Tag: شوبز

بالی ووڈ کے معروف ہدایت کار امتیاز علی نے انکشاف کیا ہے کہ میری سپر ہٹ فلم ’جب وی میٹ‘ دراصل شاہد کپور کی وجہ سے بن سکی۔

بھارتی میڈیا کو دیئے گئے انٹرویو میں امتیاز علی نے بتایا کہ ابتدا میں بوبی دیول کے ساتھ یہ فلم بنانے کا ارادہ رکھتا تھا، تاہم منصوبہ آگے نہ بڑھ سکاانہوں نے کہا کہ سچ پوچھیں تو جب وی میٹ شاہد کی وجہ سے بنی، میں ان سے کسی اور فلم کے سلسلے میں ملا تھا، اس وقت ہم جب وی میٹ نہیں بنا رہے تھے، ملاقات کے دوران شاہد کپور نے مجھ سے پوچھا کہ کیا میرے پاس ایسی کوئی کہانی ہے جس میں ایک لڑکا اور لڑکی ٹرین میں ملتے ہوں۔

ہدایت کار نے بتایا کہ میں نے شاہد کو کہا کہ ایسی ایک کہانی تو ہے، لیکن وہ میں بوبی دیول کے ساتھ بنانے والا تھا، تاہم اب وہ فلم نہیں بن رہی میں اس منصوبے کو آگے بڑھانے کا ارادہ نہیں رکھتا تھا، لیکن شاہد کپور نے کہانی سننے پر اصرار کیا کیونکہ انہیں اس میں بہت دلچسپی تھی شاہد نے مجھے یقین دلایا کہ یہ بہترین رومانوی کامیڈی فلم ثابت ہو گی اور اسے ضرور بنایا جانا چاہیے،بعد ازاں جب وی میٹ میں شاہد کپور اور کرینہ کپور خان نے مرکزی کردار ادا کیے، جسے ہندی سنیما کی کامیاب ترین فلموں میں شمار کیا جاتا ہے۔جب میں نے یہ فلم لکھی تو میں خود محبت کے بارے میں زیادہ نہیں جانتا تھا، اسی لیے فلم کو محبت کے بجائے دو اجنبی افراد کی باہمی تبدیلی اور جذباتی ارتقا کی کہانی کے طور پر دیکھا جانا چاہیے۔

امتیاز علی نے کہا کہ میرے نزدیک جب وی میٹ بنیادی طور پر دو ایسے لوگوں کی کہانی ہے جو اجنبی کے طور پر ملتے ہیں اور وقت کے ساتھ ایک دوسرے سے متاثر ہو کر ایک دوسرے جیسے بن جاتے ہیں اس وقت میں محبت کے بارے میں کسی گہری سمجھ بوجھ کے ساتھ نہیں لکھ رہا تھا بلکہ انسانی جذبات اور تعلقات کو دریافت کرنے کی کوشش کر رہا تھا۔

انہوں نے بتایا کہ اپنی ایک اور تخلیق ’میں واپس آؤں گا‘ پر کام کے دوران جب میں نے تقسیمِ ہند کے متاثرین سے ملاقات کی تو مجھے احساس ہوا کہ شدید تکالیف اور مصائب کے باوجود لوگوں کو زندہ رکھنے والی قوت دراصل ان کے دلوں میں موجود محبت تھی۔

انہوں نے اپنی پہلی فلم سوچا نہ تھا کا ذکر کرتے ہوئے کہا کہ سوچا نہ تھا میں ویرن کی الجھن دراصل میری اپنی الجھن تھی، کبھی انسان ایک سمت میں آگے بڑھ رہا ہوتا ہے لیکن اس کا دل کسی اور طرف کھنچتا ہے، مجھے اس سوال کا جواب نہیں ملا، مگر میں نے اس پر فلم بنا دی۔

واضح رہے کہ ’جب وی میٹ‘ 2007ء میں ریلیز ہونے والی ایک رومانوی کامیڈی ڈرامہ فلم تھی جسے امتیاز علی نے تحریر کیا اور ہدایت کاری کی تھی فلم میں شاہد کپور نے آدتیہ کشیپ جبکہ کرینہ کپور نے گیت ڈھلوں کا یادگار کردار ادا کیا تھا، فلم کو آج بھی بالی ووڈ کی مقبول ترین کلاسک فلموں میں شمار کیا جاتا ہے۔

بالی ووڈ اداکار سیف علی خان نے گھر پر جان لیوا حملے سے متعلق ایک سال سے زائد عرصے بعد کھل کر بات کی ہے-

بالی ووڈ اداکار سیف علی خان نے اپنے گھر پر ہونے والے جان لیوا چاقو حملے کے ایک سال سے زائد عرصے بعد پہلی بار اس خوفناک رات سے متعلق بتایا کہ حملہ آور کو معاف کرنا ان کے لیے انتہائی مشکل ہے کیونکہ اس نے نہ صرف ان پر حملہ کیا بلکہ ان کے کمسن بیٹے جہانگیر (جے) کو بھی نقصان پہنچانے کی کوشش کی۔

سیف علی خان نے ایک حالیہ انٹرویو میں بتایا کہ جنوری 2025 میں ممبئی کے علاقے باندرہ میں واقع ان کی رہائش گاہ میں ایک شخص گھس آیا تھا، جس نے انہیں متعدد بار چاقو کے وار کرکے شدید زخمی کر دیا، اداکار کے مطابق اس واقعے کی سب سے تکلیف دہ بات یہ تھی کہ حملہ آور نے ان کے بیٹے جے کو بھی نقصان پہنچایا، اور یہی وجہ ہے کہ اس شخص کو معاف کرنا ان کے لیے آسان نہیں، وہ اپنی زندگی میں آگے بڑھنے کی کوشش کر رہے ہیں، تاہم اس رات کی یادیں آج بھی ان کے ذہن میں تازہ ہیں ا اگرچہ وقت نے جسمانی زخم بھر دیے ہیں لیکن ذہنی اور جذباتی اثرات اب بھی باقی ہیں۔

واضح رہے کہ 16 جنوری 2025 کو سیف علی خان پر ان کے گھر میں گھس کر حملہ کیا گیا تھا، جس میں انہیں چھ چاقو کے زخم آئے تھے۔ ایک زخم ریڑھ کی ہڈی کے انتہائی قریب تھا، جس کے باعث انہیں فوری طور پر اسپتال منتقل کیا گیا جہاں ان کی ہنگامی سرجری کی گئی بعد ازاں پولیس نے ملزم کو گرفتار کر لیا تھا۔

مشہور عالمی ٹیلنٹ شو ‘پاکستان گاٹ ٹیلنٹ’ نے اپنے پہلے سیزن کے ججز کا اعلان کر دیا ہےپینل میں گلوکار علی ظفر، اداکارہ مہوش حیات اور کامیڈین و میزبان تابش ہاشمی شامل ہیں،ججز کے اعلان کے بعد سوشل میڈیا پر مداحوں کی جانب سے مثبت ردعمل سامنے آیا ہے-

شو کی انتظامیہ نے ججز کے نام اپنے آفیشل انسٹاگرام اکاؤنٹ پر جاری کیے سب سے پہلے تابش ہاشمی کو بطور جج متعارف کرایا گیا، جنہوں نے ملک بھر کے باصلاحیت افراد کو آڈ یشنز میں شرکت کی دعوت دی، اس کے بعد مہوش حیات کو پینل میں شامل کیا گیا،مہوش حیات نے انسٹا گرام پر اپنی پوسٹ میں کہا کہ پاکستان کے ہر شہر و گاؤں میں باصلاحیت افراد موجود ہیں، جنہیں اب اپنی صلاحیتیں دکھانے کا موقع ملے گا،گلوکار و اداکار علی ظفر کو پینل کا حصہ بنایا گیا، انہوں نے امیدواروں کو پیغام دیتے ہوئے کہا کہ اب ان کے لیے اسٹیج پر اپنی صلاحیتوں کا لوہا منوانے کا وقت آ گیا ہے۔

‘پاکستان گاٹ ٹیلنٹ’ دنیا بھر میں مقبول Got Talent فارمیٹ پر مبنی شو ہے، جو 70 سے زائد ممالک میں نشر کیا جا چکا ہے شو کی پروڈکشن کمپنی نے ملک بھر سے امیدواروں کے لیے آڈیشنز کا سلسلہ شروع کر دیا ہے، جہاں گلوکاری، رقص، کامیڈی، جادوگری اور دیگر منفرد صلاحیتوں کے حامل افراد شرکت کر سکتے ہیں۔

پاکستانی سوشل میڈیا انفلوئنسر اور ریئلٹی ٹی وی اسٹار کنول فاروق نے انکشاف کیا کہ میری شادی ناکام ثابت ہوئی اور اس تجربے نے مجھے جذباتی طور پر شدید متاثر کیا۔

کنول فاروق نے حال ہی میں ایک پوڈکاسٹ میں اپنی ناکام شادی اور اس کے بعد پیش آنے والی مشکلات کے بارے میں کھل کر گفتگو کی ہے، اپنی گفتگو کے دوران وہ کئی مواقع پر آبدیدہ بھی ہو گئیں اور کہا کہ اس تجربے کے بعد کسی نئے رشتے کے بارے میں سوچنا میرے لیے آسان نہیں رہا۔

کنول فاروق نے انکشاف کیا کہ میری شادی ناکام ثابت ہوئی اور اس تجربے نے مجھے جذباتی طور پر شدید متاثر کیا، میں نے اپنے سابق شوہر سے اس وقت شادی کی جب میرے پاس زیادہ مالی وسائل موجود نہیں تھے میرے دوستوں نے ہمارے لیے انگوٹھی کا انتظام کیا تاکہ میں اپنے اہلِ خانہ کو رشتہ دکھا سکوں میں نے اپنے شریکِ حیات کی محبت اور وعدوں پر مکمل اعتماد کیا، لیکن بعد ازاں مجھے شدید دل آزاری کا سامنا کرنا پڑا اور بالآخر یہ رشتہ طلاق پر ختم ہوا،کنول فاروق نے بتایا کہ وہ اپنی زندگی میں آگے بڑھنے کی کوشش کر رہی ہیں، تاہم ماضی کی یاد یں اب بھی انہیں جذباتی کر دیتی ہیں۔

واضح رہے کہ کنول فاروق کو ریئلٹی شو ’تماشہ سیزن 4‘ میں شرکت کے بعد ملک بھر میں خاصی شہرت حاصل ہوئی-

نامور بالی ووڈ ہدایت کار سنجے لیلا بھنسالی کی فلم لو اینڈ وار کے سیٹ پر پیش آنے والے ایک حادثے میں 42 سالہ کارکن ہلاک ہو گیا، جفلم باڈی نے سنجے لیلا بھنسالی سے 50 لاکھ روپے معاوضے کا مطالبہ کردیا۔

بھارتی میڈیا کے مطابق 17 جون کو ممبئی کے علاقے گورگاؤں میں واقع ایک اسٹوڈیو میں سنجے لیلا بھنسالی کی فلم ‘لو اینڈ وار’ کے سیٹ پر ایک کارپنٹر کی موت کا افسوس ناک واقعہ پیش آیا مزدور کام کے دوران کرنٹ لگنے سے موت کے منہ میں چلا گیا جس کی شناخت چندر دھاری سنگھ یادو کے نام سے ہوئی، یادو کے اہلِ خانہ میں ان کی اہلیہ اور دو بیٹیاں شامل ہیں،واقعے کے بعد بھنسالی پروڈکشنز نے متاثرہ خاندان کے لیے 40 لاکھ بھارتی روپے مالی امداد کا اعلان کیا ہے۔ پروڈکشن ہاؤس کا کہنا ہے کہ یہ امداد سوگوار خاندان کی امداد کے لیے فراہم کی جا رہی ہے۔

لیکن فیڈریشن آف ویسٹرن انڈیا سین ایمپلائز ( ایف ڈبلیو آئی سی ای) نے سنجے لیلا بھنسالی سے متوفی کے خاندان کے لیے 50 لاکھ روپے معاوضہ اور تعلیمی مدد کا مطالبہ کیا ہے اس حوالے سے فیڈریشن کے صدر بی این تیواری نے کہا کہ فلم ساز پہلے ہی خاندان کو 40 لاکھ روپے بطور معاوضہ فراہم کر چکے ہیں تاہم فیڈریشن اس رقم کو بڑھا کر 50 لاکھ روپے کرنے کا مطالبہ کر رہی ہے فیڈریشن نے یہ بھی درخواست کی کہ سنجے لیلا بھنسالی چندر دھاری کے 2 بچوں کے تعلیمی اخراجات بھی برداشت کریں۔

فیڈریشن نے فلم سیٹس پر حفاظتی اقدامات کو مزید سخت بنانے کا مطالبہ کیا ہے تنظیم نے حکام اور پروڈکشن ہاؤسز پر زور دیا ہے کہ مستقبل میں ایسے واقعات کی روک تھام کے لیے حفاظتی ضوابط پر سختی سے عمل درآمد یقینی بنایا جائے۔

واضح رہے کہ سنجے لیلا بھنسالی کی فلم ‘لو اینڈ وار’ میں اداکار رنبیر کپور، وکی کوشل اور اداکارہ عالیہ بھٹ ایک ساتھ نظر آئیں گے، اس فلم کی کہانی 2 افسروں کے درمیان ایک پیچیدہ محبت پر مبنی ہے،فلم 21 جنوری 2027 کو سینما گھروں میں نمائش کے لیے پیش کی جائے گی،جو سنجے لیلا بھنسالی کی آنے والی بڑی فلموں میں شمار کی جا رہی ہے، رپورٹس کے مطابق فلم کا بجٹ 350 کروڑ بھارتی روپے سے زائد ہے۔

بھارتی اداکارہ اور سیاست دان نفیسہ علی سوڈھی نے کینسر کے خلاف کامیاب جنگ کے بعد 11 ہزار فٹ کی بلندی پر ٹریکنگ کر کے اپنے مداحوں کو حیران کر دیا ہے۔

اداکارہ کی جانب سے سوشل میڈیا پر شیئر کی گئی ویڈیو اور تصاویر سوشل میڈیا پر وائرل ہو گئیں، اداکارہ کی ویڈیو سامنے آنے کے بعد مداحوں اور شوبز شخصیات نے ان کے حوصلے اور عزم کو سراہا۔ سوشل میڈیا صارفین نے انہیں کینسر کے مریضوں کے لیے امید اور ہمت کی علامت قرار دیا۔

نفیسہ علی سوڈھی کو 2018 میں اسٹیج تھری پیریٹونیل اور رحم کے کینسر کی تشخیص ہوئی تھی، بیماری کی تشخیص کے بعد انہوں نے طویل عرصے تک علاج کرایا جس میں کیموتھراپی کے متعدد مراحل اور دیگر طبی اقدامات شامل تھے، گزشتہ چند برسوں کے دوران وہ اپنی صحت، ورزش اور مثبت طرزِ زندگی سے متعلق تجربات بھی مداحوں کے ساتھ شیئر کرتی رہی ہیں۔

انسٹاگرام پر شیئر کی گئی ویڈیو میں نفیسہ علی کو اپنے اہلِ خانہ اور قریبی دوستوں کے ساتھ ایک خوبصورت پہاڑی مقام پر دیکھا جا سکتا ہے، انہوں نے تقریباً 11 ہزار فٹ کی بلندی تک ٹریکنگ کی اپنی پوسٹ میں انہوں نے لکھا کہ یہ تجربہ انہیں "بالکل نیا” محسوس کروا رہا ہے انہوں نے بتایا کہ اس سفر کے دوران ان کے داماد اور پوتے نے بھرپور مدد کی، جس کی بدولت وہ اس یادگار مہم کا حصہ بن سکیں، سرجری اور متعدد کیمو تھراپی سیشنز کے بعد اتنی بلندی پر ٹریکنگ کرنا ان کے لیے ایک بڑی کامیابی اور زندگی کی نئی شروعات جیسا احساس تھا۔

نفیسہ علی نہ صرف بھارتی فلم انڈسٹری کی معروف اداکارہ ہیں بلکہ وہ ماضی میں بیوٹی کوئین اور قومی سطح کی سوئمنگ چیمپئن بھی رہ چکی ہیں ان کی نمایاں فلموں میں جنون، میجر صاحب، بےوفا، لائف اِن اے میٹرو اور یملا پگلا دیوانہ شامل ہیں اپنے طویل فنی کیریئر کے دوران انہوں نے بالی ووڈ کے نامور اداکاروں ششی کپور، امیتابھ بچن اور دھرمیندر کے ساتھ بھی کام کیا۔

بھارتی اداکارہ اور مصنفہ سیما کپور نےانکشاف کیا ہے کہ انہوں نے اوم پوری کی وجہ سے اپنا بچہ کھو دیا تھا-

اداکارہ سیما کپور نے ایک حالیہ انٹرویو کے دوران بتایا ہے کہ اوم پوری کے معاشقے سے متعلق جاننے کے بعد میری زندگی شدید مشکلات کا شکار ہو گئی تھی، اس دوران میں حاملہ تھی، صدمے کے سبب میرے لیے میری قیمتی ترین شے میرا ہونے والا بچہ زندہ نہیں بچ سکا تھا بچے کی موت کا سُن کر اوم پوری نے مجھے پیسے بھی بھیجوائے تھے لیکن میں نے انکار کردیا تھا۔

انہوں نے بتایا کہ اوم پوری کے صحافی اور مصنفہ نندیتا پوری سے معاشقے کی خبر ملنے پر میں اپنی والدہ کے پاس راجستھان چلی گئی تھی جس کے بعد ہم دونوں کے درمیان فاصلے مزید بڑھ گئے تھے بعد ازاں اوم پوری نے مجھ سے علیحدگی اختیار کر لی اور 1993ء میں نندیتا پوری سے شادی کر لی تھی،کئی برس بعد اوم پوری نے لندن میں اپنے ایک اہم آپریشن سے قبل مجھ سے معافی بھی مانگی تھی کیونکہ اوم کو اپنی زندگی سے متعلق خدشات لاحق تھے۔

واضح رہے کہ اوم پوری نے 1991ء میں سیما کپور سے شادی کی تھی جو ایک سال سے بھی کم عرصے میں ختم ہو گئی تھی بعد ازاں 1993ء میں انہوں نے نندیتا پوری سے شادی کر لی تھی جن سے ان کا ایک بیٹا ایشان ہے یہ شادی بھی 2013ء میں ختم ہو گئی تھی جبکہ اوم پوری 2017ء میں 66 برس کی عمر میں انتقال کر گئے تھے۔

پاکستانی اداکارہ نمرا خان کا کہنا ہے کہ اپنے وزن کے باعث بعض اوقات پریشان اور افسردہ ہو جاتی ہوں، میں اس بارے میں بہت زیادہ سوچتی ہوں-

حال ہی میں ایک نجی ٹی وی کے ٹاک شو میں شرکت کے دوران نمرا خان نے شادی کے بعد وزن بڑھنے اور اس حوالے سے اپنے شوہر کے رویے پر بات کی، اداکارہ نے کہا کہ الحمدللّٰہ! میری حال ہی میں شادی ہوئی ہے، اس لیے میں خوشی خوشی کھا رہی ہوں اور وزن بھی بڑھ رہا ہے لیکن میرے شوہر ہمیشہ یہی کہتے ہیں کہ آپ جو چاہیں کریں، بس خوش رہیں اگرچہ میرے شوہر وزن کے حوالے سے دباؤ نہیں ڈالتے، تاہم میں خود اپنے وزن کے بارے میں حساس ہوں۔

نمرا خان نے بتایا کہ میں اپنے وزن کے باعث بعض اوقات پریشان اور افسردہ ہو جاتی ہوں، میں اس بارے میں بہت زیادہ سوچتی ہوں، لیکن میرے شوہر مجھے مشورہ دیتے ہیں کہ اپنے لیے اہداف مقرر کروں اور ایک صحت مند معمول اپناؤں، اگر آپ مستقل مزاجی سے صحت مند روٹین اختیار کریں تو نتائج ضرور سامنے آتے ہیں، میں اسکیپنگ اور زومبا کرتی ہوں تاہم حالیہ عرصے میں میرا وزن مزید بڑھا ہےعمر بڑھنے کے ساتھ جسم کا میٹابولزم سست ہو جاتا ہے، جس کے باعث وزن کم کرنا پہلے کے مقابلے میں زیادہ مشکل ہو جاتا ہے وزن کم کرنے کے بارے میں سوچ کر مجھے پریشانی ہوتی ہے اور اس کے لیے زیادہ محنت کرنا پڑتی ہے۔

واضح رہے کہ نمرا خان حال ہی میں برطانیہ میں رشتۂ ازدواج میں منسلک ہوئی ہیں،ان کے انسٹاگرام پر 4.7 ملین سے زائد فالوورز موجود ہیں، جبکہ نمایاں ڈراموں میں اے مشتِ خاک، احرامِ جنون، اڑان، خوب سیرت، باغی، اُمِ عائشہ اور سارہ آپی شامل ہیں۔

بالی ووڈ اداکارہ امیشا پٹیل نے کہا کہ فلم غدر میں لیجنڈری اداکار امریش پوری کے ساتھ اپنی پہلی مشترکہ شوٹنگ کے دوران شدید گھبراہٹ کا شکار تھی۔

بھارتی میڈیا کو دیے گئے ایک انٹرویو میں امیشا پٹیل نے بتایا کہ فلم غدر میں میرا پہلا سین امریش پوری کے ساتھ ایک جذباتی اور آمنے سامنے کی صورتِ حال پر مبنی تھا، جس کی وجہ سے میں بے حد خوفزدہ اور نروس تھی میں اس سین کی شوٹنگ سے پہلے کانپ رہی تھی، تاہم امریش پوری نے اپنے دوستانہ اور حوصلہ افزا رویے سے میری تمام گھبراہٹ دور کر دی۔

امیشا پٹیل کے مطابق امریش پوری میرے لیے کام کرنا بہت آسان بنا دیتے تھے، انہوں نے کبھی مجھے یہ احساس نہیں ہونے دیا کہ وہ ایک عظیم اور تجربے کار اداکار ہیں جبکہ میں ایک نئی فنکارہ ہوں، اس وقت میری فلم کہو نا پیار ہے بھی ریلیز نہیں ہوئی تھی اور زیرِ تکمیل تھی، میں آج بھی امریش جی کو بہت یاد کرتی ہوں، خوف ان کی وجہ سے نہیں تھا بلکہ ان کے قد و قامت اور تجربے کی وجہ سے تھا، حقیقت میں وہ انتہائی محبت کرنے والے، ذہین اور مزاحیہ شخصیت کے مالک تھے۔

اگرچہ امریش پوری اپنی مشہور منفی کرداروں، خصوصاً موگیمبو اور اشرف علی کے کرداروں کی وجہ سے سخت گیر شخصیت کے حامل دکھائی دیتے تھے، لیکن حقیقی زندگی میں وہ نہایت خوش مزاج اور شاندار حسِ مزاح رکھنے والے انسان تھے۔

انٹرویو میں امیشا پٹیل نے پاکستان میں اپنی غیر معمولی مقبولیت سے متعلق بھی دعویٰ کیا کہا کہ فلم غدر کی ریلیز کے بعد مجھے پاکستان سے بے پناہ محبت ملی، پاکستانی خواتین میرا فون نمبر تلاش کر کے مجھے کال کرتی تھیں اور بعض مداح جذباتی ہو کر گفتگو کرتے ہوئے روتی بھی تھیں پاکستان میں بہت سے لوگوں نے میرے فلمی کردار ’سکینہ‘ سے متاثر ہو کر اپنی بیٹیوں کا نام بھی سکینہ رکھا۔

ان کے اس بیان کے بعد سوشل میڈیا پر پاکستانی صارفین کی جانب سے مختلف ردِعمل سامنے آئے تھے، کئی صارفین کا کہنا تھا کہ امیشا پٹیل اپنی مقبولیت کو بڑھا چڑھا کر پیش کر رہی ہیں، جبکہ بعض نے کہا کہ پاکستان میں ان کی شہرت اتنی نہیں جتنی وہ بیان کر رہی ہیں. بھارتی فلمیں یہاں طویل عرصے سے محدود یا بند رہی ہیں، اس لیے ایسے دعوے حقیقت سے مطابقت نہیں رکھتے، جبکہ دیگر صارفین نے بھی ان کے بیان کو مبالغہ آمیز قرار دیا۔

پاکستان کے لیجنڈ اداکار مرحوم سلطان راہی کا 88واں یوم پیدائش منایا جا رہا ہے۔

سلطان راہی 24 جون 1938ء کو بھارت کے شہر سہارنپور میں پیدا ہوئے اور تقسیم ہند کے بعد ہجرت کر کے گوجرانوالہ میں سکونت اختیار کی،انہوں نے اپنے کیریئر کا آغاز 1959ء میں فلم "باغی” سے کیا، سلطان راہی نے اپنے فلمی سفر کا آغاز چھوٹے کرداروں سے کیا، لیکن اپنی محنت، منفرد اداکاری اور طاقتور مکالمہ ادائیگی سے وہ پنجابی فلموں کے سب سے بڑے ستارے بن گئے-

تقریباً چار دہائیوں پر محیط کیریئر میں سلطان راہی نے سیکڑوں فلموں میں اداکاری کی ، ان کا نام بطور سب سے زیادہ فلموں میں کام کرنے والے اداکار کے گینز بک آف ورلڈ ریکارڈ میں بھی شامل رہا ہے انہوں نے پنجابی سنیما کو ایک نئی شناخت دی ان کے ڈائیلاگز، انداز اور کردار آج بھی پاکستانی فلم انڈسٹری کا قیمتی سرمایہ سمجھے جاتے ہیں،فلم ’وحشی جٹ‘ نے انہیں شہرت کی بلندیوں تک پہنچایا، جبکہ ’مولا جٹ‘ نے سلطان راہی کو برصغیر کے مقبول ترین ایکشن ہیروز میں شامل کردیا،اور انہیں "شیرِ پنجاب” کا خطاب ملا،سلطان راہی اور مصطفیٰ قریشی کی جوڑی پاکستانی فلمی تاریخ کی کامیاب ترین جوڑیوں میں شمار ہوتی ہے، جنہوں نے متعدد یادگار فلموں میں اپنی اداکاری کے جوہر دکھائے،یہ جوڑی آج بھی فلمی شائقین کے دلوں میں زندہ ہے-

9 جنوری 1996 کو گوجرانوالہ کے قریب ایک افسوسناک واقعے میں اردو اور پنجابی فلموں کے لیجنڈ اداکار سلطان راہی دنیا سے رخصت ہوگئے، لیکن ان کا فن آج بھی زندہ ہے اور وہ پاکستان کے یادگار ترین اداکاروں میں شمار ہوتے ہیں۔