Tag: تازہ ترین

سعودی عرب کا کہنا ہے کہ یمن کے حوثی باغیوں نے مختلف شہروں پر حملے کیے ہیں جن میں خواتین اور بچوں سمیت 73 افراد زخمی ہوگئے۔

یمن میں سعودی قیادت میں قائم اتحاد کے ترجمان میجر جنرل ترکی بن صالح المالکی کے مطابق حوثیوں نے سعودی عرب کے شہروں ابہا، خمیس مشیط، جازان اور نجران کو نشانہ بنایا، جس کے نتیجے میں 73 افراد زخمی ہوئے۔

ترجمان نے ایکس پر جاری ایک پریس ریلیز میں کہا کہ حملوں میں شہری اور اقتصادی تنصیبات کو نشانہ بنایا گیا، جس پر اتحاد کی جانب سے سخت جوابی کارروائی کی جائے گی،یہ حملے ایسے وقت میں ہوئے جب حوثیوں نے سعودی عرب پر یمن کے مختلف علاقوں کو فضائی حملوں میں نشانہ بنانے کا الزام لگایا۔

حوثیوں کے خبر رساں ادارے صبا نیوز ایجنسی کے مطابق سعودی عرب نے صوبہ الجوف، البیضا، مأرب اور تعز میں مختلف مقامات کو فضائی حملوں اور کروز میزائلوں کے ذریعے نشانہ بنایا ہے،اس کے علاوہ شمالی شہر الحزم میں ایک جیل پر فضائی حملے کا الزام بھی عائد کیا گیا۔ حوثیوں کے مطابق حملے میں ایک بچے سمیت 7 افراد ہلاک اور خاتون سمیت کم از کم 7 زخمی ہوئے۔

الجزیرہ کے مطابق حوثیوں کے زیر انتظام وزارت صحت کے ترجمان انیس الاصبحی نے کہا کہ حملہ الجوف صوبے میں قائم سینٹرل کریکٹیو فیسلٹی پر کیا گیاحوثی ٹی وی چینل المسیرہ نے مبینہ حملے کے بعد کی فوٹیج بھی نشر کی، جس میں ایک عمارت منہدم اور لوگوں کو ملبے میں تلاش کرتے دیکھا جا سکتا ہے۔

سعودی عرب نے جیل پر فضائی حملے کے حوثی الزام پر تاحال کوئی تبصرہ نہیں کیا۔

حوثی حملوں پر میجر جنرل المالکی نے مزید کہا کہ اتحادی افواج کی مشترکہ کمان اس ’دہشت گرد ملیشیا‘ کو روکنے اور اس کے جارحانہ عزائم کا بھرپور مقابلہ کرنے کے لیے تمام ضروری فوجی اقدامات کرے گی، یہ اقدامات سعودی عرب کی خودمختاری کے دفاع، قومی اثاثوں کے تحفظ اور شہریوں و مقیم افراد کی سلامتی کو یقینی بنانے کے لیے کیے جائیں گے۔

دوسری جانب حوثی فوجی ترجمان یحییٰ سریع نے سعودی عرب پر یمن میں ’قتل عام‘ کا الزام عائد کرتے ہوئے کہا کہ سعودی طیارے جاسوسی پروازیں کر رہے ہیں اور کرائے کے جنگجوؤں کو ہتھیار فراہم کیے جا رہے ہیں،انہوں نے دعویٰ کیا کہ حوثیوں نے گزشتہ 24 گھنٹوں کے دوران سعودی عرب کے 4 جاسوس ڈرون مار گرائے، جن میں ایک سی ایچ-4 ڈرون بھی شامل ہے۔

یمن میں حالیہ ہفتوں کے دوران حوثیوں اور بین الاقوامی سطح پر تسلیم شدہ حکومت کے درمیان لڑائی میں شدت آئی ہے،حوثی خود کو انصار اللہ کہتے ہیں، ایر ان کے اتحادی ہیں اور یمن کی حکومتی افواج کے خلاف برسرِ پیکار ہیں، جنہیں سعودی عرب کی حمایت حاصل ہے، ان کا شمالی یمن، بحیرۂ احمر کا ساحلی علا قہ اور دارالحکومت صنعاء پر کنٹرول ہے۔

اقوام متحدہ کے خصوصی ایلچی برائے یمن ہانس گرنڈبرگ نے فریقین پر زور دیا ہے کہ وہ فوری طور پر لڑائی روکیں اور زیادہ سے زیادہ تحمل کا مظاہرہ کریں۔ انہوں نے خبردار کیا کہ حالیہ کشیدگی ایک مکمل جنگ کی صورت اختیار کرسکتی ہے۔

ایرانی پارلیمان کے اسپیکر اور اعلیٰ مذاکرات کار محمد باقر قالیباف نے واضح الفاظ میں خبردار کیا ہے کہ اگر امریکی فورسز نے ایران کے قومی یا سمندری اثاثوں کو نشانہ بنایا تو خطے میں موجود امریکی تیل اور گیس کی کمپنیوں اور ان کی اہم تنصیبات کو جوابی حملوں کا نشانہ بنایا جائے گا۔

ایرانی پارلیمان کے اسپیکر محمد باقر قالیباف نے سوشل میڈیا پر اپنے ایک بیان میں امریکی وزیر دفاع کو مخاطب کرتے ہوئے لکھا کہ یہ بات بہت سادہ اور قابلِ فہم ہے، اس وسیع خطے میں پھیلائی گئی تیل و گیس کی پیداواری تنصیبات اور نظام ہماری پہنچ میں ہیں اور بے حد حساس ہیں،اگر آپ ہمارے اثاثوں پر حملہ کریں گے تو آپ پر بھی حملہ ہو گا، اور ہم پہلے بھی اپنی اس جوابی صلاحیت کو ثابت کر چکے ہیں، آپ اپنے ان فوجی اڈوں سے پوچھ لیں جو اب قابلِ استعمال نہیں رہے ہیں۔

باقر قالیباف کی اس دھمکی سے قبل امریکی وزیر دفاع پیٹ ہیگسیتھ نے اپنے بیان میں واضح کیا تھا کہ اگر ایران نے امریکی جہازوں پر فائرنگ کی تو ہم ان کے آئل ٹینکرز کو تباہ کر کے ڈبو دیں گے ایران کو امریکی بحریہ پر فائرنگ سے گریز کرنا ہو گا۔

دوسری جانب ایرانی وزارتِ خارجہ کے ترجمان اسماعیل بقائی نے صحافیوں سے گفتگو کرتے ہوئے کہا ہے کہ امریکا نے خطے پر ایک وحشیانہ جنگ مسلط کی ہے اور اب اس کے معاشی اثرات اور ادائیگی کی توقع پوری دنیا سے کر رہا ہے تجارتی جہاز رانی کا نظام متاثر ہونے کے باعث عالمی سطح پر توانائی کی قیمتوں میں اضافہ ہو رہا ہے، اور ایسی صورتحال میں صرف ایران کو خطے میں افراتفری کا ذمہ دار قرار دینا سراسر مضحکہ خیز ہے۔

اسماعیل بقائی نے یہ اہم انکشاف بھی کیا کہ آبنائے ہرمز میں تجارتی جہازوں کے لیے عارضی اور محفوظ راستے کی فراہمی پر ایران اور عمان کے درمیان مذاکرات آخری مرحلے میں داخل ہو چکے ہیں اور توقع ہے کہ اس معاہدے کو جلد بین الاقوامی میری ٹائم آرگنائزیشن میں باقاعدہ رجسٹر کرا لیا جائے گا۔

امریکا نے ایران کے خلاف بحری ناکہ بندی کی تفصیلات جاری کردیں –

امریکی سینٹ کام کے مطابق کارروائی کے دوران 94 بحری جہازوں کے راستے تبدیل کیے گئے جبکہ ناکہ بندی کی مبینہ خلاف ورزی پر 3 ایرانی بحری جہازوں کو ناکارہ بنا دیا گیا۔، امریکی فورسز نے معائنے کے لیے 2 تجارتی جہازوں کی تلاشی بھی لی، جبکہ ایک خفیہ آپریشن کے دوران سمندر میں موجود 80 بحری بارودی سرنگیں صاف کی گئیں، سمندری راستے کی صفائی کے بعد اس علاقے میں بحری جہازوں کی آمدورفت میں اضافہ متوقع ہے۔

امریکی حکام کے مطابق 20 امریکی طیارہ بردار جہاز بحیرہ عرب میں بحری ناکہ بندی کی کارروائی میں مصروف ہیں۔ امریکی حکام نے مزید دعویٰ کیا ہے کہ آبنائے ہرمز مکمل طور پر کھلی اور امریکی بحریہ کے کنٹرول میں ہے-

دوسری جانب امریکی دعوؤں پر ایران کی جانب سے تاحال کوئی مؤقف سامنے نہیں آیا۔

پیرس: ہندوؤں کے مذہبی وفد کے دورے کے دوران خواتین ملازمین کو کام کی جگہ سے ہٹانے کے معاملے پر عملے کے احتجاج کے باعث ایفل ٹاور کو بند کردیا گیا۔

خبر رساں ادارے رائٹرز کے مطابق ہندو مذہبی تنظیم بی اے پی ایس سے وابستہ تقریباً 100 افراد کے وفد نے ہفتے کے روز ایفل ٹاور کا دورہ کیا اس دوران خواتین ملازمین کو اپنی جگہوں سے ہٹنے اور وہاں مرد ملازمین کو تعینات کرنے کے لیے کہا گیا۔

ملازمین کی یونین کی نمائندہ ڈین ڈیوائن نے بتایا کہ واقعے پر خواتین ملازمین کو شدید بے عزتی محسوس ہوئی جبکہ انتظامیہ نے بعد ازاں عملے سے معذرت بھی کی،واقعے کے بعد ملازمین نے انتظامیہ سے بات چیت اور آئندہ خواتین کے ساتھ ایسا سلوک نہ ہونے کو یقینی بنانے کے لیے احتجاج کیا۔

ایفل ٹاور چلانے والی کمپنی ایس ای ٹی ای نے تصدیق کی ہے کہ مذہبی وفد نے دورے کے دوران خواتین سے میل جول محدود رکھنے کی درخواست کی تھی،احتجاج کے باعث ایفل ٹاور کی معمول کی سرگرمیاں متاثر ہوئیں اور سیاحوں کے لیے اس کی بندش کا اعلان کیا گیا۔