قطر کے شہر لوسیل میں واقع الجابر ٹوئن ٹاورز کو معرکہ حق کے موقع پر پاکستان کے قومی پرچم کے رنگوں سے روشن کردیا گیا۔
یہ خوبصورت اقدام پاکستان اور قطر کے درمیان گہری دوستی، بھائی چارے اور یکجہتی کے مضبوط تعلقات کی عکاسی کرتا ہے،اس موقع پر پاکستانی کمیونٹی نے بھی اس اظہارِ محبت اور خیرسگالی کو سراہا۔روشنیوں سے جگمگاتے ٹاورز نے نہ صرف تقریب کو یادگار بنا دیا بلکہ دونوں ممالک کے مضبوط تعلقات اور باہمی احترام کو بھی اجاگر کیا،اس موقع پر اسے ایک خوبصورت اور پُر وقار اقدام قرار دیا جا رہا ہے جو دو طرفہ تعلقات کی گرمجوشی کی عکاسی کرتا ہے۔
واضح رہے کہ معرکہ حق کا ایک سال مکمل ہونے پر جہاں ملک بھر میں تقریبات کا انعقاد کیا گیا، وہیں بیرون ممالک کے سفارتخانوں سمیت مختلف شہروں میں بھی تقریبات ہوئیں اس موقع پر پاکستانی کمیونٹی نے افواج پاکستان سے بھرپور یکجہتی کا اظہار کرتے ہوئے اس عزم کا اعادہ کیاکہ ہم دفاع وطن کے لیے افواج پاکستان کے شانہ بشانہ ہیں بیرون ممالک سمیت مقبوضہ کشمیر کے عوام نے بھی افواج پاکستان سے اظہار یکجہتی کیا، اور بھارتی فوج کے جبر کے باوجود جگہ جگہ پاکستانی قیادت کے تصاویر آویزاں کیں، اور معرکہ حق کا جشن منایا۔
