Category: شوبز

فرح خان کو بالی وڈ میں چار دہائیوں سے زیادہ کا عرصہ گزر چکا ہے لیکن ایک تلخ یاد اب بھی ان کے ذہن میں نقش ہے جب ایک فلم میکر نے انہیں ہراساں کیا۔

بھارتی میڈیا رپورٹس کے مطابق فلم ساز سے کوریوگرافر بننے والی فرح نے ٹوئنکل اور کاجول کے کے پروگرام میں کافی موضوعات پر گفتگو کی، اسی شو میں انہوں نے اعتراف کیا کہ ایک فلم کے دوران ڈائریکٹر نے انہیں جنسی ہراساں کیا،انہوں نے بتایا کہ میں اس ڈائریکٹر کی فلم میں کوریوگرافی کررہی تھی، اسی دوران میں اپنے کمرے میں گئی اور بستر پر بیٹھی تھی، وہ فلم ساز گانے پر گفتگو کرنے میرے کمرے میں آیا اور بالکل پاس بیٹھ گیا، اس نازیبا حرکت پر مجھے فوری طور پر اسے اپنے کمرے سے نکالنا پڑا۔

فرح خان نے دوران انٹرویو میں کہا کہ مجھے ہر حال میں کام کرنا تھا، کیونکہ ہمارے پاس اتنے پیسے نہیں ہوتے تھے اور اب میرا یہ ذہن ہے کہ میں اتنے پیسے کماؤں کہ میرے بچوں کو کسی قسم کی کوئی پریشانی نہ اٹھانی پڑے،اس منظر کی عینی شاہد ٹوئنکل کھنہ نے واقعے پر مزید کہا کہ وہ فلم ساز فرح کے پیچھے پڑا تھا، فرح کو چاہیے تھے کہ اسے مارتی پیٹتی، میں اس واقعے کی گواہ ہوں، ایسا واقعی ہوا تھا۔

پاکستانی اداکار حمزہ علی عباسی کا کہنا ہے کہ باہر منہ مارنے کی عادت 4 شادیوں کے بعد بھی ختم نہیں ہوتی، مجھے حیرت ہوتی ہے جب کوئی مسلمان یہ کہتا ہے کہ باہر منہ مارنے سے بہتر ہے میں شادی کرلوں۔

حال ہی میں اداکار نے ایک پوڈکاسٹ میں بطور مہمان شرکت کی جہاں انہوں نے مختلف امور پر اپنے خیالات کا اظہار کیا،انٹرویو کے دوران ایک سوال کا جواب دیتے ہوئے انہوں نے غیر ازدواجی تعلقات پر بات کی اور کہا کہ باہر منہ مارنے کی عادت ختم نہیں ہوتی، 4 شادیوں والے بھی باہر منہ مار رہے ہوتے ہیں کیونکہ شادی اس نیت سے نہیں کی جاتی کہ باہر منہ مارنے سے بہتر ہے شادی کرلوں، شادی ایک عمر بھر کا رشتہ ہوتا ہے، اگر کوئی شخص باہر منہ مارنے کی عادت رکھتا ہے اور اس کا شادی کرنے کا ایک ہی مقصد ہے تو وہ 1 مہینے، 6 مہینے یا سال بعد یہی کرے گا کیونکہ بیوی تو 1 سال بعد پرانی ہو جائے گی، ایسے حضرات جو کہتے ہیں کہ غیر ازدواجی تعلقات سے بہتر ہے شادی کرلوں تو انہیں اپنی اس عادت کو ختم کرنا چاہیے،یہ عادت عموماً مردوں میں ہی ہوتی ہے، مجھے حیرات ہوتی ہے جب کوئی مسلمان یہ کہتا ہے کہ باہر منہ مارنے سے بہتر ہے میں شادی کرلوں، باہر منہ مارنا کبیرہ گناہ میں سے ہے، ایسا کرنے والے کے لیے ابدی جہنم ہے، اسے شادی سے نہ جوڑا جائے بلکہ اگر کسی شخص کی پوری زندگی بھی شادی نہ ہو تو تب بھی اسے باہر منہ مارنے سے باز رہنے کا حکم ہے۔

حمزہ علی عباسی کا یہ بھی کہنا ہے کہ اللّٰہ نے مرد کو بے شک 4 شادیوں کی اجازت دی ہے لیکن چند مخصوص حالات میں، اس کے ساتھ ہی اس نے یہ بھی کہا کہ ہوسکے تو ایک شادی ہی کرنا کیونکہ تم 1 سے زائد کے ساتھ انصاف نہیں کر پاؤ گے، باہر منہ مارنے کی اسلام میں کوئی گنجائش نہیں ہے، اس گناہ سے تمام مسلمانوں کو ہر حالت میں باز رہنا چاہیے۔

بالی ووڈ کی معروف اور خوبصورت اداکارہ کترینہ کیف ایک بار پھر خبروں کی زینت بن گئیں، تاہم اس بار وجہ اُن کی نئی فلم یا فیشن فوٹو شوٹ نہیں بلکہ اُن کی وائرل ہونے والی تصاویر ہیں۔

بھارتی میڈیا پورٹل نے کترینہ کیف کی چند نجی تصاویر شیئر کی ہیں جن میں وہ اپنے ممبئی کے اپارٹمنٹ کی بالکونی میں کھڑی نظر آرہی ہیں۔ تصاویر میں اُن کے خدوخال سے ظاہر ہوتا ہے کہ وہ ممکنہ طور پر حاملہ ہیں۔ رپورٹس کے مطابق، 42 سالہ اداکارہ اس وقت تین ماہ کی امید سے ہیں۔ان تصاویر کے وائرل ہونے کے بعد سوشل میڈیا پر مداحوں اور صارفین کی جانب سے مخلوط ردعمل سامنے آیا۔ کئی صارفین نے حیرت کا اظہار کرتے ہوئے کترینہ کیف کے لیے نیک تمناؤں کا اظہار کیا، جبکہ متعدد صارفین نے میڈیا پورٹل کو شدید تنقید کا نشانہ بنایا کہ اس نے ایک خاتون اداکارہ کی ذاتی زندگی اور پرائیویسی کی کھلی خلاف ورزی کی ہے۔

یاد رہے کہ کترینہ کیف اور وکی کوشل نے 9 دسمبر 2021ء کو راجستھان کے ایک شاندار ریزورٹ میں شاہی انداز میں شادی کی تھی۔ شادی کے کچھ عرصے بعد ہی ان کے والدین بننے کی افواہیں گردش میں آگئی تھیں، تاہم اس وقت دونوں نے ایسی خبروں کی تردید کی تھی۔تاہم حال ہی میں کترینہ کیف نے انسٹاگرام پر ایک پوسٹ کے ذریعے ایک خوشگوار تصویر شیئر کی، جس کے بعد مداحوں نے قیاس آرائیاں شروع کر دیں کہ اداکارہ جلد اپنے پہلے بچے کی خوشخبری سنانے والی ہیں۔

پاکستانی شوبز انڈسٹری کی سینئر اداکارہ غزالہ جاوید کا کہنا ہے کہ آج کل لڑکیاں عیاشی اور آزادی کی خاطر شادی نہیں کرنا چاہتی۔

حال ہی میں ماضی کی مقبول اداکارہ نے نجی ٹی وی چینل کے پروگرام میں بطور مہمان شرکت کی جہاں انہوں نے مختلف امور پر تبادلہ خیال کیا،دورانِ پروگرام ان سے سوال پوچھا گیا کہ آج کل لڑکیاں شادی کیوں نہیں کرنا چاہتی،میزبان کے سوال کا جواب دیتے ہوئے انہوں نے کہا کہ آج کل لڑکیوں کی شادی نہ کرنے یا تاخیر سے کرنے کی بڑی وجہ یہ ہے کہ لڑکیاں عیاشی اور آزادی چاہتی ہیں، جس کی وجہ سے وہ شادی سے بھاگتی ہیں، کم عمر میں ہونے والی شادیاں کامیاب ہوتی ہیں، اگر آپ کچھ عرصے پیچھے چلے جائیں تو آپ دیکھ سکتے ہیں کہ وہ شادیاں زیادہ کامیاب رہیں جس میں لڑکیوں کی جلدی شادی ہوئی، اور بڑی عمر میں ہونے والی شادیاں اتنی کامیاب نہیں رہیں۔

انہوں نے میرج بیورو والوں کو لڑکے والوں کی جانب سے موصول ہونے والی ڈیمانڈ کے بارے میں بات کرتے ہوئے کہا کہ میرا بھانجا ڈاکٹر ہے، اس نے اپنے لیے لڑکی ڈھونڈتے ہوئے میرج بیورو والوں کو کہا کہ مجھے کسی ڈاکٹر یا انجینئر سے شادی نہیں کرنی بلکہ لڑکی گریجویٹ ہو تاکہ بچوں کو پڑھا لکھا سکے، ان کی تربیت کرسکے

سوشل میڈیا پر اداکارہ کے انٹرویو کا مذکورہ ویڈیو کلپ وائرل ہوگیا، جس پر صارفین کڑی تنقید کر رہے ہیں اور کمنٹس میں تبصرہ کرتے ہوئے کہہ رہے ہیں کہ کیا ڈاکٹر اور انجینئر بچوں کی اچھی تربیت نہیں کرسکتی،ایک اور صارف نے تنقید کرتے ہوئے کہا کہ اب انجینئر لڑکیوں کا کیا ہوگا آپ کے بھانجے تو ان سے شادی کرنے سے ہی منع کردیا۔

بالی ووڈ اسٹار شاہ رخ خان، سلمان خان اور عامر خان سعودی دارالحکومت ریاض میں ایک تقریب کے دوران اسٹیج پر اکٹھے ہو گئے۔

بھارتی میڈیا کے مطابق اس موقع پر عامر خان نے اسٹیج پر گانا بھی گایا، جبکہ شاہ رخ خان اور سلمان خان نے ان کے لیے خوشی کا اظہار کیا، تینوں خان ریاض میں منعقدہ ’جوئے فورم‘ میں شریک تھے،بالی ووڈ کے تینوں خانز آخری بار جام نگر میں امبانیز کی شادی کی تقریبات کے دوران مختصر وقت کے لیے نظر آئے تھے، مگر اس مرتبہ ریاض میں شاہ رخ خان، سلمان خان اور عامر خان ایک ساتھ اسٹیج پر نمودار ہوئے جہاں انہوں نے اپنے کیریئرز اور فلموں کے بارے میں بھی بات کی،سوشل میڈیا پلیٹ فارم ایکس (سابقہ ٹوئٹر) پر اس تقریب کی کئی تصاویر اور ویڈیوز سامنے آئی ہیں، جہاں سلمان، شاہ رخ اور عامر کو اسٹیج پر ایک دوسرے کے ساتھ بیٹھے دیکھا گیا ہے، یہ ان کے مداحوں کے لیے یادگار لمحہ تھا کہ انہیں یقین نہیں آ رہا تھا کہ وہ اپنے پسندیدہ ستاروں کو ایک ساتھ دیکھ رہے ہیں۔

انسٹاگرام کے ایک اکاؤنٹ پر ایک ویڈیو شیئر کی گئی ہے جس میں عامر خان کو سنجیو کمار کی فلم انوکھی رات کے مشہور گانے’او رے تال ملے ندی کے جل میں‘ گاتے ہوئے دیکھا گیا، اس موقع پر شاہ رخ خان اور سلمان خان پیچھے کھڑے ہو کر ان کی حوصلہ افزائی کر رہے تھے۔

واضح رہے کہ شاہ رخ خان کی گزشتہ 2 سال میں کوئی فلم ریلیز نہیں ہوئی، ان کی آخری ریلیز ہونے والی فلم 2023ء کی ’ڈنکی‘ تھی، جبکہ رواں برس ستمبر میں انہیں فلم ’جوان‘ کے لیے بہترین اداکار کا نیشنل ایوارڈ دیا گیا،مداحوں نے عامر خان کو حال ہی میں فلم ’ستارے زمین پر‘ میں دیکھا، جبکہ سلمان خان کی فلم ’سکندر‘ رواں برس عید کے موقع پر سنیما گھروں کی زینت بنی ہے،شاہ رخ خان اب اپنی نئی فلم ’کنگ‘ میں نظر آئیں گے، جس میں ان کی صاحبزادی سہانا خان اور دیپیکا پڈوکون ان کے ہمراہ اداکاری کے جوہر دکھائیں گی۔