کے آر ایل اسٹیڈیم راولپنڈی میں جاری دوسرے تین روزہ میچ کے پہلے روز قومی انڈر 16 کرکٹ ٹیم نے 3وکٹوں کے نقصان پر 127 رنز بنالیے ہیں۔میزبان ٹیم کے میڈیم پیسرز ایاز شاہ اوراحمد خان کی نپی تلی باؤلنگ کی بدولت مہمان ٹیم پہلی اننگز میں 108 رنز پر ڈھیر ہوگئی۔
اس سے قبل پاکستان انڈر 16 کرکٹ ٹیم کےکپتان عالیان محمودنے ٹاس جیت کر پہلےفیلڈنگ کا فیصلہ کیا۔بنگلہ دیش انڈر 16 کرکٹ ٹیم کے دونوں اوپنرز 16 کے مجموعی اسکور پر آؤٹ ہوکر پویلین واپس لوٹ گئے۔ مڈل آرڈر بلے باز ردوان حسین نےمحتاط کھیل کا مظاہرہ کرتے ہوئے نصف سنچری اسکور کی۔ مہمان ٹیم کے 1 کھلاڑیی ڈبل فگرز میں داخل نہ ہوسکےاور پوری ٹیم 44.1 اوورز میں صرف 108 رنز بنا کر آؤٹ ہوگئی۔ قومی انڈر 16 کرکٹ ٹیم کی جانب سے ایاز شاہ نے 14 رنز کے عوض 3 کھلاڑییوں کو پویلین کی راہ دکھائی۔ احمد خان اور علی اسفند نے 2،2 وکٹیں حاصل کیں۔
جواب میں علی حسن اور محمد شہزاد پر مشتمل اوپننگ جوڑیی نے قومی انڈر 16 کرکٹ ٹیم کو 61 رنز کا آغاز فراہم کیا۔ علی حسن 59 اور محمد شہزاد 25 رنز بنا کر آؤٹ ہوگئے۔پاکستان کے تیسرے آؤٹ ہونے والے بیٹسمین حسیب عمران تھے جو 1 کے انفرادی اسکور پر پویلین واپس لوٹے۔ دن کے اختتام پرمیزبان ٹیم نے 37 اوورز میں 3 وکٹوں کے نقصان پر 127 رنز بنالیے۔ عباس علی 28 اور محمد وقاص 13 رنز سے کھیل کےدوسرے روز کاآغاز کریں گے۔
پاکستان ویمن کرکٹ ٹیم نے لاجواب کامیابی حاصل کر لی
باغی ٹی وی : پاکستان ویمن ٹیم نے بنگلہ دیش ویمن کو ٹی ٹونٹی سیریز میں کلین سوئپ کردیا.تیسرے ٹی ٹونٹی میں بنگلہ دیش ویمن کو 28 رنز سے شکست دی.پاکستان نے پہلے کھیلتے ہوئے 118 رنز کا ہدف دیا .جویریہ خان نے 54 رنز جبکہ عمیمہ سہیل نے 31 رنز بنائے.جہاں آرا نے تین اور رومانہ احمد نے دو کھلاڑیوں کو آؤٹ کیا.جواب میں بنگلہ دیش ویمن ٹیم آٹھ وکٹوں کے نقصان پر 89 رنز بنا سکی .نگار سلطانہ نے 30 اور فرغانہ حق نے 27 رنز بنائے.انعم امین اور صبا نذیر نے دو جبکہ ڈیانا بیگ، کائنات امتیاز نے ایک ایک وکٹ حاصل کی.جویریہ خان میچ کی بہترین کھلاڑی قرار پائیں.
اس سے قبل قومی ویمنز کرکٹ ٹیم کی کپتان بسمعہ معروف نے ٹاس جیت کر پہلے بیٹنگ کا فیصلہ کیا۔ محض 19 اسکور پر ابتدائی 2 وکٹیں گرنے کے بعد جویریہ خان اور عمیمہ سہیل نے ذمہ دارانہ کھیل کا مظاہرہ کیا۔ دونوں کھلاڑیوں کے درمیان تیسری وکٹ کے لیے 67 رنز کی شراکت قائم ہوئی۔ جویریہ خان نے7چوکوں کی مدد سے 54 رنز کی اننگز کھیلی۔عمیمہ سہیل 31 رنز بنا کر رن آؤٹ ہوئیں۔ قومی ویمنز ٹیم نے مقررہ 20 اوورز میں 7 وکٹوں کے نقصان پر 117 رنز بنائے۔ بنگلہ دیش کی جانب سے جہاں آراء عالم نے 12 رنز کے عوض 3 کھلاڑیوں کو آؤٹ کیا۔ رومانہ احمد نے 2وکٹیں حاصل کیں۔ کرکٹر فریحہ محمود کون سے کورس کو خود کے لیے سنگ میل سمجھتی ہے
کرکٹر فریحہ محمود کون سے کورس کو خود کے لیے سنگ میل سمجھتی ہے
باغی ٹی وی : قومی خاتون کرکٹر فریحہ محمود نے اے سی سی لیول 1 ویمن کوچنگ کورس کو خود کے لیے سنگ میل قرار دے دیا،فریحہ کا کہنا تھا کہ کورس میرے لیے خامیوں پر قابو پانے اور جونیئر کرکٹرز کو سیکھانے میں معاون ثابت ہوگا، اپنے کالج میں زیرتعلیم طالبات کو کرکٹ کی تربیت دینے کا ارادہ رکھتی ہوں، اسکول کے دوران ہی کرکٹ کھیلنے کا آغاز کردیا تھا،قومی ویمنز کرکٹ ٹیم کی کپتان بسمعہ معروف کی صلاحیتوں کی معترف ہوں،ویمنز کرکٹ میں آئیڈیل کرکٹر سدرہ امین ہیں،
قائداعظم ٹرافی فرسٹ الیون ٹورنامنٹ کے پانچویں راؤنڈ کا پہلا روز مکمل ہوگیا
بگٹی اسٹیڈیم کوئٹہ میں بلوچستان نے خیبرپختونخوا کےخلاف پہلی اننگز میں عمران بٹ اور عمران فرحت کی ناقابل شکست سنچریوں کی بدولت 3 وکٹوں کے نقصان پر 341 رنز بنالیے ہیں۔ اس سے قبل خیبرپختونخوا کے کپتان صاحبزادہ فرحان نے ٹاس کئے بغیر
پہلے باؤلنگ کرنے کا فیصلہ کیا۔بلوچستان کی پہلی وکٹ 27 کے مجموعی اسکور پر اس وقت گری جب عظیم گھمن 3 رنز بنا کرعمران خان سینئر کی گیند پر آؤٹ ہوکر پویلین واپس لوٹ گئے۔
دوسری وکٹ کے لیے عمران بٹ اور اویس ضیاءکے درمیان 58 رنز کی شراکت قائم ہوئی۔ اویس ضیاء 69 رنز بنا کر آؤٹ ہوئے۔ابوبکر خان 1 رنز پر وکٹ گنوا بیٹھے تاہم عمران بٹ نے دوسر ے اینڈ سے ذمہ دارانہ کھیل کامظاہرہ کیا اور چوتھی وکٹ کے لیے عمران فرحت کے ہمراہ 227 رنز کی شراکت قائم کی۔ دن کے اختتام پر عمران بٹ 135 اور عمران فرحت 114 رنز بنا کر کریز پر موجود ہیں۔ خیبرپختونخوا کی جانب سے عمران خان سینئر اور عثمان شنواری نے 1،1 وکٹ حاصل کی۔
دوسری جانب جناح اسٹیڈیم سیالکوٹ میں ناردرن نے پہلی اننگز میں اوپنر ذیشان ملک اور عمران بٹ کی عمدہ بیٹنگ کی بدولت سدرن پنجاب کے خلاف 1 وکٹ کے نقصان پر 384 رنز بنالیے ہیں۔ اس سے قبل ناردرن کے کپتان روحیل نذیر نے ٹاس جیت کر پہلے
بیٹنگ کا فیصلہ کیا۔ محض 43 رنز پر پہلی وکٹ گرنے کے بعد نوجوان اوپنر ذیشان ملک اور نائب کپتان عمر امین نے شاندار کھیل کا مظاہرہ کیا۔
Batsman of northren Zeeshan Malik
دوسری وکٹ کے لیے ذیشان ملک اور عمر امین کے درمیان 343 رنز کی ناقابل شکست شراکت قائم ہوئی۔ ذیشان ملک
نے 27 چوکوں ا ور 2 چھکوں کی مدد سے 204 رنز کی ناقابل شکست اننگز کھیلی۔بائیں ہاتھ کے بلے باز عمر امین 20 چوکوں اور 2 چھکوں کی مدد سے 153 رنز بنا کر ناٹ آؤٹ ہیں۔ دونوں کھلاڑی میچ کے دوسرے روز ناردرن کی جانب سے کھیل کا دوبارہ آغاز
کریں گے۔سدرن پنجاب کی جانب سے میچ کے پہلے روز واحد وکٹ فاسٹ باؤلر راحت علی نے حاصل کی۔
ادھر اقبال ا سٹیڈیم فیصل آباد میں سنٹرل پنجاب نے کامران اکمل کی ذمہ دارانہ بیٹنگ کی بدولت ناردرن کے خلاف 2وکٹوں کے نقصان پر 263 رنز بنالیے۔ اس سے قبل سندھ کے کپتان سرفراز احمد نے ٹاس کئے بغیر پہلے باؤلنگ کا فیصلہ کیا۔ مضبوط بیٹنگ لائن کپ کے باجو د سنٹرل پنجاب کے ابتدائی 3 کھلاڑی محض 38 رنز پرآؤٹ ہوکر پویلین واپس لوٹ گئے۔ سلمان بٹ 16 ، اظہر علی 1 اورعمر اکمل 13 کے انفرادی اسکور پر آوٹ ہوئے۔تجربہ کار وکٹ کیپر بیٹسمین کامران اکمل نے ذمہ دارانہ کھیل کا مظاہرہ کیا۔
انہوں نے اوپنر احمد شہزاد اور عثمان صلاح الدین کے ہمراہ بالترتیب 86 اور 66 رنز کی شراکت قائم کرکے ٹیم کو مشکلات کے بھنور سے نکالنے میں مدد دی۔ 99 گیندوں کا سامنا کرنے والے وکٹ کیپر بیٹسمین کامران اکمل 13 چوکوں اور 2 چھکوں کی مدد
سے 90 رنز بناکر آؤٹ ہوئے۔ دن کے اختتام پر فہیم اشرف 22 اور احسان عادل 9 رنز بنا کر کریز پر موجود ہیں۔ میچ کے پہلے روز سندھ کی جانب سے میر حمزہ ، تابش خان اور کاشف بھٹی نے 2،2 کھلاڑیوں کو پویلین کی راہ دکھائی۔
پونی بیس بال انٹرنیشنل کے جاپان سے تعلق رکھنے والے ایشیا پیسفک بیس بال کے ڈائریکٹر تاکی ہارو ناسوپاکستان پہنچ گئے۔
پاکستان فیڈریشن بیس بال کے صدر سید فخر علی شاہ اور عہدیداران کے ہمراہ ان کا پرتپاک استقبال کیا ۔ سید فخر علی شاہ نے ان کی آمد کو یوتھ بیس بال کے فروغ کے لئے سنگ میل قرار دیا۔ میڈیا سے گفتگو کرتے ہوئے ڈائریکٹر نے کہا کہ میں پاکستان میں بیس بال خصوصاً یوتھ بیس بال کے فروغ کے لئے پاکستان کي بيس بال فيڈريشن کے اقدامات سے متاثر ہيں اور میرے آنے کا مقصد فروغ کے عمل میں تیزی لانا ہے
بعد ازں انہوں نے فیڈریشن کے صدر سید فخر علی شاہ کے ہمراہ اکبر حسین درانی وفاقی سیکرٹری برائے بین الصوبائی رابطہ (منسٹری آف آئی پی سی) سے ملاقات کی۔ اکبر حسین درانی نے بتایا کہ حکومت بیس بال کی ترویج کے لئے فیڈریشن کی ہر ممکن مدد کررہی ہے ۔ دونوں جاپانی آفیشلز کو صوابی میں موجود یار حسین بیس بال اکیڈمی کا دورہ کرایا جائے گاجہاں وہ کھلاڑیوں کو دی جانے والی تربیت کا جائزہ لیں گے۔ اس کے علاوہ اسلام آبا د ميں بھي بیس بال کی ٹریننگ کا جائزہ ليں گے ۔
قومي کرکٹ ٹيم نے آسٹریلیا کی سرزمین پر ڈیرے ڈال لیے اور ٹي ٹوينٹي سيريز سے قبل پريکٹس سيشن ميں شرکت کی،
ٹرئينگ سيشن کے بعد غيرملکي ميڈيا سے گفتگو کرت ہوئے ہيڈ کوچ مصباح الحق کا کہنا تھا کہ آسٹريليا ميں اچھي کارکردگي دکھانا اور کاميابي حاصل کرنا ہميشہ ايک چيلنج رہا ہے اور ہر ٹیم کیلئے آسٹریلیا کي ان کنڈيشن ميں کھیلنا ایک چیلنج ہوتا ہے لیکن پاکستان کی نوجوان ٹیم کیلئے یہ اور بھی بڑا چیلنج ہے۔ مصباح الحق کا کہنا تھا کہ اگر ٹیم نے تمام شعبوں میں کنڈیشنز کے مطابق اچھی کارکردگی دکھائی توہم بہتر نتائج دے سکتے ہیں۔ پاکستان کرکٹ ٹیم کے سابق اسٹار لیگ اسپنر عبدالقادر کے صاحبزادے لیگ اسپنر عثمان قادر کی قومی ٹیم میں شمولیت کے سوال پر مصباح کا کہنا تھا کہ آسٹریلیا میں کھیلنے کی وجہ سے عثمان قادر یہاں کی کنڈیشنز سے اچھی طرح واقف ہیں۔
Leg Spinner Usman Qadir
اس سوال پر کہ’ قومی ٹیم کی غیر متوقع اور سرپرائز کارکردگی دکھانے کی عادت آسٹریلیا کیلئے باعث خوف بھی ہوسکتی ہے؟’ ان کا کہنا تھا کہ ہم اس بات کا فائدہ اٹھانے کی کوشش کریں گے لیکن ہماری کوشش ہے کہ اپنی کارکردگی میں تسلسل لایا جائے۔ نوجوان فاسٹ بولر نسیم شاہ کے حوالے سے ان کا کہنا تھا کہ وہ اچھی بولنگ کررہے ہیں اور صرف تیز بولنگ ہی ان کی خاصیت نہیں بلکہ انہوں نے لائن اور لینتھ پر بھی بہتر کنٹرول کا بھی مظاہرہ کیا ہے۔ ان کا کہنا تھا کہ ‘کسی بھی کپتان کیلئے ہمیشہ میرا یہی مشورہ رہا ہے کہ ٹیم کی کارکردگی تو اپنی جگہ اہم ہے لیکن کپتان کیلئے بطور کھلاڑی ٹیم میں کردار ادا کرنا سب سے زیادہ اہم ہوتا ہے’۔انہوں نے کہا کہ اظہر علی اور بابر اعظم اچھے بیٹسمین ہیں اور ان دونوں کیلئے سب سے اہم یہ ہے کہ وہ بطور بیٹسمین اپنی کارکردگی پر سب سے پہلے فوکس رکھیں۔
Fast Bowler Nasim Shah
مصباح نے کہا کہ ٹیم میں ہر کھلاڑی پروفیشنل ہوتا ہے، ہر کھلاڑی کو معلوم ہوتا ہے کہ اسے کیا پرفارمنس دینی ہے، کپتان کا کام انہیں آپریٹ کرنا ہوتا ہے، وقت کے ساتھ انسان سیکھتا ہے، ابتداء میں کپتانی کا پریشر ہوتا ہے لیکن میری ذاتی رائے یہ ہے کہ جب آپ پر ذمہ داری آتی ہے تو کئی دفعہ اس سے آپ کی کارکردگی بہتر ہوتی ہے۔ مصباح نے کہا کہ بابراعظم ٹی ٹوئنٹی کا بہترین بیٹسمین ہے اور اگر وہ اپنی پرفارمنس برقرار رکھے گا تو اسے اپنی کپتانی میں بھی اس کا فائدہ ہوگا۔
پاکستان ویمن ٹیم نے دوسرے ٹی ٹونٹی میچ میں بنگلہ دیش کو 15 رنز سے شکست دے کر سیریز اپنے نام کرلی ،،،،،قومی کپتان بسمہ معروف مسلسل دوسرے میچ میں ویمن آف دی میچ قرار پائیں
قذافی اسٹیڈیم میں کھیلے گئے دوسرے ٹی ٹونٹی میچ بنگلہ دیش کی دعوت پر پہلے کھیلتے ہوئے پاکستان نے تین وکٹوں کے نقصان پر167رنز بنائے،،،کپتان بسمہ معروف 70 جویریہ ودود52 ،سدرہ امین 19 اور عالیہ ریاض 10 رنز بناکر نماہاں رہیں،،، قومی ویمنز ٹیم نے پہلے ٹی ٹونٹی میچ میں بنگلہ دیش کو 14 رنز سے شکست دے دی۔
جواب میں 168 رنز کے تعاقب میں بنگلہ دیش کی ٹیم سات وکٹوں کے نقصان پر 152 رنز بناسکی ،،،سنجیدہ اسلام 45 ، فرجانہ حق 30 اور جہاں آرا عالم 18 رنز بناکر نمایاں رہیں،،،
سعدیہ اقبال نے تین کھلاڑیوں کو آوٹ کیا ،،،پاکستانی کپتان کپتان بسمہ معروف مسلسل دوسرے میچ میں ویمن آف دی میچ قرار پائیں،،،،
بڑی تعداد میں شائقین کرکٹ نے دونوں ٹیموں کی حوصلہ افزائی کی ،،،،دونوں ٹیموں کے درمیان تیسرا اور آخری ٹی ٹونٹی میچ بدھ کے روز کھیلاجائے گا،
بنگلہ دیش کی وکٹ کیپر بلے باز نگار سلطانہ اپنی ٹیم کی ناقص باولنگ کو دوسرے ٹی ٹونٹی میں شکست کا سبب قرار دےدیا،،پاکستانی کپتان بسمہ معروف نے جیت کا کریڈٹ بلے بازوں کو دے دیا پاکستان اور بنگلہ دیش کے درمیان دوسرے ٹی ٹونٹی میچ کے بعد قذافی اسٹیڈیم میں پریس کانفرنس کرتے ہوئے بنگالی بلے باز نگار سلطانہ کا کہنا تھا کہ ہماری بیٹنگ اچھی رہی تاہم باولرز پلان کے مطابق باولنگ نہ کرسکیں جس کے باعث ہم دوسرا ٹی ٹونٹی میچ اور سیریز ہار گئے پاکستانی کپتان بسمہ معروف نے کہا کہ سیریز جیتنے کی خوشی ہے اگلے میچ میں ہم باہر بیٹھی لڑکیوں کو موقع دیں گے،،،کوشش کریں گے کہ تیسرے ٹی ٹونٹی میچ میں کامیابی حاصل کرکے کلین سویپ کریں ۔ اپنا دوسرا ٹی ٹونٹی کھیلنے والی فیصل آباد کی سعدیہ اقبال کا کہنا تھا کہ فیصل آباد کرکٹ کے سربراہ، محمد سلمان اور سب سے بڑھ میرے بھائی نے میری بہت راہنمائی کی ہے
لاہور:کرپشن جہاں ایک سابق وزیراعظم ، ایک سابق صدرکو جیل کی سلاخوں تک لے گئی ایسے کئی کھلاڑی بھی اپنے روشن مستقبل کو داو پرلگابیٹھے،دوسری طرف کرکٹ کرپشن میں سزا یافتہ ٹیسٹ اوپنر شرجیل خان پاکستانی ٹیم میں واپسی کیلئے مراحل طے کرتے ہوئے آگے بڑھ رہے ہیں۔ذرائع کا کہنا ہے کہ پی سی بی اینٹی کرپشن اینڈ سیکیورٹی یونٹ کے ری ہیب پروگرام میں شرجیل خان نے دوسری کوشش میں ٹیسٹ پاس کیا جس کے بعد اب انہیں بہاولپور، شیخوپورہ اور کراچی میں کھلاڑیوں کو لیکچرز دینا ہوں گے۔
یاد رہے کہ محمد عامر، سلمان بٹ اور محمد آصف کی طرح لیکچرز میں وہ کھلاڑیوں کے سامنے ندامت کا اظہار کریں گے اور انہیں بتائیں گے کرپشن انہیں نشان عبرت بناسکتی ہے، جس کی سب سے بڑی مثال میں ہوں۔
پاکستان کرکٹ بورڈ (پی سی بی) نے تصدیق کی کہ شرجیل خان ری ہیب پروگرام کے بعد کلب کرکٹ کھیلنے کے اہل ہوگئے ہیں، لیکچرز ان کی زندگی کا سب سے تلخ تجربہ ہوگا جس میں وہ جونیئر کھلاڑیوں کو بتائیں گے میرا کرکٹ سے کتنا نقصان ہوا ہے اور اس گھناؤنے دھندے کے اثرات کس قدر بھیانک ہیں۔
لاہور:28 اکتوبرپاکستان کرکٹ کی تاریخمیں ہمیشہ یاد رکھا جائے گا، جس دن پاکستان کے ممتاز کھلاڑی امتیاز احمد پاکستان ہی نہیں، ایشیا کے پہلے کھلاڑی تھے جنہوں نے ٹیسٹ کرکٹ میں ڈبل سنچری اسکور کرنے کا اعزاز حاصل کیا تھا۔
کرکٹ کے مورخین کا کہنا ہے کہ امتیاز احمد نے اپنی یہ ڈبل سنچری 26 سے 31 – اکتوبر 1955ء کے درمیان نیوزی لینڈ کے خلاف لاہور ٹیسٹ میں 28 – اکتوبر 1955ء کواسکور کی تھی۔ امتیاز احمد نے اپنی اس یادگار اننگ میں 28 چوکوں کی مدد سے 209 رنز اسکور کئے تھے۔
دلچسپ بات یہ ہے کہ اپنی اس یادگار اننگ کی اگلی اننگ میں وہ کوئی رن بنائے بغیر صفر کے اسکور پر آئوٹ ہوئے اور یوں وہ پاکستان کے پہلے کھلاڑی قرار پائے جس نے کسی ٹیسٹ میچ کی پہلی اننگ میں ڈبل سنچری اسکور کی اور دوسری اننگ میں صفر کے اسکور پر آئوٹ ھوئے۔
ایمسٹلوین :پاکستان ہاکی ماضی کا حصہ بن گئی ، سالوں ہاکی کی دنیا کے ہیرورہنے والی پاکستان ہاکی ٹیم اب زیرو ہوکر رہ گئی ہے ، اطلاعات کے مطابق ٹوکیو اولمپکس تک رسائی کے لیے پاکستان ہاکی ٹیم کی آخری امید بھی دم توڑ گئی۔اولمپک کوالیفائرز کے دوسرے میچ میں نیدرلینڈ نے گرین شرٹس پر گولز کی برسات کر دی اور مقابلہ 1-6 سے جیت کر ٹوکیو اولمپکس سے پاکستان کو باہر اور خود رسائی حاصل کر لی۔
اولمپکس کوالیفائیرز کا دوسرا میچ بھی ایمسٹلوین میں پاکستان اور ہالینڈ کے درمیان کھیلا گیا اور پہلے میچ کی نسبت دوسرے میچ میں پاکستان ٹیم کا کھیل انتہائی مایوس کن رہا۔قومی ٹیم کی دفاعی لائن نہ تو گول روک سکی نہ ہی فارورڈز گول کرسکے جب کہ نیدرلینڈ کے کھلاڑی ایک کے بعد ایک گول کرتے چلے گئے اور پاکستانی کھلاڑی منہ دیکھتے رہ گئے۔
پہلے کوارٹر میں ہالینڈ کو 0-2، ہاف ٹائم میں چار صفر اور تیسرے کوارٹر میں 0-6 کی برتری تھی جب کہ پاکستان کی جانب سے واحد گول آخری کوارٹر میں رضوان علی نے کیا۔واضح رہے کہ تین مرتبہ کی چیمپئن پاکستان ہاکی ٹیم مسلسل دوسری بار اولمپکس گیمز سے باہر ہوئی ہے، 2016 کے ریو اولمپکس میں بھی پاکستان ہاکی ٹیم کوالیفائی نہیں کر سکی تھی۔پاکستان ہاکی ٹیم مجموعی طور پر تین مرتبہ اولمپکس میں سونے کا تمغہ جیت چکی ہے۔
