Baaghi TV

Tag: تازہ ترین

  • وفاقی وزیر بحری امور سے قازقستان کے اعلیٰ سطحی وفد کی ملاقات

    وفاقی وزیر بحری امور سے قازقستان کے اعلیٰ سطحی وفد کی ملاقات

    وفاقی وزیر بحری امور جنید انوار چوہدری سے قازقستان کے ایک اعلیٰ سطحی وفد نے ملاقات کی، جس میں پاکستان اور قازقستان کے درمیان تجارتی و سرمایہ کاری تعاون بڑھانے پر تفصیلی تبادلہ خیال کیا گیا۔

    ملاقات کے دوران وفاقی وزیر نے قازق سرمایہ کاروں کو گوادر بندرگاہ اور کراچی بندرگاہ میں سرمایہ کاری کی دعوت دیتے ہوئے کہا کہ پاکستانی بندرگاہیں وسطی ایشیائی ممالک کے لیے اہم تجارتی گیٹ وے بن سکتی ہیں۔

    سرکاری اور نجی ایئر لائنز کی گزشتہ تین سال کی آمدن، منافع، نقصان اور ادا کردہ ٹیکسوں کی تفصیلات قومی اسمبلی میں پیش

    جنید انوار چوہدری کا کہنا تھا کہ پاکستان کی بندرگاہیں علاقائی تجارت میں کلیدی کردار ادا کر رہی ہیں اور ٹرانس شپمنٹ، ملٹی پرپز ٹرمینلز اور لاجسٹکس کے شعبوں میں سرمایہ کاری کے وسیع مواقع موجود ہیں، ان منصوبوں سے وسطی ایشیائی ممالک کو خلیجی اور افریقی منڈیوں تک رسائی میں نمایاں سہولت حاصل ہوگی۔

    ملک کے مختلف شہروں میں بارش اور ژالہ باری کا امکان

  • سرکاری اور نجی ایئر لائنز کی گزشتہ تین سال کی آمدن، منافع، نقصان اور ادا کردہ ٹیکسوں کی تفصیلات قومی اسمبلی میں پیش

    سرکاری اور نجی ایئر لائنز کی گزشتہ تین سال کی آمدن، منافع، نقصان اور ادا کردہ ٹیکسوں کی تفصیلات قومی اسمبلی میں پیش

    حکومت نے ملک کی سرکاری اور نجی ایئر لائنز کی گزشتہ تین سال 2022 تا 2024 کی آمدن، منافع، نقصان اور ادا کردہ ٹیکسوں کی تفصیلات قومی اسمبلی میں پیش کر دی ہیں۔

    وزیرِ دفاع خواجہ محمد آصف کی جانب سے ایوان میں جمع کرائے گئے تحریری جواب کے مطابق، پاکستان انٹرنیشنل ایئرلائنز کارپوریشن (PIACL) شدید مالی بحران اور ٹیکسوں کے بوجھ کا شکار ہے، جبکہ نجی ایئر لائنز مسلسل منافع کما رہی ہیں۔

    دستاویزات کے مطابق قومی ایئر لائن (پی آئی اے) کو سال 2024 کے دوران ٹیکس سے قبل صرف 3 ارب 5 کروڑ 75 لاکھ روپے کا منافع ہوا، لیکن اس پر 29 ارب 26 کروڑ 12 لاکھ روپے کا بھاری ٹیکس عائد کیا گیا، جس کے باعث ٹیکس کی ادائیگی کے بعد پی آئی اے کا حتمی خسارہ 26 ارب 20 کروڑ روپے سے تجاوز کر گیا اس سے قبل، سال 2023 میں پی آئی اے کا ٹیکس سے قبل منافع 101 ارب 49 کروڑ روپے رہا تھا، جس پر 3 ارب روپے ٹیکس ادا کیا گیا، جبکہ سال 2022 میں 86 ارب 51 کروڑ روپے کے منافع پر 1 ارب 49 کروڑ روپے ٹیکس ادا کیا گیا تھا۔

    نجی ایئر لائن ایئربلیو نے سال 2025 میں 4 ارب 86 کروڑ روپے کا منافع کمایا اور 1 ارب 17 کروڑ روپے ٹیکس ادا کیا سال 2024 میں کمپنی کا منافع 1 ارب 90 کروڑ روپے رہا، جس پر 32 کروڑ 31 لاکھ روپے ٹیکس دیا گیا، جبکہ سال 2023 میں کمپنی نے 5 ارب 46 کروڑ روپے کا شاندار منافع کمایا، تاہم اس سال کوئی ٹیکس ادا نہیں کیا گیا۔

    ایئر سیال نے مسلسل تین سال منافع بخش کارکردگی دکھائی سال 2025 میں 4 ارب 57 کروڑ روپے کے منافع پر 1 ارب 49 کروڑ روپے ٹیکس ادا کیا گیا، سال 2024 میں 3 ارب 39 کروڑ روپے کے منافع پر 1 ارب 9 کروڑ روپے ٹیکس اور سال 2023 میں 4 ارب 88 کروڑ روپے کے منافع پر 1 ارب 42 کروڑ روپے ٹیکس قومی خزانے میں جمع کرایا گیا۔

    نئی نجی ایئر لائن فلائی جناح نے بھی بہترین آغاز کیا سال 2025 میں کمپنی نے 5 ارب 73 کروڑ روپے کا منافع کمایا اور 1 ارب 59 کروڑ روپے ٹیکس ادا کیا، سال 2024 میں اس کا منافع 2 ارب 64 کروڑ روپے رہا، جس پر 72 کروڑ روپے ٹیکس دیا گیا، جبکہ سال 2023 میں 3 ارب 69 کروڑ روپے کے منافع پر کوئی ٹیکس لاگو نہیں ہوا۔

    سیرین ایئر اس وقت غیر فعال ہے اور اس کا مالیاتی ڈیٹا تاحال مکمل طور پر تصدیق شدہ نہیں تاہم، ریکارڈ کے مطابق سال 2023 میں کمپنی کے 793 ارب روپے کے منافع پر 719 ارب روپے کا بھاری ٹیکس ریکارڈ کیا گیا تھا۔

    ایوان کو بتایا گیا کہ یہ تمام اعدادوشمار سول ایوی ایشن اتھارٹی (PCAA) کے سرکاری ریکارڈ سے حاصل کیے گئے ہیں، جو ملکی ہوا بازی کی صنعت کی موجودہ معاشی صورتحال کی عکاسی کرتے ہیں۔

  • ملک کے مختلف شہروں میں بارش اور ژالہ باری کا امکان

    ملک کے مختلف شہروں میں بارش اور ژالہ باری کا امکان

    محکمہ موسمیات نے آج ملک کے مختلف حصوں میں گرج چمک کے ساتھ بارش کی پیشگوئی کی ہے،اسلام آباد میں دن کے وقت 5 کلو میٹر فی گھنٹہ کی رفتار سے ہوائیں چلیں گی، اس کے علاوہ پہاڑی علاقوں میں میں بھی آج بارش کا امکان ہے۔

    محکمہ موسمیات نے پیشگوئی کی ہے کہ مغربی ہواؤں کا نیا سلسلہ 18 مئی کی شب ملک کے شمال مغربی علاقوں میں داخل ہوا جو 23 مئی تک بالائی علاقوں پر اثرانداز رہے گا، اس دوران خیبرپختونخوا، پنجاب، اسلام آباد، گلگت بلتستان اور کشمیر کے مختلف علاقوں میں گرد آلود ہواؤں، گرج چمک کے ساتھ بارش اور بعض مقامات پر ژالہ باری کا امکان ہے،بلوچستان کے بیشتر اضلاع میں موسم گرم اور خشک رہنے کا امکان ہے تاہم بعد از دوپہر شمالی اضلاع میں مطلع جزوی ابر آلود رہے گا۔

    محکمہ موسمیات کے مطابق چترال، سوات، کالام، شانگلہ، مانسہرہ، ایبٹ آباد، پشاور، بنوں، وزیرستان سمیت خیبرپختونخوا کے متعدد اضلاع جبکہ مری، گلیات، اسلام آباد، راولپنڈی، اٹک، چکوال، لاہور، فیصل آباد، سیالکوٹ اور نارووال سمیت پنجاب کے مختلف علاقوں میں بارش متوقع ہے، اسی طرح گلگت بلتستا ن کےاستور، اسکردو، ہنزہ اور گلگت جبکہ آزاد کشمیر کے مظفرآباد، نیلم ویلی، باغ، پونچھ اور میرپور سمیت مختلف علاقوں میں بھی وقفے وقفے سے بارش کا امکا ن ظاہر کیا گیا ہے۔

    محکمہ موسمیات نے خبردار کیا ہے کہ تیز ہوائیں اور آسمانی بجلی کمزور تعمیرات، بجلی کے کھمبوں، اشتہاری بورڈز اور سولر پینلز کو نقصان پہنچا سکتی ہیں، جبکہ بالائی علاقوں میں لینڈ سلائیڈنگ کا خدشہ بھی موجود ہےکسانوں کو موسمی صورتحال کے مطابق زرعی سرگرمیاں ترتیب دینے کی ہدایت کی گئی ہے جبکہ سیاحوں اور مسافروں کو غیر ضروری سفر سے گریز اور احتیاط برتنے کا مشورہ دیا گیا ہے ملک کے جنوبی علاقوں میں شدید گرمی کی لہر برقرار رہنے کا امکان ہے۔

  • اب صرف کہانی سنانا کافی نہیں، فلم کو ناظرین کو جھنجھوڑنا بھی پڑتا ہے،سیف علی خان

    اب صرف کہانی سنانا کافی نہیں، فلم کو ناظرین کو جھنجھوڑنا بھی پڑتا ہے،سیف علی خان

    بالی ووڈ اداکار سیف علی خان نے رومینٹک کامیڈی فلموں سے متعلق اپنی رائے دیتے ہوئے کہا ہے کہ آج کے ناظرین ایسے کرداروں سے زیادہ لگاؤ محسوس نہیں کرتے جو ہر سہولت رکھنے کے باوجود الجھن کا شکار دکھائے جائیں یہ صنف اب ناظرین سے وہ تعلق قائم نہیں کر پا رہی جو ماضی میں کیا کرتی تھی اور موجودہ دور میں یہ ایک ناکام تجربہ محسوس ہوتی ہے۔

    ایک حالیہ گفتگو میں اداکار سیف علی خان نے کہا کہ رومینٹک کامیڈی فلمیں میرے کیریئر کا اہم حصہ رہی ہیں، مگر وقت کے ساتھ ناظرین کی پسند بدل چکی ہےمجھے رومینٹک کامیڈی فلمیں کرنا بہت پسند تھا، لیکن اب لگتا ہے کہ یہ بھارتی سنیما میں ایک عجیب سا مرحلہ تھا، جو شاید میرے ساتھ ہی شروع ہوا اور ختم بھی ہو گیا، آج کے ناظرین ایسے کرداروں سے زیادہ لگاؤ محسوس نہیں کرتے جو ہر سہولت رکھنے کے باوجود الجھن کا شکار دکھائے جائیں۔

    اداکار کے مطابق رومینٹک کامیڈی میں اکثر ایک ایسا مراعات یافتہ شخص دکھایا جاتا ہے جس کے پاس سب کچھ ہوتا ہے، لیکن پھر بھی وہ کنفیوژ ہوتا ہے اور اب لوگ اس سے خود کو قریب تر محسوس نہیں کر پاتےاب فلموں کی کہانی سنانے کا انداز پہلے سے زیادہ شدت اختیار کر چکا ہے، خاص طور پر ایکشن اور ڈرامہ فلموں میں، اب صرف کہانی سنانا کافی نہیں، فلم کو ناظرین کو جھنجھوڑنا بھی پڑتا ہے۔

    سیف علی خان کا کہنا ہے کہ موجودہ دور میں فلموں میں تشدد کو بھی حقیقت پسندانہ انداز میں بطور اظہار پیش کیا جا رہا ہے، جو معاشرتی تبدیلیوں کی عکاسی کرتا ہےتاہم رومینٹک کامیڈی فلمیں اب بھی میرے دل کے قریب ہیں اور میں مستقبل میں اس صنف میں واپسی کے امکان کو مکمل طور پر رد نہیں کرتا۔

  • مجھے خود کو مکمل کرنے کیلئے کسی اور کی ضرورت محسوس نہیں ہوتی،سارہ علی خان

    مجھے خود کو مکمل کرنے کیلئے کسی اور کی ضرورت محسوس نہیں ہوتی،سارہ علی خان

    بالی ووڈ اداکارہ سارہ علی خان نے شادی اور رشتوں کے حوالے سے اپنی سوچ کھل کر بیان کرتے ہوئے کہا ہے کہ میں صرف شادی کے لیے شادی کرنے پر یقین نہیں رکھتی، صحیح انسان کا انتظار کرنا بہتر سمجھتی ہوں۔

    ایک حالیہ انٹرویو میں سارہ علی خان نے کہا کہ انسان اپنے تجربات اور اردگرد دیکھے گئے حالات سے سیکھتا ہے، میں نے دیکھا ہے کہ شادیاں ناکام بھی ہو سکتی ہیں، اس لیے بہتر ہے کہ صحیح شخص کا انتظار کیا جائے ان تجربات نے مجھے سکھایا کہ صرف ایک پارٹنر ہونے کے لیے رشتے میں آنا ضروری نہیں، اگر شادی نہ بھی ہو تو میں اس کے ساتھ ٹھیک ہوں، جب صحیح وقت آئے گا تب ہی شادی ہونی چاہیے،مجھے خود کو مکمل کرنے کے لیے کسی اور کی ضرورت محسوس نہیں ہوتی، میں کسی ایسے شخص کی تلاش میں نہیں ہوں جو مجھے مکمل کرے خود سے مطمئن اور خوش رہنا سب سے اہم چیز ہے۔

    واضح رہے کہ سارہ کے والد سیف علی خان اور والدہ امریتا سنگھ نے 1991ء میں شادی کی تھی، اس وقت سیف علی خان کی عمر 21 برس جبکہ امریتا سنگھ 33 سال کی تھیں، دونوں کے درمیان 12 سال کا فرق تھا اور ان کے 2 بچے سارہ اور ابراہیم علی خان ہیں دونوں کی شادی 2004ء میں طلاق پر ختم ہو گئی، بعد ازاں سیف علی خان نے کرینہ کپور سے دوسری شادی کر لی تھی جبکہ امریتا سنگھ نے دوبارہ شادی نہیں کی۔

  • خاتون کا آشناکے ملکر شوہر کا قتل، لاش نہر میں پھینک دی

    خاتون کا آشناکے ملکر شوہر کا قتل، لاش نہر میں پھینک دی

    بھارت:ایک خاتون نے اپنے عاشق کے ساتھ مل کر شوہر کو قتل کر دیا۔

    یہ سنسنی خیز واقعہ بھارتی ریاست گجرات میں پیش آیا،بھارتی میڈیا کے مطابق احمد آباد کرائم برانچ نے کئی ماہ کی تفتیش کے بعد قتل کی سازش کو بے نقاب کرتے ہوئے مرکزی ملزمان کو گرفتار کر لیا،مقتول شانتی گیری گوسوامی کی لاش نہر سے ملی تھی جسے ابتداء میں حادثاتی موت قرار دیا گیا تاہم بعد میں تحقیقات سے معلوم ہوا کہ اسے ایک باقاعدہ منصوبے کے تحت قتل کیا گیا تھا۔

    تحقیقات میں سامنے آیا کہ مقتول کی بیوی جاگرتی گوسوامی پہلے اپنے شوہر سکھ دیو گیری گوسوامی کے ساتھ رہتی تھی اور ان کے 2 بچے بھی تھے، لیکن بعد میں وہ اپنے دیور شانتی گیری کے ساتھ فرار ہو کر اس سے شادی کر کے الگ رہنے لگی۔

    شانتی گیری ٹرک ڈرائیور تھا اور اکثر کئی دن گھر سے باہر رہتا تھا، اسی دوران جاگرتی کے کانتی لال عرف بھارت بھائی سباریا نامی شخص کے ساتھ تعلقات قائم ہو گئے دونوں نے پہلے 25000 روپے دے کر ایک شخص کو قتل کی ذمے داری سونپی مگر وہ خوفزدہ ہو کر قتل کیے بغیر ہی شانتی گیری کی تصویر بھیج کر رقم وصول کر کے فرار ہو گیا۔

    پولیس کے مطابق منصوبہ ناکام ہونے کے بعد جاگرتی اور کانتی لال نے مل کر شانتی گیری کو گھر میں گلا دبا کر قتل کر دیا،بعد ازاں لاش کو چھپانے کے لیے دیپک عرف منّا نامی ایک اور شخص کی مدد لی گئی جو مبینہ طور پر جاگرتی کیساتھ تعلق میں تھا، تینوں ملزمان لاش کو گاڑی میں ڈال کر نہر میں پھینک آئے تا کہ واقعہ حادثہ معلوم ہو۔

    بھارتی میڈیا کے مطابق تحقیقات کے دوران سچ سامنے آنے پر کرائم برانچ نے 18 مئی کو جاگرتی گوسوامی اور کانتی لال سباریا کو قتل، سازش اور شواہد مٹا نے کے الزام میں گرفتار کر لیا جبکہ دیگر ملزمان سے بھی پوچھ گچھ جاری ہے۔

  • انمول عرف پنکی 3 روز ہ جسمانی ریمانڈ پر پولیس کے حوالے

    انمول عرف پنکی 3 روز ہ جسمانی ریمانڈ پر پولیس کے حوالے

    منشیات کے جرم میں گرفتار انمول عرف پنکی کو مختلف مقدمات میں عدالت نے 3 روز کے جسمانی ریمانڈ پر پولیس کے حوالے کر دیا۔

    پولیس حکام کے مطابق ملزمہ کو سخت سیکیورٹی حصار میں سماعت کے لیے سینٹرل جیل کے جوڈیشل کمپلیکس پہنچایا گیا، جہاں اسے درخشاں اور گزری تھانوں میں درج 8 مقدمات کے سلسلے میں جوڈیشل مجسٹریٹ کے روبرو پیش کیا گیا، پولیس نے عدالت سے انمول عرف پنکی کے جسمانی ریمانڈ کی استدعا کی تھی تاکہ مقدمات سے متعلق مزید تفتیش اور شواہد اکٹھے کیے جا سکیں۔

    واضح رہے کہ ملزمہ کے خلاف کراچی کے مختلف تھانوں میں منشیات فروشی کے متعدد مقدمات درج ہیں، پنکی شہر کے پوش علاقوں میں بھی آن لائن منشیات فروخت کرتی تھی، منشیات کا نیٹ ورک غیر قانونی طور پر معروف آن لائن شاپنگ برانڈ کا نام بھی منشیات کی ترسیل میں استعمال کرتھا جس جس کی ویڈیو سامنے آگئی۔

    منشیات کا نیٹ ورک غیر قانونی طور پر معروف آن لائن شاپنگ برانڈ کا نام بھی منشیات کی ترسیل میں استعمال کرتا رہا،منشیات منگوانے والے ایک کسٹمر نے کچھ ماہ قبل ایک خفیہ ویڈیو بھی بنالی تھی رائیڈرز اس بات سے لاعلم ہوتے تھے کہ پارسل میں منشیات موجود ہے،ویڈیو میں رائیڈر سے کسٹمر کو پارسل وصول کرتے ہوئے دیکھا جا سکتا ہے۔

    رائیڈر نے پارسل دینے کے بعد صرف ڈلیوری چارجز وصول کیے پارسل کے اندر ایک پیکٹ سے آئس برآمد ہوتے ہوئے بھی دیکھی جا سکتی ہے۔

  • اسحاق ڈار سے سعودی عرب میں پاکستانی سفیر کی ملاقات

    اسحاق ڈار سے سعودی عرب میں پاکستانی سفیر کی ملاقات

    سعودی عرب میں پاکستان کے سفیر احمد فاروق نے نائب وزیراعظم و وزیر خارجہ سینیٹر اسحاق ڈار سے ملاقات کی۔

    اسلام آباد میں علاقائی سفیروں کی کانفرنس کے موقع پر ملاقات کے دوران سینیٹر اسحاق ڈار نے پاکستان اور سعودی عرب کے درمیان مضبوط برادرانہ تعلقات کو سراہتے ہوئے کہا کہ دونوں ممالک کے درمیان جاری مثبت پیشرفت کو مزید مستحکم بنانے کی ضرورت ہےانہوں نے تجارت، سرمایہ کاری، توانائی اور انسانی وسائل کی ترقی سمیت مختلف شعبوں میں تعاون بڑھانے پر زور دیا۔

    انہوں نے سعودی عرب میں مقیم پاکستانی برادری سے مسلسل رابطے کی اہمیت پر بھی زور دیتے ہوئے کہا کہ پاکستانی کمیونٹی دونوں ممالک کے قریبی تعلقات کو مزید مضبوط بنانے میں مثبت اور تعمیری کردار ادا کر رہی ہے۔

  • اسلام آباد:غیرقانونی شکارکے الزام میں ایک غیرملکی باشندہ گرفتار

    اسلام آباد:غیرقانونی شکارکے الزام میں ایک غیرملکی باشندہ گرفتار

    مارگلہ ہلز میں غیرقانونی شکارکے الزام میں ایک غیرملکی باشندے کو گرفتار کیا گیا ہے۔

    ذرائع محکمہ وائلڈ لائف کے مطابق اسلام آباد وائلڈ لائف مینجمنٹ بورڈ نے کارروائی کرتے ہوئے مارگلہ ہلز میں غیرقانونی شکارکے الزام میں ایک غیر ملکی باشندے کو گرفتار کیا ہےملزم نے نایاب نسل کے ہرن سمیت متعدد جنگلی جانوروں کا شکار کیا اور رات گئے پھندے میں پھنسےجنگلی جانور کو کاٹ کر باکس میں پیک کیا۔

    ذرائع کے مطابق پھندوں کی اطلاع پر اسلام آباد وائلڈ لائف مینجمنٹ بورڈ نے خفیہ ٹیم کو تعینات کیا اور ملزم کو موقع سے رنگے ہاتھوں گرفتار کیا،دوران گرفتا ری ملزم نے مزاحمت کی اور دانتوں سے کاٹ کر ایک وائلڈ لائف اہلکار کو زخمی بھی کیا محکمہ وائلڈ لائف کی مدعیت میں تھانہ کوہسار میں 11 مئی کو واقعے کا مقدمہ درج کیا گیا تھا۔

    مقدمے کے متن کے مطابق سیکٹر ای سیون کے قریب جنگل میں دوران معائنہ شکار کےلیے پھندے لگے ملے، ایک ہرن پھندے میں پھنس کر ہلاک ہو چکا تھا، مقدمے میں درج ہے کہ جانوروں کے غیرقانونی شکار میں کچھ مقامی افراد کے ساتھ غیرملکی شہری بھی ملوث ہیں۔

  • میڈیا سے درخواست ہے پنکی کو گلیمرائز نہ کریں کہیں اس پر فلم بن جائے،آئی جی سندھ

    میڈیا سے درخواست ہے پنکی کو گلیمرائز نہ کریں کہیں اس پر فلم بن جائے،آئی جی سندھ

    آئی جی سندھ پولیس جاوید عالم اوڈھو کا کہنا ہےکہ میری میڈیا سے درخواست ہے کہ پنکی کو گلیمرائز نہ کریں کہ کہیں اس پر فلم بن جائے۔

    کراچی چیمبر کے دورے کے موقع پر تاجروں سے گفتگو کرتے ہوئے آئی جی سندھ پولیس جاوید عالم اوڈھو نے کہا کہ حکومت سندھ کے تعاون سے منشیات کے خاتمے پر کام کر رہے ہیں، ایک ہزار سے زائد مجرموں کو پکڑا ہے منشیات استعمال کرنے والے اور بیچنے والے میں فرق ہے، جو منشیات کا کام کر رہے ہیں انہیں نہیں بخشیں گے، ٹاسک فورس بنا رہے ہیں، ہر شہری کا فرض ہے کہ معلومات فراہم کرے۔

    پنکی کیس سے متعلق گفتگو کرتے ہوئے جاوید عالم اوڈھو نے کہا کہ پنکی زیادہ تر لاہور میں رہتی تھی اور اس کیس میں کئی معتبر نام ہیں، بہت سے لوگوں کے نام نکل سکتے ہیں تاہم میری میڈیا سے درخواست ہے کہ پنکی کو گلیمرائز نہ کریں کہ کہیں اس پر فلم بن جائے۔

    آئی جی سندھ نے کہا کہ کچےمیں آپریشن نجات مہران شروع کیا، 600 سے زائد ڈاکویا تو مارےگئے یا پکڑےگئے یا انہوں نے ہتھیار ڈالے، اب سندھ میں کوئی بھی نو گو ایریا نہیں ہے جبکہ کراچی میں بھی امن و امان کی صورتحال ماضی کے مقابلے میں بہت بہتر ہے۔