وزیر خارجہ شاہ محمود قریشی نے کہا ہے کہ کشمیریوں کی طویل جدوجہد نےایک نیا موڑلیا ہے ،بھارت نےبڑی چالاکی سےمسئلہ کشمیرکو دہشتگردی سے منسلک کردیا، کشمیرایشوعالمی مسئلہ بن گیا جوکشمیریوں کیلئےحوصلہ افزا ہے ،

باغی ٹی وی کی رپورٹ کے مطابق وزیر خارجہ شاہ محمود قریشی نے تحریک انصاف پنجاب کے زیر اہتمام لاہو رکے مقامی ہوٹل میں کشمیر کانفرنس سے خطاب کرتے ہوئے کہا کہ ہماری مستقبل کی حکمت عملی کیا ہونی چاہئے، ہمارے پاس آپشن کیا ہیں اور ہم کیسے آگے بڑھ سکتے ہیں، پانچ اگست کو جو سانحہ رونما ہوا، وزیراعظم عمران خان نے ہنگامی بنیادوں پر پارلیمان کا مشترکہ اجلاس بلایا جس میں متفقہ قرارداد پاس کی گئی جس کا مقصد پیغام دینا تھا کہ کشمیر کے مسئلہ پر قوم ایک ہے، اس کے بعد ہم نے کوشش کی اس مسئلہ کو آگے لے کر گئے،سیکورٹی کونسل سے رجوع کیا گیا جس میں کشمیر کا مسئلہ آج بھی موجود ہے، سیکورٹی کونسل میں 54 سال بعد کشمیر کا مسئلہ زیر بحث آیا، ہم کشمیر پر بات کرتے رہتے تھے، برہان وانی کو 2016 میں شہید کیا گیا، اس عرصے میں جو ظلم ہوتا رہا کسی سے چھپا نہیں، اب کشمیر کا مسئلہ انٹرنیشنلائیز ہو گیا ہے جو کہ حوصلہ افزا ہے .

مریم نواز کو الیکشن کمیشن سے ملی بڑی خوشخبری، اہل قرار

وزیر خارجہ شاہ محمود قریشی نے مزید کہا کہ اگر روس ،برطانیہ، امریکہ لچک نہ دکھاتے تو سلامتی کونسل کی نشست نہیں ہو سکتی تھی، ہم نے چین کو ساتھ ملایا تا کہ کوئی رکاوٹ کھڑی نہ ہو. چین نے سلامتی کونسل میں پاکستان کی وکالت کی ،اقوام متحدہ کے سیکرٹری جنرل کا بیان آیا کہ کشمیر کے مسئلے کا حل قراردادوں کے مطابق ہونا ہے یہ بہت بڑی کامیابی تھی، ہماری کوشش تھی کہ او آئی سی کو متحرک کیا جائے، آج اس کو متحرک کرنا آسان نہیں، او آئی سی نے مسئلہ فلسطین سے جنم لیا اور فلسطین کے ساتھ کیا ہوا؟ کل او آئی سی کا ہنگامی اجلاس ہوا، جس میں کشمیر و فلسطین پر بات کی گئی، او آئی سی کے رکن ممالک میں بھی اختلافات موجود ہیں.

بھارتی آرمی چیف کا بیان گیدڑ بھبکیاں ہیں، شاہ محمود قریشی

وزیر خارجہ کا مزید کہنا تھا کہ آج دنیا مطالبہ کر رہی ہے کہ کشمیر سے کرفیو فوری اٹھایا جائے ،58 ممالک نے جنیوا میں‌پاکستان کے موقف کی تائید کی، مقبوضہ کشمیر میں کرفیو نافذ ہے، عید کی نماز، جمعہ کی نماز ادا نہیں کرنے دی جاتی، تعلیمی ادارے بند ہیں، ہیومن رائٹس آرگنائیزیشن نے کشمیر کا مسئلہ اٹھایا، بھارت نے چالاقی سے تحریک آزادی کو دہشت گردی کا نام دیا

کشمیر بنے پاکستان، ہندو برادری کے نعروں سے بھارت ہوا پریشان

شاہ محمود قریشی کا آئس لینڈ کے وزیر خارجہ سے رابطہ، کشمیر پر بات چیت

شاہ محمود قریشی کا مزید کہنا تھا کہ کشمیر بھارت کا اندرونی معاملہ نہیں،دنیا نے بھی بھارت کے موقف کی تردید کی، آج یورپی یونین کے اجلاس کے ایجنڈے میں کشمیر شامل ہے، تاریخ میں پہلی بار یورپی یونین میں کشمیر کا مسئلہ زیر بحث آئے گا،وزیراعظم نے مظفرآباد میں بڑا اجتماع کرکے دنیا کو پیغام دیا،وزیراعظم نے پیغام دیا مودی سرینگر میں جلسہ کر کے دکھائے ،مودی سرکار کے اقدامات پر بھارت بھی تقسیم ہوچکا ہے،بھارتی اقدامات کے خلاف بھارتی سپریم کورٹ میں 14درخواستیں دائرہیں،

رابی پیر زادہ اپنے مخصوص انداز سے مودی کو چیلنچ کرہی ہے اور اس کے مظالم پر علامتی طور پر منفرد انداز میں احتجاج کا سلسلہ جاری رکھےہوئے ہے .پہلے شیر پیش کرتےہوئے کہ پہلے سانپ پیش کیا اور اب شیر کے ساتھ تصوریر بناتے ہوئے مودی کو اس کے کشمیر میں مظالم پر طنز کےنشتر چلائے.کچھ اس طرح‌مودی کو مخاطب کیا.
پیارے مودی اور پاکستان میں آپ کے پوشیدہ دوست ، ان ایکٹوٹک جانوروں کے بعد ، میں یہاں آپ کو شیر پیش کرتی ہوں ، یہ آپ کو جس طرح سے کشمیر پر دعوت دینے کی کوشش کر رہا ہے اسے کھا جائے گا۔ آپ کے جعلی الزامات سے وائلڈ لائف لاہور کے ذریعہ کشمیر کے بارے میں میرے جذبے کو قابو نہیں کیا جاسکتا ، اور میں کسی جیل میں نہیں ہوں ، میں مودی کے لئے مزید تحائف تیار کر رہی ہوں … # مودی ہٹلر،

واضح رہے اس پہلے بھی رابی نے مودی کو چیلنج کیا تھا .رابی پیر زادہ نے مودی کو مخاطب ہوتے ہوئے کہا ہے کہ مودی یاد رکھے کہ میں بھی کشمیری ہوں اور جو تونے کشمیریوں پر مظالم ڈھائے ہیں ان کا تجھ سے بدلہ لوں گی ، رابی پیرزادہ نے مودی کو کہا کہ انسانوں پر ظلم کرنے والے ہندو انتہاپسد تیری منزل جہنم ہے جا جہنم میں ڈوب مر ، رابی پیرزادہ نے کہا کہ تیرے اندر انسانیت ہی نہیں ہے

یاد رہےکہ مودی کے نام سخت پیغام کے بعد وائلڈ لائف حکام نے سانپوں کی غیر قانونی پرورش کا بہانہ بناکر ڈرانے دھمکانے کی کوشش کی ، جس پر رابی پیر زادہ اور بڑی تعداد میں رابی کے مداحوں کیطرف سے سخت ردعمل آیا ہے

احتساب عدالت نے خواجہ برادران کے جوڈیشل ریمانڈ میں 6روز کی توسیع کردی

باغی ٹی وی کی رپورٹ کے مطابق خواجہ برادران کو احتساب عدالت میں پیش کیا گیا اس موقع پر سیکورٹی کے سخت انتظامات کیے گئے تھے ،عدالت نے سماعت کے بعد خواجہ برادران کے جوڈیشل ریمانڈ میں توسیع کر دی

عدالت نے خواجہ سعدرفیق اورسلمان رفیق کو23ستمبر کو دوبارہ پیش کرنے کا حکم دیا،احتساب عدالت لاہور میں پیراگون ہاوَسنگ سوسائٹی کیس 23ستمبر تک ملتوی کر دی گئی.

بے قصور ہوں، فرد جرم ختم کی جائے، سعد رفیق کی عدالت سے استدعا

واضح رہے کہ 11 دسمبر کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد نیب نے دونوں بھائیوں کو حراست میں لے لیا تھا۔ خواجہ برادران کو پیراگون ہاؤسنگ اسکینڈل میں گرفتار کیا گیا ہے جبکہ دونوں بھائی پیراگون ہاؤسنگ اسکینڈل سمیت 3 مقدمات میں نیب کو مطلوب تھے۔

وزیرخارجہ شاہ محمود قریشی لاہور پہنچ گئے وہ کشمیر کانفرنس کی صدارت کریں گے

باغی ٹی وی کی رپورٹ کے مطابق تحریک انصاف پنجاب کے زیر اہتمام کشمیر کانفرنس آج مقامی ہوٹل میں ہو گی ،کانفرنس کی صدارت وزیر خارجہ شاہ محمود قریشی کریں گے، شاہ محمود قریشی اسلام آباد سے لاہور پہنچ گئے ہیں

وزیر خارجہ شاہ محمود قریشی گورنر پنجاب چوھدری سرور سے بھی ملاقات کریں گے. کشمیر کانفرنس میں تحریک انصاف کے دیگر رہنما بھی شریک ہوں گے، مسلم لیگ ق کو بھی کانفرنس میں شرکت کی دعوت دی گئی ہے ،کافنرنس میں سابق وزیر خارجہ خورشید محمود قصوری بھی شریک ہوں گے

پاکستان کے وزیر خارجہ شاہ محمود قریشی نے بھارتی سپریم کورٹ کے کشمیر کے حوالہ سے فیصلہ پر ردعمل میں کہا کہ بھارتی سپریم کورٹ کا فیصلہ بہت بڑی کامیابی ہے،اس فیصلے سے کشمیریوں کا حوصلہ مزید بلند ہوگا،میڈیا وفد کو بھی غلام نبی آزاد کے ساتھ جانے کی اجازت ہونی چاہیے،غلام نبی آزاد کو سری نگرجا کر حقائق دنیا کے سامنے لانے ہوں گے ،پاکستان ہر محاذ پر مقبوضہ کشمیر کا معاملہ اٹھاتا رہےگا،

شاہ محمود قریشی کا مزید کہنا تھا کہ بھارتی حکومت تمام عالمی قوانین کو پامال کررہی ہے ،فیصلے پر عمل نہیں ہوتا تو بھارتی آئین درہم برہم ہوجائےگا ،

کشمیر کے حالات کو معمول پر لایا جائے، بھارتی سپریم کورٹ کا بڑّا فیصلہ

احتساب عدالت لاہور میں پیراگون ہاوَسنگ سوسائٹی کیس کی سماعت آج ہو گی

باغی ٹی وی کی رپورٹ کے مطابق احتساب عدالت لاہور میں آج خواجہ برادران کو پیش کیا جائے گا، اس موقع پر سیکورٹی کے سخت انتظامات کئے گئے ہیں، احتساب عدالت کی طرف جانے والے تمام راستے بند کیے گئے ہیں، ن لیگی کارکنان کو احاطہ عدالت سے دور روکا جائے گا، پولیس کی بھاری نفری تعینات کی گئی ہے .

گزشتہ سماعت پر احتساب عدالت نے خواجہ سعد رفیق کی بریت کی درخواست پر نیب کو نوٹس جاری کیے تھے

باغی ٹی وی کی رپورٹ کے مطابق احتساب عدالت نے نیب کو نوٹس جاری کرتے ہوئے جواب طلب کر لیا، دوسری جانب عدالت نے وکلا کی خواجہ برادران سے ملاقات کرنے کی استدعا منظور کر لی ،عدالت نے کہا کہ آپ کمرہ عدالت میں ملاقات کر سکتے ہیں ،عدالت نے حکم دیا کہ کسی کارکن کو اس دوران خواجہ برادران کے قریب نہ جانے دیا جائے ,کارکن زیادہ ہوں تو فلمیں بن جاتی ہیں اور وائرل. بھی ہوتی ہے .

خواجہ سعد رفیق کی جانب سے سابق اٹارنی جنرل اشتر اوصاف نے اپنا وکالت نامہ بھی جمع کروا دیا ،اسپیشل پراسیکیوٹرنیب علی سلطان ٹیپو نے بریت کی درخواست پر تحریری جواب جمع کروا دیا .

بے قصور ہوں، فرد جرم ختم کی جائے، سعد رفیق کی عدالت سے استدعا

خواجہ سعد رفیق نے اپنے خلاف فرد جرم ختم کرنے کی درخواست عدالت میں جمع کروا دی، انہوں نے فرد جرم میں پیرا گون سیکنڈل کے تمام الزامات کو مسترد کر دیا ،عدالت نے خواجہ برادرانکے جوڈیشل ریمانڈ میں 17 ستمبر تک توسیع کر دی

عدالت نےخواجہ برادران کی درخواست پر وکلاکو بحث کےلیےطلب کر لیا ،خواجہ سعد رفیق نے عدالت سے استدعا کر دی کہ میں بے قصور ہوں، قانون کے مطابق فیصلہ کیا جائے.

واضح رہے کہ 11 دسمبر کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد نیب نے دونوں بھائیوں کو حراست میں لے لیا تھا۔ خواجہ برادران کو پیراگون ہاؤسنگ اسکینڈل میں گرفتار کیا گیا ہے جبکہ دونوں بھائی پیراگون ہاؤسنگ اسکینڈل سمیت 3 مقدمات میں نیب کو مطلوب تھے۔

مسلم لیگ ن کے رہنما خواجہ آصف نے کہا ہے کہ شہباز شریف نے آج جیل میں نواز شریف سے ملاقات کے دوران مولانا فضل الرحمان سے ملاقات کے بارے میں بریف کیا ہے

باغی ٹی وی کی رپورٹ کے مطابق خواجہ آصف نے نجی ٹی وی کے پروگرام میں گفتگو کرتے ہوئے کہا کہ نواز شریف نے شہباز شریف کولاک ڈاون پر فضل الرحمان سے بات کرنے کوکہا تھا،شہباز شریف نےنواز شریف کوملاقات سے متعلق مختصر بریف کیا،نواز شریف کے تین وکلامشاورت کیلیے آئے ہوئے تھے،

خواجہ آصف کا مزید کہنا تھا کہ ملاقات میں 80 فیصد بات نواز شریف کی پرسوں کے ضمانت کیس پرہوئی ،نواز شریف سے ملاقات کرنے والوں میں احسن اقبال اور خواجہ آصف بھی شامل تھے

واضح رہے کہ مسلم لیگ ن کے صدر اور سابق وزیر اعلیٰ پنجاب شہباز شریف کی کوٹ لکھپت جیل میں نواز شریف سے خصوصی ملاقات ہوئی ہے جس میں‌ سياسي حکمت عملی طے کر لی گئی ہے، جیل مینویل میں‌ ملاقات کا دن جمعرات کا ہے تاہم آج خصوصی طور پر نواز شریف سے ملاقات کی گئی ہے،

باغی ٹی وی کی رپورٹ کے مطابق قومي اسمبلي ميں قائد حزب اختلاف شہباز شریف نے سابق وزیراعظم نواز شريف سے جيل ميں خصوصي ملاقات کی، اس موقع پر انہوں نے سياسی سرگرميوں اور اس حوالے سے ہونے والی ملاقاتوں سے آگاہ کيا، جمعیت علمائے اسلام کے سربراہ مولانا فضل الرحمان سے ہونے والی ملاقات اور آئندہ ماہ جمعيت علمائے اسلام کے آزادی مارچ سے متعلق لاک ڈاون سے بھي آگاہ کيا،

شہباز شريف نے مسلم ليگ ن کی سينٹرل ايگزيکٹو کميٹي کے تيس ستمبر کو اسلام آباد ميں ہونے والے اجلاس کے بارے ميں تبادلہ خيال کيا اور حکومتي رويہ اور اس کے خلاف نئي حکمت عملي بھي طے کي گئي ۔ نواز شريف نے اس حوالے سے شہباز شريف کو خصوصي ہدايت دی ہیں،

تحریک جوانان پاکستان کے چیئرمین عبداللہ حمید گل نے کہا ہے کہ کشمیر کی آزادی کے لئے عملی اقدامات کرنے ہوں گے

باغی ٹی وی کی رپورٹ کے مطابق ان خیالات کا اظہار انہوں نے تحریک جوانا ن پاکستان کے مرکزی میڈیا ایڈوائزر نسیم الحق زاہدی سے گفتگو کرتے ہوئے کیا،عبداللہ گل کا کہنا تھا کہ کشمیرکی آزادی اب صرف زبانی کلامی مذمت سے نہیں ہندوستان کی مرمت سے ہو گی، حکومت ،کشمیر کے متعلق اپنی پالیسی واضح کرے کہ وہ کشمیر کے حصول کے لیے کس حد تک جاسکتی ہے ۔ہم جنگ کے خواہشمند نہیں مگر ہم کسی صورت کمزور بھی نہیں ،

عبداللہ گل نے مزید کہا کہ بھارت سالوں سے ہماری امن کی خواہش کو ہماری کمزروری سمجھ بار بار ہم پر جنگ مسلط کررہا ہے۔پاکستان میں ہونے والی دہشت گردی کے پیچھے براہ راست بھارت ،امریکہ اور اسرائیل ملوث ہے ۔کشمیر میں مظلوم کشمیر یوں پر استعمال ہونے والا اسلحہ اسرائیلی اور امریکہ کا ہے ۔بھارت نے مظلوم کشمیریوں کو بھوک سے مارنے کا منصوبہ بناکر مسلسل کرفیو لگا رکھا ہے ۔اس وقت کشمیری مسلسل پاکستان کی طرف امید لگائے بیٹھے ہیں۔کشمیرپاکاکستان کی شہہ رگ ہے جو کہ دشمن کے نرغے میں ہے ۔اس نازک میں ہمیں ہر صورت میں کشمیر کی آزادی کے عملی اقدامات کرنے ہونگے۔

قبل ازیں انہوں نے نسیم الحق زاہدی کو ہدایات دیں کہ تحریک جوانان پاکستان کے میڈیا ونگ کو فعال کیا جائے اور اضلاع کی سطح پر میڈیا کے کوآرڈینیٹر مقرر کیے جائیں.

لاہور پریس کلب کے صدر ارشد انصاری، سینئرنائب صدر ذوالفقارعلی مہتو، نائب صدر ناصرہ عتیق، سیکرٹری زاہد عابد، جوائنٹ سیکرٹری حافظ فیض احمد، خزانچی سالک نواز اور اراکین گورننگ باڈی نے لاہور پریس کلب کے کونسل ممبر اور آپ ٹی وی کے کرائم رپورٹر مرزا رمضان بیگ اور کیمرہ مین عاصم شہزاد پر دوران ڈیوٹی ٹریفک وارڈن کی جانب سے تشدد کا نشانہ بنانے کی شدید الفاط میں مذمت کی ہے۔

باغی ٹی وی کی رپورٹ کے مطابق سینئر کرائم رپورٹر مرزا رمضان بیگ اپنے کیمرہ عاصم شہزاد کے ہمراہ گاڑیاں اٹھانے والے لیفٹروںکا پیکج بنار ہے تھے کہ ٹریفک وارڈن علی رضا ،کاشف اسسٹنٹ وارڈن نے دن دیہاڑے کیمرہ چھین کر توڑ دیا اور شدید زد کوب کیا اور ان کو تھا نہ اچھرہ لے گئے جہاں ایس ایچ او اور مہر ر نے انکے موبائل چھین کرحبس بیجا میں کافی دیر تک رکھا جیسے ہم آزادی صحافت پر حملہ سمجھتے ہیں

میڈیا میں معاشی بحران،لاہور پریس کلب کا بڑا فیصلہ، رزق فاونڈیشن کے مابین ایم او یو پر دستخط

بعدازں صحافی تنظیموں کے احتجاج پر ٹریفک وارڈن کومعطل کردیا گیا ۔ پریس کلب کی گور ننگ باڈی نے آئی جی پنجاب سے مطالبہ کیا ہے کہ عاصم شہزاد کی جا نب سے تھانہ اچھرہ میں دی جانے والی درخو است پر فی الفور قانونی مقدمہ درج کرکے ملزمان کوگرفتارکیا جا ئے بصورت دیگر ٹریفک پولیس کےخلاف شدید احتجاج کیا جائے گا ۔

صحافی کو قتل کر کے لاش کنویں میں پھینک دی گئی،لاہور پریس کلب کی مذمت

لاہور،امن و امان کی مخدوش صورتحال، صحافی کے گھر چوری کی واردات،لاہور پریس کلب کی مذمت

امیر جماعت اسلامی سینیٹر سراج الحق نے کہاہے کہ حکمران جن کو ثالث سمجھ رہے ہیں ، وہ کشمیر کو ٹکڑوں میں بانٹنے کی تیاری کر رہے ہیں ۔ ان کا فیصلہ یہ ہوگا کہ جس حصے پر بھارت کا قبضہ ہے ، وہ بھارت کا اور جس پر پاکستان کا قبضہ ہے وہ پاکستان کا حصہ ہے ۔

باغی ٹی وی کی رپورٹ کے مطابق سینیٹر سراج الحق نے لاہور میں ایک تقریب سے خطاب کرتے ہوئے کہا کہ ہم کسی قیمت پر ٹرمپ کی ثالثی قبول کریں گے نہ کشمیر کو ٹکڑوں میں بٹنے دیں گے ۔ کشمیر پاکستان کی نظریاتی ، جغرافیائی اور معاشی شہ رگ ہے ۔

سراج الحق کا کہنا تھا کہ ہمارا ایک ہی مطالبہ ہے کہ اقوام متحدہ کی قرار دادوں کے مطابق کشمیریوں کو استصواب رائے کا حق دیا جائے ۔ قوم چاہتی ہے کہ افواج پاکستان اللہ پر بھروسہ کرتے ہوئے آزادی ٔ کشمیر کے لیے آگے بڑھیں ۔ پوری قوم ان کی پشت پر ہوگی ۔تباہ حال معیشت کی وجہ سے معاشی تباہی اور بربادی کی یہی رفتار رہی تو لوگ فاقوں مرنے لگیں گے ۔

سینیٹر سراج الحق نے مزید کہا کہ حکمران بے بسی سے امریکہ و برطانیہ کی طرف دیکھ رہے ہیں ۔ حکومت اس خوش فہمی کا شکار ہے کہ کشمیرکی آزادی کے لیے امریکہ ہماری مدد کرے گا ،حالانکہ ٹرمپ مسئلہ کشمیر کو عالمی مسئلہ تسلیم کرنے کے لیے بھی تیار نہیں ۔

امیر جماعت اسلامی کا مزید کہنا تھا کہ اسمبلیوں میں موجو د جماعتیں اپنے لیڈروں کی رہائی کے لیے تو احتجاج کرتی ہیں مگر کشمیرکی آزادی کے لیے باہر نکلنے کو تیار نہیں ۔ کشمیر کا مسئلہ پاکستان کا مسئلہ ہے اور کشمیر کا مقدمہ پاکستانی قوم کو لڑناہے ۔ کشمیر کی آزادی کا واحد راستہ جہاد ہے ۔ ہم کشمیر کو پاکستان کا حصہ دیکھنا چاہتے ہیں اگر حکومت نے کشمیر کی آزادی پر کوئی سودے بازی کرنے کی کوشش کی تو انہیں اسلام آباد میں بھی چھپنے کی جگہ نہیں ملے گی ۔

سینیٹر سراج الحق کا کہنا تھا کہ جماعت اسلامی اور پوری پاکستانی قوم کشمیریوں کے ساتھ کھڑی ہے،حکومت اقوام متحدہ سےمقبوضہ کشمیرمیں امن فوج تعینات کرنے کا مطالبہ کرے،کشمیری پاکستان کی بقا، سالمیت اور تکمیل کی جنگ لڑرہے ہیں،جب تک کشمیر آزاد نہیں ہوجاتا ہماری جدوجہد جاری رہے گی.

سراج الحق کا مزید کہنا تھا کہ حکومت پاکستان شملہ معاہدے کا خاتمہ کرے، ہمارے لوگ مر رہے ہیں اور آپ تماشا دیکھ رہے ہیں، لیکن یہ مت بھولیں امت جاگ رہی ہے، اگر یہ لڑائی سرینگر میں نہ لڑی گئی تو پھر یہ لڑائی مظفر آباد اور اسلام آباد میں لڑنی پڑے گی، انہوں نے کہا کہ پاکستان کی حکومت شملہ معاہدے کے خاتمے کا اعلان کرے اور آزاد کشمیر کی قانون ساز اسمبلی میں کشمیری مجاہدین کونمائندگی دی جائے جو حکمت عملی تیار کریں ۔ سراج الحق کا مزید کہنا تھا کہ مودی اپنے ملک کیلئے کام کرتاہے اور ہمارے حکمران ہیں کہ اسلام آباد میں ائیر کنڈیشنڈ کمروں میں بیٹھے ہیں لیکن اب فیس بک کا جہاد نہیں چلے گا ، ہمیں عملی طور پر آگے بڑھنا پڑے گا ، حکومت بارڈر اور ایل او سی پر لگائی ہوئی باڑ ختم کرے ۔حکومت کی کارکردگی جیسی ہونی چاہئے ، ویسی نہیں ہے