Baaghi TV

Tag: پی ٹی آئی

  • پی ٹی آئی کو 2013 کے بعد بھی فارن فنڈنگ

    پی ٹی آئی کو 2013 کے بعد بھی فارن فنڈنگ

    پاکستان تحریک انصاف کو 2013 کے بعد بھی فارن فنڈنگ ہونے کا انکشاف ہوا ہے۔

    باغی ٹی وی : نجی خبررساں ادارے جنگ کے مطابق الیکشن کمیشن کے اگست میں فارن فنڈنگ کیس کے فیصلے کے مطابق پاکستان تحریک انصاف نے 2008 سے 2013 تک ممنوعہ فنڈنگ حاصل کی لیکن حاصل دستاویزات کے مطابق یہ فنڈنگ 2013 کے بعد بھی جاری رہی۔

    سوشل میڈیا پر بلیک میلنگ، ہیکنگ اور فراڈ کی شکایات میں اضافہ

    رپورٹ کے مطابق پی ٹی آئی نے اکتوبر 2014 سے مارچ 2015 تک امریکا میں غیر ملکی رجسٹرڈ اداروں سمیت مختلف اداروں سے 4 لاکھ ڈالرز سے زائد رقم اکٹھی کی-

    رپورٹ کے مطابق سابق وفاقی وزیر علی زیدی اور سابق گورنر سندھ عمران اسماعیل نے اس عرصے میں امریکا کا دورہ کیا اور اکتوبر 2014 سے مارچ 2015 تک فنڈز جمع کرنے کی مہم چلائی جس میں چار لاکھ ڈالرز سے زائد رقم اکٹھی کی-

    رپورٹ کے مطابق رقم میں سے 3 لاکھ 5 ہزار ڈالرز پاکستان میں موجود پارٹی اکاؤنٹس میں پانچ اقساط میں منتقل کیے گئے، پی ٹی آئی کے بیرون ملک چیپٹر کے سیکرٹری عبداللہ ریار کے پاس ان فنڈز کے حوالے سے کوئی معلومات دستیاب نہیں۔

    دوسری جانب پاکستان تحریک انصاف کا دعویٰ رہا ہے کہ اُنہوں نے بیرون ممالک سے جتنے بھی فنڈز اکھٹے کیے ہیں وہ قانون کے مطابق ہیں۔

    واضح رہے کہ 2 اگست 2022 میں الیکشن کمیشن آف پاکستان نے ممنوعہ فنڈنگ کیس کا فیصلہ سناتے ہوئے کہا تھا کہ پاکستان تحریک انصاف (پی ٹی آئی) پر ممنوعہ فنڈز لینا ثابت ہو گیا ہے۔

    گوجرہ : نام نہاد معزز سود خور صحافی بن گئے،صحافت کی آڑ میں غیرقانونی کام عروج…

    چیف الیکشن کمشنر سکندر سلطان راجہ کی سربراہی میں تین رکنی بینچ نے ’متفقہ‘ فیصلہ سنایا تھا فیصلے کے مطابق پی ٹی آئی چیئرمین عمران خان نے الیکشن کمیشن میں غلط ڈیکلیریشن جمع کرایا۔

    پی ٹی آئی کے خلاف ممنوعہ فنڈنگ ​​کا مقدمہ پارٹی کے بانی ارکان میں سے ایک اکبر شیر بابر (المعروف اکبر ایس بابر) نے نومبر 2014 میں الیکشن کمیشن میں دائر کیا تھا۔

    انہوں نے پارٹی پر غیر اعلانیہ اکاؤنٹس کے ذریعے غیر ملکی کمپنیوں اور غیر ملکی شہریوں سے رقوم حاصل کرنے کا الزام لگایا تھا۔ تاہم الیکشن کمیشن کی تحقیقات کے دوران کئی باتیں سامنے آئیں۔

    اے این ایف کی ملک بھر میں کاروائیاں،کروڑوں روپے مالیت کی منشیات ضبط

    تحریک انصاف کی قیادت شروع سے ہی اس مقدمے کے ‘غیر قانونی’ ہونے کے باعث مخالفت كرتے رہے ہیں، جبکہ کئی موقعوں پر انہوں نے دوسری سیاسی جماعتوں خصوصاً ان کے سب سے بڑے سیاسی حریف پاکستان مسلم لیگ ن کے فنڈز کی تحقیقات کا بھی مطالبہ کیا۔

    2014 کے بعد سے رواں برس 2 اگست تک کیس کی تقریباً 200 سماعتیں ہوئیں، جبکہ مقدمہ دائر ہونے کے وقت سے تحریک انصاف نے 30 مرتبہ سماعتوں میں التوا مانگا اوچھ مرتبہ مقدمےکےناقابل سماعت ہونے یا الیکشن کمیشن کے دائرہ اختیار سےباہر ہونےکی درخوا ستیں دائر کیں جبکہ نو بار وکیل تبدیل کیے۔

    الیکشن کمیشن نے 21 بار تحریک انصاف کو دستاویزات اور مالی ریکارڈ فراہم کرنے کی ہدایت کیں۔

    پاکستان تحریک انصاف نے اس کیس کی وجہ سے الیکشن کمیشن اور الیکشن کمشنر سکندر سلطان راجا کو شدید تنقید کا نشانہ بناتے ہوئے ان پر پی ٹی آئی مخالف جماعتوں کی طرف داری کا الزام لگایا اور ملک میں انتخابات کروانے کے ذمہ دار ادارے کے خلاف گاہے بگاہے احتجاج بھی کیا۔

    ٹیپو سلطان کا یوم پیدائش

  • لانگ مارچ ضرور کریں‌مگرایک بات یاد رکھیں‌کہ 35 شرائط پرعمل کرنا لازم ہوگا:انتظامیہ کا پی ٹی آئی کوپیغام

    لانگ مارچ ضرور کریں‌مگرایک بات یاد رکھیں‌کہ 35 شرائط پرعمل کرنا لازم ہوگا:انتظامیہ کا پی ٹی آئی کوپیغام

    اسلام آباد: پاکستان تحریک انصاف کو اسلام آباد میں پر امن احتجاج کی اجازت مل گئی، انتظامیہ نے علی نواز اعوان کی درخواست پر اجازت دے دی۔ اجازت نامہ 35 شرائط پر جاری کیا گیا ہے۔

    اسلام آباد کی انتظامیہ اور پاکستان کے درمیان ایک معاہدہ طے پایا ہے جس میں انتظامیہ نے 35 شرائط رکھی ہیں۔

    معاہدے کے مطابق اسلام آباد میں دفعہ 144 نافذ ہے، ریڈ زون میں جانے کی اجازات نہ ہو گی، ریلی کے مقررین کسی شخصیت یا ادارے کے خلاف نفرت انگیز گفتگو نہیں کریں گے، کسی جماعت کا جھنڈا نظر آتش کرنے کی اجازات نہیں ہو گی۔

    معاہدے میں کہا گیا ہے کہ سپیکر اور لاؤڈ سپیکر کا استعمال مروجہ قانون کے مطابق کیا جائے گا، ریلی کے منتظمین شرکاء کی چیکنگ اور اندرونی سکیورٹی کے ذمہ دار ہوں گے، کسی خطرے کی صورت میں ریلی کے منتظمین انتظامیہ کو معلومات فراہم کرے گی۔

    میونسپل کارپوریشن کے قواعد ضوابط پر بھی عملدار یقینی بنایا جائے گا، ایونٹ میں پاکستانی اقدار کی بھی پاسداری کی جائے گی، شقوں کی خلاف وزری کی صورت میں این او سی منسوخ کر دی جائے گی۔

    معاہدے میں مزید کہا گیا ہے کہ معاہدے کی خلاف ورزی پر معاہدہ منسوخ کر دیا جائے گا، پاکستان اور قومی سلامتی کے اداروں کے خلاف تقریر پر پابندی ہو گی۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • شہزاد اکبر نے 1ارب مانگا، فواد کو کتنا دیا؟ عمر فاروق ظہورکا دھماکے دارانٹر ویو

    شہزاد اکبر نے 1ارب مانگا، فواد کو کتنا دیا؟ عمر فاروق ظہورکا دھماکے دارانٹر ویو

    پاکستان تحریک انصاف (پی ٹی آئی) نے توشہ خانہ کے تحائف خریدنے کا دعویٰ کرنے والے عمر فاروق کا انٹرویو

    باغی ٹی وی : توشہ خانہ سے ویسے تو بہت زیادہ چیزیں غائب ہوئی ہیں تاہم گزشتہ روز سےایک گھڑی پر زو رو شور سے بحث جاری ہے جو غالباً عمران خان کی فرنٹ پرسن گوگی نے دبئی جا کر بیچی اور جس شخص عمر فاروق نے خریدی ان کے کل کے ایک انٹر ویو نے تہلکہ مچا دیا ہے-

    سردیوں کی آمد سے قبل ہی کراچی میں سوئی گیس کا شدید بحران،شہری مشکلات کا شکار


    بعد ازاں عمران خان کی جانب سے نجی خبررساں ادارے جیو ،اینکر پرسن شاہ زیب خانزادہ اور عمرا فاروق کو دھمکیاں دی گئیں کہ ان پر لندن ،دبئی اور پاکستان میں مقدمے درج کروائیں گے-

    معروف اینکر پرسن مبشر لقمان کے مطابق اس طرح کرنے سے انہیں بہت مشکل کا سامنا کرنا پڑے گا کیونکہ اس طرح ان کو ثابت کرنا پڑے گا کہ وہ گھڑی گئی کسی کے ہاتھ گئی تھی کہاں پر کس کو بیچی کہاں بیچی اس کی رسید کہاں پر ہے اس کی تشخیص کیسے ہوئی تھی اور تھرڈ پارٹی کی تشخیص ہوئی تھی یا کہ نہیں ہوئی تھی اور توشہ خانہ میں اس کی بیچنے کی رسید جمع کرائی گئی یا نہیں اور توشہ خانہ میں وہ رسید ضرور جمع ہے جو جتنے پیسوں میں وہ گھڑی وہاں سے عمران خان نے خریدی لیکن بیچی کتنے کی وہ نہیں پھر وہ پیسے پاکستان کیسے آئے آئی بھی یا نہیں آئے ان کے اوپر ٹیکس دیا گیا یا نہیں کیا؟ وہ بل کلئیر کئے یا نہیں اس طرح کے بہت سے سوالات ہیں جن کے جواب نہیں ہیں لیکن جب عمر فاروق سے واٹس ایپ پر بات ہوئی تو بہت سے اور سوالوں کے جواب بھی کھل گئے-

    نجی ٹی وی کے پروگرم کھرا سچ میں اینکر پرسن مبشر لقمان کے ساتھ انٹرویو میں عمر فاروق نے بتایا کہ اس گھڑی کی انفرادیت یہ ہے کہ یہ دنیا میں واحد پیس ہے اس طرح کی دو گھڑیاں نہیں ہیں اور جس بندے کے پاس یہ گھڑی ہو گی وہی اس کا مالک ہے اور حال ہی میں میں نے وہ گھڑی خریدی ہے اور ایسی کوئی بات نہیں جو یہ کہہ سکیں کہ یہ وہ گھڑی نہیں کوئی دوسری گھڑی ہے اور گھڑی کےتمام ڈاکومنٹس سرٹیفیکیٹس میرے پاس ہیں-

    حکومت پنجاب صحت کے تمام شعبہ جات پر خصوصی توجہ دے رہی ہے – عثمان جیلس

    عمر فاروق نے اپنے نام کے سوشل میڈیا اکاؤنٹ ٹوئٹر پر گردش کئے جانے والے اپنے ٹوئٹس کے حوالے سے کہا کہ ان کا کوئی سوشل میڈیا اکاؤنٹ نہیں جن پر ٹوئٹس کی جا رہی ہیں وہ تما م فیک ہیں اور جن لوگوں نے ان کے (عمر فاروق) نام کے فیک اکاؤنٹس بنائے ہیں آپ سمجھتے ہیں-

    https://www.youtube.com/watch?v=r4oadoLZUDM

    انہوں نے بتایا کہ شہزاد اکبر کی وجہ سے صوفیہ مرزا ان کے پیچھے پڑی ہوئیں تھیں اورتوشہ خانہ کی گھڑی کی ٹرانزیکشن کے بعد کا ایک کافی بڑا گراپ ان کے پیچھے پڑا ہوا تھا جو کہ یقیناً میں محسوس بھی کر رہا ہوں-

    عمر فاروق نے بتایا کہ فرح گوگی ان کے دفتر آئیں تھیں اور وہ خود ان کے پاس گھڑی لے کر آئیں تھیں عمرفاروق کے مطابق فرح گوگی ان کے دفتر دو مرتبہ آئیں اور ان کا سٹاف بھی اس بارے جانتا ہے تاہم انہوں نے بتایا کہ ان کے آفس کے سی سی ٹی فوٹیج کا ریکارڈ وہ 6 ماہ رکھتے ہیں اور یہ لین دین کا معاملہ 2019 میں ہوا تھا اورانہیں یہ علم نہیں تھا کہ اس طرح سے یہ معاملات سامنے آئیں گے ورنہ وہ فوٹیج اپنے پاس محفوظ کر لیتے-

    عمر فاروق نے بتایا کہ فرح گوگی کی ان تک رسائی شہزاد اکبر کے ذریعے ہوئی کیونکہ ان کے وہ شہزاد اکبر کے ساتھ اچھے ریلیشنز تھے اور شہزاد اکبر نے انہیں کہا کہ ہمارے پاس توشہ خانہ میں گفٹس جو ہمیں اکثر ملتے ہیں جو ہم نہ رکھنا چاہیں بیچ دیتے ہیں اگر آپ کو کوئی گفٹ خریدنے میں کوئی دلچسپی ہو تو آپ دیکھ سکتے ہیں جس کے بعد شہزاد اکبر نے انہیں فرح گوگی کا نمبر دیا اور وہ ان کے پاس دبئی آئیں جہاں اس نے وہ گھڑی انہیں بیچی اگر فرح اب مُکر رہیں ہیں تو میں اس بارے کچھ نہیں کہہ سکتا-

    سندھ کابینہ نے سیلاب سے تباہ مکانات کی تعمیر کیلئے 50 ارب روپے کی منظوری دے دی

    عمر فاروق نے کہا کہ گھڑی کی ٹرانزیکشن کیش میں ہوئی کیونکہ انہوں نے کیش ہی مانگا تھا میں نے جس دن گھڑی دیکھی اس کی ویلیوایشن کی اس سے اگلے دن انہیں میں نے رقم دی اور انہیں ساڑھے سات ملین درہم کیش دیا تھا جو کہ اتنی بڑی رقم نہیں ہے وہ دو چھوٹے بیگوں میں ان کو ڈال کر دی انہیں یہ نہیں پتہ کہ وہ رقم انہوں نے دبئی میں رکھی یا پاکستان لے کر گئیں-

    فواد چوہدری کے کچھ واٹس ایپ چیٹ بھی سامنے آئی جس میں فواد چوہدری نے کمیشن مانگا تھا عمر فاروق نے کہا کہ یہ میسجز تمام صحیح ہیں اور ابھی بھی میرے پاس ہیں فواد نے مجھے کہا کہ تم اپنے تمام بیانات واپس لے لو اور کہو کہ یہ وہ گھڑی نہیں ہے اور گھڑی ہے ہم سنبھال لیں گے بات کو جس پر میں نے انہیں انکار کیا اور بعد ازاں پریس کانفرنس میں انہوں نے میرے خلاف باتیں کیں-

    عمرفاروق نے کہا کہ ان پر کیسز بنانے والے بھی یہی ہیں اور اس کو بڑھاوا دینے والے بھی اگر میں ان کی نظر میں کرمنلز ہوں تو یہ ایک کرمنلز کے پاس آئے کیوں اور کرمنل کو گھڑی بیچی کیوں؟-

    فواد چوہدری عمر فاروق سے دبئی میں ملتے بھی رہے، عمر فاروق اور فواد چوہدری تحریک انصاف کی حکومت کے دوران ویکسین، ای اسپورٹس اور آئی ٹی سیکٹر سے متعلق کاروباری منصوبہ بندی کیلئے پیغامات کا تبادلہ بھی کرتے نظر آئے ہیں اور ویکیسن کو پاکستان میں اپروو کروانے کیلئے کمیشن بھی مانگی، جس پر شہزاد اکبر نے ان سے ایک ارب روپے کمیشن مانگی اور مجھے پریشرائز کیا انہوں نے میرے پرانے کیسز کی کہانی بنائی جب وہاں پر یہ کامیاب نہیں ہوئے تو پھر بچوں کے حوالے سے کیسز بنائے اور منی لانڈرنگ کے مقدمات بنائے-

    تونسہ شریف:سابق وزیر اعلی پنجاب بزدار سردار عثمان بزدار کا بارتھی کوہ سلیمان کا…

  • پی ٹی آئی کےلانگ مارچ کیخلاف آئینی درخواست سماعت کیلئے مقرر

    پی ٹی آئی کےلانگ مارچ کیخلاف آئینی درخواست سماعت کیلئے مقرر

    اسلام آباد: سپریم کورٹ نے پاکستان تحریک انصاف کے لانگ مارچ کیخلاف آئینی درخواست سماعت کیلئے مقرر کردی.

    باغی ٹی وی : سپریم کورٹ میں پی ٹی آئی لانگ مارچ کیخلاف ایڈووکیٹ کامران مرتضی کی دائر درخواست پر چیف جسٹس پاکستان عمر عطا بندیال کی سربراہی میں تین رکنی بنچ کل سماعت کرے گا۔

    کوئی بھی آکر موٹروے بند کردے آپ تماشا دیکھتے رہیں گے؟ عدالت برہم

    سپریم کورٹ رجسٹرار آفس نے کامران مرتضی کو نوٹس جاری کر دیا تین رکنی بینچ میںچیف جسٹس عمر عطا بندیال، جسٹس عائشہ ملک اورجسٹس اطہرمن اللہ شامل ہیں۔

    تحریک انصاف کے لانگ مارچ کو قواعد و ضوابط کا پابند بنانے کیلئے ایڈووکیٹ کامران مرتضیٰ نے آئین کے آرٹیکل(3)184 کے تحت درخواست دائر کی تھی جس میں عوامی اہمیت اور بنیادی حقوق کا معاملہ اٹھایا گیا ہے.

    بس بہت ہوگیا،عمران خان کا جیواور شاہزیب خانزادہ کیخلاف قانونی کاروائی کا اعلان

    درخواست میں کہا گیا تھا عمران خان کا لانگ مارچ اسلام آباد کی طرف آرہا ہے، ریلی کے اسلام آباد پہنچنے پر مسلح تصادم کا خطرہ ہے۔ درخواست میں لانگ مارچ میں امن و امان برقرار رکھنے کیلئے سپریم کورٹ کو احکامات دینے کی استدعا کی گئی تھی۔

    خیال رہے کہ سابق وزیراعظم عمران خان پر حملے کے باوجود پی ٹی آئی کا لانگ مارچ جاری ہے اور وہ اس سے ویڈیو لنک کے ذریعے خطاب کرتے ہیں۔

    پی ٹی آئی لانگ مارچ؛ راولپنڈی ڈویژن میں 10 ہزار اہلکار ڈیوٹی دیں گے

  • پی ٹی آئی جلسے کے بعد پنڈال میں خواتین کو پیسے دینے کی ویڈیو وائرل

    پی ٹی آئی جلسے کے بعد پنڈال میں خواتین کو پیسے دینے کی ویڈیو وائرل

    منڈی بہاوالدین:تحریک انصاف کا لانگ مارچ جاری ہے اور آج منڈی بہاء الدین میں جلسے کا انعقاد کیا گیا جس سے چیئرمین تحریک انصاف عمران خان نے ویڈیو لنک کے ذریعے خطاب بھی کیا۔

    اب سوشل میڈیا پر رکن قومی اسمبلی امتیاز چوہدری کے پرسنل اسسٹنٹ اعجاز چوہدری کی جانب سے پنڈال میں خواتین کو پیسے دینے کی ویڈیو وائرل ہورہی ہے۔

     

     

     

    ویڈیو میں دیکھا جاسکتا ہے کہ ایم این اےامتیاز چوہدری کے پی اے اعجاز وڑائچ خواتین میں پیسے تقسیم کر رہے ہیں۔ویڈیو میں خواتین کو 2 ، 2 ہزار روپے دیتے دیکھا جا سکتا ہے۔

    ویڈیو میں دیکھا جاسکتا ہے کہ ایم این اےامتیاز چوہدری کے پی اے اعجاز وڑائچ خواتین میں پیسے تقسیم کر رہے ہیں۔

    ویڈیو میں خواتین کو 2 ، 2 ہزار روپے دیتے دیکھا جا سکتا ہے۔ اس حوالے سے جیو نیوز نے ایم این اے حاجی امتیاز چوہدری کے پی اے اعجاز وڑائچ سے رابطہ کیا جس پر انہوں نے کہا کہ وہ جلسے میں لانے کے پیسے نہیں دے رہے تھے بلکہ رکشے کا کرایہ دے رہے تھے۔

  • راولپنڈی:عوامی احتجاج پرپی ٹی آئی کا ایئرپورٹ روڈ پر جاری احتجاجی دھرنا ختم

    راولپنڈی:عوامی احتجاج پرپی ٹی آئی کا ایئرپورٹ روڈ پر جاری احتجاجی دھرنا ختم

    راولپنڈی:عوامی احتجاج پرپی ٹی آئی کا ایئرپورٹ روڈ پر جاری احتجاجی دھرنا ختم،اطلاعات کےمطابق پاکستان تحریک انصاف نے راولپنڈی میں گلزارقائد کے قریب پرانا ایئر پورٹ روڈ پر 3 روز سے جاری دھرنا ختم کر دیا تاہم مری روڈ پر احتجاج ابھی جاری ہے۔

    پرانا ایئر پورٹ روڈ پر جاری دھرنا ختم ہونے کے بعد سڑک دونوں طرف سے ٹریفک کیلئے کھول دی گئی۔ مظاہرین کی قیادت صوبائی وزیر راجہ بشارت کر رہے تھے۔

    فیاض الحسن چوہان نے میڈیا سے گفتگو میں کہا کہ 72 گھنٹوں کی جو کال دی گئی تھی وہ پوری ہوگئی ہے۔آئندہ کے لائحہ عمل کا حتمی فیصلہ پارٹی قیادت کرے گی۔

    خیال رہے کہ راولپنڈی میں احتجاج کے تیسرے روز پی ٹی آئی رہنماؤں اور کارکنوں نے پاکستان اور نیوزی لینڈ کے درمیان سیمی فائنل کے لیے سڑکوں پر ہی بڑی اسکرینیں نصب کی تھی تاہم شام کے بعد پرانا ایئرپورٹ روڈ پر جاری احتجاجی دھرنا ختم کر دیا گیا۔

    دوسری طرف تحریک انصاف کے مارچ کے خلاف سپریم کورٹ میں ایک اور درخواست دائر کی گئی ہے۔جے یو آئی (ف) کے سینیٹر کامران مرتضیٰ نے لانگ مارچ کے خلاف اپنی درخواست میں وفاق اور چاروں صوبوں کو فریق بنایا ہے۔

    پاک فوج سے اظہار یکجہتی کےلیے مختلف شہروں میں ریلیاں

    درخواست میں کہا گیا ہے کہ پی ٹی آئی نے 25 مئی کو سپریم کورٹ کو کرائی گئی یقین دہانی کی خلاف ورزی کی ، 2014 کےدھرنے میں پی ٹی وی ، پارلیمنٹ اور سیکرٹریٹ پر حملہ کیا، تحریک انصاف ایک بار پھر مارچ اسلام آباد لا رہی ہے، عدالت اسے ماضی کا طرزعمل نہ دہرانے کا پابند بنائے۔

    امریکی وسط مدتی انتخابات؛ پاکستانی امیدوار بھی کامیاب

    سینیٹر کامران مرتضیٰ نے استدعا کی ہے کہ وفاق اور صوبوں کو حکم دیا جائے کہ مارچ کے دوران عوام کے بنیادی حقوق متاثر نہ ہوں ، مارچ کرنے والوں کا جلسہ اسلام آباد سےباہر ہو، دھرنا یا ریلی غیرمعینہ مدت تک نہ ہو ، تحریک انصاف کو احتجاج سے متعلق قوانین اور ضابطوں پر عمل کا حکم دیا جائے ۔

  • لاہور: پی ٹی آئی نےمختلف شہروں میں جاری احتجاج ختم کرنےکااعلان کردیا

    لاہور: پی ٹی آئی نےمختلف شہروں میں جاری احتجاج ختم کرنےکااعلان کردیا

    لاہور:پاکستان تحریک انصاف نے مختلف شہروں میں جاری احتجاج کو ختم کرنے کا فیصلہ کر لیا اور اس سلسلے میں پارٹی قائدین کو ہدایت جاری کردی گئیں۔

    پاکستان تحریک انصاف نے اسلام آباد کے علاوہ تمام شہروں میں جاری احتجاج ختم کرنے کا فیصلہ کر لیا۔ راستوں کی بندش کے باعث شہریوں کو درپیش مشکلات کے باعث احتجاج ختم کرنے کا فیصلہ کیا گیا ہے۔

    ذرائع کے مطابق مختلف شہروں کے پارٹی قائدین کو احتجاج ختم کرنے کےلیے ہدایت جاری کردی گئیں تاہم اسلام آباد میں احتجاج جاری رکھنے کی ہدایات بھی کر دی گئیں۔

    دوسری جانب راولپنڈی میں پی ٹی آئی کارکنوں کے احتجاج سے شہریوں کو شدید مشکلات کا سامنا ہے اور ایم ٹو موٹر وے دونوں طرف سے بند ہونے کے باعث مسافر رُل گئے۔

    دوسری طرف متوقع احتجاج اورغیرمعمولی صورتحال کے پیش نظر گورنر ہاؤس لاہورکی سیکیورٹی رینجرز کے حوالے کردی گئی۔

    پی ٹی آئی کارکنوں کے احتجاج کے نام پر حملوں کے بعد گورنر پنجاب بلیغ الرحمان نے انتہائی قدم اٹھانے کا عندیہ دے دیا۔

    ڈاکٹر رتھ کے ایم فاؤ سول اسپتال کراچی میں سرجیکل وارڈ فور میں سندھ انسٹیٹیوٹ آف ایڈوانس انڈوسکوپی اینڈ گیسٹرو انٹرالاجی کے معائنے کے موقع پر خطاب میں گورنر پنجاب بلیغ الرحمان کہتے ہیں حالات ہاتھ سے نکلے تو آئین میں گورنرراج کی گنجائش موجود ہے۔

  • اسلام آباد پولیس نے پی ٹی آئی رہنماؤں کے وارنٹِ گرفتاری حاصل کر لئے

    اسلام آباد پولیس نے پی ٹی آئی رہنماؤں کے وارنٹِ گرفتاری حاصل کر لئے

    وفاقی دارالحکومت اسلام آباد کی پولیس نے پی ٹی آئی رہنماؤں کے وارنٹِ گرفتاری حاصل کر لیے۔

    باغی ٹی وی : رپورٹس کے مطابق پی ٹی آئی رہنماوں کے ایئرپورٹ کی طرف جانے والے راستوں کی بندش کی وجہ سے وارنٹ جاری کئے گئے-

    تحریک انصاف کا احتجاج، ترجمان اسلام آباد پولیس کا موقف آ گیا

    اسلام آباد پولیس نے غلام سرور خان، ذلفی بخاری، واثق اور دیگر کے وارنٹِ گرفتاری حاصل کئے علی امین گنڈا پور اور پرویز خٹک اسلام آباد پولیس کو پہلے ہی مقدمات میں مطلوب ہیں۔

    میڈیا ذرائع کے مطابق عوام الناس کی بڑی تعداد وفاقی حکومت سے سڑکیں کھلوانے کے لیے اپیل کر رہی ہے وفاقی حکومت کی اجازت سے اسلام آباد پولیس، رینجرز اور ایف سی موٹر وے کھلوا سکتی ہیں۔

    ذرائع نے یہ بھی بتایا ہے کہ اسلام آباد میں معمول کے مطابق کاروبار اور ٹریفک کی آمد و رفت جاری ہے۔

    واضح رہے کہ گزشتہ روز لاہور میں میڈیا سے گفتگو پاکستان تحریک انصاف (پی ٹی آئی) کے رہنما ذلفی بخاری نے کہا تھا کہ ہم نے 3 دن کے لیے راستے بند کیے ہیں راستے تب ہی کھلیں گے جب خان صاحب کہیں گے۔

    پی ٹی آئی احتجاج: اسلام آباد پولیس نے ٹریفک الرٹ جاری کردیا

    قبل ازیں اسلام آباد پولیس کی جانب سےجاری بیان میں کہا گیا تھاکہ سیاسی جماعت کے رہنماؤں نےاسلام آباد آمدورفت کے راستے بند کرنے کا اعلان کیا ہے جس وجہ سے اسلام آباد کے شہریوں، طلبہ اور مریضوں کو مشکلات کا سامنا کرنا پڑ سکتا ہے لہٰذا سفر شروع کرنے سے پہلے شاہراہوں کی صورتحال جاننے کے لیے پکار 15 پر کال کریں شہر میں بلا اجازت احتجاج کرنے والوں کیخلاف کارروائی عمل میں لائی جائے گی، جن سیاسی کارکنان کی شناخت اور مقدمات درج ہیں ان کی گرفتاری کیلئے کارروائی کررہے ہیں۔

    ترجمان کا کہنا تھا کہ اسلام آباد انٹرنیشنل ائیرپورٹ سے آنے والے قومی اور بین الاقوامی مہمانوں کے لیے راستے کھلے رکھے جائیں گے، ائیر پورٹ کےلیےبلا رکاوٹ آمد و رفت قومی تشخص کے لیے اہمیت کی حامل ہے، وفاقی قانون نافذ کرنے والے ادارے ائیرپورٹ اور موٹر وے تک آمد ورفت کے راستوں کی نگرانی کریں گے۔

    امریکی ٹی وی کو انٹرویو،میزبا ن کا باربار سوال ،عمران خان حملے کا الزام لگانیوالوں…

  • لندن: پی ٹی آئی کارکنوں کا آئے روز احتجاج،شہریوں کی زندگی اجیرن،نواز شریف کی پڑوسی خاتون روپڑی،ویڈیو

    لندن: پی ٹی آئی کارکنوں کا آئے روز احتجاج،شہریوں کی زندگی اجیرن،نواز شریف کی پڑوسی خاتون روپڑی،ویڈیو

    لندن: پی ٹی آئی کارکنوں کی جانب سے ایون فیلڈ کے سامنے روزمرہ کے احتجاج کی شکایت پر نواز شریف کے پڑوسی پھٹ پڑے-

    باغی ٹی وی : عمران خان کو جب سے آئینی طریقے سے وزیراعظم ہاوس سے نکالا گیا تب سے تحریک انصاف کے کارکنان نے نہ صرف پاکستان بلکہ بیرون ممالک میں بھی شہریوں کی زندگی اجیرن بنا دی ہے آئے روز احتجاج کے نام پر وقت وسائل کا ضیاع الگ اور ساتھ عوام کو تنگ کرنا تحریک انصاف کا مشغلہ بن چکا ہے۔

    تحریک انصاف کا احتجاج، ترجمان اسلام آباد پولیس کا موقف آ گیا

    وزیراعظم شہباز شریف سعودی عرب گئے تو تحریک انصاف نے وہاں بھی احتجاج کیا جس پر سعودی عدالت نے پی ٹی آئی کارکنان کو پکڑا اور سزا سنائی لندن میں بھی یہی کیفیت ہے۔ سابق وزیراعظم نواز شریف لندن میں مقیم ہیں مریم نواز بھی لندن پہنچ چکی ہیں پی ٹی آئی کارکنان روزانہ نواز شریف کی رہائشگاہ کے باہر احتجاج کرتے ہیں جس پر ایوان فیلڈ کے رہائشی سخت پریشان ہیں یہاں تک کہ شکایت کرتے ہوئے ایک خاتون رو پڑی جس کی ویڈیو سوشل میڈیا پر وائرل ہو رہی ہے-
    https://twitter.com/Mianwali_Wala/status/1589636715701903361?s=20&t=43HVIg00YEJy3LSBxCUC7A
    سوشل میڈیا پر وائرل ویڈیو میں پاکستانیوں کی طرف سے ایون فیلڈ ہاؤس کے سامنے روزانہ ہونے والے احتجاج کے بارے میں نواز شریف کے پڑوس میں رہنے والی خاتون کو شکایت کرتے ہوئے اور روتے ہوئے دیکھا جا سکتا ہے-

    برطانوی لڑکی کا روتے ہوئے کہنا تھا کہ وہ روز روز کے احتجاج اور شور شرابے سے تنگ آئے ہیں اور اب یہ سب ان کی برداشت سے باہر ہو چکا ہے اس سب کو بند کرایا جائے-

    احتجاج کے دوران میڈیا کارکن بھی پی ٹی آئی کارکنان سے محفوظ نہ رہے

    واضح رہے کہ حال ہی میں اسکاٹ لینڈ یارڈ کی جانب سے پی ٹی آئی کے حامی نوجوان کو حراست میں لیا گیا تھا اور بعد میں اسے رہا کیا گیا تھا جب پاکستان تحریک انصاف کے کارکنوں نے مسلم لیگ (ن) کے قائد نواز شریف کی رہائش گاہ ایون فیلڈ ہاؤس کے باہر احتجاج کیا تھا۔


    پاکستان میں پی ٹی آئی کے لانگ مارچ کے موقع پرپی ٹی آئی کے درجنوں مظاہرین لندن میں نواز شریف کی رہائش گاہ کے باہر جمع ہوئے تھے جمع ہوئے اور نعرے لگائے تو مسلم لیگ ن کے کارکنوں اور حامیوں نے ردعمل کا اظہار کیا اور جوابی نعرے لگائے۔

    جب مریم نواز لندن پہنچیں تو پی ٹی آئی کارکنان ہیتھرو میں ان کی آمد پر احتجاج کرنے کے لیے جمع ہوئے تھے جبکہ ان کی رہائش گاہ کے باہربھی احتجاج کیا اور نعرے لگائے-

    پرویز الہی کی عمران خان کو وزارت اعلی سے مستعفٰی ہونے کی دھمکی

  • تحریک انصاف کا احتجاج، ترجمان اسلام آباد پولیس کا موقف آ گیا

    تحریک انصاف کا احتجاج، ترجمان اسلام آباد پولیس کا موقف آ گیا

    اسلام آباد پولیس نے شہر کی صورتحال اور ممکنہ احتجاج پر بیان جاری کیا ہے۔

    باغی ٹی وی : اسلام آباد پولیس کی جانب سے جاری بیان میں کہا گیا ہے کہ سیاسی جماعت کے رہنماؤں نے اسلام آباد آمدورفت کے راستے بند کرنے کا اعلان کیا ہے جس وجہ سے اسلام آباد کے شہریوں، طلبہ اور مریضوں کو مشکلات کا سامنا کرنا پڑ سکتا ہے لہٰذا سفر شروع کرنے سے پہلے شاہراہوں کی صورتحال جاننے کے لیے پکار 15 پر کال کریں۔

    احتجاج کے دوران میڈیا کارکن بھی پی ٹی آئی کارکنان سے محفوظ نہ رہے

    ترجمان اسلام آباد پولیس نے کہا کہ شہر میں بلا اجازت احتجاج کرنے والوں کیخلاف کارروائی عمل میں لائی جائے گی، جن سیاسی کارکنان کی شناخت اور مقدمات درج ہیں ان کی گرفتاری کیلئے کارروائی کررہے ہیں۔

    ترجمان کا کہنا تھا کہ اسلام آباد انٹرنیشنل ائیرپورٹ سے آنے والے قومی اور بین الاقوامی مہمانوں کے لیے راستے کھلے رکھے جائیں گے، ائیر پورٹ کےلیےبلا رکاوٹ آمد و رفت قومی تشخص کے لیے اہمیت کی حامل ہے، وفاقی قانون نافذ کرنے والے ادارے ائیرپورٹ اور موٹر وے تک آمد ورفت کے راستوں کی نگرانی کریں گے۔

    ترجمان نے مزید کہا کہ تمام سیاسی احباب سے گزارش ہے کہ انتظامیہ سے اجازت کے ساتھ مختص مقام پر احتجاج کریں جب کہ عوام سے گزارش ہے کہ قانون نافذ کرنے والے اداروں سے تعاون کریں، کسی بھی شر پسندانہ سرگرمی اور افراد کی اطلاع پکار 15 پر دیں-

    پی ٹی آئی احتجاج، راستہ نہ ملنے پر شہری کی کھمبے پر چڑھ کر خود کشی کی کوشش

    واضح رہے کہ پاکستان تحریک انصاف کے کارکنوں کی جانب سے اسلام آباد کے داخلی راستوں پر مظاہرے جاری ہیں جس کے باعث عوام کو شدید پریشانی کا سامنا ہے اہم شاہراہیں بند ہوگئیں ہیں اور گاڑیوں کی لمبی قطاریں لگ گئیں جبکہ ٹریفک جام سے ہزاروں مسافرپھنس کر رہ گئے مختلف علاقوں میں ٹریفک جام میں ایمبولینسز بھی پھنسی ہوئی ہیں۔

    مظاہروں کے باعث راولپنڈی اسلام آبادکے شہریوں کوشدید مشکلات کا سامنا ہے اور ایک شہری نے بتایا کہ 6 گھنٹے سے روات ٹی چوک کےقریب بچوں سمیت گاڑی میں ہوں، کسی جانب سےٹریفک کی بحالی کیلئے کارروائی نہیں ہورہی۔

    ایک خاتون نے فون پر شکایت کی کہ پشاورروڈپر حاجی کیمپ چوک پرٹریفک جام ہےاورمیری بیٹی ابھی تک گھرنہیں پہنچی، دو بجےمیری بیٹی کواسکول سےچھٹی ہوتی ہےابھی تک ٹریفک میں پھنسی ہے انہوں نے التجا کی کہ خدا کا واسطہ ہے پھنسی ہوئی ٹریفک کو بحال کرایا جائے۔

    حکومت تحفظ فراہم کرے،عمران خان کے حوالے سے جاری تھریٹ الرٹ میں نامزد "کوچی”کا بیان سامنے…