Baaghi TV

Blog

  • سونے اور چاندی کی قیمت میں مسلسل اضافہ

    سونے اور چاندی کی قیمت میں مسلسل اضافہ

    عالمی اور مقامی مارکیٹوں میں سونے اور چاندی کی قیمتوں میں مسلسل چوتھے روز اضافہ ہوا ہے-

    بین الاقوامی بلین مارکیٹ میں فی اونس سونے کی قیمت 13ڈالر کے اضافے سے 5ہزار 185ڈالر کی سطح پر آگئی،عالمی مارکیٹ میں اضافے سے مقامی مارکیٹ میں فی تولہ سونے کی قیمت بھی 1ہزار 300روپے کے اضافے سے 5لاکھ 41ہزار 262روپے کی سطح پر آگئی،اسی طرح، فی دس گرام سونے کی قیمت 1 ہزار 114روپے بڑھ کر 4لاکھ 64ہزار 044روپے کی سطح پر آگئی۔

    ڈؤصڑٰ ضآںب فی تولہ چاندی کی قیمت 268 روپے کے اضافے سے 9ہزار 554 روپے کی سطح پر آگئی جبکہ فی دس گرام چاندی کی قیمت بھی 230روپے کے اضافے سے 8ہزار 191روپے کی سطح پر آگئی۔

    غیرملکی کمپنیوں کے پاکستان چھوڑنے کے دعوے بے بنیا د ہیں، ایس ای سی پی

    میں اتنا فارغ نہیں کہ سیکیورٹی واپس لیتا رہوں، ہماری ترجیح بانی پی ٹی آئی کی رہائی ہے، سہیل آفریدی

    ٹی20 ورلڈ کپ: شکست کے بعد سلمان علی آغا کے اہل خانہ کو آن لائن ہراسانی کا سامنا

  • غیرملکی کمپنیوں کے پاکستان چھوڑنے کے دعوے بے بنیا د ہیں، ایس ای سی پی

    غیرملکی کمپنیوں کے پاکستان چھوڑنے کے دعوے بے بنیا د ہیں، ایس ای سی پی

    سیکیورٹیز اینڈ ایکسچینج کمیشن آف پاکستان نے پاکستان میں غیر ملکی کمپنیوں کے بڑے پیمانے پر اخراج کے دعووں کو مسترد کر دیا-

    ایس ای سی پی نے کہا کہ 2022 سے 2025 کے درمیان صرف 19 غیر ملکی کمپنیوں نے اپنی سرگرمیاں بند کیں، جبکہ اسی مدت میں 79 نئی غیر ملکی کمپنیاں رجسٹرڈ ہوئیں،میڈیا میں گردش کرنے والا دعویٰ کہ 125 کمپنیاں پاکستان چھوڑ گئی ہیں، درحقیقت 1977 سے اب تک کے مجموعی اعداد پر مبنی ہے، حالیہ 3 سالوں کا نہیں۔

    ٹی20 ورلڈ کپ: شکست کے بعد سلمان علی آغا کے اہل خانہ کو آن لائن ہراسانی کا سامنا

    غیر ملکی سرمایہ کاری کے حوالے سے بھی مثبت رجحان دیکھا گیا ہے، کیونکہ گزشتہ ماہ 82 مقامی کمپنیوں میں مختلف ممالک سے سرمایہ کاری ریکارڈ کی گئی، جن میں چین، امریکا، برطانیہ، جرمنی، آسٹریلیا، ترکی، جنوبی کوریا، اسپین اور دیگر شامل ہیں فروری 2026 تک کمیشن کے پاس 1,157 غیر ملکی کمپنیاں رجسٹرڈ ہیں، جو پاکستان میں بین الاقوامی کاروباری موجودگی اور سرمایہ کاری کے تسلسل کا عندیہ دیتی ہیں، یہ اعداد و شمار ظاہر کرتے ہیں کہ پاکستان میں غیر ملکی سرمایہ کاروں کا اعتماد برقرار ہے اور ملکی کاروباری ماحول میں دلچسپی مستحکم ہے۔

    میں اتنا فارغ نہیں کہ سیکیورٹی واپس لیتا رہوں، ہماری ترجیح بانی پی ٹی آئی کی رہائی ہے، سہیل آفریدی

  • سندھ حکومت کیخلاف سازش،قیادت وفاقی حکومت سے جواب طلبی کرے،شرجیل میمن

    سندھ حکومت کیخلاف سازش،قیادت وفاقی حکومت سے جواب طلبی کرے،شرجیل میمن

    سندھ کے سینئر صوبائی وزیر، وزیر اطلاعات شرجیل انعام میمن نے کہا ہے کہ سندھ وہ واحد صوبہ ہے جس کے ترقیاتی منصوبوں کا فائدہ صرف صوبے تک محدود نہیں بلکہ پورے ملک کو پہنچتا ہے۔ چاہے ہوا سے بجلی کی پیداوار ہو یا تھر کے کوئلے سے توانائی، سب کچھ نیشنل گرڈ میں شامل ہو کر پاکستان کو مضبوط بنا رہا ہے

    پریس کانفرنس کرتے ہوئے شرجیل میمن کا کہنا تھا کہ آصف علی زرداری ہمارے بڑے ہیں وہ بریفنگ لیتے ہیں، ڈانٹ بھی سکتے ہیں، رمضان کا مہینہ ہے آصف زرداری کی میٹنگ کی خبر کا حقیقت سے تعلق نہیں، رمضان میں جس طرح چاٹ مصالحہ لگایا جاتا ہے ایسی ہی یہ خبر ہے، زرداری صاحب ہمارے بڑے ہیں ڈانٹ سکتے ہیں لیکن جس میٹنگ کی بات ہو رہی اس میں ایسا کچھ نہیں تھا، صدر آصف زرداری اور بلاول صاحب بریفننگ لیتے رہتے ہیں۔سندھ کابینہ کے عوامی مفاد میں کیے گئے فیصلے، سیپرا اصلاحات، تھر ریل کنیکٹیویٹی، ڈیجیٹل نظام اور ویمن ایگریکلچر ورکرز رولز 2026 صوبے میں شفافیت، معاشی ترقی اور خواتین کے حقوق کے تحفظ کی جانب اہم پیش رفت ہیں،ویمن ایگریکلچر ورکرز رولز 2026 خواتین کی بہتری اور مساوی مواقع کے لیے تیار کیے گئے ہیں،خواتین کے حقوق کا تحفظ حکومت سندھ کی اولین ترجیح ہے۔سندھ ایک تھا، ایک ہے اور ہمیشہ ایک ہی رہے گا۔ہماری شناخت اتحاد، بھائی چارہ اور مشترکہ ترقی میں ہے

    شرجیل میمن کا مزید کہنا تھا کہ وفاقی وزرا اورگورنرہاؤس سےسندھ حکومت کیخلاف سازش ہورہی ہے،وفاقی حکومت پیپلز پارٹی سے ہر وقت تعاون مانگتی ہے اور خود سازش کر رہی ہے،میں پیپلز پارٹی کی قیادت کو کہتا ہوں کہ وہ وفاقی حکومت سے جواب طلبی کریں، وفاقی وزرا سندھ حکومت کے خلاف مسلسل ہرزہ سرائی کریں ،پروپیگنڈہ کریں تو یہ باعث تشویش ہے،فاروق ستار نے گل پلازہ کے باہر جھوٹ بولنا شروع کر دیے، سیاسی یتیم جتنے اب جمع ہوگئے ہیں ان کا کام ہی اب یہ ہے، کراچی کو ٹارگٹ کرکے سندھ حکومت پر تنقید کی جاتی ہے، ہم مانتے ہیں کراچی میں چیلنجز ہیں، کراچی میں بہت ساری جگہوں پر سڑکوں اور ٹریفک کے مسائل ہیں، کرا چی کی آبادی کا موازنہ شہروں سے نہیں ملکوں سے کرسکتے ہیں،کچھ لوگ کراچی کو ٹارگٹ کرتے ہیں، کراچی کے اپنے مسائل ہیں، یہاں ہزاروں کی تعداد میں روزانہ ملک بھرسےلوگ داخل ہوتے ہیں، صحت کی سہولت کے لیے ملک بھر سے لوگ کراچی آتے ہیں، یہاں کے اسپتالوں میں 50 فیصد لوگ باہر سے آتے ہیں، مریضوں پر لاکھوں روپے خرچ ہو رہے ہیں وہ رقم سندھ حکومت ادا کر رہی ہے۔

  • میں اتنا فارغ نہیں کہ سیکیورٹی واپس لیتا رہوں، ہماری ترجیح بانی پی ٹی آئی کی رہائی ہے، سہیل آفریدی

    میں اتنا فارغ نہیں کہ سیکیورٹی واپس لیتا رہوں، ہماری ترجیح بانی پی ٹی آئی کی رہائی ہے، سہیل آفریدی

    اسلام آباد:وزیر اعلیٰ خیبر پختونخوا سہیل آفریدی نے علی امین گنڈا پور سے سیکیورٹی واپس لینے کے معاملے پر ردعمل دیا ہے۔

    گزشتہ روز، علی امین گنڈا پور نے صوبائی حکومت کی جانب سے سیکیورٹی واپس لیے جانے کی تصدیق کرتے ہوئے اپنی پارٹی کی حکومت پر برہمی کا اظہار کیا تھا،علی امین گنڈاپور نے میڈیا سے گفتگو میں تصدیق کی تھی کہ وزیراعلیٰ کی سیکیورٹی گزشتہ روز چیف سیکیورٹی افسر کے حکم سے واپس لی گئی ہے۔

    انہوں نے کہا کہ میرے پاس ایک جیمر، دو ڈبل کیبن اور ڈرائیور سمیت 14 افراد کا اسٹاف تھا، ڈی آئی خان ایک حساس علاقہ ہے اور مجھے پہلے سے تھر یٹ الرٹس ہیں، یہ تھرٹ الرٹس بحیثیت سابق وزیراعلیٰ اور حکومت میں دہشت گردی کے حوالے سے مؤثر پالیسی کے باعث ملی ہیں۔

    اسلام آباد ہائیکورٹ کے باہر سیکیورٹی واپس لینے سے متعلق سوال پر سہیل آفریدی نے جواب دیا کہ یہ جھوٹ ہے اور کسی سے کوئی سیکیورٹی واپس نہیں لی، میں اتنا فارغ نہیں کہ سیکیورٹی واپس لیتا رہوں، ہماری ترجیح بانی پی ٹی آئی کی رہائی ہے، اگر کوئی نان ایشو کو ایشو بنا کر خبروں میں رہنا چاہتے ہیں تو میں کچھ کہہ نہیں سکتا۔

    کراچی میں دہشت گردی کا بڑا منصوبہ ناکام، خودکش جیکٹ، دھماکہ خیز مواد برآمد

    دوسری جانب، خیبر پختونخوا پولیس نے بھی سیکیورٹی واپس نہ لینے کی تصدیق کر دی،پولیس حکام کا کہنا ہے کہ سابق وزیر اعلیٰ علی امین گنڈاپور کے پاس 77 پولیس اہلکار موجود ہیں، علی امین گنڈا پور کی رہائش گاہ پر پولیس سیکیورٹی ونگ کے 58 اہلکار اور ایف آر پی پولیس کے 12 جوان بھی تعینات ہیں، علی امین گنڈاپور کے بنگلے پر ڈیرہ اسماعیل خان پولیس کے بھی 7 جوان تعینات ہیں۔

    عدالت کے حکم پربزرگ خاتون کو بیٹے کی تحویل سے شوہر کے حوالے کردیاگیا

  • کراچی میں دہشت گردی کا بڑا منصوبہ ناکام، خودکش جیکٹ، دھماکہ خیز مواد برآمد

    کراچی میں دہشت گردی کا بڑا منصوبہ ناکام، خودکش جیکٹ، دھماکہ خیز مواد برآمد

    کراچی میں خفیہ ایجنسیوں اور محکمہ انسداد دہشت گردی نے مشترکہ کارروائی کرتے ہوئے ایک بڑے دہشت گردانہ منصوبے کو ناکام بنا دیا۔

    کارروائی کے دوران خودکش جیکٹ، دستی بم، اور بھاری مقدار میں دھماکہ خیز مواد برآمد کر لیا گیا جبکہ کالعدم تنظیم (بی ایل اے) سے تعلق رکھنے والے مطلوب دہشت گرد اسماء اللہ کو گرفتار کر لیا گیا۔حکام کے مطابق یہ کارروائی حساس اداروں کو موصول ہونے والی خفیہ اطلاع پر کی گئی، جس میں بتایا گیا تھا کہ شہر میں ایک بڑی دہشت گرد کارروائی کی منصوبہ بندی کی جا رہی ہے۔ اطلاع کی بنیاد پر سی ٹی ڈی نے مختلف مقامات پر چھاپے مارے اور ایک مشتبہ مقام سے ملزم کو حراست میں لے لیا۔ابتدائی تفتیش کے مطابق گرفتار دہشت گرد اسماء اللہ خودکش حملے کی تیاری میں مصروف تھا۔ اس کے قبضے سے ایک تیار شدہ خودکش جیکٹ، متعدد دستی بم، ڈیٹونیٹرز اور دیگر دھماکہ خیز مواد برآمد کیا گیا۔ بم ڈسپوزل اسکواڈ نے موقع پر پہنچ کر مواد کو تحویل میں لیا اور ناکارہ بنا دیا۔

    حکام کا کہنا ہے کہ اگر بروقت کارروائی نہ کی جاتی تو شہر میں کسی اہم سرکاری یا عوامی مقام کو نشانہ بنایا جا سکتا تھا، جس سے بڑے پیمانے پر جانی و مالی نقصان کا خدشہ تھا۔ذرائع کے مطابق ملزم براہِ راست ایک غیر ملکی ہینڈلر سے رابطے میں تھا اور بیرون ملک سے موصول ہونے والی ہدایات پر دہشت گردانہ سرگرمیوں کی منصوبہ بندی کر رہا تھا۔ تفتیشی حکام کا کہنا ہے کہ ملزم کے موبائل فون اور دیگر ڈیجیٹل آلات سے اہم شواہد حاصل کر لیے گئے ہیں، جن کی فارنزک جانچ جاری ہے۔سی ٹی ڈی حکام کے مطابق گرفتار دہشت گرد سے مزید تفتیش جاری ہے تاکہ اس کے سہولت کاروں اور نیٹ ورک کے دیگر ارکان تک رسائی حاصل کی جا سکے۔ سیکیورٹی اداروں نے شہر کے داخلی و خارجی راستوں پر نگرانی مزید سخت کر دی ہے جبکہ حساس مقامات کی سیکیورٹی بھی بڑھا دی گئی ہے۔

    قانون نافذ کرنے والے اداروں نے اس عزم کا اعادہ کیا ہے کہ ملک دشمن عناصر کے خلاف کارروائیاں بلا تفریق جاری رہیں گی اور کسی کو بھی امن و امان کی صورتحال خراب کرنے کی اجازت نہیں دی جائے گی۔ حکام نے شہریوں سے بھی اپیل کی ہے کہ وہ کسی بھی مشکوک سرگرمی کی فوری اطلاع متعلقہ اداروں کو دیں۔سیکیورٹی ذرائع کا کہنا ہے کہ حالیہ کارروائی قانون نافذ کرنے والے اداروں کی پیشہ ورانہ مہارت اور بروقت انٹیلی جنس شیئرنگ کا نتیجہ ہے، جس سے ایک بڑے سانحے کو ٹال دیا گیا۔

  • ٹی20 ورلڈ کپ: شکست کے بعد سلمان علی آغا کے اہل خانہ کو آن لائن ہراسانی کا سامنا

    ٹی20 ورلڈ کپ: شکست کے بعد سلمان علی آغا کے اہل خانہ کو آن لائن ہراسانی کا سامنا

    پاکستان کے کپتان سلمان علی آغا کی اہلیہ نے انگلینڈ کے خلاف آئی سی سی ٹی ٹوئنٹی ورلڈ کپ 2026 کے سپر ایٹ مرحلے میں پاکستان کی شکست کے بعد آن لائن ہراسانی کے خلاف سخت بیان جاری کیا ہے۔

    انہوں نے مداحوں سے اپیل کی ہے کہ اپنے غصے کا نشانہ کھلاڑیوں کے خاندان خاص طور پر بچوں کو نہ بنائیں،انگلینڈ کی فتح کے چند گھنٹوں بعد انہوں نے انسٹاگرام پر پاکستانی مداحوں کو مخاطب کرتے ہوئے لکھا کہ مجھے یا میرے معصوم بیٹے کو گالم گلوچ کرنے سے آپ ورلڈ کپ نہیں جیتیں گے۔

    واضح رہے کہ ٹی20 ورلڈ کپ کے سپر 8 مرحلے میں انگلینڈ نے پاکستان کو سنسنی خیز مقابلے کے بعد 2 وکٹوں سے شکست دے کر سیمی فائنل کے لیے کوالیفائی کرلیا ہے، انگلینڈ نے 165 رنز کا ہدف 19.1 اوورز میں 8 وکٹوں کے نقصان پر حاصل کرلیا ہے۔

    محمد اورنگزیب سے ورلڈ بینک حکام کی ملاقات

    عدالت کے حکم پربزرگ خاتون کو بیٹے کی تحویل سے شوہر کے حوالے کردیاگیا

    ہائیکورٹ کوریڈور میں سہیل آفریدی کی ویڈیو بنانے پر ایک شخص سے موبائل فون چھین لیا گیا

  • شرقپور شریف میں آتشبازی فیکٹری میں دھماکا، ایک شخص جاں بحق، متعدد زخمی

    شرقپور شریف میں آتشبازی فیکٹری میں دھماکا، ایک شخص جاں بحق، متعدد زخمی

    صوبہ پنجاب کے علاقے شرقپور شریف میں آتشبازی کا سامان تیار کرنے والی فیکٹری میں خوفناک دھماکے کے نتیجے میں ایک شخص جاں بحق جبکہ کم از کم چار افراد زخمی ہو گئے۔ دھماکا اس قدر شدید تھا کہ فیکٹری کی عمارت کی چھت زمین بوس ہو گئی اور اطراف کی عمارتوں کے شیشے بھی ٹوٹ گئے۔

    رپورٹس کے مطابق واقعہ اس وقت پیش آیا جب فیکٹری میں آتشبازی کا سامان تیار کیا جا رہا تھا۔ عینی شاہدین کا کہنا ہے کہ اچانک زور دار دھماکے کی آواز سنائی دی جس کے بعد علاقے میں خوف و ہراس پھیل گیا۔ دھماکے کے باعث عمارت کا ایک بڑا حصہ منہدم ہو گیا اور کئی مزدور ملبے تلے دب گئے۔ریسکیو ذرائع کے مطابق ایک شخص موقع پر ہی جاں بحق ہو گیا جبکہ چار زخمیوں کو فوری طور پر قریبی اسپتال منتقل کر دیا گیا ہے، جہاں انہیں طبی امداد فراہم کی جا رہی ہے۔ زخمیوں میں سے بعض کی حالت تشویشناک بتائی جا رہی ہے۔ دھماکے کی اطلاع ملتے ہی ریسکیو ٹیمیں اور پولیس کی نفری موقع پر پہنچ گئی۔ بھاری مشینری کی مدد سے ملبہ ہٹانے کا عمل جاری ہے جبکہ علاقے کو گھیرے میں لے کر سیکیورٹی سخت کر دی گئی ہے۔

    پولیس نے واقعے کی تحقیقات شروع کر دی ہیں۔ ابتدائی طور پر دھماکے کی وجہ آتش گیر مواد کو غیر محفوظ طریقے سے تیار کرنا قرار دی جا رہی ہے، تاہم حکام کا کہنا ہے کہ مکمل تحقیقات کے بعد ہی اصل وجوہات کا تعین کیا جائے گا۔مقامی شہریوں نے مطالبہ کیا ہے کہ رہائشی علاقوں میں قائم ایسی فیکٹریوں کے خلاف سخت کارروائی کی جائے تاکہ مستقبل میں ایسے افسوسناک واقعات سے بچا جا سکے۔

  • سیلاب سے بچاؤ، چناب پر 4 ڈیم بنانے کا فیصلہ

    سیلاب سے بچاؤ، چناب پر 4 ڈیم بنانے کا فیصلہ

    مستقبل میں دریائے چناب سے سیلاب کی تباہ کاریاں بچانے کیلئے واپڈا نے چناب پر 4 ڈیم بنانے کا فیصلہ کرلیا، تقریباً 300 ارب روپے مالیت کا منصوبہ 4 سال میں مکمل کیا جائے گا۔

    واپڈا حکام کے مطابق 298 ارب روپے مالیت کے منصوبے سے اضافی پانی ڈیمز میں ذخیرہ کرکے سیلابی صورتحال پر قابو پایا جائے گا۔دستاویز میں بتایا گیا ہے کہ منصوبے سے 45 لاکھ ایکڑ فٹ پانی ذخیرہ اور 330 میگا واٹ بجلی پیدا ہوگی، چنیوٹ اور شاہ جیوانہ ڈیمز سے 80، 80 میگاواٹ بجلی پیدا ہوگی۔حکام کا کہنا ہے کہ بھارت مون سون سیزن میں دریایے چناب میں اچانک پانی چھوڑ دیتا ہے، اچانک سیلاب سے کھڑی فصلوں اور املاک کو نقصان پہنچتا ہے، خشک سالی کے دوران بھارت دریائے چناب کا پانی اچانک روک بھی لیتا ہے، مستقبل میں سیلاب اور قلت آب سے نمٹنے کیلئے پلان تیار کیا گیا ہے، سیلابی صورتحال یا پانی میں کمی کی صورت میں ڈیم موزوں ثابت ہوں گے۔

  • محمد اورنگزیب سے ورلڈ بینک حکام کی ملاقات

    محمد اورنگزیب سے ورلڈ بینک حکام کی ملاقات

    وفاقی وزیرِ خزانہ و محصولات سینٹر محمد اورنگزیب سے آج فنانس ڈویژن میں پاکستان کے لیے ورلڈ بینک کی کنٹری ڈائریکٹر بولورما آمگابزار نے ملاقات کی۔

    ملاقات میں ورلڈ بینک کے کنٹری پارٹنرشپ فریم ورک کے تحت تعاون کو مضبوط بنانے اور حکومتِ پاکستان کی اصلاحاتی ترجیحات کو آگے بڑھانے پر تبادلۂ خیال کیا گیا اور آبادی و انسانی سرمایہ کی ترقی، موسمیاتی لچک، زراعت کے شعبے میں اصلاحات، توانائی کے شعبے کی پائیداری اور مجموعی ترقیاتی منصو بو ں کی کارکردگی جیسے امور زیرِ بحث آئے۔

    وزیرِ خزانہ نے سی پی ایف کے موثر نفاذ کی اہمیت پر زور دیا، خاص طور پر آبادی کے انتظام اور موسمیاتی تبدیلی کے شعبوں میں، انہوں نے وفاقی اور صوبا ئی حکومتوں کے درمیان مضبوط ہم آہنگی کی ضرورت اجاگر کی تاکہ پالیسی ڈیزائن اور نفاذ میں ہم آہنگی یقینی بنائی جا سکے۔

    عدالت کے حکم پربزرگ خاتون کو بیٹے کی تحویل سے شوہر کے حوالے کردیاگیا

    ملاقات میں ادارہ جاتی رابطہ کاری کو بہتر بنانے، منصوبوں کی شفافیت اور اہداف کے تعین، اور نگرانی کے میکانزم کو مضبوط کرنے پر بھی تبادلۂ خیال کیا گیا۔ ورلڈ بینک کی کنٹری ڈائریکٹر نے وفاقی اور صوبائی اسٹیک ہولڈرز کے ساتھ قریبی تعاون جاری رکھنے اور معلومات کے تبادلے کو مزید مضبوط بنانے کے عزم کا اعادہ کیا۔

    زراعت کے شعبے میں اصلاحات، پیداوار میں اضافہ، ویلیو چین کی بہتری، مالی رسائی، اور نجی شعبے کی شراکت داری پر پیشرفت کا جائزہ لیا گیا وزیرِ خزانہ نے کہا کہ صوبائی اقدامات کو قومی اصلاحاتی پروگراموں کے ساتھ ہم آہنگ کرنا ضروری ہے تاکہ پائیدار ترقی اور روزگار کے مواقع پیدا کیے جا سکیں-

    مغربی کنارے کی یہودی بستی میں پہلی بار امریکی پاسپورٹ سروس فراہم کرنے کا اعلان

    توانائی کے شعبے میں اصلاحات اور مالی پائیداری پر بھی بات ہوئی، اور دونوں طرف سے تکنیکی سطح پر مزید تبادلۂ خیال کرنے اور ممکنہ حل تلاش کرنے پر اتفاق کیا گیا۔

    کنٹری ڈائریکٹر نے مجموعی ترقیاتی منصوبوں کی کارکردگی اور جاری پروگراموں کی تفصیلات سے وزیرِ خزانہ کو آگاہ کیا اور پاکستان کی اقتصادی استحکام، موسمیاتی لچک، اور انسانی سرمایہ کی ترقی کے اہداف میں ورلڈ بینک کی تعاون جاری رکھنے کا یقین دلایا۔

    لاہورمیں بسنت کے دوران 17 اموات، رپورٹ ہائیکورٹ جمع

    وزیرِ خزانہ نے ورلڈ بینک کے تعاون کو سراہا اور حکومت کے عزم کا اعادہ کیا کہ وہ ساختی اصلاحات، حکمرانی کے فریم ورک میں بہتری، اور ترقیاتی پروگراموں کے حقیقی اور پائیدار فوائد فراہم کرنے کے لیے کام جاری رکھے گی۔

  • عدالت کے حکم پربزرگ خاتون کو بیٹے کی تحویل سے شوہر کے حوالے کردیاگیا

    عدالت کے حکم پربزرگ خاتون کو بیٹے کی تحویل سے شوہر کے حوالے کردیاگیا

    لاہور ہائیکورٹ کی چیف جسٹس عالیہ نیلم نے بزرگ خاتون کو بیٹے کی کسٹڈی سے لے کر شوہر کے حوالے کرنے کا حکم دیا۔

    لاہور ہائیکورٹ میں بیوی کی حوالگی کے لیے شوہر کی جانب سے بیٹے کے خلاف دائر انوکھے کیس کا فیصلہ سنایا گیا،فیصلہ چیف جسٹس عالیہ نیلم نے سنایا، سابق ڈی جی ایف آئی اے میاں محمد امین نے عدالت کو بتایا کہ ان کا بیٹا، جو ایس ایس پی سپیشل برانچ میں تعینات ہے، ان کی اہلیہ کو زبردستی اپنے پاس رکھے ہوئے ہے، عدالت میں بزرگ خاتون کو وہیل چیئر پر پیش کیا گیا تاکہ سماعت میں ان کی موجودگی یقینی بنائی جا سکے۔

    سماعت کے دوران چیف جسٹس عالیہ نیلم نے کہا کہ اگر میاں بیوی اکٹھے رہنا چاہتے ہیں تو بیٹے کو زبردستی ماں کو اپنے پاس رکھنے کا اختیار نہیں، آئین ہر شہری کو اپنی مرضی سے زندگی گزارنے کا بنیادی حق دیتا ہے۔

    مغربی کنارے کی یہودی بستی میں پہلی بار امریکی پاسپورٹ سروس فراہم کرنے کا اعلان

    ایس ایس پی بیٹے نے مؤقف اختیار کیا کہ والدہ شدید بیمار ہیں اور وہ ان کی مکمل دیکھ بھال کر رہے ہیں عدالت نے بیلف کے ساتھ بدتمیزی پر برہمی کا اظہار کیا اور استفسار کیا کہ علاج کس اسپتال سے کرایا جا رہا ہے وکیل نے بتایا کہ ڈاکٹر گھر آ کر معائنہ کرتا ہے جبکہ 2 ملازمین ہمہ وقت موجود رہتے ہیں، تاہم ملازم ڈاکٹر کا نام نہ بتا سکے۔

    دلائل مکمل ہونے پر عدالت نے فیصلہ سناتے ہوئے بزرگ خاتون کو بیٹے کی تحویل سے واپس شوہر کے حوالے کر دیا تاکہ وہ اپنی مرضی کے مطابق زندگی گزار سکیں اور آئینی حقوق کا تحفظ یقینی بنایا جا سکے۔

    قرض پروگرام کی چوتھی قسط ، آئی ایم ایف وفد جائزہ مذاکرات کیلئےپاکستان پہنچ گیا