پاکستان پیپلز پارٹی کے چیئرمین بلاول بھٹو زرداری نے شمالی وزیرستان میں دہشت گردی کے حملہ کی شدید مذمت کرتے ہوئے پاکستانی فوج کے جوان کی شہادت پر رنج وغم کا اظہار کیا ہے.

باغی ٹی وی کی رپورٹ‌ کے مطابق بلاول بھٹو زرداری نے کہاکہ ریاست اور اس کےتمام اداروں کو متحد ہوکردہشت گردی کا مقابلہ کرناہوگا.دہشت گردی اورانتہاپسندی سماج دشمن عناصر ہیں. انہوں نے شہید جوان کے اہل خانہ سے تعزیت کا اظہار کیا ہے.

یا د رہے کہ شمالی وزیرستان میں‌پاکستانی فوج کی چیک پوسٹ‌پر حملہ میں ایک جوان شہید اور پانچ زخمی ہو گئے تھے.

پاکستان مسلم لیگ (ن) کے رہنما خواجہ محمد آصف نے دعویٰ کیا ہے کہ تحریک انصاف کے اندر سے بعض لوگ عمران خان کو ہٹانا چاہتے ہیں سپیکر صاحب کو اس کا علم ہے. ادھر شمالی وزیرستان کے معاملہ پر قومی اسمبلی میں زبردست گرما گرمی ہوئی ہے جس پر اپوزیشن نے کاروائی کا بائیکاٹ کر دیا.

باغی ٹی وی کی رپورٹ کے مطابق سپیکر اسد قیصر کی زیر صدارت اجلاس میں‌ خواجہ آصف نے کہاکہ خیبر پی کے کراچی اور گوادر تک ہمارے مسائل حل نہیں‌ہو رہے. بلوچستان میں‌ مسلسل انتشار کی کیفیت ہے اور آئے دن دہشت گردی کی وارداتیں‌ہو رہی ہیں. سرحد پار دہشت گرد بیٹھے ہیں. کمزوریوں‌ پر قابو نہ پایا گیا تو ملکی سلامتی کیلئے خطرناک ہو گیا. ہم نے مشرقی پاکستان میں‌بھی غلطیاں‌کیں، فاٹا سب سے زیادہ دہشت گردی سے متاثر ہوا ہے. ہمیں‌ فاٹا کو قومی دھارے میں‌لانا چاہیے. چند روز قبل ایک متفقہ آئینی ترمیم کو منظور کیا گیا جو نجی بل تھا، افسوس کچھ عناصر اب سینیٹ سے اس بل کی متفقہ منظوری نہیں چاہتے۔

انہوں نے کہاکہ پاکستان کا موجودہ وزیر خزانہ پی پی اور مشرف دور میں‌ بھی رہا ہے. پی ٹی آئی کو بندے لیز پر لینا پڑ رہے ہیں انہیں‌کوئی نیا بندہ نہیں‌ ملتا. ہماری معیشت پراور اسٹیٹ بنک میں آئی ایم ایف کے لوگ بیٹھ گئے ہیں. معیشت چلانے والوں‌ کا کسی سیاسی جماعت سے تعلق نہیں. ہماری معاشی آزادی پر سمجھوتہ کیا جارہا ہے.

خواجہ آصف کی شمالی وزیر ستان سے متعلق تقریر پر تحریک انصاف حکومت کے وفاقی وزیر مراد سعید نے دھواں‌دھار خطاب کیا اور کہا ہے کہ محمود اچکزئی اور محسن داوڑ تو سرحد پر خاردار تاریں لگانے کے خلاف تھے. را اور این ڈی ایس یہاں‌دہشت گردی کر رہی ہے. یہ لوگ نہیں چاہتے تھے ہماری سرحدیں محفوظ ہوں. محسن داوڑ جواب دیں کہ ان کا افغان ایجنسی این ڈی ایس سے کیا تعلق ہے ورنہ میں‌انہیں‌خود بے نقاب کردوں گا۔ پاک فوج کو گالیاں دینے کا سلسلہ بند ہونا چاہیے۔ وفاقی وزیر مراد سعید کی تقریر کے دوران اپوزیشن ممبران پارلیمنٹ نے زبردست ہنگامہ آرائی کی اور ایوان سے واک آؤٹ‌کر دیا.

یاد رہے کہ پارلیمنٹ‌ میں‌ خواجہ آصف کی طرف سے پی ٹی آئی کے اندر سے عمران خان کو ہٹانے کی خبر سے متعلق سپیکر صاحب کے اس حوالہ سے معلومات رکھنے کی بات کرنے پر سپیکر نے مسکراتے ہوئے کہاکہ انہیں‌ اس کا کچھ معلوم نہیں‌ہے.

رکن قومی اسمبلی اسمبلی مراد سعید نے کہا ہے کہ نواز شریف ضرب عضب کا کریڈٹ اس طرح لیتا ہے جس طرح بندوق لے کر خود لڑا ہو

باغی ٹی وی کی رپورٹ کے مطابق قومی اسمبلی اجلاس میں مراد سعید نے پشتو میں خطاب کیا تو سپیکر نے کہا کہ یہان اسمبلی ریکارڈ میں انگلش میں ریکارڈ بنتا ہے اس لئے پشتو گفتگو کو اردو میں کر دیں جس پر مراد سعید نے کہا کہ میں نے اسی پر بات کی ہے، قبائل نے سختیاں برداشت کیں، اب امن کی طرف ائے اب ترقی کی طرف جا رہے ہیں قبائلی بھائیوں کو ترقی دیں گے ان کے زخمون پر نمک چھڑکنے کی بجائے مرہم پٹی رکھیں گے، انہوں نے کہا کہ جنہوں نے آپریشن کروا کر علاقہ کلیئر کروایا انہوں نے عوام کو حقوق نہیں دئیے .ن لیگ سےسوال ہےکہ قبائلی علاقوں کی ترقی کیلئےکیاکیا؟ مسلم لیگ ن سانحہ ماڈل ٹاؤن پرخاموش ہے،انکا دھرناکس مقصدکیلئے تھا، 2005میں جب قبائلی علاقوں میں آگ لگی تو میں نے آوازاٹھائی، عمران خان پندرہ سالوں سے آواز اٹھا رہے ہیں، ملک کو ٹارگٹ کیا گیا تو کسی صورت برداشت نہیں کریں گئے.

وفاقی وزیر مراد سعید نے کہا ہے کہ بتایا جائے سوات میں جب آپریشن ہوا تو کس کی حکومت تھی؟

باغی ٹی وی کی رپورٹ کے مطابق قومی اسمبلی کا اجلاس اسپیکر قومی اسمبلی اسد قیصر کی زیر صدارت جاری ہے، اجلاس میں خواجہ آصف کے خطاب کے بعد مراد سعید نے خطاب شروع کیا تو اپوزیشن نے شور مچانا شروع کر دیا. مراد سعید نے کہا کہ اس ایوان کےرکن نےلوگوں کواشتعال دلایا ویڈیوزموجود ہیں کہ کل کیسے فوج کی چوکی پرحملہ کیا گیا .دوتین دن سے پرامن دھرنا جاری رہا مطالبات ماننے کاوقت آیا توایم این اے نےفون کرکے چوکی پرحملے کرنے کوکہا، پھر وہ پاک فوج کی چیک پوسٹ پر حملہ آور ہوتے ہیں، مراد سعید کی گفتگو کے دوران اپوزیشن نے شور مچانا شروع کر دیا،. مراد سعید نے مزید کہا کہ وزیرستان میں یم ایک ہفتہ پہلے گئے، ان کے ایشوز کو حل وہیں پر ہونا چاہئے. پختون کہہ رہے ہیں کہ ہم نے پندرہ سال جنگ سہی، میرا گھر دہشت گردی کی جنگ میں تباہ، سکول تباہ، دکانیں تباہ، ہم وزیرستان کو ترقی دیں گے، سوات میں جب آپریشن ہوا تو اس وقت کس کی حکومت تھی ؟ فوج نے علاقہ کلیئر کیا تو اسوقت آپ کی ذمہ داری تھی کہ لوگوں کے نقصان کا ازالہ کیا جائے، لوگوں کو سہولیات دینے میں وہ ناکام ہوئے، اس پر جواب دینا ہو گا، مراد سعید نے مزید کہا کہ ایک پارٹی کی چیئرمین اور ایک خاتون کی طرف سے بیان آیا میں سوال کرتا ہوں کہ فوج نے علاقہ کلئر کر کے دے دیا تو اس علاقے میں خوشحالی کیوں نہ لے کر آئے، ڈورن حملے ان کے دور میں ہوتے تھے اور ہم ان کے خلا ف احتجاج کرتے تھے. ہم نیٹو سپلائی کےخلاف اور محسن داوڑ حق میں بیان دیتا رہا، محسن داوڑ ڈرون کے حق میں بھی بیان دیتا تھا،آئین پاکستان کے اوپر حلف دیا ہے . آئین کا تحفظ کریں گے.

مسلم لیگ ن کے رہنما خواجہ آصف نے کہا ہے کہ نیب قوانین میں ترمیم نہ کر سکے ،یہ ہماری ناکامی ہے، نواز شریف اسی وجہ سے جیل میں ہیں.

باغی ٹی وی کی رپورٹ کے مطابق قومی اسمبلی کا اجلاس اسپیکر قومی اسمبلی اسد قیصر کی زیر صدارت ہوا ، اجلاس میں مسلم لیگ ن کے رہنما خواجہ آصف نے خطاب کرتے ہوئے کہا کہ چیئرمین نیب کی جاوید چودھری سے ملاقات میں‌آن ریکارڈ گفتگو کالم میں ذکر کر دی گئی. میں نہیں چاہتا کہ کوئی سیاستدان گرفتار ہو، متوازن عمل سب کے لئے ہونا چاہئے، خواجہ آصف نے مزید کہا کہ جس چینل نے نیوز بریک کی اس میں جہانگیر ترین حصے دار ہے. حکومت چیئرمین نیب کو بلیک میل کرنا چاہتی ہے. حکومت نے اپنے لوگوں کو بچانے کے لئے نیب قوانین میں ترامیم کییں،انہوں نے کہا کہ چیئرمین نیب کی عزت داو پر لگا دی گئی. چیئرمین نیب کے حوالہ سے پارلیمانی کمیٹی تشکیل دی جائے جو تحقیقات کرے. جب لوگوں کی عزتیں اچھالتے ہیں تو یہ اللہ کا نظام ہے آپ کےعیب بھی مشتہر ہوں گے.