Category: جرائم و حادثات

بھارتی ریاست اوڑیسہ کے جھارسوگڑا میں ایک تیز رفتار ٹریلر کے پولیس وین سے ٹکر مارنے کے واقعے میں 5 پولیس اہلکار ہلاک اور 3 شدید زخمی ہو گئے۔

حادثہ ادارش ویدیالا جھارسوگڑا کے سامنے، صدر پولیس اسٹیشن کے حدود میں پیش آیا، پولیس اہلکار وین میں ڈیوٹی پر تھے کہ مخالف سمت سے آنے والے بھاری ٹریلر نے ان سے ٹکرا دیا،ہلاک ہونے والوں کی شناخت کشی رام بھوئی اور دیب ادوتا سا، نیرنجن کجور، لنگراج دھروہ اور بھکتابندھو مرڈھا کے طور پر کی گئی ہے۔

مقامی افراد زخمیوں کو فوری طور پر امداد کے لیے اسپتال لے گئے 5 اہلکار موقع پر ہی جان کی بازی ہار گئے، جبکہ 3 زخمیوں کو قریبی اسپتال منتقل کیا گیا ،ز خمیوں میں سے 2 کی حالت بگڑنے پر انہیں ویمسار میڈیکل کالج، بورلا اور بعد میں پرائیویٹ اسپتال، بارگارہ منتقل کیا گیا زخمیوں کی حالت تشویشناک بتائی گئی ہے۔

حادثے کے دوران ٹریلر کا ڈرائیور بھی زخمی ہوا اور اسے جھارسوگڑا کے ہسپتال میں داخل کیا گیا ہےجھارسوگڑا کے ایڈیشنل ایس پی مدھوسکتا مشرا نے بتایا کہ واقعے کی تحقیقات کے لیے مقدمہ درج کر لیا گیا ہے اور سینئر پولیس افسران نے حادثہ گاہ کا دورہ کر کے صورتحال کا جائزہ لیا ہے۔

بھارت کی ریاست اتر پردیش کے ضلع باندا میں خصوصی پوکسو عدالت نے 33 کم سن بچوں سے جنسی زیادتی کے لرزہ خیز مقدمے میں میاں بیوی کو سزائے موت سنا دی۔

بھارتی میڈیا کے مطابق عدالت نے اس کیس کو ’نایاب ترین جرم‘ قرار دیتے ہوئے کہا کہ ملزمان کے جرائم کی نوعیت اس قدر سنگین اور منظم تھی کہ اصلاح کی کوئی گنجائش باقی نہیں رہتی،اتر پردیش کے ضلع باندا کی خصوصی عدالت نے رام بھاون اور اس کی اہلیہ درگاوَتی کو بچوں کے تحفظ کے قانون (POCSO ایکٹ) کی مختلف دفعات کے تحت مجرم قرار دیتے ہوئےسزائے موت سنائی ہے دونوں پر 33 بچوں، جن میں بعض کی عمر صرف 3 سال تھی، کو جنسی تشدد کا نشانہ بنانے کا الزام ثابت ہوا ،عدالت نےریاستی حکومت کو ہدایت کی کہ ہر متاثرہ بچے کو 10 لاکھ روپے بطور معاوضہ ادا کیے جا ئیں، جبکہ ملزمان کے گھر سے برآمد ہونے والی رقم بھی متاثرین میں برابر تقسیم کی جائے۔

امریکی طیاروں نے ایران کی جانب پوزیشن سنبھال لیں

سی بی آئی نے اکتوبر 2020 میں اس کیس کا اندراج کیا تھا تحقیقات کے دوران انکشاف ہوا کہ ملزمان 2010 سے 2020 کے درمیان باندا اور چترکوٹ کے علاقوں میں سرگرم رہے رام بھاون محکمہ آبپاشی میں جونیئر انجینئر تھا اور بچوں کو آن لائن گیمز، تحائف اور رقم کا لالچ دے کر ورغلاتا تھا بعض متاثرہ بچوں کو شدید جسمانی چوٹیں آئیں اور کئی کو طویل عرصے تک اسپتال میں رہنا پڑا، جبکہ متعدد بچے ذہنی صدمے کا شکار ہیں عدالت نے قرار دیا کہ جرم کا پھیلاؤ، درندگی اور منظم طریقہ کار اسے ’ریرسٹ آف دی رئیر‘ بناتا ہے۔

پاکستان اور امریکا کا رواں برس سرمایہ کاری فورم کا اعلان

سی بی آئی حکام کا کہنا ہے کہ بچوں کے جنسی استحصال کے مقدمات کو اولین ترجیح دی جا رہی ہے اور متاثرین کے حقوق کے تحفظ کے لیے ہر ممکن اقدام جاری رکھا جائے گا۔

بھارت: ایک افسوسناک واقعے میں 32 سالہ خاتون اور اس کے ایک سالہ بچے کو مبینہ طور پر جادو کرنے کے الزام میں زندہ جلا دیا گیا۔

بھارتی میڈیا کے مطابق یہ واقعہ بھارت کی ریاست جھاڑکھنڈ میں مغربی ضلع سنگھ بھوم کے ایک گاؤں میں پیش آیا، جو ویسٹ سنگبھم میں واقع ہےپولیس حکام کا کہنا ہے کہ رات گئے کچھ افراد خاتون کے گھر کے باہر جمع ہوئے اور شور شرابہ شروع کر دیا جب خاتون کا شوہر باہر نکلا تو مشتعل افراد نے حملہ کر دیا اور خاتون اور اس کے ایک سالہ بچے پر مبینہ طور پر مٹی کا تیل چھڑک کر آگ لگا دی، واقعے میں شوہر بھی زخمی ہوا تاہم وہ بچ نکلنے میں کامیاب رہا اور اگلے روز پولیس کو اطلاع دی۔

پولیس کے مطابق خاتون اور بچہ جھلسنے کے باعث موقع پر ہی دم توڑ گئے حکام کا کہنا ہے کہ خاتون پر جادو کرنے کا الزام لگایا گیا تھا اور واقعے کی تحقیقات جاری ہیں،پولیس نے شوہر کی شکایت پر چار ملزمان کو گرفتار کر لیا ہے اور مزید قانونی کارروائی کی جا رہی ہے۔

افریقی ملک نائیجیریا کے وسطی علاقے میں ایک کان میں کاربن مونو آکسائیڈ گیس پھیلنے سے کم از کم 37 کان کن ہلاک جبکہ 25 افراد زخمی ہو گئے۔

روئٹرز کے مطابق یہ افسوسناک واقعہ بدھ کی صبح کمپانی کمیونٹی میں پیش آیا، جو واسے کے علاقے میں واقع ہے حادثہ ریاست پلاٹیاؤ میں پیش آیا حکومتی حکام کے مطابق یہ ایک غیر فعال سیسے کی کان تھی، جہاں جمع شدہ معدنی مواد سے زہریلی گیس خارج ہوئی، جس کے باعث کان میں موجود افراد دم گھٹنے سے ہلاک ہو گئے۔

صوبائی حکومت نے متعدد افراد کے جاں بحق ہونے کی تصدیق کی، تاہم ابتدائی طور پر درست تعداد فراہم نہیں کی حکام کے مطابق زخمیوں کو قریبی اسپتالو ں میں منتقل کر دیا گیا ہے جہاں ان کا علاج جاری ہے۔

نائیجیریا کے وزیر برائے سالڈ منرلز، ڈیلی الاکے کے مطابق مقامی دیہاتی زہریلی گیس کی موجودگی سے لاعلم تھے اور معدنیات نکالنے کے لیے سرنگ میں داخل ہوئے، گیس سانس کے ذریعے جسم میں داخل ہوئی جس کے نتیجے میں یہ المناک حادثہ پیش آیا،حادثے کے بعد سیکیورٹی فورسز نے کان کے مقام کو گھیرے میں لے لیا ہے تاکہ مزید افراد کو وہاں جانے سے روکا جا سکے۔

وفاقی حکومت نے جائے حادثہ کے قریب تمام کان کنی کی سرگرمیوں کو فوری طور پر معطل کرنے کا حکم دے دیا ہے تاکہ جامع تحقیقات کی جا سکیں، نائجیر یا میں غیر قانونی کان کنی ایک سنگین مسئلہ ہے، جہاں اکثر کان کنی کی سرگرمیاں حکومتی نگرانی اور بنیادی حفاظتی اقدامات کے بغیر انجام دی جاتی ہیں، ماہر ین کے مطابق ایسے حادثات کا بنیادی سبب حفاظتی پروٹوکولز کی عدم موجودگی ہے۔