Category: شوبز

ممبئی: بالی ووڈ کے سپر اسٹار عامر خان 61 برس کی عمر میں تیسری بار شادی کے بندھن میں بندھنے جا رہے ہیں۔ اداکار نے خود تصدیق کی ہے کہ وہ 5 جولائی کو اپنی دیرینہ دوست اور گرل فرینڈ گوری اسپریٹ کے ساتھ سادہ تقریب میں شادی کریں گے۔

میڈیا رپورٹس کے مطابق شادی کی تقریب ممبئی میں عامر خان کی رہائش گاہ پر منعقد ہوگی، جس میں صرف خاندان کے افراد، قریبی دوستوں اور فلم انڈسٹری سے تعلق رکھنے والی منتخب شخصیات کو مدعو کیا گیا ہے۔ تقریب میں تقریباً 150 مہمانوں کی شرکت متوقع ہے۔عامر خان کی شادی کی خبر سامنے آنے کے بعد مداحوں کی دلچسپی اس بات میں بڑھ گئی ہے کہ گوری اسپریٹ کون ہیں؟بھارتی میڈیا کے مطابق گوری کی والدہ تمل نژاد جبکہ والد آئرش ہیں۔ ان کے خاندان کا تعلق آزادی کی تحریک سے بھی رہا ہے اور بتایا جاتا ہے کہ ان کے دادا مجاہدِ آزادی تھے۔

تعلیم کے حوالے سے گوری اسپریٹ نے یونیورسٹی آف آرٹس لندن سے فیشن، اسٹائلنگ اور فوٹوگرافی میں ڈگری حاصل کر رکھی ہے، جبکہ وہ ایک پیشہ ور ہیئر ڈریسر بھی ہیں۔ رپورٹس کے مطابق ان کا ایک چھ سالہ بیٹا بھی ہے، تاہم ان کی پہلی شادی کے بارے میں زیادہ معلومات سامنے نہیں آئیں۔رپورٹس کے مطابق گوری اسپریٹ اس وقت عامر خان کے پروڈکشن ہاؤس عامر خان فلمز کے ساتھ بھی کام کر رہی ہیں۔ دونوں کی شادی رجسٹرڈ میرج کی صورت میں ہوگی، جس کے بعد ایک مختصر نجی تقریب بھی منعقد کی جائے گی۔

عامر خان نے گزشتہ سال اپنی سالگرہ کے موقع پر پہلی بار گوری اسپریٹ کو میڈیا سے متعارف کرایا تھا اور اپنے تعلق کی تصدیق کی تھی۔ انہوں نے بتایا تھا کہ دونوں ایک دوسرے کو تقریباً 25 برس سے جانتے ہیں، تاہم تقریباً ڈیڑھ سال قبل دوبارہ رابطہ ہوا، جس کے بعد ان کی قربتیں بڑھتی گئیں۔عامر خان کے مطابق، "ہماری ملاقات اچانک ہوئی، پھر بات چیت کا سلسلہ شروع ہوا اور سب کچھ نہایت فطری انداز میں آگے بڑھتا گیا۔”انہوں نے یہ بھی انکشاف کیا تھا کہ گوری نے ان کی صرف چند فلمیں، جن میں لگان اور دنگل شامل ہیں، دیکھی ہیں اور وہ اب بھی بالی ووڈ کی چکاچوند کو سمجھنے کی کوشش کر رہی ہیں۔

گوری اسپریٹ کے ساتھ یہ عامر خان کی تیسری شادی ہوگی۔ انہوں نے پہلی شادی 1986 میں رینا دتہ سے کی تھی، جن سے ان کے دو بچے، جنید خان اور آئرہ خان ہیں۔ دونوں نے 2002 میں باہمی رضامندی سے علیحدگی اختیار کر لی تھی۔بعد ازاں عامر خان نے 2005 میں فلم ساز کرن راؤ سے شادی کی، تاہم 2021 میں یہ رشتہ بھی ختم ہو گیا۔ اس شادی سے ان کا ایک بیٹا آزاد ہے، جو سروگیسی کے ذریعے پیدا ہوا۔ عامر خان کا کہنا ہے کہ علیحدگی کے باوجود ان کے اپنی دونوں سابقہ اہلیاؤں، رینا دتہ اور کرن راؤ، کے ساتھ خوشگوار تعلقات برقرار ہیں۔

لاہور میں اداکارہ نگار چوہدری کی رہائش گاہ پر چوری کی واردات کا مقدمہ سابق پولیس انسپکٹر رانا اکرم کیخلاف درج کرلیا گیا ہے۔

پولیس کا کہنا ہے کہ سابق پولیس انسپکٹر کے خلاف مقدمہ اداکارہ نگارچوہدری کی مدعیت میں درج کیا گیا ہے،ایف آئی آر کے متن کے مطابق سابق پولیس افسر کی سربراہی میں 15، 16 مسلح افراد نے گھر پر دھاوا بولا،متن میں تحریر کیا گیا کہ ملزمان نے اہل خانہ کو یرغمال بنا کر تالے توڑے اور قیمتی سامان لوٹا،اس میں یہ بھی تحریر کیا گیا کہ ملزمان گھر سے ساڑھے 55 تولے سونا، نقدی اورغیر ملکی کرنسی بھی لے گئے، لوٹے گئے سامان میں فون، گھڑیاں اور پاسپورٹس بھی شامل تھے۔

بالی وڈ کے مسٹر پرفیکشنسٹ عامر خان کی تیسری شادی کی تاریخ سامنے آگئی ہے۔ اداکار 5 جولائی کو اپنی قریبی دوست گوری اسپرٹ کے ساتھ سادگی سے رشتۂ ازدواج میں منسلک ہوں گے۔

بھارتی میڈیا رپورٹس کے مطابق شادی کی تقریب ممبئی میں عامر خان کی رہائش گاہ پر منعقد ہوگی، جس میں دونوں خاندانوں کے افراد اور چند قریبی دوست ہی شرکت کریں گے۔ایک انٹرویو کے دوران عامر خان نے شادی کی تصدیق کرتے ہوئے کہا کہ "5 جولائی ہمارے لیے ایک خاص دن ہے، اسی روز شادی ہوگی۔ تقریب گھر پر سادگی سے رکھی گئی ہے اور ہم چاہتے ہیں کہ سب ہماری خوشیوں کے لیے دعا کریں تاکہ ہماری نئی زندگی کا سفر خوشگوار رہے۔”

واضح رہے کہ عامر خان نے اپنی 60ویں سالگرہ کے موقع پر پہلی بار گوری اسپرٹ کو میڈیا سے متعارف کرایا تھا اور ان کے ساتھ اپنے تعلق کا باضابطہ اعلان کیا تھا۔عامر خان کی پہلی شادی رینا دتہ سے 1986 میں ہوئی تھی، تاہم دونوں کی راہیں بعد ازاں جدا ہوگئیں۔ اس کے بعد انہوں نے 2005 میں فلم ساز کرن راؤ سے شادی کی، جو 2021 میں باہمی رضامندی سے اختتام پذیر ہوئی۔ اب اداکار اپنی زندگی کا نیا سفر گوری اسپرٹ کے ساتھ شروع کرنے جا رہے ہیں۔

‎پاکستان کے معروف گلوکار عاصم اظہر نے اپنے انسٹاگرام اکاؤنٹ پر 600 سے زائد پرانی تصاویر اور ویڈیوز دوبارہ بحال کر دی ہیں، جس کے بعد سوشل میڈیا پر ان کے ماضی سے جڑی یادیں ایک بار پھر تازہ ہو گئی ہیں۔ بحال کی گئی پوسٹس میں اداکارہ ہانیہ عامر کے ساتھ شیئر کی گئی متعدد تصاویر بھی شامل ہیں، جنہوں نے مداحوں اور شوبز حلقوں کی خصوصی توجہ حاصل کر لی۔
‎انسٹاگرام پر پوسٹس واپس لانے کے بعد عاصم اظہر نے ایک دلچسپ پیغام بھی شیئر کیا۔ انہوں نے مزاحیہ انداز میں لکھا، "آپ سب کو خوش آمدید، اب کچھ پرانے اور شرمندگی سے بھرے لمحات سے لطف اٹھائیں۔” اس مختصر پیغام نے مداحوں کا تجسس مزید بڑھا دیا اور دیکھتے ہی دیکھتے ان کی پرانی تصاویر اور ویڈیوز دوبارہ وائرل ہونا شروع ہو گئیں۔
‎اگرچہ عاصم اظہر نے اپنے فنی سفر، کنسرٹس، دوستوں، اہل خانہ اور کیریئر سے متعلق سینکڑوں پوسٹس بحال کیں، تاہم سوشل میڈیا صارفین کی زیادہ توجہ ان تصاویر پر مرکوز رہی جن میں وہ ہانیہ عامر کے ساتھ نظر آئے۔ مختلف شوبز اور انٹرٹینمنٹ پیجز نے بھی انہی تصاویر کو نمایاں انداز میں شیئر کیا، جس کے بعد دونوں فنکاروں کے ماضی کے تعلقات ایک بار پھر سوشل میڈیا پر زیر بحث آ گئے۔
‎صورتحال پر ردعمل دیتے ہوئے عاصم اظہر نے اپنی انسٹاگرام اسٹوری کے ذریعے وضاحت بھی پیش کی۔ انہوں نے لکھا کہ انہیں افسوس ہے کہ بیشتر میڈیا پلیٹ فارمز نے صرف چند مخصوص تصاویر کو ہی نمایاں کیا، جبکہ انہوں نے مجموعی طور پر 600 سے زائد پوسٹس بحال کی ہیں، جن میں ان کے کیریئر، موسیقی، یادگار لمحات اور ذاتی سفر کی جھلکیاں شامل ہیں۔
‎عاصم اظہر نے مزید کہا کہ ان کے مداح کافی عرصے سے مطالبہ کر رہے تھے کہ وہ اپنی پرانی پوسٹس دوبارہ منظر عام پر لائیں تاکہ وہ ان کے فنی سفر اور یادگار لمحات کو ایک بار پھر دیکھ سکیں۔ اسی خواہش کو مدنظر رکھتے ہوئے انہوں نے اپنی آرکائیو کی گئی تصاویر اور ویڈیوز بحال کرنے کا فیصلہ کیا۔
‎ادھر سوشل میڈیا پر بعض صارفین نے عاصم اظہر کے اس اقدام کو صرف یادوں کو تازہ کرنے کی کوشش قرار دیا، جبکہ کچھ نے ہانیہ عامر کے ساتھ ان کی پرانی تصاویر کو دوبارہ موضوع بحث بنا دیا۔ تاہم عاصم اظہر کی وضاحت کے بعد یہ تاثر مضبوط ہوا کہ پوسٹس کی بحالی کا مقصد کسی خاص شخصیت کو نمایاں کرنا نہیں بلکہ اپنے مداحوں کو اپنے پورے فنی سفر کی جھلک دوبارہ دکھانا تھا۔