Category: اہم خبریں

لندن: سینئر صحافی و اینکر پرسن مبشر لقمان نے لندن کے اسپتال سے ویڈیو پیغام جاری کرتے ہوئے بتایا ہے کہ وہ گزشتہ کئی روز سے علیل ہیں اور لندن آمد کے روز ہی ان کی طبیعت اچانک خراب ہو گئی، جس کے بعد انہیں اسپتال منتقل کیا گیا۔

مبشر لقمان آفیشیل یوٹیوب چینل پر اپنے وی لاگ میں‌مبشر لقمان کا کہنا تھا کہ کافی دن سے میں کام نہیں کر سکا کیونکہ میں بیمار تھا،10 جون کو لندن پہنچا اور اسی شام طبیعت بگڑنے پر ایمرجنسی میں داخل ہونا پڑا،تب سے ابھی تک یہیں ہوں، بے انتہا میسج کالز آ رہی ہیں،دوستوں کی،کولیگز کی،فین کی،سب کا بہت بہت شکریہ،دوسرا ان لوگوں کے میسج بھی آ رہے ہیں جو یقین کرنے کے لئے میسج کر رہے کہ واقعی بیمار ہے یا نہیں، چلیں انکا بھی شکریہ، میرے لئے ممکن نہیں تھا کہ ہر ایک کا فون سنوں، ہر ایک کا جواب دوں،جب میں وارڈ ہوتا ہوں تو کچھ نہیں کر سکتا،ہسپتال میں ویسے بھی فون سے دور ہی ہونا چاہئے، اللہ کرم کرے گا،

مبشر لقمان کا مزید کہنا تھا کہ بیمار میں ہوا ہوں دکان پتہ نہیں کس کس کی کھل گئی ہے،مختلف چیزیں لوگ پھیلا رہے ہیں، کچھ لوگ سمجھتے ہیں کہ میں آؤٹ آف بارڈر ہوں اور دھڑا دھڑ انٹرویو کا سلسلہ شروع کر دیا، فکر نہ کریں میں بہتر ہو رہا ہوں،جو پروگرامز کر رہے ہیں انکا بھی مجھے پتہ ہے، جن لوگوں نے فائدہ اٹھایا اور غلط خبریں ان میں سے چند ایک ہیں جن کو جواب دینا بنتا ہے،الحمدللہ میں‌ٹھیک ہو گیا ہوں، فکر کی کوئی بات نہیں، میں اب بھی زیر علاج ہوں،صحت میں بہتری آ رہی ہے، دوست یاد کرتے ہیں، فکر کرتے ہیں، اچھی بات ہے،دعاؤں پر مداحوں، دوستوں اور ساتھیوں کا شکریہ ادا ہوں،سوشل میڈیا پر بیماری سے متعلق مختلف قیاس آرائیاں کی جا رہی ہیں، لیکن جلد صحت یاب ہو کر معمول کی سرگرمیوں میں واپس آؤں گا کوشش کروں گا کہ کل سے اگلا پروگرام ریکارڈ کروا دوں،

مسلم لیگ (ن) کے صدر نواز شریف کی زیر صدارت آزاد کشمیر کی سیاسی اور انتظامی صورتحال پر اہم اجلاس منعقد ہوا، جس میں مسلم لیگ (ن) آزاد کشمیر اور پارٹی کی سینئر قیادت نے شرکت کی۔

اجلاس کے دوران نواز شریف نے آزاد کشمیر کی موجودہ سیاسی صورتحال پر تشویش کا اظہار کرتے ہوئے کہا کہ مسلم لیگ (ن) مسئلہ کشمیر کے حوالے سے واضح اور دوٹوک مؤقف رکھتی ہے۔ انہوں نے کہا کہ مقبوضہ کشمیر کے عوام کو اقوام متحدہ کی قراردادوں کے مطابق حقِ خودارادیت ملنا چاہیے جبکہ مسلم لیگ (ن) نے ہمیشہ آزاد کشمیر کے عوام کے آئینی و بنیادی حقوق اور خطے کی تعمیر و ترقی کو ترجیح دی ہے۔نواز شریف نے حالیہ واقعات کا حوالہ دیتے ہوئے کہا کہ ایسی صورتحال پیدا نہیں ہونی چاہیے تھی۔ انہوں نے کہا کہ یہ ملک ہم سب کا ہے اور عوامی حقوق کے حصول کے لیے آئین اور قانون کے دائرے میں رہتے ہوئے جدوجہد کی جانی چاہیے۔ ان کا کہنا تھا کہ مسلم لیگ (ن) تمام جمہوری قوتوں کے ساتھ مل کر اپنا بھرپور کردار ادا کرے گی۔

مسلم لیگ (ن) کے صدر نے آزاد کشمیر کے عوام کو پیغام دیتے ہوئے کہا کہ وہ پاکستان کے ساتھ اپنے نظریاتی اور فکری رشتے کو برقرار رکھتے ہوئے پرامن رہیں، دھرنوں اور احتجاجی سرگرمیوں کو ختم کرکے بامقصد مذاکرات کا راستہ اختیار کریں۔ انہوں نے امید ظاہر کی کہ آزاد کشمیر کے عوام، حکومت پاکستان، آزاد کشمیر حکومت اور تمام سیاسی جماعتیں مل کر خطے میں امن و استحکام کے قیام کے لیے کردار ادا کریں گی۔اجلاس میں نواز شریف نے کہا کہ ہمیں بھائی چارے، برداشت اور رواداری کی سیاست کو فروغ دینا چاہیے۔ کشمیری عوام نے پاکستان کے لیے لازوال قربانیاں دی ہیں جبکہ پاکستان نے ہمیشہ کشمیریوں کی جدوجہد کو اپنی جدوجہد سمجھتے ہوئے ان کا ساتھ دیا ہے۔انہوں نے کہا کہ موجودہ حالات میں حکومت پاکستان اور ملکی دفاعی اداروں نے اہم کامیابیاں حاصل کی ہیں، اس لیے کسی ایسے عمل کا حصہ نہیں بننا چاہیے جس سے دشمن عناصر کے مذموم عزائم کو تقویت ملے۔

اجلاس کے شرکاء نے آزاد کشمیر میں حالیہ واقعات کے دوران قیمتی جانوں کے ضیاع پر گہرے دکھ اور افسوس کا اظہار کیا اور مرحومین کی مغفرت کے لیے دعا کی۔اس موقع پر نواز شریف نے گلگت بلتستان اور آزاد کشمیر میں انتخابی مہم مؤثر انداز میں چلانے پر وفاقی وزیر انجینئر امیر مقام کی خدمات کو بھی سراہا۔

میرپور میں کالعدم جوائنٹ ایکشن کمیٹی کے سرغنہ کے گھر مشکوک سرگرمیوں کا انکشاف، اسلحہ برآمدکر لیا گیا

قانون نافذ کرنے والے اداروں نے ڈیڈیال میرپور میں کالعدم تنظیم کی کور کمیٹی کے ممبر مہران کے گھر پر چھاپہ مارا،دوران تلاشی گھر سے ایک عدد ڈرون، بارہ بور گن، گولیاں، ایک پسٹل برآمد کر لیا گیا،دوران تلاشی اسلام آباد پولیس سے چھینا گیا ہیلمیٹ اور مشکوک سامان بھی برآمد کر لیا گیا،ملازم شاہد اسلام نے بتایا کہ مہران نے دھرنے میں جاتے ہوئے سامان منتقل کرنے کیلئے دو ایمبولینسز گھر منگوائی تھیں،ایمبولینسز کے ذریعے اسلحہ، گولیاں اور دیگر سامان خفیہ طور پر مظفر آباد منتقل کیا گیا، مہران پانچ کلاشنکوفیں، دو بارہ بور بندوقیں اور بڑی تعداد میں گولیاں بھی ساتھ لے کر گیا ، پتھر، کانچ کی بوتلیں اور غلیلیں بھی دھرنے کے لیے استعمال کی جاتی رہیں،بھاری مقدار میں نقد رقم اور سرغنہ لطیف ڈار کی طرف سے دی گئی رقم بھی ساتھ لے کر گیا ، 29 ستمبر کے لانگ مارچ میں چھینی پولیس شیلنگ گنز بذریعہ ایمبولینس مظفر آباد منتقل کی گئیں، دھرنے میں مہران 2 کلو چرس بھی ساتھ لے کر گیا ، مہران کے ساتھ 6 سے 7 اشتہاری ڈاکو اور منشیات مافیا سے تعلق رکھنے والے افراد بھی موجود تھے،

ماہرین کا کہنا ہے کہ مہران کے گھر سے برآمد اسلحہ اور دیگر مشکوک سامان ثبوت ہے سب کچھ باقاعدہ منصوبہ بندی سے کیا گیا،کالعدم تنظیم کی جانب سے عوامی حقوق کی آڑ میں اسلحہ کے زور پر منظم بغاوت کی تیاریاں کی گئیں، اسلام آباد پولیس کا ہیلیمٹ برآمد ہونا ثابت کرتا ہے کہ قانون نافذ کرنے والوں کو تشدد کا نشانہ بنایا گیا،

شمالی وزیرستان میں وطن عزیز کے دفاع کے دوران جامِ شہادت نوش کرنے والے کیپٹن علی عامر شہید کے والد نے اپنے بیٹے کی نمازِ جنازہ کے موقع پر قوم کے نام ایک نہایت جذباتی اور حب الوطنی سے بھرپور پیغام دیا، جس نے حاضرین کے دلوں کو چھو لیا۔

کیپٹن علی عامر شہید کے والد نے کہا کہ پاک آرمی کا ہر سپاہی اللہ کا سپاہی ہے اور ان کا بیٹا پاکستان اور عالمِ اسلام کی خدمت اور دفاع کے لیے پاک فوج کا حصہ بنا تھا۔ انہوں نے کہا کہ پاکستان ان کا گھر ہے اور اگر کوئی باعزت اور باغیرت شخص اپنے گھر کی حفاظت نہ کرے تو پھر کوئی دوسرا اس کی حفاظت نہیں کر سکتا۔انہوں نے اللہ تعالیٰ کا شکر ادا کرتے ہوئے کہا کہ یہ اللہ کا کرم ہے کہ ان کے بیٹے کو شہادت کا عظیم رتبہ حاصل ہوا۔ ان کا کہنا تھا کہ پاکستان کے لیے ایک عامر تو کیا، اگر ضرورت پڑی تو وہ ہزار عامر بھی قربان کرنے کے لیے تیار ہیں۔شہید کے والد نے اس عزم کا بھی اظہار کیا کہ ان کے دیگر بیٹے اور پوتے بھی پاک فوج میں شامل ہو کر ملک و قوم کی حفاظت کا فریضہ انجام دیں گے۔ انہوں نے کہا کہ وطن کی سلامتی اور بقا کے لیے ہر قربانی دینے کو تیار ہیں۔

واضح رہے کہ کیپٹن علی عامر نے شمالی وزیرستان میں فرض کی ادائیگی کے دوران دشمنوں کا مقابلہ کرتے ہوئے جامِ شہادت نوش کیا۔ وطنِ عزیز آج کیپٹن علی عامر جیسے بہادر شہداء اور ان کے اہلِ خانہ کی عظیم قربانیوں کی بدولت قائم و دائم ہے۔

کیپٹن علی عامر شہید کے والد کا جذبہ اور عزم اس حقیقت کا واضح ثبوت ہے کہ جب تک ایسے بہادر اور محبِ وطن والدین موجود ہیں، پاکستان کے دشمن اپنے مذموم عزائم میں کبھی کامیاب نہیں ہو سکتے۔

سکیورٹی ذرائع نےکہا ہےکہ پاکستان امریکا ایران کے معاملے پر ایک ایسے ایشو کو ڈیل کر رہا ہے جو بہت پیچیدہ ہے۔

اعلیٰ سکیورٹی حکام نے صحافیوں سےگفتگو کرتے ہوئے کہا کہ پاکستان کا اس میں کردار ثالث کا ہے، فیلڈ مارشل کا اس معاملے میں ایک ہی انٹرسٹ ہے، وہ ہے امن اور استحکام،سکیورٹی ذرائع نے بتایا اگر یہ جنگ نہ رکتی تو اس کے سنگین نتائج ہوتے، ہم ہیڈلائن ڈپلومیسی میں دلچسپی نہیں رکھتے، پاکستان نے ثالثی کے تمام تقاضے پورے کیے ہیں ، دنیا کو آہستہ آہستہ اس کا ادراک ہو رہا ہےکہ پاکستان نےکیا کیا ہے۔عظیم لڑائی وہ ہوتی ہے جہاں آپ بغیر لڑے جنگ جیتیں، ابھی بھی اس معاملے میں بگاڑ پیدا کرنے والے موجود ہیں، اسرائیل کا انٹرنیشنل میڈیا پر اثر و رسوخ ہے، قطر، سعودی عرب، ترکیے، مصر اور یو اے ای کو بھی اس کا کریڈٹ جاتا ہے، ان سب ممالک نے پاکستان کی امن کی خواہش پر لبیک کہا۔ پاکستان کے ایران، سعودی عرب امریکا سب ممالک کے ساتھ الگ الگ تعلقات ہیں، افغانستان کے ساتھ اچھے تعلقات چاہتے ہیں۔

سکیورٹی ذرائع نے بتایاکہ ایرانی وزیرخارجہ عباس عراقچی کے بھارت کے دورے سے ہمیں فرق نہیں پڑتا، کون کس سے مل رہا ہے اس سے ہمیں فرق نہیں پڑتا، ہم اتنے تنگ نظریےکے ساتھ چیزوں کو نہیں دیکھتے، ہمارے ممالک کے ساتھ اچھے تعلقات قائم ہیں۔

سکیورٹی ذرائع کے مطابق 15 جون 2026 تک 32092 انٹیلی جنس بیسڈ آپریشن کیےگئے، دہشتگردی کی 2170 کارروائیاں ہوئیں، 64 فیصد خیبرپختونخواہ اور 34 فیصد بلوچستان میں ہوئیں، 1861 دہشتگردوں کو ہلاک کیاگیا، 640 پاک فوج، قانون نافذ کرنے والے اداروں کے اہلکار اور شہری شہید ہوئے، 862 دہشتگرد غضب للحق آپریشن افغانستان میں مارےگئے باقی 999 پاکستان میں ہلاک ہوئے۔

سیکورٹی ذرائع کے مطابق پاکستان کا پہلا نشان حیدر کشمیر سے ہے، ہمارا ایشو دہشتگرد رجیم سے ہے وہاں کی عوام سے نہیں۔ مقبوضہ کشمیر میں بی جے پی نے بھی پیسا لگایا، مقبوضہ کشمیر میں نقل و حرکت اور اظہار رائے کی آزادی نہیں ہے، سوال کیا کہ کیا وہ وہاں کے مسلمانوں کو خرید سکتے ہیں؟ کیا وہاں سے پاکستان کیلئے لوگوں کے جذبات سامنے نہیں آئے، بھارت مقبوضہ کشمیرکا ملٹری کے ذریعے بھی کچھ نہ کرسکا اس لیے آزاد کشمیر میں آگ لگائی ہے۔ سکیورٹی ذرائع کے مطابق آزاد کشمیر میں حقوق کی تحریک سے آغاز کیا گیا، ہماری ڈیفالٹ آپشن ہمیشہ بات چیت ہوتی ہے، اصل کہانی کیا ہے یہ سامنے آنے میں وقت لگا، ہمیں پتا تھا جے اے اے سی کا ایجنڈا کیا ہے، یہ کدھر سے آرہے ہیں، بی وائے سی کو جب دہشتگرد تنظیم کہا گیا تب بھی بہت شور مچا تھا، پھر بی وائے سی بھی کھل کر سامنے آگئی۔آزاد کشمیر حکومت نے لوگوں کو کہا ہے اپنی دکانیں کھولیں لیکن جے اے اے سی نے عوام کو کہا ہے جو دکانیں کھولے گا ہم آگ لگا دیں گے۔ آزاد کشمیر حکومت پولیٹیکل پراسیس فالو کررہی تھی، آزاد کشمیر میں بیٹھ کر ریاست مخالف نعرے لگائے جا رہے ہیں، ریاست پیار محبت سے ڈیل کررہی ہے، ریاست ہمشہ پہلے ماں بن کے ڈیل کرتی ہے بعد میں باپ بنتی ہے۔ ہر لمحے جے اے اے سی مزید کھل کر سامنے آرہی ہے، ان کو آئینی، قانونی طریقے سے ڈیل کیا جائے گا۔سکیورٹی ذرائع کے مطابق ہمارے اندرونی چیلنجز میں دہشتگردی بھی ہے، اب جنگ جدید ٹیکنالوجی پر مبنی ہوچکی ہے، اس تناظر میں بجٹ کم ہے، ملٹری اور سیاسی لیڈر شپ کو بھی اس کا احساس ہے۔ فوج میں 40 فیصد کےقریب جوان کشمیر سے تعلق رکھتے ہیں۔

سیکورٹی ذرائع نے بانی پی ٹی آئی عمران خان کے ساتھ کسی بھی ملاقات کی تردید کردی، بتایا گیا کہ 9 مئی کرنے اور کروانے والوں کو انصاف کے کٹہرے میں لائیں گے، جو روپوش ہیں تو قانون اپنا راستہ لےگا

سیکیورٹی ذرائع کے مطابق ضلع مستونگ کے علاقے کانغر سے تعلق رکھنے والا فتنہ الہندوستان کا اہم کمانڈر سفر خان لکپاس کے مقام پر سیکیورٹی فورسز کی کارروائی میں ہلاک ہوگیا۔

ذرائع کا کہنا ہے کہ ہلاک ہونے والا تخریب کار فتنہ الہند کے آپریشن "ہیروف 2” میں مرکزی کردار کا حامل تھا اور بلوچستان کے مختلف علاقوں میں دہشت گرد سرگرمیوں میں ملوث رہا ہے۔سفر خان پر بلوچ عوام اور کاروباری شخصیات کی گاڑیوں اور سامان کی لوٹ مار، املاک کو نذرِ آتش کرنے، بھتہ خوری، شاہراہوں کی بندش اور دیگر تخریبی کارروائیوں میں ملوث ہونے کے الزامات تھے۔سیکیورٹی ذرائع کے مطابق سفر خان نوشکی اور مستونگ کے علاقوں میں فتنہ الہندوستان کا مقامی کمانڈر تھا اور مختلف دہشت گرد نیٹ ورکس کی سرگرمیوں کی نگرانی کرتا تھا۔

ذرائع نے کہا ہے کہ سیکیورٹی فورسز دہشت گرد عناصر کے خلاف کارروائیاں جاری رکھے ہوئے ہیں اور بلوچستان میں امن و استحکام کو یقینی بنانے کے لیے ہر ممکن اقدامات کیے جا رہے ہیں۔

وزیراعظم شہباز شریف کا کہنا ہے کہ جنگ کی طویل رات کے بعد امن کا سورج طلوع ہوگیا، امریکا اور ایران نے تمام محاذوں پر فوجی کارروائیاں ختم کرنے کا اعلان کردیا، معاہدے پر دستخط 19 جون کو جنیوا میں ہوں گے۔

قومی اسمبلی کے اجلاس میں اظہار خیال کرتے ہوئے وزیراعظم شہباز شریف نے کہا کہ آج دُنیا نے امن کا ایک تاریخی سنگ میل عبور کیا ہے، تین ماہ سولہ دن کی بے پناہ کوششوں کے بعد امریکا نے ایران اور لبنان میں کاروائیوں کے مستقل خاتمے کا اعلان کیا ہے ،جنگ کی طویل رات کے بعد امن کا سورج طلوع ہوگیا، امریکا اور ایران نے تمام محاذوں پر فوجی کارروائیاں ختم کرنے کا اعلان کردیا۔ان کا کہنا ہے کہ معاہدے پر دستخط کی تقریب 19 جون کو جنیوا میں ہوگی، میزبان پاکستان ہوگا، پاکستانی عوام اور پوری عالمی برادری کو مبارکباد پیش کرتا ہوں۔وزیراعظم نے کہا کہ نواز شریف، صدر زرداری اور بلاول بھٹو زرداری کا بھی شکر گزار ہوں، بھرپور معاونت پر عبدالعلیم خان کا بھی شکریہ ادا کرتا ہوں۔پورے پاکستانی قوم کو دل کی گہرائیوں سے مبارکباد پیش کرتا ہوں

وزیراعظم شہباز شریف نے بلوچستان میں دہشت گردی کے پیچھے براہِ راست بھارت کے ملوث ہونے کو بے نقاب کرتے ہوئے واضح کیا ہے کہ بیرونی سازشوں کے خاتمے کے لیے سرحدی باڑ اور سخت ریاستی اقدامات ناگزیر ہیں۔ انہوں نے کہا کہ عوام کے جان و مال کا تحفظ ہماری اولین ترجیح ہے اور سیکیورٹی پر اٹھنے والا ہر روپیہ پرامن مستقبل کے لیے بہترین سرمایہ کاری ہے۔