جمعیت علماء اسلام کے سربراہ مولانا فضل الرحمان نے حکومت کا گھیراؤ کرنے کے لئے چندہ مہم شروع کر دی، حسب استطاعت چندہ دیا جا سکتا ہے
باغی ٹی وی کی رپورٹ کے مطابق مولانا فضل الرحمان اکتوبر میں اسلام آباد کی جانب لانگ مارچ کی تیاریاں کر رہے ہیں، 18 ستمبر کو اس ضمن میں جے یو آئی نے اجلاس طلب کر رکھا ہے جس میں لانگ مارچ کی تاریخ کا اعلان کیا جائے گا،
مولانا فضل الرحمان نے لانگ مارچ کو کامیاب بنانے کے لئے جہاں سیاسی جماعتوں سے رابطے شروع کر دئیے وہیں کارکنان سے چندے کی اپیل بھی کر دی، مولانا فضل الرحمان کی جانب سے چندے کی اپیل کے بعد کارکنان نے بڑی تعداد میں چندہ جمع کروانا شروع کر دیا ہے .چندے کو آزادی فنڈ کا نام دیا گیا ہے جس کے لئے باقاعدہ رسیدیں چھپوا دی گئیں ،
آزادی مارچ کے لئے چھپوائی گئی رسیدیں مختلف قسم کی ہیں ہر صوبے میں الگ ڈیزائن اور الگ رنگ کی رسیدیں ہیں. کراچی والوں کے لئے شرط رکھی گئی ہے کہ وہ کم از کم 500 وپے چندہ دیں گے ، کراچی کے لئے بنائی گئی رسید پر 500 روپے لکھے گئے ہیں،
مولانا کا آزادی مارچ، مولانا متحرک، رابطے، ملاقاتیں شروع
خیبر پختونخواہ والوں کو خصوصی رعایت دی گئی ہے اگر کوئی دس روپے بھی دینا چاہے تو دے سکتا ہے وہ بھی آزادی مارچ کے لئے قبول ہوں گے، خیبر پختونخواہ کے لئے بنائی گئی رسیدوں میں رقم درج نہیں بلکہ جو جتنی دے گا اتنی لکھی جائے گی، جعمیت علماء اسلام ف کے کارکنان نے چندہ جمع کروانا شروع کیا تو ساتھ رسیدیں بھی سوشل میڈیا پر وائرل کرنا شروع کر دیں، باغی ٹی وی کو موصول ہونے والی آزادی فنڈ کی رسیدوں میں سے ایک رسید پر 100 روپے کا فنڈ درج ہے جو لکی مروت کے محمد عبداللہ نے دیا ہے.
مولانا کا آزادی مارچ،ملک کے بڑے سجادہ نشین نے کی حمایت
پیپلز پارٹی کے چیئرمین بلاول زراری نے مولانا کو دھوکا دیا اور لانگ مارچ میں شمولیت کی بجائے ملک بھر میں رابطہ مہم چلانے کا اعلان کیا تو مولانا فضل الرحمان نے گزشتہ روز شہباز شریف سے رابطہ کیا اور لانگ مارچ میں شمولیت کی درخواست کی ، شہباز شریف نے مولانا کو یقین دہانی کروائی کہ پارٹی رہنماؤں سے مشاورت کے بعد کوئی فیصلہ کریں گے.
بلاول نے دیا مولانا فضل الرحمان کو دھوکہ
مولانا فضل الرحمان سے پہلے دے گی پیپلز پارٹی دھرنا.اعلان کر دیا
گزشتہ روز پارلیمنٹ کے مشترکہ اجلاس کے بعد میڈیا نےجب شہباز شریف سے مولانا فضل الرحمان کے آزادی مارچ میں شرکت کے حوالہ سے سوال کیا تو شہباز شریف نے جواب دینے کی بجائے کہا کہ اس پر بعد میں بات کریں گے.
لانگ مارچ، اپوزیش کا جواب، مولانا نے سجادہ نشینوں سے مانگی مدد
مولانا فضل الرحمان نے اسلام آبا دکی جانب لانگ مارچ کا اعلان تو کر دیا لیکن اب وہ بند گلی میں پھنس چکے ہیں، سیاسی جماعتیں مولانا کے لانگ مارچ سے الگ ہو رہی ہیں، مولانا متحرک ہو چکے ہیں کہ کسی طرح لانگ مارچ کامیاب ہو لیکن یہ آنے والا وقت بتائے گا کہ آزادی مارچ میں مولانا فضل الرحمان کی قیادت میں کتنا دم ہو گا، مولانا آزادی مارچ سے نتائج حاصل کر لیں گے یا پھر پرانی تنخواہ پر کام کریں گے.
مولانا فضل الرحمان کے لانگ مارچ کے حوالہ سے وزیر داخلہ اعجاز شاہ کہہ چکے ہیں کہ فضل الرحمان نےاسلام آباد کی طرف پیش قدمی کی تو لوگ انھیں خود روک لیں گے ، وفاقی وزیر داخلہ کا کہنا تھا کہ جو قانون کے دائرے میں رہ کر احتجاج کریں گے ان کو سہولیات دی جائیں گے ، کیٹینر اور پانی بھی فراہم کریں گے لیکن اگر قانون ہاتھ میں لیا گیا تو روکیں گے.
اپوزیشن جماعتوں کی اے پی سی میں اسلام آباد کی جانب لانگ مارچ کا فیصلہ تو ہوا لیکن اب اپوزیشن جماعتیں مولانا کا ساتھ دینے کو تیار نظر نہیں آ رہی، اگر اپوزیشن جماعتوں نے ساتھ نہ بھی دیا تو مولانا فضل الرحمان اکیلے اپنے کارکنان کے ساتھ نکلیں گے اور یقینی طورپر تاریخی مارچ کریں گے، اس سے قبل مولانا فضل الرحمان ملک بھر میں ملین مارچ کر رہے ہیں، کراچی، سکھر لاہور سمیت مختلف شہروں میں ان کے پروگرام منعقد ہو چکے ہیں.
آزادی مارچ، مولانا فضل الرحمان گرفتار ہوئے تو قیادت کون کرے گا؟ اہم خبر
مولانا فضل الرحمان پندرہ برس بعد کشمیر کمیٹی کے چیئرمین سے ہٹائے گئے کیونکہ وہ 2018 کا الیکشن ہار گئے تھے. الیکشن ہارنے کے بعد مولانا نے تحریک انصاف کی حکومت کو تسلیم کرنے سے انکار کرتے ہوئے احتجاجی تحریک کی دھمکی دی تھی جو ابھی تک جاری ہے.
مولانا فضل الرحمن کی کشمیر کمیٹی نے کتنے کروڑ خرچ کئے؟ فواد چوہدری نے بڑا دعویٰ کر دیا
واضح رہے کہ مقبوضہ کشمیر کی خصوصی حیثیت ختم کئے جانے کے بعد سے مولانا فضل الرحمن کی جانب سے کشمیر کے حوالہ سے کوئی مضبوط کردار دیکھنے میں نہیں آیا ہے حالانکہ وہ کشمیر کمیٹی کے متعدد مرتبہ چیئرمین رہ چکے ہیں اور ان کی وزارت پر کروڑوں روپے کے اخراجات آتے رہے ہیں، سوشل میڈیا پر لوگوں کی طرف سے اس بات پر سخت تنقید کی جارہی ہے کہ وہ کشمیر کیلئے کو کچھ کر نہیں رہے، جمعہ کے دن یوم یکجہتی کشمیر کے موقع پر بھی انہوں نے خاموشی اختیار کئے رکھی لیکن حکومت کے خلاف وہ اسلام آباد کی طرف مارچ کرنے اور دھرنا دینے کیلئے بے تاب نظر آتے ہیں،
کشمیر پر خاموشی اور حکومت کیخلاف دھرنے کا اعلان، مولانا فضل الرحمن کو تنقید کا سامنا
