Category: شوبز

لیجنڈ امریکی باسکٹ بال پلیئر کوبے برائنٹ کی اچانک حادثاتی موت نے نہ صرف مداحوں بلکہ پاکستان سمیت دنیا بھر سے معروف شخصیات کو بھی دکھی کردیا

امریکی باسکٹ بال لیجنڈ کوبے برائنٹ اور ان کی 13 سالہ بیٹی گیانا سمیت نو افراد ریاست کیلی فورنیا میں ایک ہیلی کاپٹر حادثے میں ہلاک ہوئے

پاکستان سمیت دنیا بھر کی مشہور و معرودف شخصیات بھی لیجنڈ کی موت پردکھ کا اظہار کر رہی ہیں

پاکستان شوبز انڈسٹری کو حیر باد کیمے والے اداکار حمزہ علی عباسی سمیت تمغہ امتیاز حاصل کرنے والی پاکستانی اداکارہ مہوش حیات فخر عالم، فیروز خان، ماہرہ خان، و دیگر نے کوبے برائنٹ کی موت کی خبر پرگہرے افسوس کا اظہار کیا

شوبز انڈسٹری کو خیرباد کہنے والے حمزہ علی عباسی نے کوبے برائنٹ کی موت کی خبر کو افسوسناک کہتے ہوئے لکھا کہ یہ ہم سب کے لیےایک یاد دہانی ہے کہ ہم سب کے لیے بھی زندگی جلد ہی ختم ہوجائےگی

معروف میزبان و اداکار فخر عالم نے کوبے برائنٹ اور ان کی 13 سالہ بیٹی کی تصویر شیئر کرتے ہوئے لکھا کہ ’ہزاروں دل توڑنے والے باپ اور بیٹی

اداکارہ اُشنہ شاہ نے تصویر شئیر کرتے ہوئے لکھا کہ یہ دونوں ہمیشہ زندہ رہیں گے

فلم اسٹار ماہرہ خان نے بھی لیجنڈ کی موت پر دُکھ کا اظہار کرتے ہوئے لکھا کہ نہیں یہ بہت افسوسناک ہے

مہوش حیات نے لیجنڈ کی ایک مختصر دورانیے کی ویڈیو شیئر کرتے ہوئے لکھا کہ کوبے کی موت کی خبر سن کر اُن کا دل مکمل طور پر ٹوٹ چکا ہے اداکار نے لکھا کہ وہ ٹینس کورٹ میں ایک لیجنڈ تھے جبکہ اصل زندگی میں کروڑوں لوگوں کے لیے متاثر کُن شخصیت تھے
ان کے کہے الفاظ زندگی بہت مختصر ہے اس سے زیادہ پیشن گوئی نہیں ہو سکتی تھی

Totally heartbroken by the news of Kobe Bryant’s passing. He was a legend on the court and an inspiration to millions. His words “Life is too short” couldn’t have been more prophetic . RIP #Kobe https://t.co/U4MCS6DCXS

— Mehwish Hayat TI (@MehwishHayat) January 26, 2020

اداکار فیروز خاننے کوبے برائنٹ اور ان کی بیٹی کی تصویر شیئر کرتے ہوئے قرآن پاک کی آیت اور ہمیں بھی اسی کی طرف لوٹ کر جانا ہے لکھا

سابق امریکی صدر باراک اوباما نے بھی گہرے دکھ کا اظہار کرتے ہوئے کوبی کو لیجنڈ قرار دیتے ہوئے ان کی موت پر ان کے اہل خانہ کےلیے دعا کی

سابق بھارتی کرکٹر سچن ٹنڈولکر نے بھی لکھا کہ اچانک کوبے برائٹ اور انی بیٹی اور دوسرے لوگوں کی ہیلی کاپٹر حادثے کا سنا ساتھ ہی انہوں نے کوبے برائنٹ کے اہل خانہ، دوستوں اور مداحوں سے تعزیت کی

سربین ٹینس اسٹار نواک جوکووچ نے اپنے ٹوئٹ میں کوبے کے ہمراہ ایک پُرانی تصویر اپلوڈ کرتے ہوئے لکھا کہ کوبے کی موت کی خبر سن کر ان کا دل غم میں ڈوبا ہوا ہے انہوں نے یہ بھی لکھا کہ کوبے ان کے استاد اور دوست تھے وہ اور ان کی بیٹی ہمارے دلوں میں ہمیشہ زندہ رہیں گے

واضح رہے کہ ہیلی کاپٹر حادثے میں ہلاک ہونے والے کوبے برائنٹ کی لکھی گئی نظم پر بنی مختصر دورانیے کی فلم کو سال2019ء میں آسکر ایوارڈ بھی ملا تھا جو انہوں نے خود وصول کیا تھا

امریکی گلوکار دوران پرفارمنس چل بسے

معروف نعت گو شاعراورنغمہ نگارمظفروارثی کودنیا سے بچھڑے9 برس بیت گئے تاہم ان کی یادیں آج بھی دلوں میں زندہ ہیں

مظفر وارثی 23 دسمبر 1933ء کو میرٹھ میں پیدا ہوئے تھے ان کا اصل نام محمد مظفر الدین صدیقی تھا ان کے والد الحاج محمد شرف الدین احمد صوفی وارثی کے نام سے معروف تھے آپ کی وجہ شہرت لازوال حمد اورنعتیں تخلیق کرنا ہے

مظفر وارثی ایک خوش گو شاعر تھے اورانہیں فصیح الہند اورشرف الشعرا کے خطابات عطا ہوئے تھے قیام پاکستان کے بعد مظفر وارثی نے لاہور میں رہائش اختیار کی اور جلد ہی ان کا شمار ممتاز شعراء کرام میں ہونے لگا

مظفر وارثی کی مشہور نعتوں میں یارحمت اللعالمین، ورفعنالک ذکرک اورتو کجا من کجا اور حمدیہ کلام میں مشہور حمد کوئی تو ہے جو نظام ہستی چلا رہا ہے سرفہرست ہیں

فلمی دنیا سے کنارہ کشی کے بعد انھونں نے ساری توجہ نعت گوئی پر مرکوز کر دی تھی مظفر وارثی کو صدارتی تمغہ برائے حسن کارکردگی بھی عطا کیا گیا،مظفر وارثی 28جنوری 2011 کو اس خالق حقیقی سے جا ملے

پاکستان شوبز کے ناموراداکار عفان وحید نے انکشاف کیا کہ وہ ‘مستانی’ نامی فلم کے ساتھ سینما اسکرینز پر ڈیبیو کرتے نظر آئیں گے جبکہ اداکار کئی بہترین ڈراموں میں اپنی اداکاری کے جوہر دکھا چکے ہیں

ایک انٹرویو میں عفان وحید کا کہنا تھا کہ ‘پروڈیوسرز نے مجھ سے رابطہ کیا جس کے بعد میں نے اس فلم کا اسکرپٹ پڑھا، اداکار نے کہا میں اپنا ڈرامہ کیریئر عام سی کہانیوں پر کام کر کے خطرے میں نہیں ڈالنا چاہتا

اس فلم کے ساتھ ڈیبیو کرنے کے حوالے سے عفان وحید کا کہنا تھا کہ ‘میں نے اس پروجیکٹ پر کام کرنے کا فیصلہ اس لیے کیا کیوں کہ مجھے اس کی کہانی بہترین لگی ساتھ ہی انہوں نے یہ بھی کہا کہ یہ کردار میرے لیے تھوڑا مشکل ضرور ہوگا عفان وحید کا مزید کہنا تھا کہ فلم پر کام کرنے کا میرا اب تک کا تجربہ کافی اچھا رہا ایمانداری سے بات کروں تو میں پہلی کافی نروس تھا کیوں کہ یہ میری پہلی فلم ہے لیکن اب مجھے مزہ آرہا ہے

فلم کے مرکزی کرداروں کے حوالے سے بات کرتے ہوئے عفان وحید تھا کہ ‘میرا کردار ایک عام سے لڑکے کا ہے جو کافی نرم دل ہےاسے عالیہ نامی ایک ایسی لڑکی سے محبت ہوجاتی ہے جو اس سے بالکل مختلف ہوتی ہے فلم کی کہانی ان دونوں کے رشتے پر بنی ہے
فلم کی کہانی تجسس اور کامیڈی پر مبنی ہوگی

واضح رہے کہ فلم ‘مستانی’ کی ہدایات عثمان رضوی دے رہے ہیں جنہوں نے فلم کا اسکرپٹ بھی تحریر کیا

عفان وحید کے مطابق فلم کو رواں سال عید الفطر تک ریلیز کرنے کا ارادہ کیا جارہا ہے بہرحال اب تک اس حوالے سے کوئی فیصلہ نہیں کیا گیا

معروف گلوکار عاصم اظہر نے اپنا پہلا اسٹائل ایوارڈ اپنی والدہ کے نام کردیا

عاصم اظہر نےسماجی رابطے کی ویب سائٹ انسٹاگرام پر اپنی والدہ اور معروف ٹی وی اداکارہ گل رعنا کے ساتھ تصویر شیئر کی جس میں عاصم اظہر ایک ہاتھ میں ایوارڈ تھامے والدہ کے ساتھ بہت ہی خوش نظر آرہے ہیں انہوں نے اس تصویر کے کیپشن میں لکھا کہ ’آپ کی دعا ہو تو سب کچھ ہے بہت سا پیار امّاں یہ ایوارڈ آپ کے لیے


عاصم اظہر کی اِس تصویر پر ماہرہ خان نے خوشی کا اظہار کرتے ہوئے مبارکباد دی جبکہ ماڈل مہرین سید نے ماشاء اللہ کہتے ہوئے مبارک دی اور لکھا اللہ تمہیں خوش رکھے لو یو

عاصم اظہر نے انسٹاگرام پر ایک اور تصویر بھی شیئر کی جس میں اداکار و ماڈل ہانیہ عامر ان کو ایوارڈ دے رہی ہیں گلوکار نے تصویر کے کیپشن میں ہانیہ عامر کو مخاطب کرتے ہوئے لکھا کہ ’جب آپ کو ایوارڈ پیش کرنے والا سب سے بہترین ہو


اس پر کامیڈین اداکار ایاز سامو نے کمنٹ کیا کہ ’میرا بھائی بہت بہت مبارک ہو جبکہ ہانیہ نے لکھا بہت بہت مبارک ہو

عاصم اظہر کی خاص مداح کے ساتھ گلوکاری کی ویڈیو وائرل

عاصم اظہر نے انسٹاگرام پر اپنی ایک ویڈیو بھی شیئر کی جس میں ہانیہ عامر اُن کو ایوارڈ دے رہی ہیں، عاصم اظہر نے ویڈیو میں کہا کہ وہ اپنا ایوارڈ اپنی والدہ کے ساتھ ساتھ اُن تمام ماؤں کے نام کر رہے ہیں جو سنگل مدر ہوکر اس معاشرے میں مشکلات کا سامنا کرکے اپنے بچوں کی اچھی پرورش کر رہی ہیں
https://www.instagram.com/p/B7x4vRCFD8d/?igshid=1l75rzwa46j43
گلوکار نے ویڈیو کے کیپشن میں لکھا کہ ’میرا پہلا ایوارڈ ہم نے یہ کرلیا یہ میرا ایوارڈ نہیں ہے بلکہ آپ سب کا ہے شکریہ

اُن کی اس پوسٹ پر گلوکار عُزیر جیسوال اور ونی ٹھکر نے بھی مبارکبادی جبکہ ایاز سومو نے خوشی کا اظہار کرتے ہوئے لکھا یہ چیز مجھے آپ پر فخر ہے بھائی

امریکی موسیقار و گلوکارہ بلی آئلش نے موسیقی کے سب سے بڑے 62 ویں گریمی ایوارڈز2020 کا میلہ لوٹ لیااور سال کے بہترین گانے سمیت 5 ایوارڈ اپنے نام کر لئے

اس شاندار تقریب میں فنکاروں کی بڑی تعداد شریک ہوئی جنہوں نے نت نئے فیشن سے مزین دلکش ملبوسات زیب تن کیے ہوئے تھے

بلی آئلش نے دسمبر 2019 میں 18 ویں سالگرہ مناتے وقت معروف ہالی وڈ جاسوس فلم ’جیمز بانڈ‘ کی 25 ویں فلم کے لیے بھائی کے ساتھ مل کر گانا بنانے کا معاہدہ کرکے نیا ریکارڈ بنایا تھا وہ پہلی خاتون گلوکارہ بنی تھیں جنہیں 18 سال سے قبل ہی معروف میوزیکل ایوارڈ ’گریمی‘ کے لیے نامزد کیا گیا تھا اور اب وہ بیک وقت 5 گریمی ایوارڈز جیتنے والی تاریخ کی پہلی خاتون گلوکارہ بن گئی ہیں

غیر ملکی خبر رساں ادارےکے مطابق 18 سالہ بلی آئلش وہ پہلی گلوکارہ بن گئیں جنہوں نے 18 سال کی عمر میں ’سال کے بہترین گانے، سال کے البم، بہترین پہلے میوزک البم، بہترین پاپ ووکل اور بہترین ریکارڈ‘ کے ایوارڈز اپنے نام کئے

گریمی ایوارڈز کی تقریب میں جہاں بلی آئلش نے 5 ایوارڈز اپنے نام کرکے نیا ریکارڈ بنایا وہیں ان کے 22 سالہ بھائی گلوکار فینس او کنیل نے بھی 6 ایوارڈز اپنے نام کیے بلی آئلش کے بھائی نے ’بیسٹ پروڈیوسر آف دی ایئر‘ کے ایوارڈ سمیت 6 ایوارڈز اپنے نام کیے

گریمی ایوارڈز کی تقریب میں مجموعی طور پر 84 کیٹیگریز میں ایوارڈز دیے گئے جس میں سے 11 ایوارڈز ایک ہی خاندان کے 2 گلوکاروں نے اپنے نام کیے

تقریب میں امریکا کے لیجنڈ باسکٹ بال پلیئر کوبے برائنٹ کو بھی خراج تحسین پیش کیا گیا جو کیلیفورنیا میں ہیلی کاپٹر حادثے میں اپنی بیٹی سمیت ہلاک ہوگئے تھے

بھارتی اداکار نصیرالدین شاہ اور فلمساز میرا نیر سمیت دیگر نامور شخصیات نے بھارت میں جاری متنازع شہریت قانون اور این آر سی کے خلاف احتجاج کرنے والے طلباو طالبات کی حمایت کے لیے خط لکھ کر اُس پر دستخط کردئیے

بھارتی میڈیا کے مطابق، بھارتی اداکار نصیرالدین شاہ، فلمساز میرا نیّر، اداکار جاوید جعفری اور رتنا پاٹھک شاہ سمیت دیگر 300 نامور شخصیات نے 13 جنوری کو انڈین کلچر فارم میں متنازع شہریت قانون اور این آر سی کے خلاف شائع ہونے والے خط کی حمایت کرتے ہوئے اُس پر دستخط کرکے طلباء کے ساتھ اظہار یکجہتی کیا ہے

بھارتی میڈیا کے مطابق اس خط میں لکھا گیا ہےکہ متنازع شہریت قانون اور این آر سی جیسے قانون کو بھارت میں رائج کرنے سے ملک کی روح کو خطرہ ہوگا انڈین کلچر فارم میں شائع ہونے والے خط میں لکھا گیا ہے کہ تمام دستخط کنندگان متنازع شہریت قانون اور این آر سی کے خلاف احتجاج کرنے والے طلبا و طالبات اور دیگر افراد کے ساتھ کھڑے ہیں جو اس قانون کے خلاف اپنی آواز اٹھا رہے ہیں اور مظاہروں، تقریروں جیسے مختلف طریقوں سے سراپا احتجاج ہیں

نریندر مودی خود کبھی شاگرد نہیں رہےانہیں طلبہ پر تشدد کا کیااحساس ہوگا بھارتی اداکار

اس خط میں لکھا گیا ہے کہ ہم بھارت کے آئین کے اصولوں کو برقرار رکھنے کے لیے آواز اُٹھائیں گےاور اب مزید خاموش رہ کر تماشا نہیں دیکھیں گے ہم جانتے ہیں کہ ہم پہلے بھی ظُلم کے خلاف بولنے کا وعدہ کرچُکے ہیں لیکن ہم اپنا وعدہ پورا کرنے کے بجائے خاموش رہے لیکن اب ایسا نہیں ہوگا اب ہم بولیں گے، ہم جمہوریت کے ساتھ کھڑے ہونے والے افراد کے ساتھ کھڑے ہیں۔

رپورٹ کے مطابق خط میں بھارت کی معاشی صورتحال کے حوالے سے لکھا گیا کہ متنازع شہریت قانون اور این آر سی جیسے قانون کی وجہ سے لاکھوں بھارتیوں کا کاروبار داؤ پر لگا ہوا ہے، بھارت کی معاشی صورتحال بد سے بدتر ہوتی جار ہی ہے

اِس خط میں بھارتی حکومت اور قانون نافذ کرنے والےاداروں پر تنقید کرتے ہوئے لکھا گیا کہ مودی سرکار اور پولیس جیسے قانون دان اداروں نے اپنے ہی شہریوں پر تشدد کرکے ایک مثال قائم کردی ہے پولیس کی بربریت نے متعدد بھارتیوں پر تشدد کرکے ان کو زخمی کیا جن میں طلباوطالبات بھی شامل ہیں پولیس نے احتجاج کرنے والوں پر اتنا ظلم کیا کہ کئی شہری تو اس دوران ہلاک بھی ہوگئے جبکہ کچھ افراد کو نظر بند بھی کیا گیا اور احتجاج روکنے کے لیے متعدد ریاستوں میں دفعہ 144 بھی نافذ کی گئی

خط میں مزید لکھا گیا کہ آخر یہ تمام قانون صرف مسلمانوں کے لیے ہی کیوں ہیں صرف مسلمان کو ہی مجرم کیوں تسلیم کیا جائے

واضح رہے بھارت میں این آر سی کے خلاف مظاہرے ہو رہے ہیں جن میں استوڈنٹس سمیت معروف شخصیات بھی شامل ہیں

گذشتہ سال شوبز انڈسٹری کو خیر باد کہہ کر زندگی اسلام کے اصولوں کے مطابق گزارنے کا اعلان کرنے والی سابقہ پاکستانی پاپ گلوکارہ رابی پیزادہ نے عمرے کی سعادت حاصل کرلی

رابی پیرزادہ سماجی رابطے کی ویب سائٹ ٹوئٹر پر اپنے عمر ے کے سفر سے متعلق تصاویر شئیر کر کے ٹویٹس کر رہی ہیں

رابی پیرزادہ نے اپنے ٹوئٹ میں لکھا کہ میرا اللہ جب جسے چاہے بلا لے کہ سے جانے کو دل نہیں کرتا عمرہ کرکے بھی کعبہ شریف کو دیکھتے رہنا ادھر وقت گزارنے کا ثواب ملتا ہے جب خانہ کعبہ کو دیکھیں دعا ضرور کریں

ایک اور ٹوئٹ میں رابی پیرزادہ نے خانہ کعبہ کی مختلف زاویوں سے لی گئیں تصویریں شیئر کرتے ہوئے لکھا کہ ’میں ایک آرٹسٹ ہوں، پینٹنگز کرتی ہوں اور فوٹو گرافر ہوں لیکن یقین مانیے میں نے دنیا میں اس سے بہترین جگہ نہیں دیکھی میں نے خانہ کعبہ کی تمام زاویوں سے تصویریں لی ہیں یہ تھری ڈی یا ٹو ڈی تاثرات نہیں دیتیں میں نہیں جانتی آپ سمجھیں یا نہیں لیکن یہ اپنے آپ میں ایک معجزہ ہے

انہوں نے ایک ٹویٹ میں مزید لکھا کہ ’مکہ مکرمہ میں خود کو اللہ کا مہمان محسوس کر رہی ہوں میں اسے ہر جگہ دیکھتی ہوں ’یہاں آکر مجھے اپنے اہل خانہ، اپنے گھر، اپنی پینٹنگز اور اپنی زندگی یاد نہیں، مجھے جو یاد ہے وہ بس یہ کہ میں ایک ایسی جگہ سانس لے رہی ہوں جس کی میزبانی ’خالق‘ کے علاوہ کوئی اور نہیں کرسکتا ٹوئٹ کے انہوں نے لبیک الھم لبیک لکھنے کے ساتھ ٹویٹ کا اختتام کیا

رابی پیرزدہ نے گزشتہ دنوں عمرے کی معلومات سے متعلق اسلامی کتابوں کی تصویریں شیئر کر کے اپنے عمرے کی روانگی کا بتاتے ہوئے لکھا تھا کہ مجھے نہیں معلوم تھا کہ میں کبھی عمرے کا سفر بھی اختیار کروں گی رابی پیرزادہ نے صارفین کو نصیحت کی کہ زندگی بہت تیزی سے آگے جارہی ہے اللہ کی طرف لوٹ آئیں اس سے پہلے کہ آپ کو اس کی جانب لوٹنا پڑے آخر میں ہیش ٹیگ ’چھوٹی سی بات‘ کا استعمال کیا

ایک صارف نعمان شیخ نے رابی پیرازادہ سے کہا کہ رابی جب آپ نیکی کا کام کرتی ہیں تو لوگ کہتے تھے آپ دکھاوا کر رہی ہیں شوبز چھوڑا تو کہتے تھے ڈرامہ کر رہی ہیًں اور عمرہ پر جانے کا ارادہ کیا تو کہتے تھے اسائلم لے رہی ہیں لیکن اب وہی لوگ آپ کی تعریفیں کر رہین ہی‌تو تعریفیں سن کر منہ سے بے اختیار نکال ہے ترجمہ بے شک اللہ صبر کرنے والوں کے ساتھ ہے

اس کا جوابی ٹویٹ لکھتے ہوئے رابی نے عاجزی سے جواب دیا کہ ترجمہ: اللہ جے چاہے عزت دے جسے چاہے ذلت دے

اداکارہ عائزہ خان نے ڈرامہ سیریل ’میرے پاس تم ہو‘ کے مہوش کے کردار سے متعلق کہا کہ یہ میرے کیریئر کا مشکل ترین کردار تھا

ڈرامہ سیریل ’میرے پاس تم ہو‘ گزشتہ روز اختتام پذیر تو ہو گیا لیکن اس ڈرامے کے دیکھنے والوں میں ہمیشہ کے لئے گھر کر گیا ہےسماجی رابطے کی تمام ویب سائٹ پر اس ڈرامے کے چرچے ہیں ہر کوئی بس اسی ڈرامے پر تبصرہ کرتا نظر آرہا ہے تمام پاکستانیوں کے ساتھ سیاستدان اور قومی کرکٹر بھی ڈرامے کے سحر سے بچ نہیں سکے

ہمایوں سعید اور عائزہ خان کی حتی کہ ڈرامے کے تمام کرداروں کی لاجواب اور جاندار اداکاری نے لوگوں کو ڈرامے کی آخری قسط سنیماؤں میں جا کر دیکھنے پر مجبور کر دیا عائزہ نے جس خوبصورتی سے مہوش کے کردار کو ادا کیا دیکھنے والے اداکارہ کی حقیقی شخصیت کو ہی بھلا بیٹھے

پاکستان بھر سے داد سمیٹنے والی عائزہ خان بھی مہوش کے کردار پر خاموش نہ رہیں انہوں نے انسٹا گرام پر اپنی ایک تصویر شیئر کی جس کے کیپشن میں انہوں نے اپنے کردار سے متعلق لب کشائی کرتے کوئے کہا کہ گزشتہ رات مہوش کی اسکرین پر آخری رات تھی آج میں اپنے فنی کیریئر کے مشکل ترین کردار کو خیرباد کہنے لگی ہوں

پاکستانی میک اپ آرٹسٹ شعیب خان نے بھارتی اداکارہ دپیکا پڈوکون کی فلم ’چھپاک‘ کے مرکزی کردار کا روپ دھار کر تصاویر اپنے سوشل میڈیا اکؤنٹ پر شئیر کر دیں جو دیکھتےہی سوشل میڈیا پر وائرل ہوگئیں

گذشتہ روز پاکستانی میک اپ آرٹسٹ شعیب خان نے سماجی رابطے کی ویب سائٹ انسٹاگرام پر اپنی تصاویر شیئر کیں جس میں اُنہوں نےخود کو بھارتی فلم اسٹار اور اپنی پسندیدہ اداکارہ دپیکاپڈوکون کی فلم ’چھپاک‘ کے مرکزی کردار کے روپ میں ڈھال لیا


شعیب خان نے اپنی تصاویر کے کیپشن میں لکھا کہ یہ رُوپ اختیار کرنے کے بعد میں تیزاب سے متاثر تمام لوگوں سے کچھ کہنا چاہوں گا کہ آپ اپنے ہونٹوں پر لپ اسٹک لگا کر اپنے چہرے کو چمکائیں اپنے بالوں میں ایک اچھا سا ہیئر اسٹائل بنائیں اِس سے آپ کا چہرہ مزید نمایاں ہوگا اور آپ اپنے چہرے کے نشانات چُھپانے کے بجائے لوگوں کو دکھائیں آپ اپنے چہرے پر مُسکراہٹ رکھیں کیونکہ آپ خوبصورت ہیں اور آپ ہمیشہ خوبصورت ہی رہیں گی

شرمین عبید چنائے نے دیپیکا کو ہیرو قرار دیا

انہوں نے لکھا کہ تیزاب صرف 30 سیکنڈز میں گوشت کو جلا دیتا ہے، آپ کی آنکھیں، پلکیں، ناک، کان وغیرہ جو بھی اس کے راستے میں آتا ہے یہ اُن سب کوجلا کر تباہ کردیتا ہے میں نے جب خود کو ایک تیزاب سے متاثرہ لڑکی بنایا تو اس کے بعد میرے لیے خود کو شیشے میں دیکھنا بہت تکلیف دہ تھا میں نے جب خود کو شیشے میں دیکھا تو مجھے ان سب کا احساس ہوا جن کی ذات تیزاب کی وجہ سے متاثر ہوئی ہے

شعیب خان نے اپنی پوسٹ میں بھارتی فلم اسٹار دپیکاپڈوکون کو مخاطب کرتے ہوئے لکھا کہ آپ سب جانتے ہیں کہ میں دپیکا پڈوکون کا بہت بڑا مداح ہوں اور اداکارہ کی فلم ’چھپاک‘ کے بعد میرے دِل میں اُن کی عزت مزید بڑھ گئی ہے دپیکاپڈوکون نے اپنی فلم ’چھپاک‘ کے ذریعے ہم لوگوں میں تیزاب سے مُتاثرہ لوگوں کے بارے میں آگاہی اور شعور پیدا کیا ہے اور جن لوگوں کی زندگی تیزاب کی وجہ سے متاثر ہوئی ہے ان کو ہمت، حوصلہ اور عزم بخشا ہے

واضح رہے کہ دپیکا پڈوکون نے فلم ’چھپاک‘ میں مرکزی کردار ادا کیا جس میں ان کا چہرہ تیزاب سے جھلس جاتا ہے یہ فلم تیزاب سے متاثرہ لڑکی لکشمی اگروال کی سچی کہانی پر مبنی ہے