سمیع اسلم نے سلیکشن کمیٹی سے کیا شکوہ کر دیا

سمیع اسلم نے سلیکشن کمیٹی سے شکوہ کر دیا
قومی کرکٹ ٹیم کے اوپنربیٹسمین سمیع اسلم نےشکوہ کیا ہے کہ اگر سیلکشن کمیٹی بابر اعظم کی طرح مجھے بھی وقت دیتی تو آج میں ٹیم کا ایک مستقل کھلاڑی ہوتا۔
سمیع اسلم نے کہا کہ ٹیسٹ میچز میں 9 نصف سینچریاں اور تین مرتبہ 90 پر آؤٹ ہوا ہوں اگر سنچریاں اسکور کر لیتا تو آج میں ٹیم کا حصہ ہوتا۔انہوں نے کہا کہ مجھے بھی اگر مستقل مزاجی سے کھیلنے کا موقع دیا جاتا تو بابر اعظم کی طرح ٹیم میں جگہ بنا پاتا.

پاکستان بمقابلہ سری لنکا ون ڈے سیریز 27 ستمبر سے کراچی میں شروع ہونے جا رہی ہے جس کیلئے ٹکٹوں کی آن لائن بکنگ 20 ستمبر سے شروع ہوگی، ٹکٹیں 21 ستمبر سے ٹی سی ایس کے مخصوص مراکز میں دستیاب ہوں گی

‏سری لنکا کے خلاف ‏ایک روزہ اور ٹی ٹونٹی میچز کے لیے ٹکٹوں کی قیمتیں بھی طے کر لی گئی ہیں،کراچی میں ہونے والے ایک روزہ میچز کے لیے ٹکٹوں کی قیمت 500 سے 3000 روپے تک مقرر کی گئی ہے ، جبکہ لاہور میں ہونے والے ٹی ٹونٹی میچز کے لیے ٹکٹوں کی قیمت 500 سے 5000 روپے تک رکھی گئی ہے،