Author: ممتاز حیدر

کینیڈا کے شہر وینکوور ایئرپورٹ پر ایئر انڈیا کے ایک پائلٹ سے شراب کی بو آنے پر گرفتار کر لیا گیا

بھارتی میڈیا کے مطابق یہ واقعہ 23 دسمبر کو پیش آیا تھا جب پائلٹ پرواز سے قبل ڈیوٹی فری اسٹور سے شاپنگ کر رہا تھا،ایئرپورٹ عملے نے ایئر انڈیا کے پائلٹ سے شراب کی بو محسوس کی اور اسے شراب خریدتے دیکھا جس کے بعد کینیڈین حکام کو اطلاع دی گئی، حکام نے ایئر انڈیا کے پائلٹ کا بریتھ اینالائزر ٹیسٹ کیا اور مزید تفتیش کے لیے اسے روک حراست میں لے لیا،واقعہ پر ایئر انڈیا نے اپنے بیان میں کہا کہ کینیڈین حکام نے پائلٹ کے ’ڈیوٹی کے لیے موزوں‘ ہونے پر تحفظات کا اظہار کیا تھا جس کے بعد اسے ڈیوٹی سے ہٹا دیا گیا تھا۔

دوسری جانب بھارت کے ہوابازی کے ادارے ڈائریکٹوریٹ جنرل آف سول ایوی ایشن نے ایئر انڈیا کے ایک اور کاک پٹ کریو کو شو کاز نوٹس جاری کیا ہے،ایئر انڈیا کے عملے پر الزام ہے کہ پائلٹس نے دہلی اور ٹوکیو کے درمیان متعدد پروازیں سنگین خامیوں کے باوجود آپریٹ کیں،ڈی جی سی اے نے دو ہفتوں میں ایئر انڈیا سے وضاحت طلب کی ہے،

ٹوکیو: جاپان کی وزیرِ اعظم نے 50 سے زائد خواتین قانون سازوں کے ساتھ مل کر پارلیمنٹ میں خواتین کے لیے مزید بیت الخلاء کی فراہمی کا مطالبہ کر دیا ہے۔

خواتین اراکین کا کہنا ہے کہ پارلیمنٹ میں خواتین کی نمائندگی میں حالیہ اضافے کے بعد خواتین کے واش رومز کے باہر طویل قطاریں لگنا معمول بن چکا ہے، جو نہ صرف شرمندگی بلکہ عملی مشکلات کا باعث بھی ہے۔غیر ملکی میڈیا رپورٹس کے مطابق ٹوکیو میں واقع ایوانِ زیریں، ہاؤس آف ریپریزنٹیٹوز، میں اس وقت 73 خواتین اراکین کے لیے صرف دو بیت الخلاء دستیاب ہیں۔ اس سنگین مسئلے کے حل کے لیے 12 دسمبر کو خواتین اراکینِ پارلیمنٹ کی جانب سے باضابطہ درخواست جمع کرائی گئی۔

درخواست کی حمایت کرنے والوں میں جاپان کی پہلی خاتون وزیرِ اعظم سانیے تاکائیچی بھی شامل ہیں، جو گزشتہ برس منتخب ہوئیں۔ مجموعی طور پر 58 خواتین قانون سازوں نے اس مطالبے کی تائید کی ہے، جبکہ اپوزیشن کی آئینی ڈیموکریٹک پارٹی کے مطابق اس درخواست کو سات مختلف سیاسی جماعتوں اور آزاد اراکین کی حمایت حاصل ہے۔

آئینی ڈیموکریٹک پارٹی کی خاتون رکن یاسوکو کومیا ما نے کہا کہ مرکزی اسمبلی اجلاس سے قبل خواتین اراکین کی ایک بڑی تعداد خواتین کے واش روم کے سامنے قطار میں کھڑی ہوتی ہے، جس سے وقت اور توجہ دونوں متاثر ہوتے ہیں۔

جاپان کو ایک ثقافتی طور پر قدامت پسند ملک سمجھا جاتا ہے، جہاں سیاست اور دفاتر طویل عرصے سے عمر رسیدہ مردوں کے زیرِ اثر رہے ہیں۔ ورلڈ اکنامک فورم کے تازہ ترین گلوبل جینڈر گیپ انڈیکس میں بھی جاپان کی پوزیشن بدستور نچلی سطح پر ہے، جہاں وہ 148 ممالک میں 118ویں نمبر پر ہے۔گزشتہ برس سانیے تاکائیچی کے تاریخی انتخاب کے بعد خواتین قانون سازوں کی تعداد بڑھ کر 73 ہو گئی، تاہم اس کے باوجود خواتین اب بھی ایوانِ زیریں کی کل نشستوں کا محض 16 فیصد سے کم حصہ رکھتی ہیں، جیسا کہ آئی پی یو پارلائن کے اعداد و شمار بتاتے ہیں۔خواتین اراکین کی جانب سے جمع کرائی گئی مشترکہ درخواست میں کہا گیا ہے کہ بیت الخلاء کی کمی ایک “انتہائی سنجیدہ مسئلہ” ہے، جو پارلیمانی کارروائی اور اراکین کی کارکردگی کو براہِ راست متاثر کر سکتا ہے۔

یاسوکو کومیا ما نے فیس بک پر جاری بیان میں واضح کیا کہ یہ مسئلہ صرف خواتین قانون سازوں تک محدود نہیں بلکہ خواتین پارلیمانی اسٹاف اور بڑھتی ہوئی تعداد میں موجود خواتین صحافیوں کو بھی متاثر کر رہا ہے۔دوسری جانب خاتون اپوزیشن رکن ٹوموئے ایشی نے انسٹاگرام پر لکھا کہ خواتین کے لیے بیت الخلاء کی کمی “کافی عرصے سے ایک مسئلہ” بنی ہوئی ہے۔ ان کا کہنا تھا کہ معاشرے میں دفاتر اور تعلیمی اداروں میں خواتین کے لیے مزید واش رومز بنانے کے معاملے کو اٹھانے سے عمومی طور پر گریز کیا جاتا ہے۔

قابلِ ذکر بات یہ ہے کہ جاپان کی قومی اسمبلی کی عمارت 1936 میں مکمل کی گئی تھی، یعنی خواتین کو ووٹ کا حق ملنے سے تقریباً ایک دہائی قبل،جاپان میں خواتین کو 1945 میں حقِ رائے دہی دیا گیا، جبکہ ایک سال بعد پہلی خاتون رکنِ پارلیمنٹ منتخب ہوئیں۔خواتین اراکین کا کہنا ہے کہ بدلتے ہوئے دور اور بڑھتی ہوئی خواتین نمائندگی کے پیشِ نظر پارلیمانی سہولیات میں بھی فوری اور عملی اصلاحات ناگزیر ہو چکی ہیں۔

سوئٹزرلینڈ کے جنوبی علاقے میں واقع مشہور الپائن اسکی ریزورٹ کرانس مونٹانا میں نئے سال کی تقریب کے دوران لگنے والی آگ کے نتیجے میں متعدد افراد ہلاک جبکہ کئی زخمی ہو گئے۔

ویلے کینٹن کی پولیس کے ترجمان گیٹن لیتھیون کے مطابق یہ واقعہ یکم جنوری 2026 کی صبح تقریباً ڈیڑھ بجے پیش آیا، جب کرانس مونٹانا میں واقع "لے کانسٹیلیشن لاؤنج بار” میں اچانک آگ بھڑک اٹھی۔ اس وقت بار میں نئے سال کی مناسبت سے ایک تقریب جاری تھی۔پولیس ترجمان نے تصدیق کی کہ آگ کے نتیجے میں کئی افراد زخمی اور کئی جان سے ہاتھ دھو بیٹھے ہیں، تاہم ہلاک اور زخمی ہونے والوں کی حتمی تعداد تاحال جاری نہیں کی گئی۔ واقعے کی وجوہات کے بارے میں بھی فی الحال کوئی تفصیلات فراہم نہیں کی گئیں۔

کرانس مونٹانا کا شمار سوئٹزرلینڈ کے مہنگے اور اعلیٰ درجے کے سیاحتی مقامات میں ہوتا ہے، جہاں ہر سال بڑی تعداد میں ملکی و غیر ملکی سیاح نئے سال کی تقریبات منانے آتے ہیں۔پولیس حکام کے مطابق اس افسوسناک واقعے سے متعلق پولیس اور کینٹن کے پبلک پراسیکیوٹر مشترکہ طور پر صبح 10 بجے (یورپی وقت) ایک پریس کانفرنس کریں گے، جس میں مزید تفصیلات سامنے آنے کا امکان ہے۔واقعے کے بعد علاقے میں سیکیورٹی سخت کر دی گئی ہے جبکہ زخمیوں کو قریبی اسپتالوں میں منتقل کر دیا گیا ہے۔ تحقیقات کا آغاز کر دیا گیا ہے تاکہ آگ لگنے کی اصل وجہ معلوم کی جا سکے۔

ایران میں جاری احتجاجی مظاہروں کے دوران سوشل میڈیا پر سرگرم بعض اکاؤنٹس پر بیرونی خفیہ ایجنسیوں سے روابط کے الزامات سامنے آئے ہیں۔ سوشل میڈیا پلیٹ فارم ایکس (سابقہ ٹوئٹر) پر سرگرم اکاؤنٹس کے مطابق ایران میں ہونے والے مظاہروں کو بھارتی خفیہ ایجنسی ’’را‘‘ سے منسلک اکاؤنٹس کے ذریعے بڑھا چڑھا کر پیش کیا جا رہا ہے۔

انڈیا پراپیگنڈہ کا مرکز، جھوٹ اور فسادات کا سینٹر، ایران میں اس وقت صرف مہنگائی کے خلاف احتجاج ہورہا ہے اور کچھ نہیں مگر یہ انڈین اکاونٹ IRGC بیس پر دھاوا اور کنٹرول حکومت کے ہاتھ سے نکلنے کا دعویٰ کررہا ہے جو کہ سراسر غلط ہے.انڈیا اب صرف اپنے ہمسایہ ممالک تک محدود نہیں رہیں بلکہ ایران جیسے اہم علاقائی ملک میں بھی عدم استحکام اور فساد کو ہوا دے رہا ہے ۔ یہ بات سو فیصد درست ہے کہ انڈیا خطے کے امن، استحکام اور باہمی اعتماد کے لیے شدید خطرہ ہے۔ اگر عالمی برادری نے بروقت اس طرزِ عمل کا نوٹس نہ لیا تو اس کے اثرات پورے خطے کی سلامتی پر مرتب ہو سکتے ہیں۔

ایران میں ہونے والے احتجاج کو ایسے اکاؤنٹس amplify کر رہے ہیں جو خود کو یورپی یا ایرانی ظاہر کرتے ہیں، تاہم درحقیقت یہ اکاؤنٹس خبروں کے انداز میں رپورٹس شائع کر کے ایران کے اندر بے چینی اور عدم استحکام کو ہوا دے رہے ہیں۔ یہ سوشل میڈیا اکاؤنٹس زمینی حقائق کو توڑ مروڑ کر پیش کر رہے ہیں۔ بنگلہ دیش، افغانستان اور اب ایران، جہاں جہاں عدم استحکام پیدا ہوا، وہاں بھارت کے مبینہ ’’نشان‘‘ دیکھے جا سکتے ہیں۔ خطے میں بدامنی پھیلانے کے لیے منظم سوشل میڈیا مہم چلائی جا رہی ہے۔