Author: ممتاز حیدر

ڈی جی آئی ایس پی آر لیفٹیننٹ جنرل احمد شریف چوہدری نے بلوچستان کی سیکیورٹی صورتحال سے متعلق پریس کانفرنس کرتے ہوئے کہا ہے کہ بلوچستان میں گزشتہ چار روز کے دوران تین بڑے واقعات ہوئے ،فتنہ الخوارج کے دہشتگردوں نے مذموم مقاصد کے لیے معصوم لوگوں پر حملہ کیا ۔

پریس کانفرنس کرتے ہوئے ترجمان پاک فوج کا کہنا تھا کہ پہلاواقعہ4اور5جولائی کی رات ہوا،فتنہ الخوارج نے معصوم شہریوں کونشانہ بنایا،فتنہ الخوارج کےدہشت گردوں نےمذموم مقاصدکیلئےعام شہریوں کونشانہ بنایا، زیارت منگی چیک پوسٹ پر حملے میں 26 دہشتگرد مارے گئے، پولیس کے 27 جوان شہید ہوئے۔زیارت میں مزید 18 پولیس اہلکاروں کو شہید کیا گیا ہے ‘ پہلے دن 9 شہید کئے گئے ’ ٹوٹل شہید پولیس اہلکاروں کی تعداد 27 ہوگئی ہے ‘پولیس کی جوابی کارروائی میں پہلے دن 15 خارجی مارے گئے تھے ، خاران اور دالبندین میں آج 14 دہشتگردوں کو ہلاک کیا گیا،مجموعی طور پر 54دہشتگردوں کو ہلاک کیا جاچکا،بھارت بلوچستان میں دہشتگردی کروارہا ہے،
خارجیوں کیخلاف آپریشن جاری ہے ‘بلوچستان میں تین بڑے حملے ہوئے ہیں جن میں 42شہادتیں ہوئی ہیں۔ ان میں 4سویلین جبکہ باقی تمام شہداء کا تعلق پاک آرمی اور پولیس سے ہے۔ اب تک 54 فتنہ الہندوستان کے خوارج کو جہنم واصل کر دیا گیا ہے،فتنہ الخوارج نے بلوچستان میں معصوم شہریوں پر حملہ کیا غیور شہریوں نے ان دہشت گردوں کا بہادری سے مقابلہ کیا ،بھارت بلوچستان میں دہشتگردی کروارہا ہے،پاکستان کی خوشحالی اور ترقی کے دشمن دہشتگردی کروارہے ہیں، بلوچستان کے بہادر لوگوں نے دہشت گردوں کا مقابلہ کیا،فتنہ الخوارج سے تعلق رکھنے والے دہشت گرد فرار ہو گئے،دہشت گردوں کا مقصد شہریوں میں خوف و ہراس پھیلانا تھا۔طالبان رجیم دہشت گردوں کی پشت پناہی کر رہی ھے کوئی مائی کا لال ریاست پاکستان کو شکست نہیں دے سکتا ،عوام کی جان و مال، شاہراہوں کے تحفظ اور بلوچستان کے امن کو یرغمال بنانے کی ہر کوشش کا بھرپور جواب دیا جائے گا

ترجمان پاک فوج کا مزید کہنا تھا کہ پاکستان کی خوشحالی اورترقی کے دشمن دہشتگردی کے ان واقعات میں ملوث ہیں۔دہشتگردانہ کارروائیاں بھارت اور وہ قوتیں کروا رہی ہیں جن کو پاکستان کی عزت اور استحکام برداشت نہیں ہوتی، افغانستان کی سرزمین غیر قانونی افغان طالبان رجیم کے زیر قبضہ اس دہشتگردی کیلئے استعمال ہورہی ہے، دہشتگردی کے ان واقعات میں زیادہ ترمارے گئے دہشتگرد افغان تھے،کراچی واقعے میں ملوث 4 حملہ آور میں 3 افغان دہشتگرد تھے، ان دہشتگردوں کو سہولتکاری افغان طالبان رجیم فراہم کررہی ہے،فغان طالبان رجیم کو پاکستان کے عزت اور وقار سے مسئلہ ہے، ان کو ہر اس چیز سے مسئلہ ہے جو بلوچستان کے عوام کے لیے ہے، ان کو کوئٹہ کےلیے جانے والی پانی کی پائپ لائن سے مسئلہ ہے، ہم روز ان دہشتگردوں کا تعاقب کریں گے اور ان کو ہدف بنائیں گے، بلوچستان کے وزیراعلیٰ بائی روڈ زیارت گئے، تین سال سے ریاست جو واضح پالیسی دکھارہی ہے ان کو اس سے پریشانی ہے، ریاست واضح بتارہی ہےکہ یہ فتنہ الہندوستان ہے ان کا بلوچستان یا بلوچیت سے تعلق نہیں، ریاست واضح بتارہی ہے کہ یہ فتنہ الخوارج ہے اس کا اسلام سے کوئی تعلق نہیں، غیرقانونی افغان مقیم باشندوں کو پاکستان سے اٹھا کر باہر پھینکیں گے، دنیا میں کوئی مائی کا لعل پیدا نہیں ہوا جو پاکستان کو دھمکا سکے، پاکستان اور بلوچستان یہاں ہے اور ہمیشہ رہے گا، ہر دہشتگرد اور ان کے تمام سہولتکاروں کا پیچھا کریں گے، تم ہمارے بچوں اور شہریوں پر ہاتھ ڈالتے ہو اور سمجھتے ہو ہم آکر بات چیت کریں گے، عوام، فوج اور قانون نافذ کرنے والے ادارے ہر لمحے دہشتگردی کے خلاف جنگ لڑ رہے ہیں، ہر صورت ہمیں کامیابی حاصل ہوگی کیونکہ ہم حق اور سچ پر کھڑے ہیں

امریکی صدر ڈونلڈ ٹرمپ نے ایران کے ساتھ جنگ بندی کو عملاً ختم قرار دیتے ہوئے کہا ہے کہ ان کے نزدیک اب یہ معاہدہ ختم ہو چکا ہے اور وہ ایران کے ساتھ مزید مذاکرات نہیں کرنا چاہتے۔

یہ بیان ایسے وقت میں سامنے آیا ہے جب امریکی فوج نے آبنائے ہرمز میں تجارتی جہازوں پر حملوں کے جواب میں ایران کے مختلف فوجی اہداف پر بڑے پیمانے پر فضائی کارروائیاں کیں، جس کے بعد خطے میں ایک بار پھر شدید کشیدگی پیدا ہو گئی ہے۔نیٹو سربراہ مارک روٹے کے ہمراہ انقرہ میں صحافیوں سے گفتگو کرتے ہوئے صدر ٹرمپ نے کہا کہ "میرے نزدیک جنگ بندی ختم ہو چکی ہے، میں اب ان سے مزید معاملہ نہیں کرنا چاہتا۔ وہ مذاکرات کرنا چاہتے ہیں لیکن میرے خیال میں ان سے بات چیت وقت کا ضیاع ہے۔”

واضح رہے کہ امریکہ اور ایران نے 17 جون کو ایک مفاہمتی یادداشت پر دستخط کیے تھے، جس کے تحت دونوں ممالک نے فوجی کارروائیاں روکنے اور 60 روزہ مذاکرات کے ذریعے مستقل امن معاہدہ طے کرنے پر اتفاق کیا تھا۔

امریکی صدر نے رات گئے ہونے والے فضائی حملوں کا دفاع کرتے ہوئے کہا کہ امریکی فوج نے ایران پر "انتہائی طاقتور حملے” کیے ہیں۔ ان کے بقول ایران نے جنگ بندی کے باوجود راکٹ داغے اور بحری جہازوں کو نشانہ بنایا، جس کے جواب میں امریکہ نے سخت کارروائی کی۔ٹرمپ نے دعویٰ کیا کہ امریکی حملے ایران کی جوابی کارروائیوں سے "20 گنا زیادہ شدید” تھے۔انہوں نے کہا کہ "ہم نے انہیں کہا تھا کہ اپنے جنازوں میں مصروف رہیں، لیکن اس کے بجائے انہوں نے راکٹ فائر کیے اور جہازوں پر حملے کیے، اس لیے ہم نے انہیں سخت جواب دیا۔”صدر ٹرمپ نے ایران پر شدید تنقید کرتے ہوئے کہا کہ "یہ بیمار اور خطرناک لوگ ہیں، ایران ایک کینسر کی مانند ہے اور کینسر کو ابتدا ہی میں کاٹ کر ختم کرنا پڑتا ہے۔”

دوسری جانب ایران کی وزارت خارجہ نے امریکی فضائی حملوں کی شدید مذمت کرتے ہوئے انہیں جنگ بندی معاہدے کی صریح خلاف ورزی قرار دیا ہے۔ایرانی وزارت خارجہ کے مطابق امریکی فوج نے جنوبی ساحلی علاقوں میں متعدد نگرانی اور سرویلنس مراکز کو نشانہ بنایا، جس سے 17 جون کو ہونے والے عبوری امن معاہدے کی اہم شقیں غیر مؤثر ہو گئی ہیں۔ایران نے یہ بھی مؤقف اختیار کیا کہ امریکہ کی جانب سے ایرانی تیل کی فروخت کے لیے عارضی لائسنس کی منسوخی سمیت دیگر اقدامات نے بھی مفاہمتی معاہدے کو نقصان پہنچایا ہے۔

امریکی کارروائیوں کے دوران ایرانی بندرگاہی شہر بندر عباس میں متعدد دھماکوں اور آگ لگنے کی اطلاعات سامنے آئیں۔ سوشل میڈیا پر جاری تصاویر میں بندرگاہ کے قریب سیاہ دھواں، شدید آگ اور پانی میں جلتی ہوئی کشتیوں کو دیکھا جا سکتا ہے۔امریکی فوج کے مطابق حملوں کے دوران آبنائے ہرمز اور اس کے اطراف میں پاسدارانِ انقلاب کی بحریہ کی 60 سے زائد چھوٹی کشتیوں کو بھی نشانہ بنایا گیا۔ایران کی پاسدارانِ انقلاب کی بحریہ نے تصدیق کی ہے کہ دشمن کے ڈرون حملے میں اس کا ایک اہلکار ہلاک ہوگیا ہے، تاہم حملے کی درست جگہ ظاہر نہیں کی گئی۔

ایرانی سرکاری میڈیا کے مطابق خلیج فارس کے ساحلی شہر بوشہر اور اس کے گردونواح میں بھی متعدد دھماکوں کی آوازیں سنی گئی ہیں۔ بوشہر ایران کی اہم بندرگاہوں اور توانائی تنصیبات کے قریب واقع ہے، جس کے باعث ان دھماکوں نے مزید تشویش پیدا کر دی ہے۔

امریکی حملے ایسے وقت میں کیے گئے جب ایران میں سابق سپریم لیڈر آیت اللہ علی خامنہ ای کی سرکاری سطح پر آخری رسومات کا سلسلہ جاری ہے۔رپورٹس کے مطابق 28 فروری کو جنگ کے آغاز میں ہونے والے امریکی اور اسرائیلی حملوں میں آیت اللہ خامنہ ای شہید ہوئے تھے، جبکہ ان کی تدفین کے لیے ایران اور عراق میں لاکھوں افراد شریک ہیں۔

نیٹو کے سیکریٹری جنرل مارک روٹے کے بعد نیدرلینڈز کے وزیراعظم روب جیٹن نے بھی امریکی کارروائیوں کی حمایت کرتے ہوئے کہا کہ جنگ بندی کی خلاف ورزی برداشت نہیں کی جا سکتی، تاہم سفارتی کوششوں کو جاری رکھنا بھی ضروری ہے تاکہ مستقل حل نکالا جا سکے۔