آزاد کشمیر میں افراتفری و قتل وغارت کرنے والی انتشاری کمیٹی سے اپنے ارکان بھی لاتعلقی کا اعلان کررہے ہیں
کور ممبر فیصل جمیل کشمیری نے نوجوانوں سے کالعدم کمیٹی کے انتشار کو مسترد کرنے کی اپیل کر دی،کہا کالعدم قرار دی جانے والی تنظیم عوامی ایکشن کمیٹی سے علیحدگی کا اعلان کرتا ہوں، عوامی حقوق اور آٹے بجلی کی قیمتوں سے شروع ہونیوالی تحریک کا رخ موڑ دیا گیا ہے ، کالعدم کمیٹی کیطرف سے ریاست اور اداروں کیخلاف کی جانے والی باتوں سے میراکوئی تعلق نہیں ، کالعدم کمیٹی کیجانب سے ہونے والی باتیں آزاد کشمیرکے لوگوں کا مؤقف ہرگز نہیں ہو سکتا ،کالعدم انتشاری کمیٹی کا ریاست مخالف ایجنڈا افسوسناک ہے ، اس سے متفق نہیں ہو سکتا ، چیزوں کو باہمی مذاکرات اور بات چیت سے حل کیا جانا چاہیے، امن کو خراب نہ کیا جائے،
کور ممبر فیصل جمیل سے قبل بلال شیخ ،رضوان کرامت،افتخار محمود،انجم زمان اور امجد علی خان ایڈووکیٹ بھی کالعدم کمیٹی سےاظہار لاتعلقی کر چکےہیں ،ماہرین کا کہنا ہے کہ عوامی حقوق کے نام پر انتشار پھیلانے والی کمیٹی کے ارکان بھی ان سےمتنفر ہو چکےہیں، کالعدم کمیٹی کے مہرے بیرونی ایماء پر چلنے والی انتشاری تحریک سے لاتعلقی کا اعلان کر رہےہیں،
