Baaghi TV

Author: عائشہ ذوالفقار

  • کورونا وائرس کے حوالے سے بالی وڈ اداکاراؤں کے پیغام

    کورونا وائرس کے حوالے سے بالی وڈ اداکاراؤں کے پیغام

    بھارتی اداکاراؤں نے بھی پوری دنیا کو اپنے لپیٹ میں لئے کورونا وائرس کے حوالے سے مداحوں کے لئے اپنے پیغام سوشل میڈیا پر شیئر کردئیے

    باغی ٹی وی: پوری دنیا میں خوف و ہراس پھیلانے والے کورونا وائرس کے حوالے سے بالی وڈ اداکاراؤں نے بجئی سوشل میڈیا پر اپنے پیغام شئیر کئے اور مداحوں کو احتیاطی تدابیر اختیار کرنے کے ساتھ ساتھ اس بیماری کے حوالے سے غلط اور غیر تصدیق خبریں پھیلنے سے روکنے کی درخواست کی
    https://twitter.com/sonakshisinha/status/1238367413655097344?s=19
    بھارتی اداکارہ سوناکشی سنہا نے ٹوئٹر پر اپنی ایک تصویر شیئر کی جسمیں انہوں نے کورونا سے بچنے کے لیے ماسک پہنا ہوا ہے اس تصویر کے کیپشن میں اداکارہ نے لکھا پوری دُنیا کورونا وائرس سے جنگ لڑ رہی ہےانہوں نے مداحوں سے کہا آئیے ہم غیر تصدیق شدہ زیر گردش خبروں کو پھیلنے سے روکیں تاکہ اس وبائی مرض کی وجہ سے لوگوں میں زیادہ خوف پیدا نہ ہو

    سوناکشی نے لکھا کہ ہمیں اس وائرس سے بچنے کے لیے زیادہ سے زیادہ احتیاطی تدابیر اختیار کرنی چاہیے اور کم سے کم گھبرانا چاہیے آخر ہے لیکن کم سے کم نہیں

    بھارتی اداکارہ کرینہ کپور نے انسٹاگرام پر کورونا وائرس کے حوالے سے اسٹوری لگائی جس میں انہوں نے لکھا کہ ہر ایک منٹ کے بعد ہمارے پاس کورونا کو لےکر نئی نئی معلومات آرہی ہے جو ہر ایک کے لیے خوفناک ہے ہمیں صحیح ذرائع سے معلومات لینے کی ضرورت ہے اور گھبرائیں نہیں اور نہ گھبرائے جانے کی وجہ بنیں کیونکہ اس سے ہمارے آس پاس کے لوگ بھی متاثر ہوسکتے ہیں

    ادکارہ نے لکھا پوری دُنیا اس وائرس سے چھٹکارا پانے کی کوشش میں لگی ہوئی ہے اور ہمیں بھی اس میں اپنا حصہ ڈالنا چاہیے انہوں نے لکھا دُعا ہے کہ آپ سب محفوظ رہیں


    بالی ووڈ اداکارہ سونم کپور نے ٹوئٹر پر مداحوں کو کورونا وائرس کی احتیاطی تدابیر سے آگاہ کرتے ہوئے لکھا کہ کورونا وائرس سے بچنے کا ایک بہترین طریقہ یہ ہے کہ آپ بار بار اچھی طرح اپنے ہاتھ دھوئیں، اپنے چہرے کو بار بار ہاتھ لگانے سے گریز کریں اور زیادہ رش والی جگہوں پر نہ جائیں

    انہوں نے لکھا کہ اچھی صحت کیلیے ضروری ہے کہ آپ اچھا کھائیں، اپنی نیند پوری کریں اور زیادہ پانی کا استعمال کریں، اس کے علاوہ وٹامن سی اور ڈی والی غذاؤں کا استعمال کریں


    اداکارہ دیا مرزا نے کورونا وائرس کے حوالے سے ایک سائنسی رپورٹ شئیر کی اور لکھا کہ ہم سب جو اس ناقابل قبول سچائی کو تسلیم کرنے کی کوشش کرتے ہیں یہ ہماری طرز زندگی اور طرز عمل ، فطرت کیساتھ غیر صحت بخش تعلقات کا نتیجہ ہے اس سائنسی رپورٹ کو پڑھیں بہت زیادہ انتشار ہے ہم سب سے

    واضح رہے کہ چین کے شہر ووہان سے پھیلنے والا جان لیوا کورونا وائرس سے اس وقت دنیا بھر میں 125 ممالک میں 4 ہزار 969 ہلاکتیں ہوچکی ہیں جب کہ دنیا بھر میں اس وائرس کے مریضوں کی تعداد 1 لاکھ 34 ہزار سے زائد ہو گئی ہے اور پوری دنیا اس وائرس سے خوف و ہراس میں مبتلا ہے متعدد ممالک میں ایمرجنسی نافذ کر دی گئی ہے تمام سرگرمیاں تعلیمی ادارے کھیل شوبز سرگرمیاں ٹرانسپورٹس ائیر لائینز وغیرہ بند کر دیئے گئے ہیں

    امیتابھ بچن کا مداحوں کو کورونا وائرس پر شاعری کے ذریعے پیغام

  • کیا آپ کے اسمارٹ فون میں ان میں سے کوئی پن ہے؟ اسے جلدی سے تبدیل کریں

    کیا آپ کے اسمارٹ فون میں ان میں سے کوئی پن ہے؟ اسے جلدی سے تبدیل کریں

    کیا آپ کے اسمارٹ فون میں ان میں سے کوئی پن ہے؟ اسے جلدی سے تبدیل کریں حققین نے ایپل اوراینڈروئیڈ اسمارٹ فون استعمال کرنے والوں کے لئے خطرے کی گھنٹی بجا دی اگر آپ کے آئی فون یا اینڈروئیڈ اسمارٹ فون کا پن 1234 ، 0000 ، 2580 ، 123456 یا 654321 سے شروع ہوتا ہے تو آپ خطرے میں ہیں کیونکہ یہ پن سب سے زیادہ ہیکنگ کا شکار ہیں کیونکہ آپ کی ڈیوائس کو کسی دوسرے طریقہ کار سے آسانی سے کھولاجاسکتا ہے

    باغی ٹی وی : خلیج ٹائم کی رپورٹ کے مطابق اگر آپ کے آئی فون یا اینڈروئیڈ اسمارٹ فون کا پن 1234 ، 0000 ، 2580 ، 123456 یا 654321 سے شروع ہوتا ہے تو آپ خطرے میں ہیں کیونکہ یہ پن سب سے زیادہ ہیکنگ کا شکار ہیں کیونکہ آپ کی ڈیوائس کو کسی دوسرے طریقہ کار سے آسانی سے کھولاجاسکتا ہے

    مطالعہ کے مطابق 10 سب سے زیادہ مشہور چار ہندسوں والے پن مندرجہ ذیل ہیں: 1234 ، 0000 ، 2580 ، 1111 ، 5555 ، 5683 ، 0852 ، 2222 ، 1212 ، 1998

    سب سے زیادہ مشہور چھ ہندسوں والے پن ہیں اور وہ 123456 ، 654321 ، 111111 ، 000000 ، 123123 ، 666666 ، 121212 ، 112233 ، 789456،159753 یہ ہیں

    جرمنی میں روہر یونیورسٹی کے محققین کے مطابق ایپل کے ذریعہ خاص طور پر بار بار ہیک ہونے والے پنوں کو روکنے کے لئے استعمال کی جانے والی بلیک لسٹ کو بہتر بنایا جاسکتا ہے اور یہ اینڈرائیڈ ڈیوائسز پر عمل درآمد کرنے میں اور بھی زیادہ اہمیت پیدا کرے گا

    ریسرچ سے یہ بات سامنے آئی ہے کہ چھ ہندسوں والے PINs چار ہندسوں سے زیادہ سیکیورٹی فراہم نہیں کرتے ہیں

    میتھمیٹکلی لحاظ سے یقینا یہاں ایک بہت بڑا فرق ہے روہر یونیورسٹی میں آئی ٹی سیکیورٹی کے لئے ہورسٹ گورٹز انسٹی ٹیوٹ کے مطالعے کے محقق فلپ مارکر نے کہا ، چار ہندسوں والے پن کو دس ہزار مختلف مرکب بنانے کے لئے استعمال کیا جاسکتا ہے ، جبکہ ایک چھ عددی پن کو ایک ملین مرکب بنانے کے لئے استعمال کیا جاسکتا ہے

    تاہم ، صارفین کچھ مجموعے کو زیادہ ترجیح دیتے ہیں کچھ پن زیادہ کثرت سے استعمال ہوتے ہیں ، مثال کے طور پر ، 123456 اور 654321 ، اس کا مطلب ہے کہ صارف چھ ہندسوں کے کوڈ کی مکمل صلاحیت سے فائدہ نہیں اٹھاتے ہیں

    محققین کے مطابق ، ایسا لگتا ہے کہ صارفین فی الحال بدیہی طور پر سمجھ نہیں پائے کہ یہ کیسے کیا جائے جس کی وجہ سے چھ ہندسوں کا پن محفوظ ہوجاتا ہے

    ان نتائج کو تلاش کرنے کے لئے ، تحقیقاتی ٹیم نے اس بات کی تحقیقات کیں کہ صارف اپنے موبائل فون کے لئے پن کا انتخاب کس طرح کرتے ہیں اور زیادہ محفوظ نمبر کے مجموعے کو استعمال کرنے کے لئے انہیں کس طرح قائل کیا جاسکتا ہے

    ٹیم نے ایپل اور اینڈروئیڈ صارفین سے کہا کہ وہ چار یا چھ ہندسوں والے PINs سیٹ کریں اور بعد میں ان ہندسوں کے مجموعے کا تجزیہ کیا کہ ان کوڈزکا اندازہ کرنا کتنا آسان ہے

    اس تجربے میں ، انہوں نے یہ فرض کیا کہ ہیکر متاثرہ شخص کو نہیں جانتا تھا اور اسے اس کی پرواہ نہیں تھی کہ موبائل فون لاکڈ ہے اس کے مطابق ، ڈیوائس ہیک کرنے کی بہترین حکمت عملی یہ ہوگی کہ پہلے ممکنہ طور پر PIN تلاشنے کی کوشش کی جائے

    کچھ لوگون نے بے ترتیب طور پر اپنا پن کوڈ منتخب کیا دوسرے صرف ایسے پن کا انتخاب کرسکتے تھے جو بلیک لسٹ میں شامل نہیں تھے اگر انھوں نے بلیک لیسٹ میں شامل پنوں میں سے ایک کو استعمال کرنے کی کوشش کی تو انہیں ایک انتباہی پیغام موصول ہوا کہ ہندسوں کے اس مجموعے کا اندازہ لگانا آسان ہے

    اس تجربے میں ، آئی ٹی سیکیورٹی ماہرین نے مختلف بلیک لسٹوں کا استعمال کیا ، جن میں ایپل کی اصلی فہرست بھی شامل تھی ، جو انہوں نے آئی فون پر کمپیوٹر کے ہر ممکنہ پن کمبینشن کی مدد سے حاصل کی مزید یہ کہ انہوں نے اپنی کم سے کم جامع بلیک لسٹس بھی بنائیں

    سمجھداری سے منتخب کردہ چار ہندسوں کا پن کافی محفوظ ہے بنیادی طور پر اس کی وجہ یہ ہے کہ مینوفیکچررز پن کوڈ لگانے کی کوششوں کی تعداد کو محدود کرتے ہیں محقق نے کہا ، ایپل دس غلط اندراجات کے بعدڈیوائس کو مکمل طور پر لاک کردیتا ہے

    محققین نے مزید کہا کہ اینڈرائڈ اسمارٹ فون پر ، یکے بعد دیگرے مختلف کوڈ داخل نہیں کیے جاسکتے ہیں مارکرٹ نے کہا ، "گیارہ گھنٹوں میں ، 100 نمبر کے مجموعے کی جانچ کی جاسکتی ہے

    مفت خوری ختم :2020 سےونڈوز7اپ ڈیٹ کرنے کے لیے اب پیسے دینے پڑیں گے


    اس ریسرچ کے دوران محققین کو ایپل کی بلیک لسٹ میں چار ہندسوں والے پنوں کے لئے 274 نمبر کے مزید اور مجموعے بھی ملے

    محققین نے کہا "چونکہ صارفین کے پاس آئی فون پر پن کا اندازہ لگانے کے لئے صرف 10 کوششیں ہوتی ہیں ، لہذا بلیک لسٹ اس کو مزید محفوظ نہیں بناتی ہے

    پاکستانی طالبعلم نے گندے پانی کو صاف کرنے والی مشین بنا لی


    محققین کے مطابق، بلیک لسٹ اینڈرائیڈ ڈیوائسز پر زیادہ لاگو ہو سکتی ہے ، کیونکہ ہیکرز وہاں مزید پن کی کوشش کر سکتے ہیں

    تحقیق میں بتایا گیا ہے کہ چار ہندسوں والے پنوں کے لئے مثالی بلیک لسٹ میں تقریبا 1،000 اندراجات ہونگے اور فی الحال ایپل کے ذریعہ استعمال کردہ فہرست سے تھوڑا سا فرق رکھنا پڑے گا

    واٹس ایپ نے اپنی سروسز بند کرنے کا اعلان کر دیا

  • ہالی وڈ فلم فاسٹ اینڈ فیوریس 9 کی ریلیز بھی مؤخر

    ہالی وڈ فلم فاسٹ اینڈ فیوریس 9 کی ریلیز بھی مؤخر

    دنیا بھر میں پھیلے جان لیوا کورونا وائرس کے خوف کے باعث جہاں عوامی اجتماعات تعلیمی اداروں کھیلوں اور ٹرانسپورٹس کو عارضی طور پربند کرنے کا فیصلہ کیا گیا ہے وہیں ہالی وڈ نے بھی اپنی فلموں کی ریلیز مؤخر کرنے کا فیصلہ کیا ہے

    باغی ٹی وی : دنیا بھر میں پھیلے جان لیوا کورونا وائرس کے خوف کے باعث جہاں عوامی اجتماعات تعلیمی اداروں کھیلوں اور ٹرانسپورٹس کو عارضی طور پربند کرنے کا فیصلہ کیا گیا ہے وہیں ہالی وڈ نے بھی اپنی فلموں کی ریلیز مؤخر کرنے کا فیصلہ کیا ہے رواں ماہ کے آغاز میں یونیورسل اسٹوڈیوز نے اعلان کیا تھا کہ کورونا وائرس کے باعث ہالی وڈ فلم سیریز جیمز بانڈ کی 25 ویں فلم نو ٹائم ٹو ڈائے کی ریلیز مؤخر کردی گئی ہے جبکہ اب اس فلم کو رواں سال اپریل میں ریلیز کیا جانا تھا لیکن اب نومبر میں ریلیز کرنے کا فیصلہ کیا جائے گا

    اس کے بعد اب فاسٹ اینڈ فیوریس 9 فلم کی ریلیز بھی روکنے کا اعلان کردیا گیا رواں سال ریلیز ہونے والی فلم فاسٹ اینڈ فیوریس 9 کو اب کورونا وائرس کی وجہ سےاگلے سال 2 اپریل کو ریلیز کیا جائے گا جبکہ اس سے پہلے بھی فاسٹ اینڈ فیوریس 9 کو 19 اپریل 2019 میں ریلیز کرنے کا ارادہ کیا گیا تھا تاہم بعدازاں اس کی ریلیز تاریخ بڑھادی گئی تھی

    دوسری جانب ہالی وڈ اسٹوڈیو پیراماؤنٹ پکچرز نے بھی اپنی تھرلر ہارر فلم اے کوائٹ پلیس 2 کی ریلیز کورونا وائرس کے باعث منسوخ کرنے کا اعلان کردیا فلم اے کوائٹ پلیس 2 رواں سال 18 مارچ کو ریلیز ہونی تھی علاوہ ازیں کئی موسیقاروں نے بھی اپنے میوزیکل شوز منسوخ کر دیئے ہیں

    خیال رہے کہ عالمی ادارہ صحت نے کورونا وائرس کو عالمگیر وبا قرار دے دیا ہے کیونکہ 125 ممالک میں 4 ہزار 969 ہلاکتیں ہوچکی ہیں جبکہ دنیا بھر میں اس وائرس کے مریضوں کی تعداد 1 لاکھ 34 ہزار سے زائد ہو گئی ہے

  • کورونا وائرس کی وجہ سےچھٹیوں کی خوشی میں طلباء کے نعرے

    کورونا وائرس کی وجہ سےچھٹیوں کی خوشی میں طلباء کے نعرے

    پاکستان بھر کے سکولز یونیورسٹیز اور کالجز سمیت تمام تعلیمی اداروں میں جان لیوا کورونا کی وجہ سے حکومت نے پانچ اپریل تک عام تعطیلات کا اعلان کیا ہے کورونا کے باعث چھٹیوں پر طلبا نے خوشی سے کورونا کے حق میں نعرے بلند کر دیئے

    باغی ٹی وی: پاکستان بھر کے سکولز یونیورسٹیز اور کالجز سمیت تمام تعلیمی اداروں میں جان لیوا کورونا کی وجہ سے حکومت نے پانچ اپریل تک عام تعطیلات کا اعلان کیا ہے جہاں پوری دنیا اس وائرس کے خوف کی وجہ سے ڈری سہمی ہوئی ہیں وہیں کورونا کے باعث چھٹیوں پر پاکستانی طلبا نے خوشی سے کورونا کے حق میں نعرے بلند کر دیئے
    https://twitter.com/HinaRKharal/status/1238497573847150594?s=08
    سماجی رابطے کی ویب سائٹ ٹویٹر پر ایک ویڈیو وائرل ہو رہی ہے جس میں یونیورسٹیز کے طلبا کورونا کے باعث ہونے والی چھٹیوں پر اس جان لیوا وائرس کے حق میں نعرے کورونا وائرس زندہ باد کے نعرے بلند کرتے نظر آ رہے ہیں جبکہ دوسری جانب پوری دنیا کورونا وائرس کے خوف و ہراس میں مبتلا ہے

    واضح رہے کہ واضح رہے کہ کورونا وائرس سے 125 ممالک میں 4 ہزار 969 ہلاکتیں ہوچکی ہیں جبکہ دنیا بھر میں اس وائرس کے مریضوں کی تعداد 1 لاکھ 34 ہزار سے زائد ہو گئی ہے اس صورتحال کے پیش نظر پاکستانی حکومت نے بھی پانچ اپریل تک تعلیمی ادارے بند رکھنے کا اعلان کیا ہے

  • امیتابھ بچن کا مداحوں کو کورونا وائرس پر شاعری کے ذریعے پیغام

    امیتابھ بچن کا مداحوں کو کورونا وائرس پر شاعری کے ذریعے پیغام

    بھارتی اداکار امیتابھ بچن نے کورونا وائرس پرشعر کہہ دیئے اداکار کی شعر کہتے ہوئے ویڈیو سوشل میڈیا پر خوب وائرل ہو رہی ہے

    باغی ٹی وی :بھارتی اداکار امیتابھ بچن نے سماجی رابطے کی ویب سائٹ ٹوئٹر پر اپنی ایک ویڈیو شیئر کی جس میں وہ اپنے مداحوں کو کورونا وائرس کے حوالے سے شاعرانہ انداز میں پیغام دیتے نظر آرہے ہیں

    امیتابھ بچن نے اپنے ویڈیو پیغام میں کہا کہ ہیلو نمسکارہم ہیں امیتابھ بچن اور یہاں بہت دنوں سے کورونا وائرس کو لے کر چرچا ہو رہی ہیں اس وائرس سے سب لوگوں کا گھر گھر بہت نقصان بھی ہو رہا ہے سب لوگ گھبرائے ہوئے ہیں چنتا میں ہیں

    انہوں نے کہا آج صبح صبح ہمیں بھی لگا کہ ہمیں بھی کچھ بول دینا چاہیئے اس پر اور اسی لیے میں نے بیٹھے بیٹھے اس پر 4 پنکھتیاں (مصرے) لکھ دئیے ہیں اور سوچا کہ آپ کو بھینٹ (تحفے) میں دے دوں اور ساتھ ہی کہا کہ کہا سنا معاف کیجیئے گا


    امیتابھ بچن نے شاعرانہ انداز میں یوں کہا:

    بہتیرے علاج بتاویں جنے جنمانس سب

    کون سے علاج سُنیں اور کون سے علاج نہ سُنیں؟

    کوئی کہس کہ کلونجی پیسو

    کوئی کہے کہ آملہ کا رس

    کوئی کہس کہ گھر میں بیٹھو

    ہلو نہ ٹس سے مس

    ایر کہن اور بیر کہن کہ ایسا کچھ بھی کرونا

    بن صابن کے ہاتھ دھو ئے کے کسی کو بھیا چھوو نہ

    ہم کہا چلو ہم وہ کر دیتے ہیں جیسن بولیں سب

    آوے دے کورونا، فررونا

    ٹھینگوا دکھائیں گے تب

    واضح رہے کہ کورونا وائرس سے 125 ممالک میں 4 ہزار 969 ہلاکتیں ہوچکی ہیں جبکہ دنیا بھر میں اس وائرس کے مریضوں کی تعداد 1 لاکھ 34 ہزار سے زائد ہو گئی ہے

  • عظیم شاعر حبیب جالب کو اس جہان فانی سے رخصت ہوئے 27 برس بیت گئے

    عظیم شاعر حبیب جالب کو اس جہان فانی سے رخصت ہوئے 27 برس بیت گئے

    اردو کے معروف اور عظیم شاعر حبیب جالب کو اس جہان فانی سے رخصت ہوئے 27 برس بیت گئے

    باغی ٹی وی :حبیب جالب کا اصل نام حبیب احمد تھا آپ 1928 کو بھارتی ریاست پنجاب کے ضلع ہوشیار پور میں پیدا ہوئے اور دہلی کے اینگلو عریبک ہائی اسکول سے میٹرک کیا حبیب جالب ابتدا میں جگر مراد آبادی سے متاثر تھے اور روایتی غزلیں کہا کرتے تھے

    برصغیر ہند کی تقسیم کے بعد وہ فیملی کے ساتھ پاکستان آگئے انہوں نے کراچی میں کچھ عرصہ معروف کسان رہنما حیدر بخش جتوئی کی سندھ ہاری تحریک میں کام کیا یہاں پر انہوں نے معاشرتی نا انصافیوں کو انتہائی قریب سے دیکھا اور پھر ان کا یہی مشاہدہ اور محسوسات ان کی نظموں کا موضوع بن گئے

    عظیم شاعرآخر دم تک پاکستان کے محنت کش طبقے کی زندگی میں تبدیلی کے آرزو مند رہے انہوں نے معاشرے کے ہر اس پہلو کے خلاف آواز اٹھائی جس میں آمریت کا رنگ جھلکتا تھا اس پرانہوں نے ایوب خان یحیی خان اور ضیاالحق کے دور آمریت میں قید وبند کی صعوبتیں بھی کاٹیں حبیب جالب نے معاشرے میں ہونے والے ظلم، زیادتی، نا انصافی اور عدم مساوات کے حوالے سے جو بھی لکھا وہ زبان زد عام ہوا

    عظیم شاعر اور محنت کش طبقوں کا مسیحا 12 مارچ 1993 کو اس جہان فانی سے رخصت ہوگیا حکومت پاکستان نے ان کی وفات کے 16 برس بعد انہیں نشان امتیاز سے نوازا

  • آشا بھوسلے کے سامنے پہلی بار گلوکاری کی تو نروس ہو گئی تھی شروتی ہاسن

    آشا بھوسلے کے سامنے پہلی بار گلوکاری کی تو نروس ہو گئی تھی شروتی ہاسن

    بھارتی لیجنڈری گلوکارہ آشا بھوسلے کے سامنے پہلی بار گلوکاری کی تو میں نروس ہو گئی تھی بالی وڈ اداکارہ شروتی ہاسن

    باغی ٹی وی : بھارتی اداکارہ شروتی ہاسن کا کہنا ہے کہ بھارتی لیجنڈری گلوکارہ آشا بھوسلے کے سامنے پہلی بار گلوکاری کی تو میں نروس ہوگئی تھی اداکارہ نے سوشل میڈیا ویب سائٹ انسٹاگرام پر ایک تصویر شیئر کی یہ تصویر ان کے بچپن میں طالبعلمی کے زمانے کی ہے اور اداکارہ سکول یونیفارم میں ملبوس ہیں اور بھارتی لیجنڈری گلوکارہ آشا بھوسلے کے سامنے گلوکاری کرتے ہوئے نظر آ رہی ہیں
    https://www.instagram.com/p/B9kVpuSBImK/?igshid=kzg7e4zx0g12
    تصویر کے کیپشن میں شروتی ہاسن نے لکھا کہ مجھے اس تصویر سے بہت پیار ہے مجھے یہ دن یاد ہے جب میں لیجنڈری گلوکارہ آشا بھوسلے کے سامنے گانا گا رہی تھی اور میں اس وقت بہت زیادہ گھبرائی ہوئی تھی یہ بہت خوبصورت یاد ہے

  • کورونا کے خلاف قومی محاذ بنائے بغیراس وائرس پر قابو پانا ممکن نہیں احسن خان

    کورونا کے خلاف قومی محاذ بنائے بغیراس وائرس پر قابو پانا ممکن نہیں احسن خان

    پاکستان کے معروف اداکار احسن خان کا دنیا بھر میں تباہی مچانے والے جان لیوا کورونا وائرس کے حفاظتی تدابیر کے پیش نظر کہنا ہے کہ سوائے ہمارے دنیا کے تمام ممالک کورونا وائرس ایمرجنسی کا اعلان کر چکے ہیں ہمیں بھی کچھ اہم اقدامات اٹھانے کی ضرورت ہے

    باغی ٹی وی: دنیا بھر میں کورونا وائرس کے خوف اورکورونا وائرس سے احتیاطی تدابیر کے پیش نظرکی وجہ سے ہالی وڈ کی فلموں کی ریلیز اور شوٹنگ منسوخ کرنے کا ساتھ ساتھ سینما گھروں میں بھی فلموں کی نمائش میں بھی کمی کی گئی ہے

    جان لیوا کورونا وائرس کی وجہ سے نہ صرف فلموں کی نمائش کو منسوخ کیا گیا ہے بلکہ کئی ممالک میں اسکولز و یونیورسٹیز کو بھی بند کرنے کے ساتھ ساتھ عوامی مقامات اور پبلک ٹرانسپورٹ کو بھی چند ممالک میں عارضی طور پر بند کردیا گیا ہے اور بھارت میں بھی بالی وڈ کے آسکر ایوارڈ کا درجہ رکھنے والے آئیفا ایوارڈ کی تقریب منسوخ کرنے کے ساتھ ساتھ غیر ملکی سیاحوں کے ویزے بھی معطل کر دیئے ہیں

    تاریخ میں پہلی بار سعودی عرب نے بھی اس جان لیوا بیماری کی وجہ سے عمرے پر عارضی پابندی عائد کی ہے جب کہ متحدہ عرب امارات میں نماز جمعہ کے اجتماعات کو 10 منٹ کے اندر مکمل کرنے کی ہدایات کی گئی ہیں کئی ممالک میں عام تعطیلات کا اعلان کر دیا گیا ہے اور چند ایک ممالک نے حفاظتی اقدامات کے پیش نظر ائیر لایئنز بھی بند کر دی ہیں

    تاہم پاکستان میں کورونا کے پیش نظر تمام حفاظتی اقدامات جاری ہیں لیکن باقی ساری سرگرمیاں معمول کے مطابق جاری ہیں جس پر اداکار احسن خان نے کہا کہ سوائے ہمارے دنیا کے تمام ممالک کورونا وائرس ایمرجنسی کا اعلان کر چکے ہیں ہمیں بھی کچھ اہم اقدامات اٹھانے کی ضرورت ہے
    https://www.instagram.com/p/B9oJWVAnxUC/?igshid=qpbtpt4g4yth
    اداکار نے پاکستان عوامی اجتماعات اور تعلیمی اداروں کو فی الحال بند کرنے کا مطالبہ کیا اور کہا کہ کورونا کے خلاف قومی محاذ بنائے بغیر اس وائرس پر قابو پانا ممکن نہیں ہے

    واضح رہے کہ جان لیوا کرونا وائرس 123 سے زائد ملکوں تک پھیل گیا ہے کورونا وائرس سےدنیا بھرمیں ہونے والی اموات 4 ہزار635 ہوگئیں ہیں جبکہ دنیا بھرمیں کورونا کے مریضوں کی تعداد ایک لاکھ 26 ہزار سے زائد ہوگئی ہے

    کرونا 123 ممالک میں پھیل گیا،دنیا بھرمیں ابتک کتنی اموات ہو چکیں؟

  • ونگ کمانڈر شہید پائلٹ نعمان اکرم کو شوبز شخصیات کا خراج عقیدت

    ونگ کمانڈر شہید پائلٹ نعمان اکرم کو شوبز شخصیات کا خراج عقیدت

    متعدد شوبز شخصیات نے پائلٹ نعمان اکرم کی شہادت پر گہرے دکھ کا اظہار کرتے ہوئے شہید کے بلند درجات اور اہل خانہ کیلئے صبر جمیل کی دعا کی ہے

    باغی ٹی وی : شکرپڑیاں کے قریب جنگل میں 23 مارچ پریڈ کی ریہرسل کے دوران F-16 طیارہ گرنے کے نتیجے میں شہید ہونے والے پائلٹ ونگ کمانڈر نعمان اکرم کو شوبز شخصیات نے خراج عقیدت پیش کیا اور شہید کی شہادت پر گہرے دکھ کا اظہار کرتے ہوئے شہید کے بلند درجات اور اہل خانہ کیلئے صبر جمیل کی دعا کی ہے


    شوبز سے اسلام کی خاطر کنارہ کشی اختیار کرنے والے اداکار فیروز خان نے شہید پائلٹ ونگ کمانڈر نعمان اکرم کی تصویر شئیر کرتے ہوئے شہید کی مغفرت اور ان کی فیملی کے لئے صبر و جمیل کی دعا کی


    گلوکار و اداکار علی ظفر نے شہید کو خراج تحسین پیش کرتے ہوئے قوم کا اصل ہیرو قرار دیا


    حمزہ علی عباسی نے بھی ٹویٹر اکاؤنٹ پر شہید پائلٹ کی تصویر شئیر کی اور ان کی روح کے سکون کے لئے دعا کی


    اداکار و میزبان فیصل قریشی نے بھی اپنے ٹویٹر اکاؤنٹ پر شہید پائلٹ ونگ کمانڈر نعمان اکرم کی تصویر شئیر کرتے ہوئے انہیں خراج عقیدت پیش کیا


    اداکارہ ینا ملک نے شہید کی تصاویر شئیر کرتے ہوئے لکھا کہ سال 2019 میں پاک فضائیہ کے مقابلوں میں شیرافگن ٹرافی جیتنے والے قابل ترین ونگ کمانڈر سکوارڈن نعمان اکرم شہادت کے عظیم مرتبے پر فائز ہو گئے ہیں

    اداکارہ نے شہداء کا ماؤں کو خراج عقیدت پیش کرتے ہوئے لکھا میرے بیٹے کو کانٹا بھجی چبھ جائے تو میری جان نکل جاتی ہے یہ کیسی مائیں ہیں جو اپنے جگر گوشوں کو ہماری حافظت کے لئے قربان کر دیتی ہیں


    وینا نے ایک اور ٹویٹ میں لکھا کہ ونگ کمانڈر نعمان اکرم(شہید) چاہتے تو طیارے سے نکل کر اپنی جان بچا سکتے تھے لیکن انہوں نے پاکستانی شہریوں کو بچاتے ہوئے اپنی جان کا نذرانہ پیش کیا اگروہ پیراشوٹ کے ذریعے نکل جاتے تو طیارہ آبپارہ مارکیٹ، سیرینا ہوٹل پاک چائینہ فرینڈ شپ سینٹر پر گرتا تو کافی جانی نقصان ہوتا


    فخر عالم نے ٹویٹر اکاؤنٹ پر شہید کی تصویر شئیر کی اور لکھا کہ ونگ کمانڈر نعامان اکرم کی شہادت کی دل دہلا دینے والی خبر سننے کو ملی انہوں نے شہید کی خدمات کو سراہتے ہوئے ان کو خراج تحسین اور سلیوٹ پیش کیا اور لکھا کہ وہ شہریوں کو بچانے کے لئے جہاز میں ہی رہے نکلے نہیں


    اداکار ہمایوں سعید نے بھی شہید کی تصویر شئیر کی اور خراج تحسین پیش کرتے ہوئے دعاکی اور لکھا کہ اللہ ان کی فیملی کو اس غم کو سہنے کا حوصلہ اور صبر و جمیل عطا فرمائے

    واضح رہے کہ پاک فضائیہ کے قابل ترین ونگ کمانڈر سکوارڈن نعمان اکرم نے سال 2019 میں پاک فضائیہ کے نشانے بازی کے مقابلوں میں شیرافگن ٹرافی جیتی تھی

    پاک فضائیہ کا طیارہ کریش ، ونگ کمانڈر نعمان اکرم رتبہ شہادت پر فائز

  • ہولی کے موقع پر میرا راجپوت کی لی گئی تصویر مداحوں کے لئے سوالیہ نشان بن گئی

    ہولی کے موقع پر میرا راجپوت کی لی گئی تصویر مداحوں کے لئے سوالیہ نشان بن گئی

    بالی وڈ اداکار شاہد کپور کی اہلیہ میرا راجپوت نے ہولی کے موقع پر اپنی گردن پر سرخ رنگ سے شاہد کپور لکھا شائقین نے پوچھا کہ اس کا مطلب شاہ رخ خان ہے یا سلمان خان!

    باغی ٹی وی: بالی وڈ اداکار شاہد کپور کی اہلیہ میرا راجپوت نے ہولی کے موقع پر اپنی گردن پر سرخ رنگ سے شاہد کپور لکھا شائقین نے پوچھا کہ اس کا مطلب شاہ رخ خان ہے یا سلمان خان میرا راجپوت نے ہولی کے موقع پر لی گئی ایک تصویر اپنے انسٹا گرام اکاؤنٹ پر شئیر کی تصویر میں ان کی گردن پر سرخ رنگ کے ساتھ ایس کے یعنی ان کے شوہر شاہد کپور کا نام اور ساتھ دل بنا ہوا نظر آ رہا ہے
    https://www.instagram.com/p/B9jGxepFpS6/?igshid=1hg885hbssjmf
    انہوں نے تصویر کے کیپشن میں لکھا کہ زندگی سے پیار تکنیکی رنگ میں

    میرا راجپوت کی اس پوسٹ پر صارفین نے مختلف مزاح سے بھر پور کمنٹس کئے

    بعض صارفین نے پوچھا اس کا مطلب سلمان خان ہے?

    کچھ صارفین نے کہا اس کا مطلب شاہ رخ خان ہے?

    جبکہ ایک صارف نے لکھا اس کا مطلب کبیر سنگھ ہے

    ایک صارف نے تو کمنٹ میں لکھا اس کا مطلب شاہد اور کرینہ ہے ?

    واضح رہے کہ میرا راجپوت اور شاہد کپور نے 2015 میں شادی کی جوڑے کے دو بچے ہیں بیٹی میشا اور بیٹا زین ہیں