ضرورت ایجاد کی ماں ہے ،پاکستانی طالبعلم نے گندے پانی کو صاف کرنے والی مشین بنا لی
باغی ٹی وی کی رپورٹ کے مطابق لاہور کی نجی یونورسٹی کے طالبعلم اسامہ نے گندے پانی کو پینے کے قابل بنانے کے لئے مشین بنالی یہ مشین پانی میں موجود مالیکیولز کو توڑ کر پانی کو دوبارہ صاف بنا دیتی ہے
ہونہار طالبعلم نے ثابت کیا کہ اس کے لئے نہ تو بڑا پلانٹ درکار ہے اور نہ ہی زیادہ جگہ کی ضرورت ہے
نوجوان طالبعلم نے نجی ٹی وی چینل سے گفتگو کرتے ہوئے کہا کہ یہ والی مشین پول ٹائپ ہے ہماری یہ ایک منٹ میں بھی سٹیٹس صاف کرتی ہے اور اس پر ہونے والے خرچے کے بارے میں اسامہ نے بتایا کہ اس کی ریسرچ کا ٹیسٹنگ کا پیپرز کا ٹوٹل خرچ تقریباً 5.8 ملین روپے ہیں اور اس کو بنانے میں انہیں ساڑھے نو ماہ لگے ہیں
اسامہ نے شکوہ کیا کہ اس مشین کی حد تک پانی کو چیک کرنے کے لئے وہ کچھ ضروری ٹیسٹ اپنی جیب سے ہی کرو چکے ہیں نوجوان طالبعلم نے کہا مہ وہ اس مشین میں جدت لانا چاہتے ہیں لیکن حکومت یا فکٹری مالکان اس سے کساتھ تعاون کرنے پر تیار نہیں ہیں
اسامہ نے کہا کہ ویسٹ واٹر کی ٹیسٹنگ بہت مہنگی ہے لیکن ابھی تک وہ اپنی جیب سے کروا رہے ہیں جبکہ ان کے لئے یہ خرچ برداشت کرنا بہت مشکل ہے اسامہ نے کہا اس کے لئے وہ فنڈز چاہ رہے ہیں تاکہ وہ اس پلانٹ کو بڑے پیمانے پر لے کر جا سکیں اور اس پلانٹ کو پاکستان کو سرو کرنے میں لگا سکیں
اسامہ نے دعوی کیا کہ اس کی ایجاد مل مالکان کے خرچے کو بھی کم کر سکتی ہے
خیال رہے کہ پانی کا مسئلہ پاکستان کے بڑے مسائل میں سے ایک ہے گندے پانی کو صاف کرنے والی مشین اور اس کو بنانے والے نوجوان طالبعلم اسامہ کا یہ دعوی ہے کہ اگر حکومتی تعاون ملے تو پاکستان میں پانی کے مسائل کے حل میں وہ اپنا کردار ادا کر سکتا ہے
باغی ٹی وی کی رپورٹ کے مطابق معروف اداکارہ حرا مانی نے اپنے شوہر مانی سے سوال کیا ہے کہ جب وہ ان کے ساتھ ہوتی ہیں تو ان کو سب کچھ گولڈن کیوں لگتا ہے؟ اور یہ دنیا سنہری کیوں لگتی ہے؟
گذشتہ روز پاکستان شوبز انڈسٹر ی سے تعلق رکھنے والی معروف اداکارہ حرا مانی نے سماجی رابطے کی ویب سائٹ انسٹاگرام پر اپنے شوہر مانی کے ہمراہ تصاویر شیئر کیں اور کیپشن میں مانی سے سوال کرتے ہوئے لکھا کہ جب میں تمہارے ساتھ ہوتی ہوں تو مجھے سب کچھ گولڈن کیوں لگتا ہے؟ ایسا محسوس ہوتا ہے کہ جیسے یہ دنیا سنہری ہے اور ہم اس میں اڑ رہے ہیں
https://www.instagram.com/p/B86xxSDHn6p/?igshid=kiwa6z9ogkru
انہوں نے لکھا کہ جیسے سب جادوسا ہے چمکدار اور روشن
حرا مانی کی اس پوسٹ پر ان کے شوہر مانی نے لکھا کہ بے بی آپ کو شدید نیند کی وجہ سے یہ سب ہو رہا ہے سو جائیں
جبکہ اداکارہ و ماڈل صدف کنول نے حرا مانی کی تصاویر پر پسندیدگی کا اظہار کیا
پی ایس ایل ایڈیشن فائیو کے چوتھے روز کراچی کے نیشنل اسٹیڈیم میں کوئٹہ گلیڈی ایٹرز کی کراچی کنگز کو 5 وکٹوں سے شکست کے بعد معروف اداکارہ ہانیہ عامر نے گلوکار عاصم اظہر سے طنزیہ سوال کر دیا
باغی ٹی وی کی رپورٹ کے مطابق پی ایس ایل ایڈیشن فائیو کے چوتھے روز کے پہلے میچ میں کراچی کنگز کی کوئٹہ گلیڈی ایٹرز سے شکست کے بعد معروف اداکارہ ہانیہ عامر کا گلوکار عاصم اظہر سے طنزیہ سوال
https://twitter.com/realhaniahehe/status/1231602773273214982?s=19
گذ شتہ روز کراچی کے نیشنل اسٹیڈیم میں کوئٹہ گلیڈی ایٹرز نے کراچی کنگز کو 5 وکٹوں سے شکست دی جس کے بعد ہانیہ عامر نے ٹوئٹ کرتے ہوئے عاصم اظہر سے سوال کیا کہ ’کیوں عاصم اظہر ہم کراچی کنگز کو آسان لیں یا نہیں؟ سوچ کر بتایئے گا ساتھ ہی اداکاریہ نے دو ہیش ٹیگ KKvQG اور HUMZALMI استعمال کئے
ہانیہ عامر کے اس طنز پر عاصم اظہر اداکارہ کے ٹوئٹ کا جواب دیتے ہوئے لکھا کہ پڑوسی کی جیت پر اتنا غرور
عاصم اظہر نے لکھا کہ کنگزاور زلمی کے آمنے سامنے ہونے کے بعد کنگز نے زلمی کو ہرایا تھا اب کراچی کنگز اور پشاور زلمی کے اگلے میچ پر بات ہوگی
واضح رہے کہ پی ایس ایل فائیو کے دوسرے دن کے پہلے میچ میں پشاور زلمی نے کراچی کنگز کے ہاتھوں شکست کھائی تھی جس کے بعد عاصم اظہر نے ٹوئٹر پر ہانیہ عامر کو خبردار کرتے ہوئے ٹوئٹ کرتے ہوئے لکھا تھا کہ مانا کہ آپ کی زلمی کی ٹیم اچھی ہے لیکن کراچی کو بھی آسان نہیں لینا
پاکستان کے معروف گلوکار علی ظفر نے پی ایس ایل کے ترانے کا دوسرا ٹیزر جاری کردیا
باغی ٹی وی کی رپورٹ کے مطابق گلوکار علی ظفر نے پی ایس ایل کے ترانے کا دوسرا ٹیزر جاری کردیا 22 سیکنڈ پر مبنی ویڈیو میں علی ظفر کو ڈھول کی تھاپ پر رقص کرتے ہوئے دیکھا جاسکتا ہے
ویڈیو کے کیپشن میں علی ظفر نے ہیش ٹیگ بھائی حاضر ہے کا استعمال کرتے ہوئے لکھا کہ ترانے کے بنانے سے پہلے تھوڑا وارم اپ ہونا ضروری ہے جو مزہ لائیو میں ہے جو مزہ لائف ہے انجوائے کریں
واضح رہے کہ علی ظفر مداحوں کی خواہش پر پی ایس ایل کا ترانہ بنا رہے ہیں اور گلوکار کی آواز میں پی ایس ایل کے ترانے کا شائقین کرکٹ کو بے صبری سے انتظار ہے
علی ظفر نے نجی چینل سے گفتگو کے دوران عوام کی خواہش پر بنائے گئے پی ایس ایل 5 کے ترانے سے متعلق کہا ہے کہ جب بھائی آگیا ہے تو شاہکار بھی آجائے گا بڑے کم وقت میں گانا تیار کیا ہے
مسلمانوں کے لیے مقدس شہر کی حثیت رکھنے والے شہر مکہ کی انتظامیہ نے ایک متنازع ویڈیو بنانے والی باحجاب ریپر کو گرفتار کرنے کا حکم دے دیا
خلیجی اخبار گلف نیوز کے مطابق مکہ کے گورنر شہزادہ خالد بن فیصل نے چند روز قبل سامنے آنے والی ویڈیو کے وائرل ہونے کے بعد باحجاب افریقی نژاد ریپر و گلوکارہ اصایلی کو گرفتار کرنے کا حکم دے دیا
افریقی نژاد لڑکی نے چند روز قبل ایک ویڈیو جاری کی تھی جس میں وہ حجاب میں مکہ مکرمہ کے ہوٹلوں اور چائے خانوں میں گلوکاری کرتی دکھائی دیں اصایلی کی جانب سے جاری کیا گیا بنت مکہ یعنی مکہ کی لڑکی ویڈیو میں لڑکیاں اور لڑکے ناچتے نظر آ رہے ہیں اس گانے کو جہاں کئی لوگوں نے پسند کیا تھا وہیں اس گانے پر شدید تنقید بھی کی گئی تھی
گانے میں کہا گیا میں مکہ مکرمہ کی ایک اچھی نسل والی لڑکی ہوں جو سخت محنت اور مشکل وقت میں بھی پیچھے نہیں ہٹتی اس شہر کے لوگ دوسرے شہر کی لڑکیوں کی عزت کرتے ہیں
یوٹیوب پر جاری ہونے کے بعد ویڈیو عرب سوشل میڈیا پر کافی وائرل ہوگئی تھی اور لوگوں نے مقدس شہر مکہ کی لڑکیوں کو یوں ڈانس کرتے ہوئے دکھانے پر برہمی کا اظہار کیا تھا سوشل میڈیا پر تنقید کے بعد مذکورہ گانے کو یوٹیوب سے ہٹادیا گیا تاہم گانے کی ویڈیو اب بھی دیگر یوٹیوب چینلز اور سوشل میڈیا ایپس پر موجود ہے
انتظامیہ نے ویڈیو پر سخت ناراضگی کرتے ہوئے کہا ہے کہ یہ سعودی خواتین کی نمائندہ نہیں ہے اور اسلام کے مقدس ترین مقام مکہ مکرمہ کی مقدس حیثیت کو مجروح کرتی ہے انہوں نے ہیش ٹیگ کا استعمال کرتے ہوئے تم مکہ کی لڑکی نہیں ہو کے عنوان سے ایک ٹریڈنگ عربی ہیش ٹیگ بھی ترتیب دیا ہے
اس کے جواب میں مکہ کے حکام نے بتایا کہ شہر کے گورنر شہزادہ خالد الفیصل نے ویڈیو تیار کرنے میں ملوث افراد کے خلاف قانونی کارروائی کا حکم دیا ہے شہر کے حکام نے ایک بیان میں کہا اس ویڈیو سے مکہ مکرمہ کے لوگوں کے رسم و رواج اور روایات کو مجروح کیا گیا ہے اور ان کی عمدہ شناخت اور روایات کے منافی ہے
کچھ اطلاعات میں کہا گیا ہے کہ ریپر سعودی خاتون نہیں ہے بلکہ مکہ مکرمہ کی رہائشی ہے دوسرے آن لائن ےنقید نگاروں کا کہنا تھا کہ وہ افریقی نژاد سعودی شہری ہیں یہ ایسی رائے ہے جس نے انہیں دوسروں سے الگ کر دیا ہے جنھوں نے ان پر نسل پرستی کا الزام عائد کیا
واضح رہے کہ حالیہ برسوں میں ، سعودی عرب نے خواتین کو بااختیار بنانے کے لئے متعدد اقدامات اٹھائے ہیں ، جن میں ملک میں سماجی تبدیلیوں کے حصے کے طور پر ، خواتین کے ڈرائیونگ پر دہائیوں پرانی پابندی ختم کرنا بھی شامل ہے
ڈرامہ سیریل عہد وفا میں اینکر شارق کا کردار ادا کرنے والے وہاج علی نے بتایا کہ وہ میں اپنی بیوی ثناء کو دیکھنے کے لئے روز اس کے گھر کے باہر چکر لگایا کرتا تھا
باغی ٹی وی کی رپورٹ کے مطابق وہاج علی نے ثمینہ پیرزادہ کے ایک شو میں اپنی زندگی کے بارے میں دلچسپ انکشاف کرتے ہوئے شادی اور محبت کے بارے میں بات کرتے ہوئےکہا کہ میری پسند کی شادی ہوئی ہے جبکہ مجھے بہت زیادہ محبتیں ہوئیں پہلی محبت بہت پہلے ہوئی دوسری محبت سے شادی ہوئی میری بیوی کا نام ثناء ہے
وہاج علی نے کہا ثناء سے میری ملاقات سماء کے انٹرن شپ پروگرام پر ہوئی تھی وہ مجھے اچھی لگی میں نے فوراً انہیں بتادیا انہوں نے بتایا میں والد کے انتقال سے پہلے بہت نڈر ہوا کرتا تھا مجھے لگتا تھا میں جو کچھ بھی اچھا یا بُرا کر لوں کوئی سنبھال لے گا میں خود سنبھال لوں گا
https://www.youtube.com/watch?v=DVAlFBZZBXU&feature=youtu.be
انہوں نے بتایا ہمارے درمیان پرپوز والا سین نہیں ہوا کیونکہ اکلوتا بچہ تھا والدین کا تو وہ چاہتے تھے میں جلد ی ہی شادی کر لوں تو بس یہ ریلیشن جلد ہی شادی میں چلا گیا گھر والوں سے بات کر وادی تھی لیکن اس دوران ثناء نے مجھے بہت کارڈز بھیجے تھے
انہوں نے کہا ایک وقت ایسا بھی آیا تھا جب میں ثناء کے گھر کے باہر چکر لگایا کرتا تھا کیونکہ اس وقت گھر والوں کو لگا کہ ہم نے ٹھیک فیصلہ نہیں کیا اور ان بچوں کو ایک ساتھ نہیں رہنا چاہیے تو بہت فلمی انداز میں لڑ جھگڑ کر ہم نے شادی کی تھی
وہاج نے بتایا کہ وہ اس دوران بہت روئے بھی تھی ثناء کے سامنے اپنے والدین کے سامنے اتنا ان کی بیوی ثناء نہیں روئی تھی جتنا وہ روئے تھے
اپنی بیٹی امیرہ کے بارے میں بات کرتے ہوئے اداکار نے بتایا کہ وہ میرے ساتھ بیٹھ کر میرے سارے ڈرامے دیکھتی ہے ڈائیلاگز بولتی ہے ڈرامے کی اوریجنل ساونڈ ٹریک باقاعدہ گاتی ہے دو سال کی ہے بول نہیں سکتی لیکن اسکا الاپ برابر لگارہی ہوتی ہے اور اس بات میں وہ اپنے دادا پر گئی ہے اداکار نے کہا مجھے 75 % لگتا وہ سنگر بنے گی اور میں اسے بالکل بھی نہیں روکوں گا
میزبان نے کہا کہ ماں باپ سے اپروول لینا کیوں ضروری ہوتا ہے؟
اس پر وہاج علی نے کہا کہ میں اپنے والدین سے اداکاری کے بارے اپروول نہیں لیا تھا ڈرتا تھا میں نے اپنا پورا ڈرامہ شوٹ کر لیا تھا گھر والوں کو پتہ نہیں تھا کہ کہاں جاتا ہوں کیا کرتا ہوں لاہور میں شوٹنگ تھی میں پروڈکشن میں تھا وہاں آڈیشن دیا اور سیلیکٹ ہو گیا گھر والوں کو یہی پتہ تھا کہ میں اپنی پروڈکشن کی جاب میں جاتا ہوں
وہاج نے بتایا 25 دن لگاتار کام کیا ڈرامے کے پوسٹر آگئے او ایس ٹی آگئی میں نے دیکھا میں اچھا لگ رہاہوں تو سوچا میں یہ کام کروں گا لیکن گھرمیں بتاوں یا نہ بتاوں کسی نہ کسی سے تو پتہ چل ہی جائے گا پھر میں اپنی والدہ سے بات کی انہوں نے کہا کر لیا ہے اچھا کیا ہے پھر خاموش ہو گئیں
تھوڑے دن بعد میں اپنے والد کو بتایا کہ میں نے ٹی وی کے لیے ایکٹنگ کی ہے انہوں نے کہا اچھی بات ہے ہھر النے دوستوں کو بتایا کہ اس نے بتایا ہی نہیں اور میرا بیٹا ہیرو بن گیا ہے انہوں نے کہا میرے بابا نے بہت اچھا رسپانس دیا ان کا ری ایکشن بہت اچھا تھا انہوں نے پھر ڈرامہ دیکھا اور میری غلطیاں بھی نکالیں انہوں نے مجھے بہت سپورٹ کیا
معروف ڈرامے عہد وفا میں اینکر شارق کا کردار ادا کرنےوالے وہاج علی نے اداکاری تک کا بہت انٹرسٹنگ سفر کیا وہاج علی نے انکشاف کیا کہ کرئیر کے پہلے ڈرامے کی شوٹنگ مکمک ہو نےکے بعد گھر والوں کو اپنے کام کے متعلق بتایا
باغی ٹی وی کی رپورٹ کے مطابق عہد وفا کے کردار وہاج علی نے ایک شو میں میزبان ثمینہ پیرازدہ سے بات کرتے ہوئے انکشاف کیا کہ انہوں نے اپنے پہلے ڈرامے کی شوٹنگ کے بعد گھر میں اپنے کام کے متعلق بتایا
میزبان ثمینہ پیرزادہ نے وہاج سے پوچھا کہ جب شو ٹرینڈنگ پر ہوتے ہیں تو کیسا لگتا ہے کیوں ہوتے ہیں یہ ٹرینڈنگ میں اور کیا چیز ہے یہ ٹرینڈنگ؟
اس پر وہاج نے کہا کہ یہ ایک ایسی چیز ہے جسے وہ خود بھی ابھی تک شناخت نہیں کر پائے کیونکہ کبھی کبھی ہم توقع کر رہے ہوتے ہیں کسی چیز کے بارے میں کہ وہ بالکل کلِک نہیں کرے گی مگر وہ کر جاتی ہے اس کے برعکس جس چیز سے ہمیں بہت زیادہ توقعات ہوں وہ ٹرینڈ تو کیا کہیں بظی نظر نہیں آتیں
میزبان ثمینہ نے پوچھا ہمارے وقتوں میں ٹی آر پی جب ہم پی ٹی وی کے لیے کام کرتے تھے پی ٹی وی کے ڈراموں اور شوز جیسے حسینہ واجد کا شواور بھی بہت سے شوز کے وقت سڑکیں سنسان ہو جاتی تھیں پتہ چل جاتا تھا یا اشتہارات زیادہ ملتے تھے تو ہتہ چلتا تھا اب کیسے پتہ چلتا؟
اس پر اداکار نے کہا کہ ان کا خیال ہے اب فولورز کی تعداد سے پتہ چلتا ہے انہوں نے ساتھ ہی کہا ان کا خیال ہے کہ یہ سب کرافٹ پرمنحصر ہے کہ کتنا بہتر اور اچھا کام کرتے ہیں اداکار کے مطابق ٹی آر پی اتنی اہم نہیں ہے اہم یہ ہے کہ آپ اندر سے کتنے مضبوط ہیں آپ اندر سے کچھ پرفارم کرکے کچھ سین کر کے خود کو کتنا اچھا خوش اور کانفیڈنٹ محسوس کرتے ہیں آپ نے اچھا پرفارم کیا یہ چیز زیادہ اہمیت رکھتی ہے وہاج کے مطابق ڈرامے کا کونٹینٹ ہی کنگ ہے کیونکہ اگر کونٹینٹ اچھا ہے اور اس سے آپ خود مطمئن ہیں اور اپنے آپ سے مطمئن ہیں تو وہ جیت ہے
میزبان نے پوچھا ٹرینڈنگ سے ڈر نہیں لگتا ؟ اس پر اداکار نے کہا کہ انہیں لگتا ہے کہ اب ٹرینڈنگ جیسی چیزوں سے مقابلہ مضبوط نہیں رہا بہت دوڑ ہے نمبروں کا کھیل بہت زیادہ۔شامل ہو گیا ہے اداکار نے کہا ایسا نہیں ہونا چاہیے وہاج نے کہا ہم ٢۴ گھنٹے آبزرویشن میں رہتے ہیں اور یہی سب سے بڑا مسئلہ ہےجب پرفارمنسز میں کوئی کمی رہ جاتی ہے کبھی اتنی انوالومنٹ نہیں محسوس ہو رہی ہوتی تو ہمارا دھیان چاروں طرف ہوتا ہے جیسے ہم سین کے لیے جانے سے پہلے مداحوں کے لیے سیلفی بھی لے رہے ہیں تو اصل میں ہمارا دھیان بٹ رہا ہوتا ہے دوسری چیزوں میں اور یہ اچھی بات نہیں ہے
وہاج نے انٹر ویو میں میزبان کے سوالوں کے جواب دیتے ہوئے کہا کہ وہ لاہور میں پیدا ہوئے اور اپنے ماں باپ کی بس اکلوتی اولاد ہیں
لونلی چائلڈ کی زندگی کیسی ہوتی ہے؟ اور آپ بچپن میں کیسے تھے؟ اس پر اداکار نے بتایا کہ وہ بہت شرارتی ہوتے تھے انہیں کھیلنے کودنے کا بہت شوق تھا پڑھائی کا بالکل بھی شوق نہیں تھا ان کے والدین گورنمنٹ آفیسرز تھے والد سول سروسز میں تھے جبکہ والدہ گورنمنٹ گرلز کالج میں پڑھاتی تھیں
اداکار نے بتایا کہ ان کے والدین چاہتے تھے کہ وہ سی ایس ایس کر کے سول سروسز جوائن کریں اور مناسب زندگی گزاریں لیکن ان کا ایسا کوئی ارادہ نہیں تھا وہاج کے مطابق انہیں بچپن سے ہی ڈرائینگ اور پینٹنگز کرنے اور لکھنے کا شوق تھا اس کے علاوہ گارڈننگ کرنا بہت اچھا لگتا تھا اور سب سے زیادہ گفٹس انہیں پودوں کے ہی ملتے تھے وہاج علی نے بتایا کہ انہوں نے بہاولپور اپنی نانو کے گھر آم کی بہت زیادہ پودے لگائے تھے ان کا زیادہ وقت درختوں پر گزرا ہے انہوں نے بتایا کہ گرمیوں میں کا جب بور لگتا تھا تو وہ آم جامن اور انجیر شہتوت توڑتے تھے زندگی کے سب سے پہلے گفٹ کا بارے میں بتایا کہ ان کے لیے پہلا گفٹ پیڈل کار آئی تھی
انہوں نے بتایا ان کے والد کو گانے کا شوق تھا اداکار کے مطابق ان کی پڑھائی کا آغاز ملتان صادق پبلک سکول سے ہوا کیونکہ ان کے والد کی پوسٹنگ تب ملتان میں تھی
وہاج علی نے بتایا کہ پڑھائی پر توجہ نہ دینے کہ وجہ سے انہیں اپنی والدہ سے بہت زیادہ ڈانٹ اور مار پڑتی تھی وہ چاہتیں تھیں کہ میں زیادہ توجہ اپنی پڑھائی پر دوں لیکن نانو اور خالہ ڈانٹ سے بچاتی تھیں میرا دل کرتا تھا ان کے پاس رہوں تاکہ ڈانٹ سے بچا رہوں اور ڈانٹ سے بچنے کے لئے میں بیڈ کے نیچے چھپتا تھا
اداکار نے اپنے بچپن کو یاد کرتے ہوئے مزید بتایا کہ مجھے بارش میں سائیکلنگ کرنے کا بہت شوق تھا اور کہانیاں سننے کا بھی بہت شوق تھا اور میری خالہ مجھے بہت زیادہ کہانیاں سنایا کرتیں تھیں کوئی دوپہر ایسی نہیں ہوتی تھی جب میں کہانی سن کر نہ سویا ہوں اور پھر وہ کہانیاں میں اپنے نانا کو سنایا کرتا تھا جو کہ دیکھ نہیں سکتے تھے میری کہانیوں سے وہ دنیا کو دیکھتے تھے
اداکار نے مزید بتایا کہ سکول میں پڑھائی کے شروع دنوں میں بہاولپور سے واپس ملتان آنا بہت مشکل ہوتا تھا کیونکہ یہاں تنہائی ہوتی تھی بہت زیادہ میرے والدین کام پر چلے جاتے تھے میں اکیلا رہ جاتا تھا تب بہن بھائی کی کمی محسوس کرتا تھا
فرینڈز کے بارے میں اداکار نے بتایا کہ بیسٹ فرینڈز بہت زیادہ تھے لیکن بابا کی پوسٹنگ کے دوران سب پیچھے رہ جاتے تھے لیکن مجھے عادت ہو چکی تھی میں خود سے کہتا تھا کوئی بھی جائے گا تو رونا نہیں
وہاج نے بتایا کہ میں والدہ کے ساتھ بہت چپکو ہوں ابھی تک جبکہ والد کے ساتھ بہت فارمل رہاہوں شروع سے ان سے ڈرتا تھا ڈائریکٹ کوئی چیز نہیں مانگتا تھا والدہ کے ذریعے کسی چیز کی فرمائش کرتا تھا
انہوں نے بتایا کہ میرے والد میرے سے بہت پیار کرتے تھے اور مجھے پتہ ہوتا تھا جو چیز کہیں سے نہیں ملنی وہ یہاں سے ضرور مل جائے گی
اپنے نام کے بارے میں بتایا کہ میرا نام وہاج میری والدہ نے رکھا تھا جسکا مطلب ہے روشنی, بہت زیادہ روشن اور نام زندگی پر اثرات بھی رکھتا ہے
وہاج نے بتایا کہ وہ پولیس والا بننا چاہتے تھے کیونکہ ان کے سرکل میں جتنے بھی لوگ تھے سب کی سسمیٹک سی لائف تھی اس میں مجھے بس پڑھنا ہے اور سی ایس ایس کا امتحان دینا ہے سرکاری افسر بننا ہے اور ایک مناسب زندگی گزارنی ہے لیکن پھر وقت گزرنے کے ساتھ ساتھ مجھے لگا میں پینٹنگ بنانا چاہتا ہوں
میری والدہ نے کہا کیا تم پینٹر بنو گے تم ڈاکٹر یا انجینئر بنو لیکن پڑھائی کرنا میرے موڈ پر منحصر تھا موڈ ہوتا تو بہت دل لگا کر پڑھتا اگر نہیں تو نہیں انہوں نے کہا میں بہت خیالوں میں رہتا تھا خود سے سوچنا خود سے لکھنا اور خود سے ایک زندگی بنانا اور ڈائری بھی لکھتا تھا جس میں کچھ اور ہی ہوتا تھا وہ باتیں جو اس دنیا کی تھی ہی نہیں وہ ایک عجیب سی باتیں تھیں
لکھنے کے بارے میں اداکار نے کہا کہ اگر میں یہ سب کچھ نہیں کروں گا تو پھر لکھنا ضرور شروع کروں گا اعر لکھنا چاہیےکیونکہ زندگی اتنی مصروف ہوگئی ہے کہ اپنے لیے وقت نہیں ملتا لیکن میرا خیال ہے کہ اپنے لیے وقت نکالنا بے حد ضروری ہے
وہاج نے بتایا کہ میرے اندر بہت زیادہ پرسنیلیٹیز ہیں میں والدہ کے ساتھ مختلف ہوں بیوی کےساتھ مختلف ہوں اور بیٹی کے ساتھ مختلف انسان ہوں انہوں نے کہا مجھے لگتا ہے میں کبھی کبھی خود کو خود بھی نہیں پہچان پاتا جب میں کراچی جاتا ہوں تو بہت مختلف انسان ہوتا ہوں ڈرامے کے سیٹس پر میرے کسی کو ایکٹر سے پوچھیں تو میں کبھی کبھی بہت خوش ہوتا ہوں کبھی ڈپریسڈ تو کبھی روتا ہوں ماں کے سامنے بہت زیادہ ذمہ دار بن جاتا ہوں تو بیوی کے سامنے بالکل بچہ اور اپنی بیٹی امیرہ کے ساتھ تو اس کے لیول کا بن جاتا ہوں
وہاج نے بتایا کہ میں بہت حساس طبعیت رکھتا ہوں کبھی کبھی اپنی بیٹی کے چھوٹے چھوٹے ایکشنز سے پریشان ہو جاتاہوں میری حساس طبعیت نے مجھے بہت مشکل میں ڈالا
اس بارے میں اداکار نے مزید بات کرتے ہوئے کہا کہ مجھے لگتا ہے ایسے لوگوں کے لیے کسی کو ناراض کرنا بہت مشکل ہوتا ہے اور وہ کوشش کرتے ہیں کہ ہر انسان ہر مقام پر ان سے خوش اور مطمئن رہے
انہوں نے زندگی بہتر بنانے کے بارے میں مشورہ دیتے ہوئے کہا کہ زندگی بہتر بنانے کا ایک ہی طریقہ ہے کہ جان لیں مان لیں کہ آپ ہر کسی کو خوش نہیں رکھ سکتے آپ اپنی زندگی کو جتنا سادہ رکھیں گے بہتر ہو جائے گی زندگی میں خود کو اس بات پر سمجھانا اور متفق کروانا چاہیے تاکہ زندگی بہتر ہو سکے
اداکار نے اصلی وہاج یعنی خود کی اصلیت بتاتے ہوئے کہا کہ اصلی وہاج بہت ڈرپوک ہے اسے تنہائی سے بہت ڈر لگتا ہے اور یہ 2017 میں میرے والد کی موت کے بعد ہوا اس سے پہلے میں اس وہاج کو نہیں جانتا تھا یاد رہے کہ وہاج کے والد کا ہارٹ اٹیک کی وجہ سے انتقال ہوا تھا والد کی موت کے بارے میں بتاتے ہوئے وہاج علی جذباتی اور آبدیدہ ہو گئے
اداکار نے کہا کہ جب میں والد کو لے کر ہاسپٹل گیا تو مجھے یقین تھا میں سب کچھ ٹھیک کر لوں گا مگر مجھے اندازہ نہیں تھا کہ ہاتھ سے سب کچھ ریت کی طرح نکل جائے گا یہ سب کچھ اتنا جلدی ہوا تھا کہ میں کچھ محسوس ہی نہیں کر سکا مجھے لگتا میں کچھ کر ہی نہیں سکتا
وہاج نے بتایا کہ ان دنوں امیرہ بھی دنیا میں آنے والی تھی ہم بہت خوش تھے اور بہت کچھ پلان کر رہے تھے لیکن جب ایک خوشی کا پلان غم میں تبدیل ہو جائےتو ناقابل برداشت تکلیف ہوتی ہے جب بھی اس بات کو سوچتا ہوں تو بہت تکلیف ہوتی ہے انہوں نے اشکبار ہوتے ہوئے کہا کہ ہمیں زندگی میں کچھ معاملات میں اللہ پر بھروسہ کرنا چاہیے اگر میرے والد زندہ ہوتے تو پتہ نہیں کتنی تکلیف میں ہوتے اللہ بہت بڑا ہے اور بہتر فیصلے کرنے والا ہے
وہاج علی نے بتایا کہ میرے والد کی وفات کے تین دن بعد امیرہ پیدا ہوئی تو سمجھ نہیں آرہا تھا کہ خوش ہونا ہے ہنسنا ہے یا رونا ہے سب کچھ تبدیل ہو گیا تھا وہ ایک لائف چینجنگ مومنٹ تھا اس لمحے نے مجھے بہت ڈرپوک بنا دیا اور اس کے بعد میں اپنی والدہ کے حوالے سے بہت فکر مند ہو گیاہوں کہیں بھی آتے جاتے انہیں دیکھتا ہوں چیک کرتا رہتا ہوں کہ ٹھیک ہیں میں اپنی والدہ کے لیے بہت خوفزدہ ہو جاتا ہوں یہ سوچ کر بھی کہ کبھی آپ کو ان کے بغیر بھی رہنا ہے
وہاج علی نے کہا کہ میرے خیال میں جینا بہت ضروری ہے اور ایک بہتر زندگی کے لیے بہت ضروری ہے کہ جو کچھ آپ کے ساتھ اچھا نہیں ہوا اس میں کیا آپ اچھا نکال سکتے ہیں اور زندگی کو کیسے بہتر بنا سکتے ہیں
معروف احد رضا میر اور نامور اکارہ سجل علی کی شادی کی تقریبات شروع ہو گئیں ان کی ڈھولکی کی تصویر نے سوشل میڈیا پر ہل چل مچادی ہے
باغی ٹی وی کی رپورٹ کے مطابق احد رضا میر اور سجل علی کی ڈھولکی کی تصویر نے سوشل میڈیا پر ہل چل مچادی ہے پاکستان شوبز انڈسٹری کی مشہور و معروف جوڑی احد رضا میر اور سجل علی کی شادی کی تقریبات کا آغاز ہوگیا ہے اور سوشل میڈیا پر ہر طرف دونوں کی ڈھولکی کی تصویر نے ہلچل مچادی ہے اور ہر طرف ان کی شادی کی چہ میگوئیاں جاری ہیں
سوشل میڈیا ویب سائٹ انسٹاگرام پر احد رضا میر کی والدہ نے اسٹوری لگائی جس میں پھولوں کے درمیان کیک رکھا گیا تھا جس پر احد اور سجل کی ڈھولکی لکھا تھا اس تصویر کے منظر عام پر آنے کے بعد احد اور سجل کے مداح نہ صرف خوش ہیں بلکہ دونوں کو شادی کی مبارکباد دینے اور نیک تمناؤں کا اظہار کرنے کے لیے بھی بے چین ہیں
واضح رہے کہ احد اورسجل کی جوڑی نے ڈرامہ سیریل یقین کا سفرسے مقبولیت حاصل کی جس کے بعد گذ شتہ سال عید پر دونوں کی منگنی ہوئی تھی
پاکستان کے معروف موسیقار ذوالفقار جبار خان (زلفی) نے فواد خان کے بعد اب اداکار و گلوکار احمد علی بٹ کے ساتھ مل کرکرکٹ کے لیے ایک اور گانا بنادیا
باغی ٹی وی کی رپورٹ کے مطابق موسیقار ذوالفقار جبار خان زلفی نے فواد خان کے بعد اب اداکار و گلوکار احمد علی بٹ کے ساتھ بھی مل کرکرکٹ کے لیے ایک اور گانا ہو ہا بنادیا
ہو ہا گانے میں گلوکا احمد علی بٹ کے ساتھ شفقت امانت علی، ذیشان وکی حیدر اور ثنا ذوالفقار نے اپنی آواز کا جادو جگایا ہے جس کے بول اور میوزک سن کر ایسا محسوس ہورہا ہے کہ اسٹیڈیم میں شائقین اس گانے سےضرورلطف اندوز ہو سکیں گے
اس گانے کی ویڈیو میں شنیرا اکرم، عدنان صدیقی، فواد خان اور فیصل قریشی جلوہ گر ہوئے اور کرکٹ کے لیے اپنا جوش دکھایا
امید کی جا رہی ہے کہ پی ایس ایل میچز کے دوران یہ گانا میدانوں میں ضرور بجایا جائے گا
خیال رہے کہ چند روز قبل ذوالفقار جبار خان کا گانا کھیل جا دل سے بھی ریلیز ہوا تھا
ہو ہا’کی طرح اس گانے کا میوزک بھی متاثر کن تھا جبکہ اسے سوشل میڈیا پر ملا جلا ردعمل موصول ہوا
معروف گلوکار علی ظفر کی طرف سے سوشل میڈیا پر پاکستان سپر لیگ (پی ایس ایل) کے نئے گانے کا ٹیزر ریلیز کرنے کے بعد مداحوں میں خوشی کی لہر دوڑ گئی ہے
باغی ٹی وی کی رپورٹ کے مطابق علی ظفر مداحوں کی خواہش پر پی ایس ایل کے لئے نیا ترانہ بنا رہے ہیں اب ان کی طرف سے سوشل میڈیا پر پی ایس ایل کے نئے گانے کا ٹیزر ریلیز کرنے کے بعد مداحوں میں خوشی کی لہر دوڑ گئی ہے
علی ظفر کے اس اعلان کے بعد نہ صرف ان کے مداح و شائقین کرکٹ بلکہ کئی معروف کھلاڑی اور گلوکار بھی بہت خوش ہیں اور ان کے اس اقدام کو خوب سراہ رہے ہیں اور نہایت بے چینی سے ان کے ترانے کا انتظار کر رہے ہیں جس کا اظہار وہ واضح طور پر سوشل میڈیا پر کر رہے ہیں
ٹوئٹر پر ایک صارف نے گانے کے انتظار میں ایک جف فوٹو شیئر کیا کہ لوگ علی ظفر کے ترانے کا اس طرح سے بے صبری سے انتظار کر رہے ہیں تو علی ظفر نے اس کا جواب دیتے ہوئے کہا کہ میر ی جان! ترانہ بنارہا ہوں کوئی گجریلا نہیں بنارہا تھوڑا حوصلہ کرو بھائی
قومی ٹیم کے سابق فاسٹ بولر شعیب اختر نے ٹویٹ کیا کہ ہممم علی ظفر کہہ رہے ہیں کہ ہوجائے پھر تو پھر ہم بھی حاضر ہیں بھائی جس کا جواب دیتے ہوئے علی ظفر نے شعیب اختر سے سوال کیا کہ کیا ڈانس کرلیتے ہیں آپ؟
عاصم اظہر نے علی ظفر کا اعلان سننے کے بعد ٹویٹ کیا کہ اس میں بے عزتی کی کیا بات ہے وہ میرے سینئر ہیں اور میں ان کی بہت عزت کرتا ہوں اگر وہ پی ایس ایل کا نیا گانے بنائیں گے تو میں انہیں بھر پور سپورٹ کروں گا
عاصم اظہر نے کہا کہ اگر علی ظفر پی ایس ایل کا نیا گانا بنائیں گے تو مجھے بہت خوشی ہوگی کیونکہ اس میں پاکستان کا ہی فائدہ ہوگا، مگر مسئلہ یہ ہے کہ ہم لوگ آپس میں بٹے ہوئے ہیں ہمیں اس وقت ایک دوسرے کا ساتھ دینے کی ضرورت ہے اس پر علی ظفر نے جواب میں ہارٹ والا ایموجی بنایا
ایک صارف نے ٹوئٹ کیا کہ ہمیں نہیں پتہ ہمیں نیا ترانہ چاہیے بس اور ایک مچلنے کی جف تصویر بھی شیئر کی جس کے جواب میں علی ظفر نے کہا کہ یار یہ مت کرو
ایک ٹویٹ میں کہا گیا کہ نہ نئی فلم نہ نیا گانا نہ نیا ترانہ پھر بھی علی ظفر دوبارہ پاکستان کے نمبر ون ٹویٹر ٹرینڈ بن چکے ہیں اسے کہتے ہیں ایک روک سٹار کی طاقت جس پر علی ظفر نے ٹویٹ کیاکہ یہ روز روز کا ٹرینڈ کرنا صحت کے لئے اچھا نہیں ہوتا بھائی صاحب
Ye roz roz ka trend kerna sehat ke liye acha nahin hota bhaee sahab. https://t.co/Ep3dHh2Y1P
واضح رہے کہ گلوکار علی عظمت نے اے آر وائے پر وسیم بادامی کے شو میں کسی کا نام لیے بغیر الزام لگایا تھا کہ پی ایس ایل فائیو کے ٹائٹل سانگ کو خراب کرنے کے لیے ایک گلوکار نے بلاگرز کا گروپ بنایا اور پیسے دے کر سوشل میڈیا پر مہم چلائی۔
علی عظمت کے اس بیان کے بعد سوشل میڈیا پر علی ظفر نے الزام کا جواب اپنے ایک ویڈیو پیغام کے ذریعے دیا تھا جس میں ان کا کہنا تھا کہ اگر آپ کا ایونٹ کامیاب نہیں ہورہا یا پھر کوئی گانا ہٹ نہیں ہورہا تو پریشان ہونے کی ضرورت نہیں ہے آپ کا بھائی حاضر ہے
بعد وسیم بادامی کے کہنے پر کہ کیا آپ مداحوں کے لئے ترانہ بنائیں گے؟ اس پر علی ظفر نے اعلان کیا تھا کہ وہ مداحوں کے لئے کچھ بھی کرنے کو تیار ہیں کیونکہ انہوں نے ہی مجھے سٹار بنایا ہے ان کے لئے جان بھی حاظر ہے
اس حوالے سے علی ظفر نے پی ایس ایل کے لیے اپنے گانے کا ٹیزر بھی جاری کیا اور اپنی مختصر ویڈیو میں انہوں نے مداحوں سے مخاطب ہوتے ہوئے کہا کہ تیار ہو؟ بھائی آرہا ہے
