شہرہ آفاق ترک سیریز ارطغرل غازی کی پروڈکشن ٹیم نے عیدالفطر کے بعد پاکستان آنے کا اعلان کیا ہے-
باغی ٹی وی : ترکی اردو کی رپورٹ کے مطابق مشہور ترک ڈرامے ارطغرل غازی کی پروڈکشن ٹیم عید کے بعد پاکستان کا دورہ کرے گی ،یہ دورہ سپیکر قومی اسمبلی اسد قیصر کی دعوت پر کیا جارہا ہے ۔
ارطغرل غازی کی پروڈکشن ٹیم عیدالفطر کے بعد پاکستان آئے گی
تفصیلی خبر اس لنک میں https://t.co/t5PHKK3LLb#TURKEY #ErtuğrulGazi #ertuğrulghazi #ertugrul #Erdogan #Pakistan #PakistanDayParade #TurkDrama #Istanbul #PakistanResolutionDay #KurulusOsman pic.twitter.com/eP8ZWy2ih1— ترکیہ اردو (@TurkiyeUrdu_) March 28, 2021
اسپیکر قومی اسمبلی اسد قیصر نے اپنے حالیہ دورہ ترکی کےد وران ارطغرل غازی اور کورولش عثمان ڈرامے کے پروڈیوسر بزداق سے ملاقات کی ۔
اسپیکر قومی اسمبلی نے ڈرامے کی پروڈکشن ٹیم کو پاکستان آنے کی دعوت دی جبکہ پاکستان اور ترکی کے درمیان نئے ڈرامہ کیلئے مشترکہ پروڈکشن پر بھی اتفاق کیا گیا ۔
ترکی اردو نے اپنی رپورٹ میں بتایا کہ ارطغرل غازی ڈرامہ کی پروڈکشن ٹیم دورہ پاکستان کےدوران وزیراعظم عمران خان سے بھی ملاقات کرے گی۔
رپورٹ میں انکشاف کیا گیا کہ پاکستانی اداکاروں کے ساتھ مل کر ڈرامہ سیریل بھی بنائی جائے گی ۔
واضح رہے کہ اسد قیصر اس وقت ترکی میں موجود ہیں اورانہوں کورولس عثمان کے سیٹ کا دور ہ کیا اوع ڈرامے کے ادکاروں اور پروڈکشن ٹیم سے بھی ملاقات کی-
اس موقع پر سپیکر کا کہنا تھا کہ اسلامی تاریخ کو اجاگر کرنا ایک قابل تحسین قدم ہے وہی قومیں زندہ رہتی ہیں جو اپنی تاریخ سے بخوبی واقف ہوں اسلامی تاریخ ہمیں سبق دیتی ہے کہ مشکل حالات میں یکجا ہوکر دشمن کے عزائم کو ناکام بنایا جاسکتا ہے اور ہر طرح کے مصیبتوں کا سامنا کیا جاسکتا ہے۔ انہوں نے اسلامی تاریخ پر مبنی اس ڈرامے میں کردار نبھانے والے اداکاروں کے کام کو سراہا۔