عید الاضحیٰ پر لائن آف کنٹرول سے پاک فوج کے افسران اور جوانوں کا قوم کے نام خوبصورت پیغام سامنے آیا ہے
قوم کے نام خصوصی پیغام میں پاک فوج کے افسران اور جوانوں نے پوری قوم کو عیدالاضحیٰ کی دلی مبارکباد پیش کی،عید الاضحیٰ کے موقع پر سرحدوں کے محافظوں نے پاکستان کا دفاع ہر قیمت پر یقینی بنانے کے عزم کا اعادہ کیا،اس موقع پر پاک فوج کے افسران اور جوان کا کہنا تھا کہ؛پوری قوم عید منا رہی ہوتی ہے تو وطن کے محافظ سرحدوں پر دفاعِ پاکستان کیلئے ہمہ وقت چوکس رہتے ہیں،قوم کی ہر خوشی، ہر مسکراہٹ اور وطن کے امن کیلئے ہر قربانی دینے کو تیار ہیں، سبز ہلالی پرچم کی حرمت اور پاکستان کی سلامتی ہماری اولین ذمہ داری ہے، دشمن کی ہر سازش کا بھرپور اور منہ توڑ جواب دیا جائے گا، عیدالاضحیٰ کا جذبہ ہمیں ایثار، قربانی اور وطن پر جان نچھاور کرنے کا حوصلہ دیتا ہے، وطن کے محافظوں نے پاکستان کی سلامتی، ترقی اور خوشحالی کیلئے خصوصی دعاؤں کا اظہار کیا