Blog

متحدہ عرب امارات کے دارالحکومت ابوظہبی میں ایک ہوٹل کے نزدیک میزائل کے ملبے کے گرنے کی اطلاعات سامنے آئی ہیں، جس کے بعد سیکیورٹی اداروں نے علاقے کو گھیرے میں لے کر صورتحال کی نگرانی شروع کر دی ہے۔

سوشل میڈیا پر سامنے آنے والی ویڈیو فوٹیج میں دیکھا جا سکتا ہے کہ فضائی دفاعی نظام کی جانب سے میزائل کو تباہ کرنے کے بعد اس کا کچھ ملبہ یاس مرینا کے قریب ایک ہوٹل کے نزدیک زمین پر گرتا ہے۔ حکام کے مطابق واقعے کے بعد فوری طور پر سیکیورٹی ٹیمیں اور ہنگامی امدادی ادارے موقع پر پہنچ گئے اور علاقے کو محفوظ بنانے کے اقدامات کیے گئے۔

ذرائع کے مطابق دبئی میں بھی ممکنہ خطرے کے پیش نظر ایئر ریڈ سائرن بجنے کی آوازیں سنی گئیں،متحدہ عرب امارات کی وزارتِ دفاع اور مقامی حکام نے عوام کو پرامن رہنے اور سرکاری ہدایات پر عمل کرنے کی ہدایت کی ہے۔ حکام کا کہنا ہے کہ فضائی دفاعی نظام مسلسل فعال ہے اور کسی بھی ممکنہ خطرے سے نمٹنے کے لیے تیار ہے۔

سوشل میڈیا پر گردش کرنے والی وہ ویڈیو جس میں دبئی کی بلند ترین عمارت برج خلیفہ کو آگ میں جلتا ہوا دکھایا گیا، حقیقت میں جعلی اور انڈیا کا پراپیگنڈہ قرار دی گئی ہے۔ فیکٹ چیک کے مطابق یہ ویڈیو مصنوعی ذہانت کی مدد سے تیار کی گئی ہے اور اس کا حقیقی واقعے سے کوئی تعلق نہیں۔
رپورٹس کے مطابق ایک آن لائن ڈیٹیکشن ٹول نے اس ویڈیو کو 99.9 فیصد امکان کے ساتھ اے آئی سے تیار کردہ قرار دیا ہے۔ ویڈیو کو بعض سوشل میڈیا اکاؤنٹس کی جانب سے امریکا کے ایران پر حملے کے تناظر میں شیئر کیا جا رہا تھا۔
‎خبر رساں اداروں کے مطابق ایران کی جانب سے جوابی کارروائی کے دوران متحدہ عرب امارات میں دبئی کے قریب دھماکوں کی اطلاعات ضرور سامنے آئیں، تاہم برج خلیفہ کو کسی قسم کا نقصان نہیں پہنچا اور نہ ہی عمارت میں آگ لگنے کی کوئی تصدیق ہوئی۔
‎ماہرین کے مطابق جنگی حالات میں سوشل میڈیا پر جعلی ویڈیوز اور تصاویر تیزی سے پھیلائی جاتی ہیں، اس لیے عوام کو غیر مصدقہ مواد پر یقین کرنے سے پہلے مستند ذرائع سے تصدیق کرنی چاہیے۔

انٹرویو میں کہا ہے کہ ایران امریکہ کی کسی بھی ممکنہ زمینی فوجی کارروائی کا مقابلہ کرنے کے لیے مکمل طور پر تیار ہے۔
‎انہوں نے کہا کہ ایران کو امریکی زمینی فوج سے کوئی خوف نہیں بلکہ وہ اس صورتحال کا سامنا کرنے کے لیے تیار ہے۔ ان کے مطابق اگر امریکہ نے ایسی کارروائی کی تو اس کے نتائج امریکہ کے لیے بہت تباہ کن ہوں گے۔
‎عباس عراقچی نے کہا کہ ایران نے کسی سے بھی جنگ بندی کی درخواست نہیں کی اور نہ ہی اس حوالے سے کوئی مطالبہ کیا گیا ہے۔ ان کا کہنا تھا کہ ایران اپنی دفاعی صلاحیتوں پر مکمل اعتماد رکھتا ہے اور کسی بھی حملے کا بھرپور جواب دینے کی صلاحیت رکھتا ہے۔
‎ایرانی وزیر خارجہ نے مزید کہا کہ امریکہ کے ساتھ کسی بھی قسم کے مذاکرات کو مسترد کیا جاتا ہے۔ انہوں نے بتایا کہ گزشتہ ایک ہفتے کے دوران امریکی شخصیات اسٹیو وٹکوف یا جیرڈ کشنر کے ساتھ بھی کوئی رابطہ نہیں ہوا۔

مشرق وسطیٰ میں جاری شدید عسکری کشیدگی اور غیر یقینی صورتحال کے پیشِ نظر امریکی محکمہ خارجہ نے خطے سے اپنے شہریوں کو نکالنے کا عمل تیز کر دیا ہے۔ تازہ ترین اطلاعات کے مطابق، اب تک 18 ہزار امریکی شہری بحفاظت اپنے ملک واپس پہنچ چکے ہیں، تاہم امریکی حکام کے لیے خطے میں مقیم 2 لاکھ سے زائد امریکی شہریوں کی حفاظت اور انخلاء اب بھی ایک بہت بڑا اور پیچیدہ چیلنج بنا ہوا ہے۔
‎امریکی میڈیا رپورٹس کے مطابق، مشرق وسطیٰ کے اہم ممالک میں مقیم امریکی شہریوں کی تعداد کچھ یوں ہے:
سعودی عرب: 80,000 امریکی
متحدہ عرب امارات: 50,000 امریکی
کویت: 30,000 امریکی
قطر: 15,000 امریکی
‎امریکی حکام تمام سفارتی ذرائع اور وسائل بروئے کار لا رہے ہیں تاکہ باقی ماندہ شہریوں کو محفوظ مقامات تک پہنچایا جا سکے۔ اتنی بڑی تعداد میں شہریوں کا انخلاء اس بات کی نشاندہی کرتا ہے کہ امریکہ خطے میں طویل المدتی غیر یقینی صورتحال کی توقع کر رہا ہے۔ نقل و حمل کے اس وسیع آپریشن کے دوران زمینی اور فضائی دونوں راستوں کا استعمال کیا جا رہا ہے۔

بحرین کی حکومت نے جمعرات کو اعلان کیا ہے کہ ایران کی جانب سے داغا گیا ایک میزائل ملک کی ایک اہم آئل ریفائنری سے ٹکرا گیا۔

حکام کے مطابق حملے کے نتیجے میں ریفائنری کے ایک حصے میں آگ بھڑک اٹھی، تاہم خوش قسمتی سے کسی جانی نقصان کی اطلاع نہیں ملی اور ریفائنری معمول کے مطابق کام جاری رکھے ہوئے ہے۔بحرینی حکومت کی جانب سے جاری بیان میں کہا گیا کہ میزائل حملے کے بعد BAPCO Energies کی ریفائنری کے ایک یونٹ میں آگ لگ گئی تھی۔ فائر فائٹرز اور ہنگامی امدادی ٹیموں نے فوری کارروائی کرتے ہوئے آگ پر مکمل قابو پا لیا۔بیان کے مطابق،“آگ کو مکمل طور پر بجھا دیا گیا ہے، کسی کے زخمی ہونے کی اطلاع نہیں ملی جبکہ ریفائنری کی آپریشنل سرگرمیاں جاری ہیں۔ اس واقعے سے ہونے والے نقصانات کا جائزہ لیا جا رہا ہے۔”

ادھر امریکی نشریاتی ادارے سی این این کی جانب سے جغرافیائی محلِ وقوع کی تصدیق کے بعد جاری کی گئی ایک ویڈیو میں مبینہ طور پر میزائل کے ریفائنری کے قریب گرنے کا لمحہ اور اس کے بعد بھڑکنے والی آگ دیکھی جا سکتی ہے۔ماہرین کے مطابق خلیجی خطے میں تیل کی تنصیبات پر اس نوعیت کے حملے توانائی کی عالمی منڈیوں میں بے چینی پیدا کر سکتے ہیں۔ تاہم بحرینی حکام کا کہنا ہے کہ ریفائنری کے بنیادی نظام محفوظ ہیں اور تیل کی پیداوار یا ترسیل متاثر نہیں ہوئی۔

کریملن کی جانب سے ایک اہم سفارتی بیان سامنے آیا ہے جس میں روسی
صدارتی محل نے ان تمام افواہوں کی تردید کی ہے جن میں ایران کی جانب سے اسلحہ کی فراہمی کی درخواست کا دعویٰ کیا گیا تھا۔ جمعرات کے روز صحافیوں سے گفتگو کرتے ہوئے کریملن کے ترجمان دمتری پیسکوف نے واضح کیا کہ ایران کی جانب سے اس حوالے سے کوئی بھی باضابطہ درخواست روس کو موصول نہیں ہوئی ہے۔ انہوں نے اس بات پر زور دیا کہ اس معاملے پر روس کا مؤقف مستقل اور واضح ہے اور اس میں کسی بھی قسم کی تبدیلی نہیں آئی ہے۔
یہ بیان بین الاقوامی سیاسی حلقوں میں انتہائی اہمیت کا حامل سمجھا جا رہا ہے، خاص طور پر ایسے وقت میں جب ایران اور اسرائیل کے درمیان کشیدگی اپنے عروج پر ہے۔ ماہرین کا کہنا ہے کہ روس کی جانب سے یہ واضح تردید دراصل ایک توازن برقرار رکھنے کی کوشش ہے، جس کا مقصد عالمی برادری کو یہ باور کرانا ہے کہ روس اس علاقائی تنازع میں براہِ راست فریق بننے سے گریزاں ہے۔ اس بیان نے خطے کی صورتحال پر نظر رکھنے والے عالمی طاقتوں کے لیے ایک واضح اشارہ دیا ہے کہ روس فی الحال عسکری اتحادوں کی سیاست سے فاصلہ رکھنے کو ترجیح دے رہا ہے۔

امریکی صدر ڈونلڈ ٹرمپ نے کہا ہے کہ انہیں ایران کے اگلے سپریم لیڈر کے انتخاب میں “شامل ہونا چاہیے”، جبکہ انہوں نے ایران کے سابق سپریم لیڈر علی خامنہ ای کے بیٹے مجتبیٰ خامنہ ای کی ممکنہ جانشینی کو سختی سے مسترد کر دیا ہے۔

ٹرمپ نے کہا کہ خامنہ ای کے بیٹے کو ایران کی قیادت کے لیے زیر غور لانا “وقت کا ضیاع” ہے اور وہ اس عہدے کے لیے موزوں نہیں۔ انہوں نے کہا “خامنہ ای کا بیٹا میرے لیے قابل قبول نہیں۔ ہم ایران میں ایسا رہنما چاہتے ہیں جو ہم آہنگی اور امن لائے۔”ایران کے نئے سپریم لیڈر کی تقرری میں امریکہ کو کردار ادا کرنا چاہیے۔ انہوں نے اس معاملے کا موازنہ وینزویلا کی سیاست سے کرتے ہوئے کہا کہ جیسے امریکہ نے Delcy Rodríguez کے اقتدار میں آنے کے معاملے میں کردار ادا کیا، ویسا ہی کردار ایران کے معاملے میں بھی ہونا چاہیے۔

امریکی صدر کا کہنا تھا کہ اگر ایران میں ایسا رہنما منتخب کیا گیا جو سابق پالیسیوں کو جاری رکھے تو امریکہ اور ایران کے درمیان دوبارہ جنگ کا خطرہ پیدا ہوسکتا ہے۔ ان کے مطابق ایسی صورتحال “پانچ سال کے اندر ایک اور جنگ” کا باعث بن سکتی ہے۔

یہ بیان ایسے وقت میں سامنے آیا ہے جب وائٹ ہاؤس نے ایک روز قبل اشارہ دیا تھا کہ ایران کے خلاف جاری فوجی کارروائیوں کا بنیادی مقصد حکومت کی تبدیلی نہیں ہے۔ تاہم ٹرمپ کے تازہ ریمارکس سے خطے میں جاری کشیدگی اور ایران کی آئندہ قیادت کے حوالے سے نئی بحث شروع ہو گئی ہے۔دوسری جانب ایران کی قیادت کی جانب سے ابھی تک نئے سپریم لیڈر کے بارے میں باضابطہ اعلان نہیں کیا گیا، جبکہ ایرانی سیاسی و مذہبی حلقوں میں مختلف نام زیر غور بتائے جا رہے ہیں۔