و شام سخت تربیتی سیشنز کر رہے ہیں، جن میں فزیکل کنڈیشننگ، رننگ اور جیولن تھرو کی خصوصی مشقیں شامل ہیں۔ کوچنگ اسٹاف کے مطابق ان کی فارم اور فٹنس مثالی ہے اور وہ عالمی سطح پر ایک بار پھر پاکستان کا نام روشن کرنے کے لیے تیار ہیں۔

ارشد ندیم 9 ستمبر کو جاپان کے دارالحکومت ٹوکیو روانہ ہوں گے، جہاں وہ 17 اور 18 ستمبر کو ہونے والے جیولن تھرو مقابلوں میں پاکستان کی نمائندگی کریں گے۔کوچ سلمان بٹ نے کہا کہ قوم کو یقین ہے ارشد ندیم ایک بار پھر سونے کا تمغہ جیت کر پاکستان کا سر فخر سے بلند کریں گے۔

سرینگر: حضرت بل درگاہ میں اشوکا کی کندہ کاری پر تنازع، تختی توڑ دی گئی

عید میلاد النبی ﷺ: قیدیوں کی سزا میں 180 روز کی خصوصی معافی منظور

ہنی مون کے دوران شوہر کا قتل، بیوی سمیت ملزمان کو سزائے موت دینے کا مطالبہ

مودی کا ٹرمپ کے بیان کا خیرمقدم، امریکا بھارت تعلقات کو مثبت قرار دے دیا

بھارتی کرکٹ بورڈ (بی سی سی آئی) کے سیکریٹری دیوجیت سائیکیا نے کہا ہے کہ بھارت کی بین الاقوامی مقابلوں میں شرکت حکومتی پالیسی کے مطابق ہوتی ہے، اسی لیے ایشیا کپ میں پاکستان کے خلاف کھیلنے سے انکار ممکن نہیں۔

دیوجیت سائیکیا کا کہنا تھا کہ کثیرالملکی ٹورنامنٹس میں بھارت ہر ملک کے خلاف کھیلتا ہے اور اس حوالے سے کسی قسم کی پابندی نہیں ہے، تاہم دوطرفہ سیریز میں دشمن ممالک سے میچز نہیں کھیلے جاتے۔انہوں نے کہا کہ بی سی سی آئی ہمیشہ مرکزی حکومت کی ہدایات کی پیروی کرتا ہے، ایشیا کپ ایک ملٹی نیشن ایونٹ ہے اور بھارت اس میں مکمل شرکت کرے گا، اسی اصول کے تحت بھارت آئی سی سی ایونٹس میں بھی پاکستان سمیت تمام ٹیموں کے خلاف کھیلے گا۔

بی سی سی آئی سیکریٹری نے خبردار کیا کہ اگر بھارت نے کسی ملک کے خلاف ملٹی نیشنل ٹورنامنٹ کھیلنے سے انکار کیا تو اس کے نتیجے میں بین الاقوامی سطح پر بھارتی کھیلوں پر پابندی لگ سکتی ہے، جس سے کھلاڑیوں کو نقصان پہنچے گا۔

سیلاب متاثرین کو رسکیو کرتے کشتی الٹ گئی، 5 افراد جاں بحق

پاکستان کرکٹ بورڈ (پی سی بی) نے کرکٹر حیدر علی کی معطلی کے معاملے پر وضاحت دیتے ہوئے کہا ہے کہ برطانیہ میں تمام قانونی کارروائی مکمل ہونے کے بعد ہی اس حوالے سے فیصلہ کیا جائے گا۔

ذرائع کے مطابق حیدر علی کے خلاف برطانیہ میں کیس سے متعلق پروسیجر ابھی باقی ہے، اور قانونی کارروائی مکمل ہونے کے بعد انہیں وطن واپسی کی اجازت ملے گی۔ ان کی واپسی پر پی سی بی معاملے کا تفصیلی جائزہ لے کر آئندہ لائحہ عمل طے کرے گا۔پی سی بی نے واضح کیا ہے کہ کوڈ آف کنڈکٹ کے مطابق حتمی فیصلہ لیگل کارروائی کے بعد ہی کیا جائے گا۔

یاد رہے کہ گزشتہ روز مانچسٹر پولیس نے قومی کرکٹر حیدر علی کے خلاف مبینہ ریپ کیس ناکافی شواہد کی بنیاد پر خارج کر دیا تھا۔ پولیس کے مطابق الزامات کو ثابت کرنے کے لیے درکار شواہد میسر نہیں تھے، جس پر تحقیقات بند کر دی گئیں۔

میڈرڈ میں تکنیکی خرابی سے ہائی اسپیڈ ٹرین سروس شدید متاثر

بھارتی ڈیمز میں پانی کی سطح میں اضافہ، مزید پانی آنے کا خدشہ

اندرونی اختلافات،سنی اتحاد کونسل کے 26 اراکین نے استعفیٰ نہیں دیا، فہرست منظرعام پر

مانچسٹر پولیس نے قومی کرکٹر حیدر علی کے خلاف زیادتی کا کیس ناکافی شواہد کی بنیاد پر خارج کر دیا۔

کیس ختم ہونے کے بعد برطانوی حکام نے حیدر علی کا پاسپورٹ بھی واپس کر دیا ہے۔ پی سی بی ذرائع کے مطابق وہ ایک دو روز میں پاکستان واپس پہنچیں گے اور وطن واپسی پر ان کی معطلی ختم کر دی جائے گی۔گریٹر مانچسٹر پولیس اور کراؤن پراسیکیوشن سروس نے تصدیق کی کہ الزامات کو آگے بڑھانے کے لیے شواہد ناکافی ہیں، اس لیے تحقیقات بند کر دی گئی ہیں۔

واضح رہے کہ 4 اگست کو مانچسٹر کے ایک ہوٹل میں برطانوی نژاد پاکستانی خاتون نے حیدر علی پر زیادتی کا الزام عائد کیا تھا، جس کے بعد پولیس نے انہیں کینٹ کے اسپٹ فائر گراؤنڈ سے گرفتار کیا تھا جہاں وہ پاکستان شاہینز کے ساتھ موجود تھے۔ بعد ازاں انہیں کینٹربری پولیس اسٹیشن منتقل کیا گیا تھا۔

بنوں میں گیس پائپ لائن پر حملہ، دھماکے سے آگ بھڑک اٹھی

پاکستان اور چین کے درمیان تعاون اور سرمایہ کاری کیلئے 21 یادداشتوں پر دستخط

پاکستان اور چین کے درمیان تعاون اور سرمایہ کاری کیلئے 21 یادداشتوں پر دستخط

شارجہ کرکٹ اسٹیڈیم میں کھیلے جانے والے سہ فریقی سیریز کے پانچویں میچ میں پاکستان نے میزبان ٹرائی نیشن سیریزکو 172 رنز کا ہدف دے دیا۔

پاکستانی ٹیم نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 171 رنز بنائے۔ فخر زمان نے شاندار بیٹنگ کا مظاہرہ کرتے ہوئے 44 گیندوں پر 77 رنز کی ناقابلِ شکست اننگز کھیلی، جس میں 10 چوکے اور 2 چھکے شامل تھے۔ ان کے ساتھ محمد نواز نے بھی بہترین کھیل پیش کرتے ہوئے 37 رنز ناٹ آؤٹ بنائے۔80 رنز پر آدھی ٹیم کے آؤٹ ہونے کے بعد فخر زمان اور محمد نواز نے چھٹی وکٹ کے لیے 91 رنز کی شراکت قائم کی۔

پاکستان کی جانب سے صاحب زادہ فرحان 16، محمد حارث 14، صائم ایوب 11، کپتان سلمان علی آغا 7 اور حسن نواز 4 رنز بنا کر آؤٹ ہوئے۔ یو اے ای کے بولر حیدر علی نے 2 وکٹیں حاصل کیں۔پاکستان نے اس میچ میں دو تبدیلیاں کیں: حارث رؤف کی جگہ سلمان مرزا اور صفیان مقیم کی جگہ ابرار احمد کو ٹیم میں شامل کیا گیا۔

پاکستان کی پلیئنگ الیون:
سلمان علی آغا (کپتان)، صاحب زادہ فرحان، صائم ایوب، فخر زمان، حسن نواز، محمد نواز، محمد حارث، فہیم اشرف، شاہین شاہ آفریدی، سلمان مرزا اور ابرار احمد۔

واضح رہے کہ پاکستان نے سیریز کے پہلے میچ میں افغانستان کو 39 رنز سے اور دوسرے میچ میں یو اے ای کو 31 رنز سے شکست دی تھی، تاہم تیسرے میچ میں افغانستان کے ہاتھوں 18 رنز سے ہار کا سامنا کرنا پڑا تھا۔

اسلام آباد سمیت ملک کے مختلف شہروں میں زلزلے کے جھٹکے

ٹرمپ کا یورپ کو روسی ایندھن کی خریداری روکنے اور چین پر دباؤ ڈالنے کا مشورہ

ملک بھر میں مون سون کا 9واں اسپیل، محکمہ موسمیات کی مزید بارشوں کی پیش گوئی