پاکستان یونائیٹڈ کونسل کے چیرمین ڈاکٹر عبدالغفور راشد کی زیرصدارت پریس کلب میں منعقد ہونے والے "ارض حرمین پر حملے اور ہماری ذمہ داریاں” سیمینار سے خطاب کرتے ہوئے مقررین نے واضح کیا کہ سعودی عرب پر حوثی باغیوں کے حملے عالم اسلام اور عالمی معیشت پر حملہ ہے۔ او آئی سی کا فی الفور اجلاس مکہ مکرمہ میں طلب کیا جائے۔ عسکری اور پارلیمانی قوتیں سعودی عر ب کے دفاع کے لئے غیر مشروط اعلان کریں۔ سعودی عرب کے تحفظ کے لئے ہر کلمہ گو جان کا نذرانہ پیش کرنے کے لئے تیار ہے۔ عالم اسلام مقدس سرزمین کے تحفظ کے لئے متحد ہے۔

ڈاکٹر عبدالغفور راشد نے خطاب کرتے ہوئے کہا کہ سعودی عرب کی آئل ریفائنری پر حملہ پوری امت اور عالمی معیشت پر حملہ ہے۔ہمارے دل حرمین شریفین کے ساتھ دھڑکتے ہیں۔ ایک سازش کے تحت حوثیوں کو یمن میں کھڑا کیا گیا۔عالم اسلام مقدس سرزمین کے تحفظ کے لئے متحد ہے۔ سعودی عرب ہمارے ایمانی مراکز حرمین شریفین کی مقدس سرزمین ہے، اس کی حفاظت کو اپنے غیر متزلزل ایمان کا حصہ سمجھتے ہیں ۔سعودی عرب نے پاکستان کے ہر مشکل وقت میں مدد کی ہے سفارتی سطح پر مسئلہ کشمیر بھی ہمیشہ پاکستانی کی حمایت سعودی عرب کرتا رہا ہے۔ یہ مالی امداد اور لاکھوں پاکستانیوں کو روزگار فراہم کرنے والا ملک بھی ہے۔

نائب امیر جماعت اسلامی لیاقت بلوچ نے کہا کہ یمن میں حوثی باغیوں کی پشتی بانی کو مشرق وسطیٰ میں تباہی کے لیے استعمال کیا جارہا ہے۔حوثی باغیوں کو داعش اور طالبان کی طرح استعمال کیا جارہا ہے ۔ سعودی عرب پر حملہ عالم اسلام پر حملہ ہے ۔ نوجوان قیادت محمد بن سلمان کے خلاف سازشیں کھڑی کی جارہی ہیں۔ سعودی عرب پر حملے کی مذمت کرتے ہیں۔ سعودی عرب کو زیر کرنا عالم اسلام کی تباہی ہوگی۔ خلیج میں نئی جنگ مسلط کرنے کی تیاریاں کی جارہی ہیں۔ حرمین کا تحفظ بنیادی ذمہ داری سمجھتے ہیں۔ عالم اسلام کے مسائل کا حل درد مشترک اور قدر مشترک کی بنیاد پر اتحادامت ہے ۔ امریکہ مذاکرات سے فرار اختیار کر کے افغانستان میں جنگ جاری نہیں رکھ سکتا۔

مختلف قراردادیں منظور کرتے ہوئے عالم اسلام کے اتحاد پر زوردیتے ہوئے مطالبہ کیا گیا کہ ارض حرمین شریفین پر حملوں، کشمیر وفلسطین پر ریاستی مظالم اور اردن کو ہڑپ کرنے کی تیاریوں کے خلاف او آئی سی کا اجلاس مکہ مکرمہ میں فی الفور طلب کیا جائے۔جس میں عالم اسلام کے سلگتے مسائل پر لائحہ عمل تیارکیا جائے ۔سیمینار سے مفتی عاشق بخاری، مفتی انتخاب نوری،مولانا مخدوم عاصم ، ہشام الٰہی ظہیر ٰاور دیگررہنماوں نے بھی خطاب کیا۔ 

آئی جی پنجاب نے چونیاں واقعے پر6رکنی تحقیقاتی کمیٹی تشکیل دے دی

باغی ٹی وی کی رپورٹ کے مطابق کمیٹی میں ڈی پی او قصور،ایس پی انویسٹی گیشن اورایس پی قدوس شامل ہیں،کمیٹی تین روز میں ابتدائی رپورٹ آئی جی پنجاب کو پیش کرے گی

دوسری جانب چونیاں میں افسوس ناک واقعے پر مرکزی انجمن تاجران نے ہڑتال کااعلان کر دیا،کہا قاتلوں کی گرفتاری تک ہڑتال جاری رہے گی.

واضح رہے کہ چونیاں کے مختلف مقامات سے اغوا3 بچوں کی لاشیں کھنڈرات سے برآمد ہوئی ہیں

باغی ٹی وی کی رپورٹ کے مطابق تینوں بچوں کو زیادتی کے بعد بے دردی سے قتل کیا گیا،پولیس کے مطابق اغواہونے والے3بچوں میں ایک کی لاش اور2کی کھوپڑیاں ملی ہیں،اغوا اورقتل ہونے والوں میں فیضان،علی حسنین اور سلمان شامل ہیں.

گزشتہ رات اغواء ہونے والے 8 سالہ بچے فیضان کی لاش بھی برآمد ہوئی ہے، لاش چونیاں انڈسٹریل اسٹیٹ کی دیوار سے باہر مٹی کے ٹیلے سے ملی .

تین بچوں کی لاشیں ملنے پر علاقہ بھر میں خوف و ہراس پھیل گیا

دو ماہ میں تین بچے لا پتہ ہو گئے تھے جسے پولیس تا حال تلاش نہ کر پائی ،ایک بچہ رات کو اغوا ہوا، اب تین کی لاشیں مل گئی ہیں.بچوں کے اغوا کے واقعات کے خلاف اہلیان علاقہ نے احتجاج کیا تھا اور سڑک بھی بند کی تھی لیکن حکام ٹس سے مس نہ ہوئے،

بچوں کے اغوا کے بڑھتے واقعات سے سکولوں کے طلبا‌ خوف وہراس میں مبتلا ہیں،

امیر جماعت اسلامی سراج الحق نے کہا ہے کہ ہم شہری توپاکستان کےہیں مگرحکومت نےآئی ایم ایف کاغلام بنادیا ہے،

باغی ٹی وی کی رپورٹ کے مطابق سراج الحق نے کہاکہ حکومت آئی ایم ایف کےکہنےپرعوام پرمہنگائی کےکوڑےبرسارہی ہے، معاشی اصلاحات کےنام پرلوگوں کوکنگال کیاجارہاہے،آئےروزایک نیابجٹ آرہاہے، اشیائےضرورت کی قیمتوں میں اضافےنےعوام کی قوت خریدختم کردی ہے، مہنگائی کی ٹرین بےقابواورحکمران پٹری سےاترگئےہیں،

سراج الحق نے کہاکہ حکومت کومہنگائی اوربےروزگاری کےخلاف ٹھوس اقدامات کرنا ہوں گے،

مسلم لیگ ن کے صدر شہبازشریف نے چوہدری شجاعت حسین کے بیٹے چوہدری سالک حسین سے ٹیلی فون پر رابطہ کیا ہے،

باغی ٹی وی کی رپورٹ کے مطابق شہباز شریف نے ٹیلیفونک گفتگو کے دوران چوہدری شجاعت حسین کی خیریت دریافت کی، اس دوران انہوں نے چودھری شجاعت حسین کے روبہ صحت ہونے پر اطمینان کا اظہار کیا، شہباز شریف نے چوہدری سالک حسین سے رابطہ کے دوران چودھری شجاعت حسین کی مکمل صحت یابی کی دعا کی،

چودھری سالک حسین نے شہباز شریف کو چوہدری شجاعت حسین کی صحت اور علاج سے متعلق آگاہ کیا، واضح رہے کہ چوہدری شجاعت حسین علاج کے سلسلے میں ان دنوں برطانیہ میں ہیں اور علاج کروا رہے ہیں،

ریسکیو 1122 میں بدعنوانی اور غیر قانونی بھرتی کیس کے حوالہ سے پنجاب اسمبلی میں ڈاکٹر رضوان نصیر کے خلاف تحریک التوا جمع جمع کروا دی گئی

باغی ٹی وی کی رپورٹ کے مطابق تحریک التوا دو خواتین ممبر صوبائی اسمبلی سعدیہ سہیل رانا اور سمیرا احمد نے جمع کرائی ،سعدیہ سہیل رانا کی تحریک التوا میں کہا گیا ہے ڈاکٹر رضوان نصیر کو نومبر 2018 میں چارج شیٹ کیا گیا ،چارج شیٹ میں واضح کہا گیا ڈاکٹر رضوان نصیر نے سابق وزیراعلی پنجاب شہباز شریف کے ساتھ مل کر غیر قانونی بھرتیاں اور غیر قانونی خریدوفروخت کیں .

پنجاب اسمبلی اجلاس، بھارت کے خلاف قرارداد منظور

سعدیہ سہیل نے کہا کہ ٹرانسپیرنسی انٹر نیشنل کی رپورٹ میں بھی ڈاکٹر رضوان نصیر کو بدعنوان کہا گیا ہے، بدعنوانی کے سرٹیفیکیٹ ملنے اور جرم ثابت ہونے کے باوجود ڈی جی اینٹی کرپشن ڈاکٹر رضوان نصیر کو گرفتار کرنے سے گریزاں کیوں ہیں؟

پنجاب اسمبلی اجلاس، حمزہ شہباز کے پروڈکشن آرڈر کی درخواست مسترد

ایم پی اے سمیر احمد کی تحریک التوا میں کہا گیا کہ رضوان نصیر اور شہباز شریف نے ملی بھگت سے 56 کروڑ 88 لاکھ کی جعلی ادویات خریدیں ، اینٹی کرپشن کی اپنی انکوائری میں ڈرگ کنٹرول انسپکٹر نے اس گھناؤنے کھیل سے پردہ اٹھایا ہے . ڈرگ کنٹرول انسپکٹر نے لکھا کہ ان جعلی ادویات سے کتنی قیمتی جانیں ضائع ہوئیں، وہ نہیں جانتے، یہ ادویات احمد میڈیکس ، کائن کرافٹ اور مادیما انٹر پرائیزر سے خریدی گئیں، ڈاکٹر رضوان نصیر کا جرم ثابت ہونے کے باوجود ڈی جی اینٹی کرپشن ڈاکٹر رضوان نصیر کو گرفتار کرنے سے گریزاں کیوں ہیں؟

مودی حکومت کی طرف سے عدنان سمیع پر جرمانہ عائد ، مبشر لقمان کی دلچسپ ٹویٹ
انڈین گورنمنٹ نے 8 فلیٹ بغیر مناسب قانونی کارروائی کے خریدنے پہ 50 لاکھ انڈین روپے جرمانہ کیا ھے اور سمیع نے 10 لاکھ جمع کروا دیا، اس خبر پر معروف اینکر اور سینئر صحافی مبشر لقمان نے دلچسپ ٹویٹ کرتےہوئے کہا ہے کہا کہ میجر عدنان سمیع کو اپنے ملک کے لیے خدمات انجام دینے پر سزاد دی جا رہی ہے ،امید کی جاتی ہے کہ یہ جرمانہ عدنان سمیع کو اپنی مادر وطن کے لیے خدمات انجام دینے کی راہ میں حائل نہیں ہوگا،
واضح رہے کہ معروف سنگر عدنان سمیع پاکستانی نژاد ہے اور ایک طویل عرصے سے بھارت میں‌مقیم ہے، عدنان سمیع بھارت کی شہریت حاصل کرنے کے لیے بہت جتن کیے ہیں حتی کہ پاکستان اور ریاست پاکستان کے خلاف کئی بار منفی باتیں کی ہیں اور پاکستان کی کردار کشی کرنے میں‌کوئی کسر نہیں‌چھوڑی ، جس کا مقصد بھارت سرکار اور جنونی ہندوؤں کو خوش کرنا اور بھارتی شہریت حاصل کرنا تھا.بھارتی شہریت تو مل گئی ،لیکن اس کا مول بہت زیادہ ادا کرنا پڑ رہا ہے .
پاکستان کے خلاف بولنے کے باوجود عدنان سمیع کو بھارت کے ہندو شک کی نگاہ سے دیکھتے ہیں اور اسے پاکستانی ایجنسی آئی ایس آئی کا ایجنٹ قرار دیتے ہیں.

Major Adnan Sami is being punished for his services to his home country. These fines will not stop or deter him from his duty to his motherland. Thank you Major https://t.co/qG1KFHZeT0

— Mubasher Lucman (@mubasherlucman) September 17, 2019

گورنر پنجاب چودھری سرور نے کہا ہے کہ میڈیا مسئلہ کشمیرکو اجاگر کرنے میں اہم کردار ادا کر سکتا ہے

باغی ٹی وی کی رپورٹ کے مطابق تحریک انصاف پنجاب کے زیر اہتمام مقامی ہوٹل میں کشمیر کانفرنس سے خطاب کرتے ہوئے گورنر پنجاب چودھری سرور نے کہا کہ کشمیرکا مسئلہ 20 کروڑلوگوں کومتحد کرتا ہے ،جو ظلم کشمیر میں ہو رہا ہے وہ ہٹلر سے بھی زیادہ ہے،انسانی حقوق کے ادارے کہہ رہے ہی کشمیریوں پر ظلم ہو رہا ہے،

گورنر پنجاب کا مزید کہنا تھا کہ میڈیا مسئلہ کشمیرکو اجاگر کرنے میں اہم کردار ادا کر سکتا ہے،اوورسیز پاکستانیوں سے اپیل کرتا ہوں وہ مسئلہ کشمیر پر مل کر لابی کریں،کشمیر کا مسئلہ بین الاقوامی سطح پر اجاگر کرنے کی ضرورت ہے،ایک کتابچہ تیار کروائیں جس میں بھارتی جرائم کی داستان موجود ہو،اگلے چند ہفتوں میں مختلف ممالک کا دورہ کر کے کشمیر کا مسئلہ دنیا کے سامنے رکھوں گا،

قبل ازیں وزیر خارجہ شاہ محمود قریشی نے تحریک انصاف پنجاب کے زیر اہتمام لاہو رکے مقامی ہوٹل میں کشمیر کانفرنس سے خطاب کرتے ہوئے کہا کہ ہماری مستقبل کی حکمت عملی کیا ہونی چاہئے، ہمارے پاس آپشن کیا ہیں اور ہم کیسے آگے بڑھ سکتے ہیں، پانچ اگست کو جو سانحہ رونما ہوا، وزیراعظم عمران خان نے ہنگامی بنیادوں پر پارلیمان کا مشترکہ اجلاس بلایا جس میں متفقہ قرارداد پاس کی گئی جس کا مقصد پیغام دینا تھا کہ کشمیر کے مسئلہ پر قوم ایک ہے، اس کے بعد ہم نے کوشش کی اس مسئلہ کو آگے لے کر گئے،سیکورٹی کونسل سے رجوع کیا گیا جس میں کشمیر کا مسئلہ آج بھی موجود ہے، سیکورٹی کونسل میں 54 سال بعد کشمیر کا مسئلہ زیر بحث آیا، ہم کشمیر پر بات کرتے رہتے تھے، برہان وانی کو 2016 میں شہید کیا گیا، اس عرصے میں جو ظلم ہوتا رہا کسی سے چھپا نہیں، اب کشمیر کا مسئلہ انٹرنیشنلائیز ہو گیا ہے جو کہ حوصلہ افزا ہے .

مریم نواز کو الیکشن کمیشن سے ملی بڑی خوشخبری، اہل قرار

وزیر خارجہ شاہ محمود قریشی نے مزید کہا کہ اگر روس ،برطانیہ، امریکہ لچک نہ دکھاتے تو سلامتی کونسل کی نشست نہیں ہو سکتی تھی، ہم نے چین کو ساتھ ملایا تا کہ کوئی رکاوٹ کھڑی نہ ہو. چین نے سلامتی کونسل میں پاکستان کی وکالت کی ،اقوام متحدہ کے سیکرٹری جنرل کا بیان آیا کہ کشمیر کے مسئلے کا حل قراردادوں کے مطابق ہونا ہے یہ بہت بڑی کامیابی تھی، ہماری کوشش تھی کہ او آئی سی کو متحرک کیا جائے، آج اس کو متحرک کرنا آسان نہیں، او آئی سی نے مسئلہ فلسطین سے جنم لیا اور فلسطین کے ساتھ کیا ہوا؟ کل او آئی سی کا ہنگامی اجلاس ہوا، جس میں کشمیر و فلسطین پر بات کی گئی، او آئی سی کے رکن ممالک میں بھی اختلافات موجود ہیں.

بھارتی آرمی چیف کا بیان گیدڑ بھبکیاں ہیں، شاہ محمود قریشی

وزیر خارجہ کا مزید کہنا تھا کہ آج دنیا مطالبہ کر رہی ہے کہ کشمیر سے کرفیو فوری اٹھایا جائے ،58 ممالک نے جنیوا میں‌پاکستان کے موقف کی تائید کی، مقبوضہ کشمیر میں کرفیو نافذ ہے، عید کی نماز، جمعہ کی نماز ادا نہیں کرنے دی جاتی، تعلیمی ادارے بند ہیں، ہیومن رائٹس آرگنائیزیشن نے کشمیر کا مسئلہ اٹھایا، بھارت نے چالاقی سے تحریک آزادی کو دہشت گردی کا نام دیا

کشمیر بنے پاکستان، ہندو برادری کے نعروں سے بھارت ہوا پریشان

شاہ محمود قریشی کا آئس لینڈ کے وزیر خارجہ سے رابطہ، کشمیر پر بات چیت

شاہ محمود قریشی کا مزید کہنا تھا کہ کشمیر بھارت کا اندرونی معاملہ نہیں،دنیا نے بھی بھارت کے موقف کی تردید کی، آج یورپی یونین کے اجلاس کے ایجنڈے میں کشمیر شامل ہے، تاریخ میں پہلی بار یورپی یونین میں کشمیر کا مسئلہ زیر بحث آئے گا،وزیراعظم نے مظفرآباد میں بڑا اجتماع کرکے دنیا کو پیغام دیا،وزیراعظم نے پیغام دیا مودی سرینگر میں جلسہ کر کے دکھائے ،مودی سرکار کے اقدامات پر بھارت بھی تقسیم ہوچکا ہے،بھارتی اقدامات کے خلاف بھارتی سپریم کورٹ میں 14درخواستیں دائرہیں،