ایرانی حکومت کے ترجمان کے مطابق 28 فروری سے جاری حملوں کے دوران ملک بھر میں ہزاروں عمارتیں تباہ ہو چکی ہیں جن میں بڑی تعداد رہائشی عمارتوں کی ہے۔
ترجمان کے مطابق مجموعی طور پر تباہ ہونے والی 43 ہزار عمارتوں میں سے تقریباً 36 ہزار 500 اقامتی یونٹس شامل ہیں۔ حکام کا کہنا ہے کہ صرف تہران میں امریکا اور اسرائیل کے حملوں کے دوران تقریباً 10 ہزار عمارتوں کو نشانہ بنایا گیا۔
ایرانی حکومتی ترجمان کے مطابق ان حملوں میں 43 ایمرجنسی طبی مراکز، وہاں موجود 32 ایمبولینسیں اور 120 اسکول بھی متاثر ہوئے ہیں۔
بیان میں کہا گیا ہے کہ حملوں کے نتیجے میں 223 خواتین ہلاک ہو چکی ہیں جبکہ جاں بحق ہونے والے اساتذہ اور طلبہ کی تعداد 206 تک پہنچ گئی ہے۔
ایرانی حکام کے مطابق شہری انفراسٹرکچر کو پہنچنے والے نقصانات کا جائزہ لیا جا رہا ہے جبکہ متاثرہ علاقوں میں امدادی سرگرمیاں جاری ہیں۔
Blog
-
امریکا اور اسرائیل کے حملوں میں ایران میں ہزاروں عمارتیں تباہ، درجنوں طبی مراکز اور اسکول متاثر
-
برطانیہ کا مشرقِ وسطیٰ میں ہزاروں انٹرسیپٹر ڈرون بھیجنے پر غور
برطانوی اخبار کی رپورٹ کے مطابق برطانیہ کے وزیرِ اعظم سر کیئر اسٹارمر مشرقِ وسطیٰ میں ہزاروں انٹرسیپٹر ڈرون بھیجنے کے منصوبے پر غور کر رہے ہیں۔
رپورٹ میں بتایا گیا ہے کہ برطانوی فوجی حکام اس بات کا جائزہ لے رہے ہیں کہ آکٹوپس نامی انٹرسیپٹر اینٹی ڈرون سسٹم کو ایران کے خلاف دفاعی کارروائیوں میں استعمال کیا جا سکتا ہے یا نہیں۔
یہ جدید انٹرسیپٹر ڈرون برطانیہ میں تیار کیا جاتا ہے اور اسے دشمن کے ڈرونز کو فضا میں ہی تباہ کرنے کے لیے ڈیزائن کیا گیا ہے۔
رپورٹ کے مطابق یہی نظام اس سے قبل یوکرین کو بھی فراہم کیا جا چکا ہے جہاں اسے روس کے خلاف دفاعی مقاصد کے لیے استعمال کیا جا رہا ہے۔
ماہرین کے مطابق اگر یہ منصوبہ منظور ہو جاتا ہے تو مشرقِ وسطیٰ میں جاری کشیدگی کے تناظر میں خطے کی دفاعی صورتحال پر اس کے نمایاں اثرات پڑ سکتے ہیں۔ -
یومِ پاکستان پر سندھ بھر میں 23 مارچ کو عام تعطیل کا اعلان
حکومتِ سندھ نے یومِ پاکستان کے موقع پر 23 مارچ 2026 کو صوبے بھر میں عام تعطیل کا اعلان کر دیا ہے۔
محکمہ سروسز، جنرل ایڈمنسٹریشن اینڈ کوآرڈینیشن کی جانب سے جاری نوٹیفکیشن کے مطابق پیر 23 مارچ کو سندھ بھر میں سرکاری دفاتر بند رہیں گے۔
نوٹیفکیشن میں کہا گیا ہے کہ حکومتِ سندھ کے انتظامی کنٹرول میں کام کرنے والے تمام سرکاری دفاتر، خود مختار اور نیم خود مختار ادارے، کارپوریشنز اور لوکل کونسلز اس روز بند رہیں گے۔ تاہم ضروری خدمات فراہم کرنے والے ادارے معمول کے مطابق کام جاری رکھیں گے۔
واضح رہے کہ یومِ پاکستان ہر سال 23 مارچ کو قراردادِ لاہور کی یاد میں منایا جاتا ہے۔ 1940 میں اسی دن برصغیر کے مسلمانوں کے لیے ایک علیحدہ وطن کے قیام کا مطالبہ پیش کیا گیا تھا۔
اس موقع پر ملک بھر میں قومی تقاریب اور سرکاری تقریبات کا انعقاد بھی کیا جاتا ہے۔ -
بغداد ایئرپورٹ کے قریب ڈرون حملے داعش قیدیوں والی جیل کے لیے خطرہ قرار
عراق نے خبردار کیا ہے کہ بغداد ایئرپورٹ کے قریب ہونے والے ڈرون حملے اس جیل کی سلامتی کے لیے خطرہ بن سکتے ہیں جہاں شام سے منتقل کیے گئے داعش کے ہزاروں جنگجو قید ہیں۔
عراقی حکام کے مطابق فروری میں امریکا نے شام سے تقریباً 5700 داعش قیدیوں کو عراق منتقل کیا تھا۔ یہ قیدی اس وقت بغداد کے الکرخ سنٹرل جیل میں رکھے گئے ہیں جو ماضی میں امریکی فوج کے حراستی مرکز کیمپ کراپر کے نام سے جانا جاتا تھا اور بغداد انٹرنیشنل ایئرپورٹ کے کمپلیکس کا حصہ ہے۔
عراقی وزارت انصاف کے ترجمان احمد لعیبی نے بیان میں کہا کہ بغداد ایئرپورٹ اور اس کے اطراف کے علاقوں پر مسلسل حملے ہو رہے ہیں جس سے سیکیورٹی خدشات بڑھ گئے ہیں۔
انہوں نے بتایا کہ بعض ڈرون حملے جیل کے انتہائی قریب ہوئے جس کے باعث اس مقام کی حفاظت کے حوالے سے تشویش پیدا ہو گئی ہے جہاں انتہائی خطرناک دہشت گرد قید ہیں۔
ترجمان کے مطابق ہفتے کے روز ہونے والے حملے شدت کے اعتبار سے زیادہ سنگین تھے اور ان میں سے بعض حملے جیل کے بہت قریب گرے۔ -
ایران پر حملوں کے خلاف امریکا اور اسرائیل میں مظاہرے
ایران پر حملوں کے خلاف امریکا اور اسرائیل میں جنگ مخالف مظاہرے سامنے آئے ہیں جہاں شہریوں نے فوجی کارروائیوں کے خلاف احتجاج کیا۔
واشنگٹن میں مظاہرین نے ایک ایرانی اسکول میں بچوں کی ہلاکت کی شدید مذمت کرتے ہوئے وائٹ ہاؤس کے باہر احتجاج کیا۔ مظاہرین نے علامتی طور پر اسکول بیگز زمین پر رکھے اور جاں بحق ہونے والے بچوں کی یاد میں پھول بھی رکھے۔
مظاہرین کا کہنا تھا کہ جنگ کے نتیجے میں عام شہری، خصوصاً بچے، سب سے زیادہ متاثر ہو رہے ہیں اور فوری طور پر حملے بند کیے جانے چاہئیں۔
دوسری جانب اسرائیل میں بھی جنگ مخالف مظاہرے ہوئے جہاں شہری سڑکوں پر نکل آئے اور حکومت سے ایران پر حملے فوری طور پر روکنے کا مطالبہ کیا۔
مظاہرین نے خطے میں بڑھتی کشیدگی پر تشویش کا اظہار کرتے ہوئے کہا کہ مزید فوجی کارروائیاں صورتحال کو مزید خراب کر سکتی ہیں۔ -
وزیراعظم کی خلیجی ممالک کو اشیائے خور و نوش برآمد کرنے کی ہدایت
وزیراعظم شہباز شریف نے خطے کی بدلتی صورت حال کے پیش نظر ملکی غذائی ضروریات کے لیے اشیائے خورونوش کی طلب اور رسد کی مکمل نگرانی کی ہدایت کردی ہے۔
اتوار کو وزیرِاعظم محمد شہباز شریف کی زیر صدارت خطے کی بدلتی ہوئی صورت حال کے پیش نظر ملک میں غذائی صورت حال اور وافر اشیاء کی برآمدت پر جائزہ اجلاس منعقد ہوا، جس میں ملک میں موجود اشیائے خورونوش کے موجودہ ذخائر اور پیداوار پر بریفنگ دی گئی۔
اجلاس میں متعلقہ حکام نے بریفنگ دیتے ہوئے بتایا کہ پاکستان میں اشیائے خورو نوش کا وافر ذخیرہ موجود ہے اور کسی بھی چیز کی قلت نہیں، پاکستان کے زرعی شعبے بشمول زرعی اجناس، گوشت، پولٹری، ڈیری اور سی فوڈ میں برآمد کی وسیع استعداد موجود ہے۔
آپریشن غضب للحق: چترال میں پاک افغان سرحد پر طالبان کی بادانی پوسٹ تباہ
اس موقع پر وزیراعظم شہباز شریف نے کہا کہ عالمی سپلائی چینز متاثر ہونے سے خطے میں پاکستانی مصنوعات کی برآمد کی استعداد میں اضافہ ہوا ہے، موجودہ صورت حال میں خلیجی ممالک کو درکار اشیائے خورو نوش کی فراہمی اور ان کے غذائی تحفظ کا خیال رکھا جائے، اشیاء کی خلیجی ممالک میں برآمد کے لیے جامع لائحہ عمل تشکیل دیا جائے، اشیائے خورونوش کی برآمد کرتے وقت اعلی معیار یقینی بنایا جائے۔
وزیرِ اعظم نے ہدایت دی ہے کہ پاکستانی غذائی ضروریات کو متاثر کئے بغیر وافر مقدار میں موجود اشیاء خورونوش کی خلیجی ممالک میں برآمد کیلئے جامع لائحہ عمل تشکیل دیا جائے، برادر خلیجی ممالک میں اشیاء خورونوش کی برآمد کرتے وقت اعلیٰ معیار یقینی بنایا جائےپی این ایس سی بحری راستے کے ذریعے برادر خلیجی ممالک میں اشیاء خورونوش برآمد کرنے کے لیے ضروری اقدامات کرے۔
وزیرِاعظم نے اس حوالے سے کمیٹی تشکیل کرنے کی ہدایت کر دی جو روزانہ کی بنیاد پر صورتحال کا جائزہ لے گی جب کہ انہوں نے برادر خلیجی ممالک میں تعینات سفیران و ٹریڈ افسران کو متحرک رہنے کی ہدایت کردی۔
ملک بھر میں عیدالفطر کی تعطیلات کا نوٹیفکیشن جاری
اجلاس میں نائب وزیرِ اعظم و وزیرِ خارجہ اسحاق ڈار، وفاقی وزراء جام کمال خان، رانا تنویر حسین، احد خان چیمہ، معاون خصوصی ہارون اختر اور متعلقہ اعلیٰ حکام نے شرکت کی، اجلاس میں صوبائی چیف سیکریٹریز اور متعلقہ شعبے کی نجی ایسوسی ایشنز کے نمائندگان نے بھی شرکت کی۔
-
آپریشن غضب للحق: چترال میں پاک افغان سرحد پر طالبان کی بادانی پوسٹ تباہ
آپریشن غضب للحق کے تحت پاک فوج کی افغان طالبان اور فتنہ الخوارج کے خلاف مؤثر کارروائیاں جاری ہیں۔
سیکیورٹی ذرائع کے مطابق پاک فوج نے چترال میں ملحقہ پاک افغان سرحد پر افغان طالبان کی بادانی پوسٹ کو چھوٹے اور بڑے ہتھیاروں سے نشانہ بناکر تباہ کردیا ہے،بادانی پوسٹ کو مختلف زمینی ہتھیاروں اور کواڈ کاپٹرز کے ذریعے مکمل تباہ کیا گیا ہے، جس کے نتیجے میں پوسٹ مکمل طور پر تباہ ہو گئی۔
افغان طالبان اورفتنہ الخوارج کوبلا اشتعال جارحیت کے بعد ہر محاذ پر بھرپور پسپائی کا سامنا ہے، سیکیورٹی فورسز کا آپریشن غضب للحق اپنے مقررہ اہداف کے حصول تک جاری رہے گا اور سرحدی علاقوں میں سیکیورٹی کو یقینی بنانے کے لیے مزید اقدامات بھی کیے جا رہے ہیں۔
ملک بھر میں عیدالفطر کی تعطیلات کا نوٹیفکیشن جاری
نیتن یاہو زندہ ہیں تو وہ ایران کے اہم اہداف میں شامل ہیں،پاسداران انقلاب
وزارتِ مذہبی امور نے حج پروازوں کے شیڈول کی معطلی کی خبروں کو مسترد کردیا
-
ملک بھر میں عیدالفطر کی تعطیلات کا نوٹیفکیشن جاری
ملک بھر میں 20 اور 21 مارچ 2026 کو عید الفطر کی سرکاری تعطیلات کا اعلان کر دیا گیا ہے تاہم وزیراعظم شہبازشریف کی منظوری کے بعد کابینہ ڈویژن نے نوٹیفکیشن جاری کردیا ہے-
حکومتِ پاکستان نے عیدالفطر کے موقع پر سرکاری تعطیلات کا اعلان کر دیا ہے اور کابینہ ڈویژن نے عیدالفطر کے موقع پر سرکاری تعطیلات سے متعلق باضابطہ نوٹیفکیشن بھی جاری کردیا ہے وزیراعظم شہباز شریف کی منظوری سے 20 مارچ بروز جمعہ اور 21 مارچ بروز ہفتہ کو عیدالفطر کے سلسلے میں ملک بھر میں سرکاری تعطیلات ہوں گی۔
کابینہ ڈویژن کی جانب سے جاری نوٹیفکیشن کے مطابق عیدالفطر پر 20 اور 21 مارچ کو ملک بھر کے سرکاری دفاتر بھی بند رہیں گے جب کہ پانچ اورچھ روزہ ورکنگ ویک والے تمام سرکاری دفاتر میں تعطیلات ہوں گی ملک بھر کے سرکاری دفاتر دونوں دنوں کے دوران بند رہیں گے تاکہ اہلکار اور ملازمین عیدالفطر اپنے اہل خانہ کے ساتھ خوشی کے ساتھ منا سکیں۔
شالیمار ایکسپریس حادثہ ، ابتدائی تحقیقاتی رپورٹ سامنے آگئی
حکومت نے عوام اور سرکاری دفاتر کو ہدایت دی ہے کہ تعطیلات کے دوران ضروری انتظامات برقرار رکھے جائیں اور عوامی سہولت کے امور متاثر نہ ہوں یہ تعطیلات ہر سال کی طرح ملک بھر میں عید کے تہوار کو خوش اسلوبی سے منانے اور اہلکاروں کو عید کے موقع پر آرام فراہم کرنے کے لیے دی گئی ہیں، 22 مارچ کو اتوار ہونے کے باعث عام تعطیل ہی ہوگی جب کہ پیر کو 23 مارچ کے باعث ملک بھر عام تعطیل ہوگی۔
نیتن یاہو زندہ ہیں تو وہ ایران کے اہم اہداف میں شامل ہیں،پاسداران انقلاب
-
شالیمار ایکسپریس حادثہ ، ابتدائی تحقیقاتی رپورٹ سامنے آگئی
کراچی سے لاہور جانے والی شالیمارایکسپریس ٹریک پر کھڑی مال گاڑی سے ٹکرا گئی،ریلوے اتنظامیہ کے مطابق کسی جانی نقصان کی اطلاع نہیں ملی۔
اتوار کے روز سکھر ڈویژن لاکھا روڈ اسٹیشن کی ریلوے لوپ لائن پر کھڑی مال گاڑی اور کراچی سے لاہور جانے والی 27 اپ شالیمار ایکسپریس کے درمیان تصادم کا واقعہ پیش آیا تاہم حادثے میں خوش قسمتی سے عملہ اور مسافر محفوظ رہے اور کوئی جانی نقصان رپورٹ نہیں ہوا تاہم حادثے کے باعث شالیمار ایکسپر یس کے انجن، سامان اور بوگیوں کو شدید نقصان پہنچا جب کہ تیز رفتار شالیمار ایکسپریس کا انجن مال گاڑی کے ڈبوں میں دھنس گیا،حادثے کے نتیجے میں ریلوے کے ڈرائیور اور اسسٹنٹ ڈرائیور معجزانہ طور پر محفوظ رہے جب کہ گارڈ کو کافی مشکل کے بعد بوگی سے باہر نکالا گیا-
حادثے کے فورا بعد ریلوے انتظامیہ نے فوری طور پر ریلیف اقدامات شروع کر دیے ریلوے حکام نے بتایا کہ حادثے کے بعد فوری طور پر ریلیف ٹرین روانہ کر دی گئی ہے تاکہ متاثرہ مسافروں کو آگے پہنچایا جا سکے اور ریل کا معمول کا نظام بحال کیا جا سکے، بعد ازاں لاکھا روڈ اسٹیشن پر شالیمار ایکسپریس حادثے کی ابتدائی تحقیقاتی رپورٹ سامنے آ گئی تاہم سامنے آنے والی ابتدائی تحقیقاتی رپورٹ میں انکشاف ہوا ہے کہ حادثے کا ذمہ دار ریلوے عملہ نکلا۔
جنید صفدر کے ویانا جانے کی خبر بے بنیاد قرار
رپورٹ کے مطابق اسسٹنٹ اسٹیشن ماسٹر نے لوپ لائن پر پہلے سے کھڑی مال گاڑی کے باوجود پیچھے سے آنے والی شالیمار ایکسپریس کو اسی ٹریک پر بھیج دیا، حادثے کے وقت شالیمار ایکسپریس کی رفتار تقریباً 80 کلومیٹر فی گھنٹہ تھی، جس کے باعث تصادم شدید نوعیت اختیار کر گیا اور مال گاڑی و انجن کو خاصا نقصان پہنچا،ریلوے حکام نے واقعے کا نوٹس لیتے ہوئے مزید انکوائری شروع کر دی ہے تاکہ ذمہ داروں کا تعین کر کے کارروائی عمل میں لائی جا سکے-
سوئٹزرلینڈ نے امریکی فوجی طیاروں کو فضائی حدود استعمال کرنے سے روک دیا
-
جنید صفدر کے ویانا جانے کی خبر بے بنیاد قرار
ترجمان شریف فیملی نے واضح کیا ہے کہ جنید صفدر اپنی اہلیہ کے ہمراہ رائیونڈ میں اپنے گھر پر موجود ہیں اور ویانا جانے کی خبریں بالکل بے بنیاد ہیں۔
ترجمان نے سوشل میڈیا پلیٹ فارم ایکس پر کہا ہے کہ جنید صفدر جھوٹ اور فیک نیوز پھیلانے والوں کے خلاف قانونی کارروائی کا حق محفوظ رکھتے ہیں،یہ وضاحت ایسے وقت میں سامنے آئی ہے جب سوشل میڈیا اور مختلف ذرائع پر جنید صفدر کے ویانا جانے کی افواہیں گردش کر رہی تھیں۔
شریف فیملی کی جانب سے یہ بھی واضح کیا گیا ہے کہ وزیر اعلیٰ پنجاب کے بیٹے جنید صفدر کی بیرون ملک موجودگی کے حوالے سے گردش کرتی اطلاعات میں کوئی صداقت نہیں ہےترجمان کی جانب سے عوام سے درخواست کی گئی ہے کہ وہ غیر مصدقہ خبروں پر بھروسہ نہ کریں۔
نیتن یاہو زندہ ہیں تو وہ ایران کے اہم اہداف میں شامل ہیں،پاسداران انقلاب
سی ٹی ڈی کی انٹیلیجنس بیسڈ کارروائی، کالعدم تنظیم کا دہشتگرد گرفتار
سوئٹزرلینڈ نے امریکی فوجی طیاروں کو فضائی حدود استعمال کرنے سے روک دیا