Author: ممتاز حیدر

اسلام آباد: ایران اور اسرائیل کے درمیان گزشتہ برس ہونے والی جنگ کے بعد خطے کی بدلتی ہوئی سفارتی صورتحال میں پاکستان کا کردار ایک بار پھر توجہ کا مرکز بن گیا ہے۔ مبصرین کے مطابق پاکستان نے نہ صرف ایران کے ساتھ اپنے قریبی تعلقات برقرار رکھے بلکہ امریکا کے ساتھ بھی مثبت روابط قائم رکھ کر ایک متوازن سفارتی حکمتِ عملی کا مظاہرہ کیا۔

تجزیہ کاروں کا کہنا ہے کہ جب ایران اور اسرائیل کے درمیان کشیدگی اپنے عروج پر تھی اور امریکا بھی تنازع میں شامل ہوگیا تھا تو پاکستان کے حوالے سے مختلف خدشات کا اظہار کیا جا رہا تھا۔ بعض حلقوں کا خیال تھا کہ پاکستان کو ایران کے خلاف استعمال کیا جا سکتا ہے، تاہم بعد کے واقعات نے ان خدشات کو غلط ثابت کیا۔
سفارتی ذرائع کے مطابق پاکستان نے اس دوران اپنے بین الاقوامی روابط کو کشیدگی کم کرنے اور مذاکرات کے فروغ کے لیے استعمال کیا۔ تہران میں یہ تاثر پایا جاتا ہے کہ مشکل حالات میں پاکستان کی سیاسی اور سفارتی حمایت ایران کے لیے مددگار ثابت ہوئی۔

مبصرین کے مطابق یہی وجہ ہے کہ ایرانی صدر مسعود پژشکیان نے جنگ کے بعد اپنے پہلے غیر ملکی دورے کے لیے پاکستان کا انتخاب کیا۔ ان کے دورۂ اسلام آباد کو دونوں ممالک کے درمیان مضبوط تعلقات اور باہمی اعتماد کی علامت قرار دیا جا رہا ہے۔دوسری جانب پاکستان نے امریکا کے ساتھ بھی اپنے تعلقات کو برقرار رکھا ہے۔ ماہرین کا کہنا ہے کہ اسلام آباد نے خطے کی پیچیدہ صورتحال میں کسی ایک فریق کا حصہ بننے کے بجائے متوازن خارجہ پالیسی اپنائی، جس کے باعث وہ مختلف عالمی طاقتوں کے درمیان رابطے کا ایک اہم مرکز بن کر ابھرا۔سیاسی مبصرین کے مطابق ایرانی صدر کے دورۂ پاکستان سے نہ صرف اسلام آباد اور تہران کے تعلقات مزید مستحکم ہوں گے بلکہ خطے میں سفارتی تعاون اور استحکام کے نئے امکانات بھی پیدا ہوں گے۔

وزیراعظم شہباز شریف نے قومی اسمبلی پہنچنے پر محمود خان اچکزئی اور دیگر اپزیشن لیڈرز سے مصافحہ کیا۔

قومی اسمبلی کا اجلاس اسپیکر ایاز صادق کی زیر صدارت جاری ہے۔وزیراعظم شہباز شریف وفاقی وزراء کے ہمراہ اجلاس میں پہنچے، انہوں نے اپنی سیٹ پر بیٹھنے سے پہلے اپوزیشن لیڈر محمود خان اچکزئی، پی ٹی آئی چیئرمین بیرسٹر گوہر، اسد قیصر سمیت دیگر رہنماؤں سے مصافحہ کیا۔

قومی اسمبلی نے قومی بجٹ 2026.27 کی منظوری دیدی، قومی اسمبلی نے فنانس بل 2026 منظور کرلیا،فنانس بل وزیر خزانہ محمد اورنگزیب نے پیش کیا، تحریک انصاف منظوری کے دوران موجود نہ تھی، بجٹ میں شامل ٹیکس و ڈیوٹی سے متعلق ترامیم پر عمل درآمد یکم جولائی سے شروع ہوگا ،بجٹ کا مجموعی حجم 18 ہزار ارب روپے سے زائد ہے

وزیر اعظم محمد شہباز شریف نے ایوان میں اظہار خیال کرتے ہوئے کہا کہ اپوزیشن لیڈر نے کہا کہ یہ حکومت جائز نہیں ہے اگر 2018 کی حکومت جائز تھی تو یہ حکومت بھی جائز ہے اس وقت تو جہاز بھر بھر کر پٹے پہنا کر حکومت بنائی گئی ،آپ کو تحقیقات کا شوق ہے تو 2018 سے شروع کرلیں اس کے بعد 2024 کے انتخابات پر بھی آجائیں گے۔

سپیکر قومی اسمبلی سردار ایاز صادق اپوزیشن لیڈر کے ان پر الزامات پر برس پڑے منہ توڑ جواب دیا اچکزئی سپیکر کا جواب سنے بغیر ایوان سے واک آؤٹ کرگئے ،سپیکر نے اپنے ریمارکس میں کہا کہ مجھے کہا گیا میں نے آئین توڑا ،مجھے بتایا جائے میں نے کون سا آئین توڑاہے ،اگر آپ پاکستان کے مقابلے میں افغانستان کا ساتھ دینے کا اعلان کریں گے تو میں اپکو نہیں کرنے دوں گا اگر آپ فوج اور عدلیہ کے خلاف بات کریں گے تو نہیں کرنے دوں گا ۔اگر پاکستان کے آئین پر عمل کرنا آئین توڑنا ہے تو بار بار توڑوں گا۔سپیکر قومی اسمبلی اپوزیشن لیڈر کے الزامات کا جواب دیتے جذباتی ہوگئے

فتنہ الہندوستان کی حمایت یافتہ بلوچ یکجہتی کمیٹی (بی وائی سی) کے ریاست مخالف ’’مسنگ پرسنز‘‘ بیانیے کو ایک بار پھر شدید دھچکا پہنچا ہے، جب تنظیم کی جانب سے لاپتہ قرار دیے گئے ایک شخص کے بارے میں نئی تفصیلات سامنے آگئی ہیں۔

ذرائع کے مطابق بلوچ یکجہتی کمیٹی نے 17 اگست 2025 کو یوسف نامی شخص کو جبری گمشدگی کا شکار قرار دیتے ہوئے اس کی گمشدگی کا الزام ریاستی اداروں پر عائد کیا تھا۔ یوسف کو بی وائی سی کے احتجاجی دھرنوں اور بیانات میں بطور ’’لاپتہ فرد‘‘ پیش کیا جاتا رہا۔تاہم بعد ازاں سامنے آنے والی معلومات کے مطابق یوسف درحقیقت 2025 میں بھارتی پراکسی دہشت گرد تنظیم فتنہ الہندوستان میں شامل ہوا تھا، جس کا اعتراف خود تنظیم کی جانب سے بھی کیا گیا۔ سیکیورٹی ذرائع کا کہنا ہے کہ یوسف 5 مارچ 2026 کو ضلع پنجگور میں سیکیورٹی فورسز پر کیے گئے ایک دہشت گردانہ حملے کے دوران مارا گیا۔ذرائع کے مطابق اس واقعے کے بعد بلوچ یکجہتی کمیٹی کے اس دعوے پر سوالات اٹھ رہے ہیں کہ جن افراد کو ’’لاپتہ‘‘ قرار دیا جاتا ہے، ان میں سے بعض بعد میں دہشت گرد تنظیموں کے ساتھ وابستہ پائے جاتے ہیں۔ مبصرین کا کہنا ہے کہ یوسف کے معاملے نے ایک بار پھر مسنگ پرسنز سے متعلق پیش کیے جانے والے بعض بیانیوں کی ساکھ کو متاثر کیا ہے۔

سیکیورٹی حلقوں کے مطابق ریاستی ادارے دہشت گردی کے خاتمے اور امن و استحکام کے قیام کے لیے کارروائیاں جاری رکھے ہوئے ہیں، جبکہ ایسے واقعات حقائق کی بنیاد پر تحقیقات اور معلومات کی تصدیق کی اہمیت کو بھی اجاگر کرتے ہیں۔