Blog

مرکزی اسرائیل میں ایران کی جانب سے کیے گئے نئے میزائل حملے کے بعد گرنے والے میزائل کے ٹکڑوں سے کئی گاڑیوں میں آگ بھڑک اٹھی، جبکہ کم از کم 11 افراد زخمی ہوگئے۔

اسرائیلی ایمرجنسی سروس کے مطابق زخمیوں کو فوری طبی امداد فراہم کی جا رہی ہے، جبکہ بعض کی حالت تشویشناک بتائی جا رہی ہے۔پولیس ترجمان کا کہنا ہے کہ تل ابیب کے مختلف علاقوں میں میزائل کے ملبے گرنے کی اطلاعات موصول ہوئی ہیں، جس کے بعد سیکیورٹی اداروں کو ہائی الرٹ کر دیا گیا ہے۔اسرائیلی فوج کے مطابق سرچ اینڈ ریسکیو ٹیمیں مرکزی اسرائیل کے ان مقامات کی جانب روانہ کر دی گئی ہیں جہاں حملوں کے اثرات کی اطلاعات ملی ہیں۔عینی شاہدین کے مطابق تل ابیب کے ساحلی علاقے (بیچ پرومینیڈ) پر ایمرجنسی ٹیموں کو متاثرہ مقام پر کام کرتے دیکھا گیا، جہاں تباہی کے واضح آثار موجود تھے۔آئی ڈی ایف کے ایک ترجمان نے غیر ملکی میڈیا کو بتایا کہ نقصان کلسٹر بم کے استعمال کے باعث ہوا، جبکہ ایران نے اس سے قبل اسرائیل کی جانب ایک نئی میزائل لہر فائر کرنے کا دعویٰ کیا تھا۔

چین کی وزارتِ خارجہ نے تصدیق کی ہے کہ حالیہ دنوں میں تین چینی بحری جہاز اہم عالمی گزرگاہ آبنائے ہرمز سے بحفاظت گزر گئے ہیں۔

چینی وزارتِ خارجہ کی ترجمان ماؤ نِنگ نے منگل کو پریس کانفرنس میں بتایا کہ یہ پیش رفت متعلقہ فریقین، بالخصوص ایران کے ساتھ رابطے اور ہم آہنگی کے بعد ممکن ہوئی۔انہوں نے کہا کہ "متعلقہ فریقین کے ساتھ تعاون کے بعد تین چینی جہازوں نے حال ہی میں آبنائے ہرمز عبور کی۔ ہم اس سلسلے میں فراہم کی گئی معاونت کو سراہتے ہیں۔” ترجمان کا مزید کہنا تھا کہ آبنائے ہرمز اور اس کے گرد و نواح کے سمندری راستے عالمی تجارت اور توانائی کی ترسیل کے لیے انتہائی اہم ہیں، اور چین خطے میں فوری جنگ بندی اور امن و استحکام کی بحالی کا مطالبہ کرتا ہے۔

پس منظر کے طور پر، ایرانی حکام پہلے ہی واضح کر چکے ہیں کہ غیر دشمن ممالک کے جہاز ایران کے ساتھ پیشگی رابطے کے بعد آبنائے ہرمز سے گزر سکتے ہیں۔ حالیہ دنوں میں ایران، چین، بھارت اور پاکستان سے وابستہ متعدد جہاز اس اہم راستے سے گزر چکے ہیں۔دوسری جانب ایرانی حکام نے عندیہ دیا ہے کہ بعض آئل ٹینکرز کو محفوظ گزرگاہ فراہم کرنے کے بدلے فیس بھی عائد کی جا سکتی ہے۔ یہ بیان اس رپورٹ کے بعد سامنے آیا جس میں دعویٰ کیا گیا تھا کہ کم از کم دو جہازوں نے آبنائے ہرمز سے گزرنے کے لیے بھاری رقوم ادا کیں۔

ماہرین کے مطابق، خلیجی خطے میں جاری کشیدگی کے باعث عالمی توانائی سپلائی اور بحری تجارت متاثر ہونے کا خدشہ بڑھ گیا ہے، جبکہ سفارتی سطح پر کوششیں جاری ہیں کہ اس اہم سمندری گزرگاہ کو کھلا اور محفوظ رکھا جائے۔

یورپ میں لوٹ مار میں اضافے اٹلی میں 12 ٹن چاکلیٹ سے بھرا ٹرک چرالیا گیا کٹ کیٹ سے بھرا ٹرک اٹلی سے پولینڈ جارہا تھا کہ 12 ٹن کٹ کیٹ چاکلیٹ چوری ہوگئی جن کی مقدار 4لاکھ 13ہزار سے زائد تھی۔ کارگو کی چوری ہر سائز کے کاروبار کے لیے ایک بڑھتا ہوا مسئلہ ہے۔

یورپ میں ایک حیران کن واردات کے دوران چوروں نے مشہور چاکلیٹ برانڈ کٹ کیٹ کی 4 لاکھ سے زائد بارز چرا لیں، جن کا مجموعی وزن تقریباً 12 ٹن بتایا جا رہا ہے۔کمپنی کے مطابق یہ چاکلیٹ ایک ٹرک کے ذریعے اٹلی کے وسطی علاقے سے پولینڈ منتقل کی جا رہی تھیں کہ راستے میں نامعلوم افراد نے پوری کھیپ غائب کر دی۔بیان کے مطابق چوری ہونے والی کل 413,793 کٹ کیٹ بارز تاحال لاپتہ ہیں اور نہ ہی ٹرک کا کوئی سراغ ملا ہے۔ کمپنی کا کہنا ہے کہ ہر بار پر موجود بیچ نمبر کے ذریعے ان کی شناخت ممکن ہے، اور عوام سے اپیل کی گئی ہے کہ اگر کسی کو ایسی چاکلیٹس ملیں تو فوری اطلاع دی جائے۔کمپنی نے مزید بتایا کہ اس معاملے کی تحقیقات مقامی حکام اور سپلائی چین پارٹنرز کے ساتھ مل کر جاری ہیں۔

ایک رپورٹ میں انکشاف کیا گیا ہے کہ کارگو چوری اور فریٹ فراڈ کے واقعات میں مسلسل اضافہ ہو رہا ہے اور یہ جرائم مزید پیچیدہ ہوتے جا رہے ہیں۔کمپنی کے ترجمان نے مزاحیہ انداز میں کہا “ہم ہمیشہ لوگوں کو کٹ کیٹ کے ساتھ بریک لینے کا کہتے ہیں، لیکن لگتا ہے چوروں نے اس بات کو کچھ زیادہ ہی سنجیدگی سے لے لیا اور 12 ٹن چاکلیٹ کے ساتھ ہی بریک لے لی۔”ترجمان نے مزید کہا کہ اگرچہ چوروں کا ذوق قابلِ تعریف ہے، لیکن کارگو چوری کاروبار کے لیے ایک بڑھتا ہوا خطرہ بن چکی ہے۔

اتوار کو انسٹاگرام پر جاری بیان میں کمپنی نے واضح کیا کہ اس واقعے سے صارفین کی صحت کو کوئی خطرہ نہیں اور نہ ہی سپلائی متاثر ہوئی ہے۔واضح رہے کہ یہ یورپ میں چاکلیٹ کی پہلی بڑی چوری نہیں۔ اس سے قبل 2023 میں برطانیہ میں ایک شخص نے مشہور Cadbury کے تقریباً 2 لاکھ کریم ایگز چرا لیے تھے، جس پر اسے 18 ماہ قید کی سزا سنائی گئی تھی۔