Category: کھیل

پاکستان کرکٹ ٹیم کے کھلاڑیوں کے کرونا ٹیسٹ کے نتائج مثبت آگئے

باغی ٹی وی رپورٹ کے مطابق پاکستان کرکٹ بورڈ تصدیق کرتا ہے کہ منگل کے روز 7 کھلاڑیوں اور ٹیم منیجمنٹ میں شامل ایک رکن کےکوویڈ19ٹیسٹ کے نتائج مثبت آئے ہیں۔ مجموعی طور پراسکواڈ میں شامل 35 کھلاڑیوں اور آفیشلز کے کوویڈ 19 ٹیسٹ پیر کے روز لیے گئے ۔ان کھلاڑیوں اور آفیشلز کے ٹیسٹ لاہور، کراچی اور پشاور میں لیے گئے تھے۔

جن کھلاڑیوں کے ٹیسٹ مثبت آئے:

فخر زمان، عمران خان، کاشف بھٹی، محمد حفیظ، محمد حسنین، محمد رضوان اور وہاب ریاض

جن کھلاڑیوں کے ٹیسٹ منفی آئے:

عابد علی، اسد شفیق، اظہر علی، بابراعظم، فہیم اشرف، فواد عالم، افتخار احمد، امام الحق، خوشدل شاہ، محمد عباس، نسیم شاہ، سرفراز احمد، شاہین شاہ آفریدی، شان مسعود، سہیل خان اور یاسر شاہ

ٹیم منیجمنٹ میں شامل جس رکن کا ٹیسٹ مثبت آیا:

ملنگ علی(مساجر)

ٹیم منیجمنٹ میں شامل جن آفیشلز کے ٹیسٹ منفی آئے:

منصور رانا (منیجر )، مصباح الحق (ہیڈ کوچ)، شاہد اسلم (اسسٹنٹ ٹو ہیڈ کوچ)، یونس خان (بیٹنگ کوچ)، مشتاق احمد (اسپن باؤلنگ کوچ)، عبدالمجید (فیلڈنگ کوچ)، طلحہٰ بٹ ( ٹیم اینالسٹ)، یاسر ملک (اسٹرینتھ اینڈکنڈیشننگ کوچ)، ڈاکٹر سہیل سلیم (ٹیم ڈاکٹر)، لیفٹننٹ کرنل ریٹائرڈ عثمان رفعت (سیکورٹی منیجر ) اور رضا کیچلو (میڈیا اینڈ ڈیجیٹل کنٹنٹ منیجر )۔

تاحال جن کے ٹیسٹ نہیں ہوسکے:

شعیب ملک، کلف ڈیکن اور وقار یونس

حیدر علی، حارث رؤف اور شاداب خان کی طرح ان ساتوں کھلاڑیوں اور اسکواڈ میں شامل ٹیم مساجر میں بھی ٹیسٹنگ سے قبل کوویڈ 19 کی کوئی علامات نہیں پائی گئیں۔

پی سی بی کا میڈیکل پینل ان تمام کھلاڑیوں اور ٹیم مساجر سے مسلسل رابطے میں ہےاور ان تمام اراکین کو فوری طور پر سیلف آئسولیشن میں جانے کی ہدایت کردی گئی ہے جو کہ ان کے اور ان کی فیملی کے صحت اور حفاظت کے لیے بھی ضروری ہے۔

اگلا لائحہ عمل:

• اسکواڈ میں شامل ایسے کھلاڑی اور آفیشلز جن کے ٹیسٹ منفی آئے ہیں وہ 24 جون کو لاہور کے بائیو سیکیور ماحول میں اکٹھے ہوں گے۔ان تمام اراکین کی دوسری کوویڈ19 ٹیسٹنگ 25 جون کو ہوگی
• لاہور کے بائیو سیکیور ماحول میں موجود جن کھلاڑیوں اور آفیشلز کے25 جون کو لیے جانے والے ٹیسٹ بھی منفی آئیں گے تو وہ 28 جون کو چارٹرڈ پرواز پر مانچسٹر روانہ ہوں گے
• چارٹرڈ پرواز کے ذریعے انگلینڈ پہنچنے والے کھلاڑیوں اور آفیشلزکی تیسری کوویڈ 19 ٹیسٹنگ ای سی بی کا میڈیکل پینل کرے گا۔یہ ٹیسٹنگ پاکستان کے اسکواڈ کے انگلینڈ پہنچنے کے 24 گھنٹوں کے اندر اندر ہوگی
• انگلینڈ پہنچنے پر جن کھلاڑیوں اور آفیشلز کے ٹیسٹ منفی آئیں گے تو انہیں یوکے حکومت کے قوانین کے مطابق قرنطینہ کی مدت کرنی پڑے گی تاہم وہ اس دوران بائیو سیکیور ماحول میں پریکٹس اور ٹریننگ کرسکیں گے
• اسکواڈ میں شامل وہ کھلاڑی اور آفیشلز جن کے کوویڈ 19 ٹیسٹ مثبت آئے ہیں وہ سیلف آئسولیشن میں رہیں گے اور پی سی بی کا میڈیکل پینل ان کی کڑی نگرانی کرے گا
• ایسے تمام اسکواڈ ممبرز جن کے کوویڈ 19 ٹیسٹ مثبت آئے ہیں، ان کی مقررہ وقت پر دوبارہ ٹیسٹنگ کی جائے گی اوراگر اس صورتحال میں ان کے 2 ٹیسٹ منفی آجاتے ہیں تو انہیں کمرشل پرواز پر انگلینڈ روانہ کرنے کے لیے انتظامات کیے جائیں گے
• یوکے پہنچنے پر ان کی دوبارہ ٹیسٹنگ ہوگی جو ای سی بی کا میڈیکل پینل کرے گا۔ اس صورتحال میں رپورٹ منفی آنے کے بعد انہیں وہاں موجود پاکستان کے اسکواڈ میں شامل دیگر اراکین کے ساتھ شامل کرلیا جائے گا
• سیریز کے ایس او پیز کے مطابق پہلے ٹیسٹ سے قبل پاکستان کرکٹ ٹیم کی کم از کم 5 مرتبہ کوویڈ 19 ٹیسٹنگ کی جائے گی

وسیم خان، چیف ایگزیکٹو پی سی بی:

پاکستان کرکٹ بورڈ کے چیف ایگزیکٹو وسیم خان کا کہنا ہے کہ علامات ظاہر ہوئے بغیر کچھ فٹ کھلاڑیوں کے ٹیسٹ مثبت آنااس خدشے کی عکاسی کرتا ہے کہ یہ وائرس کتنا خطرناک ہے، لہٰذا میں پی سی بی کی جانب سے ایک بار پھر عوام سے درخواست کرتا ہوں کہ وہ اپنی اور اپنے اہلخانہ کی صحت کا خیال رکھتے ہوئے وفاقی اور صوبائی حکومتوں کی ہدایات اور تیار کردہ حفاظتی تدابیر پر سختی سے عملدرآمد کریں ۔

وسیم خان نے کہا کہ جن کھلاڑیوں کے ٹیسٹ مثبت آئے ہیں ان کی مسلسل نگرانی کی جائے گی، اس دوران ان کی ہر ممکن مدد کرنے کے ساتھ ساتھ ان کے دیگر ٹیسٹ لیے جائیں گے اور جیسے ہی ان کے 2 ٹیسٹ منفی آئیں گے تو وہ اسکواڈ کو جوائن کرنے کے لیے انگلینڈ روانہ ہوجائیں گے۔ انہوں نے کہا کہ فی الحال ان تمام کھلاڑیوں اور ٹیم مساجر کو فوری طور پر قرنطینہ میں جانے کی ہدایت کردی گئی ہے کیونکہ یہ ان کی صحت کے ساتھ ساتھ ان کے پیاروں کی حفاظت کے لیے بھی ضروری ہے۔

چیف ایگزیکٹو پی سی بی نے کہا کہ دورہ انگلینڈ پر کوئی اثر نہیں پڑا اور اس سلسلے میں قومی اسکواڈ 28 جون کو مانچسٹر روانہ ہوگا، خوش قسمتی سے محمد رضوان کے علاوہ طویل طرز کی کرکٹ کے لیے اولین انتخاب میں شامل تمام کھلاڑی انگلینڈ میں ٹیسٹنگ کے فوری بعد ٹریننگ اور پریکٹس کا آغاز کرسکتے ہیں۔

انہوں نے مزید کہا کہ اس دوران مصباح الحق انگلینڈ میں مجوزہ ٹریننگ شیڈول کا دوبارہ جائزہ لیں گے اوراس حوالے سے وہ ریزرو کھلاڑیوں کی بیک اپ کے طور پر ٹیسٹنگ کا لائحہ عمل تیار کریں گے۔

نوٹ برائے ایڈیٹرز:

ای سی بی کے میڈیکل پینل کی جانب سےپاکستان کرکٹ ٹیم کے لیے دورہ انگلینڈ کے لیے تیار کردہ بائیو سیکیور ماحول کے چند اہم نکات مندرجہ ذیل ہیں:

• روزانہ کی بنیاد پر علامات اور درجہ حرارت کا جائزہ
• بائیوسیکیور ماحول میں موجود تمام افراد کی متواتر کوویڈ19 ٹیسٹنگ (اوسطاََ ہر سات روز میں)
• ہوٹل کے عملے سمیت صرف ضروری اسٹاف کی موجودگی
• بائیو سیکیور ماحول میں زوننگ کی گئی ہے لہٰذا متعلقہ شخص کو اپنے مخصوص زون میں جانے کی اجازت ہوگی
• ہر کسی پر سماجی فاصلہ اور حفظان صحت کے اصول کا نفاذ
• چہرے پر ماسک پہننا لازم

دورہ انگلینڈ میں ایس او پیز اپنانے ہوں گے،وہاں ٹیسٹ کب ہوں گے؟ ڈائریکٹر میڈیکل اینڈ اسپورٹس سائنسز پی سی بی نے بتا دیا
باغی ٹی وی کی رپورٹ کے مطابق ڈائریکٹر میڈیکل اینڈ اسپورٹس سائنسز پی سی بی ڈاکٹر سہیل سلیم نے کہا ہے کہ کوویڈ 19 ٹیسٹ کی رپورٹ آنے کے کھلاڑیوں کو لاہور بلایا جائے گا

ڈاکٹر سہیل سلیم کا کہنا تھا کہ دوسری ٹیسٹ پچیس جون کو ہو گی،انگلینڈ میں جا کر وہاں کے پروٹوکول اپنائے جائیں،انگلینڈ میں باقاعدگی سے ٹیسٹ ہو ں ،انگلینڈ پہنچنے کے دوسرے روز ٹیسٹنگ ہو گی ،انگلینڈ میں تین روز کے وقفے کے بعد بھی ٹیسٹنگ ہو گی

ڈاکٹر سہیل سلیم کا کہنا تھا کہ بائیو سیکور ماحول میں رکھنے کا مقصد ہی سماجی فاصلے رکھنا ہے ،انگلینڈ کو پازیٹو آنے والے کھلاڑی کو آئسولیٹ کر دیا جائے گا ،سات دن کھلاڑی ائسولیٹ رہے گا اگر یہ کھلاڑی مسلسل پازیٹو آتا رہے گا تو پھر واپس بھجوایا جائے گا ،وہاں خدانخواستہ اسپتال میں بھی انتظامات کئیے گئے ہیں

Dr Sohail Saleem, Director – Sports Sciences and Medicine holds a videoconference with the local media. pic.twitter.com/VcwEvgAa5Q

— PCB Media (@TheRealPCBMedia) June 22, 2020

ڈاکٹر سہیل سلیم کا مزید کہنا تھا کہ انگلینڈ کے قوانین کے مطابق تمام ایس او پیز اپنائیں جائیں گے ،وہاں کسی کو ملنے نہیں دیا جائے گا، انگلینڈ میں اب کمی آ رہی اور پاکستان میں کیسز بڑھ رہے ہیں،انگلینڈ اتھارٹیز کا کہنا ہے کہ اب وہ پیک گزار چکے ہیں ،ہم ویسٹ انڈیز ٹیم کو مانیٹر کر رہے ہیں ہم فٹ بال کو بھی دیکھ رہے ،رسک فیکٹر بہت بڑا ہے لیکن اسے محدود سے محدود کرنے کی کوشش کی ہے

ڈاکٹر سہیل سلیم کا مزید کہنا تھا کہ تماشائیوں کے داخلے کی پابندی ہے دیگر احتیاطی تدابیر بھی ہیں ،کھلاڑی بھی سولجر ہیں جو موجودہ حالات میں لوگوں کی پریشانی کو کم کرنے کے لئیے میدان میں آئے ہیں.

پی سی بی کا دورہ انگلینڈ کے لیے شعیب ملک کو خصوصی چھوٹ دینے کا فیصلہ

باغی ٹی وی کی رپورٹ کے مطابق پاکستان کرکٹ بورڈ نے شعیب ملک کو دورہ انگلینڈ کے لیے خصوصی چھوٹ دینے کا فیصلہ کیا ہے .

شعیب ملک 24 جولائی کو پاکستان کرکٹ ٹیم کو انگلینڈ میں جوائن کریں گے۔ اس سے قبل وہ اپنے اہل خانہ کے ساتھ وقت گزاریں گے۔ وہ گذشتہ پانچ ماہ سے اپنے اہل خانہ سے نہیں مل پائے۔

کورونا وائرس کے سبب بین الاقوامی سفری پابندیوں کے پیش نظر قومی کرکٹر کی اہلیہ ثانیہ مرزا اور ان کے بیٹے ازہان مرزا ملک بھارت جبکہ شعیب ملک سیالکوٹ میں مقیم ہیں۔ سفری پابندیوں سے قبل شعیب ملک ایچ بی ایل پی ایس ایل 2020 میں پشاور زلمی کی نمائندگی کرنے میں مصروف تھے۔ 20 فروری کو شروع ہونے والا ایونٹ 17 مارچ کو التواء کا شکار ہوگیا تھا۔

پاکستان کرکٹ بورڈ کے چیف ایگزیکٹو وسیم خان کا کہنا ہے کہ ہمارے برعکس شعیب ملک اپنی پیشگی مصروفیات اور کورونا وائرس کے سبب سفری پابندیوں کے پیش نظر گذشتہ پانچ ماہ سے اپنے اہل خانہ کو نہیں دیکھ سکے۔ چیف ایگزیکٹو پی سی بی نے کہا چونکہ سفری پابندیوں میں آہستہ آہستہ نرمی واقع ہورہی ہے جس سے اس خاندان کے دوبارہ یکجا ہونے کی امید پیدا ہوئی ہے، لہٰذا مناسب ہے کہ ہم اپنی ذمہ داری نبھاتے ہوئے انسانی بنیادوں پر ہمدردی کا مظاہرہ کریں اور شعیب ملک کی درخواست کا احترام کریں۔

وسیم خان نے کہا کہ ہم نے انگلینڈ اینڈ ویلز کرکٹ بورڈ سے رابطہ کیا ہے اور وہ صورتحال کو سمجھتے ہیں، اس حوالے سے انہوں نے شعیب ملک کو 24 جولائی کو ملک میں داخلے کی اجازت دینے پر اتفاق کیا ہے۔انہوں کہا کہ بلاشبہ شعیب ملک اسکواڈ کو جوائن کرنے سے قبل ملک میں داخلے سے متعلق برطانوی حکومت کی پالیسیوں پر عمل کریں گے۔

قومی کرکٹ ٹیم ڈربی شائر روانگی سے قبل 28 جون کو مانچسٹرکے لیے روانہ ہوگی۔ قومی ٹیم ڈربی شائر میں 14 روز تک قرنطینہ میں وقت گزارے گی، اس دوران ٹیم کو ٹریننگ اور پریکٹس کرنے کی اجازت ہوگی۔ ٹریننگ اور پریکٹس کے علاوہ پریکٹس میچوں کی کمی کی تلافی کے لیے چند انٹرا اسکواڈ میچز کا انعقاد بھی کیا جائے گا کیونکہ ای سی بی کے ڈومیسٹک سیزن کا آغاز نہ ہونے کے سبب پاکستان کرکٹ ٹیم کو پریکٹس میچز کھیلنے کے لیے مقامی ٹیمیں دستیاب نہیں ہیں۔

باغی ٹی وی کی رپورٹ کے مطابق قومی کرکٹ ٹیم کے فاسٹ باولر حارث روف نے ویڈیو لنک کا کانفرنس میں کہا ہے کہ دورہ انگلینڈ کے لئے ٹیم میں شامل ہونے پر بے حد خوش ہوں ۔

حارث روف کا کہنا تھا کہ انگلینڈ کے خلاف سیریز ہمیشہ اہم ہوتی ہے۔ انگلینڈ میں کرکٹ ہمیشہ ٹف ہوتی ہے سیکھنے کی کوشش کروں گا۔
میں پہلی مرتبہ انگلینڈ میں جارہا ہوں سینئرز سے سیکھنے کی کوشش کروں گا،محمد عباس ، وہاب ریاض اور عمران خان سینئر تجربہ کار ہیں ان سے سیکھوں گا۔ وائیٹ بال کرکٹ کھیل چکا ہوں ریڈ بال کرکٹ سے ڈومیسٹک کرکٹ کا تجربہ ہے۔ طویل باولنگ سپیل کرچکا ہوں اگر موقع ملے تو ریڈ بال کرکٹ میں بھی اچھا پرفارم کروں

حارث رؤف کا مزید کہنا تھا کہ اگر گیند چمکانے کے لئے تھوک کی جگہ پسینے کا استعمال کریں گے ۔ لاک ڈاون کے دوران اپنی فٹنس کو برقرار رکھنے کے لئے کام کیا ۔ فٹنس کی وجہ سے پی ایس ایل اور انٹر نیشنل کرکٹ میں بگ بیش کی طرح پرفارم نہیں کر پایا،لاک ڈاون کے دوران کے وسیم اکرم ، شعیب اختر اور دیگر سیشنز سے کافی کچھ سیکھا ۔ اپنی فٹنس پر کام کیا ہے اور امید ہے کہ انگلینڈ میں فٹنس مسائل نہیں ہوں گے۔

Fast bowler @HarisRauf14 holds a videoconference with the local media. pic.twitter.com/LsA5QJHFWu

— PCB Media (@TheRealPCBMedia) June 18, 2020

حارث رؤف کا مزید کہنا تھا کہ گیند چمکانے کے لئے قوانین میں تبدیلی سے ریورس سوئنگ کرنا مشکل ہوگی ۔ ریورس سوئنگ کے ساتھ دیگر آپشنز پر کام کرنا ہوگا ۔ اس مشکل صورت حال میں رفتار میں ردو بدل اور سلو باونسرز پر توجہ دینا ہوگی ۔ کوشش ہوتی ہے کہ وکٹ حاصل کرکے ایسے خوشی مناوں جس سے کسی کو تکلیف نہ پہنچے۔ ہی ایس ایل فائیو میں لاہور قلندرز کے پاس ٹائٹل جیتنے کا اچھا موقع تھا ۔ پوری دنیا میں ایک وبا پھیلی ہوئی جس میں لوگوں کی زندگیاں اہم ہیں ۔ عاقب جاوید اور وقار یونس دونوں کے کوچنگ کرنے کا اپنا انداز ہے۔ وقاریونس سے کریز کا استعمال اور ریورس یارکر سیکھنے کا موقع ملا ہے۔

باغی ٹی وی کی رپورٹ کے مطابق ‏قومی کرکٹرز کی پہلی کوویڈ 19 ٹیسٹنگ کی تاریخ 22 جون طے ہو گئی

باخبر ذرائع کے مطابق پہلی کوویڈ 19 ٹیسٹنگ لاہور، کراچی ، راولپنڈی اور پشاور میں ہو گی ۔ ‏ قومی کرکٹرز کی ٹیسٹنگ کے لیئے پہلے 20 جون کی تاریخ شیڈول تھی ،‏ دوسری کوویڈ 19 ٹیسٹنگ کے لیئے 25 جون کی تاریخ تجویز کی گئی ہے ۔

‏ دوسری ٹیسٹنگ انگلینڈ روانگی کی تاریخ سے مشروط ہے۔ ‏ پاکستان ٹیم کے دورہ انگلینڈ کی روانگی کی تاریخ کو کل حتمی شکل دیئے جانے کا امکان ہے ۔ انگلینڈ اور پاکستان کرکٹ حکام کے درمیان کل سیریز کے حوالے سے تمام معاملات کو حتمی شکل دی جائے گی ۔

باغی ٹی وی کے باخبر ذرائع کے مطابق 28 جون کو قومی ٹیم کی انگلینڈ روانگی متوقع ہے ۔ انگلش بورڈ کا جیٹ طیارہ 26 جون کو پہنچنے گا ۔حتمی۔شیڈول آئندہ ایک دوروز میں انگلش بورڈ جاری کرے گا

واضح رہے کہ دورہ انگلینڈ کے لیے پاکستان کے 29 رکنی اسکواڈ کا اعلان کردیا گیا ہے۔

قومی انڈر 19 کرکٹ ٹیم کے بیٹسمین اور ابھرتے ہوئے نوجوان کرکٹر حیدر علی کو قومی اسکواڈ میں شامل کرلیا گیا ہے۔ پاکستان اور انگلینڈ کے درمیان 3 ٹیسٹ اور 3 ٹی ٹونٹی میچوں پر مشتمل سیریز اگست-ستمبر میں انگلینڈ میں کھیلی جائے گی۔

دورہ انگلینڈ کے لیے طویل اور محدود، دونوں طرز کی کرکٹ کے نمایاں کھلاڑیوں پر مشتمل ایک وسیع اسکواڈ کا انتخاب کیا گیا ہے۔ جس کی وجہ کورونا وائرس سے نمٹنے کے لیے تیار کردہ ایس او پیز کے مطابق تمام کھلاڑیوں کی ایک ساتھ انگلینڈ روانگی اور پھر واپسی ہے۔

حیدر علی نے سیزن 2019-20 میں شاندار کارکردگی کی بدولت سیزن 2020-21 کے سینٹرل کنٹریکٹ کی ایمرجنگ کٹیگری میں جگہ حاصل کی تھی۔

حیدر علی نے جون میں جنوبی افریقہ کی انڈر 19 کرکٹ ٹیم کے خلاف سیریز میں 317 رنز بنا کر پاکستان کی جانب سے سب سے زیادہ رنز بنانے والے دوسرے بہترین بیٹسمین ہونے کا اعزاز حاصل کیا تھا۔ وہ بنگلہ دیش میں کھیلے گئے ایمرجنگ ٹیمز ایشیا کپ کے پانچویں بہترین بیٹسمین تھے۔ انہوں نے ایونٹ میں 218 رنز بنائے۔ نوجوان بیٹسمین نے قائداعظم ٹرافی کے فائنل میں سنچری بنانے کے علاوہ ایونٹ میں مجموعی طور پر 645 رنز بنائے۔ وہ آئی سی سی انڈر 19 کرکٹ ورلڈ کپ 2020 میں پاکستان کے تیسرے بہترین بیٹسمین رہے۔ انہوں نے ایچ بی ایل پاکستان سپر لیگ میں پشاور زلمی کی نمائندگی کرتے ہوئے 158 سے زائد کے اسٹرائیک ریٹ کے ساتھ 9 میچوں میں 239 رنز بنائے۔

حیدر علی کے علاوہ 29 رکنی اسکواڈ میں شامل دیگر کھلاڑیوں میں اسپنر کاشف بھٹی بھی اپنے ڈیبیو کے منتظر ہیں۔ وہ آسٹریلیا اور سری لنکا کے خلاف اعلان کے کردہ اسکواڈ کا حصہ تھے مگر فائنل الیون میں جگہ نہ بناسکے۔ انہیں بنگلہ دیش کے خلاف راولپنڈی ٹیسٹ کے ممکنہ کھلاڑیوں میں شامل نہیں کیا گیا تھا۔

اُدھر فاسٹ باؤلر سہیل خان کی قومی اسکواڈ میں واپسی ہوئی ہے۔ انہوں نے اپنا نواں اور آخری ٹیسٹ میچ 2016 میں میلبرن کرکٹ گراؤنڈ آسٹریلیا میں کھیلا تھا۔ سہیل خان نے گذشتہ سیزن کے دوران قائد اعظم ٹرافی کے 9 میچز میں 22 وکٹیں حاصل کی تھیں۔ انہوں نے ایچ بی ایل پی ایس ایل 2020 میں کوئٹہ گلیڈی ایٹرز کی نمائندگی کرتے ہوئے 7 وکٹیں اپنے نام کی تھیں۔
29 کھلاڑیوں کے نام:

اوپنرز (4): عابد علی (سندھ)، فخر زمان (خیبر پختون خواہ)، شان مسعود (سدرن پنجاب) اور امام الحق (بلوچستان)

مڈل آرڈر بیٹسمین(9): اظہر علی، کپتان قومی ٹیسٹ ٹیم (سینٹرل پنجاب)، بابر اعظم، نائب کپتان قومی ٹیسٹ ٹیم اور کپتان قومی ٹی ٹونٹی کرکٹ ٹیم (سینٹرل پنجاب)، اسد شفیق (سندھ)، فواد عالم (سندھ)، حیدر علی (ناردرن)، افتخار احمد (خیبر پختون خواہ)، خوشدل شاہ (خیبر پختون خواہ)، محمد حفیظ (سدرن پنجاب) اور شعیب ملک (سدرن پنجاب)

وکٹ کیپرز (2): محمد رضوان (خیبر پختون خواہ) اور سرفراز احمد (سندھ)

فاسٹ باؤلرز (10): فہیم اشرف (سینٹرل پنجاب)، حارث رؤف (ناردرن)، عمران خان (خیبر پختون خواہ)، محمد عباس (سدرن پنجاب)، محمد حسنین (سندھ)، نسیم شاہ (سینٹرل پنجاب)، شاہین شاہ آفریدی (ناردرن)، سہیل خان (سندھ)، عثمان شنواری (خیبر پختون خواہ) اور وہاب ریاض (سدرن پنجاب)

اسپنرز (4): یاسر شاہ (بلوچستان)، عماد وسیم (ناردرن)، کاشف بھٹی (سندھ) اور شاداب خان (ناردرن)

دورہ انگلینڈ کے لیے پاکستان کے 29 رکنی اسکواڈ کا اعلان کردیا گیا

ساوتھ ایشین ویمن اتھلیٹکس آفیشلز آن لائن سیمینار میں ماہر آفیشلز کے لیکچرز

باغی ٹی وی :ساوتھ ایشین ویمن اتھلیٹکس آئن لائن سیمینار ختم ہو گیا.سیمینار میں ساوتھ اور ایشیا کے علاوہ یورپین ممالک کی ٹیکنیکل آفیشلز نے بھی شرکت کی

سمینار میں 22 پاکستانی خواتین نے حصہ لیا.منیجر او اے اے مسز ریگن گاما نے شرکت کی .فلپائن امیچور ٹریک فیلڈ ایسوسی ایشن کے فلپ ایلا نے لیکچر دیا . انگلینڈ کے سینئر ٹیکنیکل آفیشلز کرس چون نے اختتامی لیکچر دیا.چیئرمین سیف اتھلیٹکس میجر جنرل ریٹائرڈ اکرم ساہی نے سیمینارکی افادیت سے آگاہی دی

ورلڈ اتھلیٹکس کے صدر لارڈ سبسٹائن نے سیمینار کا افتتاح کیا تھا. سمینار میں کامیاب ہونے والی خواتین آفیشلز مستقبل میں بین الاقوامی ایونٹس میں ذمہ داریاں نبھائیں گی

گیند کو تھوک لگانے پر گریک چپل بھی بول پڑے

گیند کو تھوک لگانے کا مواملہ ایک بار پھر زیر بحث‌ ہے . سابق آسٹریلین کپتان گریگ چیپل نے کرکٹ کے کھیل میں گیند چمکانے کیلئے تھوک پر پابندی کی بحث کو غیر ضروری قرار دیتے ہوئے کہا ہے کہ اختراع کے ماہر باؤلرز کیلئے اس فیصلے کی حیثیت چائے کے کپ میں طوفان سے زیادہ نہیں کیونکہ گیند کو چمکانے کیلئے پسینے کا استعمال بھی کافی ہوگا۔

میڈیا رپورٹ کے مطابق کورونا وائرس کے دوران آئی سی سی نے گیند کو چمکانے کیلئے تھوک کے استعمال پر عبوری مدت کیلئے پابندی عائد کردی ہے تاکہ وبا کا پھیلاؤ روکا جا سکے جس پر ایک نئی بحث شروع ہو گئی ہے کہ باؤلرز ریورس سوئنگ سے محروم ہو جائیں گے اور کھیل پر بیٹسمین حکمرانی کر رہے ہوں گے۔

اس بحث کے تناظر میں گریگ چیپل کا کہنا ہے کہ وہ اس بات کو سمجھنے سے قاصر ہیں کہ تھوک کی پابندی سے کیا فرق پڑے گا کیونکہ پسینہ اس کا بہترین متبادل ہے اور یہ اتنا زیادہ اہم معاملہ نہیں جس پر اتنی بحث کی جا رہی ہے۔