Baaghi TV

Category: شوبز

  • مہربانی کر کے میری تعریفیں نہ کریں یہ میرے ایمان لئے خطرناک ہیں زائرہ وسیم

    مہربانی کر کے میری تعریفیں نہ کریں یہ میرے ایمان لئے خطرناک ہیں زائرہ وسیم

    بھارتی سابقہ زائرہ وسیم نے اپنے مداحوں کوخود کی تعریف کرنے سے روکتے ہوئے کہا کہ میرے لیے یہ تمام تعریفیں تسلی بخش نہیں ہیں یہ میرے ایمان کے لیے خطرناک ہیں

    باغی ٹی وی : اسلام کی خاطر شوبز انڈسٹری سے کنارہ کشی اختیار کرنے والی بالی وڈ کی سابقہ اداکارہ زائرہ وسیم نے سماجی رابطے کی ویب سائٹ ٹوئٹر پر اپنے مداحوں کے لیے ایک پیغام جاری کیا
    https://twitter.com/ZairaWasimmm/status/1251218460656365569?s=20
    زائرہ وسیم نے اپنے پیغامی نوٹ میں لکھا کہ آپ سب کو میری طرف سے اسلام علیکم! میں اس بات کا اعتراف کرتی ہوں کہ بہت سے لوگ مجھ سے محبت کرتے ہیں لیکن میں اس بارے میں نہیں بتا سکتی کہ میرے لیے یہ تمام تعریفیں تسلی بخش نہیں ہیں پریشان کن ہیں یہ تمام محبتیں میرے لیے ایک بہت بڑا امتحان ہے اور یہ میرے ایمان کے لیے بھی خطرناک ہیں

    زائرہ نے نے لکھا کہ میں آپ سب سے درخواست کرتی ہوں کہ مہربانی کرکے میری تعریف نہ کیا کریں اور اللہ تعالی سے دُعا کرتی ہوں وہ میری ان تمام غلطیوں کو نظر انداز کردیں معاف کر دیں جو ان گنت ہیں اور میرے دل کو رحمت اور تقوی کی روشنی سے روشن کردے اور میرے ایمان کو مزید بڑھا دے

    زائرہ نے کہا میں اللہ سے دعا کرتی ہوں کہ وہ میری اصلاح کرےاور مجھے علم نافع عطا فرمائے اور میرے دل اور زبان پر ہر وقت اسی کا ذکر رہے اور اسی کی یاد رہے اور میں اُس سے توبہ کرتی رہوں

    انہوں نے لکھا میری دعا ہے کہ میں اللہ کی خاطر صرف نیک عمل کروں، ثابت قدم رہوں اور مسلمان ہونے کی حیثیت سے ہی اس کے پاس واپس لوٹ جاؤں

    واضح رہے کہ زائرہ وسیم عامر خان کی دو بلاک بسٹر فلموں دنگل اور سیکریٹ سپر سٹار میں اداکاری کے جوہر دکھا چکی ہیں پھر انہوں نے اعلان کیا کہ وہ اسلام کی خاطر شوبز کو خیر باد کہہ رہی ہیں

    حمزہ علی عباسی کا مسلمانوں کے لئے خصوصی پیغام

    مثبت سوچ اور ذہنی سکون آنے والے مشکل حالات کا سامنا کرنے کی ہمت دیتی ہے ژالے سرحدی

  • منشا پاشا کو بھارتی مداح کا پیغام

    منشا پاشا کو بھارتی مداح کا پیغام

    پاکستان کی معروف اداکارہ منشا پاشا کو سوشل میڈیا پر ان کے بھارتی مداح نے امن بھرا پیغام دیا کہا کہ جس طرح پاکستان میں امن پسند لوگ ہیں اِسی طرح بھارت میں بھی بہت سے لوگ ایسے ہیں جو امن پسند ہیں جو یہ چاہتے ہیں کہ دونوں ممالک ایک دوسرے کے ساتھ پیار و محبت کے ساتھ رہیں

    باغی ٹی وی : پاکستان کی معروف اداکارہ منشا پاشا نے سوشل میڈیا ویب سائٹ ٹوئٹر پر کچھ پیغامات کی تصاویر شیئر کیں جو اُس گفتگو کی ہیں جو اُنہوں نے سوشل میڈیا پر اپنے ایک بھارتی مداح سے کی تھی یہ پیغام بھارتی مداح نے اداکارہ کی کنگنا رناوت پرحکومت کی حمایت کرنے پر کی جانے والی تنقید کے بعد دیا


    تصاویر میں دیکھا جا سکتا ہے کہ اداکارہ کے بھارتی مداح نے انہیں لکھا کہ میڈم آپ اپنے بہت سے ٹوئٹ میں بھارت کے بارے میں بات کرتی ہیں یہاں میں کچھ کہنا چاہتا ہوں کہ جس طرح پاکستان میں امن پسند لوگ ہیں اسی طرح بھارت میں بھی بہت سے لوگ ایسے ہیں جو امن پسند ہیں جو یہ چاہتے ہیں کہ دونوں ممالک ایک دوسرے کے ساتھ پیار و محبت کے ساتھ رہیں

    بھارتی مداح نے لکھا کہ جس طرح پاکستانی بھارتی انٹرٹینمنٹ مواد کو پسند کرتے ہیں اسی طرح ہم بھی پاکستان کے فن کو دیکھنا پسند کرتے ہیں لیکن بھارت میں کچھ لوگ ایسے ہیں جو دشمن عناصر ہیں جو بد امنی کو فروغ دے رہے ہیں آپ اُن چند لوگوں کی وجہ سے پورے بھارت کو قصور وار نہ ٹھہرائیں کیونکہ ہم امن چاہتے ہیں ہم آپ کو اور دیگر پاکستانی فنکاروں کو بہت پسند کرتے ہیں، آپ اپنا خیال رکھیں اگر کوئی بات بری لگے تو اس کے لئے معذرت

    منشا پاشا نے بھارتی مداح کے پیغام کے جواب میں لکھا کہ مجھے بہت اچھا لگا کہ آپ نے اپنی سوچ کو میرے سامنے رکھا میں آئندہ اِس بات کا خیال رکھوں گی میری طرف سے آپ کے لیے بہت سارا پیار اور اپنا خیال رکھیں

    اداکارہ نے لکھا کہ میں جانتی ہوں کہ دونوں اطراف کے لوگ امن چاہتے ہیں اور انشاءاللہ ایک دن ایسا ضرور ممکن ہو گا

    تصاویر کے کیپشن میں اداکارہ نے لکھا کہ بطور اداکار ، ہمیں دنیا بھر سے اور خاص طور پر سرحد کے دوسری طرف سے بہت سارے پیغامات ملتے ہیں یہ ہمیشہ یاد رکھنا ضروری ہے ، کسی ملک کی موجودہ حکومت سے تعریف نہیں کی جاتی ہے امن کے لئے کوشاں لاکھوں لوگ کام کر رہے ہیں اللہ ان کی مدد فرمائے۔ آمین۔

    مودی کی حمایت کرنے پر منشا پاشا کی کنگنا رناوت پر شدید تنقید

    موسیقی ایک قدرتی چیز ہے اس پر سرحدوں کا کوئی زور نہیں بھارتی فنکاروں پر پاکستانیوں کے ساتھ کام کرنے کی پابندی پر علی سیٹھی کا جواب

  • علی ظفر نے سولہ سال کی عمر میں لکھا گانا مداحوں لے لئے دوبارہ گا دیا

    علی ظفر نے سولہ سال کی عمر میں لکھا گانا مداحوں لے لئے دوبارہ گا دیا

    پاکستان شوبز انڈسٹری کے معروف گلوکار و اداکارعلی ظفر نے 16 سال کی عمر میں لکھا گانا ایک بار پھر سے مداحوں کے لیے گالیا

    باغی ٹی وی : پاکستان کے معروف گلوکار علی ظفر نے سوشل میڈیا ویب سائٹ انسٹاگرام پر اپنی ایک ویڈیو شیئر کی جس میں علی ظفر اپنے مداحوں کے لیے وہ گانا نہیں رے نہیں گا رہے ہیں جو انہوں نے 16 سال کی عمر میں لکھا تھا اور کوک سٹوڈیو سیزن ٹو میں بھی ریکارڈ کیا گیا تھا
    https://www.instagram.com/tv/B_E6mi4lt0b/?igshid=1j1kmsd61o7gr
    گلوکار نے انسٹا گرام پر ویڈیو شئیر کرتے ہوئے لکھا کہ ہم پہلے انسان نہیں ہیں جو اپنے وجود کے مقصد سے متعلق بہت سے سوالات میں الجھے ہوئے ہیں بلکہ یہاں ہر ایک انسان پیدائش سے لے کر مرنے تک سوالات ہی پوچھتا رہتا ہے

    علی ظفر نے لکھا کہ ’ہاں سوال یہ ہے کہ ہم ایک دوسرے کی سچائی جاننے کے بعد کتنے مخلص، روادار اور ایماندار رہتے ہیں

    گلوکار نے لکھا کہ میرا یہ گانا یوٹیوب پر بھی موجود ہے، آپ وہاں جاکر یہ مکمل گانا سُن سکتے ہیں


    دوسری جانب ٹویٹر پر بھی علی ظفر نے اپنی یہ ویڈیو شئیر کی

    علی ظفرنے موجودہ حالات میں ذہنی دباؤ کو ختم کرنے کا آسان طریقہ بتادیا

    علی ظفر نے اپنی نئی غزل سوشل میڈیا پر شئیر کر دی

  • ماہرہ خان نے زندگی کا ساتھی چُن لیا

    ماہرہ خان نے زندگی کا ساتھی چُن لیا

    پاکستان شوبز انڈسٹری کی معروف اداکارہ ماہرہ خان کا کہنا ہے کہ وہ بھی کسی کی محبت میں مبتلا ہیں لیکن میں وہمی ہوں اور چاہتی ہوں اسے دنیا سے چھپاؤں

    باغی ٹی وی : پاکستان شوبز انڈسٹری کی معروف اداکارہ ماہرہ خان نے ثمینہ پیرزادہ کو آن لائن دیئے گئے ایک انٹرویو میں جہاں اپنے فنی کیریر اور نجی زندگی کے چند پوشیدہ رازوں سے پردہ اٹھایا اور اپنی زندگی کی دلچسپ باتیں مداحوں کے ساتھ شیئر کیں

    ماہرہ خان نے ملک کے موجودہ حالات یعنی کورونا کے بارے میں بات کرتے ہوئے کہا ان حالات میں سب لوگوں اس وبا سے بچنے کے لئے تمام حفاظتی تدابیر اختیار کر نی چاہیئے سماجی دوری اختیار کرنی چاہئے بغیر کسی ضروری کام کے گھروں سے باہر نہ نکلیں اگر نکلیں بھی تو حفاظتی تدابیر اختیار کر کے

    ماہرہ خا ن نے کہا کہ وہ قرنطینہ میں ہیں اوراپنے دوستوں رشتہ داروں سے بہت اداس ہیں بہت مس کر رہی ہیں سب کو ماہرہ خان نے کہا کہ اس وبا کے بعد نارمل زندگی کی طرف آتے ہمیں کچھ عرصہ لگے گا

    ثمینہ پیرزادہ نے کہ آپ نے ازخود تنہائی کے دوران کچھ دریافت کیا اپنے اندر سے کوئی رائٹر شاعر وغیرہ اس پر ماہرہ خان نے کہا میں نے جو پہلے آدھی پونی کتابیں پڑھ رکھیں تھیں وہ نکال کر پڑھیں ہیں

    ثمینہ پیرزادہ نے پوچھا کہ کیا لاکھوں کی دل دھڑکن ماہرہ کے دل کی دھڑکن کون ہے اور کیا ماہرہ کسی سے محبت کرتی ہیں؟ جس پر اداکارہ نے شرماتے ہوئے اپنے سر کو اثبات میں ہلایا

    بھارتی سپر سٹار شاہ رخ خان کے ساتھ فلم رئیس میں کامیاب اداکاری کے جوہر دکھا کر نام حاصل کرنے والی اداکارہ ماہرہ نے مسکراتے ہوئے کہا کہ میرا خیال ہے مجھے محبت ہوگئی ہے میزبان ثمینہ پیرزادہ نے مزید اس بارے پوچھنے کی کوشش کی تو ماہرہ خان نے میں بہت شرمیلی ہوں کہہ کر بات کاٹ دی

    ثمینہ پیرزادہ بھی پیچھے نہ ہٹیں اور سوال کر دیا کہ کیا میں انہیں جانتی ہوں؟ ماہرہ خان نے جواب دیا ہوسکتا ہے آپ جانتی ہوں لیکن وہ شوبز انڈسٹری سے تعلق نہیں رکھتے

    میزبان ثمینہ پیرزادہ نے مزید ایک اور سوال سامنے رکھ دیا کیا تم نام بتانا پسند کروگی؟ ماہرہ خان نے معذرت کرتے ہوئے کہا کہ ابھی وقت نہیں میں وہمی ہوں اور چاہتی ہوں کہ اسے دنیا سے چھپاؤں

    زندگی گلزار ہے سے شہرت حاصل کرنے والی ماہرہ نے اپنی بات کو جاری رکھتے ہوئے کہا کہ میرا بیٹا اذلان پہلی ترجیح ہے میں کبھی اذلان کو منظرعام پر نہیں لائی شاید ہی کسی نے اُسے دیکھا ہو اگر دیکھا بھی ہوگا تو آدھا چہرہ یا پشت سے کھینچی گئی تصویرمیں اپنے پیاروں سے متعلق توہم پرست ہوں

    ثمینہ پیرزادہ نے اس بار سوال کرنے کے بجائے جوابا کہا کہ تم دنیا میں جو کچھ کرنا چاہتی ہو اور جیسی زندگی گزارنا چاہتی ہو تم کو اس کا پورا اختیار حاصل ہے

    واضح رہے کہ ماہرہ خان کی شادی 2007 میں علی عسکری سے ہوئی تھی تاہم دونوں کے درمیان ہم آہنگی نہ ہونے کے باعث 2015 میں طلاق ہوگئی تھی اور ان کا ایک بیٹا بھی ہے

    ماہرہ خان کے مطابق مطلبی لوگ کون ہوتے ہیں؟

    ماہرہ خان کا اپنی پھپھو کے لئے جذباتی پیغام

  • بے آواز مخلوق کی آوز بنیں ثنا فخر کی مداحوں سے درخواست

    بے آواز مخلوق کی آوز بنیں ثنا فخر کی مداحوں سے درخواست

    پاکستان فلم انڈسٹری کی معروف اداکارہ ثنا ء فخر کا کہنا ہے کہ لاک ڈاؤن کے دنوں میں آوارہ جانوروں کی آواز بنیں جانور بھی اللہ کی تخلیق ہیں انہیں بھی اس زمین میں رہنے اور بقا کے لیے کوششیں کرنے کا پورا حق ہے

    باغی ٹی وی : پاکستان فلم انڈسٹری کی معروف اداکارہ ثناء فخر کا کہنا ہے کہ لاک ڈاؤن کے دنوں میں آوارہ جانوروں کی آواز بنیں جانور بھی اللہ کی تخلیق ہیں انہیں بھی اس زمین میں رہنے اور بقا کے لیے کوششیں کرنے کا پورا حق ہے سماجی رابطے کی ویب سائٹ انسٹاگرام پر ثناء فخر نے اپنے1 منٹ اور 3 سیکنڈ پر مبنی ویڈیو شئیر کی جس میں انہوں نے کہا آج میں آپ سے بہت ضروری پیغام شیئر کرنا چاہتی ہوں
    https://www.instagram.com/tv/B-4OeqyDQSe/?igshid=1aj9chg3sme2i
    اداکارہ نے کہا کہ ہم سب جانتے ہیں کہ دنیا کی ہر مخلوق خدائے برتر کی تخلیق کردہ ہے جانور بھی اللہ کی تخلیق ہیں انہیں بھی اس زمین میں رہنے اور بقا کے لیے کوششیں کرنے کا پورا حق ہے

    ثناء فخر نے کہا کہ گلیوں میں گھومنے والے جانوروں کا بھی اس زمین پر اتنا ہی حق ہے جتنا ہم سب کاہے

    اداکارہ نے اپنے مداحوں سے درخواست کی کہ آئیں ہم سب مل کر حکومت سے اپیل کریں کہ وہ گلیوں میں گھومنے والے جانوروں کو مارنے پر مستقل پابندی عائد کریں کہ جس طرح کتوں کوظالمانہ طریقے سے قتل کیا جاتا ہے ایسا کرنے کا ہمیں کوئی حق نہیں

    انہوں نے عوام سے کہا کہ اس بے آواز مخلوق کی آواز بنیں انہیں گود لیں پالیں اور ان کی دیکھ بھال میں اپنا کردار ادا کریں

    لاک ڈاؤن میں عائزہ خان کی عوام سے پرندوں اور جانوروں کا خیال رکھنے کی درخواست

    اللہ سے شفاء اور معافی مانگتے رہیں انشاءاللہ ہمیں کوئی چیز نقصان نہیں پہنچائے گی عائزہ خان

  • حمزہ علی عباسی کا مسلمانوں کے لئے خصوصی پیغام

    حمزہ علی عباسی کا مسلمانوں کے لئے خصوصی پیغام

    اسلام کی خاطر شوبز سے عارضی طور پر کنارہ کشی اختیار کرنے والےپاکستان کے معروف اداکار حمزہ علی عباسی نے سوشل میڈیا پر مسلمانوں کے لیے پیغام جاری کردیا

    باغی ٹی وی : پاکستان شوبز انڈسٹریکے معروف اداکار حمزہ علی عباسی نے سشل میڈیا ویب سائٹ ٹوئٹر پر مسلمانوں کے لیے پیغام جاری کرتے ہوئے کہا کہ آپ کا یہ نظریہ کبھی نہیں ہونا چاہیئے کہ آپ کیسے نظر آتے ہیں ، آپ کس ملک / قبیلے / مذہبی عقائد میں پیدا ہوئے ہیں


    حمزہ علی عباسی نے کہا کہ لہذا اگر آپ ان چیزوں پر غرور و تکبر کرتے ہیں یا ان چیزوں پر برتری کا احساس رکھتے ہیں جن کا آپ نے انتخاب بھی نہیں کیا ہے تو یہ غلط ہے

    الف ڈرامے میں قلب مومن کا کردار ادا کرنے والے اد اکار نے لکھا کہ تو جان لیں کہ یہ سب خصوصیات ابلیس ، شیطان کی ہیں

    حمزہ عباسی نےمسلمانوں کو تلقین کرتے ہوئےلکھا کہ بجائے غرور تکبر اختیار کرنے کے اللہ کے لئے عاجزی اختیار کرو

    واضح رہے کہ حمزہ علی عباسی نے اسلام کی خاطر شوبز انڈسٹری سے عارضی طور پر کنارہ کشی اختیار کر رکھی ہے اور اکثر ٹوئٹر پر اسلام سے متعلق معلوماتی پیغامات جاری کرتے نظر آتے ہیں اور اپنے یو ٹیو ب چینل پر بھی اسلام کے متعلق بتاتے نظر آتے ہیں

  • انور مقصود نے موجودہ دور میں ٹی وی کے لئے ڈرامے نہ لکھنے کی بڑی وجہ بتا دی

    انور مقصود نے موجودہ دور میں ٹی وی کے لئے ڈرامے نہ لکھنے کی بڑی وجہ بتا دی

    پاکستان شوبز انڈسٹری کے مشہور ترین مزح نگار، شاعر ، مصنف، ٹی وی میزبان اور مصور انور مقصود نے موجودہ دور میں ٹی وی پر نہ لکھنے کی وجہ بتادی

    لاہور: انور مقصود اپنے بیٹے بلال مقصود کے ہمراہ سوشل میڈیا ویب سائٹ انسٹاگرام پر لائیو آئے اور مداحوں کے سوالوں کے جواب دیئے انور مقصود سے مداحوں کی بڑی تعداد کی جانب سے سوال کیا گیا کہ آپ نے اب ٹی وی کے لیے کیوں لکھنا چھوڑ دیا ہے ؟

    انور مقصود نے ماضی کی معروف ادبی شخصیات کا نام گنواتے ہوئے آگے سے ہی سوال کرڈالا کہ کیا اب یہ سارے لوگ لکھتے ہیں

    انور مقصود نے کہا کہ کیا اب اشفاق احمد لکھ رہے ہیں بانو قدسیہ نہیں لکھ رہیں فاطمہ ثریا بجیا بھی نہیں لکھ رہیں انور مقصود نے ناموں کی فہرست اور اپنی بات جاری رکھتے ہوئے کہا کہ منو بھائی اور انتظار حسین بھی نہیں لکھ رہے

    انور مقصود نے کہا کہ جب میں یہ کہتا ہوں کہ جواب ملتا ہے کہ یہ سب تو وفات پا گئے ہیں تو میرا ان سب لوگوں کو جواب ہے کہ یہ سب اپنے ساتھ ڈرامہ بھی لے گئے ہیں

    انہوں نے کہا کہ ڈراموں کے نام اور اشتہاروں سے ہی انکے معیار کا اندازہ ہوجاتا ہے ٹی وی کے چند معروف ڈراموں کے نام لیتے ہوئے طنز و مزاح کا سہارا لیتے ہوئے انہوں نے تنقید بھی کرڈالی جس سے سوشل میڈیا صارفین خوب محظوظ ہوئے

    انہوں نے چند مشہور ڈراموں میرے پاس تم ہو، ناممکن ، چیخ اور دیگر ڈراموں کے نام لیتے ہوئے کہا کہ ایسے ناموں کے ساتھ تو میں نہیں لکھ سکتا سا تھ ہی انہوں نے کہا کہ بلاشبہ مذکورہ ڈرامے اچھے ڈرامے ہیں اور آپ لوگ پسند بھی کرتے ہیں

    اپنی زندگی میں جنگیں اور سیاسی انتشار دیکھے ہیں لیکن اس سے بدترین وقت کبھی نہیں دیکھا انور مقصود

  • عروہ حسین کی اوورسیز پاکستانیوں سے وزیراعظم کورونا فنڈ میں عطیات جمع کروانے کی اپیل

    عروہ حسین کی اوورسیز پاکستانیوں سے وزیراعظم کورونا فنڈ میں عطیات جمع کروانے کی اپیل

    پاکستان شوبز انڈسٹری کی معروف اداکارہ عروہ حسین نے وزیراعظم کورونا ریلیف فنڈ کے لئے بیرون ممالک مقیم پاکستانیوں سے عطیات کی اپیل کرتے ہوئے سوشل میڈیا پر اپنا ویڈیو پیغام جاری کیا

    باغی ٹی وی : پاکستان شوبز انڈسٹری کی معروف اداکارہ عروہ حسین نے وزیراعظم کورونا ریلیف فنڈ کے لئے بیرون ممالک مقیم پاکستانیوں سے عطیات کی اپیل کرتے ہوئے سوشل میڈیا پر اپنا ویڈیو پیغام جاری کیا سماجی رابطے کی ویب سائٹ ٹویٹر پر اداکارہ نے اپنے ویڈیا پیغام میں کہا کہ اس وقت جو لوگ میری اس ویڈیو کو دیکھ رہے ہیںمیری ان سے درخواست ہے خاص طور پراوورسیز پاکستانی جو ہمیشہ پاکستان کا ساتھ دیتے ہیں براہ مہربانی اپنے عطیات وزیراعظم کورونا ریلیف فنڈ میں جمع کروائیں


    اداکارہ نے کہا کہ پاکستان کو اس وقت بہت سارے چیلنجز کا سامنا ہے اور یہاں کے لوگ صرف کورونا سے ہی نہیں بلکہ بھوک سے بھی لڑرہے ہیں عروہ حسین نے کہا کہ وزیراعظم عمران خان کا ساتھ دیں کیونکہ ہمیں کورونا سے ڈرنا نہیں لڑنا ہے

    عروہ حسین نے ویڈیو شئیر کرتے ہوئے لکھا کہ اب وقت آگیا ہے کہ بہتر قدم آگے بڑھائیں اور مستحق لوگوں کی مدد کریں اپنے عطیات وزیراعظم کورونا ریلیف فنڈ‘ میں جمع کروائیں آگے آئیں اور جان بچائیں

    واضح رہے کہ اس سے پہلے مہوش حیات نے بھی اپنے ایک ویڈیو پیغام میں اوورسیز پاکستانیوں سے مشکل کی اس گھڑی میں وزیر اعظم عمران خان کی جانب سے بنائے گئے وزیراعظم کورونا ریلیف فنڈ‘ میں عطیات جمع کروانے کی اپیل کی تھی

    مہوش حیات کی اوورسیز پاکستانیوں سے وزیراعظم ریلیف فنڈ میں عطیات دینے کی اپیل

  • آن لائن کنسرٹ سے ملنے والا معاوضہ مستحق لوگوں میں تقسیم کیا جائے گا ابرارلحق

    آن لائن کنسرٹ سے ملنے والا معاوضہ مستحق لوگوں میں تقسیم کیا جائے گا ابرارلحق

    پاکستان کے معروف گلوکار ابرارالحق کو امریکا میں آن لائن کنسرٹ کرنے کی دعوت دی گئی

    باغی ٹی وی : پاکستان کے معورف گلوکار اور پی ٹی آئی کے رہنما ابرار لحق کو امریکا میں آن لائن کنسرٹ کرنے کی دعوت
    دی گئی جس کا اعلان گلوکار نے سماجی رابطے کی ویب سائٹ ٹوئٹر پرکیا


    گلوکار ابرار الحق نے اپنے ایک ٹوئٹ میں بتایا کہ مجھے خوشی ہے کہ مجھے امریکا میں آن لائن کنسرٹ کی پیش کش کی گئی ہے

    انہوں نے بتایا کہ امریکا میں آن لائن کنسرٹ کے عوض ملنے والے اشیائے خورونوش کے ٹرک کو مستحق لوگوں میں تقسیم کیا جائےگا


    پاکستان کرکٹ ٹیم کے سابق کپتان شعیب ملک نے بھی ابرار الحق کی ٹوئٹ پر ردعمل دیتے ہوئے ان کے اس عمل کو سراہا

    مداحوں کی جانب سے بھی گلوکار کے اس عمل کو سراہا گیا


  • مذہب،ثقافت اور زبانیں پاکستان کی سب سے خوبصورت چیزیں ہیں شہزاد رائے

    مذہب،ثقافت اور زبانیں پاکستان کی سب سے خوبصورت چیزیں ہیں شہزاد رائے

    مذہب، ثقافت اور زبانیں پاکستان کے بارے میں سب سے خوبصورت چیزیں ہے گلوکار و سماجی کارکن شہزاد رائے

    باغی ٹی وی : پاکستان کے معروف گلوکار اور سماجی کارکن شہزاد رائے نے سمجای رابطے کی ویب سائٹ ٹویٹر پر اپنی ایک ویڈیو شئیر کی جس میں وہ تین مختلف زبانوں گجراتی، پنجابی اور اُردو میں نعت تیرے در پہ خالی جھولی لایا ہوں ، تو نظر کرم کر دے آیا ہوں پڑھ رہے ہیں


    ویڈیو شئیر کرتے ہوئے شہزاد رائے نے لکھا کہ زبانوں ، ثقافت اور مذہب کا تنوع پاکستان کی سب سے خوبصورت چیز ہے

    شہزاد رائے نے لکھا کہ ہوسکتا ہے کہ ہم ہمیشہ ایک دوسرے کو سمجھ نہ سکیں لیکن مجھے امید ہے کہ کوویڈ 19 میں برقرار رہنے والی دوری سے ہمیں ان تمام چیزوں کی عکاسی کرنے میں مدد مل سکتی ہے جو ہمارے درمیان اچھی بات ہے

    گلوکار و سماجی کارکن نے لکھا کہ میں اپنے تجربے کو تین مشترکہ زبانوں اُردو گجراتی اور پنجابی میں خراج تحسین پیش کر رہا ہوں

    شہزاد رائے نے ایک اور ٹویٹ میں اپنی تصویر شئیر کی تصویر کے کیپشن میں جون ایلیاء کا شعر لکھا


    شہزاد رائے نے یوں شعر لکھا:

    جرم میں ہم کمی کریں بھی تو کیوں
    تم سزا بھی تو کم نہیں کرتے (جون ایلیا)

    وا ضح رہے کہ دنیا بھر میں پھیلنے والے کورونا کی وجہ سے پاکستان سمیت کئی ممالک میں لاک ڈاؤن نافذ ہے لوگ گھروں میں محصور ہیں جن میں شوبز شخصیات بھی شامل ہیں شوبز شخصیات قرنطتینہ میں خود کو مصروف رکھنے کے لئے مختلف سرگرمیاں اختیار کئے ہوئے ہیں اپنی سرگرمیوں کو وہ سوشل میڈیا کے ذریعے اپنے مداحوں کو بھی آگاہ رکھے ہوئے ہیں اور اکثر بیشتر اپنے مداحوں کو وبا سے خطرات کے پیش نظر حفاظتی تدابیر اختیار کرنے کی بھی ہدایت کرتی نظر آ رہی ہیں شہزاد رائے بھی ان میں پیش پیش ہیں

    گلوکار و سماجی کارکن بھی قرنطینہ اختیار کئے ہوئے ہے اور اپنے مداحوں کو وقتاً فوقتاً وبا سے محفوظ رہنے کی سوشل میڈیا پر ہدایت کررہے ہیں اور اپنی موسیقی سے محفوظ کر رہے ہیں جبکہ اس سے قبل گلوکار اپنے ایک ڈاکٹر مداح کی فرمائش پر ایک گانا بھی گا چکے ہیں

    شہزاد رائے نے اپنے مداح ڈاکٹر کی فرمائش پر گا نا گا دیا

    کچھ نہ کر توسب کچھ اللہ پر چھوڑ دے، کورونا پر شہزاد رائے کے گانے کی ویڈیو وائرل

    کورونا وائرس کے حوالے سے عوام کے لئےشہزاد رائے کا پیغام