اوکاڑہ (نامہ نگار ملک ظفر) کمشنر احمد عثمان جاوید کی ہدایت پر اسسٹنٹ کمشنر مرزا راحیل بیگ کا گندم خریداری مراکز میں انتظامات کا جائزہ، اس موقع پر اسسٹنٹ کمشنر نے متعلقہ محکمہ خوراک کے افسران کو ہدایات جاری کرتے ہوئے کہا کہ کسانوں کے لیے مناسب بیٹھنے کے انتظامات، صاف پانی کی فراہمی اور صفائی ستھرائی کو ہر صورت یقینی بنایا جائے۔ انہوں نے کہا کہ گندم خریداری مراکز پر آنے والے کاشتکاروں کو ہر ممکن سہولیات کی فراہمی اہم ذمہ داری ہے۔ مرزا راحیل بیگ نے مزید ہدایت کی کہ گندم کی خریداری کا عمل شفاف اور میرٹ کے مطابق یقینی بنایا جائے گا اور کسی بھی قسم کی شکایت کی صورت میں فوری ازالہ کیا جائے گا۔ اسسٹنٹ کمشنر مرزا راحیل بیگ نے کہا کہ حکومتی پالیسی کے مطابق گندم کی خریداری کے عمل کو شفاف اور سہل بنایا جائے گا اور کسی بھی غفلت یا کوتاہی کو ہرگز برداشت نہیں کیا جائے گا۔
Author: Faizan Sheikh
-
دبئی ورک ویزہ فراڈ بے نقاب، ایف آئی اے کی کارروائی، ملزم گرفتار
ڈیرہ غازی خان میں فیڈرل انویسٹی گیشن ایجنسی (ایف آئی اے) نے انسانی اسمگلنگ کے خلاف بڑی کارروائی کرتے ہوئے دبئی ورک ویزہ کے نام پر فراڈ کرنے والے ملزم کو گرفتار کر لیا۔ملزم عابد حسین نے ایک شہری کو دبئی میں ملازمت کا جھانسہ دے کر 9 لاکھ روپے وصول کیے، مگر نہ ویزہ فراہم کیا اور نہ ہی وعدہ پورا کیا۔ایف آئی اے نے امیگریشن آرڈیننس 1979 کے سیکشن 22-B کے تحت مقدمہ درج کر کے ملزم کو حراست میں لے لیا ہے۔ حکام کے مطابق ملزم سے مزید اہم انکشافات اور اس کے نیٹ ورک کے بارے میں تحقیقات جاری ہیں۔ایف آئی اے نے عوام کو خبردار کیا ہے کہ بیرون ملک ملازمت کے لیے صرف مستند ایجنٹس سے رجوع کریں اور کسی بھی مشکوک پیشکش سے بچیں۔
-
اوکاڑہ میں پولیو مہم تیز، اسسٹنٹ کمشنر کا فیلڈ وزٹ
اوکاڑہ(نامہ نگار ملک ظفر)اسسٹنٹ کمشنر مرزا راحیل بیگ کا شہر کے مختلف مقامات پر انسداد پولیو ٹیموں کی ورکنگ کا جائزہ اور ٹارگٹ کے حصول کی ہدایات، انہوں نے انسداد پولیو مہم کے دوران مختلف علاقوں کا دورہ کرتے ہوئے پولیو ٹیموں کی کارکردگی کا جائزہ لیا اور فیلڈ میں جاری سرگرمیوں کی چیکنگ کی، انہوں نے گھر گھر جا کر بچوں کو پولیو سے بچاؤ کے قطرے پلانے کے عمل کا معائنہ کیا اور ٹیموں کو محنت سے کام کرنے کی ہدایات دیں، اس موقع پر اسسٹنٹ کمشنر مرزا راحیل بیگ نے کہا کہ انسداد پولیو مہم کے مقررہ ٹارگٹ کے حصول کے لیے تمام دستیاب وسائل بروئے کار لائے جائیں اور کوئی بھی بچہ پولیو ویکسین سے محروم نہ رہے، انہوں نے ٹیموں کو تاکید کرتے ہوئے کہا کہ اپنی ذمہ داریاں پوری دیانتداری اور جذبے کے ساتھ سرانجام دیں، انہوں نے مزید کہا کہ مہم کی کامیابی کے لیے مائیکرو پلان پر عملدرآمد کو یقینی بنایا جائے اور ہر گھر تک رسائی حاصل کی جائے، اسسٹنٹ کمشنر مرزا راحیل بیگ نے متعلقہ افسران کو ہدایت کی کہ وہ فیلڈ میں ٹیموں کی مسلسل نگرانی کریں اور درپیش مسائل کا فوری حل یقینی بنائیں تاکہ انسداد پولیو مہم کو کامیاب بنایا جا سکے، انتظامیہ کی جانب سے اس عزم کا اظہار کیا گیا کہ پولیو کے مکمل خاتمے تک ایسی کاوشیں جاری رکھی جائیں گی۔
-
اوکاڑہ میں تجاوزات کے خلاف بڑا آپریشن، جی ٹی روڈ کلیئر
اوکاڑہ (نامہ نگار ملک ظفر)ڈپٹی کمشنر احمد عثمان جاوید کی ہدایت پر پیرا فورس کی تجاوزات کے خلاف کاروائیاں، تجاوزات کا سامان زیر تحویل، سب ڈویژنل انفورسمنٹ افیسر وسیم جاوید کی زیر نگرانی جی ٹی روڈ پر تجاوزات کے خلاف بھرپور کارروائیاں کی گئیں، کارروائی کے دوران سڑک کے اطراف قائم غیر قانونی تجاوزات کا خاتمہ کرتے ہوئے متعدد دکانداروں کا سامان قبضہ میں لے لیا گیا، اس موقع پر سب ڈویژنل انفورسمنٹ آفیسر وسیم جاوید نے کہا کہ عوامی شکایات اور ٹریفک کی روانی میں بہتری کے پیش نظر تجاوزات کے خلاف بلا امتیاز آپریشن جاری رکھا جائے گا، انہوں نے کہا کہ سرکاری اراضی اور سڑکوں پر کسی قسم کی غیر قانونی تجاوزات ہرگز برداشت نہیں کی جائیں گی، انہوں نے دکانداروں اور شہریوں کو ہدایت کی کہ وہ ازخود تجاوزات سے گریز کریں بصورت دیگر سخت کاروائی عمل میں لائی جائے گی، مزید برآں متعلقہ ٹیموں کو ہدایت کی گئی کہ وہ روزانہ کی بنیاد پر مانیٹرنگ کو یقینی بنائیں تاکہ دوبارہ تجاوزات قائم نہ ہو سکیں، سب ڈویژنل انفورسمنٹ آفیسر نے عزم کا اظہار کرتے ہوئے کہا کہ شہریوں کو بہتر سفری سہولیات کی فراہمی اور شہر کو تجاوزات سے پاک رکھنے کے لیے ایسی کارروائیاں بلا تعطل جاری رہیں گی۔
-
عبداللہ ٹاؤن میں سست رفتار ترقیاتی کام، شہری پانی میں گھر گئے
ڈیرہ غازی خان کی یونین کونسل 17 کے علاقے عبداللہ ٹاؤن میں پائپ لائن بچھانے کا ترقیاتی کام جاری ہے، تاہم کام کی سست رفتار نے علاقہ مکینوں کو شدید مشکلات میں مبتلا کر دیا ہے۔ترقیاتی سرگرمیوں کے دوران نالیوں کو بند کر دیا گیا ہے جس کے باعث گلیوں میں پانی جمع ہو گیا ہے۔ اس صورتحال نے نہ صرف آمد و رفت کو مشکل بنا دیا ہے بلکہ صفائی کے مسائل بھی سنگین ہو گئے ہیں۔مقامی شہریوں کا کہنا ہے کہ کئی دن گزرنے کے باوجود نکاسی آب کا کوئی مؤثر انتظام نہیں کیا گیا، جس سے بدبو پھیل رہی ہے اور بیماریوں کے خطرات میں اضافہ ہو رہا ہے۔اہل علاقہ نے واسا حکام سے مطالبہ کیا ہے کہ فوری طور پر گلیوں میں کھڑے پانی کی نکاسی کو یقینی بنایا جائے اور پائپ لائن بچھانے کے کام کو تیز کیا جائے تاکہ عوام کو مزید پریشانی سے بچایا جا سکے۔
-
میرپورخاص میں معذور افراد کی فلاح کیلئے اہم پیش رفت، MSSWA وفد کی کمشنر سے ملاقات
میرپورخاص میں معذور افراد کی فلاح و بہبود کے حوالے سے ایک اہم پیش رفت سامنے آئی ہے، جہاں میرپورخاص اسپیشل اسپورٹس اینڈ ویلفیئر ایسوسی ایشن (MSSWA) گلستانِ معذورین کے وفد نے کمشنر میرپورخاص جناب جلال الدین مہر سے ملاقات کی۔وفد کی قیادت خزانچی محمد فیصل نے کی، جبکہ انفارمیشن سیکرٹری جئے رام اور جوائنٹ سیکرٹری جمعہ خان بھی ان کے ہمراہ موجود تھے۔ ملاقات کے دوران معذور افراد کو بااختیار بنانے، ان کی سماجی شمولیت بڑھانے اور فلاحی اقدامات کو فروغ دینے سے متعلق امور پر تفصیلی گفتگو کی گئی۔وفد نے MSSWA کی جاری سرگرمیوں پر روشنی ڈالتے ہوئے بتایا کہ ادارہ خصوصی کھیلوں کے فروغ کے لیے سرگرم عمل ہے، جن میں وہیل چیئر کرکٹ، وہیل چیئر باسکٹ بال اور دیگر انکلوسیو اسپورٹس شامل ہیں۔ اس کے علاوہ معذور افراد میں شعور بیدار کرنے کیلئے سیمینارز اور آگاہی مہمات بھی منعقد کی جاتی ہیں۔اس موقع پر وفد نے اپنے آئندہ پروگراموں سے بھی کمشنر کو آگاہ کیا اور انتظامی تعاون کی درخواست کی تاکہ ان سرگرمیوں کو مزید مؤثر بنایا جا سکے۔کمشنر میرپورخاص جلال الدین مہر نے MSSWA کی خدمات کو سراہتے ہوئے معذور افراد کی فلاح کے لیے ہر ممکن تعاون کی یقین دہانی کروائی اور جلد ادارے کا دورہ کرنے کا عندیہ بھی دیا۔
-
اوکاڑہ میں 4 روزہ قومی انسداد پولیو مہم کا آغاز، لاکھوں بچوں کو ویکسین پلانے کا ہدف
اوکاڑہ (نامہ نگار ملک ظفر)اوکاڑہ میں رواں سال کی دوسری 4 روزہ قومی انسداد پولیو مہم کا آغاز کردیا گیا۔
ڈپٹی کمشنر احمد عثمان جاوید نے ڈسٹرکٹ ہیڈ کوارٹر ہسپتال میں انسدادی پولیو مہم کا افتتاح کیا ڈپٹی کمشنر افس میں پولیو کنٹرول روم قائم کر دیا گیا۔ ضلع بھر میں پانچ سال سے کم عمر بچوں کو پولیو ویکسیئن کے قطرے پلائیں جائیں گیں ۔
تفصیلات کے مطابق اوکاڑہ میں 956 پولیو ٹیمیں فرائض سرانجام دیں گی، پولیو مہم 13 اپریل سے 16 اپریل 2026 تک جاری رہے گی 6 لاکھ 55 ہزار 938 بچوں کو پولیو سے بچاؤ کے قطرے پلانے کا ہدف مقرر ہے۔ پولیو خاتمے کی قومی مہم کے لیے محکمہ صحت کی جانب سے 1262 موبائل ٹیمز 123 فکسڈ ٹیمز، 68 ٹرانزٹ ٹیمز تشکیل دی گئی ہیں، پولیو ورکرز. مراکز صحت، گھروں، ریلوے اسٹیشن پر بچوں کو قطرے پلائیں گیں لاری اڈوں ویگن اسٹینڈز وغیرہ پر پولیو ڈیوٹی سر انجام دیں گیں خانہ بدوش بستیوں یونین کونسلوں میں خصوصی توجہ دی جائیگی مسنگ چلڈرن اسی روز کور کئے جائیں گے . زیرو ڈوذ بچوں پر بھی خصوصی توجہ دی جائے گی پولیو کے خاتمے کو جلد یقینی بنانے کیلئے ہر بچے کا ویکسی نیٹ ہونا ضروری، پولیو مرض کا جلد خاتمہ قومی مفاد میں ہے. -
سیالکوٹ میں اسسٹنٹ کمشنر کے خلاف منفی ویڈیو پر ردعمل، سدرہ ستار کی کارکردگی کا دفاع
سیالکوٹ -بیورو چیف مدثر رتو سے
اسسٹنٹ کمشنر پسرور سدرہ ستار کے خلاف سوشل میڈیا پر زیرِ گردش منفی اور گمراہ کن ویڈیو قابلِ مذمت اور تشویشناک ہے ، کسی بھی سرکاری افسر کے خلاف بغیر تصدیق شدہ معلومات پر مبنی مواد کی اشاعت نہ صرف اخلاقی اقدار کے منافی ہے بلکہ یہ عمل قابلِ مواخذہ بھی ہو سکتا ہے۔
سدرہ ستار نے بطور اسسٹنٹ کمشنر اپنی تعیناتی کے بعد قانون اور ضابطے کے مطابق فرائض سرانجام دیے ہیں اور کسی بھی قسم کے سیاسی یا سماجی دباؤ کو قبول کیے بغیر اپنی ذمہ داریاں احسن انداز میں نبھائی ہیں ، خصوصاً سیلابی صورتحال کے دوران انہوں نے عملی میدان میں رہتے ہوئے ذمہ داری ، جرات اور پیشہ ورانہ صلاحیت کا مظاہرہ کیا۔یہ امر واضح کیا جاتا ہے کہ کسی بھی خاتون افسر کی ذاتی زندگی کو بنیاد بنا کر کردار کشی کرنا نہ صرف غیر اخلاقی ہے بلکہ پاکستان کے مروجہ قوانین ، بشمول ہتکِ عزت اور سائبر کرائم قوانین کے تحت قابلِ سزا جرم ہے۔ ایسے عناصر جو سوشل میڈیا پر جھوٹا اور من گھڑت مواد پھیلا کر کسی کی ساکھ کو نقصان پہنچانے کی کوشش کر رہے ہیں، ان کے خلاف قانونی کارروائی عمل میں لائی جا سکتی ہے۔
اگر کسی فرد کو اسسٹنٹ کمشنر کے سرکاری امور سے متعلق کوئی شکایت ہے تو وہ متعلقہ فورمز پر قانونی طریقہ کار کے مطابق رجوع کرے۔ بلاجواز الزامات اور ذاتی حملوں سے اجتناب کیا جائے۔وزیر اعلیٰ پنجاب مریم نواز اور ڈپٹی کمشنر سیالکوٹ صبا اصغر کی ہدایات کے مطابق سدرہ ستار اپنی ذمہ داریاں قانون و ضابطے کے تحت بخوبی انجام دے رہی ہیں۔تمام شہریوں سے گزارش ہے کہ ذمہ دارانہ رویہ اختیار کریں اور کسی بھی غیر مصدقہ مواد کو شیئر کرنے سے گریز کریں، بصورت دیگر قانونی نتائج کے خود ذمہ دار ہوں گے۔ -
ننکانہ صاحب میں وساکھی میلہ کی رنگا رنگ تقریبات کا آغاز، دنیا بھر سے ہزاروں سکھ یاتریوں کی آمد
ننکانہ صاحب میں وساکھی میلے کی تقریبات کا آغاز اکھنڈ پاٹ کی رسم سے ہو گیاضلعی انتظامیہ کی جانب سے لنگر ، رہائش، صفائی ستھرائی اور سکیورٹی کے بہترین انتظامات دنیا بھر سے سکھ یاتری وساکھی تہوار میں شرکت کے لیے ننکانہ صاحب تشریف لا رہے ہیں ضلعی انتظامیہ کی جانب سے گورونانک کی دھرتی پر آنے والے مہمانوں کا پرتپاک استقبال کیا جا رہا ہےدنیا کے مختلف ممالک سے 08 ہزار سے زائد سکھ یاتری میلے کی تقریبات میں شرکت کریں گے بھارت سے 28 سو سے زائد سکھ یاتری آج واہگہ بارڈر کے زریعے ننکانہ صاحب پہنچیں گےننکانہ صاحب میں وساکھی میلے کی تقریبات 12 اپریل تک جاری رہیں گی سکھ یاتریوں کی حفاظت کے لیے ضلعی انتظامیہ اور پولیس کے 04 ہزار افسران و اہلکاران سکیورٹی ڈیوٹی پر مامور شہر بھر سمیت گوردوارہ جات کی سی سی ٹی وی کیمروں سے کڑی نگرانی جاری میلے کی تقریبات میں شرکت کرنے والے سکھ یاتری پاکستان سے اچھی یادیں لے کر جائیں گےپاکستان پرامن ملک ہے جہاں تمام اقلیتوں کو مکمل مذہبی آزادی حاصل ہے.
-
ننکانہ صاحب: وساکھی میلہ سر پر، سیوریج منصوبہ نامکمل — یاتریوں کو مشکلات کا خدشہ
ننکانہ صاحب باغی ٹی وی نامہ نگار احسان اللہ ایاز وساکھی میلہ میں 2 دن باقی کیا ترقیاتی کام مکمل ہو جائیں گے کیا مسائل جوں کے توں رہیں گےننکانہ صاحب میگا سیوریج پراجیکٹ سست روی کا شکار، واسا کی کارکردگی پر سوالیہ نشان سیکرٹری ہاؤسنگ نورالامین مینگل کے احکامات کے باوجود کیپٹن حسنین نواز شہید روڈ کلیئر نہ ہو سکی دنیا بھر سے آنے والے سکھ یاتریوں کو شدید مشکلات کا خدشہ، مرکزی شاہراہ کھدائی اور پائپوں سے بھر گئی وزیراعلیٰ پنجاب مریم نواز شریف اور ڈپٹی کمشنر محمد تسلیم اختر راؤ سے فوری نوٹس کا مطالبہ ضلعی انتظامیہ کے لیے وساکھی کے دنوں میں کیپٹن حسنین نواز شہید روڈ کلیئر کرنا بڑا چیلنج بن گیاننکانہ صاحب وساکھی میلہ کی تقریبات میں محض 3 دن باقی رہ گئے ہیں تاہم ننکانہ صاحب میں جاری سیوریج میگا پراجیکٹ تاحال سست روی کا شکار ہے جس کے باعث واسا کی کارکردگی پر سنگین سوالات اٹھنے لگے ہیں،سیکرٹری ہاؤسنگ نورالامین مینگل کی جانب سے واضح احکامات اور سات روزہ ڈیڈ لائن کے باوجود کیپٹن حسنین نواز شہید روڈ پر کام مکمل نہ ہو سکا، جبکہ سڑک کے مختلف حصوں میں کھدائی، بکھرے پائپ اور ادھورا کام شہریوں اور زائرین کے لیے مشکلات کا باعث بن رہا ہے،10 اپریل سے شروع ہونے والی تقریبات میں بھارت سمیت دنیا بھر سے ہزاروں سکھ یاتری ننکانہ صاحب پہنچیں گے، جو اپنے قیام کے دوران مختلف مقامات کی یاترا کریں گے،جن میں گوردوارہ جنم استھان، گوردوارہ تنبو صاحب، گوردوارہ پانچویں اور چھٹی پاتشاہی، گوردوارہ مال جی صاحب اور گوردوارہ کیارہ صاحب سمیت شہر کے اہم گوردوارے اسی مرکزی شاہراہ پر واقع ہیں،جبکہ شہر کے بڑے بازار بھی اسی روڈ سے منسلک ہیں،موجودہ صورتحال میں خدشہ ظاہر کیا جا رہا ہے کہ اگر سیوریج لائن کی کھدائی اور سڑک پر پڑے پائپ بروقت نہ ہٹائے گئے تو سکھ یاتریوں کو شدید مشکلات کا سامنا کرنا پڑ سکتا ہے، جو نہ صرف انتظامی کارکردگی بلکہ شہر کی ساکھ پر بھی اثر انداز ہوگا،شہری حلقوں نے وزیراعلیٰ پنجاب مریم نواز شریف اور ڈپٹی کمشنر محمد تسلیم اختر راؤ سے فوری نوٹس لینے کا مطالبہ کرتے ہوئے کہا ہے کہ وساکھی میلے کے دنوں میں اس اہم شاہراہ کو کلیئر کروانا انتظامیہ کے لیے ایک بڑا امتحان بن چکا ہے اور سوال پیدا ہوتا ہے کہ کیا واسا اور ضلعی انتظامیہ وساکھی میلے سے قبل اس اہم شاہراہ کو کلیئر کر کے اپنی کارکردگی ثابت کر پائیں گے، یا مسائل جوں کے توں رہیں گے.