پاکستان نے ابدالی ویپن سسٹم کا کامیاب تربیتی تجربہ کیا ہے، جو زمین سے زمین پر مار کرنے والا بیلسٹک میزائل ہے اور اس کی رینج 450 کلومیٹر بتائی گئی ہے۔ پاک فوج کے شعبہ تعلقات عامہ کے مطابق یہ تجربہ فوجی مشق “ایکس انڈس” کے تحت آرمی اسٹریٹجک فورسز کمانڈ کی نگرانی میں کیا گیا۔
آئی ایس پی آر کے مطابق اس تجربے کا مقصد فوجی دستوں کی آپریشنل تیاری اور میزائل کے اہم تکنیکی پہلوؤں کا جائزہ لینا تھا، جن میں جدید نیویگیشن سسٹم اور بہتر مانوور ایبلٹی شامل ہیں۔ تجربہ ایک نامعلوم مقام پر کیا گیا جہاں سینئر فوجی حکام نے بھی مشاہدہ کیا۔
ابدالی میزائل، جسے حتف ٹو بھی کہا جاتا ہے، ایک ٹیکٹیکل بیلسٹک میزائل ہے جو روایتی اور جوہری دونوں قسم کے وارہیڈ لے جانے کی صلاحیت رکھتا ہے۔ حکام کے مطابق اس میزائل کے حالیہ ورژن میں نمایاں بہتری کی گئی ہے اور اس کی کارکردگی پہلے کے مقابلے میں زیادہ مؤثر بنائی گئی ہے۔
یہ پیش رفت ایسے وقت میں سامنے آئی ہے جب خطے میں کشیدگی میں اضافہ دیکھا جا رہا ہے۔ تاہم پاکستانی حکام نے اس تجربے کو معمول کی دفاعی تیاری قرار دیتے ہوئے کہا ہے کہ اس کا مقصد ملک کی دفاعی صلاحیت کو مضبوط بنانا اور مؤثر ڈیٹرنس برقرار رکھنا ہے۔
Blog
-
پاکستان کا ابدالی میزائل کا کامیاب تجربہ، 450 کلومیٹر رینج کی تصدیق
-
گھوٹکی میں بدامنی کے خلاف شہری اتحاد کی ریلی، بہتر پولیس تعیناتی کا مطالبہ
میرپورماتہیلو با غی ٹی وی / نامہ نگار مشتاق علی لغاری -گھوٽکی میں شہری اتحاد کی جانب سے شہر میں بڑھتی ہوئی بدامنی، ڈکیتیوں، موٹرسائیکل چوری، جوا اڈوں، آئس اور منشیات کی کھلے عام فروخت، اوباش عناصر کی غنڈہ گردی، بلیک میلنگ اور پولیس کی نااہلی کے خلاف احتجاجی ریلی نکالی گئی۔ریلی کی قیادت چیئرمین شہری اتحاد رئیس الہوسایو گھوٹو، سرپرست مکھی کیکا رام اور سینئر وائس چیئرمین لالا قیصر زمان خان پٹھان نے کی۔ ریلی پریس کلب گھوٹکی سے شروع ہو کر پاکستان چوک تک پہنچی۔احتجاجی ریلی میں سینکڑوں دکانداروں اور شہریوں نے شرکت کی۔ مظاہرین نے مطالبہ کیا کہ شہر میں دیانتدار اور قابل پولیس افسران مقرر کیے جائیں تاکہ شہریوں کو جان و مال کا تحفظ فراہم کیا جا سکے۔
-
میرپورخاص میں شہید عظیم احمد طارق کی 33ویں برسی، قرآن خوانی و دعاؤں کا اہتمام
میرپورخاص میں شہید چیئرمین عظیم احمد طارق کی 33ویں برسی منائی گئی۔
ایم کیو ایم پاکستان میرپورخاص ڈسٹرکٹ کے تحت قرآن خوانی و فاتحہ خوانی کا انعقاد۔خصوصی دعائیں مانگی گئیں۔
سابق رکن رابطہ کمیٹی ڈاکٹر ظفر کمالی،انچارج سندھ تنظیمی کمیٹی سلیم رزاق، رکن ایس ٹی سی شفیق احمد، ڈسٹرکٹ انچارج خالد تبسم،
ڈسٹرکٹ جوائنٹ انچارجزآفاق احمد خان، سلیم میمن و اراکین ڈسٹرکٹ کمیٹی،
یوسیز و شعبہ جات کے ذمہ داران و کارکنان نے کثیر تعداد میں شرکت کی۔
میرپورخاص۔باغی ٹی وی نامہ نگار سید شاہزیب شاہ
شہید چیئرمین عظیم احمد طارق کی 33ویں برسی کے موقع ایم کیو ایم پاکستان میرپورخاص ڈسٹرکٹ کے تحت ڈسٹرکٹ آفس میں قرآن خوانی و فاتحہ خوانی کا انعقاد ہوا جس میں سابق رکن رابطہ کمیٹی ڈاکٹر ظفر کمالی، انچارج سندھ تنظیمی کمیٹی سلیم رزاق، رکن ایس ٹی سی شفیق احمد، ڈسٹرکٹ انچارج خالد تبسم، ڈسٹرکٹ جوائنٹ انچارجز آفاق احمد خان، سلیم میمن و اراکین ڈسٹرکٹ کمیٹی، تمام یوسیز کے ذمہ داران و کارکنان، ایلڈرزونگ، شعبہ خواتین سمیت دیگر تمام شعبہ جات کے ذمہ داران و کارکنان نے کثیر تعداد میں شرکت کی۔بعدازاں شہید عظیم احمد طارق سمیت تحریک کے تمام شہداء کے بلند درجات،لواحقین کے لئے صبر جمیل،حق پرستانہ جدوجہد کی کامیابی و کامرانی،تحریک کے خلاف سازشوں کے خاتمے اور پاکستان کی ترقی و خوشحالی کے لئے خصوصی دعائیں مانگی گئیں۔ قبل اذیں خالد تبسم، آفاق احمد خان اور سلیم میمن نے کارکنان سے گفتگو کے دوران شہید عظیم احمد طارق کو خراج عقیدت پیش کرتے ہوئے کہا کہ غریب و مظلوم عوام کی خدمت شہید عظیم احمد طارق کی سیاست کا محور تھا اور انہوں نے جان کی بازی لگا کر نظریہ حق پرستی کی حفاظت کی جو ہمارے لئے مشعل راہ ہے۔ کٹھن حالات میں قید و بند کی صعوبتیں جھیل کر بھی وہ ثابت قدم رہے اور حق و صداقت کا پرچم بلند رکھا، شہید عظیم احمد طارق کا نام تاریخ سیاست میں ہمیشہ زندہ رہے گا۔ -
دریائے چناب میں پانی کی آمد میں نمایاں کمی، واپڈا کے اعدادوشمار جاری
واپڈا کی جانب سے جاری تازہ اعدادوشمار کے مطابق بھارت کی جانب سے دریائے چناب میں پانی کی آمد میں نمایاں کمی ریکارڈ کی گئی ہے، جس نے آبی صورتحال پر نئے سوالات کھڑے کر دیے ہیں۔
اعدادوشمار کے مطابق ہیڈ مرالہ کے مقام پر دریائے چناب میں پانی کی آمد کم ہو کر 9 ہزار کیوسک رہ گئی ہے، جبکہ پانی کا اخراج صرف 1 ہزار 100 کیوسک ریکارڈ کیا گیا۔ یہ کمی گزشتہ روز کے مقابلے میں تقریباً 11 ہزار 900 کیوسک کم ہے، جو ایک بڑی گراوٹ سمجھی جا رہی ہے۔
واپڈا کے مطابق گزشتہ روز اسی مقام پر پانی کی آمد 20 ہزار 900 کیوسک تھی جبکہ اخراج 13 ہزار 100 کیوسک ریکارڈ کیا گیا تھا۔ اسی طرح یکم مئی کو بھی پانی کی آمد 20 ہزار 900 کیوسک رہی، جبکہ 30 اپریل کو یہ مقدار 25 ہزار 200 کیوسک تک تھی اور اخراج 17 ہزار 400 کیوسک ریکارڈ کیا گیا تھا۔
ماہرین کے مطابق پانی کی اس اچانک کمی سے نہ صرف زرعی شعبے بلکہ آبی ذخائر پر بھی اثرات مرتب ہو سکتے ہیں۔ دریاؤں میں پانی کی روانی کا انحصار بالائی علاقوں میں پانی چھوڑنے پر ہوتا ہے، اس لیے ایسے حالات میں صورتحال پر مسلسل نظر رکھنا ضروری ہوتا ہے۔
یاد رہے کہ اس سے قبل بھی بھارت کی جانب سے دیگر دریاؤں، خصوصاً ستلج اور جہلم میں پانی کے بہاؤ میں تبدیلیوں کی اطلاعات سامنے آتی رہی ہیں، جس کے باعث فلڈ الرٹس اور آبی خدشات پیدا ہوئے تھے۔
ماہرین کا کہنا ہے کہ خطے میں پانی کے مسائل پہلے ہی حساس نوعیت کے حامل ہیں، اس لیے کسی بھی غیر معمولی کمی یا اضافے کو سنجیدگی سے دیکھنا ضروری ہے۔ -
دیپالپور: شاہ پور میں نمبرداری جلسہ عام، میرٹ اور شفافیت پر زور، نادہندگان کے خلاف کارروائی کا حکم
اوکاڑہ (نامہ نگار ملک ظفر)دیپالپوراسسٹنٹ کمشنر فیصل شہزاد چیمہ کی زیر صدارت شاہ پور میں نمبرداری جلسہ عام کا انعقاد، جلسہ عام میں ریونیو افسران، نمبرداری کے درخواست گزاروں سمیت اہل دیہہ نے کثیر تعداد میں شرکت کی۔ اجلاس میں نمبرداری نظام کو مزید مؤثر بنانے، سرکاری امور میں بہتری اور عوامی مسائل کے حل کے سلسلہ میں نمبرداران کے انتخاب کے لیے درخواست گزاروں کے کوائف کا جائزہ لیا گیا، اسسٹنٹ کمشنر فیصل شہزاد چیمہ نے کہا کہ نمبرداران حکومت اور عوام کے درمیان اہم کڑی ہیں، لہٰذا وہ اپنی ذمہ داریاں ایمانداری اور فرض شناسی سے ادا کرنا انتہائی اہم ہے۔ انہوں نے کہا کہ نمبرداران کے انتخاب میں میرٹ اور شفافیت کو ملحوظ خاطر رکھا جائے گا جبکہ سرکاری واجبات کے ناد ہندگان کے ساتھ ہرگز کوئی رعایت نہیں برتی جائے گی، اجلاس میں سرکاری واجبات کی عدم ادائیگی پر سخت برہمی کا اظہار کیا گیا اور نادہندگان درخواست گزاروں کے خلاف قانونی کارروائی عمل میں لانے کے احکامات جاری کیے گئے۔ اسسٹنٹ کمشنر نے متعلقہ حکام کو ہدایت کی کہ واجبات کی ادائیگی سے گریز کرنے والے درخواست گزاروں کو فوری طور پر گرفتار کر کے قانون کے مطابق کارروائی کی جائے۔ انہوں نے مزید کہا کہ حکومتی ریونیو کی بروقت وصولی یقینی بنانے کے لیے تمام ممکنہ اقدامات کیے جائیں گے اور اس ضمن میں کسی قسم کی کوتاہی ہرگز برداشت نہیں کی جائے گی۔
-
خفیہ اطلاع پر بغیر لائسنس ادویات تیار کرنے والی فیکٹری پر چھاپہ ،ملزم گرفتار
کراچی: ایف آئی اے کارپوریٹ کرائم سرکل نے غیر قانونی ادویات بنانے والی فیکٹری کے خلاف کا رووائی کی، جس میں ملزم گرفتار کرلیا گیا ہے۔
تفصیلات کے مطابق ڈائریکٹر ایف آئی اے کراچی زون کی ہدایت پر ملیر میں بڑی کارروائی کی گئی جس سے جعلی فارما نیٹ ورک پر کاری ضرب لگائی گئی، خفیہ اطلاع پر بغیر لائسنس ادویات تیار کرنے والی فیکٹری پر چھاپہ ماراگیا۔ کارروائی کے دوران ملزم فیصل شاہد کو موقع پر گرفتار کیا گیا جو فیکٹری کا مالک اور آپر یٹر نکلا۔
چھاپے میں بڑی مقدار میں خام مال، تیار شدہ ادویات اور مشینری برآمد، جعلی پروڈکشن کا بڑا دھندا سامنے آگیا۔ برآمد شدہ سامان ڈریپ حکام کے حوالے کردیا گیا جبکہ سامان قانونی تقاضوں کے مطابق تحویل میں لے لیا گیا ہےمزید ملوث افراد کی تلاش جاری ہے اور نیٹ ورک کے مکمل خاتمے کے لیے تحقیقات تیز کردی گئی ہیں۔
-
صوبائی وزیر سعید غنی سے حمید کریم کی ملاقات، عوامی مسائل کے حل پر پیش رفت کا عزم
کشمور (رپورٹ وقار احمد اعوان) صوبائی وزیر سعید غنی سے حمید کریم کی ایک اہم اور بامقصد ملاقات ہوئی جس میں صوبے خصوصاً متعلقہ علاقوں کو درپیش مسائل مزدوروں کے حقوق روزگار کے مواقع اور سوشل پروٹیکشن کے نظام کو مؤثر بنانے جیسے اہم امور پر تفصیلی اور سنجیدہ تبادلہ خیال کیا گیا ذرائع کے مطابق ملاقات خوشگوار ماحول میں منعقد ہوئی جہاں حمید کریم نے اپنے علاقے کے عوام کو درپیش بنیادی مسائل ترقیاتی کاموں میں درپیش رکاوٹوں اور فلاحی منصوبوں کی ضرورت پر جامع انداز میں روشنی ڈالی انہوں نے خاص طور پر نوجوانوں کے لیے روزگار کے مواقع بڑھانے مزدور طبقے کے حقوق کے تحفظ اور سوشل سیکیورٹی کے نظام کو مزید فعال بنانے پر زور دیا اس موقع پر صوبائی وزیر سعید غنی نے گفتگو کرتے ہوئے کہا کہ حکومت سندھ مزدوروں اور محنت کش طبقے کی فلاح و بہبود کے لیے عملی اقدامات کر رہی ہے اور محکمہ محنت ہیومن ریسورسز و سوشل پروٹیکشن کے تحت جاری منصوبوں کو مزید مؤثر اور عوام دوست بنایا جا رہا ہے انہوں نے یقین دہانی کرائی کہ پیش کیے گئے مسائل کو ترجیحی بنیادوں پر حل کیا جائے گا اور متعلقہ حکام کو فوری ہدایات جاری کی جائیں گی ملاقات میں باہمی تعاون کے فروغ ترقیاتی عمل کو تیز کرنے اور عوامی مسائل کے پائیدار حل کے لیے مسلسل رابطے میں رہنے پر بھی اتفاق کیا گیا اس موقع پر اس عزم کا اظہار کیا گیا کہ عوام کی فلاح و بہبود اور علاقے کی ترقی کے لیے مشترکہ کوششیں جاری رکھی جائیں گی آخر میں حمید کریم نے صوبائی وزیر سعید غنی کا شکریہ ادا کرتے ہوئے امید ظاہر کی کہ اس ملاقات کے مثبت اثرات جلد سامنے آئیں گے اور عوام کو درپیش مسائل میں واضح بہتری آئے گی۔
-
ہیٹ ویو میں کے الیکٹرک کا ریلیف پلان، لوڈشیڈنگ میں نرمی
کراچی میں ممکنہ ہیٹ ویو کے پیش نظر کے الیکٹرک نے شہریوں کو ریلیف دینے کے لیے اہم اقدامات کا اعلان کیا ہے۔ ترجمان کے مطابق شدید گرمی کے دوران بجلی کی فراہمی کو بہتر بنانے کے لیے خصوصی حکمت عملی ترتیب دی گئی ہے تاکہ شہریوں کو کم سے کم مشکلات کا سامنا کرنا پڑے۔
کے الیکٹرک حکام کا کہنا ہے کہ ہیٹ ویو کے دوران سسٹم کی بہتری کے لیے کیے جانے والے تمام مینٹی ننس شٹ ڈاؤنز کو عارضی طور پر معطل کر دیا جاتا ہے۔ اس اقدام کا مقصد یہ ہے کہ کسی بھی قسم کی تکنیکی خرابی یا مرمت کے باعث بجلی کی فراہمی متاثر نہ ہو۔
ترجمان نے بتایا کہ اس وقت کے الیکٹرک کا تقریباً 70 فیصد نیٹ ورک پہلے ہی لوڈشیڈنگ سے مستثنیٰ ہے، جس سے شہریوں کی بڑی تعداد کو مسلسل بجلی فراہم کی جا رہی ہے۔
اعلامیے میں مزید کہا گیا کہ اگر شہر کا درجہ حرارت 45 ڈگری سینٹی گریڈ سے تجاوز کر جائے تو دوپہر کے اوقات میں کی جانے والی اکنامک لوڈشیڈنگ بھی فوری طور پر روک دی جاتی ہے۔ اس فیصلے کا مقصد شدید گرمی کے دوران شہریوں کو زیادہ سے زیادہ سہولت فراہم کرنا ہے تاکہ وہ ہیٹ ویو کے اثرات سے محفوظ رہ سکیں۔
کے الیکٹرک نے شہریوں سے اپیل کی ہے کہ وہ احتیاطی تدابیر اختیار کریں، غیر ضروری طور پر دھوپ میں نکلنے سے گریز کریں اور پانی کا زیادہ استعمال کریں تاکہ ہیٹ ویو کے خطرات سے بچا جا سکے۔
کمپنی کا کہنا ہے کہ وہ اپنی ذمہ داریوں کو مدنظر رکھتے ہوئے ہیٹ ویو کے دوران بجلی کی مسلسل فراہمی کو یقینی بنانے کے لیے تمام ممکنہ اقدامات کر رہی ہے۔ -
آبنائے ہرمز کی بندش: کویت کی تیل برآمدات پہلی بار صفر
گزشتہ ماہ کویت کی تیل برآمدات 35 سال میں پہلی بار مکمل طور پر رک گئیں۔
روسی میڈیا کے مطابق کویت نے اپریل 2026 میں خام تیل کی ایک بھی بیرل برآمد نہیں کی، جو 1991 کی خلیجی جنگ کے بعد پہلی بار ہوا ہے شپنگ مانیٹرنگ ڈیٹا کے مطابق اگرچہ کویت میں تیل کی پیداوار جاری رہی، تاہم برآمدات مکمل طور پر معطل رہیں،ماہرین کے مطابق اس کی بنیادی وجہ آبنائے ہرمز کی بندش ہے، جو کویت کی تیل ترسیل کا واحد راستہ ہے۔
حکام کے مطابق 17 اپریل کو کویت پٹرولیم کارپوریشن نے ’فورس میجر‘ کا اعلان کرتے ہوئے برآمدات روک دیں، کیونکہ آبنائے ہرمز سے جہازوں کی آمدور فت مؤثر طور پر بند ہو گئی تھی یہ آبی گزرگاہ دنیا کی اہم ترین توانائی راہداریوں میں شمار ہوتی ہے۔
کویت، جو امریکا کا قریبی اتحادی اور خطے میں ایک اہم لاجسٹک مرکز ہے، روزانہ تقریباً 27 لاکھ بیرل تیل پیدا کرتا تھا، جس میں سے لگ بھگ 18 لاکھ 50 ہزار بیرل برآمد کیے جاتے تھے ان برآمدات کا بڑا حصہ ایشیائی ممالک، خصوصاً چین، بھارت اور جنوبی کوریا کو جاتا تھا مئی 2026 کے آغاز تک کویت کی تیل پیداوار کم ہو کر تقریباً 12 لاکھ بیرل یومیہ رہ گئی ہے
ماہرین کا کہنا ہے کہ تیل کویت کی معیشت میں ریڑھ کی ہڈی کی حیثیت رکھتا ہے، جو مجموعی قومی پیداوار (جی ڈی پی) کا تقریباً 50 فیصد جبکہ حکومتی بجٹ کا 90 فیصد فراہم کرتا ہے۔
ایران نے مخالف جہازوں کے لیے راستہ بند رکھا ہوا ہے جبکہ امریکی بحریہ خلیج فارس میں ایرانی بندرگاہوں کے گرد سرگرم ہے اس صورتحال کے باعث عالمی منڈی میں تیل کی قیمتیں بڑھ کر 120 ڈالر فی بیرل سے تجاوز کر گئی ہیں، جو 2022 کے بعد بلند ترین سطح ہے۔
-
ساجد سدپارہ نے بڑا اعزاز اپنے نام کر لیا
پاکستان کے نامور کوہ پیما ساجد علی سدپارہ نے نیپال میں واقع دنیا کی 5ویں بلند ترین چوٹی ماؤنٹ ماکالو (8485 میٹر) کو بغیر اضافی آکسیجن کے سر کر لیا۔
مہم کے منتظم ادارے سیون سمٹ ٹریکس کے مطابق ساجد سدپارہ 2 مئی کی صبح 5 بجے کامیابی سے چوٹی پر پہنچے، ٹیم میں پاکستان سے ساجد کے علاوہ یوہانس لاؤ اور 7 شیرپا شامل تھے، جنہوں نے ایک مشکل اور تکنیکی لحاظ سے چیلنجنگ مہم کو کامیابی سے مکمل کیا۔
ساجد سدپارہ اس وقت دنیا کی تمام 14، 8 ہزار میٹر سے بلند چوٹیوں کو بغیر اضافی آکسیجن کے سر کرنے کے مشن پر ہیں، اور ماکالو کی کامیاب چڑھائی اس سلسلے میں ان کی 10ویں بڑی کامیابی ہے،وہ 4 اپریل کو نیپال پہنچے تھے جبکہ 16 اپریل کو بیس کیمپ پہنچ کر 25 اپریل کو سمٹ روٹیشن مکمل کی گئی۔
الپائن کلب آف پاکستان کے صدر عرفان ارشد نے ساجد کو مبارکباد دیتے ہوئے کہا کہ یہ کامیابی پوری قوم کے لیے فخر کا باعث ہے، نائب صدر کرار حیدری نے بھی ان کی کارکردگی کو نوجوانوں کے لیے مشعل راہ قرار دیا،29 سالہ ساجد اس سے قبل ایورسٹ، کے ٹو، نانگا پربت اور دیگر بلند چوٹیوں کو بھی سر کر چکے ہیں، جس سے وہ عالمی کوہ پیمائی برادری میں نمایاں مقام حاصل کر چکے ہیں۔
ساجد، لیجنڈری کوہ پیما محمد علی سدپارہ کے صاحبزادے ہیں، جو 2021 میں کے ٹو کی سرمائی مہم کے دوران جان کی بازی ہار گئے تھے، اپنے والد کے نقش قدم پر چلتے ہوئے ساجد نے عالمی سطح پر پاکستان کا نام روشن کیا ہے۔