Category: شوبز

بالی ووڈ کے معروف اداکار، ہدایت کار اور پروڈیوسر سہیل خان نے پہلی بار انکشاف کیا ہے کہ وہ بچپن میں جنسی ہراسانی کا شکار ہوئے تھے، تاہم اس تکلیف دہ واقعے کو انہوں نے کئی برس تک چھپائے رکھا۔

بھارتی میڈیا کے مطابق سہیل خان نے یہ انکشاف ریئلٹی شو “الائنس” میں گفتگو کے دوران کیا انہوں نے بتایا کہ بچپن میں پیش آنے والے اس واقعے کے بعد وہ طویل عرصے تک خاموش رہے اور شرمندگی و خوف کے باعث کسی کو کچھ نہ بتا سکے وقت گزرنے کے بعد جب وہ بالغ ہوئے تو انہوں نے اپنے والد، معروف فلمی مصنف سلیم خان، کو اس واقعے سے آگاہ کرنے کا فیصلہ کیا۔

اداکار کے مطابق جب انہوں نے اپنے والد(سلیم خان) سے کہا، “ڈیڈی، میرے ساتھ یہ ہوا تھا”، تو وہ یہ سن کر بے حد افسردہ ہوگئے، سہیل خان نے بتایا کہ ان کے والد کو اس بات کا زیادہ دکھ تھا کہ وہ اتنے برس تک یہ بوجھ تنہا اٹھائے رہے اور ان سے اس بارے میں بات نہ کر سکے ایسے واقعات کے بعد متاثرہ افراد اکثر خود کو قصوروار سمجھنے لگتے ہیں، حالانکہ ان کا کوئی قصور نہیں ہوتا، لیکن شرمندگی اور خوف کے باعث وہ خاموش رہتے ہیں۔

سہیل خان کا کہنا تھا کہ اس تجربے نے انہیں ایک باپ کے طور پر بھی بدل کر رکھ دیا انہوں نے بتایا کہ اب وہ اپنے بچوں کو ہمیشہ یہ تلقین کرتے ہیں کہ اگر اسکول یا کسی اور جگہ ان کے ساتھ بدسلوکی، ہراسانی، دھونس یا کوئی بھی ناخوشگوار واقعہ پیش آئے تو فوراً انہیں آگاہ کریں ، وہ اپنے بچوں سے کہتے ہیں کہ کسی بھی معاملے کو دل میں نہ رکھیں بلکہ ہر بات بلا جھجھک والدین کے ساتھ شیئر کریں تاکہ بروقت مدد فراہم کی جا سکے۔

سہیل خان نے یہ بھی کہا کہ ریئلٹی شو میں شرکت ان کے لیے ایک منفرد تجربہ تھا، جس نے انہیں نہ صرف اپنی شخصیت کے مختلف پہلوؤں سے روشناس کرایا بلکہ زندگی کے کئی نئے سبق بھی سکھائے۔

اداکار کے اس جذباتی اعتراف کو سوشل میڈیا پر بھی بڑی توجہ حاصل ہو رہی ہے۔ متعدد صارفین نے ان کی ہمت کو سراہتے ہوئے کہا کہ ایسے واقعات پر خاموشی توڑنا ضروری ہے تاکہ متاثرہ افراد کو حوصلہ ملے اور خاندانوں میں کھل کر بات کرنے کا رجحان فروغ پائے۔

وزیر اطلاعات پنجاب عظمیٰ بخاری نے کہا ہے کہ شیخوپورہ کے گلستان تھیٹر میں ڈرامے کے دوران اداکارہ پر تشدد کرنے والے ملزم کو گرفتار کر لیا گیا ہے اور اس کے خلاف قانون کے مطابق کارروائی عمل میں لائی جائے گی۔

عظمیٰ بخاری نے کہا کہ شیخوپورہ کے گلستان تھیٹر میں پیش آنے والے افسوسناک واقعے کا پنجاب حکومت نے فوری نوٹس لیا جس کے بعد پولیس نے کارروا ئی کرتے ہوئے ملزم کو گرفتار کر لیا قانون ہاتھ میں لینے والوں کے ساتھ کوئی رعایت نہیں برتی جائے گی اور ملزم کے خلاف تمام قانونی تقاضے پورے کر تے ہوئے کارروائی کی جائے گی تاکہ آئندہ ایسے واقعات کی روک تھام ممکن بنائی جا سکے انہوں نے واضح کیا کہ اگرچہ ملزم نے ضمانت قبل از گرفتاری کروا لی ہے، تاہم پنجاب حکومت کی جانب سے ملزم راجہ زین کی ضمانت منسوخی کے لیے فوری طور پر قانونی اقدامات کیے جا رہے ہیں۔

عظمیٰ بخاری کا کہنا تھا کہ تھیٹرز میں فنکاروں اور اداکاروں کو محفوظ ماحول فراہم کرنا تھیٹر مالکان کی ذمہ داری ہے ، انتظامیہ کو چاہیے کہ وہ سکیورٹی کے مؤثر انتظامات یقینی بنائے تاکہ فنکار بلا خوف و خطر اپنی پیشہ ورانہ ذمہ داریاں انجام دے سکیں، خواتین کے ساتھ بدسلوکی، ہراسانی یا تشدد کسی صورت برداشت نہیں کیا جائے گا، ایسے واقعات نہ صرف قابل مذمت ہیں بلکہ معاشرتی اقدار کے بھی منافی ہیں۔

وزیر اطلاعات نے مزید کہا کہ پنجاب حکومت خواتین کے احترام، تحفظ اور عزت پر کوئی سمجھوتہ نہیں کرے گی، جبکہ کسی کو بھی خواتین کی تضحیک کرنے یا ان کے ساتھ ناروا سلوک کی اجازت نہیں دی جائے گی،انہوں نے متعلقہ حکام کو ہدایت کی کہ واقعے کی مکمل تحقیقات کی جائیں اور ذمہ دار عناصر کو قانون کے مطابق قرار واقعی سزا دلائی جائے۔

بالی ووڈ اداکار سلمان خان کے بعد اب عامر خان کو بھی لارنس بشنوئی گینگ کی طرف سے جان سے مارنے اور سبق سکھانے کی دھمکی دی گئی ہے۔

بھارتی میڈیا رپورٹس کے مطابق سوشل میڈیا پر ایک پوسٹ اورآڈیو کلپ شیئر کیا گیا ہے جو ”ٹائسن بشنوئی اور ارجو بشنوئی“ نامی اکاؤنٹ سے جاری کیا گیا ہے اس اکاؤنٹ سے منسلک افراد نے خود کو جیل میں بند گینگسٹر لارنس بشنوئی کا بھائی ہونے کا دعویٰ کیا ہے مبینہ پوسٹ میں عامر خان اور ان کی اہلیہ گوری اسپرٹ کی شادی پر اعتراض اٹھایا گیا ہے-

مبینہ پیغام میں کہا گیا ہے کہ جو لوگ ہمارے ملک میں ہماری ثقافت کے خلاف لو جہاد کے نام پر ایسی چیزوں کو بڑھاوا دے رہے ہیں، ہم اسے ہرگز بردا شت نہیں کریں گے، جو لوگ اسٹار ہونے کے نام پر اس چیز کی حوصلہ افزائی کر رہے ہیں، ہم انہیں خاموش کر دیں گے ہم اپنے ملک کے لوگوں سے وعدہ کرتے ہیں کہ جو بھی ایسی چیزوں کو فروغ دے گا، ہم اسے اپنے ہی طریقے سے جواب دیں گے۔

رپورٹس کے مطابق ذرائع کا کہنا ہے کہ ممبئی پولیس کو ابھی تک عامر خان یا ان کی ٹیم کی جانب سے کوئی شکایت موصول نہیں ہوئی ہے پولیس کو اس مبینہ دھمکی کی اطلاع میڈیا سے فیس بک اور وائس نوٹ کے ذریعے بھی ملی ہے، پولیس اس کی تصدیق کر رہی ہے عامر خان کی جانب سے شکایت موصول ہونے کے بعد اس معاملے میں مقدمہ درج کیا جا سکتا ہے۔

یہ دھمکی آمیز پیغام ایسے وقت میں سامنے آیا ہے جب عامر خان اور گوری اسپرٹ نے چند روز قبل ممبئی کے علاقے باندرہ میں واقع اپنی رہائش گاہ پر ایک نجی تقریب میں شادی کی تھی اس شادی میں قریبی رشتہ داروں اور دوستوں نے شرکت کی تھی۔

واضح رہے کہ لارنس بشنوئی گینگ اس سے پہلے بھی بولی ووڈ کی نامور شخصیات کو نشانہ بناتا رہا ہے، جن میں سب سے بڑا نام اداکار سلمان خان کا ہے سلمان خان کو ماضی میں کالے ہرن کے شکار کے معاملے پر اسی گینگ کی طرف سے کئی بار جان سے مارنے کی دھمکیاں مل چکی ہیں اور ان کے گھر پر فائرنگ کا واقعہ بھی پیش آ چکا ہے اس کے علاوہ یہ گینگ کئی نامور گلوکاروں اور تاجروں کو بھی بھتے اور دشمنی کی وجہ سے نشانہ بنا چکا ہے، جس کے بعد اب عامر خان کا نام بھی ان کے نشانے پر آ گیا ہے۔

پاکستانی اداکارہ اور ماڈل ہما سلیم نے ایک نامعلوم پاکستانی کرکٹر پر ہراساں کرنے، ذہنی تشدد اور دھمکانے کے سنگین الزامات عائد کرتے ہوئے کہا ہے کہ وہ قانونی کارروائی کی تیاری کر رہی ہیں اور جلد اپنی قانونی ٹیم کے ساتھ شواہد بھی سامنے لائیں گی۔

ہما سلیم نے سوشل میڈیا پر جاری بیان میں دعویٰ کیا کہ مذکورہ کرکٹر نے ان کی ساکھ کو نقصان پہنچانے کے لیے ان کے اہلِ خانہ، دوستوں اور شوبز انڈسٹری سے وابستہ افراد سے رابطے کیے اور تعلق ختم ہونے کے باوجود مبینہ ہراسانی کا سلسلہ جاری رہا،جب بھی میں اپنی زندگی میں آگے بڑھنے کی کوشش کرتی ہوں، وہ دوبارہ سامنے آ کر مجھے ذہنی طور پر پریشان کرتا ہے۔

انہوں نے دعویٰ کیا کہ جب انہوں نے دوبارہ کام شروع کیا تو ان کے پیشہ ورانہ حلقے کے افراد کو بھی ان کے خلاف مبینہ طور پر منفی پیغامات بھیجے گئے ماڈل نے کہا کہ یہ تعلق ذہنی اذیت پر مبنی تھا اور انہوں نے نام ظاہر کیے بغیر کرکٹر کو “دھوکے باز، فراڈی اور خواتین کا استحصال کرنے والا قرار دیا، انہوں نے مزید الزام لگایا کہ کرکٹر اور اس کے اہلِ خانہ نے مل کر ان کی کردار کشی کی منظم مہم چلائی۔

ہما سلیم کا کہنا تھا کہ کوئی بھی خاتون اس وقت تک خود کو عوامی تنقید کے لیے پیش نہیں کرتی جب تک اس کے پاس تمام راستے ختم نہ ہو جائیں ان کے پاس مذکورہ کرکٹر کی جانب سے پاکستان کرکٹ بورڈ (پی سی بی) کے فنڈز ہوٹلوں میں مبینہ طور پر استعمال کیے جانے سے متعلق معلومات موجود ہیں ان کی قانونی ٹیم دستاویزی شواہد مرتب کر رہی ہے اورآئندہ چند روز میں قانونی کارروائی کے دوران مزید تفصیلات اور متعلقہ شواہد بھی عوام کے سامنے پیش کیے جائیں گے۔

ہما سلیم نے اپنی پوسٹس میں کسی بھی کرکٹر کا نام ظاہر نہیں کیا جب کہ ان کے الزامات پر تاحال کسی کرکٹر، پاکستان کرکٹ بورڈ یا متعلقہ فریق کی جانب سے باضابطہ ردعمل سامنے نہیں آیا ہے۔

معروف اداکار دلجیت دوسانجھ نے ایک اہم وجہ کے باعث اپنی نئی فلم ’ستلج‘ کے لیے صرف ایک روپے معاوضہ لیا۔

فلم ’ستلج‘ کے ڈائریکٹر ہنی ٹریہن نے ایک حالیہ انٹرویو میں یہ انکشاف کیا ہے کہ اداکار دلجیت دوسانجھ نے فلم میں کام کرنے کے لیے صرف ایک رو پے بطور علامتی معاوضہ وصول کیا تھا، اسکرپٹ سننے اور جسونت سنگھ خالڑا کی تصویر دیکھنے کے بعد دلجیت جذباتی ہو گئے کہا کہ ایسی شخصیت کا کردار ادا کر نے کے لیے معاوضہ لینا میرے لیے شرم کی بات ہو گی۔

ہنی ٹریہن نے بتایا کہ انہوں نے دلجیت کو معاوضہ لینے پر آمادہ کرنے کی کوشش کی تاہم اداکار نے صرف معاہدے کی قانونی کارروائی مکمل کرنے کے لیے ایک روپے لینے پر رضامندی ظاہر کی، شوٹنگ کے دوران بھی دلجیت دوسانجھ نے بھرپور تعاون کیا اور شیڈول میں تاخیر کے باوجود کبھی شکایت نہیں کی۔

واضح رہے کہ فلم ’ستلج‘ زی فائیو پر ریلیز ہونے کے دو روز بعد ہی پلیٹ فارم سے ہٹا دی گئی تھی جس کے بعد یہ فلم ایک بار پھر خبروں کی زینت بن گئی ہے، بھارتی حکومت نے قومی سلامتی کے خدشات کی بنیاد پر فلم کو بھارت میں زی فائیو سے ہٹانے کا مطالبہ کیا فلم ستلج پنجاب میں 1980ء اور 1990ء کی دہائی کے دوران مبینہ ماورائے عدالت قتل، جبری گمشدگیوں اور پولیس کے مبینہ مظالم پر مبنی ہے۔

فلم سکھ انسانی حقوق کارکن جسونت سنگھ خالصہ کی زندگی سے متاثر ہے، جنہوں نے پنجاب ہزاروں گمشدگیوں اور مبینہ ہلاکتوں کی تحقیقات کیں جسونت سنگھ کھالڑہ نے انکشاف کیا تھا کہ پنجاب میں ہزاروں افراد کو ماورائے عدالت قتل کر کے خاموشی سے جلا دیا گیا کھالڑہ نے بلدیاتی ریکارڈز سے 25 ہزار سے زائد ایسے افراد کا سراغ لگایا جنہیں پولیس نے قتل کر کے خاندانوں کو اطلاع دیے بغیر نامعلوم لاشوں کے طور پر جلا دیا جسونت سنگھ کھالڑہ نے اپنی تحقیقات پر پریس کانفرنسیں کیں اور بیرونِ ملک بھی آواز اٹھائی جسونت سنگھ خالصہ کو 1995ء میں اغوا کے بعد قتل کر دیا گیا تھا-

کھالڑہ کی بیوہ پرمجیت کور کھالڑہ نے انصاف کے حصول کے لئے طویل قانونی جدوجہد کی۔ پرمجیت کور کھالڑہ برسوں سے مطالبہ کرتی رہی ہیں کہ پنجاب میں سکھوں کے خلاف مبینہ ریاستی جرائم پر پولیس سربراہ کے پی ایس گل کا بین الاقوامی سطح پر احتساب ہو۔ پنجاب پولیس کریک ڈاؤن کے سربراہ K. P. S. Gill پر کھالڑہ قتل کے حوالے سے کبھی فردِ جرم عائد نہ ہوئی فلم میں سکھوں کی ماورائے عدالت گمشدگیوں اور قتل کے لئے “نسل کشی” کی اصطلاح استعمال کی گئی ہے

اتر پردیش کے ایک عالم دین نے بالی ووڈ سُپراسٹار عامر خان اور گوری سپراٹ کے نکاح پر سخت اعتراض اٹھایا ہے اور دونوں کی بین المذاہب شادی کے خلاف ایک فتویٰ جاری کر دیا ہے۔

عالم دین نے کہا کہ یہ شادی اسلامی قانون یعنی شریعت کے مطابق جائز نہیں ہے عامر خان نے 5 جولائی کو گوری سپراٹ سے کورٹ میرج کی تھی مسلم پرسنل دارالافتاء کے مفتی اعظم مولانا چودھری ابراہیم حسین نے اس شادی پر اعتراض کرتے ہوئے باقاعدہ فتویٰ جاری کیا ہے۔

انٹرنیٹ پر سامنے آنے والی ایک ویڈیو میں انہوں نے کہا کہ اسلام میں کسی مسلمان مرد کے لیے کسی ایسی عورت سے شادی کرنا جائز نہیں ہے جو مسلما ن نہ ہو، جب تک کہ وہ عورت اسلام قبول نہ کرلے ایسی شادی کرنا گناہ کے زمرے میں آتا ہے اور جو لوگ اسے گناہ نہیں سمجھتے انہیں اللہ کو جواب دینا پڑے گا،ایسے شخص کو توبہ کرتے ہوئے واپس آجانا چاہیے یہی ہماری شریعت میں ہےمفتی صاحب نے عامر خان کی اس تیسر ی شادی پر سخت غصے کا اظہار کرتے ہوئے کہا کہ اس طرح کی شادیاں شریعت اور اسلام کے نام کو نقصان پہنچاتی ہیں-