Author: ممتاز حیدر

بھارت کی ریاست ہماچل پردیش میں ایک منفرد شادی نے سوشل میڈیا پر ہلچل مچا دی، جہاں 66 سالہ شخص نے 35 سالہ خاتون سے شادی کر لی۔ عمر کے نمایاں فرق کے باوجود اس شادی کو لے کر مختلف آراء سامنے آ رہی ہیں۔

تفصیلات کے مطابق کلو ضلع کے بنجار علاقے کے تھرمبلا گاؤں میں رہنے والے 66 سالہ سوم دیو نے تقریباً ایک ماہ قبل 35 سالہ خاتون سے شادی کی، تاہم اب اس شادی کی ویڈیوز اور تصاویر وائرل ہونے کے بعد یہ معاملہ موضوع بحث بن گیا ہے۔وائرل ویڈیوز میں سوم دیو خود اس بات کی تصدیق کرتے نظر آتے ہیں کہ خاتون ان کی اہلیہ ہیں۔ ایک ویڈیو میں ایک خاتون ان سے ان کے رشتے کے بارے میں پوچھتی ہے جس پر وہ جواب دیتے ہیں کہ وہ میاں بیوی ہیں۔ اس دوران دلہن بھی گفتگو میں شریک ہوتی ہے اور اپنے شوہر کے ساتھ خوش رہنے کے عزم کا اظہار کرتی ہے۔

ذرائع کے مطابق دلہن سینج کے علاقے ترمیڑا سے تعلق رکھتی ہیں۔ شادی کے بعد گاؤں میں ایک تقریب (دھام) کا بھی انعقاد کیا گیا، جس میں دلہا اور دلہن نے روایتی انداز میں رقص کیا اور خوشی کا اظہار کیا۔مقامی افراد کا کہنا ہے کہ سوم دیو اکیلے رہتے تھے جبکہ ان کے والدین کا انتقال ہو چکا ہے۔ ان کا ایک بھائی ہے جو الگ رہائش اختیار کیے ہوئے ہے۔یہ انوکھی شادی سوشل میڈیا پر تیزی سے وائرل ہو رہی ہے جہاں صارفین کی جانب سے ملا جلا ردعمل سامنے آ رہا ہے۔ کچھ لوگ اس رشتے کو محبت اور تقدیر کا نتیجہ قرار دے رہے ہیں، جبکہ دیگر صارفین عمر کے فرق پر حیرت کا اظہار کر رہے ہیں۔

ایک صارف نے تبصرہ کیا کہ "رشتے عمر نہیں بلکہ باہمی محبت اور احترام پر قائم ہوتے ہیں”، جبکہ کچھ افراد نے اسے ان لوگوں کے لیے دلچسپ خبر قرار دیا جو شادی کے منتظر ہیں۔

امریکی ریاست مشی گن کے شہر پونٹیاک سے تعلق رکھنے والی 27 سالہ ٹیچرجوسلین سانرومن کو کم عمر طالب علم کے ساتھ غیر قانونی جنسی تعلقات قائم کرنے اور اس عمل کی ویڈیو بنانے کے جرم میں عدالت نے 4 سے 15 سال قید کی سزا سنا دی ہے۔

عدالتی ریکارڈ کے مطابق، یہ واقعہ 2023 میں پیش آیا جب ملزمہ اکیڈمی میں تدریسی فرائض انجام دے رہی تھیں۔ استغاثہ کے مطابق، ملزمہ نے ایک طالب علم کو ٹیوشن کے بہانے اپنے گھر بلایا جہاں اس کے ساتھ جنسی تعلق قائم کیا اور اس غیر اخلاقی عمل کی ویڈیو بھی بنائی۔یہ معاملہ اس وقت منظر عام پر آیا جب ملزمہ نے خود ایک ساتھی ٹیچر کو اس واقعے کے بارے میں بتایا، جس کے بعد اس ساتھی نے پولیس کو اطلاع دی۔ پولیس کارروائی کے نتیجے میں ملزمہ کو گرفتار کر کے مقدمہ درج کیا گیا۔کیس کی سماعت کرنے والی جج نے فیصلے کے دوران شدید برہمی کا اظہار کرتے ہوئے کہا کہ ایک استاد کا اپنے اختیار کا اس طرح غلط استعمال کرنا انتہائی سنگین جرم ہے۔جج نے ریمارکس دیے "یہ نہایت خطرناک اور ناقابلِ قبول رویہ ہے۔ ایک کم عمر طالب علم کا استحصال اور اس عمل کی ویڈیو بنانا انتہائی شرمناک ہے۔”

جب جج نے ملزمہ سے اس عمل کی وجہ پوچھی تو اس نے مختصر جواب دیا "یہ میری بہترین سوچ نہیں تھی۔”

ملزمہ کے وکیل نے عدالت کو بتایا کہ ان کی مؤکلہ ذہنی صحت کے مسائل کا شکار رہی ہیں، جن کا مناسب علاج نہیں ہوا، اور یہی عوامل ان کے غلط فیصلوں کا سبب بنے۔ وکیل کے مطابق، ملزمہ اپنے عمل پر نادم ہے اور خود کو بہتر بنانے کی کوشش کر رہی ہے۔

اوکلینڈ کاؤنٹی کی پراسیکیوٹر ے اس کیس کو "اعتماد کی بدترین خلاف ورزی” قرار دیتے ہوئے کہا کہ ایک استاد کی جانب سے طالب علم کا استحصال ناقابلِ برداشت ہے۔ انہوں نے اس ساتھی ٹیچر کی تعریف بھی کی جس نے بروقت پولیس کو اطلاع دے کر دیگر طلبہ کو ممکنہ نقصان سے بچایا۔سماعت کے دوران متاثرہ طالب علم کی والدہ کا بیان بھی پڑھ کر سنایا گیا، جس میں کہا گیا کہ اس واقعے کے بعد ان کا بیٹا شدید ذہنی دباؤ کا شکار ہو گیا ہے، لوگوں سے کتراتا ہے اور سماجی میل جول سے گریز کرتا ہے۔

جے پی مورگن چیز کی لیوریجڈ فنانس ڈویژن کی ایگزیکٹو ڈائریکٹر لورنا ہجدینی کے خلاف ایک جونیئر مرد ملازم نے جنسی استحصال، نسلی ہراسانی اور پیشہ ورانہ دباؤ کے الزامات عائد کر دیے ہیں۔ یہ مقدمہ 27 اپریل کو دائر کیا گیا۔

مقدمے میں متاثرہ شخص، جسے “جان ڈو” کے نام سے ظاہر کیا گیا ہے، نے مؤقف اختیار کیا کہ یہ واقعات 2024 کے موسمِ بہار میں اس وقت شروع ہوئے جب وہ اور ملزمہ ایک ساتھ کام کرنے لگے۔ شکایت کے مطابق خاتون عہدیدار نے نہ صرف نامناسب جسمانی حرکات کیں بلکہ نسلی جملے بھی کہے اور مبینہ طور پر کیریئر تباہ کرنے کی دھمکیاں دیں۔مقدمے کے مطابق، شادی شدہ بینکر کو "براؤن بوائے انڈین” کہہ کر پکارا جاتا تھا، اور ہجدینی پر الزام ہے کہ انہوں نے اسے نشہ آور دوا دی اور جب اس نے "بغیر رضامندی اور تضحیک آمیز جنسی اعمال” سے انکار کیا تو اس کے کیریئر کو تباہ کرنے کی دھمکی دی۔

مقدمے میں متاثرہ شخص نے بیان دیا کہ یہ بدسلوکی 2024 کے موسمِ بہار میں شروع ہوئی جب دونوں نے ایک ساتھ کام کرنا شروع کیا۔ ایک واقعے میں، جیسا کہ ڈیلی میل نے رپورٹ کیا، ہجدینی نے اپنا قلم جان بوجھ کر فرش پر گرا دیا جو ڈو کی میز کے قریب تھا۔ جب وہ اسے اٹھانے کے لیے جھکیں تو انہوں نے متاثرہ شخص کی ٹانگ کو چھوا اور پنڈلی کو دبایا، اور کہا "اوہ، تم نے کالج میں باسکٹ بال کھیلی ہے؟ مجھے باسکٹ بال کھلاڑی بہت پسند ہیں۔”اس کے بعد معاملات مزید سنگین ہو گئے۔ ہجدینی نے ڈو کو مشروبات کے لیے مدعو کیا اور انکار پر مبینہ طور پر دھمکی دی "اگر تم نے جلد میرے ساتھ تعلق قائم نہ کیا تو میں تمہیں برباد کر دوں گی، یاد رکھو، تم میرے کنٹرول میں ہو۔”

مقدمے میں مزید کہا گیا کہ ستمبر 2024 میں بھی ہجدینی نے ڈو کو جنسی تعلق قائم نہ کرنے پر دھمکیاں دیں اور اس کی پیشہ ورانہ کارکردگی کو بھی نشانہ بنایا۔انہوں نے مبینہ طور پر کہا "میں تمہیں قیمت چکانے پر مجبور کر دوں گی۔ کیا تم سمجھتے ہو کہ اگر تم میرے ساتھ نہیں ہوگے تو تمہاری پوزیشن محفوظ رہے گی؟ کیا تمہیں لگتا ہے کہ انتظامیہ کسی براؤن بوائے انڈین کو لیڈرشپ میں دیکھنا چاہتی ہے؟ اگر تم نے آج رات میری بات نہ مانی تو میں تمہاری ترقی روک دوں گی۔”مقدمے کے مطابق، خوف کے باعث ڈو نے بالآخر ہجدینی کے دباؤ کے سامنے ہتھیار ڈال دیے، تاہم اس کے ابتدائی احتجاج کو ساتھ والے کمرے میں موجود ایک گواہ نے سن لیا تھا۔

بعد ازاں ہجدینی نے مبینہ طور پر اعتراف کیا کہ انہوں نے ڈو کو Rohypnol (جسے عام طور پر "روفیز” کہا جاتا ہے) اور ایک ایسی دوا دی جو جسمانی کارکردگی بڑھانے کے لیے استعمال ہوتی ہے، تاکہ وہ زبردستی کیے گئے جنسی عمل میں شریک ہو سکے۔ایک اور واقعے میں، ہجدینی مبینہ طور پر متاثرہ شخص کے اپارٹمنٹ پہنچیں اور نامناسب حرکات شروع کر دیں۔ انہوں نے اپنی قمیص اتاری، خود کو چھونا شروع کیا اور ڈو کی بیوی کے بارے میں نسلی توہین آمیز جملے کہے۔کہا کہ میں شرط لگاتی ہوں کہ تمہاری چھوٹی ایشیائی، مچھلی کا سر، بیوی کے پاس یہ توپیں نہیں ہیں۔”اس نے زبردستی ڈو کی پتلون اتار دی اور اس کی مرضی کے خلاف اس پر جنسی عمل کیا،متاثرہ شخص رونے لگا، لیکن ہجدینی نے اسے ڈانٹا۔

مئی 2025 میں، ڈو نے باضابطہ شکایت درج کروائی جس میں نسلی و صنفی امتیاز، ہراسانی اور شدید جنسی استحصال کا ذکر کیا گیا۔ تاہم بینک نے ان الزامات کو مسترد کرتے ہوئے کہا کہ تحقیقات میں ان دعوؤں کی تائید کے لیے کوئی ثبوت نہیں ملا۔بینک کے ترجمان کے مطابق "تحقیقات کے بعد ہمیں ان الزامات میں کوئی حقیقت نظر نہیں آئی۔ متعدد ملازمین نے تعاون کیا، لیکن شکایت کنندہ نے خود تحقیقات میں حصہ لینے سے انکار کیا اور ایسے شواہد فراہم نہیں کیے جو اس کے دعووں کی بنیاد بن سکیں۔”ڈو کے وکیل، ڈینیئل جے کائزر نے کہا کہ ان کے مؤکل کو ذاتی اور پیشہ ورانہ طور پر شدید نقصان پہنچا ہے اور وہ انصاف کے حصول کے لیے قانونی جنگ جاری رکھیں گے۔

دوسری جانب، لورنا ہجدینی تاحال اپنے عہدے پر برقرار ہیں، جبکہ کیس کی مزید سماعت عدالت میں جاری ہے۔ لنکڈ اِن پروفائل کے مطابق، لورنا ہاجدینی گزشتہ تقریباً 15 برس سے جے پی مورگن چیز سے وابستہ ہیں اور انہوں نے فنانس اور شماریات میں ڈگری حاصل کر رکھی ہے۔

لندن کے علاقے گولڈرز گرین میں حالیہ چاقو حملے کے بعد برطانیہ میں یہودی کمیونٹی نے غیرمعمولی صبر و تحمل کا مظاہرہ کیا ہے، تاہم اس کے ساتھ شدید غم و غصہ بھی دیکھنے میں آ رہا ہے۔ برطانوی میڈیا رپورٹس کے مطابق کمیونٹی کے بعض افراد نے حکومت، خصوصاً وزیر اعظم سر کیئر اسٹارمر پر سخت تنقید کی ہے۔

حکام نے ملک میں دہشتگردی کے خطرے کی سطح کو “سبسٹینشل” سے بڑھا کر “سیویئر” کر دیا ہے، جس کا مطلب ہے کہ آئندہ مہینوں میں حملے کا امکان زیادہ ہے۔ حکام کے مطابق یہ فیصلہ صرف ایک واقعے کی بنیاد پر نہیں بلکہ بڑھتے ہوئے مجموعی خطرات کو مدنظر رکھ کر کیا گیا ہے۔انسداد دہشتگردی پولیس کے سربراہ نے شہریوں کو محتاط رہنے کی ہدایت کرتے ہوئے کہا ہے کہ یہ خطرات شدت پسند گروہوں اور انفرادی عناصر کی جانب سے بڑھ رہے ہیں، جن میں دائیں بازو اور اسلامسٹ دونوں شامل ہیں۔

رپورٹس کے مطابق یہودی کمیونٹی نے ایک طرف غیرمعمولی حوصلے کا مظاہرہ کیا، جبکہ دوسری جانب حکومت کی کارکردگی پر شدید تحفظات کا اظہار کیا۔ متعدد افراد کا کہنا ہے کہ حکومت کی جانب سے صرف بیانات دیے جا رہے ہیں، عملی اقدامات نظر نہیں آ رہے۔ایک متاثرہ شخص نے اسپتال سے گفتگو کرتے ہوئے وزیر اعظم سے مطالبہ کیا کہ وہ زمینی حقائق کو نظر انداز نہ کریں اور فوری عملی اقدامات کریں۔واقعے کے بعد لندن میں مختلف مقامات پر احتجاجی مظاہرے بھی کیے گئے۔ ڈاؤننگ اسٹریٹ کے باہر مظاہرین نے حکومت سے یہود دشمنی کے خلاف سخت کارروائی کا مطالبہ کیا۔دوسری جانب گولڈرز گرین میں 100 سے زائد مختلف مذاہب سے تعلق رکھنے والی خواتین نے یکجہتی واک میں شرکت کی، جس کا مقصد یہودی کمیونٹی کے ساتھ اظہارِ یکجہتی تھا۔

اسی دوران شمالی لندن کے علاقے اسٹیمفورڈ ہل میں ایک مکان میں آگ لگنے کا واقعہ بھی پیش آیا، تاہم فائر بریگیڈ کے مطابق ابتدائی طور پر یہ واقعہ مشکوک نہیں لگتا۔ پولیس نے کہا ہے کہ وہ تمام پہلوؤں سے تحقیقات کر رہی ہے۔

برطانوی حکومت پر دباؤ بڑھتا جا رہا ہے کہ وہ یہود دشمنی کے خلاف واضح اور فوری اقدامات کرے۔ مختلف تنظیموں کا کہنا ہے کہ اب محض بیانات کافی نہیں بلکہ عملی اقدامات کی اشد ضرورت ہے۔