پوری دنیا میں مقبولیت حاصل کرنے والا اسلامی فتوحات پر مبنی ترکی کا مشہور ڈراما ’دیریلیش ارطغرل‘ جسے ارطغرل غازی اور ترکی کا گیم آف تھرونز بھی کہا جاتا ہے اب پاکستان میں بہت زیادہ مقبولیت حاصل کر رہا ہے
باغی ٹی وی :ارطغرل غازی کو وزیر اعظم ن کی ہدایت پرعمران خا ن یکم رمضان المبارک سے پاکستان ٹیلی وژن(پی ٹی وی) پر نشر کیا جارہا ہے اور اب تک سیزن ون کی 14 اقساط نشر کی جاچکی ہیں
ڈرامے کی مقبولیت کا اندازہ اس سے لگایا جا سکتا ہے پہلی قسط اپ لوڈ ہونے سے لے کر اب تک صرف 15 روز میں یوٹیوب چینل کو 10 لاکھ افراد سبسکرائب کرچکے ہیں جبکہ پہلی قسط کو ایک کروڑ 27 لاکھ سے زائد افراد دیکھ چکے ہیں
علاوہ ازیں دیریلیش ارطغرل کے نشر ہونے سے لے کر اب تک سوشل میڈیا پر چلنے والے ٹرینڈز سے بھی ڈرامے کی مقبولیت کا پتہ لگتا ہےگذشتہ روز ٹویٹر پر ٹاپ ٹرینڈ پر تھا
ترک ریڈیو ٹیلی ویژن (ٹی آر ٹی) ڈیجیٹل ریڈیو اور ٹی وی کے ڈائریکٹر ریاض منٹی جو اس ڈرامے کو پاکستان میں نشر کرنے لیے پی ٹی وی کی مدد کرنے والی ٹی آر ٹی ٹیم کے سربراہ بھی ہیں انہوں نے برطانوی نشریاتی ادارے بی بی سی کی اردو سروس کو دیئے گئے انٹرویو میں انہوں نے ارطغرل غازی کو پاکستان میں موجود شائقین کے حساب سے ڈھالنے اور اس کے نشر ہونے کے بعد بڑھتی ہوئی مقبولیت سے متعلق اپنے تاثرات بیان کیے
https://www.bbc.com/urdu/entertainment-52586201?at
ریاض منٹی بتاتے ہیں کہ یہ شو پہلے ہی ترکی میں بہت کامیاب تھا نیٹفلِکس پر انگریزی اور عربی سب ٹائٹلز کی ساتھ آنے کے بعد یہ بین الاقوامی سطح پر بھی بہت مقبول ہونے لگا
انھوں نے بتایا کہ دنیا بھر میں تو جیسے ارطغرل کی دنیا بھر میں دھوم مچ گئی صدور نے ارطغرل کی سیلفیز پوسٹ کیں، سٹارز ڈرامے کے اداکاروں سے ملنے کے لیے سیٹ پر آنے لگے، برطانیہ اور جنوبی افریقہ جیسے ممالک میں ارطغرل کیفے کھلنے لگے، یہاں تک کہ لوگ صرف ارطغرل ہی کی وجہ سے تاریخی ٹورز کے لیے ترکی آنے لگے
یاض منٹی نے کہا کہ کہ نیٹفلِکس کی کامیابی کے بعد ان کی ٹیم نے اسے یوٹیوب پر مختلف زبانوں میں ریلیز کرنے کا فیصلہ کیا
انہوں نے بتایا کہ ’ہم نے اس کی شروعات انگریزی اور عربی میں ڈبِنگ سے کی اب ہم اسے ہسپانوی، روسی، اور اس کی کچھ قسطوں کو کسواہیلی میں ریلیز کر چکے ہیں
ان کا کہنا تھا کہ اس ڈرامے کا اردو ترجمہ ان کے منصوبوں میں پہلے سے شامل تھا کیونکہ انھیں یقین تھا کہ یہ ڈرامہ دنیا بھر میں اردو بولنے والوں میں بہت مقبول ہو گا
جب پی ٹی وی کے ساتھ اشتراک کا موقع سامنے آیا تو ارسو زبان میں نشر کرنے کی بات بن گئی دونوں سرکاری میڈیا کمپنیز ہیں اس لیے ایک قدرتی رشتہ بھی بن گیا
ان کا مزید کہنا تھا کہ ترک ڈرامے ویسے بھی دنیا بھر میں کافی مقبول ہیں عالمی سطح پر انگریزی کے بعد ترک ڈرامہ سب سے زیادہ دیکھے جاتے ہیں
ریاض منٹی نے کہا کہ ارطغرل ڈرامے نے ترکی کے ڈراموں کی مقبولیت میں مزید اضافہ کیا ہے اور اس شاندار کہانی نے دنیا بھر میں لوگوں کے دلوں میں اپنی جگہ بنا لی ہے۔‘
انھوں نے کہا کہ ٹی آر ٹی ہمیشہ اس طرح کا مواد بنانے کی کوشش کرتا ہے جسے آپ اپنے خاندان کے ساتھ مل کر دیکھ سکیں اور لطف اندوز ہو سکیں، اور مجھے لگتا ہے کہ پاکستان میں اس شو کی مقبولیت کی وجہ بھی یہی ہے
پاکستان میں کس طرح کا ردعمل دیکھنے میں آیا ہے؟اس سوال کے جواب میں ریاض منٹی نے کہا کہ اتنا اچھا رد عمل ملا کہ میں بیان نہیں کر سکتا پی ٹی وی نے ڈبنگ اور بروڈکاسٹنگ کے حوالے سے بہت عمدہ کام کیا ہے
انھوں نے کہا کہ جہاں تک ٹی آر ٹی کا سوال ہے تو ہمارے ڈیجیٹل آفر میں اردو ہماری سب سے تیزی سے بڑھنے والے چینلز میں سے ایک ہے دیکھتے ہی دیکھتے ارطغرل غازی پاکستان میں وائرل ہو گیا ہے اور روز ہی اس کی قسطیں پاکستان میں یو ٹیوب پر ٹرینڈ کر رہی ہوتی ہیں
ریاض نے کہا کہ اس وقت تک 30 ملین سے زیادہ ویوز اور چھ لاکھ سے زیادہ سبسکرائبرز ہیں
ریاض منٹی نے مزید کہا کہ کہ عالمی سطح پر غازی ارطغرل کو پانچ سو ارب مرتبہ دیکھا جا چکا ہے۔ پچھلے ایک سال میں ہماری ٹیمیں دنیا میں جہاں جہاں گئی ہیں ہم نے گھروں اور دکانوں میں کائی پرچم دیکھے ہیں تو کہیں لوگوں کے سروں پر ارطغرل کی ٹوپی اور ان کی انگلیوں میں ارطغرل کی انگوٹھی۔
انھوں نے کہا کہ یہ سب اس ڈرامے کو لکھنے اور بنانے والوں کی محنت کا نتیجہ ہے اس ڈرامے نے ایک عالمی قبیلہ تخلیق دے دیا، ایک ایسی کہانی جس کے کرداروں میں دنیا بھر کے لوگ خود کو دیکھتے ہیں
انہوں نے کہا دلچسب بات یہ ہے کہ پچھلے چند ماہ میں کورونا وائرس لاک ڈاون کی وجہ سے بھی اس ڈرامے کو دیکھنے والوں کی تعداد میں مزید اضافہ ہوا ہے
ریاض منٹی نے کہا کہ اس مشکل وقت میں جب لوگ گھروں میں بند ہیں اور زیادہ تر کمپنیوں کے مواد تک رسائی کے لیے انھیں پیسے دینے پڑتے ہیں ٹی آر ٹی نے کچھ مواد یو ٹیوب پر اپ لوڈ کرنے کا فیصلہ کیا تاکہ لوگوں کی کچھ مدد ہو سکے۔
انھوں نے کہا کہ ہم نے اپنے کچھ دیگر شوز کو بھی مختلف زبانوں میں یوٹیوب پر اپ لوڈ کر دیا ہے اور بہت جلد یہ تمام ڈرامے اردو میں بھی دستیاب ہوں گے
جب ریاض منٹی سے پوچھا گیا کہ کیا انھیں اس شو کے حوالے سے منفی فیڈ بیک بھی ملا ہے تو انھوں نے کہا کہ ہم بھی حیران ہیں لیکن بالکل بھی نہیں
انھوں نے بتایا کہ گوگل پر شو کو فائیو سٹار ریٹنگ حاصل ہے اور جو اعداد و شمار ہیں وہ اپنی کہانی خود بتاتے ہیں
انہوں نے بتایا کہ واحد شکایت جو لوگ کرتے ہیں وہ یہ ہے کہ ہم اسے شیئر کرنے میں دیر کیوں کر رہے ہیں
ارطغرل غازی کو نشر کرنے پر پی ٹی وی کی مقبولیت میں اضافہ
