Author: ممتاز حیدر

بھارت کے دارالحکومت دہلی سے تعلق رکھنے والے ایک پجاری کو خاتون کی جعلی اور نازیبا تصاویر و ویڈیوز مصنوعی ذہانت (اے آئی) کے ذریعے تیار کرکے سوشل میڈیا پر پھیلانے کے الزام میں گرفتار کر لیا گیا۔

بھارتی میڈیا رپورٹس کے مطابق 27 سالہ ملزم سمت نیم چند شرما مذہبی ویڈیوز بنانے اور مختلف سوشل میڈیا پلیٹ فارمز پر مذہبی بیانات دینے کے لیے جانا جاتا تھا۔ پولیس کا کہنا ہے کہ ملزم نے آسانی سے دستیاب اے آئی ٹولز استعمال کرتے ہوئے ایک خاتون اور اس کی والدہ کی تصاویر کو تبدیل کیا اور انہیں متعدد جعلی اکاؤنٹس پر اپ لوڈ کر دیا۔احمد آباد سٹی سائبر کرائم برانچ نے کارروائی کرتے ہوئے ملزم کو دہلی سے گرفتار کیا۔ اس مہم کا مقصد خواتین کو آن لائن ہراسانی اور سائبر جرائم سے تحفظ فراہم کرنا ہے۔پولیس کے مطابق متاثرہ خاتون، جو گجرات سے تعلق رکھتی ہے، کی ملزم سے سوشل میڈیا کے ذریعے جان پہچان ہوئی تھی۔ ملزم نے ابتدا میں انسٹاگرام پر مذہبی موضوعات پر گفتگو شروع کی، تاہم بعد ازاں اس نے خاتون سے دوستی کی کوشش کی جسے خاتون نے مسترد کر دیا۔

شکایت کے مطابق دوستی سے انکار کے بعد ملزم نے دسمبر 2025 سے 6 اپریل تک خاتون کا آن لائن تعاقب کیا۔ اس دوران اس نے خاتون اور اس کی والدہ کی تصاویر انسٹاگرام سے ڈاؤن لوڈ کیں اور انٹرنیٹ پر “AI Remove Clothes” جیسے ٹولز تلاش کرکے ان تصاویر کو نازیبا شکل دی۔پولیس حکام کے مطابق ملزم نے اے آئی ٹیکنالوجی کی مدد سے 100 سے زائد جعلی نازیبا تصاویر اور ویڈیوز تیار کیں۔ اس نے خاتون کے نام اور تصاویر استعمال کرتے ہوئے تین جعلی انسٹاگرام اکاؤنٹس اور ایک یوٹیوب چینل بھی بنایا، جہاں یہ مواد اپ لوڈ کیا گیا۔تحقیقات کے دوران یہ بھی سامنے آیا کہ ملزم نے ایکس، فیس بک، انسٹاگرام اور یوٹیوب سمیت مختلف پلیٹ فارمز پر 8 سے 10 جعلی اکاؤنٹس بنا رکھے تھے۔پولیس کا کہنا ہے کہ ملزم کا مقصد خاتون اور اس کے خاندان کی ساکھ کو نقصان پہنچانا اور ذہنی اذیت دینا تھا۔

متاثرہ خاتون نے بعد ازاں احمد آباد سائبر کرائم ٹیم سے رابطہ کیا، جس کے بعد انسپکٹر ایم ایچ بھیتاریا کی سربراہی میں ٹیم نے ڈیجیٹل ٹریکنگ اور خفیہ معلومات کی مدد سے ملزم کو شمال مشرقی دہلی کے علاقے عثمان پور سے گرفتار کر لیا۔پولیس نے ملزم کے خلاف بھارتیہ نیائے سنہتا اور انفارمیشن ٹیکنالوجی ایکٹ کی متعلقہ دفعات کے تحت مقدمہ درج کر لیا ہے جبکہ مزید تحقیقات جاری ہیں۔

روس یوکرین جنگ کے تناظر میں یوکرین نے امریکا سے فضائی دفاعی نظام کے لیے مزید گولہ بارود فراہم کرنے کی درخواست کر دی ہے۔

میڈیا رپورٹس کے مطابق کے مطابق یوکرینی صدر زیلنسکی نے امریکی صدر ٹرمپ کو ایک خط ارسال کیا ہے جس میں امریکا سے ائیر ڈیفنس سسٹم کے لیے اضافی گولہ بارود کی فراہمی کی اپیل کی گئی ہے۔غیر ملکی میڈیا رپورٹس کے مطابق صدر زیلنسکی نے اپنے خط میں کہا کہ روس کی جانب سے جاری حملوں کے پیش نظر یوکرین کو دفاعی صلاحیت مضبوط بنانے کے لیے فوری مدد درکار ہے۔ انہوں نے امریکی صدر سے درخواست کی کہ وہ اس اہم دفاعی ہتھیار کے ذخائر کو محفوظ بنانے میں تعاون کریں تاکہ شہری علاقوں اور اہم تنصیبات کا دفاع مؤثر انداز میں کیا جا سکے۔یوکرینی صدر کا کہنا تھا کہ پیٹریاٹ میزائل سسٹم اور دیگر اضافی دفاعی نظام روسی میزائل اور ڈرون حملوں کو روکنے کے لیے استعمال کیے جائیں گے۔ ان کا مزید کہنا تھا کہ فضائی دفاعی نظام کی مضبوطی یوکرین کی سلامتی اور شہری آبادی کے تحفظ کے لیے نہایت ضروری ہے۔

دوسری جانب روس اور یوکرین کے درمیان جاری جنگ میں حالیہ مہینوں کے دوران فضائی حملوں میں شدت دیکھی گئی ہے، جس کے باعث یوکرین مسلسل مغربی اتحادیوں سے جدید دفاعی ساز و سامان اور اسلحے کی فراہمی کا مطالبہ کر رہا ہے۔

بنگلہ دیش میں سنہرے بالوں کی وجہ سے "ڈونلڈ ٹرمپ” کے نام سے مشہور ہونے والے ایک بھینسے کو قربانی سے بچا لیا گیا ہے، اور اب اسے قومی چڑیا گھر میں رکھا جائے گا۔

جنوبی ایشیا کے مسلم اکثریتی ملک بنگلہ دیش، جس کی آبادی تقریباً 17 کروڑ ہے، میں عیدالاضحیٰ جمعرات کو منائی جا رہی ہے۔700 کلوگرام وزنی یہ نایاب سفید رنگ کا بھینسا، جس کے سر پر ہلکے سنہرے بال امریکی صدر ڈونلڈ ٹرمپ کے مخصوص ہیئر اسٹائل سے مشابہت رکھتے ہیں، عیدالاضحیٰ پر قربانی کے لیے تیار کیا گیا تھا۔تاہم قربانی سے چند گھنٹے قبل حکومت نے مداخلت کرتے ہوئے اس جانور کو بچا لیا، جو سوشل میڈیا پر غیرمعمولی شہرت حاصل کر چکا تھا۔قومی چڑیا گھر کے کیوریٹر عتیق الرحمٰن نے بتایا کہ اس بھینسے کی خصوصی دیکھ بھال کی جائے گی۔

انہوں نے بدھ کے روز اے ایف پی سے گفتگو کرتے ہوئے کہا، "ہم نے اس سفید بھینسے کے لیے ایک مخصوص باڑا مختص کیا ہے اور اس کی دیکھ بھال کے لیے ایک نگہبان بھی مقرر کیا گیا ہے۔ اسے دو ہفتوں کے لیے قرنطینہ میں رکھا جائے گا۔”

بنگلہ دیش میں لوگوں کی بڑی تعداد اس منفرد جانور کے ساتھ تصاویر بنانے کے لیے امڈ آئی تھی، جبکہ سوشل میڈیا پر بھی یہ بھینسا خاص توجہ کا مرکز بنا رہا۔38 سالہ سابق مالک ضیاء الدین مردھا نے بتایا کہ اس کے بھائی نے اس بھینسے کا نام "ٹرمپ” اس کے "غیرمعمولی بالوں” کی وجہ سے رکھا تھا۔انہوں نے کہا کہ سوشل میڈیا صارفین، بچوں اور عام لوگوں کی بڑی تعداد روزانہ اس جانور کو دیکھنے کے لیے آتی تھی۔تاہم عیدالاضحیٰ سے قبل انہوں نے یہ بھینسا فروخت کر دیا تھا۔بعد ازاں حکومت کی ہدایت پر پولیس نے کارروائی کرتے ہوئے بھینسے کو تحویل میں لے لیا۔

ڈھاکا کے پولیس افسر محمد روح الحق قدوس نے اے ایف پی کو بتایا، "لائیو اسٹاک ڈیپارٹمنٹ نے ہم سے درخواست کی کہ اس نایاب جانور کو مالک سے لے لیا جائے۔”انہوں نے مزید کہا، "محکمہ کا مؤقف تھا کہ یہ سفید بھینسا ابھی بہت کم عمر ہے اور اسے مزید کئی سال تک پالا جا سکتا ہے۔”

عیدالاضحیٰ کے دوران بنگلہ دیش میں ایک کروڑ 20 لاکھ سے زائد جانور، جن میں بکرے، بھیڑیں، گائیں اور بھینسے شامل ہیں، قربان کیے جانے کی توقع ہے۔ اس موقع پر غریب خاندانوں کو بھی گوشت کھانے کا نادر موقع ملتا ہے۔

ریاستی سرپرستی میں بھارتی دہشت گرد پراکسی کو بڑا دھچکا، کینیڈا میں فور برادر نیٹ ورک بے نقاب ہو گیا

مودی سرکار کے زیرسایہ بھارتی جرائم پیشہ نیٹ ورکس کینیڈا سمیت مختلف ممالک کی خودمختاری اور داخلی سلامتی کیلئے سنگین خطرہ ہے،کینیڈا میں بھارتی جرائم پیشہ عناصر سرگرم، بھارتی میڈیا نے ہی اپنے ملک کی عالمی بدنامی بے نقاب کردی،بھارتی جریدہ دی ٹائمز آف انڈیاکےمطابق کینیڈا میں “فور برادرز” نامی بین الاقوامی گینگ کیخلاف بڑا آپریشن، 17 بھارتی نژاد ملزمان گرفتار، مقدمات درج کر لئے گئے،فوربرادرزگینگ کینیڈا اورامریکابھرمیں جنوبی ایشیائی کاروباری شخصیات اورکمیونٹی اراکین کونشانہ بناتارہا، گینگ برمپٹن، مسی ساگا، کیلیڈن اوربرٹش کولمبیامیں سرگرم رہا، کیلیفورنیاتک روابط سامنےآگئے ، بھتہ نہ دینےپرمتعددکاروبارنشانہ بنتےرہے،گینگ24 واقعات،324 فائرنگ اور16 پرتشدد حملوں میں ملوث نکلا ، گرفتارتمام افرادبھارتی نژاد ہیں ،6ملزمان کوامیگریشن کارروائی اورممکنہ بے دخلی کاسامنا کرنا پڑا

ماہرین کےمطابق فور برادر بھارتی دہشتگرد نیٹ ورک کینیڈا میں ہردیپ سنگھ نجار اور امریکا میں گرپتونت سنگھ پنوں کے قتل کےمنصوبوں میں شامل بھارتی جرائم پیشہ گروہوں کا تسلسل ہے،بھارتی بدنام زمانہ خفیہ ایجنسی را بیرون ممالک دہشتگردی اور مخالف آوازوں کو دبانے کیلئے براہ راست ایسے نیٹ ورکس کو استعمال کرتی ہے ، فور برادر جرائم پیشہ گروہ بیرون ممالک موجود بھارتی منظم دہشت گردی کی مالی معاونت کا واضح ثبوت ہے جسے بھارت عالمی سطح پر خفیہ کارروائیوں کیلئے استعمال کرتا ہے، دہشتگردی اور بھتہ خوری کے نیٹ ورکس چلا کر بھارت 5آئیز ممالک کی خودمختاری اور داخلی سلامتی کی خلاف ورزی کر رہا ہے،