Category: شوبز

معروف ٹی وی میزبان اور اداکارہ فضا علی کی لائیو شو کے دوران شوہر کے ساتھ ایک ویڈیو سوشل میڈیا پر وائرل ہو رہی ہے جس پر صارفین کیجانب سے شدید ردعمل سامنے آیا ہے۔

سوشل میڈیا پر وائرل ہونے والی ایک ویڈیو میں دیکھا جا سکتا ہے کہ لائیو شو کے دوران فضا علی کے شوہر انہیں کندھوں پر اٹھا لیتے ہیں اس منظر کے بعد سوشل میڈیا صارفین کی بڑی تعداد نے اس عمل کو نامناسب قرار دیتے ہوئے سخت تنقید کی ہے،ناقدین کا کہنا ہے کہ براہِ راست نشریات میں اس نوعیت کا عمل ضابطہ اخلاق کے منافی ہے متعدد صارفین نے پاکستان الیکٹرانک میڈیا ریگولیٹری اتھارٹی (پیمرا) سے مطالبہ کیا ہے کہ وہ اس معاملے کا نوٹس لے اور مناسب کارروائی کرے۔

جہاں صارفین نے وائرل ویڈیو پر فضا علی کو آڑے ہاتھوں لیا وہیں رہنما مسلم لیگ ن حنا پرویز بٹ نے بھی شدید ردعمل دیا ہے،ایکس پر حنا پرویز بٹ نے فضا علی پر تنقید کرتے ہوئے کہا کہ نیشنل ٹی وی پر ایک خاتون اینکر اور ان کے شوہر نے اپنی بیٹی کے سامنے جس طرز عمل اور چھچھور پن کا اظہار کیا وہ افسوسناک ہے۔

ان کا کہنا تھا کہ ایسا طرزِ عمل نابالغ بچوں کے سامنے گھر میں دہرانا بھی غیر اخلاقی ہے کجا کہ اسے کروڑوں ناظرین کے سامنے ٹی وی پر دکھایا جائے، بڑوں کو اچھے اخلاق اور وضع داری کا مظاہرہ کرنا چاہیے تاکہ بچے اور نوجوان نسل کچھ بہتر سیکھ سکیں،غیر اخلاقی، بچکانہ اور چھچھوری حرکتوں سے ینگسٹرز کے ذہنوں پر برا اثر پڑتا ہے۔ پھر ہم کہتے ہیں کہ آج کل کی نوجوان نسل اخلاقی گراوٹ کی شکار کیوں ہو رہی ہے۔

صحافی رؤف کلاسرا کا کہنا تھا کہ پیمرا کو آشا جی کے انتقال پر جیو ٹی وی کی طرف سے آن ائر کیے پیکج پر اتنا دکھ اور افسوس ہوا ہے کہ نوٹس لے کر بلا لیا ہے کہ اتنی جرات ہماری سلامتی خطرے میں ڈال دی ہے۔ باقی ہمارے ملک میں مارننگ شوز جو کمال کرتے رہیں ان پر انہیں نہ اعتراض ہے کوئی ایشو۔ یہ سب اپنے جو ہوئے-

ڈاکٹر عمر عادل حالیہ دنوں میں وہ اداکارہ نرگس کے حوالے سے اپنے بیان کی وجہ سے خبروں کی زینت بنے ہوئے ہیں،میزبان و اداکارہ فضا علی کے شو میں انہوں نے اپنے بیان کی وضاحت پیش کی۔

میزبان فضا علی نے شو کے دوران ڈاکٹر عمر عادل سے نرگس کے رقص کو روحانیت سے جوڑنے کے حوالے سے سوال کیا اور حیرت کا اظہار کرتے ہوئے کہا کہ ایک پڑھے لکھے شخص کی جانب سے ایسا بیان کیسے دیا جا سکتا ہے اس پر ڈاکٹر عمر عادل نے مؤقف اختیار کیا کہ وہ ایک مہذب انسان ہیں اور ان کا مطلب یہ ہرگز نہیں تھا کہ تھیٹر میں ہونے والے تمام رقص درست ہیں ان کے مطابق وہ صرف نرگس کے حوالے سے بات کر رہے تھے اور انہوں نے اس کے انداز میں روحانیت محسوس کی۔

انہوں نے کہا کہ وہ ہر رنگ اور ہر وجود میں روحانیت دیکھنے کی صلاحیت رکھتے ہیں اور اگر کوئی شخص ایسا محسوس نہیں کر سکتا تو یہ اس کی سوچ کا فرق ہے اور آپ نے وہ سنا جو آپ سننا چاہتی ہیں، میں تو اپنی بات پر قائم ہوں کہ میں نے جو پرفارمنس دیکھی وہ عمدہ تھیں اور مجھے خوبصورت چیز دیکھ کر خدا یاد آتا ہے، رقص کرنے والی خواتین کو موردِ الزام ٹھہرانے کے بجائے اصل ذمہ داری ان افراد پر عائد ہوتی ہے جو ایسے پروگرامز میں شرکت کرتے ہیں مجھے اپنی رائے کے اظہار کا حق حاصل ہے اور میں نے صرف اپنی ذاتی رائے پیش کی ہے۔

واضح رہے کہ ڈاکٹر عمر عادل نے نرگس کی پرفارمنس کی تعریف کرتے ہوئے کہا تھا کہ کہتے ہیں ڈانس میں فحاشی نہیں ہوتی آپ کی نظر میں فحاشی ہو گی میں بہت گناہ گار انسان ہوں لیکن نرگس کا ڈانس دیکھ کر آنسو آ جاتے تھے وہ پرفارمنس ہی اس قسم کی دیتی تھیں، حسین چیز میں رب دکھنا چاہیے، ان کے گیتوں کے بول جو ہمیں سمجھ آتے ہیں آپ اپنی توجہ درست سمت میں رکھیں، جس پر کئی صارفین نے ڈاکٹر عمر عادل کے بیان پر تنقید کی۔

پاکستانی شوبز انڈسٹری کی معروف اداکاراؤں دیدار اور ریشم کے درمیان جاری لفظی تنازع نے شدت اختیار کر لی ہے جبکہ دیدار کا ریشم سے معافی مانگنے سے انکار کر دیا ہے-

حال ہی میں دیدار نے ایک ٹی وی شو میں گفتگو کرتے ہوئے ریشم کو شدید تنقید کا نشانہ بنایا انہوں نے کہا کہ ریشمم حقیقی زندگی میں بھی منفی رویوں کی حامل ہیں اور کئی لوگوں کی زندگیاں تباہ کر چکی ہیں،دیدار کے ان الزامات کے بعد ریشم نے خاموشی توڑتے ہوئے ردعمل دیا۔ انہوں نے براہِ راست نام لیے بغیر کہا کہ کچھ لوگ ان کے فلاحی کاموں، خصوصاً لنگر کی سرگرمیوں سے حسد کرتے ہیں، بعض افراد اپنی الگ شناخت بنانے میں ناکام رہتے ہیں اور دوسروں کے حوالے سے پہچانے جاتے ہیں، معاملہ اس حد تک سنگین ہوگیا کہ صوبائی وزیرعظمیٰ بخاری کو مداخلت کرنا پڑی۔

انہوں نے دونوں اداکاروں کو ایک دوسرے کے خلاف نازیبا زبان استعمال کرنے سے منع کیا اور خاص طور پر دیدار سے معافی مانگنے کو کہا،صوبائی وزیر نے ریشم کے فلاحی کاموں کی تعریف کرتے ہوئے کہا کہ کسی خاتون کے کردار پر بات کرنا اور خاص طور پر ان کی نیازوں کو تنقید کا نشانہ بنانا اخلاقیات کے دائرے سے باہر ہے اور اللہ کو بھی ناپسند ہے۔

ریشم نے عظمیٰ بخاری کی حمایت پر ان کا شکریہ ادا کیا اور کہا کہ ایسے دوست نعمت ہوتے ہیں،دوسری جانب دیدار نے اس پر ردعمل دیتے ہوئے واضح کیا کہ وہ کسی دباؤ میں آ کر معافی نہیں مانگیں گی اور انہیں کوئی زبردستی اس بات پر مجبور نہیں کر سکتا۔

انہوں نے انسٹاگرام اسٹوری پر ایک ویڈیو شیئر کرتے ہوئے ریشم کے ماضی پر کڑی تنقید کی ، انہوں نے ریشم کی جانب اشارہ کرتے ہوئے کہا کہ وہ آج میرا نام لینا بھی پسند نہیں کرتے، لیکن ایک وقت تھا جب وہ میرے ساتھ ہی اٹھتے بیٹھتے تھے میرے گھر آتے، یہیں سوتے، یہیں ناشتہ کرتے، دوپہر اور رات کا کھانا بھی میرے ساتھ ہی کھاتے تھے،وہ مجھے کسی بھی وقت کال کر لیتے تھے، کبھی کبھی تو مجھ سے پہلے ہی میرے گھر پہنچ جاتے تھے،آج ہم ہی انہیں برے لگنے لگے ہیں اگر وہ ایسا سوچتے ہیں تو یہ ان کی اپنی سوچ ہے، میں کچھ نہیں کہہ سکتی،حقیقت سب کے سامنے خود آ جائے گی اور آدھے لوگ تو پہلے ہی سچ جانتے ہیں۔

فلم ’چوڑیاں‘ سے شہرت پانے والی دیدار ماضی میں پنجابی فلموں اور تھیٹر کی ایک نمایاں فنکارہ رہی ہیں وہ اداکارہ نرگس کی بہن ہیں، جبکہ ریشم بھی پاکستان کی معروف اداکاراؤں میں شمار ہوتی ہیں،اداکاراؤں کے درمیان جاری یہ تنازع سوشل میڈیا پر تیزی سے توجہ حاصل کر رہا ہے، جہاں صارفین مختلف آرا کا اظہار کر رہے ہیں۔

لاہور: گلوکارہ میشا شفیع نے علی ظفر کے حق میں سیشن کورٹ کے فیصلے کو ہائیکورٹ میں چیلنج کرنے کا اعلان کر دیا۔

گلوکارہ میشا شفیع کے وکیل ثاقب جیلانی نے سیشن کورٹ کے حالیہ فیصلے پر ردعمل دیتے ہوئے کہا ہے کہ وہ اس فیصلے کو لاہور ہائیکورٹ میں چیلنج کریں گے، پہلے سیشن کورٹ کے فیصلے کی تصدیق شدہ کاپی حاصل کی جائے گی، اور اس کا تفصیلی قانونی جائزہ لیا جائے گاتمام قانونی نکات کا بغور مطالعہ کرنے کے بعد فیصلے کے خلاف باقاعدہ اپیل دائر کی جائے گی۔

واضح رہے کہ سیشن کورٹ نے گلوکار علی ظفر کے دائر کردہ ہتک عزت کے دعوے میں میشا شفیع کے خلاف فیصلہ سناتے ہوئے انہیں 50 لاکھ روپے ہرجانہ ادا کرنے کا حکم دیا تھا یہ کیس 2018 میں سامنے آنے والے جنسی ہراسانی کے الزامات کے بعد شروع ہوا تھا اور کئی برسوں تک عدالت میں زیر سماعت رہا،مقدمے کی طوالت میں 283 پیشیاں ہوئیں اور 20 گواہوں کے بیانات ریکارڈ کیے گئے، کیس کی سماعت کے دوران 8 سالوں میں 9 بار جج تبدیل ہوئے، اور بالآخر عدالت نے علی ظفر کے حق میں فیصلہ دیا۔

تحریری فیصلے میں کہا گیا کہ میشا شفیع کا 19 اپریل 2018 کو علی ظفر کے خلاف کیا گیا ٹوئٹ ہتک آمیز، غلط اور جھوٹا ثابت ہوا۔ میشا شفیع کے علی ظفر پر جنسی ہراسانی کے الزامات ثابت نہیں ہوئے۔ جبکہ درخواست گزار عزت نفس مجروح ہونے، شہرت کو نقصان پہنچنے اور ذہنی ازیت کا شکار ہونے پر ہرجانے کا حق دار ہے،میشا شفیع سوشل میڈیا یا کسی اور پلیٹ فارم پر دوبارہ علی ظفر پر جنسی ہراسانی کے الزامات نہیں لگائیں گی۔