Tag: افغان طالبان

طالبان کی قید میں آٹھ ماہ گزارنے کے بعد ایک سینیئر برطانوی جوڑے اربی اور پیٹر رینولڈز کو بالآخر رہا کر دیا گیا ہے-

جوڑےکو افغان طالبان کے انٹیریئر منسٹری نے حراست میں لیا تھا۔ جوڑے کی رہائی قطر کی کامیاب ثالثی کے بعد عمل میں آئی، رہائی کے بعد جوڑے کو دوحہ منتقل کردیا گیا ہے،طالبان وزارت داخلہ کے ایک ترجمان کے مطابق رواں سال فروری میں مجموعی طور پر 4 افراد کو گرفتار کیا گیا تھا، جن میں 2 برطانوی شہری، ایک چینی نژاد امریکی شہری اور ان کا مقامی مترجم شامل تھے۔یہ جوڑا اپنے چینی-امریکی دوست “فائے ہال” اور ایک مقامی مترجم کے ہمراہ ایک تربیتی ادارے کے لیے کام کر رہا تھا جب انہیں گرفتار کیا گیا۔

بی بی سی نے اپنی ایک رپورٹ میں انکشاف کیا تھا کہ یہ دونوں برطانوی شہری وسطی افغان صوبے بامیان میں ایک غیر سرکاری تنظیم (NGO) کے لیے کام کر رہے تھے طالبان کے ایک ذریعے کا کہنا تھا کہ انہیں بغیر اجازت طیارہ استعمال کرنے پر گرفتار کیا گیا۔

ذرائع کے مطابق، قطر نے برطانوی حکومت اور متاثرہ جوڑے کے خاندان کے تعاون سے طالبان حکام سے کئی مہینوں تک مذاکرات کیے تاکہ ان کی رہائی ممکن ہو سکےقطری سفارت خانے نے دورانِ قید دونوں افراد کو اہم سہولیات فراہم کیں، جن میں ان کے ذاتی معالج تک رسائی، ادویات کی ترسیل، اور خاندان سے رابطے کی سہولت شامل ہے قید کے دوران دونوں کو اکثر اوقات الگ الگ رکھا گیا۔

باربی اور پیٹر رینولڈز نے افغانستان میں اسکولوں اور تعلیمی اداروں میں مختلف پراجیکٹس پر 18 سال تک کام کیا، اور 2021 میں طالبان کے اقتدار سنبھالنے کے بعد بھی وہ ملک میں قیام پذیر رہےقطر نے 2021 میں طالبان کے اقتدار میں آنے کے بعد افغانستان میں گرفتار غیر ملکیوں کی رہائی میں کلیدی کردار ادا کیا ہے صرف 2025 میں اب تک قطر نے کم از کم 3 امریکی شہریوں کی رہائی میں مدد کی ہے۔

افغان طالبان اور بھارت کے گٹھ جوڑ سے متعلق سابق افغان جنرل نے ہوشربا انکشافات کیے ہیں۔

افغان فوج کے سابق ڈائریکٹر ملٹری انٹیلی جنس اور اسپیشل آپریشنز فورسز کے کمانڈرجنرل سید سمیع سادات کے مطابق افغان طالبان بھارت سےمالی امداد لے کر پاکستان میں دہشتگردوں کی پشت پناہی کر رہے ہیں،یہ بات بالکل صحیح ہے کہ افغان طالبان کی کوشش ہے کہ وہ پاکستان میں ہر گروپ کی حمایت کریں جو پاکستا کے خلاف ہے، طالبان اُن گروہوں کوفنڈنگ کر تے ہیں جو پاکستان میں دہشت گرد حملوں میں ملوث ہیں۔

انہوں نے مزید کہا کہ افغان طالبان پاکستان مخالف گروہوں کوسپورٹ کرتے ہیں افغان طالبان کے بھارت سے قریبی تعلقات قائم ہیں، یہ بات بھی ٹھیک ہے کہ طالبان کے بھارت کے ساتھ بڑے اچھے تعلقات ہیں ،طالبان کو بھارت سے مالی امداد ملتی ہے، جو فتنۃ الخوارج (ٹی ٹی پی) اور بلوچ علیحدگی پسند گروہوں کو دی جاتی ہے تاکہ وہ پاکستان میں حملے کریں-

افغان طالبان اور بھارت کا گٹھ جوڑ بے نقاب،سابق جنرل کے ہوشربا انکشافات

سابق افغان جنرل کایہ اعتراف وزیر دفاع خواجہ آصف بیان کی تصدیق کی ہے کہ افغان طالبان بھارت کے ساتھ مل کر پاکستان مخالف سرگرمیوں میں ملوث ہیں ، افغان جنرل کا بیان پاکستان کے مؤقف کی تصدیق ہے کہ خطے میں دہشتگردی افغان طالبان اور بھارت کے گٹھ جوڑ کا نتیجہ ہے۔

ٹیکساس میں بارش اور سیلاب سے تباہی، 119 افراد ہلاک، 173 لاپتہ

افغان طالبان نے بین الاقوامی فوجداری عدالت (آئی سی سی) کی جانب سے جاری کیے گئے وارنٹ گرفتاری کو مسترد کرتے ہوئے عدالت کو تسلیم کرنے سے انکار کر دیا ہے۔

خبر ایجنسی کے مطابق طالبان ترجمان ذبیح اللّٰہ مجاہد نے کہا کہ عالمی عدالت کے ایسے احمقانہ اعلانات طالبان کی شرعی قوانین سے وابستگی اور عزم پر اثرانداز نہیں ہو سکتے۔ انہوں نے واضح کیا کہ طالبان حکومت آئی سی سی کو تسلیم نہیں کرتی۔واضح رہے کہ آج آئی سی سی نے افغان طالبان کے دو اہم رہنماؤں کے خلاف گرفتاری وارنٹ جاری کیے ہیں۔ ان میں طالبان کے سپریم لیڈر ہیبت اللّٰہ اخوندزادہ اور چیف جسٹس عبدالحکیم حقانی شامل ہیں۔

عدالت کے مطابق ان رہنماؤں پر خواتین کے خلاف جبری اقدامات اور صنفی بنیادوں پر انسانیت کے خلاف جرائم کے شواہد موجود ہیں۔ ججوں کا کہنا ہے کہ ان اقدامات میں تعلیم، کام اور آزادانہ نقل و حرکت پر پابندیاں شامل ہیں، جو خواتین کے بنیادی انسانی حقوق کی سنگین خلاف ورزی ہے۔

اداکارہ حمیرا اصغر کی لاش ڈیفنس فلیٹ سے برآمد، طبعی موت کا شبہ

پاک فضائیہ کی بھارت سے جھڑپ میں کارکردگی قابل ستائش، چینی ایئر چیف کا اظہارِ تحسین

اٹلی:ایک شخص سیکیورٹی توڑ کر جہاز کے انجن میں جا گھسا، ہلاک

10 جولائی تک شدید بارشوں اور سیلاب کا خطرہ، این ڈی ایم اے کا ملک گیر الرٹ جاری

افغان طالبان کے کمانڈر سعیداللہ سعید نے پولیس اہلکاروں کی پاسنگ آؤٹ تقریب سے خطاب کرتے ہوئے فتنتہ الخوارج کو انتباہ جاری کر دیا کہا کہ مختلف گروہوں میں شامل ہو کر بیرون ملک جہاد کرنے والے حقیقی مجاہد نہیں۔

رپورٹ کے مطابق کمانڈر سعیداللہ سعید نے اپنے خطاب میں فتنتہ الخوارج کو تنبیہ کرتے ہوئے کہا کہ امیر کے حکم کے خلاف کسی بھی ملک خصوصاً پاکستان میں لڑنا جائز نہیں، مختلف گروہوں میں شامل ہو کر بیرون ملک جہاد کرنے والے حقیقی مجاہد نہیں ایک جگہ سے دوسری جگہ حملےکرنے والےافراد کو مجاہد کہنا غلط ہےجہاد کا اعلان یا اجازت دینا صرف ریاستی امیر کا اختیار ہےکسی گروہ یا فرد کا نہیں، اگر ریاستی قیادت پاکستان نہ جانے کا حکم دے چکی ہے تو اس کے باوجود جانا دینی نافرمانی ہے اپنی انا یا گروہ کی وابستگی کی بنیاد پر کیا گیا جہاد شریعت کے مطابق فساد تصور کیا جائے گا، جہاد کے نام پر حملے کرنے والے گروہ شریعت اور افغان امارت دونوں کے نافرمان ہیں۔

سکیورٹی فورسز کی کارروائی؛موسیٰ خیل میں کالعدم تنظیم کے 4 دہشتگرد ہلاک

دفاعی ماہرین نے کہا کہ یہ بیان پاکستان کی داخلی سلامتی، بیانیے اور عالمی سطح پر سفارتی مؤقف کو مضبوط کرتا ہے، بھارتی پروکسیز اور بھارتی ایماء پر فتنتہ الخوارج کا نام نہاد جہاد دراصل شریعت، ریاست اور امن کے خلاف دہشتگردی ہے۔

میرپورماتھیلو: دشمنی پر قتل، ملزمان کے گھر مسمار و نذر آتش

افغان طالبان کے نائب وزیر داخلہ اور معروف عسکری کمانڈر ابراہیم صدر نے حالیہ دنوں انڈیا کا ایک ’خفیہ دورہ‘ کیا، جس دوران ان کی انڈین حکام سے اہم ملاقاتیں بھی ہوئیں۔

غیر ملکی خبر رساں ادارے کے مطابق یہ پیش رفت اس وقت سامنے آئی ہے جب 22 اپریل کو مقبوضہ کشمیر کے علاقے پہلگام میں ہونے والے دہشت گرد حملے کے بعد پاکستان اور انڈیا کے درمیان کشیدگی میں نمایاں اضافہ ہوا ہے۔رپورٹ کے مطابق ابراہیم صدر کا یہ دورہ ایسے وقت میں ہوا جب دونوں ممالک کے درمیان باہمی الزامات اور سرحدی تناؤ عروج پر ہے۔ اس دورے کے دوران انہوں نے انڈین حکام کے ساتھ حساس نوعیت کی ملاقاتیں کیں، جنہیں بھارتی میڈیا نے خاصی اہمیت دی ہے۔

ابراہیم صدر کو طالبان قیادت، خصوصاً امیر ملا ہبت اللہ کے قریبی ساتھیوں میں شمار کیا جاتا ہے، اور وہ طالبان حکومت میں سیکیورٹی اور عسکری حکمت عملی کے حوالے سے کلیدی کردار کے حامل سمجھے جاتے ہیں۔ وہ اس سے قبل طالبان کے عسکری ونگ ‘ہلمند کونسل’ کی قیادت کر چکے ہیں اور امریکہ کی جانب سے پابندیوں کا شکار افراد کی فہرست میں بھی شامل ہیں۔

بھارتی اخبار ’سنڈے گارڈیئن‘ نے اس دورے کو ایک بڑی سفارتی پیش رفت قرار دیتے ہوئے کہا ہے کہ طالبان کے ایسے اعلیٰ سطحی عہدیدار سے خفیہ روابط اور مواصلاتی ذرائع کا قیام اس بات کی نشاندہی کرتا ہے کہ انڈیا طالبان حکومت سے تعلقات کے حوالے سے اپنے موقف پر نظرثانی کر رہا ہے، خصوصاً ایسے وقت میں جب متعلقہ طالبان رہنما ماضی میں پاکستان کے حوالے سے تنقیدی مؤقف رکھتے رہے ہیں۔

اسی تناظر میں ایک اور اہم پیش رفت دیکھنے میں آئی، جب 15 مئی کو انڈین وزیر خارجہ ایس جے شنکر نے طالبان حکومت کے قائم مقام وزیر خارجہ مولوی امیر خان متقی سے ٹیلی فون پر گفتگو کی۔ ایس جے شنکر نے بعد ازاں اپنے سوشل میڈیا پلیٹ فارم ’ایکس‘ (سابقہ ٹوئٹر) پر لکھاکہ میری آج شام افغانستان کے وزیر خارجہ مولوی امیر خان متقی سے اچھی بات چیت ہوئی۔ پہلگام میں دہشت گرد حملے کی شدید مذمت پر میں ان کا تہہ دل سے شکریہ ادا کرتا ہوں۔‘‘میں نے افغانستان کے عوام کے ساتھ دیرینہ شراکت داری اور ان کی ترقیاتی ضروریات کے لیے مسلسل بھارتی حمایت پر زور دیا، اور ہم نے باہمی تعاون کو فروغ دینے کے امکانات پر بھی تبادلہ خیال کیا۔‘‘

تجزیہ کاروں کے مطابق یہ رابطے ظاہر کرتے ہیں کہ بھارت، طالبان حکومت کے ساتھ تعلقات کو ازسرنو ترتیب دینے کے لیے عملی اقدامات کر رہا ہے، خصوصاً ایسے وقت میں جب خطے میں سیکیورٹی اور سفارتی صورتحال مسلسل بدل رہی ہے۔

ماسکو: روس نے افغان طالبان کو دہشت گرد تنظیموں کی فہرست سے نکال دیا ہے۔

باغی ٹی وی :برطانوی میڈیا کے مطابق روس کی سپریم کورٹ نے روسی پراسیکیوٹر جنرل کی درخواست پر طالبان پر روس کی جانب سے عائد پابندی معطل کردی ہے، روس نے 2003 میں افغان طالبان کو باضابطہ طور پر دہشت گرد تنظیم قرار دیا تھا، روس کی جانب سے عائد پابندی ختم ہونے سے ماسکو اور افغان قیادت کے تعلقات مزید بہتر ہونے اور تعاون بڑھانے کی راہ ہموار ہونےکا امکان ہے۔

واضح رہے کہ اگست 2001 میں دوبارہ اقتدار سنبھالنے کے بعد سے کوئی بھی ملک اس وقت طالبان حکومت کو تسلیم نہیں کرتا، تاہم روس بتدریج طالبان کے ساتھ تعلقات استوار کر رہا ہے گزشتہ برس روسی صدر پیوٹن دہشت گردی کے خلاف جنگ میں طالبان کو اتحا دی بھی قرار دے چکے ہیں۔

جتنا فخر ہم دوسری زبانیں بول کر کرتے ہیں پنجابی بول کر بھی اتنا ہی فخر کرنا چاہیے،مریم نواز

ماہرین کے مطابق روس افغانستان سے مشرق وسطیٰ تک کئی ممالک میں موجود شدت پسند گروپوں سے لاحق سکیورٹی خطرات کے پیش نظر طالبان کے ساتھ کام کرنا چاہتا ہے، مارچ 2024 میں مسلح افراد نے ماسکو کے باہر ایک کنسرٹ ہال میں حملہ کر کے 145 افراد کو ہلاک کر دیا تھا، اس حملے کی ذمہ داری داعش نے قبول کی تھی۔

امریکی حکام کا کہنا ہے کہ ان کے پاس انٹیلیجنس اطلاع ہے کہ حملے کے پیچھے گروپ کی افغان شاخ داعش خراسان ملوث تھی، طالبا ن کا کہنا ہےکہ وہ افغانستان میں داعش کے خاتمےکے لیےکام کر رہے ہیں۔

ننکانہ : غزہ کے مظلوموں کے حق میں بار اور پریس کلب کا سیمینار، ریلی

افغان طالبان نے رواں برس قید ہونے والی ایک امریکی خاتون قیدی کو رہا کردیا۔

غیرملکی خبرایجنسی کی رپورٹ کے مطابق افغانستان کے لیے امریکا کے سابق سفیر زلمے خلیل زاد نے بتایا کہ طالبان نے گزشتہ ماہ افغانستان میں قید ہونے والی امریکی شہری فائی ہال کو رہا کردیا ہے۔امریکا کے اسٹیٹ ڈپارٹمنٹ کی جانب سے اس پیش رفت کی فوری طور پر تصدیق نہیں کی گئی اور زلمے خلیل زاد نے بھی تفصیل نہیں بتائی تاہم انہوں نے سوشل میڈیا پر فائی ہال کی ایک تصویر جاری کردی ہے جس میں دیکھا جاسکتا ہے کہ وہ افراد کے ساتھ بیٹھی ہوئی ہیں۔

دوسری جانب زلمے خلیل زاد نے بتایا کہ امریکی شہری فائی ہال کو طالبان نے ابھی رہا کردیا ہے اور وہ اس وقت کابل میں ہمارے قطری دوستوں کی نگہداشت میں ہے اور جلد ہی اپنے گھر کی طرف روانہ ہوجائیں گی۔ اس حوالے سے باخبر ذرائع نے بتایا کہ فائی ہال کو افغانستان میں فروری میں گرفتار کیا گیا تھا اور انہیں عدالت کے حکم اور قطر سے حاصل لاجسٹک سپورٹ کے بعد جمعرات کو رہا کردیا گیا۔ذرائع نے مزید بتایا کہ امریکی شہری خاتون کو کابل میں واقع قطر کے سفارت خانے منتقل کردیا گیا جہاں ان کا طبی معائنہ کرنے کے بعد ان کے بہتر طبیعت کے حوالے سے تصدیق کی گئی۔

انہوں نے بتایا کہ امریکی خاتون کی وطن واپسی کے لیے انتظامات کیے جا رہے ہیں۔رپورٹ میں مزید بتایا گیا کہ امریکی شہری فائی ہال کو گزشتہ ماہ برطانوی جوڑا باربی اور پیٹر رینالڈز کے ساتھ گرفتار کیا گیا تھا۔برطانوی میڈیا نے بتایا کہ 70 سالہ عمر کا حامل جوڑا افغانستان میں گزشتہ 18 سال سے اسکولوں کا منصوبہ چلا رہا ہے اور انہوں نے طالبان کے برسر اقتدار آنے کے بعد بھی اپنا افغانستان میں رہ کر اپنا منصوبہ جاری رکھنے کا فیصلہ کیا تھا۔

تاہم برطانوی جوڑے کی رہائی کے حوالے سے کوئی اطلاع نہیں دی گئی اور نہ ہی زلمے خلیل زاد نے اس بارے میں کوئی آگاہی فراہم کی ہے۔یاد رہے کہ زلمے خلیل زاد نے حال ہی میں افغانستان کا دورہ کیا تھا اور اس کے علاوہ افغان طالبان نے ایک امریکی قیدی کو بھی رہا کردیا تھا۔

سوئی سدرن کا عیدالفطر کیلئے گیس کا شیڈول

کراچی، چاند رات اور عیدالفطر کےسیکیورٹی انتظامات مکمل

وزیر اعظم شہباز کی قوم کو عید الفطر کی مبارکباد

نیوزی لینڈ کیخلاف سیریز میں پاکستان کو بڑا دھچکا

سندھ حکومت کا زائد کرایوں کے خلاف سخت کریک ڈائون