Category: کشمیر

جموں :مقبوضہ کشمیرمیں اخروٹ کی تجارت کے مرکز سرحدی شہر اوڑی میں میں ، اگست کے بعد سے غیر یقینی صورتحال کی وجہ سے اخروٹ کے تاجروں کو خسارے کا سامنا کرنا پڑا ہے۔ایک صدی سے زیادہ عرصے سے ، اوڑی کی لگامہ مارکیٹ اخروٹ کے حوالے سے خاص اہمیت کی حامل ہے جہاں خطے کا سب سے اعلیٰ اخروٹ فروخت ہوتا ہے۔

سری نگر سے ذرائع کےمطابق 76 سالہ تاجر محمد امین چلو کا کہنا ہے کہ اس موسم میں اخروٹ کی بیشتر فصل تباہ ہوگئی ہے۔ کرفیو نے صورتحال کو مشکل بنا دیا تھا ۔”ساؤتھ ایشین وائر کے مطابق اوڑی بیوپار منڈل کے صدر پرویز احمد چلو نے کہا ، "ہم اپنا اسٹاک باہر کے بازاروں میں بھیجنے سے قاصر ہیں،

تاجر محمد امین چلو کہتے ہیں‌کہ ہم نے دو مہینوں میں 10 کروڑ کے نقصان کا تخمینہ لگایا ہے۔ ہم اخروٹ کو مقامی منڈیوں میں فروخت کررہے ہیں لیکن زیادہ کمائی نہیں کر رہے ۔اوڑی سے اخروٹ دہلی ، ممبئی اور کولکتا ، خاص طور پر دیوالی کے دنوں میں لے جایا جاتا ہے۔ مواصلات کی عدم موجودگی میں ، تاجر آرڈر لینے اور مال بھیجنے سے قاصر ہیں۔

محمد امین چلکوکہتے ہیں‌ کہ اگر اخروٹ لینے میں تاخیر ہوتی ہے تو ، اس کادانہ سیاہ ہوجاتاہے ، جس کی وجہ سے قیمت میں کمی آتی ہے۔اخروٹ کے مغز، یعنی دانے کے رنگ سے اس کے معیار اور قیمت کا اندازہ لگایا جاتا ہے۔ سفید اخروٹ کے دانے کوہول سیل میں 800 سے 1000 روپے کی قیمت پر فروخت کیا جاتا ہے ، بھورے رنگ یا کالے رنگ کے دانے کو کو آدھی قیمت پر فروخت کیا جاتا ہے۔

60 سالہ محمد یوسف کاکڑو ، جو لاگاما میں دکان بھی چلاتے ہیں۔ انہوں نے کہاکہ اس سے ہمارے نقصان میں اضافہ ہوا۔ہم یہ فیصلہ کرنے سے قاصر ہیںکہ اخروٹ کی شرح قیمت کیا ہونی چاہئے۔اوڑی میں تاجر اخروٹ کو توڑنے کے لئے روزانہ مزدوری دیتے ہیں جسے بعد ازاں فروخت کیا جاتا ہے۔ ہڑتال کی وجہ سے کوئی مزدور میسر نہیں ہیں۔ محمد امین چلکو نے کہا جن تاجروں نے مزدورلگائے انہیں اس کے لئے بہت زیادہ معاوضہ ادا کرنا پڑا۔

بادگراں گاؤں کے 36 سالہ شبیر احمد اعوان نے بتایا کہ اخروٹ توڑنے کے لئے مزدور روزانہ 500 روپے کا مطالبہ کرتے ہیں ، جبکہ اس سے پہلے کی شرح 200 تھی۔لیکن اب صورت حال اس قدر خراب ہے کہ جس چیز پر گزارا کرتے تھے وہ بھی بھارتی مظالم کی نذرہوگئی ہے

40 سالہ شفقت عزیز ، جو 15 سال سے کاروبار میں ہیں ، نے بتایا کہ اس سال اخروٹ کی قیمتیں حالات کی وجہ سے بڑھ گئیں۔انہوں نے مزید کہا کہ لگامہ مارکیٹ کا مجموعی کاروبار ہر موسم میں 50 سے 60 کروڑ ہے۔ لاگاما میں 25 تھوک فروش اور 60 سے زیادہ مقامی فروخت کنندہ ہیں۔

سری نگر:مقبوضہ کشمیر میں بھارت کے جبر اور پابندیوں اور عید میلادالنبی ﷺ پر بھی کرفیو کے باعث نوجوانوں نے بھرپور احتجاج کیا۔ حریت کانفرنس نے کہا ہے کہ عوام بی جے پی اور آر ایس ایس سے ملے غداروں پر نظر رکھیں۔

نبی کریم ﷺ نے ظلم، تعصب، نفرتوں اور ناانصافی کا خاتمہ کیا؛ نور الحق قادری

مقبوضہ وادی میں کرفیو اور لاک ڈاؤن 5 اگست سے جاری ہے، جگہ جگہ بھارتی فوجی تعینات ہیں، سری نگر سمیت تما م بڑوں شہروں میں دکانیں اور کاروباری مراکز بند ہیں، پبلک ٹرانسپورٹ نہ ہونے کے برابر ہے تو تعلیمی ادارے بند ہے ۔

اسوہ کامل کے مسلمانوں کے لیے مشعل راہ ہے، ڈاکٹر محمد عبدالصمد موہنہ

حریت کانفرنس نے کہا ہے کہ عوام بی جے پی اور آر ایس ایس سے ملے غداروں پر نظر رکھیں۔ ضلع کشتواڑ میں بھارتی فورسز نے تین نوجوانوں کو گرفتار کر لیا، بھارت کی ظالمانہ کارروائی کے خلاف کشمیریوں نے احتجاج کیا۔

نبی کریم ﷺ ہمارے لیے رول ماڈل ہیں، وزیراعظم

کراچی : بھارت یہ یاد رکھے کہ تمام تر بھارتی مظالم کے باوجود کشمیری اپنی منزل "آزادی ” کی طرف بڑی تیزی سے صدر آزاد کشمیر سردار مسعود خان نے کہا ہے کہ مقبوضہ وادی میں بھارتی فوجیوں کی غنڈہ گردی عروج پر ہے، دنیا مفادات کی خاطر مقبوضہ کشمیر کے مسئلے کو نظرانداز کررہی ہے۔ان خیالات کا اظہار انہوں نے کراچی میں کونسل آف فارن ریلیشنز کے ڈائیلاگ کی تقریب سے خطاب کرتے ہوئے کیا۔

تبدیلی سعودی عرب پہنچ گئی ، نصاب میں موسیقی، تھیٹراوردیگرفنون شامل

صدر آزاد کشمیر سردار مسعود خان نے کہا کہ گزشتہ96دن سے کشمیری عوام قیدوبند کی زندگی گزارنے پر مجبور ہیں، بھارت کی دھوکا دہی اب دنیا سے ڈھکی چھپی نہیں رہی۔صدر آزاد کشمیر کا کہنا تھا کہ مقبوضہ وادی میں بھارتی فوجیوں کی غنڈہ گردی عروج پر ہے، بھارت کئی دہائیوں سے یو این قرادادوں کی خلاف ورزی کررہا ہے۔

امریکہ جانے والوں کے لیے خوشخبری آگئی

سردار مسعود خان نے کہا کہ بھارت کا ظلم کشمیری نوجوانوں میں آزادی کا جذبہ بڑھا رہا ہے، بھارت مقبوضہ کشمیرمیں اکثریت تبدیل کرنے کی مذموم سازش کررہا ہے۔انہوں نے کہا کہ مغربی دنیا کے بھارت کے ساتھ معاشی مفادات وابستہ ہیں، دنیا مفادات کی خاطر مقبوضہ کشمیر کے مسئلے کو نظرانداز کررہی ہے، چین، ملائیشیا، ترکی اور ایران نے کھل کر کشمیریوں کے لیے آواز بلند کی ہے۔

نام ای سی ایل سے نکالنے کی درخواست مسترد

جموں :،سخت سردی اور برف باری وادی کشمیرکے حصے میں آنے والا قدرتی ایک موسم ہے ، یہ سخت سردی اور برف باری ہر سال ہوتی ہے لیکن یہ جاری سال اس حوالے سے پچھلے سالوں سے مختلف ہےکہ برف باری اور بارش کے دوران بھارتی افواج کے آپریشن جاری ہیں اور کشمیر پہلے ہی ایک مشکل صورت حال سے گزررہے ہیں،

کرتارپورپاکستانی سازش اورپروپیگنڈا ہے، بھرپورمقابلہ کیا جائے گا: بھارت کی ہرزہ سرائی

اطلاعات کے مطابق سرما کی آمد کے ساتھ ہی مقبوضہ کشمیر کے بالائی علاقوں میں برفباری ہوئی ہے جبکہ گزشتہ شب سے ہی پورے خطے میں لگاتار بارش برس رہی ہے جس سے وادی کشمیر میں سردی میں اضافہ ہوا ہے۔وادی کشمیر کے بالائی علاقوں کے ساتھ ساتھ اب میدانی علاقوں میں بھی رات سے بھاری برف باری کا سلسلہ جاری ہے۔جبکہ دو افراد برفانی طوفان کی زد میں آکر ہلاک ہوگئے۔

بے بی کون؟ بلاول یا سینیٹر فیصل جاوید، سینیٹ میں‌ دلیلیں اورتاویلیں، دلچسپ کارروائی

انتظامیہ کے مطابق برف باری کے سبب جموں سرینگر قومی شاہراہ کو آمد رفت لے لیے بند کر دیا گیا اور سرینگر ائیرپورٹ سے جانے والی پروازوں کو بھی منسوخ کیا گیا ہے۔ساؤتھ ایشین وائر کی اطلاعات کے مطابق برف باری کے سبب کشمیر یونیورسٹی کی طرف سے لیے جانے والے تمام امتحانات کو ملتوی کردیا گیا ہے۔

ذرائع کے مطابق گزشتہ روز وادی کشمیر کو جموں خطے سے ملانے والی متبادل مغل شاہراہ، پیر کی گلی پر تازہ برفباری اور بارشوں کے باعث شاہراہ کو ٹریفک کی آمد رفت کے لیے بند کردیا گیا۔ جموں و کشمیر کے بالائی علاقوں بشمول گلمرگ میں بھی برف باری ہوئی ہے۔گلمرگ میں اب تک تقریبا ایک فٹ برف جمی ہوئی جبکہ قریبی افروٹ پہاڑی اور اس سے منسلک دیگر چھوٹی پہاڑیوں پر ایک فٹ سے زیادہ برفباری ہوئی ہے۔

ظلم کی انتہا، فلسطینی بچے کے سامنے اس کے والد پر تشدد،وائرل ویڈیونے جھنجھوڑ کررکھ دیا

کشمیر کے سیاحتی مقام گلمرگ، سونہ مرگ، پیر کی گلی، گریز، زوجیلا، کے علاوہ پیر کی گلی، دھوبی جن، اور کپوارہ کے بالائی علاقوں میں دوران شب ہی برفباری کا سلسلہ شروع ہوا، جس کے سبب پوری وادی میں سردی کی شدت میں اضافہ ہوا ہے۔کشمیر میں موسلا دھار بارشکرگل، لداخ، لیہہ، گلمرگ میں درجہ حرارت نقطہ انجماد سے نیچے چلا گیا ہے۔محکمہ موسمیات کے مطابق پورے خطے میں گزشتہ شب یعنی پانچ تاریخ سے ہی موسم خراب ہوا اور آٹھ تاریخ تک بارشوں کا سلسلہ چلتا رہے گا۔

اس دوران گلمرگ، سونہ مرگ، پیر کی گلی، کپوارہ وغیرہ کے بالائی علاقوں میں مزید برفباری ہوگی جبکہ وادی میں بارش وقفے وقفے سے ہوتی رہے گی۔ محکمہ کی جانب سے اس ضمن میں صوبائی انتظامیہ کو آگاہ کیا گیا ہے ساتھ ہی مشاورت بھی جاری کی گئی ہے۔محکمہ کے ڈپٹی ڈائیریکٹر محمد اقبال نے بتایا کہ موسم کے بارے میں محکمہ کی جانب سے پہلے ہی کشمیر، لیہہ اور لداخ کی انتظامیہ کوالرٹ جاری کیا گیا ہے۔ رواں موسم میں بارش اور برفباری عام ہے اور اس میں سردی کی شدت میں بھی مزید اضافہ ہوگا۔سردی میں اضافے سے اکثر لوگ گھروں میں ہی بیٹھنے کو ترجیح دے رہے ہیں جبکہ گرم ملبوسات کو استعمال کیا جا رہا ہے۔

کئی علاقوں میں ابھی تک درختوں سے سیب نہیں توڑے گئے ہیں اور موسم مزید خراب ہونے کی صورت میں انہیں نقصان اٹھانا پڑ سکتا ہے۔گزشتہ برس بھی نومبر کے پہلے ہفتے میں برفباری ہوئی تھی جس کی وجہ سے میوہ باغات خصوصا سیب کے درختوں کو شدید نقصان ہوا تھا۔

جموں و کشمیر کے ضلع کپواڑہ کے ذرہامہ گجر پتی علاقے میں فوج کے ساتھ کام کرنے والے دو پورٹر ہلاک ہوگئے۔دونوں افراد برفانی طوفان کی زد میں آکر ہلاک ہوئے، لیکن حکام نے اس بات کی تصدیق ابھی نہیں کی ہے دونوں کی موت کیسے واقع ہوئی ہے۔ حکام کا کہنا ہے کہ دونوں افراد یا تو برفانی طوفان کی زد میں آگئے یا جانوروں نے انہیں کھایا ہے۔