Category: کھیل

6 خواتین امپائرز قومی ٹرائنگولر ایک روزہ خواتین کرکٹ چیمپئن شپ کے لیگ میچز میں امپائرنگ کے فرائض انجام دیں گی۔ ایونٹ 17 سے 26 ستمبر تک لاہور جمخانہ کلب گراؤنڈ میں جاری رہے گا۔ چیمپئن شپ میں شریک پی سی بی چیلنجرز کی قیادت بسمعہ معروف، پی سی بی بلاسٹرز کی قیادت رامین شمیم اور پی سی بی ڈائنامائٹس کی قیادت ندا ڈار کریں گی،

باغی ٹی وی کی رپورٹ کے مطابق ایونٹ کا پہلا میچ منگل کے روز پی سی بی چیلنجرز اور پی سی بی بلاسٹرز کی ٹیموں کے درمیان لاہور جمخانہ گراؤنڈ پر کھیلا جائے گا۔ میچ میں خاتون امپائر عافیہ امین، راشد ریاض کے ہمراہ میچ سپروائز کریں گی جبکہ حمیرا فرح، شکیلہ رفیق، نازیہ نذیر، صباحت رشید اور رفعت مصطفیٰ بھی ٹورنامنٹ کے لیگ میچز سپروائز کریں گی، قومی ٹرائنگولر خواتین ایک روزہ کرکٹ ٹورنامنٹ میں 42 کرکٹرز شرکت کریں گی۔ ایونٹ میں بہترین کارکردگی کا مظاہرہ کرنے والی کرکٹرز کوآئندہ ماہ بنگلہ دیش کے خلاف قومی خواتین کرکٹ ٹیم اور اے سی سی ایمرجنگ ٹیمز ایشیا کپ کے لیے قومی اے خواتین کرکٹ ٹیم میں جگہ دی جائےگی۔قومی خواتین کرکٹ ٹیم کو دسمبر میں انگلینڈ اور آئندہ سال آئی سی سی ٹی ٹونٹی ورلڈکپ میں شرکت کرنی ہے،

پاکستان کرکٹ بورڈ ملک بھر میں خواتین کرکٹ کو فروغ دینے کی حکمت عملی پر عمل پیر اہے۔ ٹورنامنٹ میں ساڑھے 8 لاکھ روپے کی انعامی رقم تقسیم کی جائے گی۔ ایونٹ کی فاتح ٹیم کو 5 لاکھ جبکہ رنرز اپ کو ڈھائی لاکھ روپے کی انعامی رقم دی جائے گی۔ تاریخ میں پہلی بارایونٹ میں شریک ہر کرکٹر کومیچ فیس دی جارہی ہے۔ پلیئنگ الیون میں شامل ویمن کرکٹر کو 10 ہزار روپے جبکہ نان پلیئنگ الیون میں شامل ویمن کرکٹر کو 5 ہزار روپے بطورمیچ فیس دئیے جائیں گے۔ ڈبل لیگ کی بنیاد پر کھیلے جانے والے ایونٹ میں کوکابورا کے گیند کا استعمال کیا جائے گا،

اسکواڈز کا اعلان کچھ اس طرح کیا گیا ہے،

بلاسٹرز:
رامین شمیم (کپتان)، عالیہ ریاض، الماس اکرم، اریب شمیم، عائشہ ظفر، حفصہ خالد، کائنات حفیظ، نجیہ علوی، نشرہ سندھو، عمیمہ سہیل،نورین یعقوب، سدرہ امین، طوبہٰ حسن اور وحیدہ اختر

چیلنجرز:
بسمعہ معروف (کپتان)، عروب شاہ، ڈیانا بیگ، فاطمہ ثناء، حفصہ امجد، حرینہ سجاد، ارم جاوید، جویریہ رؤف، خدیجہ چشتی، ماہم منظور، نتالیہ پرویز، صبا ءنذیر، سعدیہ اقبال اور سدرہ نواز

ڈائنامائٹس:

ندا ڈار(کپتان) ، انعم امین، عائشہ نسیم، عائشہ ناز، ناہیدہ خان، فریحہ محمود، غلام فاطمہ، جویریہ خان، کائنات امتیاز، ماہم طارق، منیبہ علی، ثناء میر، سوہا فاطمہ اور ثوبانہ طارق

خیبرپختوانخوا کے فاسٹ باؤلر عزیز اللہ پر پی سی بی کے ضابطہ اخلاق کي خلاف وردزي پر میچ فیس کا 25 فیصد جرمانہ عائد کر دیا گیا ہے،

باغی ٹی وی کی رپورٹ کے مطابق کے آر ایل اسٹیڈیم راولپنڈی میں سیکنڈ الیون کرکٹ ٹورنامنٹ کے دوران خیبر پختوانخواہ اور ناردرن کرکٹ ٹیموں کے درمیان میچ جاری تھا کہ فاسٹ باولر عزيز اللہ دانستہ طور پر ناردن کرکٹ ٹيم کے کھلاڑي سے ٹکرائے جس پر فیلڈ امپائرز فیصل آفریدی اور احسن رضا نے فاسٹ باؤلر کو چارج کیا، فاسٹ باولر عزیز اللہ نے خود پر لگے چارج کو قبول کیا،

بعدازں ميچ ريفری کامران چودھری نے فاسٹ باؤلر کو پاکستان کرکٹ بورڈ کے ضابطہ اخلاق کے آرٹیکل 2.12 کے لیول ون کی خلاف ورزی پر ميچ فيس کا پچيس فيصد جرمانہ عائد کيا ہے، واضح‌ رہے کہ اس سے قبل بھی مختلف واقعات میں کئی کھلاڑیوں کو ضابطہ اخلاق کی خلاف ورزی پر جرمانہ عائد کیا جاتا رہا ہے،

قائد اعظم ٹرافی فرسٹ کلاس کرکٹ ٹورنامنٹ کے پہلے مرحلے کے میچ میں تیسرے روز بھی بلے باز کھیل پر چھائے رہے، سینٹرل پنجاب نے عمر اکمل ، احمد شہزاد اور اظہر علی کی نصف سنچریوں کی بدولت تیسرے روز پانچ وکٹوں کے نقصان پر 348 رنز بنالئے،

باغی ٹی وی کی رپورٹ کے مطابق ٹیسٹ کرکٹر عمر اکمل اور راحت علی نے نئے ڈومیسٹک سٹرکچر کو بہترین قرار دے دیا، قذافی اسٹیڈیم میں جاری میچ کے پہلے دوروز کی طرح تیسرے روز بھی بلے بازکھیل پر چھائے رہے اور سارے دن کے کھیل میں صرف پانچ وکٹیں گریں ، سدرن پنجاب کے 467 رنز کے جواب میں سینٹرل پنجاب نے پانچ وکٹوں کے نقصان پر 348رنز بنالئے ، سری لنکا کے خلاف سیریز کے لیے ممکنہ کھلاڑیوں میں شامل ہونے والےبلے باز عمر اکمل 89،اظہر علی 73 اور احمد شہزاد 63رنزبناکر نمایاں رہے ، ٹیسٹ فاسٹ باولر راحت علی نے تین اور عامر یامین نے دوکھلاڑیوں کوآوٹ کیا،

میچ کے بعد میڈیا سے گفتگو کرتے ہوئے ٹیم واپس آنے والے بلے باز عمر اکمل کا کہنا تھا کہ ماضی کو بھلا کر آگے دیکھتے ہوئے نیا آغاز کروں گا ٹیم انتظامیہ جس بھی نمبر پر کہے گی کھیلنے کو تیار ہوں قائد اعظم ٹرافی کے پہلے میچ میں اچھی اننگ سے اعتماد بحال ہوا ہے جبکہ فاسٹ باولر راحت علی کا کہنا تھا کہ وہ ہر ہرفارمیٹ میں کھیلنے کو تیار ہیں وقار یونس کے باولنگ کوچ بننے سے باولرز کو بہت فائدہ ہوگا، ٹورنامنٹ ميں میچ کے چوتھے اور آخری روزسینٹرل پنجاب کی ٹیم پہلی اننگ میں برتری حاصل کرنے کی کوشش کرے گی آخری روزمحمد سعد 41 اور فہیم اشرف 30 کے اسکور سے اننگ کا آغاز کریں گے، ایبٹ آباد کرکٹ اسٹیڈیم میں جاری میچ کے تیسرے روز خیبرپختوانخواکے خلاف فالو آن کا شکار ہونے کے بعد ناردرن کرکٹ ٹیم نے 2 وکٹوں کے نقصان پر 105 رنز بنالیے، جب کھیل ختم ہوا تو عمر امین اور روحیل نذیر کریز پر موجود تھے۔ ناردرن کرکٹ ٹیم کو اننگز کی شکست سے بچنے کے لیے مزید 159 رنز درکار ہیں، دوسری اننگز میں ناردرن کرکٹ ٹیم کےحیدر علی اور آفاق رحیم آؤٹ ہوکرپویلین واپس لوٹ چکے ہیں۔اس سے قبل خیبرپختوانخوا کی جانب سے 526 رنز کے جواب میں ناردرن کرکٹ ٹیم 262 رنز بنا کر آؤٹ ہوگئی تھی،

فرسٹ کلاس کرکٹ میں ڈیبیو کرنے والے انڈر 19 کرکٹر حیدر علی کے 99 رنز بھی ناردرن کرکٹ ٹیم کو فالو آن سے نہ بچاسکے۔ خیبرپختوانخو ا کی جانب سے زوہیب خان اب تک میچ میں 4 اور جنید خان 3 کھلاڑیوں کو پویلین کی راہ دکھا چکےہیں۔ سندھ اور بلوچستان کے درمیان قائداعظم ٹرافی کے پہلے راؤنڈ میچ کے تیسرے روز کھیل ختم ہونے تک بلوچستان نے سندھ کی پہلی اننگز کے اسکور 473 رنز کے جواب میں 191رنز بنائے اور اس کے 3 کھلاڑی آؤٹ ہوچکے ہیں۔ امام الحق 111 اور عمران فرحت 16 رنز بنا کر کریز پر موجود ہیں۔ امام ا لحق نے 13 چوکوں کی مدد سے سنچری اسکور کی۔عظیم گھمن 21، حسین طلعت 13 اور کپتان حارث سہیل 24 رنز بنا کر آؤٹ ہوچکے ہیں۔ سندھ کی جانب سے اسپنر کاشف بھٹی نے دن بھر نپی تلی باؤلنگ کا مظاہرہ کیا۔ انہوں نے 33 اوورز میں 61 رنز کے عوض 2 کھلاڑیو ں کو آؤٹ کیا۔ بلوچستان کی ٹیم اب بھی پہلی اننگز میں سندھ سے 282 رنز پیچھے ہے،