پیپلز پارٹی کی رہنما،رکن قومی اسمبلی سحر کامران نے کہا ہے کہ سرگودھا میں ننھی منتہا کے ساتھ پیش آنے والا المناک واقعہ پوری قوم کے لیے لمحۂ فکریہ ہے۔
سحر کامران کا کہناتھا کہ معصوم بچیوں کے تحفظ میں ناکامی ناقابلِ قبول ہے، ذمہ داروں کو عبرتناک سزا دی جائے۔ زینب سے منتہا تک، معصوم جانوں کے ساتھ ظلم کا سلسلہ کب رکے گا؟ خواتین اور بچوں کے تحفظ کے لیے ہنگامی بنیادوں پر مؤثر اقدامات ناگزیر ہیں۔پنجاب میں بچیوں کے لاپتا ہونے کے بڑھتے ہوئے واقعات انتہائی تشویشناک ہیں۔ریاست کی اولین ذمہ داری شہریوں خصوصاً بچوں کو تحفظ فراہم کرنا ہے۔منتہا کے اہلِ خانہ کے غم میں برابر کے شریک ہیں، انصاف ہر صورت یقینی بنایا جائے۔بچوں کے خلاف جرائم میں ملوث عناصر کے لیے زیرو ٹالرنس پالیسی اپنائی جائے۔معصوم بچیوں کی جان و عزت کا تحفظ صرف قانون نہیں، قومی ذمہ داری ہے۔ منتہا کیس کے تمام ملزمان کو فوری گرفتار کرکے سخت ترین قانونی کارروائی کی جائے۔