Baaghi TV

Tag: سپریم کورٹ

  • گورنر خیبرپختونخوا کو عہدے سے ہٹانے کیلئے پشاور ہائیکورٹ میں درخواست دائر

    سپریم کورٹ میں وزیراعظم اور چیف الیکشن کمشنر کو عہدے سے ہٹانے کے لیئے درخواست دائر کر دی گئی

    دائر درخواست میں کہا گیا ہے کہ شہباز شریف اور چیف الیکشن کمشنر انتخابات کے معاملے پر پارٹی بن چکے ہیں شہباز شریف الیکشن فنڈز کا بل مسترد ہونے پر قومی اسمبلی کا اعتماد کھو بیٹھے ہیں سپریم کورٹ نگران وزیراعظم اور نگران چیف الیکشن کمیشنر کی تعیناتی کا حکم دے

    دوسری جانب گورنر خیبرپختونخوا کو عہدے سے ہٹانے کیلئے پشاور ہائیکورٹ میں درخواست دائر کر دی گئی ہے، درخواست میں صدر پاکستان، وفاقی حکومت، گورنر خیبرپختونخواہ اور الیکشن کمیشن کو فریق بنایا گیا ہے۔گورنر خیبرپختونخوا کو عہدے سے ہٹانے کے لئے پشاور ہائیکورٹ میں معظم بٹ ایڈووکیٹ نے درخواست دائر کردی۔دائر درخواست میں صدر پاکستان، عارف علوی، وفاقی حکومت، گورنر خیبرپختونخوا حاجی غلام علی اور الیکشن کمیشن کو فریق بنایا گیا ہے۔درخواست میں مؤقف اختیار کیا گیا کہ آئین پاکستان کے مطابق گورنر نگراں حکومت کے قیام کے بعد الیکشن تاریخ دینے کا پابند ہوتا ہے لیکن گورنر نے اسمبلی تحلیل کے 90 روز گزرنے کے باوجود الیکشن تاریخ نہیں دی اس لئے گورنر خیبرپختونخوا نے آئین کی خلاف ورزی کی، گورنر کے خلاف آرٹیکل 6 کی کارروائی کی جائے اور صدر پاکستان قائمقام گورنر نامزد کریں۔درخواست میں یہ بھی استدعا کی گئی ہے کہ عدالت الیکشن کمیشن کو خیبرپختونخوا اسمبلی انتخابات کی تاریخ دینے کا حکم دیں جبکہ نگران حکومت کی 90 دن مدت ختم ہوگئی، نگراں وزراء اپنے دفاتر خالی کریں۔

    علی امین خان گنڈہ پور کی گرفتاری کیلئے ضلعی پولیس کاالامین ہاؤس پر چھاپہ

    پی ٹی آئی رہنما علی امین گنڈہ پور گرفتاری کے ڈر سے روپوش ہوگئے.

    علی امین گنڈا پور کی مشکلات میں اضافہ

    علی امین گنڈا پور کی جانب سے داجل چیک پوسٹ بھکر پر فائرنگ

    گنڈا پور کو اسلام آباد پولیس کے حوالے کر دیا گیا

  • وزیراعظم ، چیف الیکشن کمشنراورگورنرخیبرپختونخوا کو عہدوں سےہٹانے کیلئے درخواست دائر

    وزیراعظم ، چیف الیکشن کمشنراورگورنرخیبرپختونخوا کو عہدوں سےہٹانے کیلئے درخواست دائر

    اسلام آباد،پشاور: وزیراعظم شہبازشریف اور چیف الیکشن کمشنر سکندرسلطان راجہ کوعہدوں سے ہٹانے کے لئے سپریم کورٹ میں اور گورنر خیبرپختونخوا حاجی غلام علی کوعہدے سے ہٹانے کیلئے پشاور ہائیکورٹ میں درخواستیں دائر کردی گئیں-

    باغی ٹی وی :سپریم کورٹ میں وزیراعظم اور چیف الیکشن کمشنر کے خلاف درخواست ظہور مہندی نامی شہری نے دائر کی درخواست میں وفاق، شہباز شریف، سکندر سلطان راجہ، صدر عارف علوی اور مولانا فضل الرحمان کو فریق بنایا گیا ہے۔

    سپریم کورٹ پریکٹس اینڈ پروسیجر ایکٹ 2023 لاہور رجسٹری میں چیلنج

    درخواست میں مؤقف اختیار کیا گیا کہ وزیراعظم شہباز شریف الیکشن فنڈز بل مسترد ہونے پراعتماد کھو بیٹھے ہیں،چیف الیکشن کمشنر سکندر سلطان راجہ کا الیکشن کے لئے فنڈز اور سیکیورٹی کا تقاضا غیرمناسب ہے۔

    درخواست میں سپریم کورٹ سے استدعا کی گئی کہ قراردیا جائے شہباز شریف اور چیف الیکشن کمشنر انتخابات کے معاملے پر پارٹی بن چکے ہیں، سپریم کورٹ نگراں وزیر اعظم اور نگراں چیف الیکشن کمشنر کی تعیناتی کا حکم دےعدالت عظمیٰ 21 ارب روپے جاری کرنے، فوج اور رینجرز کے بغیر الیکشن کرانے کا حکم دے۔

    بھارت میں شنگھائی تعاون تنظیم کے وزرائے دفاع کا اجلاس،پاکستان کا آن لائن شرکت کا …

    دوسری جانب گورنر خیبرپختونخوا کو عہدے سے ہٹانے کے لئے ہائیکورٹ میں معظم بٹ ایڈووکیٹ نے درخواست دائر کی دائر درخواست میں صدر پاکستان، عارف علوی، وفاقی حکومت، گورنر خیبرپختونخوا حاجی غلام علی اور الیکشن کمیشن کو فریق بنایا گیا ہے۔

    درخواست میں مؤقف اختیار کیا گیا کہ آئین پاکستان کے مطابق گورنر نگراں حکومت کےقیام کےبعد الیکشن تاریخ دینے کا پابند ہوتا ہے لیکن گورنر نے اسمبلی تحلیل کے 90 روز گزرنے کے باوجود الیکشن تاریخ نہیں دی اس لئے گورنر خیبرپختونخوا نے آئین کی خلاف وزری کی، گورنر کے خلاف آرٹیکل 6 کی کارروائی کی جائے اور صدر پاکستان قائمقام گورنر نامزد کریں۔

    اینڈرائیڈ فون جن میں واٹس ایپ استعمال کرنا ممکن نہیں ہوگا

    درخواست میں یہ بھی استدعا کی گئی ہے کہ عدالت الیکشن کمیشن کو خیبرپختونخوا اسمبلی انتخابات کی تاریخ دینے کا حکم دیں جبکہ نگران حکومت کی 90 دن مدت ختم ہوگئی، نگراں وزارء اپنے دفاتر خالی کریں-

  • سپریم کورٹ پریکٹس اینڈ پروسیجر ایکٹ 2023 لاہور رجسٹری میں چیلنج

    سپریم کورٹ پریکٹس اینڈ پروسیجر ایکٹ 2023 لاہور رجسٹری میں چیلنج

    لاہور: سپریم کورٹ پریکٹس اینڈ پرسیجر بل لاہور رجسٹری میں چیلنج کردیا گیا۔

    باغی ٹی وی: تفصیلات کے مطابق مقامی وکیل شاہد رانا نے سپریم کورٹ لاہور رجسٹری میں "سپریم کورٹ پریکٹس اینڈ پروسیجر بل 2023” سے متعلق درخواست دائر کی ہے دائر درخواست میں مؤقف اختیار کیا گیا ہے کہ سپریم کورٹ میں بنچوں کی تشکیل چیف جسٹس کا انتظامی اختیار ہے۔

    چیف جسٹس عمرعطاء بندیال کی طبیعت ناساز،بینچ ڈی لسٹ

    مقامی وکیل کی جانب سے دائر درخواست میں مزید کہا گیاکہ ازخود نوٹسز میں اپیل کا حق آئین میں ترمیم کے بغیر ممکن نہیں ہے۔ موجودہ ایکٹ سپریم کورٹ کے اختیارات پر قدغن لگانے کے مترادف ہےدرخواست میں استدعا کی کہ عدالت سپریم کورٹ پریکٹس اینڈ پروسیجر ایکٹ 2023ء کو کالعدم قرار دے۔


    واضح رہے کہ عدالتی اصلاحات سے متعلق سپریم کورٹ (پریکٹس اینڈ پروسیجر) بل 2023 پارلیمنٹ کے بعد صدر سے دوبارہ منظوری کی آئینی مدت گزرنے پر از خود منظور ہوکر قانون کی شکل اختیار کرگیا ہے قومی اسمبلی سیکریٹریٹ سے جاری بیان میں کہا گیا تھا کہ مجلس شوریٰ (پارلیمان) کا سپریم کورٹ (پریکٹس اینڈ پروسیجر) ایکٹ 2023 دستور پاکستان کی دفعہ 75 کی شق 2 کےتحت صدر سے منظور شدہ سمجھا جائے گا۔

    2023 کا بارشوں کا طاقتورترین سسٹم ملک پراثرانداز ہونے کیلئے تیار

    بل منظوری کے تمام مراحل مکمل ہونے کے بعد قومی اسمبلی سیکریٹریٹ نے باقاعدہ نوٹیفکیشن جاری کیا ترجمان قومی اسمبلی نے کہا تھا کہ سپریم کورٹ پریکٹس اور پروسیجر بل اب قانون کی شکل میں نافذ ہوچکا ہے۔

    پریکٹس اینڈ پروسیجر بل کیا ہے؟

    سپریم کورٹ پریکٹس اینڈ پروسیجر بل کے تحت سو موٹو نوٹس لینے کا اختیار اب اعلیٰ عدلیہ کے 3 سینیئر ترین ججز کے پاس ہوگااس بل کو قومی اسمبلی اور سینیٹ سے منظور کرائے جانے کے بعد دستخط کے لیے صدر کو بھیجا گیا تھا۔

    بل کے تحت چیف جسٹس کا ازخود نوٹس کا اختیار محدود ہوگا، بینچوں کی تشکیل اور از خود نوٹس کا فیصلہ ایک کمیٹی کرے گی جس میں چیف جسٹس اور دو سینئر ترین ججز ہوں گے، نئی قانون سازی کے تحت نواز شریف، کو از خود نوٹس پر ملی سزا پر اپیل کا حق مل گیا، یوسف رضا گیلانی، جہانگیر ترین اور دیگر فریق بھی فیصلوں کو چیلنج کرسکیں گے۔

    ویرات کوہلی پرلاکھوں روپے جرمانہ عائد

  • آڈیو لیک کی گفتگو انتہائی سنگین ہے،وزیر قانون

    آڈیو لیک کی گفتگو انتہائی سنگین ہے،وزیر قانون

    لاہور: آج سپریم کورٹ کے سابق چیف جسٹس ثاقب نثار اور وکیل خواجہ طارق رحیم کی مبینہ آڈیو سامنے آئی ہے، جس میں از خود نوٹس کے فیصلے سے متعلق گفتگو کی جارہی ہے آڈیو لیک پر وفاقی وزیر قانون اعظم نذیر تارڑ اور ملک احمد خان نے ردعمل دیا ہے-

    باغی ٹی وی : لاہور میں ملک احمد خان کے ہمراہ پریس کانفرنس کرتے ہوئے اعظم نذیر تارڑ نے کہا کہ سیاسی معاملات کو عدالت نہیں لے جانا چاہیئے، عدالت کو بہت سے معاملات میں احتیاط برتنی چاہیئے آڈیو لیک کی گفتگو انتہائی سنگین ہے نادان لوگوں کی کوشش ہے ادارے آمنے سامنے آجائیں آج کل ٹیکنالوجی اور ہیکنگ کا زمانہ ہےآج ایک سینئر وکیل اور سابق چیف جسٹس کی آڈیو سامنے آئی ہے، سوشل میڈیا کے جدید دور میں حقائق پر پردہ نہیں ڈالا جا سکتا۔

    خواجہ طارق رحیم کےساتھ مبینہ آڈیو لیک پر ثاقب نثار کا ردعمل سامنے آ گیا

    انہوں نے مزید کہا کہ کوشش کی جارہی ہے کہ عدالت اور پارلیمنٹ سامنے آجائےکچھ لوگ سیاسی معاملات کو بھڑکانے کی کوشش کر رہے ہیں، ماضی کے متنازعہ فیصلوں نے بہت نقصان پہنچایا، پارلیمان کو آئین نے کلی اختیار دے رکھا ہے ملکی میں پہلی بار قانون جاری کرنے سے پہلے اس پر عمل روک دیا گیا۔

    مسلم لیگ ن کے رہنما ملک احمد خان نے کہا کہ سابق چیف جسٹس کی ایک آڈیو سامنے آئی ہے، سپریم کورٹ کو اس آڈیو کا نوٹس لینا چاہیئے، آڈیو میں ایک ججمنٹ کا حوالہ دیا گیا ہے آج جاری ہونے والی آڈیو لیک سے بہت سے سوالات جنم لے رہے ہیں، واضح ہورہا ہے کہ پارلیمانی کارروائی کو کیسے روکا جاسکتا ہے۔

    سابق چیف جسٹس ثاقب نثار کی ایک اور مبینہ آڈیو سامنے آگئی

    قبل ازیں وزیراعظم کے معاون خصوصی ملک احمد خان نے کہا تھا کہ آئین میں ترمیم سپریم کورٹ کا اختیار نہیں سپریم کورٹ کا اختیار آئین کی تشریح ہے، آئین کی ترمیم نہیں، سپریم کورٹ کی آئین کے آرٹیکل 63 اے کی تشریح نیا آئین لکھنے کے مترادف ہے۔

    انہوں نے کہا تھاکہ سپریم کورٹ نے آئین کی شق 63 اے کی جو تشریح کی ہے وہ آئین سے متصادم ہے، تمام آئینی ماہرین کی یہی رائے ہے لہٰذا سپریم کورٹ کی آئین سے متصادم تشریح کو کالعدم کرنا پارلیمنٹ کا اختیار ہے، اس ضمن میں جلد پارلیمنٹ کا اجلاس بلایا جانا چاہیے۔

    آرمی چیف ‏جنرل عاصم منیر کا دورہ چین انتہائی اہم اور ملک کی خارجہ پالیسی …

  • ‏کیا ساس ہے! داماد کے پوسٹرز پر جوتے برسانے والےکی ترجمان بن گئیں،مریم اورنگزیب

    ‏کیا ساس ہے! داماد کے پوسٹرز پر جوتے برسانے والےکی ترجمان بن گئیں،مریم اورنگزیب

    اسلام آباد: وفاقی وزیر اطلاعات مریم اورنگزیب نے عمران خان کے بارے میں کہا ہے کہ آئین سے کھلواڑ کرنے والوں کو نہ قوم بخشے گی اور نہ ہم چھوڑیں گے۔

    باغی ٹی وی : وفاقی وزیر اطلاعات نے ایک بیان میں کہا کہ پہلا سربراہ ہے جس کے بیان کی تردید اُس کی اپنی جماعت کا آفیشل اکاؤنٹ کر رہا ہے کہ “جو عمران نے کہا وہ عمران نے نہیں کہا عوام کےذہنوں کے ساتھ اور نہ کھیلو قوم کے منہ پرجھوٹ نہ بولواسی لئے فراڈیے کو کالا کنستر منہ پہ چڑھانا پڑتا ہے. مجرم ہو مجرم ہی رہو گے۔

    پی ٹی آئی نے جنرل (ر) باجوہ سے متعلق عمران خان کے بیان کوجھوٹ قراردیدیا

    ان کا کہناتھاکہ بےشرم تم نے باجوہ کےکہنے پہ اسمبلیاں کیوں توڑیں؟ اقتدارکی خاطرپنجاب اورخیبر پختونخواہ کےعوام کی تو ہین، نمائندوں کی تضحیک کی، ان کی منتخب اسمبلیاں تحلیل کردیں، تم عدلیہ کو گالی دو، چیف جسٹس کی تصویر پہ جوتے مارو، دھمکی سے ضمانت کا ریلیف پیکج لو۔

    وفاقی وزیر اطلاعات نے زوردیا کہ چیف جسٹس نے اگر آئین کی دستک نہیں بلکہ ساس کےخوف بچوں اوربیگمات کےمشورے سے تمہارے حق میں فیصلہ دیا تو یہ اب ہم ہونے نہیں دیں گے، آئین سے کھلواڑ کرنے والوں کو نہ قوم بخشے گی اور نہ ہم چھوڑیں گے۔

    شاہ محمود قریشی، فواد چودھری اور حماد اظہر کو پنجاب کے ٹکٹ کیوں نہیں دیئے،عمران …

    مریم اورنگزیب نے مزید کہا کہ ‏کیا ساس ہے! داماد کے پوسٹرز پر جوتے برسانے والے(عمران خان) کی ترجمان بن گئیں آئین اور عدل جب فارن ایجنٹ، داماد ،بیگمات، بچوں، ساس کےمشورےکی نذرہوجائے تو ملک کوعمران جیسےفتنے،چور،جھوٹے،مہنگائی اوربے روزگا ر ی بھگتنا پڑتی ہے، اب الیکشن باجوہ اور ساس کے کہنے پر نہیں اپنے وقت پر ہوگا۔

    پاکستان کو2022 میں کتنا فنڈ دیا گیا؟ایشیائی ترقیاتی بینک نے سالانہ رپورٹ جاری کر دی

  • چیف جسٹس کی ساس کی مبینہ آڈیو پر سوشل میڈٰیا پر میمز کا طوفان

    چیف جسٹس کی ساس کی مبینہ آڈیو پر سوشل میڈٰیا پر میمز کا طوفان

    چیف جسٹس عمر عطا بندیال کی ساس کی مبینہ آڈیو منظر عام پر آنے کے بعد سوشل میڈیا پر میمز اور چٹکلوں کا طوفان آگیا۔

    باغی ٹی وی : "Mother in Law” اور” ساس کا کرش” ٹوئٹر پر ٹاپ ٹرینڈ بن گیا کسی نے کہاکوئی رول آف لاء نہیں، بس مدر ان لاء، کسی نےکہا ساس ہماری ریڈ لائن ہے، تو کوئی بولا ‘جب Mother in Law ہی بن جائے Law’۔

    چیف جسٹس کی ساس اور پی ٹی آئی وکیل خواجہ طارق رحیم کی اہلیہ کی عطا بندیال کو میسجز پہنچانے،جج منیب اختر کو واٹس ایپ پیغام بھیجنے سے متعلق گفتگو لیک


    ایک صارف نے شاعری لکھ ڈالی” میں کس کے ہاتھ پہ اپنا لہو تلاش کروں کہ تمام شہر نے پہنے ہوئے ہیں دستانے ” بعد ازاں اس شعر میں ترمیم کرتے ہوئے مزاحیہ انزاد اپنایا کہا کہ میں کس کے ہاتھ پہ اپنا عدل تلاش کروں کہ اُس کی ساس نے پہنے ہوئے ہیں دستانے-


    صارف نے مزید کہا کہ چیف جسٹس صاحب کی ساس صاحبہ کی آڈیو لیکس انتہائی تشویش کا باعث ہے کہ کیسے بندیال صاحب کی فیملی سیاسی مقدمات پر اثر انداز ہو رہی ہے یہ نظام عدل کی شفافیت اور چیف جسٹس کی کریڈیبلیٹی پر سوالیہ نشان ہے


    ایک صارف نے کہا کہ وفاق پنکی چلاتی رہی صوبہ گوگی چلاتی رہی ہائیکورٹ داماد چلاتارہا اب سپریم کورٹ ساس چلا رہی ہے یہ پاکستان ہے یا سٹارپلس کا ڈرامہ-

    پی ٹی آئی نے جنرل (ر) باجوہ سے متعلق عمران خان کے بیان کوجھوٹ قراردیدیا


    ایک صارف نے لکھا کہ اے عطاء لاھوتی ھے اس ساس سے موت اچھی جس ساس سے آتی ھو انصاف میں کوتاھی-
    https://twitter.com/SaifUrr61978840/status/1650430552498110464
    صارفین نے چیف جسٹس ست استعفے کا بھی مطالبہ کیا ایک صارف نے لکھا کہ موجودہ آڈیو لیک کے بعد جسٹس عمر عطا بندیال کو فی الفور مستعفی ہوجانا چاہئیے۔


    ایک صارف نے لکھا کہ ساس نے میدان مار لیا-


    ایک صارف نے لکھا کہ ماں کے پاؤں تلے جنت ہوتی ہے یہ تو علم هے لیکن ساس کے پاؤں تلے سپریم کورٹ ہوتی ہے یہ پہلی بار دیکھا اور سنا-

    چیف جسٹس کی ساس کی آڈیو ہمارے مؤقف کی تائید ہے،طلال چوہدری


    ایک صارف نے ٹرک کے پیچھے لکھے فقرے کو موقع کے حساب سے نیا رنگ دے دیا اور کہا کہ ‘یہ سب میری ساس کی دعا ہے-

    ایک صارف نے نےعید پر سسرال کا چکر لازمی لگانےکا مشورے دے ڈالا اور لکھاکہ ‘سسرال ایک کلومیٹر دور’۔ْ
    https://twitter.com/Stranger_sayss/status/1650430002855559173


    https://twitter.com/IqrarKazmi12/status/1650433771219619841

    نائیجیرین نوجوان نے کچرے سے ریموٹ کنٹرول ماڈل طیارہ بنا لیا

  • چیف جسٹس کی ساس کی آڈیو ہمارے مؤقف کی تائید ہے،طلال چوہدری

    چیف جسٹس کی ساس کی آڈیو ہمارے مؤقف کی تائید ہے،طلال چوہدری

    فیصل آباد: رہنما (ن) لیگ طلال چوہدری نے چیف جسٹس پاکستان عمرعطا بندیال سے مستعفی ہونے کا مطالبہ کرتے ہوئے کہا ہے کہ چیف جسٹس کی ساس کی آڈیو ہمارے مؤقف کی تائید ہے۔

    باغی ٹی وی : فیصل آباد میں میڈیا سے گفتگو کرتے ہوئے طلال چوہدری نے کہا کہ عمران خان ملک کے مسائل حل کرنے میں ناکام رہا ، اس نے غریب کی روٹی بھی نہیں چھوڑی جبکہ میاں نوازشریف کو ایک سازش کے تحت ہٹایا گیا اورعمران خان کولانے کیلئے مخصوص قسم کے فیصلے سنائے گئےملک کو آئین کےمطابق چلایا جائے۔

    پیپلزپارٹی کا سندھ کے بعد پنجاب میں بھی احتجاج کا اعلان

    طلال چوہدری نے کہا کہ ایک مرتبہ پھرعمران خان کی سہولت کاری کیلئے ماحول بنایا جارہا ہے ایسا ماحول اب نہیں بن سکے گا-پارلیمنٹ کھڑی ہے پارلیمنٹ جان گئی ہے سیاسی قیادت اب اپنا حق جا ن گئی ہے اور اپنا حق لینا جانتی ہے اب ایسا نہیں ہوھا اب 2017 یا 18کا کھیل نہیں کھیلا جا سکے گا پاکستان میں انتخاب ہو گا مگر وہ انتخاب جو پاکستان کی ضرورت ہے وہ انتخاب نہیں جو عمران خآن کی خواہش ہے وہ انتخاب نہیں جس میں صرف عمران خان کو جتایا جائے وہ انتخاب ہو گا جس میں لوگ ووٹ سے جیتیں-

    سعودی عرب نے پاکستان کو 2ارب ڈالر دینے کی تصدیق کر دی،اسحاق ڈار

    طلال چوہدری نے کہا کہ آڈیولیکس کی تحقیقات کیوں نہیں ہوتیں یہ آڈیو بھی ہماری مؤقف کی تائید کررہی ہےنئے قانون کے تحت قائم بینچز کے فیصلے مانے جائیں گے نئے قانون کے تحت بینچ نہ بنا تو فیصلہ قبول نہیں کریں گے فیصلے آئین نہیں، ایک شخص کی مرضی سے ہو رہے ہیں چیف جسٹس کومستعفی ہوجانا چاہئے، نااہلوں کواہل قرار دینے کے فیصلے قبول نہیں کریں گے۔

    کینیا میں مبینہ طور پر فاقہ کشی سے مرنیوالے فرقہ کے 47 افراد کی لاشیں …

  • چیف جسٹس کی ساس اور پی ٹی آئی وکیل خواجہ طارق رحیم کی اہلیہ کی عطا بندیال کو میسجز پہنچانے،جج منیب اختر کو واٹس ایپ پیغام بھیجنے سے متعلق گفتگو لیک

    چیف جسٹس کی ساس اور پی ٹی آئی وکیل خواجہ طارق رحیم کی اہلیہ کی عطا بندیال کو میسجز پہنچانے،جج منیب اختر کو واٹس ایپ پیغام بھیجنے سے متعلق گفتگو لیک

    پاکستان تحریک انصاف کے وکیل خواجہ طارق رحیم کی اہلیہ اورچیف جسٹس عمر عطا بندیال کی ساس کی مبینہ ٹیلیفونک گفتگو لیک ہوگئی ہے جس میں

    باغی ٹی وی : لیک آڈیو میں چیف جسٹس عمر عطا بندیال کی ساس ماہ جبین نون کہتی ہیں ہیلو رافعہ کیا ہو گا یار میں تو رات سے نا عمر کیلئے پڑھ پڑھ کے میں تمہیں بتا نہیں سکتی دعائیں مانگ مانگ کے صبح سےبہت پریشانی ہے-

    عمران خان سے ملاقات کیلئے 1 کروڑ روپے دینا ہوں گے. اعجاز چودھری کی مبینہ آڈیو لیک


    جس پر پی ٹی آئی کے وکیل کی اہلیہ رافیعہ طارق کہتی ہیں یار لوگوں کو بھی کہا ہے اور عمر کو ایک پیغام بھیجا میں نے ،جس میں میں نے کہا کہ تم نے لاہور کے جلسے میں وہاں موجود تھی وہاں لاکھوں بندہ تھا اسی طرح ہر شہر میں لاکھوں بندہ ہے اور تم صرف یہ اندازہ لگا لو کہ تمہارے لئے کتنی دنیا دُعا کر رہی ہے اس وقت جس سے تمہاری ہمت اور سیفٹی ، میں نے عمر کو کہہ دیا ہے کہ عوام آپ کے ساتھ ہیں اور دعا کر رہی ہیں آپ ڈٹے رہیں۔

    جس پر چیف جسٹس کی ساس کہتی ہیں اللہ تعالی اسے ہمت دے اور اس کے مطابق جس پر خواجہ طارق کی اہلیہ بات کاٹتے ہوئے کہتی ہیں نہیں نہیں اس کی حفاظت ضروری ہے-

    مبینہ آڈیو لیک : اعجاز چوہدری کا ردعمل سامنے آگیا


    جس پر چیف جسٹس کی ساس کہتی ہیں ان کو کمزور کرے اورا ن (چف جسٹس ) کو ہمت دے ،رافعیہ طارق کہتی ہیں ان کو تو اللہ کرے جو باقیوں کو ندھا کر دے میں تو یہ کہہ رہی ہوں وہ تو وہ تو اس ملک کے غدار ہیں دیکھو جس طرح وہ کر رہے ہیں –

    چیف جسٹس کی ساس کہتی ہیں کہ وہی نا لیکن اب وہ کہہ رہے ہیں کہ اسے(چیف جسٹس عمر عط بندیال) کوایسا کرنے کا اختیار کیوں ملا،چیف جسٹس پی ٹی آئی کو جان کر فائدہ دے رہے ہیں اور اب دوسری چیزیں بھی اس پر ڈال رہے ہیں،اور سوال بھی کہ سومو موٹو کیوں دیا گیا ہے،عمر کو تو نہیں دیا نا یہ تو پہلے کا ہوا ہوا ہے-

    سلمان خان کی فلم ’کسی کا بھائی کسی کی جان‘ آن لائن لیک ہوگئی

    جس پر پی ٹی آئی وکیل کی اہلیہ کہتی ہیں نہیں کوئی اور دوسری چیز نہیں ڈال رہے بلکہ سوموموٹو تو اس کا حق ہے ،یہ تو ہر چیف جسٹس کا حق ہے ،اگر آپ نے قانون بدلنا ہے تو اپنی مرضی سے بدلو ویلا نا لیکن اس ٹائم نہیں،جس پر ماہ جبین نون کہتی ہیں لیکن اب اسے تبدیل نہیں کر سکتے-

    رافیعہ طارق کہتی ہیں ابھی نہیں وہ اسے بعد میں تبدیل کر سکتے ہیں لیکن ابھی نہیں۔ یہ قانون ہے،ماہ جبین نون کہتی ہیں قانون ہے وہی نا-

    رافیعہ طارق کہتی ہیں ہاں وہی تو وہ اتنا اچھا کر رہا ہے،عمرعطا بندیال کی ساس کہتی ہیں تم بالکل نا آؤ تم عمر کے ساتھ رہو اسے اس وقت تمہاری ضرورت ہے –

    کراچی:مختلف پولیس مقابلوں میں ایک ڈاکوہلاک جبکہ چار ڈاکوگرفتار

    رافعیہ طارق کہتی ہیں نہیں نوین بھی نا آئے اور میں نے یمان کو بھی کہا ہے بیٹا ہر وقت اپنے ابا کے ساتھ رہو ،میں تو رت کو میں نے تو رات کو میں نے دونوں کو اس کو اور منیب کو گڈ بھیجا تو دونوں نے پتہ کیا مجھے بھیجا وہ نہیں شکل ہوتی تو کہ دانتوں میں آپ دبا لیتے ہو اپنی زبان ،مجھے کہہ رہے تھے محتاط رہیں،میں کیوں محتاط رہوں کیوں؟

    ماہ جبین ہتی ہیں یا ر جلدی سے جلدی الیکشن ہوں ابھی ،رافیعہ طارق کہتی ہیں الیکشن دیکھونا اگر یہ نہیں ہوتی نا پھر یہ سمجھ لیں کہ پھر مارشل لاء لگے گا یہ نہیں رہ سکتے نا بس بات ختم، ماہ جبین کہتی ہیں مارشل لاء بھہ وہ کمبخت نہیں لگانے کو تیارنا پی ٹی آئی وکیل کی اہلیہ کہتی ہیں بالکل تیار ہیں-

    بیوی کی حراست کے بعد خالصتان کے حامی امرت پال سنگھ نے گرفتاری دے دی

  • سپریم کورٹ کا فیصلہ نا مانا گیا تو عوام کو سڑکوں پر نکالوں گا،عمران خان

    سپریم کورٹ کا فیصلہ نا مانا گیا تو عوام کو سڑکوں پر نکالوں گا،عمران خان

    پاکستان تحریک انصاف کے چیئرمین عمران خان نے اعلان کیا ہے کہ سپریم کورٹ کا فیصلہ نا مانا گیا تو عوام کو سڑکوں پر نکالوں گا۔

    باغی ٹی وی: زمان پارک میں کارکنوں سے خطاب میں انہوں نے کہا کہ آزادی چاہتے ہیں تو وہ پلیٹ میں رکھ کرنہیں ملتی،اس کیلئےقربانیاں دینی پڑتی ہیں،غلامی میں ہمارے ملک کاکوئی مستقبل نہیں ہے،ہمارا وزیراعظم باہرجا کر کہتا ہے مانگنے نہیں آیا مجبوری ہے، یہ غلام ذہنیت کے لوگ ہیں،یہ اپنے پیسے کے غلام ہیں۔

    وزیر خارجہ بلاول بھٹو زرداری کا ایرانی ہم منصب سے ٹیلیفونک رابطہ

    عمران خان کا کہنا تھا کہ عوام کو تیار کرنا ہے کسی بھی وقت کال دے سکتا ہوں،سپریم کورٹ کا فیصلہ نہیں مانا گیا تو عوام کو سڑکوں پر نکالوں گا، ہم ملک میں انصاف اور قانون کی حکمرانی چاہتے ہیں، حقیقی آزادی کی جنگ سب کو قانون کے تابع لانے کیلیے ہے،انصاف اور حقوق دینے سے معاشرہ آزاد ہوتا ہے۔

    سراج الحق کا وزیراعظم شہباز شریف کے ساتھ ٹیلیفونک رابطہ،سیاسی بحران کا حل نکالنے کامطالبہ

    عمران خان نے کہا کہ بڑے چوروں کو نہ پکڑا جائے تو قوم زوال پزیر ہوجاتی ہے، میں چوروں کو نہ پکڑ سکا کیونکہ ساری طاقت باجوہ کے پاس تھی، جنرل (ر) باجوہ کرپشن کو برا نہیں سمجھتا تھا، پاکستان کو مشکل سے نکالنے کیلیے انصاف کا نظام ٹھیک کرنا ہوگا، ہم نے ملک میں انصاف کا نظام لانا ہے، اہلکار آکر ہمارے بے گناہ کارکنوں کو پکڑ کر لے جاتے ہیں، یہ ظلم اور ناانصافی کی بدترین مثال ہے۔

    وزیر اعظم کی مردم شماری کے حوالے سے ایم کیو ایم کےتحفظات دور کرنے کی …

  • انتخابات اور سیاسی جماعتوں میں مذاکرات،چوہدری شجاعت بھی متحرک

    انتخابات اور سیاسی جماعتوں میں مذاکرات،چوہدری شجاعت بھی متحرک

    انتخابات اور سیاسی جماعتوں میں مذاکرات کا معاملہ ، سربراہ مسلم لیگ ق چوہدری شجاعت حسین نے پارٹی اجلاس طلب کرلیا

    چوہدری شجاعت حسین کی زیرصدارت اجلاس آج کچھ دیر میں انکی رہائش گاہ پر ہوگا ،پارٹی کے چیف آرگنائزر سابق گورنرچوہدری محمد سرور اجلاس میں شریک ہوں گے ،وفاقی وزرا سالک حسین اورطارق بشیر چیمہ اورشافع حسین بھی اجلاس میں شریک ہوں گے ،اجلاس میں مذاکرات اورانتخابات کی تاریخ کے معاملے پر مسلم لیگ ق اپنی مشاورت مکمل کرے گی ،مسلم لیگ ق کا حکومتی موقف چھبیس اپریل کو حکومتی اتحاد کے اجلاس میں پیش کیا جائے گا، مسلم لیگ ق پنجاب کے ممکنہ الیکشن میں امیدواروں بارے بھی غور کرے گی، حلقہ پی پی 24 سے چودھری سالک حسین کے کہنے پر ملک اسد کوٹگلہ نے بطور آزاد امیدوار کاغزات جمع کروائے ہوئے ہیں، تحریک انصاف نے حافظ عمار یاسر کو ٹکٹ دیا جو تحریک انصاف کے دور حکومت میں وزیر رہ چکے ہیں، ق لیگی حمایت سے ملک اسد کوٹگلہ الیکشن لڑیں گے یا ن لیگی امیدوار ملک شہریار اعوان کے حق میں دستبردار ہوں گے اس حوالہ سے بھی آج کے ق لیگی اجلاس میں مشاورت ہو گی،

    واضح رہے کہ سپریم کورٹ نے گزشتہ روزسیاسی جماعتوں کو مزاکرات کا حکم دیا تھا،جس کے بعد ن لیگی رہنماؤں سردار ایاز صادق ،خواجہ سعدرفیق اوردیگر رہنماوں نے سابق سپیکرقومی اسمبلی اسد قیصر سے رابطہ کیا، حکومتی نمائندوں نے اسد قیصر سے کہا کہ ہم آپ سے با ضابطہ بات چیت کے لئے آفیشل رابطہ کررہے ہیں

    عمران خان کا مزاج کسی بھی طور پر سیاسی نہیں

    ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

    سپریم کورٹ پریکٹس اینڈ پروسیجر بل کیس کی سماعت اگلے ہفتے تک ملتوی

    بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟